استرجاع المشاركات المفقودة

الكاتب موضوع: استرجاع المشاركات المفقودة  (زيارة 1853 مرات)

0 الأعضاء و 1 ضيف يشاهدون هذا الموضوع.

Dec 31, 2011, 12:30 مساءاً
Ahalnaكاتب الموضوع
  • علي الزيدي
  • *
  • مشاركة: 1074
  • مقيم في: us
  • تقييم 42
  • الجنس: ذكر
  • نعيب زماننا و العيب فينا وما لزماننا عيب سوانا
    • بيت اهلنا المغتربين
استرجاع المشاركات المفقودة
« في: Dec 31, 2011, 12:30 مساءاً »
الاخوة و الاخوات السلام عليكم

اشارة الى

انتقلنا  الى استضافة  اوسع
و
البارحة نزلت موضوع جديد وين طار؟!!!!
و
بيت اهلنه وين طارت المركه والسمج

و اي استفسار ورد برسالة على الخاص بهذا الصدد

كنا قد وعدناكم من قبل كاداريين ان نحافظ على مشاركاتكم في المنتدى مهما كانت طالما ان هذه المشاركات لا تخالف قوانين المنتدى باي شكل من الاشكال. كما اشرت من قبل فقد حدث فقدان غير متعمد لبعض المشاركات للاخوة و الاخوات الاعضاء في بيت اهلنا بسبب انتقال الموقع من مستضيف الى آخر. وكما اشرت في آخر رد لي في هذا الصدد فقد اتصلت بالمستضيف الجديد و طلبت منه ايجاد حل للمشكلة الحالية و وعد بالنظر في الموضوع,, ولكن اليوم اخبرني بالتالي

Ali,

 Posts made between the transfer and updating of DNS servers would not appear on the new site. When I transferred the topics/replies database, there were no errors so none were left behind at the time of transfer.

It would be nearly impossible to recover those posts, seeing as the IDs for topics/replies made on the new site would already occupy values used by the old site.

If there is anything else I can assist you with, please do not hesitate to ask.

Regards,
ولكني لاحظت في الرد بانه يذكر عبارة (nearly impossible) اي شبه السمتحيل استعادة المشاركات المفقودة. اي ان القيام بها ليس بالمستحيل. لذلك قررت بعد الاستعانة بالله عز وجل وبما امتلك من معلومات و خبرة بسيطة ان اخوض تجربة فك جفرة ال Database و محاولة استعادة الابر المفقودة من كومة القش الكبيرة بالرغم من حالتي الصحية الغير مستقرة.

الحمد لله تكلل هذا المجهود بايجاد الخيوط المفقودة للمشاركات و تم استجماعها وها انا اعيدها لبيت اهلنا على امل ان يعذرني الاعضاء الكرام اصحاب المشاركات من الارباك الحاصل و ان يساعدوني في اعادة كتابة المشاركات او الردود وذلك بنسخها من هذا الموضوع و وضعها في المكان الصحيح.

شكرا جزيلا لصبركم و حرصكم على مشاركاتكم التي هي عماد بيت اهلنا.

وما نيل المطالب بالتمني ..... ولكن تؤخذ الدنيا غلابا
من ضاق عليه العدل فالجور عليه اضيق

Dec 31, 2011, 01:48 مساءاً
Ahalnaكاتب الموضوع
  • علي الزيدي
  • *
  • مشاركة: 1074
  • مقيم في: us
  • تقييم 42
  • الجنس: ذكر
  • نعيب زماننا و العيب فينا وما لزماننا عيب سوانا
    • بيت اهلنا المغتربين
رد: استرجاع المشاركات المفقودة
« رد #1 في: Dec 31, 2011, 01:48 مساءاً »
المشاركات حسب وقت الكتابة

[user]swan_mo[/user]

رد: الحصول على الموافقة الأمنية ولكن قرار عائلي بإبلاغ المنظمة عدم السفر ؟!؟!


السلام عليكم ورحمة الله وبركاته:
الاخ الفاضل تحية طيبة لكم ولعائلتك الكريمة ويارب يوفقكم ويسهل كل اموركم في حياتكم الجديدة ويارب اتشوفن الاستقرار بكل تفاصيل حياتكم..

في البداية انا قرأت مشاركت السابقة وكانت قبل اسبوعين او اكثر. واليوم حبيت اكتب واوضح لحضرتك ولاي شخص مقدم على لجؤ او توطين او عن طريق IOM او SIV او UN وهو انوا اي انسان معرض لظروف تطراء على حياته وحيات عائلته تجعله يغير كثير من القرارات المصيرية الي كان مخطط الها او ينتظرها من اشهر او سنوات وهذا امر طبيعي لان كل انسان ميعرف شنوا قدرة او شنوا راح يصير بكرة..
والي اقصده من كلامي انوا حظرتك ذكرت كثير اسباب خلتكم اتغيرون رأيكم بالذهاب الى امريكا ومن ضمنها واهمها(هو بسبب أبوية وأمي يعني همه كبار بالعمر وأبوية مريض بالقلب ما أريد نروح هناك ويتبهذلون وهمه بهيج عمر ووصلوني لهيج مرحلة )

فالمفروض يا اخي الفاضل اتخبرون المنظمة بقراركم هذا قبل فترة.لان الوالد والوالده الله يحفظهم ويرعاهم مثل مذكرت انوا همه كبار بالعمر ومرضى يعني مو شغلت اليوم لو البارحه طلعت فكرة عدم السفر. حتى تفسح المجال لملف غير ياخذ محلك بالتجيك الامني وبعدين تعرف انوا قراركم هذا بعدم السفر شكد راح يأثر على ملفات الباقين (وخاصة بعد ان طلعت الموافقة الامنية) واول واحد راح يتحاسب بقراركم هذا المسؤل في المنظمة الي كان يتابع ملفكم والي قدمة لدولة التوطين.وهاي طبعا صارت بكثير منظمات مو بس بالعراق.لان انا هذا الكلام سمعته من مديرة المنظمة الي موجودة بالبلد الي انا اقيم فيه وكالت انوا الشخص لما يوصل ليهيج مرحلة ويغير فكرة بالسفر اول مراح يحاسبونه احنه لان ايكولون مقابلتكم معاه مكانت واضحة ودقيقة .
والتأثير الثاني هو يأثر على ملفات الباقين لان احتمال ملفكم كان ماخذ مكان عائلة ثانية يمكن هم بامس الحاجة للسفر اليوم قبل باجرلظرف ما . وشيء ثاني راح يزيد من التدقيق والبحث في المقابلات والاسئلة خوفاً من حدوث هيج حاله مرة ثانية...

وصدقني يا اخي انا اوجه كلامي مثل مذكرت بالبداية مو بس لحضرتك ولكن لاي شخص يقرر عدم السفر انوا على طول يبلغ المنظمة حتى يفتح المجال لملف غيرة لان الله اعلم بالظروف الي عايشيها الناس الباقيين الي بيهم المهجر والمريض والي ربي يعلم بظروفة....

فهذا الي حبيت اوضح ..وربي يوفقكم ويسهل كل امركم ويشفيلكم لوالد والوالدة وميحرمكم من بركتهم...



اخوك /يوسفي

اتفق جدا مع الاخ يوسفي المحترم ،بارك الله بك اخي على رأيك السديد.





[user]swan_mo[/user]

رد: الحمد لله *موافقة محلف*

الف مبروك اختي أم نمر وان شاءالله الموافقة الامنية متطوّل هواية
امنياتنا لكم بالتوفيق



[user]أبوعبدآلله[/user]

رد:          دفتر حضور يومي لكل الاعضاء

:ahalna_separator (44):


شلونكم يا أهلنا الطيبين إن شاءآلله تعالى تكونون بأحسن حال و بأقوم مقال وأغنياء عن السؤال و غانمين من كل ترحال و مبعدين عن القيل والقال و عابرين يومئذ على الصراط خفيفين غير ثقال ... آللهم آمين .

أختي الكريمة أم زيودي :ahalna_individual (86): تره أخوج موجود كل يوم  :ahalna_emotions (44): يمعوده أخاف يسمعج المدير  :ahalna_individual (8):ويسويلي قطططططططع رررررررررراتب  :ahalna_emotions (42):

 :D من رخصتج خيتي الغالية , خلي أروح هسه أوقع كبل مينشال السجل  :ahalna_collection (46):



:ahalna_separator (67):






[user]lincolen[/user]

موضوع بعنوان: صدور فيزا

اخوان الفيزا ركع ان شاء الله البارحة صديقي صدرت الفيزا مالته هوة وعائلته وهوة مقابل يوم13 حزيران 2011 اتوقع زمن جيد استلم بيهة فيزته اني فرحت لان هوة صديقي المقرب وان شاء الله الجميع تصدر فيزهم



[user]ام نمر[/user]

رد: الحمد لله *موافقة محلف*

حبايبي اشكركم كثير الشكر والتوفيق للجميع ان شاء الله



[user]swan_mo[/user]

رد: *** يـا أيـهـا الـنـاس اسـمـعـوا و عـوا ***

خطبة عظيمة المعاني من قلبٍ مؤمن موّحد
فصاحة متناغمة بمعاني سامية حتى الرسول عليه افضل الصلاه والسلام بقت كلماتها في ذاكرته منذ كان صغير
اللهم صلي على سيدنا محمد واّل محمد
ورحم آلله قس بن ساعدةالأيادي
عاشت ايدك اخونا الغالي ابو عبدالله ،موضوع غاية في الروعة ويستحق جدا الوقوف عنده.
احترامي
 




[user]سوسن كليانه[/user]

رد: تحدث الأنكليزية بطلاقة

رابط جميل جدا ومفيد للغايه عاشت الاياي وبارك الله بيك



[user]ام نمر[/user]

رد: الحصول على الموافقة الأمنية ولكن قرار عائلي بإبلاغ المنظمة عدم السفر ؟!؟!

 اخونا العزيز هذا القرار صحيح مية بالمية ولو متهيأتلنا هاي الفرص كان ما قررنا نطلع من وطننا ونفكر بالغربة ربي يوفقك ويفتحها بوجهك



[user]أبوعبدآلله[/user]

رد: لعبة اكمل الكلمة

بستان

بسر

بستوكة

بستج    نوع من العلكة العراقية  :ahalna_individual (108): إنقرضت  من اسواق العراق عدا سوق الشورجة حيث يكثر تواجدها فيه  :ahalna_individual (31):  :D

تج





[user]ام نمر[/user]

رد: *** يـا أيـهـا الـنـاس اسـمـعـوا و عـوا ***

ماشاء الله لا قوة الا بالله خطبة رائعة بليغة وفصيحة
بارك الله فيك ابو عبد الله عرفتنا بهاذي الشخصية الرائعة



[user]swan_mo[/user]

رد: دموع تتساءل .................. كلمات رثاء لبلدي الجريح


يا أرضاً ضمي الجراح وأصرخي           
زمجري يا سماء العدل واثأري
سالت دماءَ طفلٍ وأمٍ وشيخٍ أعزلِ
بذنب مَنْ زُهقتْ أرواح أحبتي
يا نفس صبِّ جام غضبكِ صبِّ
بلدي تمزقت بالحقدِ رحماك ربي       
لم أعد صبراً صراخكِ بصدري يدوي
أسألكَ ربي بحقِّ من رحلوا عني
عيونٌ فارقت الحياة تترجى أملِ
فارقت الأهل والأحباب تتلهف لغدِ
تتساءل عن ذنبٍ لم يُقترف بحقِ
وتردُ الرياح السؤال بجوابٍ أبترِ


رثاء مؤثر اختي الغالية ام علي بورك قلمكِ ونبض احساسكِ الطيب.
اللهّم احفظ العراق وأهل العراق.



[user]swan_mo[/user]

رد: اقلام قديمة

قصيدة جميلة
ورائعة جداً ، عاشت ايدك



[user]swan_mo[/user]

رد:          دفتر حضور يومي لكل الاعضاء

السلام عليكم اخواني واخواتي
شلونكم ياطيبين عساكم بالف خير
خواتي الغاليات ام علي ،ام زيد ،وبناتي الحلوات عراقية ،امونة،ريم ,هنوة وان شاءالله مانسيت احد
يارب تكونون باحسن حال
اني الفلاونزة سطرتني صار 3 أيام ومابيّه حيل اكعد كبال النت بس كلت خلي اسلم عليكم واروح اخذ الدوا وألف راسي وأنام ،،هاي اذا كدرت أنام :(



[user]أبوعبدآلله[/user]

رد: صدور فيزا

:ahalna_separator (52):



ألف مبروك أخويه الورد , وإنشاءآلله تعالى الخير يعم على الجميع , والخير دوما وأبدا في ما اختاره آلله ربي جل في علاه .

:ahalna_separator (67):



[user]العراق[/user]

رد: تحدث الأنكليزية بطلاقة

وايدج اشكرج هواية على مرورج وممنون منج



[user]ام زيد[/user]

رد: تم تغيير الامثال تزامناً مع وضعنا الحالي


:ahalna_emotions (49): :ahalna_emotions (49): :ahalna_emotions (49):


عاشت الأيادي كلش حلوه إجتي إبوكتها  :D

تسلم ابوعبدالله انت العايش



[user]ام زيد[/user]

رد: تمرين إزالة التوتر بالتجربة

حبيبتي العراقيه والله افرح من اشوفج ربي يحفظج ويرزقج



[user]ام نمر[/user]

رد: لعبة اكمل الكلمة

نجميل
تجريح
تجاهل
تجهم
تجافي
تجاوز
تجويد



يد



[user]BULLETPROOF[/user]

رد: *** هدايا بس إيلمن ؟! ***

هههههه.... اخي ابو عبد الله يراد المنتدى يفتح صفحة لأبو بريص الظاهر شعبيته قويه  :D



[user]arraawi[/user]

رد: عضو جديد.. ولدي استفساران ؟!!

شكرا لكم جميعا على كلامكم الطيب...اني حاليا فصلت ملفي عن اهلي وسويت ملف جديد بالـ UN قبل شهر تقريبا والله كريم.



[user]BULLETPROOF[/user]

رد: من عجائب الطبيعة

سبحان الله ...هاي اول مر ة اسمع بهذا الخبر ......شكراً



[user]arraawi[/user]

موضوع بعنوان: ما لاتعرفه عن أمريكا !!

السلام عليكم..

حبيت اطرح عليكم موضوع جديد, يمكن مطروح سابقا بس راح يكون بشكل اكثر توسعا وتفصيلا..

الموضوع يناقش كل استفساراتكم حول أي مدينة في أمريكا..يعني انت تسأل واني أجاوبك..

اني مرايح لأمريكا لحد الان بس مقدم على لجوء من خلال الـ UN بس معلوماتي هي من نتاج بحوث مستفيضة على الإنترنيت للمدن الأفضل للعيش في أمريكا..

من خلال قرائتي للعديد من المواضيع في هذا الموقع, لاحظت الحيرة موجودة عند الكثيرين (وأنا أحدكم) عن المدن المفضلة للعيش في أمريكا من خلال معايير يضعها طالب اللجوء في الحسبان وذلك يشمل نسبة الجرائم,فرص العمل,كلفة المعيشة وغيرها من العوامل..

كما ولاحظت البعض ممن يقلل من أهمية اختيار المدينة قبل السفر ! على اعتبار ان كل المدن لها ايجابيات وسلبيات وليست هنالك فروقات كبيرة بين المدن !

من وجهة نظري المتواضعة هذا خطأ كبير ,,نعم كل مدينة لها ايجابيات وسلبيات ولكن السلبيات اعلى في معظم المدن ! فمن خلال اطلاعي على معظم مدن امريكا الكبيرة والصغيرة لاحظت ان معظمها سيئة نسبيا ,,والقليل جدا منها ما هو جيد للعيش براحة وإن وجدت فالمدن تكون مرتفعة جدا في كلف المعيشة !

ربما هذا هو السبب في معاناة الكثير من العراقيين ممن لجأوا الى امريكا كلجوء إنساني ! يخيل لهم ان امريكا هي الجنة في الدنيا !! وما هي بذلك ..

مغزى حديثي هذا ان تختار المدينة الملائمة لك قبل ان تفكر بالسفر (إن لم يتوافر لديك كفيل) ولا تدع اي انسان يوهمك بأن المنظمة هي التي تختار المدينة الملائمة لك ..

 لا اود الإطالة اكثر..

اختر المدينة التي تود الأستفسار عنها وبعون الله سأجيبك,,ارجو ذكر كل ماهو مطلوب معرفته عن المدينة,,اي ان لا تكون استفسارت عامة.

تحياتي للجميع..







[user]انوار بغداد[/user]

رد: الحصول على الموافقة الأمنية ولكن قرار عائلي بإبلاغ المنظمة عدم السفر ؟!؟!


إحنه عدنه كومة كرايب بأمريكا وأوربا ---------------مكان غريب وما أعرف بيه أي أحد وأبدي من الصفر

اخي العزيز ...بس ارجو توضيح الكلام اعلاه ....اني عندي ابن عم وهو القريب الاوحد لي في اميركا مع بعض الاصدقاء ,,,ولكن عندما قررت السفر مع عائلتي المكونه من زوجتي وثلاث اطفال دون سن ال7 سنوات وانا مهندس مدني واعمل باختصاصي منذ اكثر من ثلاث سنوات في دوائر الدوله ,,وجدت ان صديقا واحدا في اميركا من المستحيل ان يخليك تبدأ من الصفر فهو يفتح لك ابواب كثيره فما بالك اذا عندك اقرباء....هذه واحده...
اما عن حقوقك في وطنك وواجباتك تجاهه فلا اريد الكلام عن هذا الموضوع لان الجميع يعلم تفاصيله وبضمنهم انت...فقد ضاعت الحقوق بتلافيف الواجبات و يمك الحساب..
واما عن نزاهة العيش في بلد غني الارض فقير التظبيق لادنى مستويات التفكير الاقتصادي والعملي وانحراف الفكر من النزاهه الى عدمها في مختلف المجالات هو واقع صعب التقبل ولكنه للاسف وللاسف واقولها بعينين مغرورقتين انه موجود ونعيشه يوميا...
وليس اخرا ...اقول ... ان تقويم الامور سيستنزف منا سنوات طوال ..وبالنسبة لي فضلت ان يتربى ابنائي بعيدا عن كل ما عشت مما ذكرت واكثر ...لاختصر عليهم الزمن العشوائي اللذي  سضيع منهم في بلدهم الام ...وسيكون  رجوعهم اليه لا لاجل ان يعيلهم بل لاجل ان يعيلونه...
اكثرت بالكلام الا ان الموضوع يستحق حلقات وحلقات من الكتابه ...والانسان كلما دارت به السنين اختمرت لديه الافكار...
اما بالنسبه لك يا اخي العزيز فانا اعذر فيك شبابك واندفاعك لخدمة عائلتك ومن المحتمل ان اكون مخطئا في تقديري وان تكون مصيبا .
ادعو الله ان ينير لك طريقك وييسر لك امرك وان تسعد في حياتك ...وما هو الا رايي ...
وللجميع التعليق

الله يحفظك يا طيب ويسهل امورك



[user]Home Front[/user]

رد: ما لاتعرفه عن أمريكا !!

السلام عليكم شكراً على طرح الموضوع وردت اعرف معلومات عن تكساس - هيوستن



[user]arraawi[/user]

رد: ما لاتعرفه عن أمريكا !!

وعليكم السلام أخي..

هذا واجبي تجاه اخواني العراقيين..بس مثل ما ذكرت ارجو ان لا تكون الأستفسارت عامة...يعني حدد ما تريد ان تعرفه عن مدينة هيوستن..



[user]Home Front[/user]

رد: ما لاتعرفه عن أمريكا !!

شكراً اخي اولاً يعني نسبة الأمان وخصوصاً بالليل لأن سمعت من طالب سعودي يكول بالليل مو امينة
وثانياً احوال المجمعات السكنية فمثلاً صديقي جان بمجمع سكني ويكول بصفه مدرسة اسلامية كلها افغان وسعوديين او بالأحرى وهابية ويكول الاحقاد واصلة فول ولهذا راح اجر شقة بعيدة عنهم
وثالثاً اني لغتي الانكليزية ضعيفة وان شاء الله من اوصل هم اكو معاهد رخيصة ومن خلالها اكدر اتقن اللغة
رابعاً اكو مدارس يعني عادي البنية تلبس حجاب من دون مواحد يشير الها يعني يحاول ينتقص منها
خامساً فرص العمل وشكد الرواتب
سادساً اذا محصلت عمل ورا 6 اشهر شنو المنظمة راح تتركني وخصوصاً اني صاحب عائلة
اسف لكثرة الأسئلة ومشكور مقدماً



[user]ام زيد[/user]

موضوع بعنوان: هل تعلم

                                                 بسم الله الرحمن الرحيمة ،

أن الدعآء للمتوفي يصله كـ هدية 

يأتيه ملك ويقول له:

( إن هذه هدية من فلآن )


ويفرح بهآ كمآ يفرح بهآ أن كآن في دنيآه . .
يَارب في آلقبور أحبآبُ يتقطّع الفؤاد لفرآقِهم ،
ربي أرحمّهم و أكرّم نُزلَهم و أبدّلهم بِـ: دآر خيرٍ من دآرهم و أهلاً خيراً من أهلهم

آللهم أنزل على قبر موتانا آلضيآء وآلنور
وآلفسحة و آلسرور
آللهم جآزهم بآلحسنآت إحسآنآ وبآلسيئآت عفوآ وغفرآنآ حتى يكونوا' في بطون آلألحآد مطمئنين
يَارب
آجبر كسر قلوبنآ على فرآقهم
و لآ تجعل آخر عهدنآ بهم في آلدنيآ . . .
و آبني لنآ ولهم بيت في آلجنة
و آجعل ملتقآنآ في دآر رحمتك
آللهم آمين ˛
( أرسلوهآ . . ليدعى لهم ولآ تحرموهم من دعآئكم )
من دعى لميت فيۓ آلدنيا يسخر له آلله من يدعي له بعد وفآت
 







[user]Eagle SIV[/user]

رد: الحصول على الموافقة الأمنية ولكن قرار عائلي بإبلاغ المنظمة عدم السفر ؟!؟!


السلام عليكم ورحمة الله وبركاته ...

موضوع غريب ؟!؟!؟!؟!؟

راح أشرحلكم الوضع بالتفصيل وشوفوني أني قررت صحيح لو لا ؟؟؟

طبعا قبل 48 ساعة بلضبط من كتابتي لهذا الموضوع وصلت إلنه رسالة من المنظمة ( IOM ) تبلغنه من إنه تم حصولنه على الموافقة الأمنية وإنه سيتم تحديد موعد للفيزا والسفر القريب ( حسب فهمي ل رسالتهم ) ولكنني وقبل فترة تقريبا كتبت موضوع وشرحت بيه أسباب محيرتني ومحيرة عائلتي يعني بين أختار أمريكا لو العراق مع الفرق الكبير بين هذا الإسمين من كافة النواحي ولكن بعد مشاورات بين العائلة والأقرباء والأصدقاء بالعراق وأمريكا وحتى بعد صلوات إستخاره لأكثر من مره قررت مع العائلة ( رفض السفر لأمريكا ) ؟؟!!

نعم إخوان قررت ويه العائلة عدم السفر لأمريكا لأسباب كثيرة من ضمنها والسبب الرئيسي هو بسبب أبوية وأمي يعني همه كبار بالعمر وأبوية مريض بالقلب ما أريد نروح هناك ويتبهذلون وهمه بهيج عمر ووصلوني لهيج مرحلة .

وثانيا بسبب تعيني الجديد وأبواب الخير إلي إنفتحتلي ... تقريبا صارلي 10 أيام سجلت مباشرة ودأداوم بدائرتي - مختبر ( المديرية العامة للطرق والجسور في دهوك ) وحصلت إيفاد لإيطاليا ولمدة شهرين وعلى حساب الدولة طبعا حتى يعلمونه كيفية العمل على محطات ومختبرات ضخمة وعملاقة خاصة بمواد الطرق والجسور ويعلمونه طبعا كيفية التحكم بيه من خلال الحاسوب وتشغيل هذه المختبرات والحلو إنو إختصاصي نادر بدهوك ( هندسة تقنيات الحاسبات ) وإلي وياي كلهم جدد وكلهم خريجي علوم حاسبات فالأفضلية جانت إلي والمدير إختارني ...

والأحلى من هذا كله المختبر إلي أداوم بيه حديث البناء والموظفين كلهم جدد ( شلع ) وإحتمال جبير أصير أني مدير قسم ال( IT ) لأن البناية جديدة والموظفين جدد وماكو قدماء فالأفضلية تكون حسب الشهادة ... هاي كله بعدني بأول 10 أيام من الدوام الرسمي والمدير بنفسه كلي أكو ناس تداوم 10 سنوات يلا تترفع إنت بعدك بالبداية وتكدر تصير رئيس قسم لأن شهادتك أحسن شهادة بين كل الموجودين بقسمك ...

وبلنسبة لفرص السفر للعراق إلي هواية ومن كافة النواحي ( سفرة ، زواج ، زيارة ... إلخ ) وأي وقت أريد بس بسبب أهلي وأني الجبير إلهم ولأن كل إعتمادهم عليه لازم أتخلى عن خارج العراق ولو مؤقتا ... يبقه أخويه الصغير طبعا سبق إله وسافر لأمريكا سنة 2000 وبقه بيه سنتين همين ويه منظمة لغرض علاج عيونه لأن جان عنده إنفصال بالشبكة والحمدلله تعالى راح ورجع وعوينه أحسن من ما جان بالعراق ولو باقي جان ينعمي بس الحمدلله إجتيله فرصة هواية أطفال عراقيين إنحرمو منه وراحو ...

ومرات أفكر أكول إحنه بالعائلة بس أني وأبوية وأمي وأخوية الصغير يعني إحنه هنا ملوك الحمدلله تعالى كلشي متوفر حتى نعمة الأمن إلي يتمناه معظم العراقيين الحمدلله موجودة بدهوك وأكيد كلكم تعرفون الوضع الأمني بإقليم كردستان ... يبقى الوضع السياسي هاي ما أدوخ رأسي بيه وأخلي رأسي بشغلي وها أها ...

وبالأخير أعرف إنه أمريكا فرصة ما تتعوض ومهما صارت عندك فرص بالعراق ولو شصرت تبقه أمريكا فرصة ما تتعوض بس أني خال هذا المثل دستوري بالحياة ( المو زين إلي تعرفه أحسن من الزين إلي ما تعرفه ) وبصراحة إحنه عدنه كومة كرايب بأمريكا وأوربا وقبل إتخاذ هذا القرار شرحنه إلهم وضعنه وكلهم كالولنه ما طول عدكم هيجي فرصة ماكو داعي للمجازفة لأن هنا ( يقصدون أمريكا ) عدا الغربه والذل والركض 24 ساعه أما تصعد أما تنذل وتتحصر على أيام العراق فخلوني أعيش بالمو زين إلي أعرفه أحسن من ما أروح لمكان غريب وما أعرف بيه أي أحد وأبدي من الصفر وأجازف بشغلات ما تتعوض أبدا ...

بالأخير أتمنى للجميع الموفقية والنجاح بحياتهم سواء بالعراق أو بأمريكا أو بكل بقعة من بقاع الأرض وكائن من يكون ويا ربي كل إلي دينتظر خبر من المنظمة بأسرع وقت يستلم بشاره ... وأسف على الإطاله وإحتمال الموضوع فاجىء الجميع بس هذا هو حالي وحال عائلتي والقرار إلي قررناه وشفناه صحيح ولحد يغلط عليه هاااااااا ههههههههههه ...

ونكول الله كريم ...

تحياتي للجميع في كل مكان ...




انت تريد وانا اريد و يفعل الله ما يريد عسى ان يهديك الله الى صواب القرار ويكون بصالحك انشاءالله

بالتوفيق 
[/size]



[user]Eagle SIV[/user]

رد: صدور فيزا

الف مبروك الك و لصديقك وانشاء الله تفرج عالجميع وشكرا لنقل الخبر المفرح



[user]ام زيد[/user]

موضوع بعنوان: جدال بين ذكر وانثى

                                                  :ahalna_separator (40): :


قال لها ألا تلاحظين أن الكون ذكر؟
فقالت له بلى لاحظت أن الكينونة أنثى

قال لها ألم تدركي بأن النـور ذكـر؟
فقالت له بل أدركت أن الشمس أنثـى

قـال لهـا أوليـس الكـرم ذكــر؟
فقالت له نعم ولكـن الكرامـة أنثـى

قال لها ألا يعجبـك أن الشِعـرذكـر؟
فقالت له وأعجبني أكثر أن المشاعرأنثى

قال لها هل تعلميـن أن العلـم ذكـر؟
فقالت له إنني أعرف أن المعرفة أنثـى


*******

فأخذ نفساً عميقاً
وهو مغمض عينيه ثم
عاد ونظر إليها بصمت
لـلــحــظــات
وبـعـد ذلك


*******


قال لها سمعت أحدهم يقول أن الخيانة أنثى
فقالت له ورأيت أحدهم يكتب أن الغدر ذكر

قال لها و لكنهم يقولون أن الخديعـة أنثـى
فقالت له بل هن يقلـن أن الكـذب ذكر

قال لها هناك من أكّد لـي أن الحماقـة أنثـى
فقالت لهو هنا من أثبت لي أنالغباء ذكـر

قـال لهـا أنـا أظـن أن الجريمـة أنـثـى
فقالـت لـه وأنـا أجـزم أن الإثـم ذكـر

قـال لهـا أنـا تعلمـت أن البشاعـة أنثـى
فقالـت لـه وأنـا أدركـت أن القبـح ذكر


*******



تنحنح ثم أخذ كأس الماء


فشربه كله دفعة واحـدة
أما هـي فخافـت عنـد
إمساكه بالكأس مماجعلها
ابتسمت ما أن رأته يشرب
وعندما رآها تبتسم له



*******




قال لها يبدو أنك محقة فالطبيعة أنثـى.
فقالت له وأنت قد أصبت فالجمال ذكـر

قـال لهـا لا بـل السـعـادة أنـثـى.
فقالت له ربمـا ولـكن الحـب ذكـر

قال لها وأنا أعترف بأن التضحية أنثـى.
فقالت له وأنا أقر بأن الصفـح ذكـر

قال لها ولكنني على ثقة بأن الدنيا أنثى.
فقالت له وأنا على يقين بأن القلب ذكر



*******



ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ًطــالــمــا أن . . .



الـسـؤال ذكـــر
والإجـابـة أنـثــى
 


 








[user]ام زيد[/user]

رد: الحصول على الموافقة الأمنية ولكن قرار عائلي بإبلاغ المنظمة عدم السفر ؟!؟!

والله يااخي كل واحد  وضروفه ومادام انت مقتنع فربي يوفقك
وان شالله اللي يريد يسافر ربي يسهل امره



[user]ضياع الاحلام[/user]

رد: تم تغيير الامثال تزامناً مع وضعنا الحالي

كلهة حلوة تسلم ايدج وصدك صار هيج وكتنة اني عجبتني الثانية :D :D



[user]النورس جوناثان[/user]

رد: جدال بين ذكر وانثى

ام زيد راح انطيك رايي الحقيقي بدون اي رتوش وليرضى من يرضى وليسخط من يسخط
انت بهذا المقال (المخموط  :x :x :x :x لانني قد قراته سابقا )اردت ان تقولي ان الحياة بما فيها هي عبارة عن 50% انثى و50% ذكر وهذا يؤكد مقولة ان المراة نصف المجتمع
اما انا فاقول ان من يقول ان المراة هي نصف المجتمع قد ظلمها ظلما كثير لانه برايي فان المراة هي 65% من المجتمع فهي ام وهي زوجة وهي اخت وهي ابنة وهي نصف المجتمع وتلد النصف الاخر فكيف نرضى بكلمة قالها فلان او علان
هذا رايي بشكل عام
اما فيما يخص الموضوع فهو كالعادة من مواضيعك الرائعة جدا



[user]النورس جوناثان[/user]

رد: هل تعلم

هل تدرين كم دعوت لك بنور القلب وقوة الايمان وسلامة الابدان على هذا الموضوع القيم جدا




[user]ام زيد[/user]

رد: هل تعلم

 

هل تدرين كم دعوت لك بنور القلب وقوة الايمان وسلامة الابدان على هذا الموضوع القيم جدا


الله يرحم والدين ويزيدك من نعيموا وربي يغفر لامواتنا وامواتكم



[user]ام زيد[/user]

رد: جدال بين ذكر وانثى

تسلم اخ نورس يشرفني ان اقرا تعليقك وربي يبارك لك دنيا واخره
والله كلامك صحيح بس الكل ماتعترف بما نقوله والاجر من الله



[user]المهاجر2[/user]

رد: حساب على IOM لمعرفة حالة الملف

هل جماعة سوريا ممكن يسجلون يلموقع لو ميصير وشكرا



[user]ام زيد[/user]

رد:          دفتر حضور يومي لكل الاعضاء

الف الحمد لله على السلامة ياعزيزتي الغالية ام محمد اشربي سوائل عيني
ربي يشافيكي وتكومين بالسلامة
خواتي الغاليات انا موجودة



[user]ام زيد[/user]

رد: تم تغيير الامثال تزامناً مع وضعنا الحالي


هههههههههه
حلووووووة
مشكورة ام زيد الغالية

تسلمين اختي هنوة وربي يحفظج



[user]ام زيد[/user]

رد: صدور فيزا

الف مبروك اخي لك ولصديقك ربي يفرجها على الكل
بارك الله فيك على نقل الخبر



[user]ام زيد[/user]

رد: لعبة اكمل الكلمة

يد
يدوم
يدوس
يدوخ


سو



[user]ام زيد[/user]

رد: أسعد الله صباحكم

ربي يسعد صباحكم جميعا



[user]زيتون[/user]

موضوع بعنوان: سؤال!!!

اول شي السلام عليكم ارجو ان يكون الجميع بخير وكلكم تحصلون على كرين كارد قبل الفيزا ولو مترهم بس نكول انشاء الله...
سؤالي هو:
صدرت الموافقة الاوليه ودزيت اوراقي بالفيدكس ووصلت ...شكد تتأخر لما ينطوني موعد للمقابلة؟؟
 



[user]زيتون[/user]

رد: بشرى لاخواني و أخواتي في بيت اهلنا الاعزاء

شكرا اخ علي على حرصك ونشاطك بخدمة اخوانك واخواتك ...اكثر شي دايخ بيه هو موضوع الشغل هناك لان ويايه اهلي ..لو وحدي جان ما ادير بال



[user]جامبو[/user]

رد: صدور فيزا

مبروك وانشاء الله الفرج لكل من ينتظر الفيزا وسنة خير للجميع




[user]الصديق الوفي[/user]

رد: دموع تتساءل .................. كلمات رثاء لبلدي الجريح

كلماتك رددت صدى كلماتي ، يمه متغربه اتعيشين حبيبه اشكرج على المرور الطيب.



[user]الصديق الوفي[/user]

رد: دموع تتساءل .................. كلمات رثاء لبلدي الجريح

أم محمد الغاليه صفحتي نورت حبيبه ، اشكرج عزيزتي.



[user]زيتون[/user]

رد: صدور فيزا

الف الف مبرووووووك وعقبال الجميع  ;D



[user]حسام[/user]

رد: طلب التقديم لل SIV من الالف الى الياء

اخي شبح بغداد
السلام عليكم
اني فقط بعثت اوراقي الى نبراسكا
شكراً



[user]الصديق الوفي[/user]

رد: لعبة اكمل الكلمة

سوسو : بت صديقتي
سواح: أغنية عبدالحليم
<a href="http://www.youtube.com/watch?v=Fjtf3VLx8uw" target="_blank" class="aeva_link bbc_link new_win">سواح عبد الحليم حافظ</a>

سوهاج: مدينه بمصر



بو



[user]الصديق الوفي[/user]

رد: حكايه للأطفال  من التراث العراقي تم عملها فلم امريكي للأطفال

يمه ابو عبودي تشكر يمه بس الله عليك ادكولي قصة فريج الاكرع ههههههههههههههههه الاسم ضحكني ، تشكر يمه منور عمري.



[user]حنكوش[/user]

موضوع بعنوان: طبختين 0 مركة سمج 0 سمج عالفحم

السلام عليكم0 اول طبخه مركة سمج الخميس اروح لسوك السمج عندي واحد هندي اني موصيه مصباح&nbsp; 
الجمعه يجمعلي روس السمج من نوعية التونه الاسود وزن الراس الواحد نص كيلو تقريبا0 لان هنا اغلب
الهنود ماياكلون راس السمجه ليش ماادري السعر 10 روس ب3 دولار 0 نبلش بالطبخ ونفتح الراس بالعكس
ونطلع اللغلوغ ونكعهن بالخل لمدة ساعتين لما يصير لونه من اسود الى رمادي نحظر راس ثوم معصور ونعصر
ليمونتين بكاسه وخلطه معتبره مال توابل تنخلط كلها سوه 0فلفله حاره0 مسيل للدموع واحد كبير مو غاز 0راس بصل&nbsp; &nbsp; &nbsp; &nbsp; &nbsp; &nbsp; ايتقطع دوائر وملح&nbsp; &nbsp; &nbsp; 0 جدريه مناسبه ونبدي نصفط الروس على شكل دائره بوسط الجدر 0 نحط مي يغطيهن
4 خواشيك معجون وكبل على النار 0ومن يستون نطلعهن بعنايه بدون ان يتفركش الراس0وبالعافيه
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 
الطبخه الثانيه0 سمج شوي عالفحم0 هنا تعرفون السمج مال البحر يختلف عن سمجنا بس هنا اكو نوع اسمه
سمج البورى( يعني مو مثل البوري مال الربع) وهذا يشبه وبكد سمج البني عدنا والمعتاد وزنه 2 كيلو للسمجه
اكله للهندي افتحه من ضهرها يكلي بابا هذا مشكل اني مافي معلوم كيف يفتح هذا فش من ظهر مال هوه00
المهم ازوده دولار يفتح ظهر ابوها0 تنغسل غسله زينه وتشرح صدرهه وتمليه توابل هنديه معتبره خاصه مال
سمج 0 ليمونتين وخمس حبات ثوم مهروس0 تنخلط وتنحط على وجه السمجه وهيه بالصينيه وتنترك نص&nbsp; ساعه 0 شويه تخدر وراهه كبل وعدل على الفحم بالشوايه ولتنسون الملح0 والف عافيه&nbsp; &nbsp; &nbsp; 0000000000 مع تحياتنا للاخت ام زيد وغاليه والطلب رخيص00 حنكوش



[user]الصديق الوفي[/user]

رد: حكايه للأطفال  من التراث العراقي تم عملها فلم امريكي للأطفال

يمه كاردينيا السعلوه لازم اتموت وتنتهي شيرجعها بعد أمني يمه واستريحي .



[user]الصديق الوفي[/user]

رد: حكايه للأطفال  من التراث العراقي تم عملها فلم امريكي للأطفال

يمه متغربه ، أحلى عالم عالم الطفوله ، تشكرين حبيبه على المرور.



[user]الصديق الوفي[/user]

رد: صدور فيزا

يمه امبارك وانشالله الجميع بأذن الله.



[user]الاماني[/user]

رد: حكايه للأطفال  من التراث العراقي تم عملها فلم امريكي للأطفال

ردت انام ههههههههههههه

مو من الاهل يحجون القصص علمود الطفل ينام ههههه

والله ام علاوي قصه حلوة واتذكر امي الحجيه كانت تحجيها بس يمكن مكانت تكولي اسمها بس تكول الاميره&nbsp; فهسه ضفتي لنا معلومه جديده
والزمن تغير&nbsp; رجعت مرت اخويه من كنده تكول لاطفالها&nbsp; احجيلكم قصه (روبانزا)
اثاري طلع اسمهه الحقيقي&nbsp; فترياح
عمي يااا روبانزل&nbsp; هااي فترياح
عاشت ايدج حبيبتي

وياريت ابو عبد الله يحجيلنه قصة الاكرررع هههههههههه



[user]الصديق الوفي[/user]

رد: حكايه للأطفال  من التراث العراقي تم عملها فلم امريكي للأطفال

امونه عمري ليش هو اكو امرت احلى من قصصنا لا والله ماكو ، كوليلها لمرت اخوج على كولة المثل المصري من فات قديمه تاه حبيبه يخليج الله ويحفظج عمري.
ولا زلنا بأنتظار قصة الاكرع ، ابو عبودي وين صرت مو برد الجاي يمه.



[user]الصديق الوفي[/user]

رد: أسعد الله صباحكم

حبيبه ام زيودي يا هلا بهالصباح عمري الله ينور ايامج ويحفظج من كل سوء .



[user]NOBLEMAN[/user]

رد: صدور فيزا

الله يسمع منك و ان شاء الله كل و احد مقدم&nbsp; siv يركعوه بفيزا عن قريب&nbsp; :D



[user]الاماني[/user]

رد: هل تعلم

ام زيودي&nbsp; نور وعافيه وسلامه وخير كله اللج حبيبتنه&nbsp; والله جميل ما قدمتيه لنا يجازيج ربي كل خير



[user]NOBLEMAN[/user]

رد: سؤال!!!

الاخ زيتون
الف مبروك وصول هذه المرحلة
الفترة المتوقعة هي بين شهر - 3 اشهر و يعتمد طول الفترة او قصرها&nbsp; على ارواقك وهل كل المستمسكات والفورمات المطلوبة موجودة ام لا

بالتوفيق للجميع



[user]النورس جوناثان[/user]

رد: حكايه للأطفال  من التراث العراقي تم عملها فلم امريكي للأطفال

يمعودة انا من قريت القصة ما ضل شي وردت ابكي
على فترياح بس هيا شلون فترياح
شلون حظ علي هذا الامير؟؟





[user]حنكوش[/user]

رد: جمعية انتظار جواب المحلفيين للمقابلين بشهر 6 ,2011 بغداد

السلام عليكم0 اذا انتو خضرتو اني طلعت من خاصرتي&nbsp; كالبتوسه وكل يوم دااسكيها وصار طولها 12 متر 000
حنكوش



[user]الاماني[/user]

رد: *** هدايا بس إيلمن ؟! ***


صدكيني أماني الخير :ahalna_individual (86): أني معروف عد ربعي كلش جسر&nbsp; :ahalna_individual (3):ؤو من جنا صغار جنت أدور الطلابة دواره&nbsp;  :ahalna_emotions (28): ومجزت من طبعي إلا من إتزوجت&nbsp; :ahalna_individual (67): عود شويه عقلت&nbsp; :ahalna_individual (8): آلله يجرم , بس شنو صدقا جنت أكمز سبع كمزات&nbsp; :ahalna_emotions (45):من يطفر عليه أبوبريص من جنت اضربه بالمصيادة&nbsp; :x , فلتكوليلي شنو يعني أبوبريص&nbsp; &gt;:( لأن ده أبوبريص يمعلم :ahalna_individual (13): عضة أسد ولا كمزة أبوبريص&nbsp; :( :D واني تره من كتبت الموضوع خلت رفيقة دربي في النضال&nbsp; :ahalna_individual (94): أم الجهال هي تنزل الصور&nbsp; :ahalna_collection (82): لأن من وراج وهداياج الشريرة&nbsp; :ahalna_collection (5): واني ما اكعد راحه :ahalna_collection (3): إنحرمت من العشى&nbsp; :ahalna_collection (35): إبذاك









ههههههههههههههههههههه
يعني طلعت انت هم من جماعه يكمزون سبع كمزات من يشوفون ابو بريص&nbsp; هو اني ابن ابو بريص&nbsp; انررعب منه هينوب&nbsp; ابو بريص وام بريص

الشرررر بره وبعيد يجعل كلامنه خفيف عليهم&nbsp; خمسه وخميسه

بس ابو عبد الله يعيني مو بس اني منزلت الصورة بنفسي
طلعوا الجماعه&nbsp; مو همه اللي منزلين&nbsp; خمسميت سبعطش عشرين صوره&nbsp; بهذا الموضوع عن الابوبريص
هههههههه
مو كتلك غير اسم الموضوع&nbsp; حتى لتجلللط العالم



[user]الاماني[/user]

رد: جدال بين ذكر وانثى

هههههه&nbsp; حلوة ام زيودي
من يتصافون&nbsp; عود اطش جكليت ههههههه

تحياتي حبيبتنه



[user]الاماني[/user]

رد: أمرأة من بلد النفط  تستعمل للطبخ  الــــــــــــــ!!! .........

اي والله اخونه لورد حجيك صح وفعلا هي خطره بس مثل&nbsp; ماتفضلت حسبي الله ونعم الوكيل



[user]زيتون[/user]

رد: سؤال!!!

شكرا اخي العزيز



[user]الصديق الوفي[/user]

رد: تم تغيير الامثال تزامناً مع وضعنا الحالي

ام زيودي حبيبه اتعيشين والله كلها صدك وخصوصاً رقم 14 تمام.



[user]يوسفي[/user]

رد: حكايه للأطفال  من التراث العراقي تم عملها فلم امريكي للأطفال

عاشت ايدك اختي الفاضلة على هاي القصة الحلوة .. واني هاي اول مرة اسمعها وكلش عجبتني وابني كان كاعد بصفي وكنت اقراها بصوت عالي وكلش اتونس عليها.. بس شنوا رأيكم انسوي مسابقة ونشوف ياهو يكدر يعرف كم مرة انذكرة كلمة { فترياح }



[user]Diana[/user]

رد: تم تغيير الامثال تزامناً مع وضعنا الحالي

 ;D ;D كلها صحيحة شكرا عالامثال العصرية :D



[user]الاماني[/user]

رد: كلمات نحسبها دعاء قد تكون علينا بلاء

السلام عليكم
وايضا بالاضافه لما اضفته&nbsp; انا اعلاه&nbsp; عن قوس قزح وكلمه باااي وهلللووو
اضيف كلمات اخرى تذكرتها

مثلا&nbsp; سامعه يقولون&nbsp; (( شنو نزل عليج الوحي ))
لو نزل علي الوحي

هااي لا يجوز&nbsp; قولها


واكو يقولون&nbsp; مسبات عديده على الشيطان و قريت مره ان اي مسبه غير اللعنه&nbsp; تعظم الرجيم وتكبره
فلازم منقول كلماتنه الشعبيه ((كذا الشيطان)) لانه يكبر ويعظم
ونقول لعنه الله على الشيطان الرجيم&nbsp; او اعوذ بالله الكريم من السيطان الرجيم&nbsp; لانه يحترق بهذه العباره
اللهم العن الشيطان الرجيم

وايضا&nbsp; بهض الناس من يقرون قران&nbsp; قبل البسمله يتعوذون&nbsp; فيقولون بعفويه

اعوذ بالله من شر السيطان الرجيم

هي عباره خاطئه جدا جدا

لان اللعين الرجيم&nbsp; مقترن معه الشر فقط ولا خير مرجو نهائيا من الرجيم ليوم قيام الساعه
فعندما نقول شر الشيطان اي&nbsp; كانه خصصنا التعويذ على شره وتركنا خيره
فلا نقول شر الشيطان فقط نقول اعوذ بالله من الشيطان الرجيم لانه لا يحمل صفه غير الشر ولم نخصص صفه دون صفه


واكو ناس بكلامهم باللهجه&nbsp; الشعبيه يسبون الايام والساعات وغيرها من الاوقات&nbsp; لايجوز ذلك

واكو يحلفون بغير الله مثل وروح ابويه
والكعبه
والعباس
والقران
والنبي
والحسين
هذا لايجوز لانه شرك بالله&nbsp; الحلف والقسم فقط باسم الله&nbsp; وحتى تكرار القسم بمبرر ودونه بالحياه&nbsp; لايجوز


وان شاء الله من اتذكر شي ارجع ادونه للفائده ومشكوره حبيبتي وكل عام والجميع بخير



[user]الصديق الوفي[/user]

موضوع بعنوان: اغنيه من الزمن الحلو

<a href="http://www.youtube.com/watch?v=Y_y3ghBny1c" target="_blank" class="aeva_link bbc_link new_win">عائلة بندلي - ابعاد كنتم (محمد عبده)</a>




[user]الصديق الوفي[/user]

موضوع بعنوان: اغنيه من الزمن الحلو

<a href="http://www.youtube.com/watch?v=Y_y3ghBny1c" target="_blank" class="aeva_link bbc_link new_win">عائلة بندلي - ابعاد كنتم (محمد عبده)</a>




[user]يوسفي[/user]

رد:   يابه طبخة اليوم كرعان غنم استرالي

السلام عليكم ابو عبدالله شلون الصحة يارب اتكون بألف خير ... وعاشت ايدك على هاي الاكلة بس مال يوم الخميس مو مال الجمعه .. لان هاي مال يوم الجمعه ثكيلة شوي واتفيد بس الي يروحون لابو ظبي يومية مو....
 وطبعا احلا مابالموضوع وبعيدا عن الدجاج والكراعين هو سفر يوسفي ...... اللــه يسمع منك وتفرج علينا وعليكم وعلى جميع العراقيين .. اَمـيــن يـارب العالمـيـن



وما نيل المطالب بالتمني ..... ولكن تؤخذ الدنيا غلابا
من ضاق عليه العدل فالجور عليه اضيق

Dec 31, 2011, 01:51 مساءاً
Ahalnaكاتب الموضوع
  • علي الزيدي
  • *
  • مشاركة: 1074
  • مقيم في: us
  • تقييم 42
  • الجنس: ذكر
  • نعيب زماننا و العيب فينا وما لزماننا عيب سوانا
    • بيت اهلنا المغتربين
رد: استرجاع المشاركات المفقودة
« رد #2 في: Dec 31, 2011, 01:51 مساءاً »
لكل من

    swan_mo
    أبوعبدآلله
    lincolen
    ام نمر
    العراق
    ام زيد
    arraawi
    انوار بغداد
    Home Front
    Eagle SIV
    ضياع الاحلام
    النورس جوناثان
    المهاجر2
    زيتون
    جامبو
    الصديق الوفي
    حسام
    حنكوش
    الاماني
    NOBLEMAN
    يوسفي
    Diana
   BULLETPROOF

اتقدم بالاعتذار مرة آخرى للخلل الغير متعمد.

كل عام وانتم بخير.


ادارة بيت اهلنا
وما نيل المطالب بالتمني ..... ولكن تؤخذ الدنيا غلابا
من ضاق عليه العدل فالجور عليه اضيق

Dec 31, 2011, 02:19 مساءاً
العراق
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: استرجاع المشاركات المفقودة
« رد #3 في: Dec 31, 2011, 02:19 مساءاً »
ماكو داعي للأعتذار واني الي اشكرك هواية على حرصك وان شاء الله سنة سعيدة وخير عليك وعلى الكل وبالتوفيق
Cisco System

Dec 31, 2011, 02:26 مساءاً
Ahalnaكاتب الموضوع
  • علي الزيدي
  • *
  • مشاركة: 1074
  • مقيم في: us
  • تقييم 42
  • الجنس: ذكر
  • نعيب زماننا و العيب فينا وما لزماننا عيب سوانا
    • بيت اهلنا المغتربين
رد: استرجاع المشاركات المفقودة
« رد #4 في: Dec 31, 2011, 02:26 مساءاً »
ماكو داعي للأعتذار واني الي اشكرك هواية على حرصك وان شاء الله سنة سعيدة وخير عليك وعلى الكل وبالتوفيق

بالعكس اخي العراق

الاعتذار واجب هنا,, لو انا كنت عضو و مسح لي موضوع او رد بدون ميكون الموضوع او الرد مخالف لقوانين المنتدى اول ما اسوي هو ان اطلب من الادارة توضيح سبب الحذف. اكيد واضح من كم و نوع المشاركات بان الفقدان بالفعل غير متعمد تجاه عضو معين او لسبب ما.

شكرا لمرورك و كل عام وانت بالف خير
وما نيل المطالب بالتمني ..... ولكن تؤخذ الدنيا غلابا
من ضاق عليه العدل فالجور عليه اضيق

Dec 31, 2011, 06:02 مساءاً
الاماني
  • *
  • مشاركة: 5133
  • مقيم في: jo
  • تقييم 58
  • الجنس: أنثى
رد: استرجاع المشاركات المفقودة
« رد #5 في: Dec 31, 2011, 06:02 مساءاً »
السلام عليكم
جهود جباره  عمي ميضيع عند الخيرين شي ههههه

فعلا قريت ردودي اعلاه  وهي اللي كانت ماموجوده
 بس الحقيقة بهكذا امر الواحد ميستعجل باي حكم لاقدر الله سلبي لكادر الاداريين والمشرفين لان عنده ثقه مع من يتعامل واني من شفت ماكو ردود  وقبلها كان هناك تنبيه  عند دخول البيت باجراء تغيرات لصالح الجميع تفهمنه الوضعيه
وحتى ان لم يكن تنبيه فكلنا على ثقة بقدرات كادر الاداره والمتعاونين لراحه الاعضاء ويبقى البيت بيتنه وكلكم اهلنا حاضركم وغائبكم
مشكورين وبارك الله بيكم لجهودكم الكريمه

Dec 31, 2011, 09:44 مساءاً
أبوعبدآلله
  • *
  • مشاركة: 6042
  • مقيم في: iq
  • تقييم 88
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ
رد: استرجاع المشاركات المفقودة
« رد #6 في: Dec 31, 2011, 09:44 مساءاً »
:ahalna_separator (41):

أخونا الكريم والعزيز علي الزيدي الغالي , صدقني يا أخي لم يساورني أي شك في مصير المشاركات الخاصة بنا لأنني على يقين بأنكم أئمن وأحرص منا على مشاركاتنا منا بها , وبما أنكم أعلنتم عن التحديثات والتوسعات منذ البداء المبارك بها و التي تنبأت بها أنا منذ زمن وأنت تذكر المناسبة لذا لم يبقى لجميعنا إلا أن ندعوا آلله تبارك وتعالى لكم بأن يوفقكم في كل مساعيكم الخيرة والطيبة والحثيثة في جعل هذا الوطن الأثيري والمتمثل ببيت أهلنا كوطن بديل عن وطننا الأم ولو لحين من الدهر وذلك للحرية في إبداء الرأي فيه وللأمان الذي نشعرفيه وللفسحة الطيبة التي نعيش زمنها بكل سعادة وفرح و طبعا لا ينسينا هذا مسئوليتنا إتجاه العراق و شعبه الصابر والشجاع , لذا عذرا منك إذ تعتذر أنت منّا ونلتمس منك في أن تقبل الشكر والعرفان منا , وفقكم آلله لما يحبه هو ويرضاه لكل ما فيه خير للعباد والبلاد وكل عام وأنتم وهذا البيت الكريم وجميع أهلنا بألف خير وبركة وسعادة وأمان ... آللهم آمين , ومن آلله ربي وحده كل التوفيق والنجاح .


:ahalna_separator (35):

 

Dec 31, 2011, 09:57 مساءاً
swan_mo
  • *
  • مشاركة: 1885
  • مقيم في: us
  • تقييم 115
  • الجنس: أنثى
رد: استرجاع المشاركات المفقودة
« رد #7 في: Dec 31, 2011, 09:57 مساءاً »
بارك الله بجهودك وماشاءالله عليك  كدرت ترجع المشاركات والله مبدع
شكرا على حرصك الدائم للحفاظ على الحق
اتمنالك الصحة والعافية والسلامة
احترامنا

Jan 01, 2012, 05:16 مساءاً
ضياع الاحلام
  • *
  • مشاركة: 405
  • مقيم في: us
  • تقييم 6
  • الجنس: أنثى
  • خير الكلام ما قل ودل
رد: استرجاع المشاركات المفقودة
« رد #8 في: Jan 01, 2012, 05:16 مساءاً »
عاشت ايدك خوية علي وربي يبارك بيك احنة ممنونين منك تعبنااااااك
سنة سعيدة عليك وعلى امة محمد علية افضل الصلاة والسلام
لا إله إلا الله .. عليها نحيا وعليها نموت وعليها نبعث وبها نلقى وجه الله[/color][/color]

Jan 02, 2012, 08:47 مساءاً
زيتون
  • *
  • مشاركة: 7
  • مقيم في: fr
  • تقييم 0
  • الجنس: ذكر
رد: استرجاع المشاركات المفقودة
« رد #9 في: Jan 02, 2012, 08:47 مساءاً »
شووووووووووووووكرا علاوي الوردة على وقتك وتعبك لمساعدة اخوتك واخواتك...بارك الله بيك حبيبي 

Jan 02, 2012, 11:55 مساءاً
يوسفي
  • لا تجادل الأحمق،،، فقد يخطئ الناس في التفريق بينكما
  • *
  • مشاركة: 992
  • مقيم في: us
  • تقييم 22
  • الجنس: ذكر
رد: استرجاع المشاركات المفقودة
« رد #10 في: Jan 02, 2012, 11:55 مساءاً »
بارك الله فيك اخي الفاضل على كل مجهود تقومون به من اجل الارتقاء بما هو افضل لهذا المنتدى الكريم منتدى بيت اهلنا ويارب يوفقكم ويسهل كل اموركم كل التوضيح المجهود الذي قمتم وتقومون به ... وكل عام وانتم بالف خير



اخوكم / يوسفي
1012699 593036587400196 1957882447 n
1012699 593036587400196 1957882447 n

Jan 04, 2012, 05:20 مساءاً
ام زيد
  • *
  • مشاركة: 5279
  • مقيم في: ye
  • تقييم 68
  • الجنس: أنثى
  • ام زيد
رد: استرجاع المشاركات المفقودة
« رد #11 في: Jan 04, 2012, 05:20 مساءاً »
تشكر اخي وربي يبارك بيك على اتعابك في سبيل ناح ها البيت الجميل
بس اريد اسالك يصير انقل ماكتبته للحديقة لو برد محد يطلع هههههههه
تسلم
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

Jan 05, 2012, 12:25 مساءاً
arraawi
  • *
  • مشاركة: 81
  • مقيم في: 00
  • تقييم 3
  • الجنس: ذكر
رد: استرجاع المشاركات المفقودة
« رد #12 في: Jan 05, 2012, 12:25 مساءاً »
اعتذارك وصل اخ علي واشكرك مرة ثانية على استرجاع المشاركات..

بس عندي ملاحظة.. اتمنى اذا صار هذا الشي مرة ثانية تنطي تنبيه للأعضاء قبل فترة انو بفلان يوم راح يكون تحديث او تغيير معين بالموقع وراح يأثر على المشاركات حتى الناس يصير عدها علم قبلها بفترة ومتنزل مشاركات او ردود بهذا التاريخ وقتها راح تكون ادراة الموقع سوت اللي عليها ونبهت الأعضاء وما عليها عتب.

واخذت مني رد "ممتاز" على هذا الموضوع

تحياتي الك
منسحب من المنتدى

Jan 06, 2012, 06:31 مساءاً
Diana
  • *
  • مشاركة: 281
  • مقيم في: 00
  • تقييم 8
  • الجنس: أنثى
  • الصمت اجابة رائعة لايتقنها كثيرون
رد: استرجاع المشاركات المفقودة
« رد #13 في: Jan 06, 2012, 06:31 مساءاً »
شكرا للتنبيه ولا يوجد داعي للاعتذار

كلمات بحث :
 

مواضيع ذات صلة

  الموضوع / بدء بواسطة ردود آخر مشاركة
10 ردود
584 مشاهدة
آخر مشاركة Jul 23, 2015, 12:09 صباحاً
بواسطة پ چ ژ گ ڤ


free counters