حضروا الجنط دناخذكم بجولة!

الكاتب موضوع: حضروا الجنط دناخذكم بجولة!  (زيارة 2769 مرات)

0 الأعضاء و 1 ضيف يشاهدون هذا الموضوع.

Feb 29, 2012, 05:53 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
حضروا الجنط دناخذكم بجولة!
« في: Feb 29, 2012, 05:53 مساءاً »
اخواني و اخواتي،
اليوم رح ناخذكم تور الى محافظة بولونيا الايطاليةBologna, Italy ، تعتبر بولونيا من المدن التاريخية و القديمة بايطاليا. اني مارح ادخل عالتاريخ لان مهما يكن دايما ابن البلد يصف بلده او مدينته احسن من الغريب بس اللي را اسويه.
ا
حجيلكم عن بعض من تجربتي و اشوفكم شكم صورة و ننطي شكم نصيحة اتفيد لليريد يزور او ايعيش بالمدينة.

طبعا ايطاليا من دول الشنكن و العملة الماشية بيها هي اليورو، هسة قبل ما الشخص ييجي، يفضل انه يحول الفلوس الى يورو قبل ما يوصل لان مثلا اذا انته جاي من بغداد فرحتشوف رحتفرقلك هواية، يعني ببغداد جانت و اعتقد هسة هم ما اختلف اهواية تحول ال100 دولار الى 69 يورو و هاي تكدر من اي مكتب صيرفة اللي يتعامل باليورو. اما في ايطاليا و عالعموم اني رح احجي بس عالمدينة نفسها، عندك السبت و الاحد عطلة و تصريف العملات بالعطل غالبا ما يكون الخيار الوحيد عن طريق محطة القطار و هناك رحيصرفولك ال100 دولار ب45 يورو(يعني الفرق رهيب)، و اذا بالايام العادية من الاثنين الى الجمعة تكدر تصرف بالبنوك او البوسطة خانة و هم رحيصرفولك بش تفرق عندك مثلا ال100 دولار ب60 دولار.
يعني دتشوفون الفرق فالافضل صرفها في بلد اقامتك او من بغداد قبل ما تجي الى بولونيا.

هسة نحجي من توصل للمطار (اني فقط رح اذكر بالطيارة هنا)، رحتشوفون المطار صغير و بيه قسم للمعلومات السياحية، بهل مكتب اول ما تطلب منهم اذا جاي وحدك و ما عندك اي معلومة الخريطة لان كلش رح تحتاجهه و تكدر تستفسر منهم عن الاماكن السياحية و عن التورات السياحية و حتى همة يرتبولك تور سياحي اذا طلبت منهم و عندهم كافة الدلائل عن تاريخ المدينة و المعالم السياحية و التاريخية و كل هاي تحصلها مجانا ما عدا التور السياحي هذه لازم تدفعها من عندك.

هسة ورا ما حصلت على الخريطة و الدلائل السياحية تطلع بباب المطار, اكو طريقتين تنزل للمدينة اما تاخذ تكسي و اجر التكسي يتراوح من 15 الى 20 يورو او تنتظر باص الباص يمر بكافة مرافق المدينة باجرة 6 يورو و اهنا كلت مدينة لان اكو هم المدينة الصناعية الي بيها الشركات مال موبايلات او سيارات و شركات اخر تعتبر خارج المدينة و اكو محطة اخرى الي موجود بيها كنيسة القديس لوكا هم بعيدة و ما يوصلها الباص و اذا تريد تزور الكنيسة او تروح للمدينة الصناعية ، تكدر من توصل بالباص او تكسي المطار للمدينة مناك تاخذ باص ثاني الى الموقعين و اهنا رح اتفيدك الخريطة.

هسة نحجي بداخل المدينة، اذا عندك حجز مسبق بفندق او عندك شخص مدبر اقامتك فهذا ما يشملك، اما اذا ما عندك اي حجز قتكدر من مكتب معلومات المطار تحصل على قائمة بالفنادق بس اني رح اذكر شكم شي عالفنادق غالبا ما الزائر يروح على فندق 3 نجوم بس انتو تعرفون المواسم مال السياحة و الاسعار اكيد رح يختلف بس عموما اذا فرضنا انتم جايين بفصل الصيف و تريدون تنزلون بفندق قريب على كل شي يعني بنص المدينة ، مثلا تكدر تنزل بشارع انديبيندينزا (شار ع الاستقلال) و هو شارع تجاري و مهم و اكو فنادق على الشارع مثل دوناتيللو او قريبة منها مثل فندق برادايس ذولة اسعارهم للغرف المفرد من 50 يورو او فوك و اذا اخذت شقة فندفية، ايجار الشقة ليوم واحد هو 89 يورو الى 120 يورو.
اكو فنادق اخر قريبة عالى الجامعة بشارع سترادا ماجيوري بس هم اسعارهم تقريبا نفس الشي بس اذا تريد شي ارخص و ما يهمك مشاركتك ويا ناس فاكو شي اسمه كوميون و ايجاره من 15 ال25 يورو بس ماكو لا خصوصية و كلشي مشترك حتى الحمام.

هسة نحجي على تنقلات بداخل المدينة، تكدر تاخذ تكسي و غالبا اجر التكسي 5 يورو او الاصرف تاخذ باص و تستعمل بطاقة ال24 ساعة بسعر 2 يورو، او تتمشى اذا اتحب المشي لان المدينة مو كلش جبيرة و تكدر تتنقل براحتك بيها اذا ماكو شي يربطك مثل التزام بموعد.

 هسة نحجي على التسوق، خلي ابالك اكو شي رح يصدمك انه اغلب الاسواق تبلش بال9 الصبح و تعزل بالسبعة العصر و المطاعم تعزل غالبا بال10 مساء بس الوجبات الاكل السريع مثل ماكدونالدز تعزل اما بال1 او ال2 صباحا. يعني لازم ترتب امورك خلال اليوم تروح تتسوك قبل ال7 بالليل او تتسوك بس بالسبت او الاحد.
زين من السوبرماركتات اكو Coop كوب القريبة من شارع الاستقلال و اذا تحتاج تشتري صابون شامبو حلاقة مساحيق غسيل او اي شي ما يخص التجميل او التنظيف فأكو محلات اكو يم شارع الاستقلال و بسترادا ماجوري و غير افرع اسمها اكوا اند صابون يعني عدنا بالعربي ماي و صابون و حلو الشغلات البيها.
هسة نحجي على احذية لان ايطاليا معروف بجودة صناعة الاعذية فعندك الباتا و اكو صناديل الشهيرة مال دكتور شول و هاي كلها تلكاها بشارع الاستقلال.

هسة نجي تعرفون احنا شلون نجب شوكلاتة نوتيلا و بما انه همة الي اخترعوها فرح تلكى اهناك محلات بس للنوتيلا و يقدمولك كافة انواع النوتيلا حتى ميلك شيك، ههههه

همزين اتذكرت اكو شي مميز جدا بايطاليا الي هو دوندرمتهم (كلش طيبة) بصراحة حتى اطيب من بين اند جيري و هاكن داز و سانديز (هسة اللي بامريكا رح يزعلون) بس لا جديات السياح الامريكان و الكنديين يكولون طعم رهيب و لا غير. اني دا احجي على فريش دوندرمة مو من المجمدات هههه.

هسة رح نجي على جامعتي جامعة بولونيا و اللي تعتبر من اقدم و ارقى الجامعات الايطالية و الاوروبية و بصراحة اذا تحبون شغلات العصور الوسطى و التاريخ فرح اكيد تحبون  الجامعة و اللي اغلب اقسامه موجودة في شارع سترادا ماجيوري، بصراحة المعالم التاريخية كلش حلوة بس اكو شي اني جنت اتذمر منه هو بعض الصفوف لكون البنايات قديمة ما حاطين بيها تبريد يعني بس عالبنكات و تشتمون بالصفوف ريحة مال الخشب المبلل يعني هلكد ما البناية عتيكة هههه بس هم الايطاليين ما يريدون يرممون يخافون على الطابع التاريخي.
اعتقد كافي طولت بالشرح اكيد ما رح اذكر كلشي بس هسة صار وكت الصور. بالمناسبة هاي صور من كامرتي المتواضعة هههه اتمنى انه عجبكم التور. و ما كدرت احمل اكثر من 5 صور لان بصراحة يمكن هاي سابع او ثامن مرة دا احاول بس النت كلسع يكطع و مدا يرحمني هههههه

 
 
 

       

Feb 29, 2012, 07:03 مساءاً
BaghdadGhost
  • *
  • مشاركة: 3509
  • مقيم في: us
  • تقييم 55
  • الجنس: ذكر
    • بيت اهلنا المغتربين
رد: حضروا الجنط دناخذكم بجولة!
« رد #1 في: Feb 29, 2012, 07:03 مساءاً »
موضوع رائع بالفعل و جميل جدا و بي كم كبير و موضوع بطريقة احترافيه استحقيت عليها تقييم ممتاز


عاشت ايدك اخي المتواجد على طريقة السرد

Confidence comes not from always being right, but not fearing to be wrong

Feb 29, 2012, 08:54 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #2 في: Feb 29, 2012, 08:54 مساءاً »
 و ايدك العايشة اخ كوست. الف شكر على تعليقك و مرورك الطيب.

Feb 29, 2012, 09:45 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #3 في: Feb 29, 2012, 09:45 مساءاً »
و هاي الصورة لازم اضيفها لان تعتبر من المعالم المميزة بالمدينة.

مثل ماتشوفون بالصورة البرجين، البرج الطويل يكون كاعد بداخله شخص يفتح باب البرج باوقات معينة كل يوم للسياح. يعني اذا اتحب تشوف المدينة من العلو تكدر تدفع 3 يورو و تصعد، بس بصراحة اني 3 مرات صاعدها و بالمرة الثالثة يلا وصلت للقمة  (المحاولتين الاولى و الثانية وصلتني لي ثلاث ارباع البرج) لان الدرجات ترتيبها داخل البرج صايرة حلزوني و عرض الدرجاية قصيرة و مصنوعة من الخشب و ترى لا يخدعكم طوله ترى هو اطول من الي تشوفه بالصورة و نصيحة الي يريد يصعد لا يصعد بالصيف لان  كلش حارة و رطبة.

بس يا محلاها من توصل للقمة و تشوف المدينة جواك، كلش حلوة و تسوى هالتعب. يعني صدك واحد يكدر ورا ما يصعد يكول تعبه راحه.



Mar 01, 2012, 12:15 صباحاً
NOBLEMAN
  • *
  • مشاركة: 1598
  • مقيم في: us
  • تقييم 31
  • الجنس: ذكر
  • optimist
رد: حضروا الجنط دناخذكم بجولة!
« رد #4 في: Mar 01, 2012, 12:15 صباحاً »
موضوع رائع و جميل
عبالك دا اتمشى بالمدينة  :D

شكرا لك اخي المتواجد على الموضوع المميز
وهم اجاك تقييم مني  ;)
Some fools in the desert
With nothing else to do
So scared of the dark
So they invented me

Mar 01, 2012, 10:21 صباحاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #5 في: Mar 01, 2012, 10:21 صباحاً »
تسلملي اخ نوبل و شكرا على تعليقك و مرورك الطيب.

Mar 01, 2012, 04:10 مساءاً
Diana
  • *
  • مشاركة: 281
  • مقيم في: 00
  • تقييم 8
  • الجنس: أنثى
  • الصمت اجابة رائعة لايتقنها كثيرون
رد: حضروا الجنط دناخذكم بجولة!
« رد #6 في: Mar 01, 2012, 04:10 مساءاً »
تسلم على الموضوع والشرح الوافي الجميل عن دولة جميلة لطالما تمنيت زيارتها.

Mar 01, 2012, 05:10 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #7 في: Mar 01, 2012, 05:10 مساءاً »
تسلمين اختي ديانا على مرورج و يارب ان شاء الله تزوين ايطاليا و هلمرة انتي تسويلنا تور بمحافظة ثانية.

Mar 01, 2012, 08:33 مساءاً
ام زيد
  • *
  • مشاركة: 5279
  • مقيم في: ye
  • تقييم 68
  • الجنس: أنثى
  • ام زيد
رد: حضروا الجنط دناخذكم بجولة!
« رد #8 في: Mar 01, 2012, 08:33 مساءاً »
تسلم اخي وربي يبارك فيك
صدق بلا تشابيه قطعة من الجنة
يااخي الناس وين واحنا وين بالعافية يستاهلون
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

Mar 01, 2012, 09:26 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #9 في: Mar 01, 2012, 09:26 مساءاً »
تسلم اخي وربي يبارك فيك
صدق بلا تشابيه قطعة من الجنة
يااخي الناس وين واحنا وين بالعافية يستاهلون

و انتي السالمة
هاي بعد اضيفلكم شكم صورة اتمنى انه تعجبكم

Mar 02, 2012, 12:48 صباحاً
المتميز العراقي
  • *
  • مشاركة: 255
  • مقيم في: 00
  • تقييم 7
  • الجنس: ذكر
رد: حضروا الجنط دناخذكم بجولة!
« رد #10 في: Mar 02, 2012, 12:48 صباحاً »
عاشت ايدك والله

عيشتني للحضات بلجنه

Mar 02, 2012, 09:24 صباحاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #11 في: Mar 02, 2012, 09:24 صباحاً »
عاشت ايدك والله

عيشتني للحضات بلجنه

و ايدك العايشة اخي المتميز و تسلملي على مرورك الطيب.

Mar 04, 2012, 11:55 صباحاً
أبوعبدآلله
  • *
  • مشاركة: 6042
  • مقيم في: iq
  • تقييم 88
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ
رد: حضروا الجنط دناخذكم بجولة!
« رد #12 في: Mar 04, 2012, 11:55 صباحاً »
:ahalna_separator (30):

عاشت إيدك أخويه الورد المتواجد على هذا الموضوع الغني بكل هذه المعلومات المهمة , بارك آلله ربي فيك وجزاك عنّا خير الجزاء ؤو هاي همينه مني درجة تقييم رد ممتاز ؤو صارت 5 بعد أن كانت 4 , وبالتوفيق .


:ahalna_separator (30):

 

Mar 04, 2012, 03:39 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #13 في: Mar 04, 2012, 03:39 مساءاً »
تسلملي ابو عبودي الورد
نورتنا بمرورك.

Jun 23, 2012, 04:29 مساءاً
مرجانه
  • *
  • مشاركة: 18
  • مقيم في: iq
  • تقييم 0
  • الجنس: أنثى
رد: حضروا الجنط دناخذكم بجولة!
« رد #14 في: Jun 23, 2012, 04:29 مساءاً »
عاشت ايدك اخي المتواجد على طريقة السرد والصور الحلوة

Jun 25, 2012, 07:24 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #15 في: Jun 25, 2012, 07:24 مساءاً »
عاشت ايدك اخي المتواجد على طريقة السرد والصور الحلوة


اسعدني تعليقج و مرورج اختي العزيزة.

Jul 05, 2012, 01:53 مساءاً
Obligor
  • *
  • مشاركة: 3431
  • مقيم في: us
  • تقييم 61
  • الجنس: ذكر
  • لا تنسى ذكر الله
رد: حضروا الجنط دناخذكم بجولة!
« رد #16 في: Jul 05, 2012, 01:53 مساءاً »
هاي شنو اخويه زيد هاي وين خاتل ..هاي انتو تذاكروا من ورانه .. شنو هالروعة .. شنو هالمعلومات وهالطريقة بالشرح اللي تخلي الواحد فعلا" يحضر الجنط ويسافر وياك .. تسلملي يا دليلنا السياحي الرائع .. رحلة كلش حلوه بس ناقصها شي واحد جان كملت .. انت ماذاكرنا مطاعم عربيه يعني بالمفيد نريد ناكل باجة اتدبرها دانروح وياك برحلة جديدة ..
كل المحبه اخي زيد وتألقك منور المنتدى ..

Jul 16, 2012, 06:34 مساءاً
المتواجدكاتب الموضوع
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
رد: حضروا الجنط دناخذكم بجولة!
« رد #17 في: Jul 16, 2012, 06:34 مساءاً »
هاي شنو اخويه زيد هاي وين خاتل ..هاي انتو تذاكروا من ورانه .. شنو هالروعة .. شنو هالمعلومات وهالطريقة بالشرح اللي تخلي الواحد فعلا" يحضر الجنط ويسافر وياك .. تسلملي يا دليلنا السياحي الرائع .. رحلة كلش حلوه بس ناقصها شي واحد جان كملت .. انت ماذاكرنا مطاعم عربيه يعني بالمفيد نريد ناكل باجة اتدبرها دانروح وياك برحلة جديدة ..
كل المحبه اخي زيد وتألقك منور المنتدى ..

 :x ههههههه. اكو بس مطعم لبناني و مطعم لاخ مغربي ينفع؟ هههه. بس تعرف صدك يا وردة، اني ابد ما شايف مطاعم عراقية بالغربة ما اعرف ليش لا باوروبا و لا بكندا و لا امريكا ما ادري يمكن المناطق اللي كنت بيها ما بيها جالية كبيرة من العراقيين، الله اعلم بس نسمع لبناني، مغربي، تركي، ايطالي، هندي، تايلندي، فيتنامي، ياباني، كوبي، مكسيكي، و صيني. هذني اكثر شي.

و لا يهمك انت بس تعال يمي و اطبخلك طبخ ماكو مثيله  :) بس لا باجة لان بس اشوف راس الطلي اخرب  :-[

Jul 20, 2012, 11:57 مساءاً
hanjera
  • *
  • مشاركة: 2534
  • مقيم في: us
  • تقييم 58
  • الجنس: ذكر
  • اذا هاجك شوق يوما لتراني فهذه صورتي ناطقة بالساني
رد: حضروا الجنط دناخذكم بجولة!
« رد #18 في: Jul 20, 2012, 11:57 مساءاً »
عاشت ايدك اخي المتواجد بحق خليتنا نعيش اجواء مدينة
الســــــــــــــــــر مــــــــــــــــــــــد ي
أعــــمل بـــصمــــت ودعــــ عـــمــــــلك يـــتــــــكلم

May 03, 2014, 07:10 مساءاً
أبوعبدآلله
  • *
  • مشاركة: 6042
  • مقيم في: iq
  • تقييم 88
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ
رد: حضروا الجنط دناخذكم بجولة!
« رد #19 في: May 03, 2014, 07:10 مساءاً »
آلله آلله آلله أيها الأخ الحبيب , كم نحن في شوق لك ولصحبتك الطيبة يا أيها المتواجد دوما في قلوبنا ... هكذا كنت أناديك أتذكر ... أسعدك ربي آلله أين ما كنت وأسعد عائلتك الكريمة وحفظكم من كل مكروه وحقق لكم كل أمنياتكم الطيبة يا طيب , تحياتي الخالصة لكم جميعا ...   @};-
 

كلمات بحث : bologna italy 
 

مواضيع ذات صلة

  الموضوع / بدء بواسطة ردود آخر مشاركة
1 ردود
685 مشاهدة
آخر مشاركة May 19, 2013, 05:32 صباحاً
بواسطة المهاجر الجديد
14 ردود
1641 مشاهدة
آخر مشاركة Jan 24, 2014, 01:41 صباحاً
بواسطة ButterFly


free counters