الى كل من لديه معلومه حول ولايه ماريلاند Maryland ???

الكاتب موضوع: الى كل من لديه معلومه حول ولايه ماريلاند Maryland ???  (زيارة 7130 مرات)

0 الأعضاء و 1 ضيف يشاهدون هذا الموضوع.

Jun 26, 2012, 05:57 مساءاً
The Magusكاتب الموضوع
  • *
  • مشاركة: 337
  • مقيم في: us
  • تقييم 4
  • الجنس: ذكر
شباب مساعدتكم حول محاسن ومساوء هاي الولايه...مشكورين مقدما :) :) :) :) :) :) :)
“Nobody can go back and start a new beginning, but anyone can start today and make a new ending.”

Jun 26, 2012, 10:34 مساءاً
ام اتنا
  • *
  • مشاركة: 584
  • تقييم 9
اخي العزيز the magus عندي صديقتي بايام الكلية عايشة بمريلاند هذاك اليوم سالتهة وجاوبتني بس معلومات بسيطة لان هي متكعد هواية علنت المهم
ميريلاند مثل بيقة الولايات طبيعتهة كولش حلوة وتكثر بيهة البحيرات وقريبة جدا على الواشنطن دي سي وفرجينيا الايجارات مقارنة ببقية الولايات تكون ارخص ومتحتاج سيارة للتنقل الباصات موجودة والميترو هم بحيث هي دوامهة بواشنطن وزوجهة يداوم بفرجينيا يرحون ويجون كل يوم بالميترو ميطولون ساعة وحدة بينما احنة نطلع لباب الشرجي لو للكرادة واحنة ابغداد نطول ساعتين يلة نوصل هههههه
يعني معلوماتي مو قوية بس حبيت اجاوبك لان محد جاوبك ليهسة مع انه انت متقصر بردودك وتحياتي الك واتمنالك الموفقية
ها واكو شغلة دزتلي الصور مال منطقتهم هناك مااكلك تلكي البط يتمشى وية الغزلان وية الارانب فد منظر يبجي ههههههه والحدائق روعة

Jun 26, 2012, 11:15 مساءاً
bleeding love
  • *
  • مشاركة: 277
  • تقييم 3
  • الجنس: أنثى
اخي هذا اللي كدرت احصل علي لحد الان وانشاء الله اكون اسعدتك بهاي المعلومات العامة عن الولاية وانشاء الله سوف ابحث لك عن المزيد
شعار الولاية ...






علم الولاية ...





تقع ولاية ميريلاند او موري لانج في الجزء الأوسط للولايات المتحدة الأمريكية




الذي يطل على

المحيط الأطلنطي ويعود اسم الولاية الى الملكة هنريتا ماريا

زوجة الملك تشارلزملك انجلترا.


وشعار الولاية هو

"أفعال الرجال وكلام النساء " Fatti maschii, parole femine








وتبلغ نسبة المسلمين في ميريلاند 1.4% أو حوالي 70.000 مسلم من اجمالي
السكان حسب تقرير مجلس المنظمات الاسلامية في مدينة شيكاغو ومن أهم م
عالم الولاية مالتينري الأثرية، وقناة اوهايو وتشيز بيك ومتحف الأحياء المائية
القومي ومركز الأبحاث العلمية في مدينة بالتيمور وكذلك الأكاديمية البحرية
في العاصمة أنابوليس وتشتهر ميريلاند بأنها مسقط رأس الزعيم الأمريكي
جون هانسون الذي رأس الاجتماع القاري عند تأسيس الولايات المتحدة.
كما أنها مسقط رأس الممثل جون وايكس بوث الذي


اغتال الرئيس الأمريكي إبراهام لينكولن .








جغرافية ميريلاند:


يحد ولاية ميريلاند شرقا" ولاية ديلاوير والمحيط الأطلنطي وغربا" ولاية فيرجينيا
وشمالا" ولاية بنسلفانياوجنوبا" مقاطعة كولومبيا. وتتكون الولاية من 23 مقاطعة
ومدينة واحدة مستقلة وتبلغ المساحة الكلية لها 25.315 كم مربع.
ويقسم شرق ميريلاند خليج تشيز بيك والذي يمتد حتى الحدود الشمالية
للولاية ويفصلنهر بوتوماك ميريلاند عن ولاية فيرجينا.







يتميز طقس ميريلاند بالصيف الحار والشتاء المعتدل ويوجد بالولاية
الكثير من الغابات تبلغ مساحتها 1.2 مليون هكتار.






مدينة أنابوليس هي عاصمة الولاية ويبلغ عدد سكانها 36.178 نسمة
وتعد مدينة بالتيمور من أكبر مدن الولاية
الولاية طبعا دراسية بحتة ، وفيها جامعات قوية جدا ،، أبرزها جونزهبكنز و يونفيرستي أوف ميرلاند ، طبعا ميزة الجميلة أنها قريبة جدا من واشنطن دي سي وكذلك فيرجينيا تقريبا نص ساعة أو ساعة ،،

الأمان غالبا الولاية آمنة ما فيها خوف ، الولاية غالية نوعا ما ،، السكن ممكن من- 700 وأنت طالع ،،
ونقلا عن  احدى الاخوات هناك في منطقة بالتيمورانا اسكن مناطق batlomier حاولي 6 الشهر .بالنسبة الى المنظمة هي (IRC) ....
بالنسبة الى المساعدات جيد اذا يكون اعزب سوف يعطى مال مدة شهرين حاوالي كل شهر 7 ورق من غير ايجار ا..بالنسبة الى المدرسة قريب جدا من السكن وهناك bus مدرسة بالنسبة الى الاطفال حتى هناك  دروس اضافية الى الاطفال بعد الدوام الرسمي يكون الى 6 مساء .بالنسبة الى الشقة يكون جيدة يكون الاسعار من 6 اورق الى هي غرفة نوم وصالة و 7 ورقة بالنسبة الى غرفين وصالة منطقة امنية جدا ...بالنسبة الى المساعدات جيدة حسب البرامج . بالنسبة الى الشغل موجود في مصنع الخضروات او مصنع الفواكة او تنظيف في الفندق....الخ ...لشقة والفود ستام

بالنسبة اول متوصل  الشقة كل شى موجود وجديد من غرفة نوم ومطبخ وصالة  وتلفون على حسب المنظمة فقط  الاجهزة الكهربائية غير موجود ولكن وحصول علية بسهول .حتى عندما تأتي الى الشقة الاول اليوم يكون هنا عشاء او غداء ..مساعدة نوع ما جيدة خاص بالنسبة الى العوائل عندها الاطفال  انا عند 2 اطفال في المدرسة.
 بالنسبة الى الاجهزة الكهربائية يكون هناك سوق يوم السبت والاحد يكون نصف الاسعار يكون زهيز جدا حتى يكون مكواة حاولي (2.5) دولا .....والى الخ .فقط اشتري من بغداد محول تحويل الفولطية من 250 الفولط الى 110  الفوط هذا تستعمل فقط التلفون(موبايل)  لانه الكهرباء في امريكا يكون 110 فولط  وبالنسبة الى الملابس جدا رخيصة  بس الحذاء والجنطة غالي والمشكلة الدواء هم غالي ايضا بالنسبة الى الجو هو باردة جدا في الشتاء وحار في الصيف 
بالنسبة المناطق  الجيدة نوع ما مناطق batlimore  او مناطق morev pat مناطق فيها سود اكثر من البيض ولكن مناطق امنية

Jun 26, 2012, 11:27 مساءاً
bleeding love
  • *
  • مشاركة: 277
  • تقييم 3
  • الجنس: أنثى
برنامج المساعدات هناك نوعين من المساعدات ؟
1 - البرامج مدة خمس سنوات ولكن فقط دفع الايجار الشق عند وجود شغل سوف ينقطع عليك المساعدات .
2 - البرامج مدة الاربعة الشهر دافع الايجار وذلك الكهرباء والتلفون واعطي مبلغ من المال حول 200 دولا كل شهر بالنسبة الى البر من 18 سنة اما اصغر سوف يكون 120 دولا منظمة هي تجد لك شغل واذ موجود المنظمة شغل لك سوف تحويل على البرامج الاول .
دائما البرامج الثانية افضل من البرامج الاول هذا بالنسبة الى راي .
ملاحظة جدا مهم .. حاول تأتي معك اجازة سواق الاانه الاجازة سواق في ميرندلا صعبة اي اجارة عموية او الخاص وليس اجازة الدولية اوكي .
ويجب جلب دفتر التلقيحات للاطفال لانو اذا متجيبوها يرجعون يلقحوهم من اول وجديد
والبرامج اللي ذكرتها سابقا انت تختار احداها ملاحظة مهم جدا عن توقيع على الاورق في المنظمة خاصة على موضوع الفلوس حول تفتهم قبل ماتوقيع
بالنسبة الى شخص عمري حوالي 63 سنه فان سوف تحويل الى التقاعد يكون المساعدات هي دافع الايجار الشقة مدة الحياة وذلك الضمان الصحية و مبلغ من المال قدرة 5 ورق وذلك اشترية بطاقة الباص نصف الاسعار وكذلك الفود ستامب مستمر .
اما شخص اذ كان مريض هناك تقرير الطبية تأثب ذلك فأن المساعدات استمرار حوالي خمس سنوات .
اما بالنسبة الى سكن الشقة هو اختيار شخصي الموضوع راجع لكم انت تريد انت تسكن مع اهلك او لا

Jun 26, 2012, 11:40 مساءاً
BaghdadGhost
  • *
  • مشاركة: 3509
  • مقيم في: us
  • تقييم 55
  • الجنس: ذكر
    • بيت اهلنا المغتربين
ولاية جميلة جدا و تطل على المحيط و بنظري نوعا ما فرص العمل فيها اوفر كونها قريبه من العاصمة والعلم عند الله

Confidence comes not from always being right, but not fearing to be wrong

Jun 27, 2012, 03:00 صباحاً
The Magusكاتب الموضوع
  • *
  • مشاركة: 337
  • مقيم في: us
  • تقييم 4
  • الجنس: ذكر
شكرا ام اتنا والله فدتيني بمعلوماتك.....معلومات جيدة....بس خوش شغله انه اني حلكه البط يتمشى ويه الغزلان...يعني اتغده بط واتعشى غزلان هههههههه
ذكرتيني بقصه قديمه...فد يوم كنت دا اشتغل واجاني المدير مالتي طبعا هوه امريكي...كلي .........حننقل وانته لازم تجي ويانه(على اساس اني ساسوكي)كتله يله ميخالف.المهم كنت حيل ضايج وجماعتي ضايجين لان ان حعوفهم بعد عشرة دامت اكثر من سنه....اجه ولد توه متعين وشمروه علينه .المهم كعد يمي وعلى اساس يواسيني.هوه كان مكيف لان محد كان يعرفه هنايه.اقصد بالمكان اللي كنت اني بيه.ضل يكلي ويوصفلي المكان اللي رايحيله على اساس هوه اصله مناك وكان ابوه ياخذه للصيد وياه.كلي مكان حلوه والله وكله وديان والناس تصيد غزلان..كتله يمعود مين اكو غزلان بالعراق كال لا بداعتي اكو هناك المهم.انقلنه والسيارات كانت تمشي بينه وانه اسأله وين الوديان وين الخضار جان يكلي اصبر حنوصل(على اساس اني جاي من الهند وما اعرف عن العراق وترابه) المهم وصلنه وطلعت المنطقه كلهه عجاج.اربع وعشرين ساعه هوه عالي وعجات.صحراء وكاع مبيهه حتى عاكول.انصدمت وكرهته للولد اكثر من ماتتصورون.طلعتله اسم ابو الغزلان..بعدين صار صديقي كلش وسكن وياي بنفس الغرفه.طبعا اليوم اتصل بيه...
انشاء الله اروح واشوف الغزلان لان ضلن بنفسي ههههههههههههههه
شكرا ام اتنا مره ثانيه وربي يوفقك ويوفق الجميع...سلامي لابو اتنا واتونه الكتكوته
“Nobody can go back and start a new beginning, but anyone can start today and make a new ending.”

Jun 27, 2012, 03:05 صباحاً
The Magusكاتب الموضوع
  • *
  • مشاركة: 337
  • مقيم في: us
  • تقييم 4
  • الجنس: ذكر
كلمه شكرا غير كافيه للتعبير عن امتناني لكي يا اختي الغاليه Bleeding love مقصرتي ابد وفدتيني حيل بالمعلومات اللي طرحتيهه حول استفساري..يارب يوفقك ويسهلك امرك ويفرجهه عليك دوم.....انشاء الله دوم تلكين المساعدة مثل ما انتي دتساعدين اهلك في هذا المنتدى.اسأل الرب ان يحفظك ويحفظ عائلتك.شكرا جزيلا على كل حرف كتبتيه وكل معلومه شاركتينه بيهه.تعبتك وياي...بارك الله بيك
“Nobody can go back and start a new beginning, but anyone can start today and make a new ending.”

Jun 27, 2012, 03:07 صباحاً
The Magusكاتب الموضوع
  • *
  • مشاركة: 337
  • مقيم في: us
  • تقييم 4
  • الجنس: ذكر
شكرا الك اخي العزيز شبح بغداد على المشاركه واعطاء المعلومه حول هذه الولايه الرائعه...اسأل الله ان يجعلها في ميزان حسناتك
“Nobody can go back and start a new beginning, but anyone can start today and make a new ending.”

Jun 27, 2012, 01:16 مساءاً
bleeding love
  • *
  • مشاركة: 277
  • تقييم 3
  • الجنس: أنثى
معقولة اخي اني مسويت شي  هذا واجبي ان اساعدك  بس دورتلك ونقلتا اللك ومشكور على كلماتك ودعائك اللي ويارب بالموفقية ورح اكمل بحثي عنها واكملك عنها  و انقلة فورا ومرح اقصر شكد مااكدر رح انزلك عن هاي الولاية وانشاء الله يوم السفر القريب

كلمات بحث :
 

مواضيع ذات صلة



free counters