76 فقرة الى الراغبين بااللجوء الى تركيا ...بقلم ابو عمر تركيا ...معدلة حديثا

الكاتب موضوع: 76 فقرة الى الراغبين بااللجوء الى تركيا ...بقلم ابو عمر تركيا ...معدلة حديثا  (زيارة 9124 مرات)

0 الأعضاء و 1 ضيف يشاهدون هذا الموضوع.

Jun 01, 2012, 10:45 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
أخواني السلام عليكم ...
....( وفوق كل ذي علم عليـــــــــــــــــــــــــــــــــــم )
....والان
سوف اضع أمامك مجمل نقاط يمكن ان يستفاد منها الراغبين في القدوم الى دولة تركيا من طالبي اللجوء...
وقد وضعت هذه النقاط بناءا على التجربة الشخصية وتجارب الاخرين متمنيا للجميع الموفقية علما ان ماورد لايعني نصا دستوريا كل شيء قابل للتبدل والتغيير حسب مشكلة المهاجر
1-   القدوم يكون على الطريق البري لانه أقل تكلفة وأكثر فائدة ...
2-   جلب المستمسكات الرسمية الاصلية جميعها (هوية أحوال وشهادة جنسية وبطاقة تموينية دفتر الخدمة عقد الزواج عقد وبطاقة سكن  وهوية تهجير واي مستمسك يمكن ان ينفع )
3-   جلب موبايل من النوع الجيد معباء بخط اسيا ورصيد جيد لانه ينفع في الطريق وللاتصال باالاهل في الايام الاولى ولو عن طريق الرسائل ...
4-   جلب حاسبة لابتوب نوعية جيدة مع سيديات التعريف واي ملحقات اخرى ...
5-   جلب ستلايت بدون الطبق مع ملحقاته ..
6-   جلب بلي ستيشن للاولاد واي لعبة يمكن ان يحتاجوها مع اقراصها ...
7-   جلب صور ان وجدت لتفجير بيت او سيارة او تهديد شخصي ..
8-   جلب شهادة وفاة اي شخص من العائلة كان قد تعرض لقتل اواصابة واعني تقرير مستشفى ومحاضر شرطة ان وجدت ...
9-   جلب سند طلاق او اي حكم قضائي يمكن الاستفادة منه وخاصة للاخوات المطلقات لااثبات حالة الزواج او الطلاق ...
10-   اي حجة وصاية لااثبات نسب لااي فرد في حالة وجود انكار من قبل اي طرف من الزوجين ..
11-   اما مستلزمات القدوم من اثاث وغيره فكل الاشياء متوفرة هنا في تركيا وبااسعار مشابهة لااسعار العراق ...لذا لاداعي ان تجلب سجادة او اي مواد طبخ ..
12-   ادوات المطبخ والمعيشة جميعها متيسرة واكثر ممافي بالك ..ولاتجلب معك السكر والرز لانها متوفرة بااسعار العراق ...فقط عليك جلب انواع من البهارات والعنبة الطوز والنومي بصره والكاري لاانها غير متوفرة في بعض المحافظات ولربما موجودة في بعضها ...
13-   جلب بطانيات وبعض الشراشف ولاتجلب المخاد والدواشك والجودليت لانها جميعها متيسرة وبااشكال مختلفة ...
14-   لاداعي لان تجلب اي شيء مترجم ماعدا الشهادة الدراسية ...
15-   التاكيد على الجانب الامني واعني الذي لديه مشاكل سرقة وبصمات ومشاكل جرمية فان هذه تنكشف لان تركيا واللجوء ليس مرتع للمجرمين ...فقط الذين لديهم بصمات لدى الشركات الامنية والدوائر فان لها تعامل من نوع أخر ...
16-   طرح مشكلة حقيقية لمشكلة اللجوء وعدم المماطلة وطرح قصص من نسج الخيال وفيها كذب فاضح ...هذا لاينطلي عليهم ممايؤدي الى تأخير او رفض معاملتك وباالاخير معناها انك ستنام في تركيا فترة ليست بالقليلة ....
17-   تصريف مبلغ 100 دولار لااغراض استخدامات الطريق من شراء بعض الامور والاحتياجات الشخصية وكذلك دخول دورات المياه (بليرة18-لاتجلب معجون الطماطة والاسنان واية لحوم انما فقط بعض المعلبات والفول والباقلاء اليابسة ومعسل النركيلة ونركيلة وهي موجودة هنا لكنها شوية غالية ...
20-   اخواني كل شيء موجود في تركيا ...لكن انت اجلب المتيسر تحت يدك ولاتشتري شيء ...
21-   كم تكة من السيكاير واعني من 10 -15 تكة ان لم تدخنها فاانها تنفعك ببيعها كون السيكاير غالية في تركيا ...
22-   عندما تصل الى انقرة تنزل في الكراج وتذهب انت وعائلتك الى اقرب فندق وتمكث فيه ليلة لتذهب صباحا في السادسة والنصف او السابعة انت بباب ال UN
23-   تقدم جوازك ليتم اخبارك بموعد مقابلتك والمدينة التي انت مرشح عليها لتذهب بعدها الى المدينة مباشرة لتجد لك سكن وترتب امورك هناك ...وبمساعدة الخيرين من العراقيين ...
24-   الكف ...الكف ..عن الثرثرة والكلام الفارغ وانك كنت وكنت وحاول ان تكون متكتم على اسرارك لان هناك فئة ضعيفة النفس تستخدم اقوالك للكتابة عليك الى اليو ان والكلام كثير بهذا الشأن ...لان طبع النفاق لم يغادر الناس بعد ...
25-   الايجارات نوعين الاول على الغاز والاخر على الفحم ...الذي ليس لديه موارد وحالته ضعيفة يؤجر الفحم لانه أنسب له لكنه مؤذي كون الفحم حجري ولايشتعل ويعطى لك مجانا من قبل الدولة التركية ...في منتصف الشهر ال11
26-   يتم ارسال الحوالات المصرفية لك عن طريق الويسترن يونين الى تركيا والعملية سهلة فلا تهتم للتحويلات المالية
27-   الاولاد يتم تسجيلهم بمدارس تركية عادي جدا وبدون وثائق وانما تقدير عمر وسؤال عن المرحلة ...وكذلك الروضة وكل المراحل الاخرى
28-   جلب معطف لك من سوق اللنكات في الباب الشرقي لان الجو في تركيا شديد البرودة ...
29-   المصوغات الذهبية لاتنفع ولانها لاتباع ولاتشترى في تركيا لانها تحتاج الى وصولات والوصولات تحتاج الى فهم وبالنهاية ياخذها منك بنصف قيمتها حاول تصفية الذهب وحوله الى مال ...
30-   تركيا بالمجمل الحياة فيها شبه غالية التحذير من صرفيات الكهرباء غالي جدا عندهم وكذلك الغاز الدبة بسعر 60-70 ليرة يعني بحدود 40 -50 دولار والاسعار تختلف
31-   الاتراك لايعرفون النفط تقريبا ولايعرفون اللغة الانكليزية الابشكل بسيط في الغالب ...
32-   الشعب التركي شعب متدين وراقي ومهذب ورائع وأناس متعاونين جدا ولايخلو زاغور من واوي ...ولكنهم الغالبية طيبون ...
33-   الامان والامن متوفر ويمكنك ان تخرج لتعود فجرا في اي ساعة تشاء
34-   أترك وأخلع ردائك الطائفي وأنسى هذه الخزعبلات التي أضرت ولم تنفع أحد أنما مزقت الناس وضيعت بلد ...واللي يدور هذه الشغلات فعليه البقاء في البلد ويتونس بيها من اي طائفة أوملة ...تعال بنفس نظيف وكن راقي مع نفسك ...
35-   منتسبي الجيش العراقي السابق والحالي والشرطة والاجهزة الامنية عليهم ترتيب انفسهم ...وايجاد سبل جديدة في اللجوء...والعاقل يفهم
36-   احسب حسابك ماديا أقل شيء يرادلك من 500 دولار شهريا مع الاقتصاد الشديد والسكن في ايجار فحم وفي مناطق دون الوسط ...
37-   اجلب كل ماخف وزنه وغلى ثمنه ....
38-   لاتفكر في العودة وحاول تصفية امورك او تاجليها لان عودتك تخربط عليك ملفك وتدمر شغلة التقديم ...لان بعودتك تكون كاانما قد كذبت عليهم وان حياتك ليست في خطر ...
39-   التزم اخي بالقانون والنظام لانك في دولة مؤسسات ولها كيانها وقدرتها على طردك بيوم وليلة ان انت تصرفت برعونة حشى قدركم ...ولاتاخذ بكلام من يدعي البطولة والتصرفات التي تؤدي بك الى الضياع ...
40-   العمل رسميا في تركيا بالنسبة الى اللاجىء ممنوع ولكن توجد بعض الاعمال الخدمية في غسل السيارات ومحطات البنزين والاخشاب وهي في الحقيقة غير مجزية الاجر ...ولازم تخلي ببالك انك معرض للحساب في حالة القاء القبض عليك ...
41-   اتمنى من جميع الاخوة التعليق الموضوعي والمنطقي والمفيد وتبادل الافكار وعدم طرح ماطرح ...لاني سوف لن أجيب على المكرر واتمنى من الجميع مراجعة الصفحة دائما لاانني سوف اعدلها دائما ...بناءا على افكار جميع الاخوة واتمنى من الجميع الدعاء لي بتسهيل الامر والسفر العاجل غير الآجل ...
42-   وأذكــــــــــــــــــــــــــــــــروا الله يذكركم ....
44- وهذا رابط اليو أن عندما تقدم وتجري المقابلة الاولى تضع رقم الكيس ومواليدك لترى موقفك ...http://results.unhcr.org.tr/
45- وهذا رابط منظمة ال ICMC....لما الله يوفقكم ممكن ان تعرف من خلاله موعد طيرانك ..http://www.turkey.iom.int/[/ur46- .............شطبت .................
47- أخواني أذكركم باني سوف أ‘عدل واضيف فقرات جديدة حسب تطور الوضع وكذلك تعديل سعر صرف الليرة ...يوميا
48- اخواني لاتنسى الكاميرا لتثبيت الذكريات خلال سفرتك...
49- لاتنسى دفتر الخدمة العسكرية وتفاصيل خدمتك في الجيش وخاصة ممن حضروا الحرب العراقية الايرانية
50- رتب لك تفاصيل قصة من خلال الاحداث وتفاصيل المعتدين ملابسهم اسلحتهم توقيت هجومهم عليك سياراتهم الوانها المكان الزمان
      رتب لك قصة بحيث عندما تتحدث بها يقتنع بها الذي يقابلك ...
51- هناك ملاحظة أخواني لازم تتاكد من اسمك واسم عائلتك واسم الاب والجد في جوازك وجوازات العائلة حتى لما تسلم الكوبي مالتها
     تكون متتطابقة مع الاصلي لان هناك الكثير من الاخطاء في الجوازات العراقية ..
53- الزم ايدك في الصرف في الايام الاولى خاصة وحاول ان تتعامل في الاسعار مع الاتراك ...حيث اننا نزلنا سعر قمصلة من 500 ليرة الى
      250 ليرة وقيس كيفية التعامل ...
54- احجي لكم شوية على السكن ..السكن نوعين فحم ودوار الغاز ...الفحم ليس كاالفحم الخشبي اللي بالعراق انما حجري ...وهذا صعب
      الاشتعال وخاصة اذا كان مرطوب اي ماخذ مي لان هو دائما مخلي تحت الظروف الجوية وبعدين هم يوزعون على اللاجئين بعد مايخلصون
      الاتراك يعني باالاخير ..طبعا الفحم الحجري يحتاج صوبة خاصة متيسرة بس اللي بيه الدخان اللي يكون كلش قوي ومؤذي ويأثر على
      الاطفال وكبار السن والباقيين ...بس هو يعطى لكم مجانا بمعدل طنين يعني 80 كيس ...
      اما دوار الغاز فهو رائع وصحي وتستفاد منه للطبخ والاستحمام لكن مشكلته انه غالي ومكلف وخاصة الكهرباء جدا غاليه في تركيا ...
      الفرق بين الاثنين ان الاول مناسب ورخيص والثاني غالي ومكلف حتى تكونوا على بينة
55- أخواني اوصيكم الحفاظ على اسرارك ورقم الكيس وال تي يو اللي راح يعطى لك بعدين وحاول لاتنزل رقم الكيس نمبر بحاسبة صديق
      لان يبقى محفوظ فيها ويمكن يسوي الك مشكلة مستقبلا  وكذلك اي اوليات اسرار عملك السابق او تفاصيل قصتك
      لان احتمال يستخدم ضدك ...لاسامح الله
56- تذهب الى المقابلة وانته مرتب ولابس ملابس نظيفة ووضعك مرتب ولاتذهب وانت مبهذل لان هذا لايكسر خاطر احد ...
57- اذا كنت بحاجة الى مساعدة مادية ممكن ان تقول لهم في المقابلة الاولى بس لازم تخلي ببالك ان المساعدة تاتيك بعد اربع او ست
     اشهر حيث يعملون كشف على سكنك لذا لازم يكون وضعك تعبان تره يالله يعطوك ...
58- لاتوجد الان مساعدات الان في اغلب المحافظات التركية الا الشيء القليل لذا لاتفكر الا باالاعتماد على نفسك ....
59- العمل على جلب كل افراد الاسرة وعدم ابقاء احد منعا للااطالة والشكوك
60- أخواني تردد في الاونة الاخيرة ان الدولة التركية تتاكد من سلوكية وتوجه العراقي القادم ...وهنا اريد ان اووكد ذلك دون ان يؤثر على التقديم
      وأنما هو حرص الحكومة التركية على اللاجئين من دخول عصابات ومليشيات اهلية وحكومية لمتابعة بعض العراقيين الهاربيين من جرائم
      الحكومة العراقية وغيرها من العصابات الاجرامية ...لذا وجب التنويه ...
62- على الاخوة القادمين جلب سند بيع الدار وتغيير الملكية في حالة تغيير السكن نتيجة الاعمال الارهابية والتهجير الطائفي ...لانها تنفع
      في تاكيد المعلومات المطروحة في القضية ...
63- كتاب الفصل الوظيفي والطرد نتيجة التعسف الطائفي او النقل بعيدة عن السكن بغية التهجير ...
64- هوية دائرة الهجرة في حالة تغيير السكن من منطقة الى اخرى والصدرة من وزارة الهجرة والمهجرين ...
65- رسم الاقامة للشخص البالغ سبعة دولارات ونصف ونصفها اي ثلاث دورات للقاصر كل ست اشهر ...ماعدا سعر دفتر الاقامة  (الكملك )
      170 ليرة يدفع ولمرة واحدة للعائلة وبعض الاحيان يعطى واحد للعمة اوالخالة والخال ...يعني لكل واحد منهم دفتر لوحده ب170 ليرة...ولاتوجد غرامات وانما هو رسم الآقامة ...
66- انت في تركيا لك جميع الحقوق ماعدا العمل رسميا كونك لاجىء ...ولايجوز الاعتداء عليك وباامكانك تقديم الشكوى واسترداد
      كل المدفوعات لك في حالة الضرر ...
67- طبعا الاخوة اللي لهم رغبة في المشروبات الروحية ممكن ان تجلبها معك لان في تركيا هذه المشروبات الروحية غالية ...
68 - عنوان ال UN...في انقرة هو ....كاالاتي ...وتكتبه بورقه وتشوفه للسائق مال التكسي وهو يوديك ...
     BMMYK
     Birlesmis milletecller yuksek komiserligi
     Sancak Mah tiflis Cad . 552 Sokak No.3
     06550 Ankara
69- ايميل ال UN......واللي ممكن تراسلهم عليه ...
turan@unhcr.org
70 - ارقام تلفونات منظمة ال ICMC....اللي ممكن تتصلون عليها وتلاحظون مواقفكم وهاي لما يتحول ملفكم الى اسطنبول
      02122192055 - 02129777001
71 - رقم الفاكس  07772100528.... لمنظمة ال ICMC....واللي ممكن ان ترسل لهم اي استفسار
72- عنوان مقر منظمة ال ICMC ...جديد وممكن ان تحصله من الاخوان
 ISTANBUL
73- التسجيل مفتوح في اليو ان ...ولاصحة لما يقال ..بانه مغلق
74- اخوانــــــــــــــــــــــــــــــــــــــــــــــــــــــــــــــــي ...الجديد الان في الحدود عدم السماح في ادخال اغلب
      الاجهزة الكهربائية لذا توخو الحذر لاانها تصادر منكم ...
75- هناك مواعيد بعيدة للمقابلات الاولى في اليو ان تصل الى بداية ومنتصف العام القادم حتى لاتفاجئون ...
76-   اعذروني الان وسوف اضيف بقية النقاط لان الذاكرة لاتخدمني واي استفسار ارحب به ...وتقبلوا كل الاحترام
77- طبعا اخواني هذه المعلومات كتبتها قبل اكثر من سنة من الان وطبعا الظروف لم تتغيير الا فقط موقع ال ICMC وطبعا تعذروني لااي تغيير قد حدث ولكنني تطرقت الى اكثر الامور التي تمس وضع اللاجىء والتي لمستها انا شخصيا خلال فتره وجودي في تركيا ....وبعد صبر سنتين وشهرين انا الان في الولايات المتحدة الامريكية وقد تحقق مافي بالي ....أسال الله بأاسمه الاعظم ان يوفقكم جميعا واتمنى عليكم الصبر فقط وصدقوني وبلامغالطة جميعكم تسافرون وتصلون وتحققون آمالكم وامانيكم ....
اخوكم .....
ابو عمر تركيا .....سابقا




Jun 02, 2012, 02:07 صباحاً
BaghdadGhost
  • *
  • مشاركة: 3501
  • مقيم في: us
  • تقييم 54
  • الجنس: ذكر
    • بيت اهلنا المغتربين
اخي ابو عمر تركيا


اسمح لي ان اكون اول المرحبين بك في بيت اهلنا المغتربين,,, عسى ان يطيب لك البقاء معنا.

حقيقة مجهود جبار و تشكر عليه

جعلها الله في ميزان حسناتك

Confidence comes not from always being right, but not fearing to be wrong

Jun 02, 2012, 02:10 صباحاً
أبوعبدآلله
  • *
  • مشاركة: 5658
  • مقيم في: iq
  • تقييم 86
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ
:ahalna_separator (27):

ألف أهلا وسهلا بك في بيتك هذا و بارك آلله ربي فيك يا أخي الغالي وآلله يرضى عليك في الدنيا والآخرة على هذا الجهد الجهيد الذي تجسد في هذا موضوعك المبارك , أشكرك يا أبو عموري الورد و أتمنى لك ولنا وللجميع كل التوفيق والنجاح ...



وإسمح لي أن أقدم لك أول درجة تقييم رد ممتاز كهدية فأرجو قبولها ...


:ahalna_separator (27):

 

Jun 02, 2012, 02:30 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
أخي الفاضل ابو عبدالله المجترم ....
اخي الفاضل Baghdad Ghostالمحترم ...

أشكرك لكم هذا الترحيب العزيز على قلبي والذي ينم عن روح العراقة العراقية المتأصلة فينا وفي جذورنا ...بالرغم من
كل من يحاول النيل من وحدة بيتنا العراقي الاصيل ...والله يااخواني اتمنى ان يستفاد كل الاخوة الراغبين بالقدوم وهي عصارة سنة وثمانية اشهر من العيش المستمر الى الان في تركيا ...الدولة الرائعة بشعبها وحكومتها التي تقدر الانسان بغض النظر عن ماهو عليه ...أسال الله التوفيق لكم ولنا في سبيل انتهاء هذه الفتره العجاف ...شكرا حسن الآدب والاخلاق العالية ...وبكل أحـــــــــترام
ابو عمر تركيا

Jun 03, 2012, 09:15 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
هم رجعنا لهاي الطريقة مال ال...UP
....والله كرهت نفسي من ورا ...UP
............كل الناس ...up.................بس أحنا down........
الك بيها ارادة ياربي ....
.................أعذروني تره اليوم أني كـــــــــــــــــــأبة مو طبيعية ...

ابو عمر تركيا ....

Jun 05, 2012, 05:53 مساءاً
المتواجد
  • *
  • مشاركة: 2647
  • مقيم في: bh
  • تقييم 28
  • الجنس: ذكر
  • When the going gets tough, the tough get going
بارك الله بيك اخوية العزيز و ربي يجعلها في ميزان حسناتك.

Jun 05, 2012, 11:25 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
اشكرك اخي المتواجد على ردك الطيب

ابـــــــــــــو عمـــــــــــــر

Jun 05, 2012, 11:31 مساءاً
حسام العراقي
  • *
  • مشاركة: 929
  • مقيم في: 00
  • تقييم 31
  • الجنس: ذكر
  • رب اشرح لي صدري ويسر لي امري
السلام عليكم

عاشة ايدك اخوية ابو عمر الورد وربي يحفظك ويجازيك على تعبك لخدمة اخوانك في المهجر . تحياتي


العقول ثلاث مستويات راقية تناقش الافكار متوسطة تناقش الاحداث صغيرة تناقش الناس

Jun 06, 2012, 12:34 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
حبيبي حسام ...المحترم
...شرفني مرورك العطر ...والله يقدرنا على خدمة الناس ....

ابو عمر تركيا

Jun 07, 2012, 11:13 مساءاً
Lord
  • *
  • مشاركة: 807
  • مقيم في: tr
  • تقييم 19
  • الجنس: ذكر
  • إن الزرازير لما قام قائمها توهمت أنها صارت شواهينا
بارك الله بيك اخونا ابو عمر . منور المنتدى
هاي خلاصه خبره مال سنتين  :D :D :D. ما مخلي شي ما كاتبه .
ربي يجعلها بميزان حسناتك
وياربي ييسر امورك ويفرجها عليك ويفرح قلبك
هذا هو حال بلد النفط . اللهم انتقم من كل من ظلم وسرق مال هذا الشعب


 وإذا أتَتْكَ مَذَمّتي من نَاقِصٍ         
                                               فَهيَ الشّهادَةُ لي بأنّي كامِلُ

Jun 08, 2012, 01:50 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
 :-\ :-\ :-\....أشكرك اخوي.....العزيز Lord........يامتألق ...جعلك الله متألق دائما.... :( :( :( :(...اي مو أني عندي دكتوراه بعلم تركيا من وره الامم المتحدة ...ومن مصايب ومشاكل الناس .... :( :( :( :(

ابو عمر تركيا.... :-\ :-\ :-\ :-\ :-\ :-\

Jun 11, 2012, 01:31 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
اتمنى من كل الاخوة الافاضل ...ان يزودوني باي معلومة اكون غافلا عنها ...حتى نضعها ضمن الفقرات لكي يستفاد منها الجميع ...وبكل احترام وتقدير


اخــــــــــــــــــــــوكم
ابو عمـــــــــــــــــــــــــــــــر تركيا

Jun 16, 2012, 05:04 مساءاً
سرى القيسي
  • *
  • مشاركة: 10
  • مقيم في: iq
  • تقييم 0
  • الجنس: أنثى
عاشت ايدك وبارك الله بيك والله اني بعدني كلشي ممسوية بس نويت اجي اقدم لجوء وكل هل اسالة اجتي على بالي وانت تقريبا

جاوبت عليها كلهة الف رحمة على والديك وكثر الله من امثالك شكد حتساعد ناس انو متتبهذل

زين الانترنت شلون؟؟ ومنين ترة هم شغلة مهمة اذا شغل ماكو وفلوس اقتصد بيها يعني راح اكابل البيت وانشف بهل فحم على الاقل عندي نت

واللغة يحتاج اتعلم لغة هناك ؟؟ بفترة ما اكون بتركيا ؟؟ لو ميحتاج واقتصر على كلمات تمشي اموري بس اتعلمهة قبل ما سافر ؟

حاليا هذا السؤال الي اجة على بالي خل اجمع معلومات بعد وارجع اسالك اذا بيها مجال والك ولكل اعضاء الموقع كل الشكر والتقدير

Jun 18, 2012, 12:12 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
عمي سرى ....تدللين واني حاضر ان شاء الله ...
الانترنت موجود القسط مالته بحدود 72-80 ليرة شهريا ويسحبوا خلال يومين الك ....الشغل موجود بس مثلما شرحت ممنوع بس من جوه وعلى المسوؤلية الشخصية وباأجر غير مجزي ....
واللغة تتعلمي كم كلمة تمشين بيها امورك وهاي هيه ...
واني حاضر وايميلي موجود في الصفحة بس لاتكرري الاسئلة اذا اكو شيء جديد بعيني ....
والف هله بيكي في تركيا ....

ابــــــــــــــــو عمــــــــــــــــر تركيــــــــــــــــــا

Jun 20, 2012, 12:01 صباحاً
سرى القيسي
  • *
  • مشاركة: 10
  • مقيم في: iq
  • تقييم 0
  • الجنس: أنثى
زين اخويا العزيز متكدر تنطيني اسم فندق اول ما اجي انزل بي بانقرة ؟؟

فد اسم معروف وعنوانة معروف وبنفس الوقت اجورة مناسبة حتى الواحد ينطي لابو التكسي واذا ميصير تنطي اسماء او تسوي دعاية على العام  اذا مابيهة اشكالية ترسليا ع خاص

واكون شاكرة وممنونة الك


Jun 20, 2012, 12:19 صباحاً
Obligor
  • *
  • مشاركة: 3431
  • مقيم في: us
  • تقييم 59
  • الجنس: ذكر
  • لا تنسى ذكر الله
اخي الكريم ابو عموري الورد
بارك بيك على المعلومات التي رفدت بها المنتدى وهي معلومات في غاية الروعة والاهمية وتسهل الطريق على الكثير ممن يحتاجون تلك المعلومات .
دعائي لك بالتوفيق والتميز والتالق دائما" وان يجعل جهدك المتميز في ميزان حسناتك وتقبل مروري مع شكري وتقديري لحضرتك .
خير الناس ... من نفع الناس

Jun 25, 2012, 05:18 مساءاً
usan20032004
  • *
  • مشاركة: 2
  • تقييم 0
  • الجنس: ذكر
أخي ابو عمر الله يبارك بيك وبعائلتك الي عرفت تربي والنعم منها ومن اصلك الطيب اخوية ابو عمر اني صارلي 7 سنين لاجيء في مصر وقبل كم يوم بلغوني انو ملفي رفض من قسم التوطين وبالتالي ضاقت بينا الدنيا هنا في مصر وبصراحة العيشة اهنا كلش صعبة من كل النواحي طبعا المادية ارخص من تركيا لكن التعايش مع المجتمع المصري جدا صعب ويرادلها اعصاب فحبيت استفسر منك ان اغلق الملف هنا في مصر وانا في كل الاحوال نويت ان اغلق الملف وسألتهم اذا اسافر فقالوا لي انه استطيع ان افتح ملف في اي دولة
وحضرتك ما خليت اي شي الا وكتبته ومشكور على ذلك وانا من بعد اذنك اطلب منك ان اراسلك على الخاص فهل ممكن وياريت تلفون ايضا واكون من الشاكرين لله ولك ....... اخوك ابو يوسف من مصر _ الاسكندرية
E-mail- usan20032004@yahoo.com

Jun 26, 2012, 03:32 مساءاً
Obligor
  • *
  • مشاركة: 3431
  • مقيم في: us
  • تقييم 59
  • الجنس: ذكر
  • لا تنسى ذكر الله
اخونا ابو عمر الطيب
هنالك طلب لاخت جديدة على المنتدى باسم (الشمرية) عن كيفية تقديم اللجوء من تركيا وان وضعها الصحي غير جيد نسأل الله يشافيها .. فارجو منك التواصل معها ومحاولة مساعدتها قدر الامكان كونك انت في تركيا اخي الكريم .. تقبل تحياتي .

Jun 26, 2012, 04:40 مساءاً
الغريبه
  • *
  • مشاركة: 102
  • مقيم في: iq
  • تقييم 0
  • الجنس: أنثى
                         الاخ الفاضل ابو عمر اني مطلقه وعندي ولد  وافكر باللجوء الى تركيا والعيش فيها مع ابني
                         لكن المشكله الوحيدة التي تعيقني هو العمل الي فهمته من حضرتك انه العنل ممنوع للاجئين
                         طيب كيف راح اعيش اني وابني؟ مع الشكر الجزيل
أنا أمرأة لاأنحني لألتقط شيئا سقط من نظري

Jun 27, 2012, 12:10 مساءاً
أرض السواد
  • *
  • مشاركة: 4
  • مقيم في: tr
  • تقييم 0
  • الجنس: ذكر
الأخ ابو عمر
السلام عليكم ورحمة الله وبركاته
لقد نشرت موضوع وتم تحويلي عليك ارجوا منك مساعدتي ولك كل الشكر والامتنان


وهذا هو موضوعي

الى الاخوه جميعا
السلام عليكم ورحمة الله وبركاته
اخواني عندي استفسار وارجوا من الجميع المساعده والاجابه ولكم كل الشكر والامتنان
سوف أسافر الى تركيا بعد عدة ايام لغرض التقديم على اليو ان وانا لا اعرف عن تركيا اي شيء كل ما اعرفه كان عن طريق المنتدى الغالي وما يكتبه الاخوه فيه ولهم جميعا الشكر
سؤالي هل يوجد سكن جماعي للأخوه العراقيين في تركيا لغرض التقليل من كلفة الايجارات ومتطلبات العيش
اذا كان يوجد شيء من هذا ارجو مساعدتي بذكر التفاصيل الكامله مع ذكر المحافظه وتفاصيل المسكن والكلفه وهل بالامكان الحصول على عمل  واعطائي ارقام هواتف اذا وجدت لغرض الاتصال بهم بعد الوصول ان شاء الله
واي معلومات اخرى يمكن الأستفاده منها علما ان حالتي الماديه ليست جيده وهي متواضعه بعد ان خسرت كل شيء في بلدي
وشكرا لكل الاخوه على المساعده
وسؤال اخير وهو هل ممكن ان تزودني بأسم فندق قريب من اليو أن ويكون سعره مناسب لشخص ضعيف ماديا لغرض اكمال الاجراءات
ولك مني كل الشكر والامتنان ووفقكم الله ويسر لكم امركم

Jun 27, 2012, 11:41 مساءاً
عراقي حاير
  • *
  • مشاركة: 1
  • مقيم في: eg
  • تقييم 0
  • الجنس: ذكر
السلام عليكم اخي ابو عمر المحترم نشكرك على التوضيح بالنسبه الى العراقيين ارجو ا ان اسال سؤال واي احد يعرف الاجابه اتمنى الرد انا مقيم في مصر وهنا الاوضاع كامت تصعب يوم بعد يوم واني قريت عن تركيا هوايه من خلال هذا المنتدى الرائع ولكن لدي استفسار
انا عني اقامه مصريه على الجواز هل هذا الشي ياثر اذا اجي لتركيا واقدم على اليو ان وعندي زوج بنتي ماجستير اخر سنه اذا اجه لتركيا وقدم على اليو ان يكدر يجي بس على المناقشه لمصر لو هذا الشي ياثر من قبل اليوان  اشكركم جزيل الشكر وامنى الاجابه

Jun 29, 2012, 02:19 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
أخي ابو عمر الله يبارك بيك وبعائلتك الي عرفت تربي والنعم منها ومن اصلك الطيب اخوية ابو عمر اني صارلي 7 سنين لاجيء في مصر وقبل كم يوم بلغوني انو ملفي رفض من قسم التوطين وبالتالي ضاقت بينا الدنيا هنا في مصر وبصراحة العيشة اهنا كلش صعبة من كل النواحي طبعا المادية ارخص من تركيا لكن التعايش مع المجتمع المصري جدا صعب ويرادلها اعصاب فحبيت استفسر منك ان اغلق الملف هنا في مصر وانا في كل الاحوال نويت ان اغلق الملف وسألتهم اذا اسافر فقالوا لي انه استطيع ان افتح ملف في اي دولة
وحضرتك ما خليت اي شي الا وكتبته ومشكور على ذلك وانا من بعد اذنك اطلب منك ان اراسلك على الخاص فهل ممكن وياريت تلفون ايضا واكون من الشاكرين لله ولك ....... اخوك ابو يوسف من مصر _ الاسكندرية
E-mail- usan20032004@yahoo.com

.............اخي الحبيب جاوبت رسالتك وضفتك واتفضل انتظرك اني
ابو عمر تركيا

Jun 29, 2012, 02:23 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
                         الاخ الفاضل ابو عمر اني مطلقه وعندي ولد  وافكر باللجوء الى تركيا والعيش فيها مع ابني
                         لكن المشكله الوحيدة التي تعيقني هو العمل الي فهمته من حضرتك انه العنل ممنوع للاجئين
                         طيب كيف راح اعيش اني وابني؟ مع الشكر الجزيل
.........والله يااختي انتي ادرسي وضعك المادي لان ثلاث ارباع اللجوء العيشة ممكن اليو ان ان يعطوكي مساعدة مالية وهذا احتمال وظروف عيشتك راح تكون صعبة لان تركيا غالية اختي ...
والشغل يعني الرجال هو ممنوع عليهم انتي شلون ....يعني عندي صديق اليوم اشتغل بمدجن دواجن من الساعة 8صباحا الى 8 مساءا ب20 ليرة ...بينما العامل التركي ب60 ليرة مايقبل ...
شوفي الك صرفه ...صعبة ولاتتورطين
ابو عمر تركيا

Jun 29, 2012, 02:26 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
اخونا ابو عمر الطيب
هنالك طلب لاخت جديدة على المنتدى باسم (الشمرية) عن كيفية تقديم اللجوء من تركيا وان وضعها الصحي غير جيد نسأل الله يشافيها .. فارجو منك التواصل معها ومحاولة مساعدتها قدر الامكان كونك انت في تركيا اخي الكريم .. تقبل تحياتي .
...............اخي الحبيب توتي ...
اشكرك وجاوبت الاخت والله يااخي تركيا وضعها الان اختلف بس الناس هايمة على وجوهها وماتعرف شتسوي وحيرة الله يعين ممنون منك
ابو عمر تركيا

Jun 29, 2012, 02:32 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
الأخ ابو عمر
السلام عليكم ورحمة الله وبركاته
لقد نشرت موضوع وتم تحويلي عليك ارجوا منك مساعدتي ولك كل الشكر والامتنان


وهذا هو موضوعي

الى الاخوه جميعا
السلام عليكم ورحمة الله وبركاته
اخواني عندي استفسار وارجوا من الجميع المساعده والاجابه ولكم كل الشكر والامتنان
سوف أسافر الى تركيا بعد عدة ايام لغرض التقديم على اليو ان وانا لا اعرف عن تركيا اي شيء كل ما اعرفه كان عن طريق المنتدى الغالي وما يكتبه الاخوه فيه ولهم جميعا الشكر
سؤالي هل يوجد سكن جماعي للأخوه العراقيين في تركيا لغرض التقليل من كلفة الايجارات ومتطلبات العيش
اذا كان يوجد شيء من هذا ارجو مساعدتي بذكر التفاصيل الكامله مع ذكر المحافظه وتفاصيل المسكن والكلفه وهل بالامكان الحصول على عمل  واعطائي ارقام هواتف اذا وجدت لغرض الاتصال بهم بعد الوصول ان شاء الله
واي معلومات اخرى يمكن الأستفاده منها علما ان حالتي الماديه ليست جيده وهي متواضعه بعد ان خسرت كل شيء في بلدي
وشكرا لكل الاخوه على المساعده
وسؤال اخير وهو هل ممكن ان تزودني بأسم فندق قريب من اليو أن ويكون سعره مناسب لشخص ضعيف ماديا لغرض اكمال الاجراءات
ولك مني كل الشكر والامتنان ووفقكم الله ويسر لكم امركم

اخي الحبيب ...
اتمنى عليك ان تقراء الفقرات وستجد بعض الامور التي تخص الايجار الرخيص ...وانا شخصيا يااخي اقدر وضعك المادي لكن تره تركيا غالية لمن يسكن فيها وليس كاالسائح ...فيها مصاريف تطلع الك من كل صفحة يعني انت مو بس تجي وهاي هيه ..اني مااريد تتورط وترجع مكسور ومحطم وهذا صار عدنا مع اربع الى خمس عوائل ...اريدك تدرس وضعك وتجي
لان هنا ماكو مروة ...يعني الله والعاذرين ...
وشغلة الفندق سهلة تقول الى ابو التكسي ...ألص ...هذا اسم حي في انقرة الفنادق بيه اغلبها مناسبة وممكن تدخل وتتعامل بس الليلة من 25-35 ليرة للنفر ...وبعدين تنطلق ...
ابو عمر تركيا

Jul 02, 2012, 11:01 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
 :-[ :-[ :-[.......UP...... :'( :'( >:( >:( >:( >:( >:( >:( :x :x :x

Jul 13, 2012, 12:46 صباحاً
ابو بشار
  • *
  • مشاركة: 9
  • مقيم في: iq
  • تقييم 0
  • الجنس: ذكر
الاخ العزيز ابو عمر الورده
اول شي وبدون ما اطول عليك راح اطرح موضوعي عليك وارجو ان يكون الجواب عندك
اني مقدم على برنامج الiom صار لي تقريبا سنه ولحد الان ماكو اي تقدم بالموضوع وهسه قررت اخذ العائله ونروح نقدم بتركيا وعندي كم سوال الك 
1- اذا رحت الى تركبا اكو الهم اني مقدم على iom واذا ما كلتهم هم هناك بتركيا بعرفون هذا الشي
2- يا هو احسن انقل معاملتي مال iom الى تركيا ( النقل يطول 6 اشهر ) لو اجي اقدم حالي حال العالم
3- صدك هناك بتركيا الي جوازه بي دخول و خروخ سوريا يتاخر هوايا
4- معلوماتك المعامله بتركيا شكد اتطول
        اخيرا احب اشكرك على جهودك
                                                 ابو بشار

Jul 13, 2012, 02:17 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
اخوي بشار المحترم
اتوكل وتعال بس كلهم في تصوري وحتى لاتتاخر ...واترك كلام العراقيين وعنترياتهم لان يعرفون كلشي تره وبكيفك هاي وجهة نظري ...ولاشغلة سوريا عادية كل العراقيين رايحين الى سوريا ...مالها تأثير ...وتتاخر من سنة الى سنة ونصف ....حسب وضعك مو اكثر باذن الله
ابوعمر تركيا :) :) :) :) :)

Jul 13, 2012, 09:08 مساءاً
Alpha
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
الاخ العزيز ابو عمر تركيا تستحق كل الشكر والتقدير على مجهودك الرائع في مساعدة اخوتك واخواتك فجزاك الله كل خير اخي الكريم
تقبل مروري
الفـــــــــا

كن ابن من شئت واكتسب ادبـــــــــــــــاً

Jul 14, 2012, 12:28 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
الاخ العزيز ابو عمر تركيا تستحق كل الشكر والتقدير على مجهودك الرائع في مساعدة اخوتك واخواتك فجزاك الله كل خير اخي الكريم
تقبل مروري
الفـــــــــا
اخي العزيز المشرف الفا المحترم
اشكر لك كلماتك الطيبة وتقديرك العالي ...واناممتن منك ومن هذا الموقع الرائع

وبكل احترام

اخوكـــــــــــــــــــم
ابـــــــــــو عمـــــــــــر تركيا

Jul 14, 2012, 01:15 صباحاً
ابو بشار
  • *
  • مشاركة: 9
  • مقيم في: iq
  • تقييم 0
  • الجنس: ذكر
الاخ العزيز ابو عمر الف شكر على جوابك والله يحفظك و يوفقك بس عندي بعد كم سوال ولو دوختك
   برايك معاملتي مال iom تاثر على سير المعامله في تركيا يعني هي في مصلحتي انه اني جنت مقدم (لو لا تسرع ولا تبط المعامله)
   واني اكولهم لجماعه ال iom في بغداد انه اني راح اسافر الى تركيا حتى اقدم لو لا
                                                                   
                                                                         ممنون على جهودك القيمه والله يوفقك

Jul 14, 2012, 02:58 مساءاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
الاخ العزيز ابو عمر الف شكر على جوابك والله يحفظك و يوفقك بس عندي بعد كم سوال ولو دوختك
   برايك معاملتي مال iom تاثر على سير المعامله في تركيا يعني هي في مصلحتي انه اني جنت مقدم (لو لا تسرع ولا تبط المعامله)
   واني اكولهم لجماعه ال iom في بغداد انه اني راح اسافر الى تركيا حتى اقدم لو لا
                                                                   
                                                                         ممنون على جهودك القيمه والله يوفقك

>>
اخي ابو بشار ...راح اقلك شيء مختصر كلمن يقول لك اني اعلم فلان شغلة تقدم او تأخر فهو كاذب ...لايعلم هذه الوضعية فقط الله ...سبحانه وتعالى ..ومن ثم امريكا ...بقت شغلة انته مقدم من بغداد اذا كانت وضعيتك متقدمة يعني مقابل ومسوية مراحل متقدمة ..لما تجي الى تركيا قولها ...واذا كنت مامسوي شيء بس مقدم ...تعال ولاتذكرها ...وقدم عادي حالك حال الناس ...ولمعلوماتك اي تقديم سابق اعتيادي يؤخر المعاملة لانهم سوف يستفسرون عن تقديمك السابق ..لذا لااحبذ ذكر تقديمك في بغداد اذا لم تكن متقدم في المراحل ...هذه مهمة ...
ان تقدم من جديد هو الاحسن ...وانته لمعلوماتك حتى لوكنت على باب الطائرة من بغداد من تجي الى تركيا تقدم من جديد ماكو شيء تكملة معاملة ...وانت شوف نفسك

ابو عمر تركيا

Aug 30, 2012, 10:45 مساءاً
انسام
  • *
  • مشاركة: 1472
  • مقيم في: iq
  • تقييم 7
  • الجنس: ذكر
  • اللهم صلي على سيدنا محمد وعلى ال سيدنا محمد
ساعدوني الله يخليكم
« رد #32 في: Aug 30, 2012, 10:45 مساءاً »
سلام عليكم ابو عمر...
والله اني صارلي فتره ادور على شخص يعرف شي عن التقديم في العراق وتأثيره اذا اجه لتركيا ويقدم وكل شخص يكول شكل ناس تكول تأثر وناس تكول متأثر وناس تكول ترفض وناس تكول ضل هناك والعراق شغلته بايكه هوه... يالغالي اريد كلامك وكلام كلمن يعرف هالشي بالمضبوط
اني مقدم على IOM من بغداد وصارلي 7 اشهر يعني قدمت 2/2012 وفقط انطونيIZ , على الايميل وكما تعرف المقابلات بالعراق احسب سنين... اذا اجيت لتركيا واقدم على UN اكول على تقديم بغداد لو ما اكول ؟؟؟ لو اغلق الملف في بغداد واجي لتركيا وما اكول مقدم قبل ؟؟؟ لو اكول مقدم على بغداد لان اكو ناس خوفوني كال يعرفون بيك مسجل وانت ماحاجيلهم ويعتبروك جذاب ... واني دايخ حتى صرت انعل اليوم الي قدمت بيه على IOM  اترجاكم اريد جواب اكيد او معلومه مجربه من هواي ناس...لان بقائي بالعرق مستحيل ولازم اجي لتركيا واريد اعرف IOM تاثر عليه من اقدم بتركيا ؟؟؟؟

قــل يـــارب دائــما حتى في الوجــــع ... فـكــم مــن صـدرضــائق وبذكــر :ahalna_word (164): اتـســــع

Aug 30, 2012, 11:11 مساءاً
ايمن العراقي
  • *
  • مشاركة: 228
  • مقيم في: tr
  • تقييم 6
  • الجنس: ذكر
سلام عليكم ابو عمر...
والله اني صارلي فتره ادور على شخص يعرف شي عن التقديم في العراق وتأثيره اذا اجه لتركيا ويقدم وكل شخص يكول شكل ناس تكول تأثر وناس تكول متأثر وناس تكول ترفض وناس تكول ضل هناك والعراق شغلته بايكه هوه... يالغالي اريد كلامك وكلام كلمن يعرف هالشي بالمضبوط
اني مقدم على IOM من بغداد وصارلي 7 اشهر يعني قدمت 2/2012 وفقط انطونيIZ , على الايميل وكما تعرف المقابلات بالعراق احسب سنين... اذا اجيت لتركيا واقدم على UN اكول على تقديم بغداد لو ما اكول ؟؟؟ لو اغلق الملف في بغداد واجي لتركيا وما اكول مقدم قبل ؟؟؟ لو اكول مقدم على بغداد لان اكو ناس خوفوني كال يعرفون بيك مسجل وانت ماحاجيلهم ويعتبروك جذاب ... واني دايخ حتى صرت انعل اليوم الي قدمت بيه على IOM  اترجاكم اريد جواب اكيد او معلومه مجربه من هواي ناس...لان بقائي بالعرق مستحيل ولازم اجي لتركيا واريد اعرف IOM تاثر عليه من اقدم بتركيا ؟؟؟؟

وعليكم السلام
اخي العزيز قدم من تركيا ولا تذكر لهم انك مسجل بالعراق هم اليوئن اكثر شيء يسئلون مقدم بسورى لو لا
وثاني شيء والاهم شغلة تركيا صايرة اطول مو مثل قبل يعني اليوم مو مثل باجر كل يوم المواعيد جاي تصير ابعد
هذة الي جاي نشوفها ونسمعه من الي جاي يجون التركيا

ومن تجي التركيا وترجع للعراق يلغون ملفك وترجع تعيد من جديد

والاهم اذا انت عندك نية تجي التركيا حاول لا تسمع كلام الاخيرين معا احترامي الشديد للاغلبية لئن والله تتعب نفسيتك
خليها على ربك وربك اشكاتبلك راح تشوف
تحياتي لك
اخوك
ايمن العراقي




Aug 31, 2012, 02:56 مساءاً
انسام
  • *
  • مشاركة: 1472
  • مقيم في: iq
  • تقييم 7
  • الجنس: ذكر
  • اللهم صلي على سيدنا محمد وعلى ال سيدنا محمد
على راسي كلامك يا ايمن العراقي وماقصرت وكلامك صحيح واعرف التأخير الي كاعد يصير
لكن انت ماتعرف اي شخص مثل حالتي مسجل قبل في بغداد واجه لتركيا قدم وذكرها لو لا؟
لان خاف هذوله اليوؤن يلكفونه بالاخير وتنلاص سنين الانتظارههههههه؟
وخاف تكول من البدايه وتصارحهم وخاف يرفضون القضيه؟ لو فقط تأخير اني موافق لكن خاف رفض واتمنى ادورلي على  شخص مار مثل تجربتي لكن مقدم من تركيا لان مو فقط اني كاعد اسئل هواي ناس متوقفه تريد تجي وناس التهديد وصلها قريب... وانت ماتقصر اخويه الغالي

قــل يـــارب دائــما حتى في الوجــــع ... فـكــم مــن صـدرضــائق وبذكــر :ahalna_word (164): اتـســــع

Aug 31, 2012, 08:10 مساءاً
pilot
  • *
  • مشاركة: 255
  • مقيم في: us
  • تقييم 8
  • الجنس: ذكر
  • لا تبكي يوما على من باعك.....بل دعه يبكي على ضياعك
شكرا ابو عمر على معلوماتك المفيدة تقبل تحيتي
:ahalna_separator (11):

Sep 01, 2012, 09:44 صباحاً
ايمن العراقي
  • *
  • مشاركة: 228
  • مقيم في: tr
  • تقييم 6
  • الجنس: ذكر
على راسي كلامك يا ايمن العراقي وماقصرت وكلامك صحيح واعرف التأخير الي كاعد يصير
لكن انت ماتعرف اي شخص مثل حالتي مسجل قبل في بغداد واجه لتركيا قدم وذكرها لو لا؟
لان خاف هذوله اليوؤن يلكفونه بالاخير وتنلاص سنين الانتظارههههههه؟
وخاف تكول من البدايه وتصارحهم وخاف يرفضون القضيه؟ لو فقط تأخير اني موافق لكن خاف رفض واتمنى ادورلي على  شخص مار مثل تجربتي لكن مقدم من تركيا لان مو فقط اني كاعد اسئل هواي ناس متوقفه تريد تجي وناس التهديد وصلها قريب... وانت ماتقصر اخويه الغالي
اخي العزيز بصراحة ما اعرف احد مقدم ببغداد واجى على تركيا قدم
بس الي شفناه بانقرا اول ما تقدم يسئلوك مقدم بسورية
وبصراحة اني هم ما اريد انطيك الاوكي 100% لئن شغلة اليوئن ما تنحزر ابد
وادعي من الله ان يوفقك ويوفقنا لما يحب ويرضاه




Sep 07, 2012, 11:35 مساءاً
خادم الرب
  • *
  • مشاركة: 3
  • مقيم في: iq
  • تقييم 0
  • الجنس: ذكر
الأخ المحترم الفاضل أبو عمر ... تحياتي لك ولعائلتك الكريمة وبعد ... أخي العزيز أرجو التفضل بمساعدتي كوني أحد المقبلين على السفر الى تركيا وتقديم اللجوء عن طريق منظمة UN وأرجو الأستفسار عن إمكانية ذلك من عدمه ... أي هل أن اليوان مستمرة بقبول طلبات اللاجئين العراقيين أم لا وما هي المواعيد حسب رأيك وخبرتك بالنسبة للقادمين حاليا وما مدى تأثير اللاجئين السوريين على سير المعاملات ولكم مني جزيل الشكر والتقدير.

Sep 08, 2012, 02:39 صباحاً
Yahyamp
  • *
  • مشاركة: 2
  • تقييم 0
اخي العزيز اشكرك ع معلوماتك المفيده والاكثر من رائعه
اني بلنسبه الي مقدم بسوريا من زمان بل يو ان ورايح مجدد ورقة الحمايه مره وراهه وبعدين مسمعنه اي خبر وايسنه وشغل ملكينه وخلصنه فلوسنه هناك بعد ٣ سنوات ودرنه راسنه ورجعنه بل٢٠٠٩ وقبل تقريباً اسبوع واحد من اقربائنه راح السوريا انطيته رقم الملف الي مسجلين بيه اني ووالدي ووالدتي واخويه راح وسالهم كلوله هذوله متحول ملفهم عله ال اي او ام يعني جايه الموافقه ونحن مندري فكلتله المفروض يجون السوريا بس لان الوضع خطر خلي يروحون تركيا ويحولون الملف ومادام عدهم موافقه شغلتهم مطول اكثر من ٣ اشهر ويجي الوفد ويقابلهم مقابله شكليه ووراه بفتره قصيره يسافرون فعاد مادري اكو هيج شي يعني اذا مقدمين من سوريا وجايه موافقتنه راح تصير شغلتنه لو يأخروهه لان احنه جماعة سوريا وهل انو اذا جيت اني بوحدي وسالت عادي لو لازم اجيب اهلي لان احتمال اذا الشغله اطول اهلي ميجون لان همه كبار والسفر عليهم صعب وهل اذا اجيت ابحدي وفرزت ملفي عن اهلي ك واحد زكرتي وحده هم يصعبوهه عليه وانتضر جوابك يلغالي لان ماعرف شسوي ناس تكلي سهله وناس تكول كلش صعبه

Sep 10, 2012, 03:59 مساءاً
Yahyamp
  • *
  • مشاركة: 2
  • تقييم 0
اخواني اعضاء منتدى اهلنا ياريت الرد السريع لان باين ابو عمر مديفتح هل يومين عذره وياه بس ياريت اليعرف شي يجاوبني

Sep 10, 2012, 04:53 مساءاً
عازف الصمت
  • *
  • مشاركة: 318
  • مقيم في: tr
  • تقييم 16
  • الجنس: ذكر
الأخ المحترم الفاضل أبو عمر ... تحياتي لك ولعائلتك الكريمة وبعد ... أخي العزيز أرجو التفضل بمساعدتي كوني أحد المقبلين على السفر الى تركيا وتقديم اللجوء عن طريق منظمة UN وأرجو الأستفسار عن إمكانية ذلك من عدمه ... أي هل أن اليوان مستمرة بقبول طلبات اللاجئين العراقيين أم لا وما هي المواعيد حسب رأيك وخبرتك بالنسبة للقادمين حاليا وما مدى تأثير اللاجئين السوريين على سير المعاملات ولكم مني جزيل الشكر والتقدير.

اخي الكريم اليو ان لحد هذه اللحظة مستمر بقبول طلبات اللجوء والموعد الاول للمقابلة الاولى تقريبا 3 اشهر والموعد الثاني لاعادة المقابلة اذا لم تحصل على (القبول) على سنة 2014..والسوريون يحصلون فقط على الحماية ولكن لحد الان لم تحول ملفاتهم الى الاستيطان الا الشيء القليل

تحياتي

Sep 10, 2012, 05:01 مساءاً
عازف الصمت
  • *
  • مشاركة: 318
  • مقيم في: tr
  • تقييم 16
  • الجنس: ذكر
اخي العزيز اشكرك ع معلوماتك المفيده والاكثر من رائعه
اني بلنسبه الي مقدم بسوريا من زمان بل يو ان ورايح مجدد ورقة الحمايه مره وراهه وبعدين مسمعنه اي خبر وايسنه وشغل ملكينه وخلصنه فلوسنه هناك بعد ٣ سنوات ودرنه راسنه ورجعنه بل٢٠٠٩ وقبل تقريباً اسبوع واحد من اقربائنه راح السوريا انطيته رقم الملف الي مسجلين بيه اني ووالدي ووالدتي واخويه راح وسالهم كلوله هذوله متحول ملفهم عله ال اي او ام يعني جايه الموافقه ونحن مندري فكلتله المفروض يجون السوريا بس لان الوضع خطر خلي يروحون تركيا ويحولون الملف ومادام عدهم موافقه شغلتهم مطول اكثر من ٣ اشهر ويجي الوفد ويقابلهم مقابله شكليه ووراه بفتره قصيره يسافرون فعاد مادري اكو هيج شي يعني اذا مقدمين من سوريا وجايه موافقتنه راح تصير شغلتنه لو يأخروهه لان احنه جماعة سوريا وهل انو اذا جيت اني بوحدي وسالت عادي لو لازم اجيب اهلي لان احتمال اذا الشغله اطول اهلي ميجون لان همه كبار والسفر عليهم صعب وهل اذا اجيت ابحدي وفرزت ملفي عن اهلي ك واحد زكرتي وحده هم يصعبوهه عليه وانتضر جوابك يلغالي لان ماعرف شسوي ناس تكلي سهله وناس تكول كلش صعبه

اخي العزيز لا يوجد نقل ملف في مفوضية تركيا بل تأتي وكأنما تقديم جديد هذا ما حدث مع اغلب العراقيين القادمين من سوريا والاردن ومصر..والخ لان في تركيا لا توجد iom توجد icmc وتستطيع نقل الملف الى الاردن عند ذهابك والتقديم هناك سوف يسحبون ملفك من سوريا وتكمل iom في عمان..واذا احببت القدوم الى تركيا تستطيع التقديم بملف لوحدك ويسحبون ملفك من سوريا ويفصلوه عن اهلك ولكن التقديم يكون من اول وجديد

تحياتي

Sep 10, 2012, 05:30 مساءاً
شيفا
  • *
  • مشاركة: 270
  • مقيم في: iq
  • تقييم 2
  • الجنس: ذكر
  • لا عنوان
الى ابو بشار ولكل من جماعة اي او ام بغداد
انا حالي مثلكم ولكن الفرق بيننا بانني مقدم اي او ام من 2008 بغداد
لقد قمت بعمل دراسه حول نقل الملف من بغداد الى تركيا
واكتشفت بان اغلب الاعضاء اجابوني بانه لا يمكن نقل ملف من بغداد الى تركيا
وهذا ما افادني به عدد من الاخوه الاعضاء
ولكن لدي اقتراح بسيط  :-bd
اخوان انتم مقدمين 2012 يعني بعدكم كلشي ماكوا  شنو تتوقعون خلال سنه او سنه ونصف تسافرون لامريكا   ولو   جماعة   اي او ام   تهتم بشكل خاص بالجدد
انا براي الانتظار قليلا وعدم التسرع في مغادره العراق لان كما قلت لكم انتم الجدد لكم تسريع كبير
والقرار لكم

Sep 19, 2012, 10:14 صباحاً
شيفا
  • *
  • مشاركة: 270
  • مقيم في: iq
  • تقييم 2
  • الجنس: ذكر
  • لا عنوان
عزيزي احمد الغريب
للتنويه فقط
اود اعلمك بانك لم تضع اسم الشخص الذي تريد مراسلته
وشكرا

Dec 10, 2012, 05:38 صباحاً
احب الجميع
  • *
  • مشاركة: 11
  • مقيم في: tr
  • تقييم 0
  • الجنس: ذكر
شكرا على هذه المعلومات القيمة وفقك الله

Dec 10, 2012, 06:03 صباحاً
احب الجميع
  • *
  • مشاركة: 11
  • مقيم في: tr
  • تقييم 0
  • الجنس: ذكر
 اخي العزيز ابو عمر الورد اني صارلي سنة ونص تقريبا مقدم على اليؤن في تركيا ولحد الان كلشي ماكو كل ما اتصل بيهم يقلون لي لان جيتو من سوريا شغلتكم تتاخر وهسة اني وعائلتي نفسيتنة تعبت سؤالي احنة الي جاين من سوريا عدنة توطين لا حتة نعرف وشكرا الله يوفق كل فاعل خير

Mar 11, 2013, 04:20 صباحاً
ابن الرافدين وافتخر
  • *
  • مشاركة: 6
  • مقيم في: iq
  • تقييم 0
  • الجنس: ذكر
أخي الفاضل ابو عبدالله المجترم ....
اخي الفاضل Baghdad Ghostالمحترم ...

أشكرك لكم هذا الترحيب العزيز على قلبي والذي ينم عن روح العراقة العراقية المتأصلة فينا وفي جذورنا ...بالرغم من
كل من يحاول النيل من وحدة بيتنا العراقي الاصيل ...والله يااخواني اتمنى ان يستفاد كل الاخوة الراغبين بالقدوم وهي عصارة سنة وثمانية اشهر من العيش المستمر الى الان في تركيا ...الدولة الرائعة بشعبها وحكومتها التي تقدر الانسان بغض النظر عن ماهو عليه ...أسال الله التوفيق لكم ولنا في سبيل انتهاء هذه الفتره العجاف ...شكرا حسن الآدب والاخلاق العالية ...وبكل أحـــــــــترام
ابو عمر تركيا
اخي الفاضل ابوعمر مشكور على هاذ الجهد الجبار وبارك الله بيك وحاب اسئل اني فاقد يدي اليسرى وعندي ضرر في يدي اليمنى واريد ان اطلب اللجوء وبعد شهرين اضيف زوجتي وباقي عائلتي فهل هاذا مسموح في ال UN وانا شاكر لك

Mar 13, 2013, 06:09 صباحاً
ابو عمر تركياكاتب الموضوع
  • *
  • مشاركة: 79
  • مقيم في: tr
  • تقييم 13
  • الجنس: ذكر
اخي ابن الرافدين وافتخر ....اجبتك على جميع اسئلتك وان شاء الله حلت جميع مشاكلك التي تتطلب استعداد شخصي ومهني منك اتمنى لك الخير في مسعاك والخير فيما يختاره الله لك ....
ابو عمر تركيا

Mar 14, 2013, 02:19 صباحاً
sanaria33
  • *
  • مشاركة: 1825
  • مقيم في: tr
  • تقييم 111
  • الجنس: أنثى
  • ساعاتنا في الحب لها اجنحه ولها في الفراق مخالب
اخونا الغالي ابو عمر المحترم ادعي لحضرتك بالتوفيق وعاشت ايدك على هل الترتيب بذكر ماااااا يحتاجه اللاجئ القادم لتركيا او كيفيه التقديم ررررروعه متركت شي الا وذكرته وهذاااا من طيب اصلك يانقي القلب مو جديده عليك مواضيعك كلها بيها مساعده ومد يد الخير الله يبارك فيك ويارب اتحقق كل ماتحلم بيه اختك سناريا

Mar 15, 2013, 07:38 مساءاً
salah73
  • *
  • مشاركة: 27
  • مقيم في: iq
  • تقييم 0
  • الجنس: ذكر
الاخ ابو عمر المحترم معلوماتك جدا مفيدة وبارك الله بيك على هذا الجهد الي بذلته بس عندي استفسار بسيط يخص الفقرة 23 يعني يوم التسجيل انقدم فقط الجوازات لو وياهه اوراق التهديد ومحضر الشرطة يعني قصدي اوراق القضية ولك مني جزيل الشكر

كلمات بحث : استفسار 
 

مواضيع ذات صلة

  الموضوع / بدء بواسطة ردود آخر مشاركة
27 ردود
4392 مشاهدة
آخر مشاركة Aug 31, 2013, 09:53 صباحاً
بواسطة abd_x_irq
26 ردود
759 مشاهدة
آخر مشاركة May 31, 2013, 01:20 صباحاً
بواسطة mohammed alshemaly
38 ردود
919 مشاهدة
آخر مشاركة May 31, 2013, 01:37 صباحاً
بواسطة mohammed alshemaly
5 ردود
316 مشاهدة
آخر مشاركة Mar 13, 2013, 07:24 مساءاً
بواسطة sanaria33
10 ردود
305 مشاهدة
آخر مشاركة Sep 14, 2013, 04:25 صباحاً
بواسطة hanjera


free counters