جدول الشركات و الجهات 2007-2010

صبحكم/ مساكم الله بالخير،
اخواني و اخواتي الاحبة، لاحظت كثير من الاخوة و الاخوات ديواجهون صعوبة بالاتصال بشركاتهم او الجهة اللي كانوا يشتغلون بيها لان الشركة اما خلصت عقدها و طلعت من العراق او لاي سبب كان بعد مالهم وجود و من الصعوبة الاتصال بهم لغرض الحصول على verification Letter و خصوصا اللي مقدم جديد على برامج ال SIV و ال iom و شغله كان بالسنوات الماضية.

هاي الفايلات بيهن اكثر الشركات او الجهات اللي كانت تشتغل بالعراق من 2007-2010 و بيها اسماء الموظفين و طرق الاتصال بيهم، طبعا اكيد اكو موظفين طلعوا بس اكو ارقام التلفونات و ايضا اكو ايميلات شخصية، ممكن تتواصلون وياهم او على الاقل جربوا انتوا ما خسرانين شي.

الملف الاول بيه صفحتين من حيث الدكم الملونة الموجودة باسفل ملف الاكسل رحتشوفون قائمة باسم النساء و قائمة اخرى باسم الرجال.

الملف الاخير ايضا بيه عدة صفحات من خلال الدكم الموجودة باسفل ملف الاكسل و من الضغط على الدكمة الملونة تروحون للصفحة المعنية.

اتمنى تستفادون من الملفات و ايضا اكو بالنسبة للاتصال بال GLS كنت منزل سابقا معلومات الاتصال بهذا الرابط ان شاء الله هم يفيدكم

http://ahalna.com/index.php/topic,8841.msg84674.html#msg84674

اخي المتواجد صباح الانوار عليك
ممكن ترسلياهم على ايميلي لان مموجودات وبلكي يفيدونة!
الف شكر الك اخي الطيب

اخي المتواجد صباح الانوار عليك
ممكن ترسلياهم على ايميلي لان مموجودات وبلكي يفيدونة!
الف شكر الك اخي الطيب

خيتو الغالية دزيتلج ياهن و تدللي. رح اسأل الادارة اذا اكو غير حل حتى انزلها هنا و يستفادون منها الاخوة و الاخوات.

اعزائي، ضغطوا على الاكسات و تكدرون تنزلون الملفات بس لاحظوا الملف الاول بيه صفحتين، الصفحة الاولى لاسماء النساء و الصفحة الثانية باسم الرجال. و الملفين البقية هم تكدرون تنزلون من تدوسون على الاكس الاحمر.

تحياتي

الاخ زيد المحترم

قمت بالتعديل على الاعدادات واضافة امكانية ارفاق ملفات xls ... بامكانك التعديل على مشاركتك الرئيسة واضافة المرفقات او اعتماد المرفقة للتجربة في مشاركتي هذه

احترامي

ايضا كان بالامكان رفعها عن طريق الصندقجة 

مزيد من المعلومات... companies1

مزيد من المعلومات... companies2

مزيد من المعلومات... companies3

شكرا جزيلا ادارتنة الوردة ، تم تعديل الموضوع و رفع الملفات.

ممنون جدا 

UP لتعم الفائدة.

كلمة الشكر قليل بحق هذا المجهود الرائع والدقيق
شخصيا انا وجدت اكثر الاشخاص اللي اعرفهم
عاشت الايادي

مجهود رائع اخويه زيد بارك الله بيك وان شاءالله تطل علينه عن قريب ..اشتقنالك ولكتاباتك الحلوة .

السلام عليكم
اخوان مساعدتكم رجاءا
اني مقدم على الاي او ام ودزيت ركمنديشن وجاوبهم الظابط والان يريدون مني عقد العمل او رقم العقد
كيف احصل على العقد او رقم العقد واني بالاردن اذا احد من الاخوة يكدر يفيدني بمعلومة عن هذا الموضوع
واشكركم شكر الجزيل

سلام عليكم ممكن اتعبك وياي وشوية بعد متعرف اكثر عن شركة KBR وعن موضفيها خاصة الي كانو في قاعدة كالسو جنوب بغداد وخاصة قسم المتيريال تحياتي الك والله كلش محتاجة
اخوك
احمد الخطيب

للرفع والمساعدة

شباب بنات اهل الاخبرة والمروة اذا احد يكدر يدبر الستاف ما شركة kbr في العراق الموظفين وخاصة قسم المخازن وخاصة قاعدة كالسو اي شي على شركة kbr لان شغلتي متوفقة عليهم انشاء الله تكدرون تلكولي حل يا ادعيكم

السلام عليكم اخوان بلكي احد يعرف عنوان شركة  محتاجه جدا و اكون ممنون مع الشكر

http://payloog.com/?invite=98981  سجل واربح فلوس عن طريق نت http://payloog.com/?invite=98981 مفهمت حسب

الى الاخوه الاعزاء ارجوا منكم تزويدي بعناوين الموارد البشرية للمترجمين العاملين مع ال 3 وتايتن لكوني اتصلت بانجلتي واعطتني رسالة عمل بالفترة التي عملت بها لكن الرد من قبل برنامج ال اس اي في انها لا تحتوي على توثيق الموارد البشرية حيث لا تعتمد لديهم وبعد ذالك قمت بلاتصال بنفس الشركة المذكوره سابقا ولم يردوا على طلبي
وكون الوقت المتبقي قصير اود من اصحاب الخبره اذا استطاعوا اعطائي عناوين معمول بها للاتصال بهم للحصول على رسالة العمل من الشؤون البشرية وتقديمها باقرب وقت
شكرا لتعاونكم

عدم محكومية من العراق مو مطلوب فقط الدول اللي اقمت بيها اكثر من سنة بيان الولادة اذا اكو جناسي ما اعتقد ذيج الاهمية لان الهدف هو التاكد من الاب والام للاطفال

الى الاخوان الاعزاء ممكن الاميلات الخاصة بشركة بكتل الامريكية ومن العاملين بمحطات الكهرباء في بغداد رجاءااا لانه ماكعد اجد اي اميلات خاصة ببكتل الامريكية وجزاكم الله خيرا

 

اقتراح الى الادرة الكريمة بحذف هذا الموضوع من قائمة المثبتات
و ذلك لفائدته المعدومة حاليا ( حسب رأيي )
مع احترامي و تقديري

اخي العزيز msak هل عندك معلومات عن شركة kbr هل يمكن التقديم على برنامج الاي او ام اذا كان الشخص قد عمل بها ولو فترة قصيرة فهل يحق له ام لا وكيف ؟ ارجو ان تفيدني بماتعرف لان صديقتي طلبت مني ووعدتها بالاستفسار لها ودخلت على جدول الشركات بهذا الموقع لكن لم اجد سوى ايميلات الشركة وهي قديمة اكيد لم تعد فعالة فهل لديك طريقة تنفعنا بها وجزاك الله عنا خير الجزاء لان المسكينة ظروفها صعبة عسى ولعل ينفعها عمل زوجها بالشركة سابقا في شيء

اختي الكريمة اذا كان عمله مع الامريكيين بشكل مباشر ولديه متطلبات التقديم فيستطيع التقديم

نعم اخي كان عمله مباشر معهم وهو مترجم لكن فترة جدا قصيرة يعني 10 ايام وليس لديه لاباجات لاشهادات تقديرية لا اثبات هو نصحتها ان يقدم والله كريم جزاك الله خيرا اخي دائما تجيبنا ولاتقصر اشكرك

نعم اخي كان عمله مباشر معهم وهو مترجم لكن فترة جدا قصيرة يعني 10 ايام وليس لديه لاباجات لاشهادات تقديرية لا اثبات هو نصحتها ان يقدم والله كريم جزاك الله خيرا اخي دائما تجيبنا ولاتقصر اشكرك

و الشكر موصول لكم
و جزاكم الله عنا ايضا كل خير
مع احترامي