تعليمات مليء استمارة ال ds-260 لاول مرة على صفحات الانترنت حصري لبيت اهلنا

[BaghdadGhost]

السلام عليكم

للاستفسارات الكثيرة حول هذه الاستمارة (البعبع) قررت من فترة ان اقوم بترجمتها. لكن ما منعني الانشغال ببعض الامور المهمة و ايضا قلة خبرتي فيها كوني لم اقم بملئها مسبقا عند تقديمي  وعدم استطاعتي الاطلاع عليها. فحاولت البحث المطول في النت لنسخة منها كي اقوم بالترجمة عليها لكني لم اجدها بتاتا, الا فقط موقع واحد يطلب الاشتراك المدفوع لتحميل نسخة منها و كنت على وشك دفع المبلغ لولا انتباهي بانهم قد يكونوا قريبين للاحتيال في طروحاتهم.

لذا قررت الاتصال باحد الاخوة الاعضاء المتواجدين هنا و طلب معلوماته للدخول على الاستمارة و عمل صور للصفحات.

ها انا اليوم اضع بين ايديكم نموذج مترجم (قدر الامكان) من الاستمارة ds-260 عسى ان تكون عونا للبعض مستقبلا

شكرا جزيلا للاخ صاحب الاستمارة الرئيسي فلولاه لما استطعت اتمام المهمة.

بامكانكم مشاركة الفايل ادناه مع اي شخص بحاجة له.

اذا كان لديكم اي استفسار حول الفقرات المذكورة بالامكان وضع رد هنا وساقوم ان شاء الله بالرد باقرب وقت ممكن.

للاستفسار اكثر حول الاستمارة و طلب المعونة من جهه رسمية بالامكان الاتصال ال NVC على عنوان البريد او الهاتف التالي:

603-334-0700 or e-mail: NVCINQUIRY@state.gov.

بالتوفيق

[smg id=207 type=av align=center caption="ds 260 translation2"]

[steve-o]

جزيل الشكر الك يا مبدع المنتدى ويا رب تكون في ميزان حسناتك
اخوك acs

[BaghdadGhost]

بالخدمة اخي acs

[أبو سعد]

بصراحه مجهود جبار بارك الله فيك والله لايحرمك الأجر

أخي الكريم من باب الفضول والعلم بالشيء ممكن تقولي هذه الاستماره حق ايش بالضبط ؟

[BaghdadGhost]

اخي ابو سعد

هذه الاستمارة من ضمن الاستمارات التي قامت بعض السفارات الامريكية باعتمادها للحصول على كافة المعلومات المقدمة لمقدم طلب تاشيرات الهجرة للوصول الى الولايات المتحدة الامريكية. واذا كان شخص معين مطلوب ملئها فسوف يطلب منه ذلك بالايميل المرسل من السفارة كما يحدث في العراق.

تحياتي

[أبوعبدآلله]

أشكرك أخويه الورد شبوحي على كل هذه الجهود الطيبة والكبيرة في سبيل اخوتك , بارك آلله ربي فيك ووفقك لكل الخير ... آللهم آمين .

[BaghdadGhost]

شكرا عزيز ابو عبد الله لمرورك الكريم

[thekra.muhsin]

عاشت ايدك اخوية العزيز على هذه المعلومات  الله يرضى عليك اللهم يوفقك الى مراضيه وايجنبك معاصيه وينطيك الصحة والعافية بجاه محمد وال محمد

[BaghdadGhost]

عاشت ايدك اخوية العزيز على هذه المعلومات  الله يرضى عليك اللهم يوفقك الى مراضيه وايجنبك معاصيه وينطيك الصحة والعافية بجاه محمد وال محمد

اشكرج اختي ذكرى للدعاء و ان شاء الله تكون فادتكم

[رافت]

تسلم ياورده كثر الله من امثالك وربي ايجازيك كل خير ......هواي استفاديت منهه عاشت ايدك

[fzru]

السلام عليكم..

حقيقه اشكر الجميع على هذا المنتدى الرائع والمساعده القيمه الي تقدموها واتمنى من حضرتكم انه تساعدوني   بمليء فورمة ال260 وسؤال حول Present and Previous Address Information

اول فقره يسأل على العنوان الحالي واني عايش بغداد وراها يسال
From Date
 
(Format: MMM-YYYY)
Date at age sixteen:

بعدها يسال انه عايش قبل بمكان ثاني واني بقيت حوالي سنه ونص بماليزيا ومن املي المعلومات يطلعلي هذا الخطأ

There is a gap greater than a month in the dates you have provided. Please include ALL addresses where you have lived since the date you turned 16 years old. The National Visa Center may ask for additional information regarding gaps in residency, which will result in a delay in scheduling your visa interview.

فشنو اسوي بهاي الحاله؟ واشكركم مقدما على المساعد

[BaghdadGhost]

اخي العزيز

لازم يكون اكو ترابط بين العناوين الي تذكرها ,, المفروض الفرق يكون اقل من مدة شهر .. باعتبار ان الانسان لازم يكون ساكن في عنوان معين طول عمره و حتى لو ينتقل فمراح يكون اكو اي فترة زمنية بدون سكن بين الانتقال.


يعني مثلا

من شهر السابع 2007 الى العاشر 2008 في البياع العنوان الفلاني

ميصير تكتب وراها من شهر 12 للسنة 2008 لان راح يكون اكو مدة شهرين بين العاشر و الثنعش ماذاكر بيها اي عنوان سكن

[fzru]

حاولت كل الطرق ونفس الرساله تطلع ما اعرف شنو المشكله! يعني كتبت نفس التاريخ واكثر واقل بس كلها نفس الرساله تطلعلي ....

[BaghdadGhost]

اخي العزيز

ممكن تاخذ صورة باستخدام برنامج ال  SNIPPING TOOL الموجود في الوندوز في فولدر الاكسسوريز من قائمة all programs في start

اخاف مو واضحه هاي الطريق للبرنامج

start --- all programs --- accessories --- snipping tools

صورة الايقونه مالته مثل المقص

[BaghdadGhost]

اخي العزيز


اكو خطا انت مسوي لذلك مدترهم عندك .... شوف احسن شي جيب ورقة و قلم و اكتب التسلسل بالمقلوب ,, يعني حاليا ثم السابق ثم السابق الى ان توصل الى عمر 16 سنه و اتوقف ... هسه راح تعرف الخطا وين

[BaghdadGhost]

الخطا هنا المفروض تصير السنة 2009 لان منطقيا ما ترهم الي كاتبه لذلك مديقبل ينتقل للخطوة الي بعدها

[fzru]

ما رهمت

Jun 1998 صرت 16 سنه
الى jun 2009 سافرت

وراها من june 2009
ألى oct 2010

رجعت oct 2010
ولليوم

وهم مديقبل!!!

[BaghdadGhost]

اخي انت غلطان لان حته بالاستمارة ذاركلك بانك في march 1998 اصبحت 16 سنه


سوي مثل مكتلك عليه .. جيب ورقة و قلم و اكتب من الحالي و نزولا و لتخلي اي فراغ بين سكن وسكن و امشي بيها للاخير عيفك من سالفة 16 سنه ,, وراها راح تكتشف الخطا مالتك وينه

بالمناسبة طبعا انت دتغير و مشتبه بدون مدتعرف لان بالصور الي بعثتلياها خال اول شي شهر الثالث 1998 بينما هسه بمشاركتك الاخيرة كاتب البداية شهر السادس 1998

[fzru]

اسف هنا كتبتها غلط بس اني جيكتها على الورقه والقلم ومديقبل ... يمكن راح الغي انه عندي غير مكان ساكن بيه لأن بس بهاي الحاله ديقبلها ...

[BaghdadGhost]

انت براحتك اخي ,, بس تتصور هذا مراح يختلف وية جواز سفرك ,,, او السوال حول اي البلدان زيتها وفي اي سنه؟؟

[fzru]

هو هنا المشكله بس هم بوقتها طلبوا مني الصفحات كلها مال الجواز والفيزه مال الدوله الي زايرها ...ألمشكله انه مدترهم ما اعرف ليش حتى خليت شخص ثاني يجرب ابدالي وهم نفس الحاله ...شدلي عداوه بعد ...اني جدا اشكرك وتعبتك ويايه

[BaghdadGhost]

اخي العزيز

اسف للتاخر بالرد ولكن هسه وصلت للبيت من الشغل


اذا تحب اني اجرب اترسلكياها لهاي الفقرة و اخزن الاستمارة و انت كمل الباقي؟

[fzru]

الحمد لله انحلت المشكله وعاشت ايدك اخويه وتعبتك ويايه

[BaghdadGhost]

الحمد لله انحلت المشكله وعاشت ايدك اخويه وتعبتك ويايه

بالي يمك من البارحة والله. حته ضفت الموضوع للمفضلة حته اتابعه بس الضاهر راح ارفعه  :azn:

الحمد لله

[fzru]

الله يسلم بالك ورحمه الله والديك اخويه

[Ammar Bahaa]

اخوي العزيز : اولا اشكرك جدا على توضيح هاي الاستمارة بس عندي بعض الاستفسارات
1 - اني  كملت مقابله و مكمل كل شي باقي على الفيزا المشكله اللي عندي اني تارك العمل من 2009 المشكله شلون الكه برنامج 128 بي
2 - منين الكه النفويز نمبر
3- شنو رقم البنفشري
4 - اجاني طفل جديد شنو الموقع اللي اكدر ادز من عنده اتاج فايل يعني الجواز والوثائق المترجمه
اخي العزيز والله دخت وما اعرف شسوي الرجاء المساعده

[BaghdadGhost]

الاخ عمار


صراحة لم افهم السؤال الاول بتاتا؟؟؟!! الرجاء التوضيح اكثر يرحم والديك

بالنسبة لبقية الاسئلة الي افتهمته من الثاني و الثالث انك تسال عن الانفويس نمبر و البنفشري نمبر.. ممكن تطلبهم من ال NVC على ما اعتقد همه يبعثولكياهم ولو انت المفروض وحدة منهم عندك مسبقا بس ايهو منهم ممتاكد

السؤال الاخير الي افتهمته انه اجاك طفل.. بعد كلمة طفل ما افتهمت منك شنو الي تريده ؟؟ او شنو السؤال

اخي العزيز ارجوك لا تتعاجز بالشرح و خل تكون اسئلتك واضحة حته جوابي يكون واضح

[Birch]

شكرا اخي العزيز شبح بغداد على الاجابة و المساعدة.

بالنسبة للصفحة رقم 10: السؤال الي يخص اذا كان عندك عنوان تنوي السكن بيه بامريكا.هذا السؤال مقصود بيه بانه اذا كان عندك اقارب أو اصدقاء يسكنون بامريكا ؟ يعني يقصد كفيل معنوي لو مادي؟

بالنسبة للصفحة رقم 16: هل عملت سابقا بأي وظيفة .... هذا السؤال مقصود بيه تكتب اخر عمل اشتغلت بيه؟ لو اخر عملين , لو ثلاثة اعمال.......الخ؟ و هل تكتب من الاحدث للاقدم؟ و اذا كان اخر عملين اشتغلتهن ليس لها علاقة بالاس اي في, تذكرهن لو لا؟ يعني باختصار تذكر اخر عمل اشتغلته لو شنو بالضبط؟

و بالنسبة للدراسة ,اني اخر شي درست كلية .يعني اذكر اخر جامعة و كلية درست بيها؟ لو هذه تخص فقط الاعدادية ؟

بالنسبة للصفحة 17: هذه الفقرة تخص اذا كنت عندك وثائق لقاحات بموجب القانون الصحي الامريكي.اكتب نعم لو لا؟

بالنسبة للصفحة 19: اذا كنت منتمي للحزب البعث.مثل متعرف قبل كانوا يجبرون الطلاب على الانضمام بحزب البعث ,فهل تكتب نعم لو لا؟ واذا تكتب نعم هل هذا الشي يؤثر على الاس اي في؟

بالنسبة للصفحة رقم 25 و 26: شنو تجاوبهن بنعم لو لا؟

تقبل تحياتي

[BaghdadGhost]

اخي بيرج راح اجاوبك على وحدة وحدة

بالنسبة للصفحة رقم 10: السؤال الي يخص اذا كان عندك عنوان تنوي السكن بيه بامريكا.هذا السؤال مقصود بيه بانه اذا كان عندك اقارب أو اصدقاء يسكنون بامريكا ؟ يعني يقصد كفيل معنوي لو مادي؟

جاوب لا

بالنسبة للصفحة رقم 16: هل عملت سابقا بأي وظيفة .... هذا السؤال مقصود بيه تكتب اخر عمل اشتغلت بيه؟ لو اخر عملين , لو ثلاثة اعمال.......الخ؟ و هل تكتب من الاحدث للاقدم؟ و اذا كان اخر عملين اشتغلتهن ليس لها علاقة بالاس اي في, تذكرهن لو لا؟ يعني باختصار تذكر اخر عمل اشتغلته لو شنو بالضبط؟

نعم من الاحدث للاقدم. نعم تذكر آخر عملين بغض النظر عن طبيعتهم

و بالنسبة للدراسة ,اني اخر شي درست كلية .يعني اذكر اخر جامعة و كلية درست بيها؟ لو هذه تخص فقط الاعدادية ؟

الامور المشموله هي الكلية و المعهد و الصناعه او التجارة و الاعدادية

بالنسبة للصفحة 17: هذه الفقرة تخص اذا كنت عندك وثائق لقاحات بموجب القانون الصحي الامريكي.اكتب نعم لو لا؟

تقصد صفحة 19, تجاوب لا و بالحقل مال شرح اكتب بعدني ممسوي الفحص الطبي كوني لم استلم ايميل تحديد الموعد.

بالنسبة للصفحة 19: اذا كنت منتمي للحزب البعث.مثل متعرف قبل كانوا يجبرون الطلاب على الانضمام بحزب البعث ,فهل تكتب نعم لو لا؟ واذا تكتب نعم هل هذا الشي يؤثر على الاس اي في؟

اكتب نعم و ما ياثر شي بس كون ما ملطخة ايدك بالدم عن طريق انتمائك للبعث.

بالنسبة للصفحة رقم 25 و 26: شنو تجاوبهن بنعم لو لا؟

هاي الحقول اني اتعمدت اترجمهن مثل ما هنه للامانة و حته كل شخص يشوف شنو المطابق لحالته, لكن عالعموم الاغلب يكون جوابهم لا



بالتوفيق

[Birch]

شكر اخي العزيز شبح بغداد و ممنون منك على الاجابة و المساعدة.

بالنسبة للصفحة 16: اكتب اخر عملين اشتغلتهن و بالنسبة للدراسة اكتب الكلية ؟صح؟

بالنسبة للصفحة 19:  نعم اقصد الصفحة 19, تفضل ان اسوي الفحص الطبي و اكتبلهم (نعم)؟حته لا يصير اشكال؟

بالنسبة للصفحة 25 و 26 : اني اقصد بالضبط الفقرات التالية و ليس كل النقاط بالصفحتين

Security and Background : Miscellaneous Information 2
Q: Are you permanently ineligible for US citizenship?
P.25

Social Security Number Information
Q: Do you want the Social Security Administration to issue a Social Security number and a card?
Q:Do you authorize disclosure of information from this form to the Department of Homeland Security ,the Social agencies as may be required for the purposes of assigning you a social security number (SSN) and issuing you a Social Security card and do you authorize the Social Security Administration to share your SSN with the Department of Homeland Security ?
P.26

هذه الفقرات بالتحديد الاجابة عنها ب (نعم) لو (لا) ؟ اني برأي الاجابة الافضل (نعم) .انته شنو رأيك حسب خبرتك.

اسف على الاطالة و تعبتك ويايه اخي العزيز و الله يوفقك.

[BaghdadGhost]

Security and Background : Miscellaneous Information 2
Q: Are you permanently ineligible for US citizenship?

No


Social Security Number Information
Q: Do you want the Social Security Administration to issue a Social Security number and a card?

Yes

Q:Do you authorize disclosure of information from this form to the Department of Homeland Security ,the Social agencies as may be required for the purposes of assigning you a social security number (SSN) and issuing you a Social Security card and do you authorize the Social Security Administration to share your SSN with the Department of Homeland Security ?

Yes

[Birch]

شكرا اخي العزيز شبح بغداد و الله يوفقك يا رب.

[BaghdadGhost]

شكرا اخي العزيز شبح بغداد و الله يوفقك يا رب.

تدلل اخي بيرج

[sofee2010]

السلام عليكم
اني عايش بالعراق
وهسه راح اقدم وما اعرف مين ابدي يعني شلون وشنو الخطوات اللي ابدي بيهه
اريد اسوي هجرة
مره يكلون على ال 230 ومرة كالو على 260 وبعدين كالو لازم 150 وانلاصت علية صراحة

اخر شي دخلت على ال 260 اون لاين
ديطلبون مني الكيس نمبر والايدي نمبر
ما اعرف مين اجيبهن
في حال انه لازم اراسلهم حتى اخذ هذة الارقام وين اتصل وشنيه صيغة الرسالة

ياريت اخويه تخدمني بالموضوع

[BaghdadGhost]

اخي صوفي

هاي الاستمارة مو كل واحد يمليها وانما فقط الي يطلبوها منه اثناء التقديم

اعتقد حظرتك مشتبه بموضوع التقديم الى امريكا لان بي ضوابط و شروط.

[sofee2010]

اني اشكرك على الرد ياورده
زين  اني هسه اريد اقدم شنو الخطوات الي لازم اسويها وشنو الضوابط والشروط ياريت لو اساعدني بهذا الموضوع راح اتعبك ويايه

[المتواجد]

الف شكر عالمجهود الرائع.

[k4tk0t]

سلام عليكم
اريد بعض مساعده
في استماره ds-260
Personal 1
ملء معلومات من ؟؟
Personal 2
ملء معلومات من
Beneficiary ID  من اين اجد هذة ؟

[BaghdadGhost]

سلام عليكم
اريد بعض مساعده
في استماره ds-260
Personal 1
ملء معلومات من ؟؟
Personal 2
ملء معلومات من
Beneficiary ID  من اين اجد هذة ؟

اخي العزيز اسف للتاخر بالرد

السؤال الاول و الثاني ما افتهمتها حقيقة

البنفشري ايدي اتصور تحصل عليه من ال NVC تراسلهم وهمه يبعثولكيا لاتمام الاستمارة

[المهندس العراقي]

السلام عليكم اخوية جدا مشكور على هذا الجهد
حبيت استفسر انو اذا ماعندي عنوان بريد خارج العراق حته يدزون اوراقي عليه شسوي بالاضافه الى انه اني ماعندي sponsor  ممكن تنصحني شكتب بالاستمارة؟

[maeein2012]

السؤال الاول:
انا قادم على تعباة أستمارةDS-260 لي و لزوجتي والطفلين
هل مطلوب كتابة معلومات الجوازات لزوجتي والطفلين عند تعباة استمارة DS-260
لاني هسع ماطلعت لهم جوازات؟

السؤال الثاني:
حاولت ادخل على ds-260 الخاص بواحد من اطفالي محاولن معرفة هل يحتاج الى جوازات, فطلعت لي صفحة الموافقة على شروط التعباة, فخفت تحصل مشكلة, فقمت بخروج sign out,
هل الوضع طبيعي, مافي مشكلة...

ملاحظة:
والدي هو مقدم الطلب وهو متقدم في السن, ومش عارف حاجة, بس وعدني انه حايروح بعد شهر يعبي الاستمارة, ويسال هل يحتاج معلومات الجواز للاطفال والزوجة..
بس اريد المعلومات الان ان امكن...

وشكرا على هذا المنتدى الاكثر من جميل

[maeein2012]

لايوجد رد للاسف

[رفاه]

شكرااااا 

[المغترب الجديد]

بارك الله  بيك اخي شبح بغداد
رسلتلك رساله قبل فترة ما جاوبتني ؟ براحتك
هسه ادا تكدر تساعدني بخصوص استماره DS-117 الفقرة رقم 8 اكون ممنون منك يا وردة
شكرا