دورات تعليميه للاعمال الفنيه ... و هااا تره مجانا ههههههه

الكاتب موضوع: دورات تعليميه للاعمال الفنيه ... و هااا تره مجانا ههههههه  (زيارة 3507 مرات)

0 الأعضاء و 1 ضيف يشاهدون هذا الموضوع.

Oct 16, 2011, 11:07 مساءاً
الامانيكاتب الموضوع
  • *
  • مشاركة: 5133
  • مقيم في: jo
  • تقييم 58
  • الجنس: أنثى
 
:ahalna_separator (50):

شلونكم  عيني  واخباركم  ربي يجعلكم من السالمين  المقضيه  حوائجهم  واسال الله لكم  ولي العفو والعافيه والمعافاة بالدنيا والاخره

شكد  حلوه الحرف اليدويه والاعمال الفنيه  كانت بنت جيرانه من  نروح  واحنه اطفال لبيتهم مع  امي الحجيه  اشوفهه طول ما احنه كاعدين  هي تشتغل نمنم وغرز وفصوص  وسوت  دشداشه  بيهه رسمه طاااووس  ((ياااسلااام.. روعه)) للان اتذكر  شكلها شكد حلوة حللوووه
فحلو  البنوتات  يتعلمن   الحرف الفنيه واني مستعده  كامل الاستعداد انطيكم  كلكم  رجال ونساء دروس  هنا بهذا الموضوع   عن  اي  فكره فنيه تحبون نسويها
ههههه  ومجانا  مو عبالكم دوره  تعليميه  بفلوس ههههه  بعد شتردون   O :-)
اليوم راح اعلمكم السيراميك البارد
هو عجينه  تشبه عجينه  الصلصال ((طين اصطناعي))   اللي كنا نلعب  بيه واحنه اطفال  ههههههههه وتردون الصراحه حتى من كبرت  العب  بالصلصال
العجينة هااي  تتكون  من 3 مواد اساسيه او 2 ممكن نستغني عن الطحين
مقاديرها  متعدده وطرقها ايضا  متعدده منها الصعبه  والدقيقة ومنها السهله الي هسه اعلمكم  عليها بالاول ثم نتدرج فيما بعد
مرات اشوف بالنت  مقاديرها  بس صراحه بحكم خبرتي هههههه  اني اسويها بدون مقادير يعني  حسب ملمسها ازيد الكميه او انقص منها
هي المفروض 2 كوب نشا + كوب غراء سميك نوعا ما+ رشه ملح وزيت ندهن ايدنه حتى متلصق العجينة بالايدي
واكو  يسوون  1 كوب طحين +1كوب نشا+ كوب غراء ورشه ملح وزيت
تعجن العجينة  وتلف  بكيس نايلون محكم تماما لمنع  تسرب الهواء كي لا تنشف
ممكن  جعلها بلونها الابيض ومن تشكل  الشكل اللي تريده  تلون او تريدون  اول ما  تكملون عجنها تضعون بيها  لون اما  اكليرك او  الوان طعام ((خاص بالكيك))
وتكون مثل هذا الشكل


واليوم اريد اراويكم  عمل فني لي  بقلم الجاف
 صدقا والله يمكن  قبل السقوط بخمس سنوات او اكثر  اني ابتكرته وحدي دون  مجله  و تعرفون بزمن صدام ماكو   انترنت  وتفاجئت قبل فتره  انه  نفس فكرتي  موجوده بالنت   بس  بمواد  مختلفه نوعا ما

المواد المحتاجيها بالاضافه للعجينه
الوان  ومقص  وغراء  ووارنيش لتلميع العمل  بعد جفافه اضافه الى فكره مراد تنفيذها

فكرتي قلم الجاف  ناخذه ونغلفه بالعجينه  ونتركها تنشف عليه  ثم بعدها  نلونه  ونضع فكرتنا عليه سواء ننثر ورود  او  قوس قزح او حروف
هي فكره حلوة  والاحلى من صنع  ايدنه  وممكن  نهديها  لمن  نحب  او  تكتب  بيه بنوتاتكم  وحتى  ممكن نعمل  اشكال  تخص الاولاد
الان اترككم مع الصور  وخطوات العمل











Oct 17, 2011, 01:03 صباحاً
أبوعبدآلله
  • *
  • مشاركة: 6042
  • مقيم في: iq
  • تقييم 88
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ

طبعا هذه القصة أني خليتها في موضوع منفصل بس إبقدرة قادر إجتي هنا ؟!

شكرا لكي يا اماني الخير , وآلله ذكرتيني من كنا صغار كنا نعمل في السيراميك البارد إنسوي أنواع كثيرة من الورود وبعدين حلت الفكرة عدنا وكلنه خلي إينسوي كاسات مال مهر فرحنه للشوجة إتسوكنة الكرسته وهي ( جكليت , غرى , نشا , قوالب أنواع , الوان مائية , لفات سيم رفيع قياس 1 ملم و أخيرا وارنيش سادة ) طبعا أخوج من بطن أمه مهندس , كمت سويت أشبه بخطوط إنتاج و كلبت غرفتي إلى ورشة ووضفت أخوتي بالمشروع وكمنه ننتج على ثكيل دك مئات الكاسات , وابوية إيكلي يمعود شدعوه هل المواد وشدعوه إمسوين هلكت كاسات , طبعا أني جاوبته لأن داعيج آلله يجرّم هو مدير المشروع   كتله يابه آلله يخليك بس إينريدك إتشجعنه ؤو معليك إيلك الصافي ... ما طولها عليج رحت للشورجه واتفقت ويه جم محل أزودهم بالكاسات بعد ان عرضتلهم النماذج مالتي وفرد محل واحد قبل يشتري مني بس 100 كاسة علمود إيجرب سوكهن, ورجعت للبيت وبقيت اني وخوتي ننتضر إشوكت راح إيخابرونه علمود إنجهزهم بالكاسات ؤو بقينه ننتضر ؤو ننتضر .......ماكو ولا واحد خابر جان تجي أمي إيلغرفتي إيلي هيه صايره المعمل مالتنه ؤو جان تدفر الباب إبرجلها وطب عليه وتصيح إبعصبيه " ها يمصخم سبيتنا إسبايه ...زبالتك ؤو طركعتك كل يوم وصرفت كل فلوسك مال الحصّاله ؤو ورطتت أخوتك وياك ؤو هاي تاليها كاعد ؤو خال إيدك على خدك كوم يول كوم روح للشورجة شوف وين صارت شغلتك " طبعا أني شويه نقحت كلامها للوالدة ؤو منقلتلج الرزالة مالتها إيلي , علا كلن أخوج مجذب خبر , لبست إهدومي ورحت للشورجة ولكيت سيد كاظم كاعد بالمحل ؤو سالته ها سيد بشر اشو مخابرتني ...جان إيباوع عليه ويكول  " وآلله لو ما أنت سيد جان ركعتهن إبوجهك ...هاك عمي أخذهن هذني الكاسات ماتك إبلاش ؤو جفيني شرك لأن هاي صارلهن أكثر من شهر نايمات على كلبي ؤو ولا واحد كلبهن ؤو حيته الجكليت ماتهن هم هسه عتك ؤو صار مينوكل واني أخاف على معاميلي ليزعلون عليه ويهجون من ورة كاساتك هذني الكشرات " أني همينه أخذتهن بلا حجي ؤو رجعت للبيت مقهور ... وبعد الرزالة العراقية البغدادليه كمت وراها أصفي , ألنشا 10 جياس أم الخمس كيلوات راحتلج للمطبخ و الجكليت 15 كيلو علامة ( البحارة ) حشاج راح لزّبل , كولي همزين جان من النوع الرخيص جدا والحجي بيناتنه هو جان يابس من كاعه خخخخخخخخخخخخ , والورد ياورده إتوزع على القبائل خخخخ أقصد الجوارين لإن كميته كلش هوايه بيتنه إنترس منه والباق مثل ما كتلج إتوزع , شبقه عدنا ؟ بقى السيم عشرين لفه والغره دبة أملخمصطعش كيلو والوارنيش خمس بطاله إشتراهن نجار جيرانا عند محل إبشارع الهادي بالنهضه  ؤو صفيت وراها " لا حضت برجيلها ولا خذت سيد علي " ؤو هاي تاليها وآلله واليها ... بس لا نمتي لأن القصة شويه طولت هاي عود أني كلش إختصرتها يعني مال قوريين جاي ؤوبس   :D



 

Oct 17, 2011, 03:13 صباحاً
NOBLEMAN
  • *
  • مشاركة: 1598
  • مقيم في: us
  • تقييم 31
  • الجنس: ذكر
  • optimist
وبعدين ناكله ؟ :-\
اشو نسا و طحين و الوان اكل
اذا الشغلة ما بيها اكل كولي حتى ما اتعب  :D


تسلمين اماني على المجهود الواضح
Some fools in the desert
With nothing else to do
So scared of the dark
So they invented me

Oct 17, 2011, 07:15 صباحاً
ذاكر ابو فابيان
  • *
  • مشاركة: 1423
  • تقييم 22
  • الجنس: ذكر
اماني  ... انت بتذاكري من ورانه ولا ايه  :-\

عاشت الايادي كلش حلو بس اهنا سؤال يطرح نفسه ما مدى صلابة وتحمل المنتج ؟


رفقا .. ببغداد ..  الحبيبة

Oct 17, 2011, 03:24 مساءاً
الامانيكاتب الموضوع
  • *
  • مشاركة: 5133
  • مقيم في: jo
  • تقييم 58
  • الجنس: أنثى
طبعا هذه القصة أني خليتها في موضوع منفصل بس إبقدرة قادر إجتي هنا ؟!

شكرا لكي يا اماني الخير , وآلله ذكرتيني من كنا صغار كنا نعمل في السيراميك البارد إنسوي أنواع كثيرة من الورود وبعدين حلت الفكرة عدنا وكلنه خلي إينسوي كاسات مال مهر فرحنه للشوجة إتسوكنة الكرسته وهي ( جكليت , غرى , نشا , قوالب أنواع , الوان مائية , لفات سيم رفيع قياس 1 ملم و أخيرا وارنيش سادة ) طبعا أخوج من بطن أمه مهندس , كمت سويت أشبه بخطوط إنتاج و كلبت غرفتي إلى ورشة ووضفت أخوتي بالمشروع وكمنه ننتج على ثكيل دك مئات الكاسات , وابوية إيكلي يمعود شدعوه هل المواد وشدعوه إمسوين هلكت كاسات , طبعا أني جاوبته لأن داعيج آلله يجرّم هو مدير المشروع   كتله يابه آلله يخليك بس إينريدك إتشجعنه ؤو معليك إيلك الصافي ... ما طولها عليج رحت للشورجه واتفقت ويه جم محل أزودهم بالكاسات بعد ان عرضتلهم النماذج مالتي وفرد محل واحد قبل يشتري مني بس 100 كاسة علمود إيجرب سوكهن, ورجعت للبيت وبقيت اني وخوتي ننتضر إشوكت راح إيخابرونه علمود إنجهزهم بالكاسات ؤو بقينه ننتضر ؤو ننتضر .......ماكو ولا واحد خابر جان تجي أمي إيلغرفتي إيلي هيه صايره المعمل مالتنه ؤو جان تدفر الباب إبرجلها وطب عليه وتصيح إبعصبيه " ها يمصخم سبيتنا إسبايه ...زبالتك ؤو طركعتك كل يوم وصرفت كل فلوسك مال الحصّاله ؤو ورطتت أخوتك وياك ؤو هاي تاليها كاعد ؤو خال إيدك على خدك كوم يول كوم روح للشورجة شوف وين صارت شغلتك " طبعا أني شويه نقحت كلامها للوالدة ؤو منقلتلج الرزالة مالتها إيلي , علا كلن أخوج مجذب خبر , لبست إهدومي ورحت للشورجة ولكيت سيد كاظم كاعد بالمحل ؤو سالته ها سيد بشر اشو مخابرتني ...جان إيباوع عليه ويكول  " وآلله لو ما أنت سيد جان ركعتهن إبوجهك ...هاك عمي أخذهن هذني الكاسات ماتك إبلاش ؤو جفيني شرك لأن هاي صارلهن أكثر من شهر نايمات على كلبي ؤو ولا واحد كلبهن ؤو حيته الجكليت ماتهن هم هسه عتك ؤو صار مينوكل واني أخاف على معاميلي ليزعلون عليه ويهجون من ورة كاساتك هذني الكشرات " أني همينه أخذتهن بلا حجي ؤو رجعت للبيت مقهور ... وبعد الرزالة العراقية البغدادليه كمت وراها أصفي , ألنشا 10 جياس أم الخمس كيلوات راحتلج للمطبخ و الجكليت 15 كيلو علامة ( البحارة ) حشاج راح لزّبل , كولي همزين جان من النوع الرخيص جدا والحجي بيناتنه هو جان يابس من كاعه خخخخخخخخخخخخ , والورد ياورده إتوزع على القبائل خخخخ أقصد الجوارين لإن كميته كلش هوايه بيتنه إنترس منه والباق مثل ما كتلج إتوزع , شبقه عدنا ؟ بقى السيم عشرين لفه والغره دبة أملخمصطعش كيلو والوارنيش خمس بطاله إشتراهن نجار جيرانا عند محل إبشارع الهادي بالنهضه  ؤو صفيت وراها " لا حضت برجيلها ولا خذت سيد علي " ؤو هاي تاليها وآلله واليها ... بس لا نمتي لأن القصة شويه طولت هاي عود أني كلش إختصرتها يعني مال قوريين جاي ؤوبس   :D


هههههههههههههههه والله عندك سوالف ابو عبد الله  هههههه حلوة مال قدره قادر  هههههههه

تعرف قريت  الكلام  مرتين  مره  مع نفسي وخربت من الضحك  ومره قريته بصوت عالي لامي الحجيه و جانوا عندنه بيت اخويه   والحجيه  هوايه انقهرت عليك  كالت هذا المسكين مثل ولدي  منين ميشمروهه  عوجه هههههههههه
سبحان الله اكو ناس  تكمش التراب يصير ذهب  هههههههه وانت مثل حالنه  تكمش الذهب يصير تراب  ههههههه

يلله   ان شاء الله العاقبه خير  وطالما عندك  اراده
هههههههه  حرامات على الكرسته  والله خربت من الضحك   اني واهلي  خصوصا   من توزعت الكررسته   غير ضيم وقهر هذا
  زين ما انجلطت  لو اني منك ابيعهن  ما انطيهن هديه  ابد ههههههه

من كنت اسوي اعمال  عبالهم ابيعهن  لان  اسوي منا ويروحن منا   واني  هم  مثلك  حظ ماكو  اخجل من وحده تكولي الله شكد حلو شغلج انطينياه  ههههههه ومن تكول  انطينياه  يعني  ببلاااش  :'( :'( :'(
صدقا اني    اشتغل من باب قضاء وقت وهوايه وشيئ بدمي ما اكدر  الا  اسوي اعمال فنيه


هههههههههههههههههه  ابو عبد الله  تره  هااي شغله  كلبت غرفتك فعادي  لعبالك بس انت  هههههههههههه  اللي يدخل   الغرفه يكوول شنو هااي زلزال صاير بغرفتج  فامي الحجيه  بالعراق  سوتلي معتقل  هههههههههههه   وخلت   كل   هوستي  وغراضي  هناك

هسه بالاردن  اول ما نويت اشتغل  فورا فرغتي   غرفه صغيره  كنا  مسويها مخزن  وبيها الغساله هههههههه 

اسعدني مرورك الكريم اخونه المحترم وفعلا اشكرك لانك شاركتنا  بالتعرف على جزء  من  حياتك  المليئة بالطموح والابتكارات 


تحياتي واحترامي

Oct 17, 2011, 03:28 مساءاً
الامانيكاتب الموضوع
  • *
  • مشاركة: 5133
  • مقيم في: jo
  • تقييم 58
  • الجنس: أنثى
وبعدين ناكله ؟ :-\
اشو نشا و طحين و الوان اكل
اذا الشغلة ما بيها اكل كولي حتى ما اتعب  :D


تسلمين اماني على المجهود الواضح

هههههههه نوبل  مطبخ امي يوميا ينقص طحين ونشا 
حتى لو بيهه اكل ما انطيك  لان  للان دمي  محرروك على الفليسات   المحجوزه بالجامات  :'(

تحياتي  اخونه نوبل اسعدني مرورك 

Oct 17, 2011, 03:33 مساءاً
الامانيكاتب الموضوع
  • *
  • مشاركة: 5133
  • مقيم في: jo
  • تقييم 58
  • الجنس: أنثى
اماني  ... انت بتذاكري من ورانه ولا ايه  :-\

عاشت الايادي كلش حلو بس اهنا سؤال يطرح نفسه ما مدى صلابة وتحمل المنتج ؟

ههههههههه  هااي شنو  قائد الحزب المعادي هنا  ???

تحياتي اخونه ذاكر  المحترم  واكيد  من ينشف السيراميك  يكون صلب ويتحمل  قلم الجاف  كفخات ووكعات  هوايه هههههه

اسعدني مرورك

May 12, 2012, 04:49 مساءاً
المتواجد
  • *
  • مشاركة: 2638
  • مقيم في: bh
  • تقييم 28
  • الجنس: ذكر
  • When the going gets tough, the tough get going
ابداع و ام الابداع غنية عن التعريف.
الف شكر للدروس الممتعة و القيمة.

كلمات بحث :
 

مواضيع ذات صلة

  الموضوع / بدء بواسطة ردود آخر مشاركة
7 ردود
1210 مشاهدة
آخر مشاركة May 14, 2011, 11:51 صباحاً
بواسطة yasir 2011
21 ردود
1540 مشاهدة
آخر مشاركة Dec 21, 2011, 08:24 صباحاً
بواسطة متغربة بدنياي
6 ردود
1449 مشاهدة
آخر مشاركة Jun 08, 2012, 08:43 مساءاً
بواسطة أبوعبدآلله
2 ردود
606 مشاهدة
آخر مشاركة Jan 04, 2013, 10:28 صباحاً
بواسطة المهاجر الجديد
1 ردود
738 مشاهدة
آخر مشاركة Feb 18, 2013, 11:54 مساءاً
بواسطة Corelead


free counters