اكملنا المقابلة اليوم...نصائح مهمة جداً

الكاتب موضوع: اكملنا المقابلة اليوم...نصائح مهمة جداً  (زيارة 3753 مرات)

0 الأعضاء و 1 ضيف يشاهدون هذا الموضوع.

Jan 22, 2012, 09:58 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
اخواني اخواتي اليوم اكملنا مقابلة  الاس اي في وطبعاً صارت ويانه بعض الامور اللي حبيت اشارككم بيهه للفائده ولمعلوماتكم:
طبعاً موعد مقابلتنا كان المفروض الساعة 7:30 صباحاً واذا اني وام الجهال صارت الساعة بالسبعة يلله طلعنه من البيت ووصلنه الساعة ب8:30 والطريق كله اكلت كلبهم للعائلة كله منكم اخرتونه وراح ماندخل وراح تتاجل المقابلة ووووو..ولكن المفاجئة انه وصلنه ولكينه العوائل كلهم مشتولين بالباب والجو باااااااااارد وبعدهم مداخلين ارتاحيت نفسياً واعتذرت للعائلة كوني لغيت هوايه حول التاخير والله بالتسعه يلله دخلنه المهم..
اجه موظف السفارة علمود ينقلنا بالباص انطانه رقم وكال من توصلون تروحون للشباك الموجود رقمه بالكارد اللي انطيتكم اياه بدون ما ينادوك والله وصلنه ومثل ما كال رحنه للشباك رقم 2 كما بالكارد سلمنه الجوازات ثم كال روح انتظر هناك مقابل شباك رقم..حسب الموظف وين يوجهك المهم ..
اثناء الانتظار اكو شاشه يظهر بيه رقم المراجع ووين يروح ليا شباك فلازم تعرف رقمك وتروح حسب اللي يظهر بالشاشة فاني ما انطوني رقم هاي شلون شغله يمكن ماراح يقابلونه اليوم ههههه,المهم وره ربع ساعة صاحو باسمي الفا ابن فلان كلت نعم كالو تعال عيني جايب المستمسكات كلتلهم افه والله لعد هاي العلاكه المن  ههههههههه..المهم..
انطيتهم الجناسي مالتي ومالت زوجتي وشهادة الجنسية وصورة القيد وعدم المحكومية وعقد الزواج الاصليات وكالو وين الترجمه هم انطيتهم اياهه بدون لاتصديقات علاوي ولا المالكي ههههه كالو عيني وين بيانات الولاده كلتلهم انتم تردون تكتلوني كالو ليش يمعود الفا اب الغيرة كلتلهم والله لان اذا تريدون بيانات الولادة معناهه انكتل لان رحت للدائرة مالت النفوس وكالولي لازم تجيبلنه كتاب منو اللي طالبهه يعني المن معنونه كلتلهم فرجاءاً اعذروني والله خليت الموظفه تمتمت وكلساعه رايحه وجايه كالت والله لازم بيان الولادة؟؟؟؟
كلتلهه عزيزتي وفقاً لموقع السفارة الامريكية وخصوصاً الفورم الخاص بتعليمات الهجرة الخاصة فانه باستطاعت مقدم الطلب التعويض عن بيان الولادة بالجنسية العراقية او شهادة الجنسية والله البنيه هم صفنت كالت عيني اعذرني اني جديده هههههههه المهم راحت واجت كالت عيني كل اسماء عائلتك موجوده بالقيد 57 او الفاميلي بوك كلتلهه نعم كالت اذن اوكي منحتاج البيانات اه..احجي هوايه مو بالله ههههههه المهم بعد هذا انطتني الموضفه فورم كالت امليه انته وزوجتك عن اخوانكم كلت اوكي وكالت اتبع الرقم الموجود خلف الورقه علمود الضابط القنصلي يقابلكم
والله وره تقريبا نصف ساعه طلع رقمنه عله الشاشه البلازما وايضاً رقم شباك المقابله رحت لهناك بدون زوجتي لان مجانت يمي المهم الضابط وجهه بشوش وسلم عليه باللغه العربية ويضحك ويسولف وياي واخلاق مووووووو طبيعية مو مثل ما قرينه بالمنتديات مسوينلك الضابط عبالك ضابط تحقيقات الشعبه الخامسه هههههههه سئلني وين زوجتك كلتله والله ما ادري فد لحظه والله ادير وجهي والكاهه تلعب ويه بنتي بمكان همه مخصصيه للاطفال صحتلهه يمعوده احنه جاي نقابل لو جاي نلعب بالزوراء ههههه اجت كال احلفو انه الكلام الموجود بالوثائق صصحيح حلفنه وراهه سئل زوجتي كم عدد اخوانك وشعجب بس هاي الطفله مخلفين  ههههه والله وكللهه اني خلصت وياج تكدرين تبقين وتكدرين تروحين لان اني مامحتاجلج بعد والله عافتني وراحت بقيت اني سئلني عن التهديدات وعن شغلي بعدين كاللي شعجب ما عندك الفحص الطبي كلتله بعيادة اور كالولي احنه ندزهه للسفارة لان انته بيك ربو فانته حالتك كلاس بي واكو بروتوكول بيننه وبين السفارة كال اوكي اي ول تايك يور وورد فور ات كلتله لا يمعود لاتثق الا تشوف الورق كال شنو كلتله عندي الريسيت مالت العياده كال اوكي  حته ما اخذ الريسيت مالت العياده المهم طبعاً الظرف الجبير مالت الدي اج ال ما اخذوه اخذو بس الريسيت مالت الدي اج ال كلتله الله يخليك اخذه كال والله عدنه هواي وجيب وودي كول اخر شي اخذه..
اخر شي كال عيني لازم تزودني بعنوان شخص بامريكا علمود ندزلك الكرين كارد  كلتله والله داعيك مقطوع من شجرة وما عندي عرف كال لازم تزودنه بعنوان كلتله بيهه مجال تكتب بالعنوان( اي او ام كيس ووركر) كال اي عادي كلتله اييييييييييي الف رحمه عله والديك خلصتني من لغوة السبونسر والعنوان والله اني عندي عناوين بس فضلت الكيس ووركر لان افضل ,نصيحه الكم.
بعدهه كلتله دو يو نيد اني ثنك ايلس كال لا والله بس انته اذا عندك بعد اضافات كلتله بقه شي واحد كال شنو كلتله اني بالاوراق مامحدد الولايه اللي ارغب الذهاب لها اذا تكدر تكتبهه كال تدلل وين تريد نوديك استاذ الفا كلتله والله كووولوووورااااددووو كال همممم خوش اختيار وولايه تخبل كتله لعد شعبالك الفا عايف العراق ابو الضيم يروح لتكساس هههههههههه
واكو شغله واجهت واحد ويانه انبهكم ايضاً عليهه وهيه انه الولد متزوج بنت خاله ومن سائله الولد كايلله ماي كزن طبعاً لان ماكو لفظ بت خال او بت عم الكل كزن كالوله عيني انته لازم تشوفلك ولايه يجوز بيهه تتزوج من الفرست كزن ولازم تغير النه السبونسر لان لازم سبونسر بنفس الولايه اللي راح تروحلهه فديرو بالكم واني والعائلة رجعنه فرحانين بعد المقابله وطببتهم مطعم كباب وكبه هههههههههه بس ماعدهم ببسي واخواني تره كل اللي ديكتبوه الاخوان في هذه المنتديات وغيرهه مع احترامي للجميع تعبر عن ارائهم واي سؤااااااااااااال اني حاااااااااضر
تعبت عبالك جاي اكتب قصه ارجو انه افادتكم وبالتوفيق للجميييييييييييييييع..

كن ابن من شئت واكتسب ادبـــــــــــــــاً

Jan 22, 2012, 11:07 مساءاً
Mangem
  • *
  • مشاركة: 29
  • مقيم في: iq
  • تقييم 0
  • الجنس: ذكر
رد: اكملنا المقابلة اليوم...نصائح مهمة جداً
« رد #1 في: Jan 22, 2012, 11:07 مساءاً »
الف مبروك اخوية الفا عل مقابلة
وانشالله يوم الفيزا والسفر

بس اسألة زغيرة
انت رحت على شباك رقم 2
من الشباك تمت المقابلة لو شلون؟
يعني ما طبيتو غرفة ظلمة وبيهة ميز و كلوب واحد بالنص مثل ما نشوفهة بالافلام؟؟؟ ههههه
والي قابلك جان كاعد ورة الشباك والكتايب تفصل بينكم مثل الدوائرنة الحكومية؟
وصالة الانتظار عبارة عن جولة او حديقة لو غرفة الاستقبال الكبيرة؟

اعذرني على هاي الاسألة
بس نريد نرتاح نفسيا من المكان

تحياتي الك بالموفقية اخوك مانجم






CV:
* 1-1-2012  complete papers :)
* ?-?-???? getting COM :(
* Form I-360 & NSC :(
*... :(
*... :(
*.... :(
*.... :(

Jan 22, 2012, 11:26 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #2 في: Jan 22, 2012, 11:26 مساءاً »
اخويه مانجم من الشباك رقم اثنين فقط ياخذون الجوازات وبعدين يدزك عله غير شباك من اجل تسليم المستمسكات وبعد تسليم المستمسكات ايضاً تروح لغير شباك من اجل المقابلة وما ادراك ما المقابله هههههههههه طبعاً المقابلة من وراء الشباك وانته راح تحجي وياه عن طريق مكبر الصوت والقاعه جبيرة وبيهه مي وببسي وقاعه للاطفال وبيهه النفق المرعب مال مدينة الالعاب ههههههههههههه اتشاقه وياك وتدلل حبيبي

كن ابن من شئت واكتسب ادبـــــــــــــــاً

Jan 23, 2012, 12:06 صباحاً
jeanaali
  • *
  • مشاركة: 7
  • تقييم 1
  • الجنس: أنثى
رد: اكملنا المقابلة اليوم...نصائح مهمة جداً
« رد #3 في: Jan 23, 2012, 12:06 صباحاً »
الف مبروك اخوية مكلك اشكد تنتظر؟؟

Jan 23, 2012, 12:22 صباحاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #4 في: Jan 23, 2012, 12:22 صباحاً »
لا والله عزيزي بس كال احتمال من شهرين الى ستة اشهر لان كال اكو تسريع بمعاملات الاس اي في وبالتوفيق للجميع

كن ابن من شئت واكتسب ادبـــــــــــــــاً

Jan 23, 2012, 12:32 صباحاً
alause
  • *
  • مشاركة: 119
  • مقيم في: iq
  • تقييم 1
  • الجنس: ذكر
رد: اكملنا المقابلة اليوم...نصائح مهمة جداً
« رد #5 في: Jan 23, 2012, 12:32 صباحاً »
يابة مبروك وعالخير وانشاء الله يوم الي تستلم الفيزا.
بس رحمة على والديك انت انطيت معلومات كلش حلوة بس للتأكيد يعني مو شرط بيان الولادة اذا بس اني وزوجتي لأن هية مدري وين البيان مالتهة. ارجو التوضيح وممنون الك ياورد

Jan 23, 2012, 12:35 صباحاً
n.yara
  • *
  • مشاركة: 257
  • مقيم في: us
  • تقييم 4
  • الجنس: أنثى
  • عندما تمسك سيفاً لتقتلني....احذر تجرح يدك فتؤلمني
رد: اكملنا المقابلة اليوم...نصائح مهمة جداً
« رد #6 في: Jan 23, 2012, 12:35 صباحاً »
الف مبروك اخ الفا ويوم الي واخلص من المقابلة الي شايلتلها هم كلش جبير والله ....
بس عندي كم سؤال الله يخليك: طبعا اني عندي طفلة صغيرة والبعض هنا ببيت اهلنا كالوا الي عمره اقل من 13 سنة ميريدوا بالمقابلة هل هذا صحيح؟ يعني انت كلولك ليش جايب الطفلة وياك؟ وسؤالي الثاني بالنسبة الى طبع الاصابع اخذوا لو لا ؟ والجوازات اخذوها لو رجعوها ؟ والاسئلة الي يسالوها بس عالتهديد وهاي هيه ؟ يعني المقابلة مطول هواية ؟وراح ادوخك اني بالاسئلة مالتي ممكن ادليني على طريق الدخول اني شارحيلي بالايميل بس مذه اندل لحد هسه ؟

Jan 23, 2012, 12:55 صباحاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #7 في: Jan 23, 2012, 12:55 صباحاً »
عزيزي  alause انته من تروح ويسئلونك عله بيان الولاده كللهم اني حياتي تكون بخطر اذا اريد اطلع البيانات مثل ما شرحتلكم ووفقاً للاس اي في  يمكن الاستعاضه بالجنسية وصورة القيد لاثبات الهويه العراقيه.
وامااختي العزيزة يارا فاحب اطمئنج انه اني جنت شايل هم اكثر بهواي منج للمقابلة من كثرة الاراء والتهويل اللي يحاول البعض اثارته بس والله ابسط منها ماكو وخليج هااااادئة بيوم المقابلة يعني لاترتبكين نهائياً واما بالنسبه لاسئلتج عزيزتي فالطفل مو ضروري يحضر اكييييد اني بنتي عمرها 3 سنوات وما شفت احد سئلني عليها طيلة المقابلة بس احنه ما عدنه احد نخليهه يمه فاخذناهه ويانه لهذا السببواما طبع الاصابع وبصمة العين اخذوها مني والجوازات انطيتهه الهم لان ماعندي سفر وانتي تكدرين تكوليلهم اني عندي سفر قريب مثلا وعادي مو اله تسلميهم للجوازات والاسئلة تركيزها على التهديد والعمل مع الشركة والمقابلة مع القنصل ما طولت ربع ساعة بس التاخير كله بالباب الخارجي واما طريق الوصول فاني اخذت تكسي كلتله لساحة النسور  اللي هيه البوابة مقابلها وراح تشوفين الحواجز الكونكريتية واكو مدخل زغير للمشاة هيه هذي البوابه,ها واذا تريدين تصعدين باصات فساحة النسور تقع في المنصور مقابل برج صدام سابقاً وتمنياتي للجميع الموفقيه وياربي يسهل امرج اختي

كن ابن من شئت واكتسب ادبـــــــــــــــاً

Jan 23, 2012, 01:00 صباحاً
n.yara
  • *
  • مشاركة: 257
  • مقيم في: us
  • تقييم 4
  • الجنس: أنثى
  • عندما تمسك سيفاً لتقتلني....احذر تجرح يدك فتؤلمني
رد: اكملنا المقابلة اليوم...نصائح مهمة جداً
« رد #8 في: Jan 23, 2012, 01:00 صباحاً »
ربي يسهل امرك ويريح بالك ,وتسلم اخوية عالرد ان شاء الله يوم الي اقابل واجي احجيلكم

Jan 23, 2012, 01:03 صباحاً
Mangem
  • *
  • مشاركة: 29
  • مقيم في: iq
  • تقييم 0
  • الجنس: ذكر
رد: اكملنا المقابلة اليوم...نصائح مهمة جداً
« رد #9 في: Jan 23, 2012, 01:03 صباحاً »
بمناسبة الاطفال
اكو فقرة قريتهة عن المقابلة في موقع السفارة الامريكية تكول
"Step 5: Day of the interview

Please appear at the Embassy for the interview at the appointed time.  Late arrivals may not be processed.  Applicants will go through a document intake process, have their fingerprints taken, and be interviewed by a consular officer.  Please bring all documents indicated on the checklist (PDF 65 kb) to the interview. Children under 14 do not need to appear in person unless they are the sole beneficiary of a petition (such as an IR2, CR2, IH3, IR3, IH4, IR4 or F22)."

من الموقع :
http://iraq.usembassy.gov/iv-apply.html

CV:
* 1-1-2012  complete papers :)
* ?-?-???? getting COM :(
* Form I-360 & NSC :(
*... :(
*... :(
*.... :(
*.... :(

Jan 23, 2012, 07:26 صباحاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #10 في: Jan 23, 2012, 07:26 صباحاً »
مبروك اخويه
ولكن !!!!  الفورم 260  يردوها  كلها لو بس  الكونفيرميشن ؟
بالتوفيق ان شاء الله


ابو عبد الله الثاني
: :ahalna_separator (58):

Jan 23, 2012, 09:32 صباحاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #11 في: Jan 23, 2012, 09:32 صباحاً »
لك أخويه ألفا ألف مبروك ,, وأنشاء الله يوم اللي نلتقي هناك وتعزمني على بيتزا هات !!  :(
قال الرسول صلى الله عليه وسلم ,,, الدين ,, المعاملة ,,

Jan 23, 2012, 12:04 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #12 في: Jan 23, 2012, 12:04 مساءاً »
اخويه ابو عبد الله الثاني بس الكونفيرميشن اخذوهه بالاضافة الى الفورم دي اس 230 اللي اني اخذته وياي احتياطاً وليس اجباراً واخذت وياي الركومنديشناااااااات وتدلل وانشالله بالتوفيق

كن ابن من شئت واكتسب ادبـــــــــــــــاً

Jan 23, 2012, 12:05 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #13 في: Jan 23, 2012, 12:05 مساءاً »
لك اخويه جبران بداعته لابني السهرودي اله اعزمك عله بيتزا هوت كلش وبركر ابو الجيس العفو جيس بركر وتدلل بس البباسي عليك ماشي  :D

كن ابن من شئت واكتسب ادبـــــــــــــــاً

Jan 23, 2012, 12:26 مساءاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #14 في: Jan 23, 2012, 12:26 مساءاً »
اشكرك  اخويه  افا
  الشغلات اللي  اخذن  وياي  هي  ملالاتي
1- صور  5*5   عدد   2
2- كل  الاوراق اللي دزيتهم  لل COM  بالبدايه
3-  قيد 57  اللي طلعته من دائرة السنك
4- عدم المحكوميه
5- قيد الولاده
6-260  مع الكونفرميشن
7-  يحتاج اخذ ال 230 ؟؟ظ
8-  دفتر الخدمه العسكريه 
  طبعا  كل شيء مترجم

ارجو اضافة اللي  ناسيه

مع الاحترام
: :ahalna_separator (58):

Jan 23, 2012, 01:46 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #15 في: Jan 23, 2012, 01:46 مساءاً »
عيني ابو عبد الله المطلوب من كل مقدم طلب هو الاتي:
الواجبات:-
1-الجنسية مع الترجمه لكل فرد من افراد العائلة مع الاصليات
2-شهادة الجنسية مع الترجمه لكل افراد العائلة واذا الطفل ماعنده شهادة جنسية مو اشكال مع الاصليات
3-عقد الزواج للمتزوجين مع الترجمه مع الاصلي
4-صورة قيد 57 مع الترجمه وتاكد من وجود جميع افراد الاسرة فيه مع الاصلي
5-الفحص الطبي
6-استمارة الكونفيرميشن للفورمDS-260
7-الريسيت من مكتب الDHL من اجل الجوازات
8-بيانات الولادة مع الترجمه واذا ماكو مو اشكال مع الاصليات
9-عنوان الشخص اللي يستلملكم الكرين كارد في الولايات المتحدة.
10- عدم المحكوميه.
11- صور 5X5 لكل فرد في الكيس
دفتر الخدمه العسكريه اذا كنت من منتسبي الجيش السابق مع الترجمه والاصلي.
المستحبات :

1- فورم DS-230
2-كل الركومنديشنات اللي عندك لان هذا يومهن مو صحيح!
ارجو ان اكون واااااضح في شرحي وبالتوفيق

كن ابن من شئت واكتسب ادبـــــــــــــــاً

Jan 23, 2012, 01:52 مساءاً
The Magus
  • *
  • مشاركة: 337
  • مقيم في: us
  • تقييم 4
  • الجنس: ذكر
رد: اكملنا المقابلة اليوم...نصائح مهمة جداً
« رد #16 في: Jan 23, 2012, 01:52 مساءاً »
Congratulation dear friend. i hope you will get your visa soon and land in the states.Good luck everybody.
“Nobody can go back and start a new beginning, but anyone can start today and make a new ending.”

Jan 23, 2012, 01:56 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #17 في: Jan 23, 2012, 01:56 مساءاً »
 تدلل حبيبي  The Magus بخدمة جميع الاخوان والله  واي سؤال ما اقصر على اللي اكدر عليه
وبالتوفيق

كن ابن من شئت واكتسب ادبـــــــــــــــاً

Jan 23, 2012, 03:07 مساءاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #18 في: Jan 23, 2012, 03:07 مساءاً »
صورة قيد 57 مع الترجمه وتاكد من وجود جميع افراد الاسرة فيه مع الاصلي؟؟؟؟؟؟؟؟؟!!!!!!   
 احنا من اخذناه لدائرة الاحوال المدنية بالسنك  وانطونا  لكل فرد من العائله  واحد  مترجم من عندهم ..... بس الاصلي  اخذوه
   هاي  شنو حلها بالله    واني مقابلتي   بالاسبوع الجاي

ابو عبد الله الثاني
: :ahalna_separator (58):

Jan 23, 2012, 05:21 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #19 في: Jan 23, 2012, 05:21 مساءاً »
والله ما اعرف شاكول لك ياعزيزي بس اني رحت طلعت الصورة قيد وترجمتهه يم نادر وبالمقابلة اخذوا الترجمه والاستنساخ ورجعولي الاصلية بعد شاكول لك !!يعني انته الاصلية مو موجوده عندك حالياً؟؟

كن ابن من شئت واكتسب ادبـــــــــــــــاً

Jan 23, 2012, 10:17 مساءاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #20 في: Jan 23, 2012, 10:17 مساءاً »
شلونك أخوية أبو عبد الله مشتاقين ,, أني كملت صورة القيد من السنك وختمتهه من تصديقات الداخلية وصدقتهه بالخارجية ,, لكل واحد من عائلتي على حده ,,أعتقد أذا قمت بهاي الخطوات راح تكون كافية للسفارة بيوم المقابلة ,, وأذا تحتاج أدلييك عليهن ,, آني بخدمتك ,, بس يا أخي ألفا ضحكني على سالفة ( المستحبات ) ههههه أخ ألفا رحم لوالديك النواافل شنو هههههه     تحياتي
قال الرسول صلى الله عليه وسلم ,,, الدين ,, المعاملة ,,

Jan 23, 2012, 11:04 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #21 في: Jan 23, 2012, 11:04 مساءاً »
لقد سئلتني يابن خليل عن نوافل المقابلة والتي كما اوردها ابن القنصلي في كتابه نزهة الناظر في كيفية ملىء الاستماير انه قال:
واما نوافل المقابلة فيجب فيها( الاخلاص في اجابة السؤال.. وعدم تفريط الوقت في اطالة المقال.. والاتزان عند الوقوف ...امام المحلف المحلوف..والاقلال من الشقا مع الضيوف ...لان فيهم اكثر من خوفك المخووف...فاذا انقضى المحلف المحلوف ...من طرح الاستفسارات والظروف ...فارجع الى اهلك حاملاً خروف ...واذبحه ولاتوزع منه على الالوف).
الى هنا انتهى مقال ابن القنصلي رضي الله عنه وارضاه وحشرنا جميعاً في جنة فلوريدا مثواه انه سميع مجيب

كن ابن من شئت واكتسب ادبـــــــــــــــاً

Jan 24, 2012, 02:17 صباحاً
alause
  • *
  • مشاركة: 119
  • مقيم في: iq
  • تقييم 1
  • الجنس: ذكر
رد: اكملنا المقابلة اليوم...نصائح مهمة جداً
« رد #22 في: Jan 24, 2012, 02:17 صباحاً »
اخوية الفا ولو ضوجتك بالأسئلة بس اتحملني
كلي رحمة لوالديك عقد الزواج شلون سويتة بس اترجمة وتاخذة وياك لو اكو غير شي بعد
واني الممنون منك واسف اذا دا ازعجك بالأسئلة

Jan 24, 2012, 08:19 صباحاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #23 في: Jan 24, 2012, 08:19 صباحاً »
اخويه بالعكس اني دافرح من انته تسئل وتحاول تعرف كلشي قبل متروح للمقابلة علمود متروح هناك وتنصدم بالواقع حبيبي بالنسبة لعقد الزواج فهو نفسه العقد القديم بس ترجمه يم مكتب نادر واخذه وياك بدون اي تصديقات او اي شي اخر واذا عندك اي سؤال لاتتردد حبيبي.
بالتوفيق

كن ابن من شئت واكتسب ادبـــــــــــــــاً

Jan 24, 2012, 02:09 مساءاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #24 في: Jan 24, 2012, 02:09 مساءاً »
هههههههههههههههههههه   بوركت ياولدي ألفا ,, وسقيت من ماء الكوثر ,, لعد بشرفك عقد الزواج صار بس أترجمة من نادر وتاخذه !! وآني ذبيت لحم وصرفت دبة مال الدهن ( شل) أبو التنكة ,, وروح وتعال يلله خلصت عقد الزواج ,, تحياتي حبي ,, أكللك أشو أبو عبدالله ماكو !! يمعود أبو عبدالله مشتاقيلك والله ,, تحياتي وأحترامي لكل أخوتي المشاركين ,, ألفا هذا حجي يفيدك ,, حتى البباسي عليك ,, هههههه
قال الرسول صلى الله عليه وسلم ,,, الدين ,, المعاملة ,,

Jan 24, 2012, 03:23 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #25 في: Jan 24, 2012, 03:23 مساءاً »
هههع  بشرفك جبران فد سؤال يطرح نفسه !!
يعني انته علمود عقد الزواج ذبيت لحم بس الله يعلم شكم كيلو, واني اطلب منك البباسي تتهرب منهه مع الاسف :-[ افه والله ما هكوتي بيك هيج يلخو :D

كن ابن من شئت واكتسب ادبـــــــــــــــاً

Jan 24, 2012, 04:12 مساءاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #26 في: Jan 24, 2012, 04:12 مساءاً »
عقد  الزواج   ها   كتلي  عقد  الزواج
 رحت  للمحكمه  اللي  عقدت بيها    وانطيتهم  العقد الاصلي الموجود  عندي  وكلت الهم  اريد  عقد  لغرض  الترجمه     كالوا  لي  بسيطه   روح  اطبع العقد من جديد  بالفورمه  الجديده  ....  طبعته  خمس  او ست  نسخ  ووقعه القاضي   وصادقته من دار العداله اللي بالساعه   يعني  محكمة الساعة   وبعدين  صادقته  من الخارجية اللي بالعلاوي  وثم  ترجمته عند  مترجم قانوني .....  هسه  راح تكولون من اين  جبت هالحجي !!!!  هذا مكتوب بالموقع مالت السفارة   حتى  يدلوك على الدوائر اللي  تروح الها   شارع  الرشيد  السنك  وزيونه     بصراحه  اني  ماعرف  هاي  المناطق  زين لاني   محافظات   بس لو ما هما  كاتبين  هيج  جان  ولا صادقت  ولا شيء

وعاشوا  عيشه سعيده
ابو عبد الله الثاني


ابو عبد الله الثاني
: :ahalna_separator (58):

Jan 24, 2012, 05:15 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #27 في: Jan 24, 2012, 05:15 مساءاً »
شلونك اخويه ابو عبد الله وحمد الله على السلامه
يابه شغلة العقد اني مشيت بيهه مثل مادزولي بالتعليمات مالت المقابلة ومن رحنه اني والعائلة اخذو مني العقد وترجمته فقط ماسئلو ليش ما مصدقهن ولا اي شيء اخر ولو اكو هيج شي جان ما استلموهن مني وجان كالو يابه ترجع تصدقهن
وزياده للمعلومات هنالك اطراف خفيه تثير مثل هيج مواضيع علمود الناس تبطل ومحد يطلع من العراق لاميركا لان يسووهه عليك خبصه وانته تدوخ وتضل تفر بدماغك ها عيني وتاليهه تبطل اذا هوة توقيع زغير محد يسويلك اياه الا يشتعل ابو ابوه مقدم الطلب يلله يتوقع هالمرة تصديقات .
المهم اني ما راح اكوللك صدكني او ما تصدكني بس هذا هوة الواقع اللي شفناه بالمقااااابلة وتحياتي الك ولاخونه جبران اللي مبين شرد من طاري البباسي :D

كن ابن من شئت واكتسب ادبـــــــــــــــاً

Jan 24, 2012, 06:56 مساءاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #28 في: Jan 24, 2012, 06:56 مساءاً »
آني سويت نفس الخطوات اللي تفضل بيهه أخونا ابو عبد الله ,, وأكرر تحياتي الك ابو عبد الله وللمرة الثالثة ولو ما عزيز عليه جان ما ذكرتك ,, تقبل تقديري واحترامي ,,
قال الرسول صلى الله عليه وسلم ,,, الدين ,, المعاملة ,,

Jan 24, 2012, 07:34 مساءاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #29 في: Jan 24, 2012, 07:34 مساءاً »
حبيبي واخويه jubran khalel   تحياتي  الك وللاخ Alpha   اني من النوع  اللي  يدقق  ويتمحص  في كل  شيء  تفاديا  للخطأ  يعني  من دزولي  اللسته  مالت الطلبات   دخلت  على الموقع  وضليت  ابحوش  بالتعليمات  واقرا هنا  وهناك  يالله  قمت بهاي  العمليه   ومثل  ما  كلت لك  اني  محافظات  يعني  التصديق  بالخارجيه   ومراجعة  السنك  وزيونه    ومركز العلويه    وشوف كم سفرة انا مسافر   وما  اكول  على التعب  اللي تعبته  برمضان     ولكن  حتى  كل  شيء  كامل
  حبيبي    Alpha   اني  مصدكك 100%   ولو ما  مصدكك   جان  ما  شلعت  قلبك بالاسئلة      فدوه  لا تزعل

ابو عبد الله الثاني
: :ahalna_separator (58):

Jan 24, 2012, 09:11 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #30 في: Jan 24, 2012, 09:11 مساءاً »
والله ابو عبودي الورد اتريد الصدك لو ابن عمه!!
اكيد ابن عمه هههههههه :D
مع محبتي واحترامي لكل اخواني ببيت اهلنه لاكن انته وجبران خليل جبران  زعلتوني انته وياه متفقين علي ليش هيكي الصداقه يا اخويه بس قنعلي جبران يتحمل فلوس البباسي واني ما ازعل اوكي
وتقبل تحياتي وفيما يخص موضوع المستمسكات فصحيح حجايتك لاكن اني راسلت موقع السفارة اكثر من مرة علمود اتاْكد من خطواتي وهو اللي حصل واتمنالك التوفيق والتفييز قبلي
تحياتي

كن ابن من شئت واكتسب ادبـــــــــــــــاً

Jan 24, 2012, 11:52 مساءاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #31 في: Jan 24, 2012, 11:52 مساءاً »
يا أخوية ألفا أحنه من نروح هناك راح تتغير طبايعنه يعني أول شي نصير كرميده !!  :D وثاني شي نكوم نحب التقفيص ,, وأذا يجينه ضيف ,, راح نوكفه بالباب منخللي يدخل للبيت ,, ومن نشوف واحد عرف واكف على السرة مال بيتزا هات ,, منكول ,, أخوية واصل خليهه على حسابي ,, أي يا أخي راح نصير أمريكان  :D ,, أخويه ابو عبدالله الورد تره آني معتمد على كلامك ,, أنت كتللي راح تستلم الفيزا بالشهر الثاني ,, بعد على الله وعليك ,, :D
قال الرسول صلى الله عليه وسلم ,,, الدين ,, المعاملة ,,

Jan 25, 2012, 09:22 صباحاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #32 في: Jan 25, 2012, 09:22 صباحاً »
أحب ألفا وبرافو وﭼارلي
بودي الﮔا ﭼارة الك وﭼارة الي
هيج نتلاكه  وتصير انت جار الي
واثنينا نسكن بناية سوية


ابو عبد الله الثاني
: :ahalna_separator (58):

Jan 25, 2012, 11:49 صباحاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #33 في: Jan 25, 2012, 11:49 صباحاً »
ابو عبد الله الله الله عليك شنو عمي انته عريان السيد خلف واني ما ادري عاشت ايدك عمي
وانشالله نتكابل ونترندح سويه
وننسه همومنه ونركص الجوبية
وننعل ايامنه الراحت خليه
بضيم الشماته المايردلي
وراحت ايام عمري ماتردلي
يبوعبدالله الفيزه راحت ماتردلي
الابرحمة الله ودعا الخي لخويه.....
ها شلونني تراني جاي اتعلم منك حبي

كن ابن من شئت واكتسب ادبـــــــــــــــاً

Jan 25, 2012, 04:34 مساءاً
jubran khalel
  • *
  • مشاركة: 131
  • مقيم في: us
  • تقييم 4
  • الجنس: ذكر
  • أحسن ,, لمن أساء اليك ,,
رد: اكملنا المقابلة اليوم...نصائح مهمة جداً
« رد #34 في: Jan 25, 2012, 04:34 مساءاً »
عبد الرزاق عبد الواحد  :D
قال الرسول صلى الله عليه وسلم ,,, الدين ,, المعاملة ,,

Jan 25, 2012, 05:02 مساءاً
ابو عبد الله الثاني
  • *
  • مشاركة: 276
  • مقيم في: us
  • تقييم 3
  • الجنس: ذكر
  • بسم الله الرحن الرحيم اللهم صلي على محمد وآل محمد
رد: اكملنا المقابلة اليوم...نصائح مهمة جداً
« رد #35 في: Jan 25, 2012, 05:02 مساءاً »
روووووووووووعه
كلـــــــــــــــــــــــــــش  حـــــــــــــــــلـــــــــــــــــــــو
: :ahalna_separator (58):

Jan 25, 2012, 07:34 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #36 في: Jan 25, 2012, 07:34 مساءاً »
ايا جبران خلاً تريد مني
                                    انا الفا وابو عبد الله يشهد
من الازمان والاهات خذني
                                     ولا تنعتني بابن ابي واحد
لعل الهجرة تقرب بيننا
                                     فنجنمع تحت ضل الاوحد
من بلادي رمت يوما هجرةً
                                    فتجمعنا ليالي الاولينا...
وعليــــــــــــــــــــــــــــــهم

كن ابن من شئت واكتسب ادبـــــــــــــــاً

Jan 27, 2012, 09:49 صباحاً
iraqieagle
  • *
  • مشاركة: 36
  • مقيم في: iq
  • تقييم 0
  • الجنس: ذكر
رد: اكملنا المقابلة اليوم...نصائح مهمة جداً
« رد #37 في: Jan 27, 2012, 09:49 صباحاً »
اخي العزيز الفا

طبعا شكرا على الايضاح ريحتنة الله يريحك ويعجل امرك اني مقابلتي بعد شهرين بلسفارة
سؤالي قيد 57 هية تجي نسخة مترجمة عربي انكليزي من الدائرة مال اجنسية بلسنك مو هية نفسهة ؟
واني ممتزوج وحدي يعني يعني اني من اقدم هاي صورة القيد بس اني مذكور بيه  يعني اهلي ممذكورين؟ يعني بس احتاج نسخة وحدة مالتي هذا قصدي
:ahalna_separator (50):

Jan 27, 2012, 12:51 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #38 في: Jan 27, 2012, 12:51 مساءاً »
حبيبي iraqieagle ارجو منك الانتباه لما اقول لان فيه مصلحتك بالدرجه الاولى:
اني نفوسي بغداد الجديدة ومن رحت طلعت الصورة مالت قيد 57 كلتلهم اتضيفون كل افراد عائلتي اللي هيه زوجتي وبنتي و سئلوني شنو الغرض منها كلتلهم لاغراض الترجمه هذا اولاً.
ثانياً: لارحت لا للسنك ولا تصديقات علاوي ولا اي تصديقات هيه هاي الورقه نفسهه وديتها لنادر ابو الترجمه وترجمتها واخذتها وياي للمقابلة وخلااااااااص بعد ماكو اي شي مطلوب منك بس اهم شي تتاكد انه تخلي شكو واحد بالكيس راح يسافر وياك بصورة القيد والشي الثاني تتاكد انه يخلون كل ارقام الجناسي مالت العائلة ومالتك سواء القديمه او الجديده لان كلش ضروري واتمنالك الموفقية.
تحياتي

كن ابن من شئت واكتسب ادبـــــــــــــــاً

Feb 11, 2012, 03:14 مساءاً
alause
  • *
  • مشاركة: 119
  • مقيم في: iq
  • تقييم 1
  • الجنس: ذكر
رد: اكملنا المقابلة اليوم...نصائح مهمة جداً
« رد #39 في: Feb 11, 2012, 03:14 مساءاً »
اخوية الفا اني ادري ضوجتك بالأسئلة بس عندي استفسار واحد
اليوم رحت لمكتب نادر دا اكمل الترجمة مال الأوراق فكالتلي البنية انه عدم المحكومية لازم اصدقة من الخارجية ؟؟؟؟؟
فهل هذا الحجي صحيح لو لاء لأن همة حتا السفارة مذاكرين شي على التصديق من الخارجية وحسب ما كلت انتة اخوية الفا انه متحتاج اي تصديقات.
ارجو مساعدتي في هذا الأمر الي حيرني والله
وشكرا

Feb 11, 2012, 10:05 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #40 في: Feb 11, 2012, 10:05 مساءاً »
اخويه العزيز alause بالعكس ماكو اي ازعاج من تسئل اخويه العزيز جوابي انه لا يحتاج اي تصديق لانه مصدق من وزارة الداخليه يعني انته من تستلم العدم محكومية من دائرة الجنايات اللي مقرها الامن العامه سابقاً في منطقة البلديات من تستلمه هوة اصلاً مصدق من وزارة الداخلية ومترجم فلا تصدقه بالخارجية وخطيتك بركبتي وملك علاقه بحجي نادر وغيره وتدلل ياورد

كن ابن من شئت واكتسب ادبـــــــــــــــاً

Feb 11, 2012, 11:01 مساءاً
Doctor
  • *
  • مشاركة: 112
  • مقيم في: iq
  • تقييم 1
  • الجنس: ذكر
  • اللهم ارزقني الغربه
رد: اكملنا المقابلة اليوم...نصائح مهمة جداً
« رد #41 في: Feb 11, 2012, 11:01 مساءاً »
اخي الفا جزاك الله خيرا  قلت حقا ونطقت صدقا

حبيبي الفا الورده بالتوفيق وانشاء الله تطلع باقرب وقت انتي متدري شنو انت حجيت ذهب والامور الذكرته حيل حيل مفيده

مشكور ياورده
اللهم ارزقني الغربه

Feb 11, 2012, 11:13 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #42 في: Feb 11, 2012, 11:13 مساءاً »
نورت الموضوع حبيبي الدكتور والله اني اهم شي عندي نقض كل انواع المفتين والفتاوى فيما يخص موضوع الهجرة الخاصةSIV لان هواي ناس تورطت من وره شكم واحد حشاك بلا ذمة ولاضمير واكو جماعة من يحجون يايااااااااااااايبه ووووووووووووووووو يسوي روحه كرايب السفير ويشتغل بالسفارة يم القنصل و هوة حشاكم اسمه ميعرف يكتبه بالا نقليزي وانشالله ما اقصر ويه اي محتار انشاء الله وعلى الله فليتوكل المهاجرون .
تحياتي وسلامي لكل الدكاترة حبي

كن ابن من شئت واكتسب ادبـــــــــــــــاً

Feb 11, 2012, 11:44 مساءاً
alause
  • *
  • مشاركة: 119
  • مقيم في: iq
  • تقييم 1
  • الجنس: ذكر
رد: اكملنا المقابلة اليوم...نصائح مهمة جداً
« رد #43 في: Feb 11, 2012, 11:44 مساءاً »
حبيبي الفا تحياتي الك ويارب يسهل امرك ويوفقك واني ممنون جدا منك ومن كل واحد يحب يساعد الناس ويامكثرهم بهالمنتدى الجميل واني حيل ممنون منك ومن ردودك الحلوة والمريحة وانشاء الله نلتقي بأرض الأحلام والله يوفقك.
واني الممنون

Feb 12, 2012, 12:34 صباحاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #44 في: Feb 12, 2012, 12:34 صباحاً »
تدلــــــــــــــــل واني الممنون لان انته انطيتني فرصة لمساعدتك حبيبي وبالتوفيق للجميــــــــــــــــــــــــع.
اخوكم الصغير الفــــــــــا

كن ابن من شئت واكتسب ادبـــــــــــــــاً

Feb 12, 2012, 02:58 مساءاً
Doctor
  • *
  • مشاركة: 112
  • مقيم في: iq
  • تقييم 1
  • الجنس: ذكر
  • اللهم ارزقني الغربه
رد: اكملنا المقابلة اليوم...نصائح مهمة جداً
« رد #45 في: Feb 12, 2012, 02:58 مساءاً »
الفا فد سوال بيش الساعه كملت المقابله ؟ يعني بيش الساعه طلعتو من المقابله ؟
اللهم ارزقني الغربه

Feb 12, 2012, 06:04 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #46 في: Feb 12, 2012, 06:04 مساءاً »
الساعة الواحدة بعد الظهر حسب توقيت بغداد العاشرة صباحاً بتوقيت كرنتش :D
وتدلل

كن ابن من شئت واكتسب ادبـــــــــــــــاً

Feb 13, 2012, 07:40 صباحاً
iraqieagle
  • *
  • مشاركة: 36
  • مقيم في: iq
  • تقييم 0
  • الجنس: ذكر
رد: اكملنا المقابلة اليوم...نصائح مهمة جداً
« رد #47 في: Feb 13, 2012, 07:40 صباحاً »
حبيبي iraqieagle ارجو منك الانتباه لما اقول لان فيه مصلحتك بالدرجه الاولى:
اني نفوسي بغداد الجديدة ومن رحت طلعت الصورة مالت قيد 57 كلتلهم اتضيفون كل افراد عائلتي اللي هيه زوجتي وبنتي و سئلوني شنو الغرض منها كلتلهم لاغراض الترجمه هذا اولاً.
ثانياً: لارحت لا للسنك ولا تصديقات علاوي ولا اي تصديقات هيه هاي الورقه نفسهه وديتها لنادر ابو الترجمه وترجمتها واخذتها وياي للمقابلة وخلااااااااص بعد ماكو اي شي مطلوب منك بس اهم شي تتاكد انه تخلي شكو واحد بالكيس راح يسافر وياك بصورة القيد والشي الثاني تتاكد انه يخلون كل ارقام الجناسي مالت العائلة ومالتك سواء القديمه او الجديده لان كلش ضروري واتمنالك الموفقية.
تحياتي

اخوية العزيز الفا اني ممنون منك جدا على الاجابة بس حبيت اكللك اني ممتزوج ومقدم على اس اي في وحدي والنفوس مالتي يم ساحة النسور رحت وطلعت ورقة لونها ازرق هية مال صورة قيد 57 لاغراض الترجمة وضافو افراد عائلتي بلورقة ابوية واخوية وكل اهلي وبعدين رحت لدرئرة الجنسية الي بلسنك وسولي نسخو وحدة بس اللي مترجمة عربي انكليزي سؤالي هو انه اني مااحتاج اطلع لاي احد من اهلي صورة قيد بس اللي لان اني اللي مسافر
مو لو لازم اطلع لاهلي هم ؟ لان من دزولي ايمييل كالو نريد الفاملي بووك اني دخت كلت خاف يقصدون اهلي يريدوهم هم بلفاملي بوك ,,,,,,,,,,,,,,,,,,,و وشكرا
:ahalna_separator (50):

Feb 13, 2012, 01:40 مساءاً
Alphaكاتب الموضوع
  • *
  • مشاركة: 1032
  • مقيم في: us
  • تقييم 21
  • الجنس: ذكر
  • كن ابن من شئت واكتسب أدباً
رد: اكملنا المقابلة اليوم...نصائح مهمة جداً
« رد #48 في: Feb 13, 2012, 01:40 مساءاً »
اخويiraqieagle همه يضيفون عائلتك اوتماتيكياً بصورة القيد مالتك حته لو بس انته تطلع المهم انه بيهه كل ارقام الجناسي وتواريخ الاصدار وختمهم والترجمه وخلص  .
تحياتي

كن ابن من شئت واكتسب ادبـــــــــــــــاً

Feb 14, 2012, 09:20 صباحاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
رد: اكملنا المقابلة اليوم...نصائح مهمة جداً
« رد #49 في: Feb 14, 2012, 09:20 صباحاً »
اخي العزيز الفا


طبعا جدا اسف للتاخر بالتهنئة و عاشت ايدك على التفاصيل و ان شاء الله تكون خاتمتها خير و عن قريب


Confidence comes not from always being right, but not fearing to be wrong

كلمات بحث : siv مقابله نصائح 
 

مواضيع ذات صلة

  الموضوع / بدء بواسطة ردود آخر مشاركة
1 ردود
644 مشاهدة
آخر مشاركة Sep 15, 2012, 10:18 صباحاً
بواسطة احلى مهندسة
5 ردود
695 مشاهدة
آخر مشاركة Sep 14, 2012, 11:52 صباحاً
بواسطة ماجد محمد
0 ردود
1573 مشاهدة
آخر مشاركة Jan 01, 2013, 09:57 صباحاً
بواسطة Obligor
12 ردود
572 مشاهدة
آخر مشاركة Aug 01, 2013, 04:14 صباحاً
بواسطة ام عبود
12 ردود
583 مشاهدة
آخر مشاركة Feb 17, 2014, 03:22 صباحاً
بواسطة Ŗảaḟaṱ Hấmẕā


free counters