تجارب السفر من والى (العراق - أميركا) للي عدهم كرين كارت طبعا

الكاتب موضوع: تجارب السفر من والى (العراق - أميركا) للي عدهم كرين كارت طبعا  (زيارة 6191 مرات)

0 الأعضاء و 1 ضيف يشاهدون هذا الموضوع.

Jan 13, 2011, 12:58 مساءاً
Alawiكاتب الموضوع
  • *
  • مشاركة: 19
  • تقييم 6
اخوتي

لكون صارلنه هنا باميركا من مده ليست بقصيرة ..ز بدو الاخوه والاخوات ايفكرون بالروحه للعراق لغرض الزياره كم يوم ويردون سالمين غانمين
فحبيت اطرح هالموضوع ومنو من الجماعه راح وسافر وشنو التجربه اللي شافهه وواجهه بالمطارات للجماعه اللي عدهم كرين كارت..

طبعا الارخص والاحسن والاسهل
ولكون طريق شيكاغو او نيويورك عمان طويل وصعب وشوية غالي على اخوتنه حبيت اطرح تجربه ولد صديقي هنا سافر الى العراق من دنفر مباشر ه
التكلفه كلهه كلهه كلفته 1300 دولار روحه جية دنفر بيتهم يعني من البيت للبيت وهية طريقه الحجر من اي مطار دولي قريب عليكم (مثلا اني مطار دنفر كولورادو) الى بيروت - لبنان ومناك اكو كثير طيارات للعراق سواء بغداد اربيل او البصرة بالخطوط العراقية الرخيصه .. ويارب عرفتو التجربه واتمنه ان كل واحد سافر (سافر مو ممسافر) يكتبلنه شنو واجه واشلون التعب واشلون تعامل اخوتنه سواء العرب او الاجانب بالمطارات لمن يشوشوف جوازنه عراقي بس عدنه البطاقه الخضراء (الكرين كارت)..

واتمنه ان نسمع منكم ومن تجاربكم الحلوة يا اهلنه يا طيبين


اخوكم
علاوي
كولورادو

Jan 13, 2011, 03:11 مساءاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
حبي علاوي


حياك يا ورد على هذا الموضوع وبالفعل مفيد ,,,, راح اجيبلك كم شخص يحجولك تجربتهم الخاصة بهذا المجال ,,,

اني اعرف شخص هم سوة سالفه صاحبك ,, منا لبيروت و النوب لبغداد و هو صارله هواي بامريكا يعني مفلسهه هاي سالفة السفر ويعرف شون يتصرف ,,,

بالتوفيق ان شاء الله
Confidence comes not from always being right, but not fearing to be wrong

Jan 13, 2011, 05:54 مساءاً
Alawiكاتب الموضوع
  • *
  • مشاركة: 19
  • تقييم 6
تسلم حبيبي شبح
بس شنو كون يكتبولنه التفاصيل والتكلفه واذا الجماعه عدهم طرق اسهل وارخص بعد زياده الخير خيرين...
شكرا للتواصل

Jan 19, 2011, 11:15 مساءاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
اخ علاوي خوش موضوع ويهم الكثير من العراقيين ببلاد المهجر
عدنا اخ نور استوه راجع بعده بترا ب السفر ياريت يشاركنا بالموضوع

بس ملاحظه  هناك تعليمات انه العراقي يجب ان يحصل على فيزه حتى لدول الترانزيت
فيرجى ملاحظة ذلك عن الحجز لدول الطريق
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jan 20, 2011, 01:25 صباحاً
ســرى
  • *
  • مشاركة: 1646
  • مقيم في: 00
  • تقييم 31
  • الجنس: أنثى
اخ علاوي خوش موضوع ويهم الكثير من العراقيين ببلاد المهجر
عدنا اخ نور استوه راجع بعده بترا ب السفر ياريت يشاركنا بالموضوع

بس ملاحظه  هناك تعليمات انه العراقي يجب ان يحصل على فيزه حتى لدول الترانزيت
فيرجى ملاحظة ذلك عن الحجز لدول الطريق



حبي ريوم ابو الكرين كارد اذا عالملكية مراح يحتاج فيزا لانه راح يبيتوه بفندق المطار وعلى حسابهم

نجي على الفيزا بالاردن ب10 دنانير وبالمطار للعراقيين حاملي الكرين كارد وبدون اي عراقيل

تحياتي وموضوع مهم ويهمنا كلنا مشكور اخي علاوي

Jan 20, 2011, 09:27 صباحاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
صح حبيبتي سرى
الترانزيت لدول الطريق لا يحتاج الى فيزا لان يبقى في المطار سواء كان مبيت او ساعه وحده
لكن التعليمات الجديده (على العراقيين فقط ) طبعا هذا امتياز خاص  :-\ :-\
انه يجب استحصال فيزه لدول الطريق حتى لو كانت ترانزيت واقصد الدول التي يستوجب بيها الفيزا مثل الدول الاوربيه فينا او المانيا
اما عمان ففيزتها من المطار ولذلك اكثر العراقيين ايسوون الروت على عمان لتجنب الدول الي يستوجب استحصال فيزتها مسبقا
مع العلم ان مكاتب السفر تحجزلهم حسب الطريق المتوفر دون التنبيه على ذلك
ومن يوصلون للمطار يوم السفر يكولولهم متطيرون اذا ماعدكم فيزه وصارت عند عائله تم ارجاعهم من المطار لهذا السبب ورجعوا حجزوا من جديد على عمان بعد يومين
فالافضل ايصير استفسار من سفارات دول الطريق عن حاجتهم الى فيزه لتلك الدوله او لا  حتى يتجنب المنغصات في يوم السفر

وملاحضه اخرى للي كانت مغادرتهم من عمان وعادوا الى عمان ان يتاكدوا من عدم حصولهم على منع بسبب مغادرتهم دون دفع الغرامات المترتبه عليهم
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jan 20, 2011, 01:16 مساءاً
Alawiكاتب الموضوع
  • *
  • مشاركة: 19
  • تقييم 6
والله هاي خوش معلومات اول مرة نسمع عنهه....
تسلمون حبايب

Jan 20, 2011, 05:14 مساءاً
ابو عبد الله التكساسي
  • *
  • مشاركة: 350
  • مقيم في: us
  • تقييم 15
  • الجنس: ذكر
زين اخوان
اريد استمع منكم
اني بيا وثيقه راح اطب واطلع من عمان بالذهاب و نفس الشي بالاياب
وبعدين من اوصل امريكا , اشوفهم الجواز لو اشوفهمك الكرين ؟؟

تحياتي
منوره ريم عبد مشتاقيلج خويه

                                           my city

Jan 20, 2011, 11:09 مساءاً
ســرى
  • *
  • مشاركة: 1646
  • مقيم في: 00
  • تقييم 31
  • الجنس: أنثى
زين اخوان
اريد استمع منكم
اني بيا وثيقه راح اطب واطلع من عمان بالذهاب و نفس الشي بالاياب
وبعدين من اوصل امريكا , اشوفهم الجواز لو اشوفهمك الكرين ؟؟

تحياتي
منوره ريم عبد مشتاقيلج خويه


اخوية ابو عبدالله انت بجوازك العراقي تطلع من امريكا بس وياك الكرين كارد ولكل فرد بالعائلة من توصل عمان بالسلامة وتريد فيزا لعمان تروح على مكتب بيه ضابط مكتوب عليه (التأشيرة) ومن يوصللك السرة تكوله اني عراقي بس عندي كرين كارد راح يكوللك تدلل عيوني جيب 10 دنانير فيزا للشخص الواحد ويختملك دخول بدقيقة وحدة!!!!

تجي للعراق بالسلامة تدخل بالمطار عادي بجوازك العراقي وماكو داعي تراويهم الكرين كارد الا اذا لحوا بالسؤال

تطلع من العراق لعمان بنفس الطريقة وتوصل لعمان اذاتريد فيزا لخ نفس العملية السابقة

توصل لامريكا بالسلامة بمطار شيكاغو او جون اف كينيدي راح تروح عالسرة مال حاملي الكرين كارد انه تعرف اكو 3 سراوات : المواطنين..........حاملي الكرين كارد.............الاجانب

انت تروح طبعا على السرة مال المقيم الدائم ومن توصل لضابط المطار راح يشوف جوازك ويسألك سؤالين 3 ومن ضمنهم احتمال وين كنت او شكد صارلك برة امريكا ويريد منك الكرين كارد لانه يمرره بمكينة خاصة تقراه ويتأكد منه ويكوللك الله وياك ابو عبدالله







صح حبيبني سرى
الترانزيت لدول الطريق لا يحتاج الى فيزا لان يبقى في المطار سواء كان مبيت او ساعه وحده
لكن التعليمات الجديده (على العراقيين فقط ) طبعا هذا امتياز خاص  :-\ :-\
انه يجب استحصال فيزه لدول الطريق حتى لو كانت ترانزيت واقصد الدول التي يستوجب بيها الفيزا مثل الدول الاوربيه فينا او المانيا
اما عمان ففيزتها من المطار ولذلك اكثر العراقيين ايسوون الروت على عمان لتجنب الدول الي يستوجب استحصال فيزتها مسبقا
مع العلم ان مكاتب السفر تحجزلهم حسب الطريق المتوفر دون التنبيه على ذلك
ومن يوصلون للمطار يوم السفر يكولولهم متطيرون اذا ماعدكم فيزه وصارت عند عائله تم ارجاعهم من المطار لهذا السبب ورجعوا حجزوا من جديد على عمان بعد يومين
فالافضل ايصير استفسار من سفارات دول الطريق عن حاجتهم الى فيزه لتلك الدوله او لا  حتى يتجنب المنغصات في يوم السفر

وملاحضه اخرى للي كانت مغادرتهم من عمان وعادوا الى عمان ان يتاكدوا من عدم حصولهم على منع بسبب مغادرتهم دون دفع الغرامات المترتبه عليهم


ريومة الوردة كلام مضبوط وسليم الدول الاوربية وخصوصا فرنسا وبريطانيا يطلبون فيزا ترانزيت للعراقي اني قصدت على عمان فقط وممنونة عالتوضيح حبي........

Jan 21, 2011, 10:43 صباحاً
doori
  • *
  • مشاركة: 3
  • تقييم 1
السلام
اخويه العزيز علاوي نشكرك على الموضوع لكن سؤال للجميع
اتذكر بالدوره التثقيفيه كالونه الي يريد يزور العراق بعد الكرين كارد لازم ياخذ موافقه من امريكا كونه جاء لاجئ وما نطو اللجوء اله لمن اقتنعو بي انو هو في خطر فما ادري هل هذا الشي وارد؟
تحياتي للجميع

اخوكم


doori

Jan 24, 2011, 11:04 صباحاً
Alawiكاتب الموضوع
  • *
  • مشاركة: 19
  • تقييم 6
حبيبي اخوية دوري ما اعرف قوانين اللجوء شنو .. اني بالنسبة الليه مهاجر اس اي في تكرم ... فبالنسبة اللي اروح وجي حر ... بس الاجئين ما اعرف واترك سوالك يجاوبوه اخوتنه اللاجئين اللي راحو واجو ..زيا جماعه انريد كلام ورد للي بالغعل راح واجه...

وتحياتي الك حبيبي

Jan 24, 2011, 12:00 مساءاً
ذاكر ابو فابيان
  • *
  • مشاركة: 1423
  • تقييم 22
  • الجنس: ذكر
عاشت  ايدك للموضوع جدا مهم ومميز ومفيد


رفقا .. ببغداد ..  الحبيبة

Jan 25, 2011, 07:22 مساءاً
البحار68
  • *
  • مشاركة: 226
  • تقييم 10
  • الجنس: ذكر
  • بأنتظار الموافقة الأمنية
شكرا لأخي العزيز كاتب الموضوع ولكل الاحبة الاعضاء على مداخلاتهم الرائعة ..
سؤالي  :
زوجتي ما عدها جواز واذا الله كتبلنه الوصول أن شاء الله ستسافر بوثيقة الصليب الاحمر .. هل من الممكن لها أن تزور العراق قبل حصولها على الكرين كارد ؟ علما بأنها ليست صاحبة الكيس
أذا كان ذلك ممكن فكيف لها السفر وبأي وثيقة ؟

ولو الموضوع عنوانه للحاصلين على الكرين كارد بس أسمحولي أتفرع شوية ..

كل التقدير لكم على مجهودكم الرائع


أمنياتي الحلوة
I am Sailing To Be Free

Jan 26, 2011, 05:26 مساءاً
ســرى
  • *
  • مشاركة: 1646
  • مقيم في: 00
  • تقييم 31
  • الجنس: أنثى
شكرا لأخي العزيز كاتب الموضوع ولكل الاحبة الاعضاء على مداخلاتهم الرائعة ..
سؤالي  :
زوجتي ما عدها جواز واذا الله كتبلنه الوصول أن شاء الله ستسافر بوثيقة الصليب الاحمر .. هل من الممكن لها أن تزور العراق قبل حصولها على الكرين كارد ؟ علما بأنها ليست صاحبة الكيس
أذا كان ذلك ممكن فكيف لها السفر وبأي وثيقة ؟

ولو الموضوع عنوانه للحاصلين على الكرين كارد بس أسمحولي أتفرع شوية ..

كل التقدير لكم على مجهودكم الرائع


أمنياتي الحلوة


اخي البحار هواية صارت مناقشات على سفر اللاجئ لبلده الاصلي المهدد بيه ومهما ناس تكوللك انه ترة هواية راحوا واجوا وماعليهم اشكال يجوز صحيح ولكن......هل عرفنا شنو تأثير السفر للعراق عالجنسية الامريكية والحصول عليها؟؟ لا ما عرفنا....لانه بالوثائق الرسمية يكتبون انه اللاجئ العراقي ان سافر للعراق ورجع لامريكا عند التقديم عالكرين كارت او الجنسية راح يؤخذ بنظر الاعتبار سفره الى العراق ويعتبر fraud يعني حشاكم كذب وتحايل عالمفوضية والحكومة الامريكية لان اللاجئ طلب اللجوء بحجة عدم استطاعته العيش في بلده

زين هسه شلون تريدها تسافر للعراق؟؟ والنوب بلا كرين كارد اني اذا تريد رأيي ابد لاتقدمون على هاي الخطوة.....

هسه هي تكول ما عدها بس جواز الصليب الاحمر هذا ما اتصور تكدر تروح بيه من امريكا للعراق وحتى ما اعرف راح يكون وضعها قانوني بيه او لا الافضل من توصلون بالسلامة تطلعلها جواز عراقي من خلال السفارة وممكن تسافر الى بلد اخر غير العراق مثلا سوريا او الاردن وتلتقي بأهلها....

تحياتي

Jan 28, 2011, 08:17 مساءاً
NOOR 2
  • *
  • مشاركة: 18
  • تقييم 3
اخوتي واحبتي الغالين

تحيه حب واعتزاز لكم

وكذلك اعتذار للانني تاخرت عليكم

اعتقد انني اخر شخص سافر الى العراق وعاد الى امريكا

وهذه قصتي

انا ضمن برنامج SIV

حجزت على الاردنيه من قبل شهر من موعد سفري

وكان حجزي ذهاب واياب
من هيوستن الى عمان
ومن عمان الى هيوستن

كان سعر التذكره  1140  دولار

المهم
كان موعد سفري يوم 8-12-2010

وصلت الى عمان يوم 9-12-2010

مباشرتا توجهت الى مكتب التاشيرات

لم ارغب المبيت في فندق عاليه
اشتريت فيزه بسعر 10 دينار
وبعدها توجهت الى داخل عمان

نسيت اذكر لكم شيء اخر

وانا في امريكا وقبل سفري  اتصلت بمكتب الخطوط الجويه العراقيه

طلب منهم تذكره ذهاب واياب  من عمان الى بغداد وبالعكس

وفعلا تم ذلك

وعند وصولي الى عمان ثاني يوم عدت الى مطار عمان

الساعه 6  صباحا للان موعد طائرتي كان  8 صباحا

انا اختصرت لكم الموضوع

وسوف اكتب لكم مفصل الرحله ان شاء الله قريبا

وانا بالخدمه يا احبيتي

اخوكم دائما
بالقلب والروح

NOOR 2

Jan 28, 2011, 08:21 مساءاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
ابو الانوار حبيبي ....


اي هيج ذكرنا بايام قبل ,,,,, وين هاي المشاركات الحلوة و الطلّة الاحلى


عاشت ايدك خوية عالرد و بارك الله بيك
Confidence comes not from always being right, but not fearing to be wrong

Jan 31, 2011, 02:50 صباحاً
ضوء الشمس
  • *
  • مشاركة: 5
  • تقييم 3
السلام عليكم
الى جميع الاخوه والاصدقاء، بودي ان اكتب لكم تجربتي بالسفر الى العراق وعودتي قبل اسبوع تقريبا، انا كان خط رحلتي من ديترويت على هولندا على دبي ثم العراق على شركة دلتا وكلفتني 900 دولار على خطوط KLM الرحلة كانت طويلة وراح تعبه بالوصول للعراق، اما بطريق الرجعه وانت تعرفون الواحد من يرجع امحمل كومة غراض من العراق والاهل وبهارات وبخور وغيرها من وصلت الى مطار ديترويت بطريق الرجعه نبشوا الجنط نبش تمام، ما خلو شيء مافتحوه لكن من خلال التحقيقات همه يعرفون اني SIV لهذا افتهموا اني راجع لعائلتي وطبعا طلبوا اجازة السياقه، وتفتيشهم جان كلش قوي وسؤال وين كنت واشكد بقيت وشسويت وليش سافرت وهل عندك عمل في داخل الستيت ومن هاي الاسئلة وبعدين سدو الجنط وسلام وعليكم السلام وطرت الى ولايتي وماكو اي مشكلة والله ينطي الكرين كارد.

Jan 31, 2011, 06:04 مساءاً
NOOR 2
  • *
  • مشاركة: 18
  • تقييم 3
عزيزي ضوء الشمس

الحمد لله على سلامتك

انا كذلك عدت من العراق مؤخرا

وبعض الاعضاء هنا تربطني بهم علاقه اخويه من زمن بغداد

والولهم الشبح  الي هو مدمرني ههههههههههههه

اود ان اوضح لك التالي

انا لدي 5 اطفال

هنا في هيوستن

وعينك ما تشوف الا  النور

الخالات والعمات وست الحبايب الوالده ووالدة زوجتي

اخوك رجع باربع جنط

والله اربع جنط

وفي داخلها ما حب وطاب

شنو حلويات شنو بهارت شنو العاب شنو  ............

اولا مطار بغداد

لم يغرمني فرق الوزن وسبحان الله

كان الموضف جدا طيب

مطار الاردن  بعد المفاوضات من جوه العبايه  دفعت

100 $  فرق الوزن

مطار شيكاغو يشهد الله لم يعترضني احد

ولم تفتح اي جنطه

ولم اسئل عن اي شيء

للانهم حقا ناس راقين بمعنى الكلمه

تذكرت مطار عمان والرشاوي به

المهم

وصلت مطار هيوستن وكذلك نفس الحال

اتمنى ان اكون قد وضحت لك الصور

تحياتي

NOOR 2
[/i]

Jan 31, 2011, 06:34 مساءاً
ضوء الشمس
  • *
  • مشاركة: 5
  • تقييم 3
الحمد لله على سلامة وصولك نور
اني من وصلت لامريكا اول مره قلت بعد التوبه اطلع، بس لظروف ارغمتني على السفر للعراق رجعت بس احمد الله ماكو عراقيل ولا مشاكل ولا اي شيء حتى للعلم ماسئلو اشكد جبت افلوس او اي شيء اخر بس شنو فتشوا بكل الجنط الاربعه علما اني طلعت ابجنطتين منا لكن من رجعت جبت اربع جنط وانت اتخيل شنو جبت وياي؟؟؟؟
بس محد اعترض حتى جبت بذور رشاد وكرفس ههههههههههههه انريد نزرع غير؟؟؟؟؟
الحمد لله على سلامتك وانشاء الله التوفيق وراحة البال

Feb 01, 2011, 10:55 مساءاً
ديما
  • *
  • مشاركة: 44
  • تقييم 4
اخواني الاعزاء قبل 4 ايام حصلنا على الكرين كارت وزوجي يريد يسافر للعراق بس من حاملي جواز s يكدر يرجع للعراق بجواز اس لو اكو بيه اشكال حسب علمكم ؟ طبعا بلصيف الماضي اخذنا موعد بلسفارة العراقية اللي هي بمشكن بعد شهرين انطونا الموعد ورحنا طبعا لمشكن علمود نطلع جواز من فئة a وصلنا لباب السفارة واللي الموظف يطلع علينا يكلنا توقف اصدار الجوازات واحنا كاطعين طريق 8 ساعات وية 3 اطفال وكل دقيقة نازلين بلطريق وميتين تعب وجوع وهذا رد الموظف النا تخيلوا الموقف اللي احنا بيه من قبل شهرين موعد وبعدين نوصل لباب السفارة يكلك توقفت اصدار الجوازات عذرا للاطالة بس حبيت اعرف يصير يسافر بجواز اس اختكم ديماااااا من شيكاغو

 

مواضيع ذات صلة

  الموضوع / بدء بواسطة ردود آخر مشاركة
7 ردود
932 مشاهدة
آخر مشاركة Jul 10, 2011, 05:56 صباحاً
بواسطة asknedr
7 ردود
870 مشاهدة
آخر مشاركة Apr 11, 2012, 05:59 صباحاً
بواسطة nen000
7 ردود
1521 مشاهدة
آخر مشاركة Oct 22, 2012, 07:03 مساءاً
بواسطة عراقي روعة
1 ردود
486 مشاهدة
آخر مشاركة Dec 12, 2012, 05:20 مساءاً
بواسطة أبو سيف
3 ردود
88 مشاهدة
آخر مشاركة Aug 07, 2014, 12:14 صباحاً
بواسطة انوار بغداد


free counters