خاص للأستفسار عن مقادير او طبخة معينة,ضعها هنااااااااا....

صبـــــــاح او مســـــــاء الخير على جميع اعضاء منتدى اهلنااااا الكرام

حبيت اسوي موضوع جديد للي يحب يعرف مقادير اي نوع اكلة  او
طريقه عملهااا او اي استفسار يحب يعرفة او اي شي يخص المطبخ




  , اتمنى تخلو هناااااا واللي عندة الجواب يكدر يجاوبة وانشالله ماقصر اني وياكم بأي معلومة اعرفهاا والكل يستفاد من بعض


تحياتي للجميع وانشالله تستفادون شي بهذا الموضوع..

[/color]

 السلام عليكم
 والله موضوع رائع وساكون اول المشاركيين
 

 1- ممكن  وصفة الصمون الحجري  طريقة بالفرن الكهربائي

 2- واطمع بكرمكم واريد وصفة البرمة والقطايف مال البقلاوة والطريقة

                                            مع الشكر والتقدير

                                                                                                            اخوكم الباحث

 

الف هلا بيك بالنسبة للصمون الحجري اني سويتة كومة ومضبووووط ويخبلللللل بس انشالله باجر اكتبلك الطريقة المضبوطة وتدلل
والبرمة هم اجيبلك الطريقة بس القطايف ممسويتها ياريت البقية يفيدوك
تحياتي الك

موضوع رائع ممكن أعرف مقادير الكبسه ؟؟ 

عاشت ايدج عالموضوع سموجتنا الغالية.

صبحكم/مساكم الله بالخير،

اريد وصفة المدكوكة و اهم شي كلولي شنو نوع التمر و التمر المجيس يفيد لوما طيب يطلع؟ و ايو اطيب اسويها بالسمسم لو جوز الهند؟

((((( طريقة عمل الصمون الحجري))))
 المقدار 10 صمونات
8 كوب طحين All purpose flour طحين لكافة الاستعمالات
ملعقة اكل خمرة
ملعقة اكل ملح
تعجن العجينة  بحيب متلزك متلزك ولا قوية اذا تلزك ضيفيلها طحين واعجنها زين واذا قوية شوية مي دافي
وتخليها تختمرر الى ان تتضاعف تشكلها دوائر صغاااار وكلهن حجم واحد
وتشكلها مثل الصمون العراقي شفت فديو على اليوتيوب شوف شلون يسويها وهسة ايدك تاخذ كل مرة ايصير اضبط وهذا الفديو وتونس بالاغنية هم ههههه

<a href="http://www.youtube.com/watch?v=9Luloro9Jhk" target="_blank" class="aeva_link bbc_link new_win">http://www.youtube.com/watch?v=9Luloro9Jhk</a>

المهم تشكلها وتضغط على الاطراف وتجيب الصينية مال شوي وتخلي بي سيلفون وتدهنة حتى ميلزك وتخلي الصمون يرتاح نص ساعة وتخبط طحين ومي وبفرجة على الصمون حتى اللمعة مال صمون حلوة تكون تفتح الفرن على اعلى شي اني اخلي على 500 فرهنايت من فوك الحرارة تكون والصينية بالنص مال صمون ,وتخبط طحين ومي وتدهن الصمون حتى اللمعة مال صمون حلوة تكون وتدخل الصينية الفرن والله يستر هههههه من تشوفها اشكرت اكلبها دقيقة  دقيقتين وطلعها ,,,, شوف هاي نقطة مهمة  انتة محضر على جهة صينية  اول متطلع الصمونة تخلي بالصينية وتغطي بخاولي او جرجف حتى يبقى البخار بالصمونة فد 8 دقايق طلعها والف عافية اذا ردت سمسم تخلي من تشكل الصمون وراها تخلي يرتاح ومن ينفش تدهنة بطحين ومي وادخلة الفرن واي سؤال اني حاضرررررررة وهذا الصمون شووووووفة شلون صار بس مو اول مرة هيج ورة فترة ضبطت التشكيل مالتة بعد انتة وشطارتك وتدلل

طريقة عمــــل البرمة بس بطريقتي

عجينة fillo dough موجودة بالستورات مثلا Walmart-Giant-Costco
قالبين زبدة بدون ملح اكو خاصة لل baking فقط للحلويات
فستق حلبي او جوز او انتة شنو يعجبك اني اخلي بي فستق حلبي
وطبعا شيرة قطر متكونة من 2 كوب سكر كوب مي ملعقة شاي ليمون دوزي او كورن سيرن corn syrup وهيل مطحون وملعقتين اكل عسسسل تخليهم على النااار فوررة وتنصي بس شوية يثخن اطفي النار علية وتخلي يبرررد

 نجي للفستق تطحنة وسط وتضيفلة ملعقتين اكل سكر ناعم وملعقة كوب هيل مطحون وملعقتين اكل من الشيرة وتخبطهن زين ومن تخلي بالعجينة مراح تتطشر من تلف لان بيها شيرة اي لعد شعبالك ههههه
 هذي صورة العجينة مال فيلو طبعا تسوي بيها بقلاوة زنود كلشي وكلاشي تفيد وطيبة



تاخذ قطعتين من العجينة وتدهنة بالزبد وتخلي الحشوة وشوف الصورررر كثر من الحشوة معليك بيا ههههه



والشيش اهم شي مال تكة دبرلك شي منا منا دبرها
وتمشي الشيش وانتة لازم الاطراف ومن تكمل اخرطهاااا من اليمنة واليسرة

 وتشيلها وتخليها بالتبسي المدهون بالزبد وتضفطهن


والفرن مفتوح مسبقا على 300 فرهنايت من جوة الحرارة وتخلي الفرن بالوسط  وتقريبا تبقة نص ساعة ومن تشوفها اشكرت من الاطراف وكبت الريحة افتح الحرارة من فوك وابقى يمها بس تشكر طلعها وكبل رش الشيرة عليها وهية حارة والشيرة لازم لازم باررررررردة وتخليهااا شوية تمتص الشيرة وترش فد رشتين فستق والف عافية

موضوع رائع ممكن أعرف مقادير الكبسه ؟؟ 

انتة الاروع اخوية العزيز
والله ماعرف الطريقة ممسويتها انشالله الاخوة والاخوات يفيدوك مع الاسف جان فدتك بشي

صبحكم/مساكم الله بالخير،

اريد وصفة المدكوكة و اهم شي كلولي شنو نوع التمر و التمر المجيس يفيد لوما طيب يطلع؟ و ايو اطيب اسويها بالسمسم لو جوز الهند؟

اي انتة مو تدللللللللللل هسو اكتبها الك مضبببببببببوط جا شنهي

حلاوة التمر(((المدكوكة)))

تمر جسب وسمسم  مححمص ونخلطهم ونفرمهم بمفرمة  اللحم واذا عندك قالب مال كليجة تشكل بي شكل احلى
اني احبها بالسمسم


والف عااااااافية

حلاوة التمر(((المدكوكة)))

تمر جسب وسمسم  مححمص ونخلطهم ونفرمهم بمفرمة  اللحم واذا عندك قالب مال كليجة تشكل بي شكل احلى
اني احبها بالسمسم


والف عااااااافية

الله يا وردة، عود بيناتنا مديت ايدي و هفيتلي خمس قطع من الصورة ههههههههه
تسلمين يالغالية عاااااااااااااشت الايادي

انتة تددددددلل اخذ المدكوكة ورجع الماعون ههههههههه

مشرفتنا الغالية
اريد مقادير كيكة سهلة وغير مكلفة وطيبه مثلج
اريد طريقة عمل اي بني فور مع مقاديره
وانا ممنونة منج ياعمري

مشرفتنا الغالية
اريد مقادير كيكة سهلة وغير مكلفة وطيبه مثلج
اريد طريقة عمل اي بني فور مع مقاديره
وانا ممنونة منج ياعمري

يم زيودي يم زيودي انتي تدللين يا عيوني هههههههههه

اليوم انزلج كيكة بسيطة تريدها جاكلت لو فانيلا بيضة
والبتي فور هم بس اخلص شغل البيت واجيج طايرة وتدللين

طريقة عمــــل البرمة بس بطريقتي

عجينة fillo dough موجودة بالستورات مثلا Walmart-Giant-Costco
قالبين زبدة بدون ملح اكو خاصة لل baking فقط للحلويات
فستق حلبي او جوز او انتة شنو يعجبك اني اخلي بي فستق حلبي
وطبعا شيرة قطر متكونة من 2 كوب سكر كوب مي ملعقة شاي ليمون دوزي او كورن سيرن corn syrup وهيل مطحون وملعقتين اكل عسسسل تخليهم على النااار فوررة وتنصي بس شوية يثخن اطفي النار علية وتخلي يبرررد

 نجي للفستق تطحنة وسط وتضيفلة ملعقتين اكل سكر ناعم وملعقة كوب هيل مطحون وملعقتين اكل من الشيرة وتخبطهن زين ومن تخلي بالعجينة مراح تتطشر من تلف لان بيها شيرة اي لعد شعبالك ههههه
 هذي صورة العجينة مال فيلو طبعا تسوي بيها بقلاوة زنود كلشي وكلاشي تفيد وطيبة



تاخذ قطعتين من العجينة وتدهنة بالزبد وتخلي الحشوة وشوف الصورررر كثر من الحشوة معليك بيا ههههه



والشيش اهم شي مال تكة دبرلك شي منا منا دبرها
وتمشي الشيش وانتة لازم الاطراف ومن تكمل اخرطهاااا من اليمنة واليسرة

 وتشيلها وتخليها بالتبسي المدهون بالزبد وتضفطهن


والفرن مفتوح مسبقا على 300 فرهنايت من جوة الحرارة وتخلي الفرن بالوسط  وتقريبا تبقة نص ساعة ومن تشوفها اشكرت من الاطراف وكبت الريحة افتح الحرارة من فوك وابقى يمها بس تشكر طلعها وكبل رش الشيرة عليها وهية حارة والشيرة لازم لازم باررررررردة وتخليهااا شوية تمتص الشيرة وترش فد رشتين فستق والف عافية

والله عاشت ايدك الكل تاكل وتدعيلك الله يفرحك مثل مافرحتيهم ويزيل عنك الهموم مثل ماخففتي عنهم هم الغربة

والله سويناهة احسن برمة والحشو مال بلاش الحجية عبته تعباه مال واحد ممصدق  ومانقصتنة الا لمتكم الطيبة

يمه سموجه بيتج انشالله عامر انشالله حبيبه ، معدله يمه والله معدله يحفظج الباري عز وجل.

السلام عليكم عيني مشرفنا شلون يسونا الجرك عفيه بالخطوات اريدها عاشت ايدج على الاكلات الطيبه

يم زيودي يم زيودي انتي تدللين يا عيوني هههههههههه

اليوم انزلج كيكة بسيطة تريدها جاكلت لو فانيلا بيضة
والبتي فور هم بس اخلص شغل البيت واجيج طايرة وتدللين

حبيبتي تشكرين اهوايه
انت كريمة واحنا تستاهل
اللي يجي منج احنا ممنونين عيني

والله عاشت ايدك الكل تاكل وتدعيلك الله يفرحك مثل مافرحتيهم ويزيل عنك الهموم مثل ماخففتي عنهم هم الغربة

والله سويناهة احسن برمة والحشو مال بلاش الحجية عبته تعباه مال واحد ممصدق  ومانقصتنة الا لمتكم الطيبة

الف الف الف عافية وعاشت ايد الحجية بركة انشالله ,اشكرك لدعائك الحلو يا وردة

يمه سموجه بيتج انشالله عامر انشالله حبيبه ، معدله يمه والله معدله يحفظج الباري عز وجل.

لا شي بالنسبة الج خالتي العزيزة اشكرك وبارك الله بيج

طريقة عمل كيكة العصرية بسيطة وطيبه
المقادير:4 بيضة,كوب سكر,نص كوب زبد او زيت,ملعقة كوب اما هيل او فانيلا او برشة برتقال اطيب بهواية من البقية ,كوب ونص طحين وملعقة شاي ملح ,ملعقة كوب بيكنك باودر.كوب مي او برتقال طبيعي
اول شي نحمي الفرن على 350 من جوة
ندهن القالب بزيت وطحين وننفضه ونخلي على صفحة
اخلي البيض بالخلاط وتخبطي زين والشكر شوية شوية اديري ليش لان اذا كلة خليتي من تستوي الكيكة راح تلاحظين حبوب بيضة بالكيكة لان السكر ممخبوط زين من يخلص الشكر اديرين النكهة اللي انتي تحبيها والزيت او الزبد من يكمل تنصين درجة الخلاط اخر شي وتنخلين الطحين والملح والبيكنك باودر وديري شوية شوية يتجانس وعلى كيفج حتى ميصير بي هوة والمي او البرتقال شوية شوية ايصير عندج خليط وسط لا خفيف ولاثخين اديري بالقالب وكبل للفرن بالنص تخلي
لاتفتحين الفرن الا ورة 25 دقيقة وتفحصيها بعود اسنان اذا طلع العود نظيف يعني استوت اطفين عليها  واطلعيها ولاتكلبيها راسا تتفلش ولاتغطيها تعجن شطلعت هاي دخنة ههههههه
اتخليها بالمايكرو احسن شي لان اذا كبل اجتها برودة راح يتغير عليها الجو وتنشل  هههه اقصد تهبط وتلاص خليها بالمايكرو بس شوية تدفى اكلبيها والف عافية شوفي عود هاي سهلة ههههههههه

شوفي هاي سويتها بالكاكاو والبرتقال فد شي كلش طيب ومنفوشة وانشالله تضبط وياج والف عافية

السلام عليكم عيني مشرفنا شلون يسونا الجرك عفيه بالخطوات اريدها عاشت ايدج على الاكلات الطيبه

الف هلا بيك اخوية العزيز
سهلة كلش الجرك وطيبة وخاصة وية الجاي


المقادير :5 كوب طحين ، نص كوب سكر ،نص كوب زبد ذائب ، 3 بيض ، كوب حليب دافي ، 2 ملعقة كبيرة خمرة ، 1 ملعقة كوب بيكنباودر ، رشة ملح وماء دافي للعجن ... تذاب الخمرة مع ملعقتين اكل سكر في نص كوب ماء دافي لمدة 5 دقائق ، يخفق البيض مع كوب الحليب والسكر المتبقي ويترك على جنب ثم ينخل الطحين مع البيكنباودر وتضاف رشة ملح ثم يضاف الزبد الذائب الى الطحين ويفرك باليد حتى يصبح مثل الرمل ثم تضاف الخمرة المذابة وتوزع على الطحين ويضاف خليط الحليب والبيض والسكر ونبدأ العجن ويضاف ماء دافئ كلما احتاجت العجينة لذلك الى ان تصبح عجينة متماسكة تترك لتختمر نصف ساعة او اكثر ثم تشكل حسب الرغبة وتدهن بالبيض وقليل من الفانيلا ويرش السمسم والسكر على سطحها وتترك لترتاح قبل ادخالها الى الفرن على درجة حرارة متوسطة
والف عافية اي سؤال او استفسار ادلل

طريقة عمل البتي فور
2 ونص كوب طحين 2 بيض 1 كوب سكر بودرة 1كوب وربع زبدة لينة 1ملعقة صغيرة فانيلا نص ملعقة صغيرة بيكنك باودر 1ملعقة كبيرة بودرة كاكاو 0
نخلي الزبد والسكر بلخلاط ينخفقون 5 دقائق لحد ميصيرون مثل الكريمة وبعدين نضيف البيض ونخليهم ينخفقون 10 دقائق وبعدين نضيف الطحين والمواد الجافة وبعد العجن نخلي العجينة بثلاجة نص ساعة وبعدين تشكليهة براحتج اني ساعدتني مكنة البتي فور اذا موجودة عدكم واذا مموجودة بكيس حلواني وتشكليهة بكيفج

والف عاااافية

عاشت ايدك على هالوصفات بس عندي سؤالين شلون يستوي الصمون اذا النار مو فوك يعني المعروف عند شوي المعجنات والصمون تكون حراره الفرن من الاسفل وبعدين يحمر الوجه هاي وحده
ثاني شي ياريت اذا تعرفين طريقه عمل الكاهي العراقي اني سويته بطريقتي ونجح وهي عجينه بدون خمره فقط طحين وزيت وماء وتتركيها ترتاح وراها تقطعيها الى كرات متساويه الحجم وتفتحيها بشوبك وكل خمس قطع تضعيها فوق بعضها وبيناتهم تدهنيها بالزبده مع الزيت وتتركيها الى ان تنتهي من كل الكميه ترجعين على الخمس القطع الوضوعه فوق بعض وتفتحيها مره وحده بشوبك خبز الرقاق الرفيع ورا ماتفتحيها تدهنيها وتطويها وتتركيها في الثلاجه نص ساعه وراها تطلعيها وتفتحيها بالشوبك العادي على شكل مستطيل وتشويها في الفرن تطلع طبقات هشه وطيبه كلش بس متعبه وطويله الشغله واني اقتبست هالطريقه من يوتيوب لعمل البورك التركي والكاهي العراقي ... ياريت لو اكو طريقه اسهل لعمل الكاهي ... شكرا مقدما واهديكم هذا اليوتيوب لعمل البورك

<a href="http://www.youtube.com/watch?v=86Gj7U0_834" target="_blank" class="aeva_link bbc_link new_win">http://www.youtube.com/watch?v=86Gj7U0_834</a>

تحياتي

سموجتنا الغالية يا رفعة راس بيتنا، يا رب يهنيج و يسعدج و يكتبلج اجر كل حرف جاي تعلمنياها العشرات من امثاله في ميزان حسناتج امين يا رب العالمين.

سموجتنا الغالية يا رفعة راس بيتنا، يا رب يهنيج و يسعدج و يكتبلج اجر كل حرف جاي تعلمنياها العشرات من امثاله في ميزان حسناتج امين يا رب العالمين.

اشكرك ياوردة تسلم تسلم على الدعاء رحمة الله والديك والله قليلة بحقكم يا طيبين تستاهلون اكثر

صبحكم/مساكم الله بالخير حبايبي،

عندي سؤالين:
1- قبل فترة اشتريت كمية من البرغل و استعملت منه بس للتبولة بس مجاي يخلص، دا اريد فد طبخة اكدر استعمل البرغل بيه.

2- طبعا اموت على مركة السبيناغ و ناوي اطبخه بالايام الجاية ان شاء الله بس بالعراق سهلة من اكول اريد اسبيناغ و الالة، اهنا ما يعرفون شنو الالة فلازم اشتريها وحدة وحدة، حسب معلوماتي البسيطة الالة تتكون من الشبنت و الكزبرة و الحلبة و اللوبيا الحمرا، بعد اكو شي ناسيه اني؟؟


تحياتي و الف شكر مقدما على الردود.

اخوكم زيد

صبحكم/مساكم الله بالخير حبايبي،

عندي سؤالين:
1- قبل فترة اشتريت كمية من البرغل و استعملت منه بس للتبولة بس مجاي يخلص، دا اريد فد طبخة اكدر استعمل البرغل بيه.

تكدر تسوي بي مقلوبة كلش كلش طيب وتكدر تسوي بي كبة حامض بس تخبطة وية الجريش واذا تريد الطريقة مال كبة حامض اعلمك عليها وبعد متنسى طعمها

طريقة عمل البرغل
كوبين برغل خشن_- نصف كوب شعرية- ربع كوب حمص مسلوق- 5ملاعق زيت - ماء او خلاصة اللحم اوالدجاج . او ماجي اطيب واذا ماكو كلهن بس ملح خاشوكة اكل
طريقه العمل:
 يغسل البرغل و يوضع مقدار2 او3 كوب ماء او خلاصة لحم  او ماجي شوف شنو عدك وراهاعلى النار  يغلي  من تشوف المي كام يغلي  تضيف البرغل للمي مع الحمص وانتة مسهي الشعرية على صفحة  ثم تضاف الى البرغل  لمدة خمس دقائق على النارثم تخفف النار حتى يتهدر مع التقليب مرة او مرتين وراها تحمي الزيت وتصبة فوك البرغل قبل التقديم والف عافية.
وتدلل



2- طبعا اموت على مركة السبيناغ و ناوي اطبخه بالايام الجاية ان شاء الله بس بالعراق سهلة من اكول اريد اسبيناغ و الالة، اهنا ما يعرفون شنو الالة فلازم اشتريها وحدة وحدة، حسب معلوماتي البسيطة الالة تتكون من الشبنت و الكزبرة و الحلبة و اللوبيا الحمرا، بعد اكو شي ناسيه اني؟؟

اي اللحم اول شي تسلكة سلكة زينة  وراها تحمسة وية البصل وبهارات الكاري وتضيف الالة والشبنت تطلع ريحتهم وبعدين تضيف السبيناغ ورة متذبل نحمسهم بالمعجون وبعدين نضيف مي حار واني احب اضيف حمص ماخلي لوبيا اذا عندك مسلوكة خليها اخر شي حتى لاتنمرد وياها تمن ابيض والف عافية هااااا لاتنسى عصرة ليمون واذا عندك رارنج احنا معزومين يمك هههههههه والف عافية وتدلل

تحياتي و الف شكر مقدما على الردود.

اخوكم زيد

عاشت ايدك على هالوصفات بس عندي سؤالين شلون يستوي الصمون اذا النار مو فوك يعني المعروف عند شوي المعجنات والصمون تكون حراره الفرن من الاسفل وبعدين يحمر الوجه هاي وحده
ثاني شي ياريت اذا تعرفين طريقه عمل الكاهي العراقي اني سويته بطريقتي ونجح وهي عجينه بدون خمره فقط طحين وزيت وماء وتتركيها ترتاح وراها تقطعيها الى كرات متساويه الحجم وتفتحيها بشوبك وكل خمس قطع تضعيها فوق بعضها وبيناتهم تدهنيها بالزبده مع الزيت وتتركيها الى ان تنتهي من كل الكميه ترجعين على الخمس القطع الوضوعه فوق بعض وتفتحيها مره وحده بشوبك خبز الرقاق الرفيع ورا ماتفتحيها تدهنيها وتطويها وتتركيها في الثلاجه نص ساعه وراها تطلعيها وتفتحيها بالشوبك العادي على شكل مستطيل وتشويها في الفرن تطلع طبقات هشه وطيبه كلش بس متعبه وطويله الشغله واني اقتبست هالطريقه من يوتيوب لعمل البورك التركي والكاهي العراقي ... ياريت لو اكو طريقه اسهل لعمل الكاهي ... شكرا مقدما واهديكم هذا اليوتيوب لعمل البورك
http://www.youtube.com/watch?v=86Gj7U0_834#
تحياتي

حبيبتي مو حرارة قوية فالصمونة راسا راح تنفش والصينينة مال صمون تكون بالنص اذا يم النار راح تحترك ومراح تضبط عدج اني هيج اسويها

وبالنسبة للكاهي اني اجيب عجينة البف باستري اكصها واشويها بس من اشويها اخلي ضغط عليها حتى متنفش وراها اصب عليها الشيرة من تخلص وكلش طيبة وخلص بس اكثر شي استعمل وافل وية السيرب مالتة اطيب من الكاهي
وخاصة للجهال يحبو

وعاشت ايدج على طريقة البورك رهيبة ننتظر المزيد منج عمري والف هلا بيج

تسلمين يا وردة الورود، طبعا اني جاي اقرا الخطوات و لعابي ديسيل هههههه
هم كلش احب كبة الحامض من يصيرلج مجال علمينياه بس اتذكر والدتي جانت تحط شلغم وياه، اكو شي اكدر احط ابدال الشلغم لان ما اتصور اهنا الكيه


هسة خوش طبختين تعلمناها للايام الجاية ان شاء الله.

الف شكر يالغالية.

زيد

اي شي اكيد بالشلغم وتكاة يم الشوندر يم الخضرة مثل السلك وهاي السوالف هسة اكتبها الك والله ياهوة اليضوكها يريد يتعلمها انشالله بس يصيرلي مجال اكتبها الك بالتفصيل الممل وتدلل ابو الزوز

السلام عليكم اتمنى تخدموني كيف مقادير وكيف تتم ومانوع اللحم وكيف يثرم (((الكباب العراقي مال المطاعم الاصلي )))

الف هلا بيك اخوية العزيز
بالنسبة للكباب العراقي اني اشوي بالفرن الغازي

كيلو لحم دهين هوش + غنم
معدنوس خاشوكتين اكل
ملح خاشوكة اكل
 فلفل اسود رشة بسيطة
طماطة كلش صغيرة مكشرة ومثرومة ناعم
وتخطين كلش كلش زين هاي مهمة النقطة
وتجيب اشياش مال كباب تمسحها بيكربونات الصوديوم وشوية مي حتى الكباب ميوكع منها

وتخليهم بصينية بيها فويل المنيوم مدهون وادخلها الفرن الحرارة من فوك وسط وكلما تشوفة استوة تكلبة على كيف وتجيب فحمة تذب فوكاها قطرتين زيت حتى يكون الكباب عبالك مال فحم
والف الف عافية اخوية العزيز

[/color]

سموجتنا الغالية،

اموت عالبامية بس المشكلة من اطبخه بعد تلعب نفسي و ما اكلها، ديصير عندي اليامية شكد ما احطها عالنا توصل لنتيجة تتكروط و بي لزوجة عاليا، فاريد اتعلم الطريقة الصحيحة شلون اجيبها مضبوطة؟

نورتينا برجعتج يا غالية.

اخوج زيد

هلا بيك ياوردة بس كولي شنو نوعها فرششششش لو جامدة لو يابسة حتى اجاوبك مضبوط

هلا بيك ياوردة بس كولي شنو نوعها فرششششش لو جامدة لو يابسة حتى اجاوبك مضبوط

تسلميلي يا الغالية، فرش طبعا كل محاولاتي وياها فاشلة  :-[ اما الجامد اخاف اجيبه اكول اذا التازة ما مدبرها عود ذيج را ادبرها

اني انصحك بالمجمدة اطيب لان اكيد الفرش مالتكم مو مثل العراقي تموع بالحللك

شلونكم حبايب؟ ان شاء الله تكونون بالف خير.

سؤال، شلون اسوي مربى مال رقي.

سمعت من جيراني قبل شكم يوم تكول صديقتها جابتلها مربى ركي من بغداد و اني ظليت صافن لان اول مرة اسمع بيها و صار عندي فضول اريد اتعلمها. 

مرحبا اخواني وخواتي
اليوم لكيت طريقة لعمل الخبز اللبناني اتمنى ان تستفادو منها خصوصا للي ساكنين في مناطق مابيها شغلات عربيه مثل حالتي
الجزء الاول
http://www.youtube.com/watch?v=ncEmlhx3iYo (عدم السماح بالإدراج الخارجي)
الجزء الثاني
http://www.youtube.com/watch?v=JD6Sk0HILDk (عدم السماح بالإدراج الخارجي)

         السلام عليكم ورحمه الله وبركاته
مشرفتنا الغاليه احب استفسر منك عن طريقه عمل عجينه البورك الي مكوناتها من البيض والطحين
مع جزيل الشكر

         السلام عليكم ورحمه الله وبركاته
مشرفتنا الغاليه احب استفسر منك عن طريقه عمل عجينه البورك الي مكوناتها من البيض والطحين
مع جزيل الشكر

حبيبتي الغالية كلش سهلة ومقرمشة
مقادير العجينة تكفيج 25 قطعة او احتمال اكثر اذا صغرتيها
3كوب طحين /1 بيضة /1\4 م ص ملح /2 م زيت/ماء
بدون خمرة ابد وبس ترتاح اشتغلي بيها وافتحيها يا اما بالنشا او بالزيت وافتحيها كلش خفيف حى تتقرمش
والحشوة يما دجاج او لحم او جبن اليعجبج كليها بزيت غزير وحار والف الف عافية

السلام عليكم
ممكن اختي العزيزة  ومعلمتنا الجليلة تعلميني طريقة عمل الفسنجون وشكرا لك لجهودك الطيبة الله يحفظك لعائلتك .
اختكم ورد الشام.

تسلمين مشرفتنا الورده والمبدعه والمتألقه على هالأكلات الطيبة , أني أشكرج هوايه على جهودج هاي الكريمه ؤو بارك آلله ربي بيج ياغاليه ...

مشكورة اختنا على هالجهود الرائعة .

اخوية اذا بعدك تريد باميا فهذي الوصفة المضبوطة مالتها

اول شي تجيب لحم غنم حسب الكمية اللي ترغب بيها وتحمسها على نار وسط تقريبا ربع ساعة لحد ما يحمر اللحم
وراها تجيب كم راس ثوم حسب رغبتك بس يعني اقل شي فد خمس روس وتحمسها وية اللحم والنار تكون هادية او وسط
وراها تجيب الباميا ويفضل فروزن وتحمسها شوية وية اللحم والثوم وما تقلبها بالخاشوكة لان تنمرد وتصير مو طيبة وانما تشيل الجدر بايدك وتقلبها على كيفك
بهالاثناء تجيب طماطة رايجة مو قوية حسب الرغبة لكن ما لا يقل عن كيلو وتعصرها وتحاول تصفيها تصير اطيب
تدير الطماطة المعصورة فوق الباميا وتكمل بقية الجدر بالمي والمعجون تقريبا 3 خواشيك
وتخلي الجدر يفور ما لا يقل عن ساعة وراها من تشوف المركة بدت تثخن نصي النار وخليها تطبخ على نارد هادئة وكل ما طبخت اكثر كل ما تصير اطيب
والف عافية اكل وادعيلي

من فضلك اريد وصفات لعمل الارز