مراحل التقديم على اليو ان من تركيا

الكاتب موضوع: مراحل التقديم على اليو ان من تركيا  (زيارة 37870 مرات)

0 الأعضاء و 6 ضيف يشاهدون هذا الموضوع.

Oct 04, 2011, 02:55 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
مراحل التقديم على اليو ان من تركيا
« في: Oct 04, 2011, 02:55 مساءاً »
السلام عليكم

اشلونكم شباب هذا اول موضوع الي بهذا المنتدى الحلو وحبيت اسوي موضوع متكامل لكل عراقي يحب يجي يقدم من تركيا.

بالبداية حبيت تعرفون ايجابيات التقديم من تركيا وسلبياته بنفس الوقت وخلي نبدي بالأيجابيات:-

طبعا اليو ان بتركيا احسن من اي يو ان بسورية او الأردن او مصر او لبنان لأنه سريع وذلك لقلة الاجئين (ولو هسة هم صاروا هواية لأن حتى من سورية بدوا يدخلون) بس نحجي قياسا لباقي الدول الي بيهه اخوانه العراقيين بكثرة تعتبر تركيا لحد هذي اللحظة اقل دولة بيهه لاجئين عراقيين وعدهم شغلة ثانية باليو ان مالتهم انه مينسون احد واذا احد تأخر لسبب معين يعوضوله هاي الفترة مال تأخيرة بتسريع باقي مقابلاته وصارت بناس اعرفهم واكو غير شغلات مثلا جوهه حلو ولو كلش بارد بالشته بس تسويلكم بروفة لأمريكا ههههه

هسة نحجي بالسلبيات :-
اقوى واهم سلبية هيه اللغة وراهه انه شغل ماكو طبعا هواية ناس تحجي وتكول تركيا غالية نار بس هيه مو لهاي الدرجة من الغلى يعني اكو مناطق بأنقرة الي هيه العاصمة يطلع ايجار الشقة فارغة بيهه تقريبا 200 دولار واكو اقل هم يعني مو كلش غالية بس لأن ماكو شغل فشوية تصير صعبة اضافة الي هذا من شرط الأمنيات مالتهم انه متشتغل اي شي واذا يحسون بيك يعني يرحلوك لغير محافظة بداخل تركيا اويشلعون كلبك بالنسبة للأقامة مالتك الي هو الكملك يسموا هنا.

طبعا هسة رح احجيلكم على وصولكم التركيا والتقديم على اليو ان بس قبلهه اكو شغلات لازم تعرفوهه لأن احنه مرينه بيهه قبلكم حتى تستفادون من اهم هاي الشغلات :-
اول شي من البداية لتكعدون بأنقرة او اسطنبول لأن هاي محافظات رئيسية وره ست اشهر الى 9 رح يحولوك على غير محافظة طبعا هاي لازم هيج لأن الأقامة مالتك تطلع من كل محافظات تركيا ماعدا اسطنبول وانقره الي هو الدفتر لأن بأنقرة واسطنبول ينطولك مثل هوية صغيرة تمشي بيهه فحتى لدوخون روحوا من البداية لغير محافظة وكل محافظاتهم حلوة مثل اسكي شهير بولو كريكاله غازي عنتاب توسكات او دوسكات مااعرف اسمهه بالضبط المهم حتى ليتأخر طيرانكم لأن لازم عدكم دفتر الأقامة الي يطلع من غير انقرة واسطنبول
ثاني شي باليو ان هنا بتركيا يفضلون اهل بغداد والموصل وديالى يعني عدهم اولوية فأنتوا جيبوا كل مستمسكاتكم الي تثبتون بيهه انه انتوا من اهل بغداد او المحافظات الي ذكرتهه طبعا الي هيه المستمسكات الخمسة
ثالث شغلة يفضلون العرب على التركمان والكرد مو معناهه مينطون لجوء الهم بس يأخروهم ولازم عدهم سبب مقنع
رابع شي جيبوا كل اوراقكم مال شغل مثلا وية شركات يعني اي ريكومينديشن عدكم او كتب خبرة واذا شغلة ايميلات خلي ميكون ايميل مديركم او الشخص الي يجيكون ويا مثالا ياهو او جي ميل او هوت ميل يريدوا يكون على ويب سايت شركة او جيش اذا شغل وية الأمريكان .
طبعا طولت عليكم بس هاي الأمور لازم اذكرهه قبل منتكلم على اللجوء واليو ان لأن هاي اساسيات


الأسلوب مال مقابلات بتركيا هو عبارة عن 3 مقابلات الأولى باليو ان الي هو بأنقرة والي هيه الأساس الي ينطوك بي انه انت مقبول كلاجئ او لا واكو ناس مستمسكات مثلا مو كلهه جايبيهه يكولون الهم جيبوهه النه فتبقى شغلتهم معلقة لحين ميكملوهه او اذا مثلا مسويتوا اي شغلة من هاي الشغلات الي ذكرتهه الي هيه من النقطة الثانية الى النهاية طبعا الموافقة مالتهم تكون بأن ينطون للشخص الي مقدم الفسفورة الي هيه عبارة عن ورقة ملمسها مثل ملمس ورق الفولس وبيهه على الظهر فد طمغه تشبه الفسفورة الي هو المصطلح الماشي هنا بالنسبة للعراقيين الي هو انه انت انقبلت كلاجئ بعدهه تنتظرون فترة * حتى ينزل الكم الأستيطان وينكتب بالموقع انه تم تقديم الملف الى دولة اعادة الأستيطان.
بعدهه تتنتظرون تلفون يخابروكم من اليو ان يحددون الكم موعد مقابلة ثانية بالأي سي ام سي الي هيه بأسطنبول وهاي مقابلة سهلة مابيهه اي شي مجرد تحجي نفس الحجي مال يو ان بس همه رح يكونون الجهة الي تجمع ملفك وترفعه على اخر جهة او مقابلة الي هيه المحلفين الي هنا بتركيا يسموهه الأمن القومي الأمريكي بس هنا ربعنه يصيحوهه الوفد.
نجي هسة على اخر مقابلة الي هيه الوفد الي تكون هم بأسطنبول وبنفس بناية الأي سي ام سي الي قابلتوا بيهه المقابلة الثانية بس جوه رح تكون المهم هاي اخر مقابلة وراهه تنتظرون على الموقع نفس الشي وتشوفون الموافقة مالتهم الي هيه تكون انه يكتبون تم قبول الملف لدولة أعادة الأستيطان هاي معناهه انه انتوا انقبلتوا.

طبعا هسة رح احجيلكم على سالفة انتظار الأستيطان الي هيه بعد موافقة اليو ان اي بعد الفسفورة هسة الشغلة او الوكت زايد عن وكتنه من جنه يعني هسة شهرين واستيطان مديطلع للماخذين الفسفورة واحنه في وكتنه قبل 7 اشهر اقصد جان بعد اسبوعين او عشرين يوم يطلع ومااعرف السبب هل لأنه تقريبا نهاية سنة مالية او ميلادية مااعرف بعد وحتى باليو ان الناس من تجي بدوا ينطوهه مواعيد بعيدة يعني مثلا اعرف شخص اجى هسة قدم نطوا موعد مقابلة بشهر الثاني على السنة الجديدة لأن صاير زخم عليهم او محد يعرف السبب بالضبط هم احتمال لأن نهاية سنه احنه بوكتنه من قدمنه نطوني موعد شهر على مقابلتي الأولى مال يو ان طبعا اني حبيت اذكر هاي الأمور بالنهاية حتى مااريد مثال احد يجي وتصير بوجهه هاي الأمور فحبيت اخليهه كلهه كدامكم

طبعا اكو حالات تدخل مقابلة فورية باليو ان الي هيه المرض  الله يبعدنه او اذا جانت بنية وحدهه يعني متصير شغلتهم طويلة وموعد 4 اشهر ليكدانم او الشخص الي جاي وبعدين عائلته جايين بس هاي ممتأكد منهه ومينطوا مقابلة فورية بس اتوقع ينطوا فترة قليلة بأعتبار انه الأب مخلص وحاجي القصة الرئيسية مال سبب خروجهم من العراق ومحصل على الفسفورة.

طبعا اني اعرف طولت هواية بالحجي بس حبيت اكتب الموضوع بحذافيرة وهم اكو شغلات بس ثانوية مذكرتهه مثل شغلة الأقامة والتقديم مالهه لأن بهيج حالة الموضوع يمكن محد ينزله على المنتدى هههههههه بس الي يريد يعرفهه مني خلي يكتبلي واني اكتبله عليهه

اتمنى الموضوع يعجبكم وتستفادون منه
Cisco System

Oct 04, 2011, 04:25 مساءاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
رد: مراحل التقديم على اليو ان من تركيا
« رد #1 في: Oct 04, 2011, 04:25 مساءاً »
عاشت ايدك اخي و بارك الله بيك



ولو اتمنه تغير الاسم لان ميليق بشخصك الكريم


تحياتي
Confidence comes not from always being right, but not fearing to be wrong

Oct 04, 2011, 04:53 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #2 في: Oct 04, 2011, 04:53 مساءاً »
تدلل اخوية العزيز

وبالنسبة للأسم رح اغيرة بناءا على طلبك وطلب ابو علي هههههههه

شكرا على ردك
Cisco System

Oct 04, 2011, 08:34 مساءاً
النورس جوناثان
  • *
  • مشاركة: 2301
  • مقيم في: us
  • تقييم 68
  • الجنس: ذكر
رد: مراحل التقديم على اليو ان من تركيا
« رد #3 في: Oct 04, 2011, 08:34 مساءاً »
اشكرك اخي على جهدك في كتابة الموضوع ولكن اتصور ان الوضع الان لسش بالصورة البسيطة التي كانت عليها سابقا
جزاك الله خيرا
لماذا عندما يكبر الشخص يكتب بالحبر بدلا من الرصاص؟ حتى يتعلم ان محو اخطائه لم يعد سهلا

د/ابراهيم الفقى رحمه الله

Oct 04, 2011, 08:47 مساءاً
NOBLEMAN
  • *
  • مشاركة: 1598
  • مقيم في: us
  • تقييم 31
  • الجنس: ذكر
  • optimist
رد: مراحل التقديم على اليو ان من تركيا
« رد #4 في: Oct 04, 2011, 08:47 مساءاً »
مجهود رائع اخي عراق
بارك الله بك و جزاك الف خير
  :ahalna_Signs (64): :ahalna_Signs (53): :ahalna_Signs (61): :ahalna_Signs (37)::ahalna_Signs (63):
Some fools in the desert
With nothing else to do
So scared of the dark
So they invented me

Oct 04, 2011, 09:38 مساءاً
انوار بغداد
  • *
  • مشاركة: 1012
  • مقيم في: us
  • تقييم 21
  • الجنس: ذكر
  • اللهم صل على محمد وال محمد
رد: مراحل التقديم على اليو ان من تركيا
« رد #5 في: Oct 04, 2011, 09:38 مساءاً »
اخي ابو رباح المحترم
معلومات قيمة نتمنى يستفيد منها باقي الاخوة
بارك الله بك  واخذ راحتك بكتابة التفاصيل بس سويها اجزاء مو كلها بمشاركة واحدة
مع التقدير
اذا لم تستطع ان تكون وردة فلا تصبح شوكة
IF U COULDN'T BE A ROSE, DON'T

Oct 04, 2011, 10:51 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #6 في: Oct 04, 2011, 10:51 مساءاً »
السلام عليكم

اشكر الجميع غلى ردودهم الحلوة وهذا فد شي بسيط وان شاء الله نال اعجابكم

وتدلل ابو علي انوار بغداد
وبالنسبة للأخ جوناثان اني ذكرت انه هسة الوضع بده يتغير وبدت فترة اليو ان تزيد عن قبل لأن حجيك صح مو سهولة قبل هسة في تركيا.

اكرر شكري للجميع وان شاء الله بالمستقبل اخلي غير مواضيع احلى

Cisco System

Oct 04, 2011, 11:50 مساءاً
أبوعبدآلله
  • *
  • مشاركة: 5806
  • مقيم في: iq
  • تقييم 88
  • الجنس: ذكر
  • يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ
رد: مراحل التقديم على اليو ان من تركيا
« رد #7 في: Oct 04, 2011, 11:50 مساءاً »
:ahalna_separator (50):


حبيبي أبو رباح الورد شكرا على هذا الجهد الكبير الذي أتيت به يا صاحب أحلى أسم ألأن في بيت أهلنا لأن هيج أخلاق ميلوكلها غير هيج أسم مو ........ :D , أخوية العزيز أشكرك مرة ثانية والدليل على إعجابي بأسمك هاي درجة من عندي لزيادة شعبيتك من صفر إلى واحد ولو أني ما قابل إبهذه الطريقة مالت التقييم بس آلله كريم ممكن الأخوان بالإدارة إيغيروها ... ها حبيبي أبو رباح نسيت , آلله يخليك بس أريدك تسأل لخوك إذا شخص إمسجل في اليو أن مال سوريا و الأردن إيصير إيسجل في اليو أن مال تركيا وأني اشكرك .


:ahalna_separator (9):
 

Oct 05, 2011, 12:08 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #8 في: Oct 05, 2011, 12:08 صباحاً »
السلام عليكم ابو عبد الله الورد اشكرك على ردك الي يدفع اي شخص لأعطاء المزيد وخاصة اذا اكو هيج ناس مثلك ومثل الناس الي موجودين بهذا المنتدى الرائع

بالنسبة ابو عبد الله اذا جان احد عنده ملف بسورية او عمان لازم يسد الملف قبل ميجي لتركيا وثاني شي مرح ينطوه الفسفورة بنفس الوقت مثل الناس الي ماعدهم ملف بغير بلد لأن رح يتأكدون انه ملفه مغلق او لا حتى وراهه ينطوه الفسفورة الي هيه بين قوسين القبول كلاجئ

شكرا مرة ثانية على ردك الرائع واي شي تحتاج انت او اي شخص بالمنتدى معلومة تخص تركيا اني حاضر
Cisco System

Nov 18, 2011, 08:57 مساءاً
nen000
  • *
  • مشاركة: 455
  • مقيم في: us
  • تقييم 9
رد: مراحل التقديم على اليو ان من تركيا
« رد #9 في: Nov 18, 2011, 08:57 مساءاً »
ممنون منك ياورد ع هذا الشرح الوافي او ماقصرت وياية ع الماسنجر تعبتك هواية بالاسئلة هههههههههههههه
الله يسهلك امرك انشاء الله

اخوك نينووو
Congratulations on starting a new chapter of your life, and welcome to the United States
 



 


 

Nov 18, 2011, 09:20 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #10 في: Nov 18, 2011, 09:20 مساءاً »
اشكرك ياذهب وهذا واجبي وانت تدلل بأي وكت
Cisco System

Nov 18, 2011, 10:54 مساءاً
المسافرة
  • *
  • مشاركة: 71
  • مقيم في: tr
  • تقييم 1
  • الجنس: أنثى
رد: مراحل التقديم على اليو ان من تركيا
« رد #11 في: Nov 18, 2011, 10:54 مساءاً »
                                             مسا الخير على الجميع
اخواتي واخوتي هل يوجد في كروبنا هذا نفس حالتي يعني نقل ملف من الاردن تحديدا او حتى شخص في الكروب يعرف ناس نفس الحالة لانه صار اكثر من 3 اشهر ونحن ننتظر وصول الملف لكي يحددو لنا مقابلة ثانية والتفكير والقلق الله يعلم فيه
علما نحن مرفوضين من اميركا وقدمنا استئناف وتم رفضنا مرة اخرى
شاكرة لكم تعاونكم معي بأي معلومة حتى لو كانت بسيطة
تحياتي
   

Nov 19, 2011, 12:31 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #12 في: Nov 19, 2011, 12:31 صباحاً »
السلام عليكم

اهلا وسهلا بيج بالموقع ويانا وان شاء الله محد يقصر وياج
بس مفهمت حضرتج من وين نقلتي ملفج الى وين تقصدين من عمان الى تركيا او شنو قصدج تحديدا ؟؟؟
Cisco System

Nov 19, 2011, 12:37 صباحاً
المسافرة
  • *
  • مشاركة: 71
  • مقيم في: tr
  • تقييم 1
  • الجنس: أنثى
رد: مراحل التقديم على اليو ان من تركيا
« رد #13 في: Nov 19, 2011, 12:37 صباحاً »
السلام عليكم

اهلا وسهلا بيج بالموقع ويانا وان شاء الله محد يقصر وياج
بس مفهمت حضرتج من وين نقلتي ملفج الى وين تقصدين من عمان الى تركيا او شنو قصدج تحديدا ؟؟؟

نعم اخي نقلت الملف من الاردن الى تركيا
شاكرة تعاونك معي
تحياتي

Nov 19, 2011, 12:50 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #14 في: Nov 19, 2011, 12:50 صباحاً »
بالنسبة الى شغلتكم اني مااعرف احد نفس حالتكم يعني سوه نقل على العموم رح احجيلج تركيا شنو نظامهم

اذا انقل ملفج يمهم وانتي مرفوضة من امريكا رح يتحول استيطانج الى اما كنده او استراليا بس الموضوع ياخذ وكت ومااعرف شكد بالتحديد لأن انتي ماكول هنا بتركيا دتعرفين الكثافة السكانية الي صايرة عدهم انتي هسة اول شغلة خلي ملفج يوصل حتى وراهه تشوفين يادولة رح تقبل ملفكم كنده او استراليا وبعدين تمشي الأجراءات طبيعي اكو شغلات تسرع الملف مالكم في حالة اذا عدكم احد مو الا درجة اولى في واحده من هاي الدولتين حتى يكدر يسوي الكم كفالة وبالنسبة لكنده اذا الله اراد وطلع توطينكم بيهه وره متمشي مقابلاتتج يخيروج اطيرين على حسابج او على حسابهم يعني اذا على حسابج اكيد هم رح تصير اسرع.

واذا عندج شي لتترددي بالسؤال
بالتوفيق
Cisco System

Nov 19, 2011, 01:52 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #15 في: Nov 19, 2011, 01:52 صباحاً »
محشوم عيني انت ,اهلا وسهلا بيك بالموقع ويانا وتدلل بس خلي ببالك تره هسة اليو ان بتركيا يطول مو مثل قبل وقصة التهديد كلش سهلة

وحده من الأمور الماشية
انه انت مثلا شغل ماعندك ومضطهد وانه مثلا هجروكم من البيت وكتبوا لايباع ولايؤجر بأمر والباقي مسحه الجيش وانتوا حاليا على اساس مو بالبيت مثلا بيت كرايبكم واهلك خافوا عليك وكالوا الك سافر وسبب التهجير هاي بقت يمك فد سالفة انت شوف اشلون ترتبها لس تعريف اللاجئ عدهم هو ذلك الشخص الذي يمكن ان يثبت انه تعرض الى اضطهاد او له سبب دامغ او له مخاوف من اضظهادات مستقبلية بسبب العرق او الدين او القومية او الأنتماء الى احزاب او منظمات اجتماعية او له اراء سياسية

وتدلل
Cisco System

Nov 19, 2011, 01:59 صباحاً
النسر الجريح55
  • *
  • مشاركة: 11
  • مقيم في: iq
  • تقييم 0
  • الجنس: ذكر
  • free
رد: مراحل التقديم على اليو ان من تركيا
« رد #16 في: Nov 19, 2011, 01:59 صباحاً »
من شفتك مجاوبني يعني صدك هواي تونست .....مليون رحمه لوالديك........1000000اللك والوالديك....
واثق الخطوة يمشي ملكا

Nov 19, 2011, 02:02 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #17 في: Nov 19, 2011, 02:02 صباحاً »
اشكرك ياورد انت تدلل واي شي تحتاج اكتب سؤالك لأن محد يقصر وياك هنا
Cisco System

Nov 19, 2011, 02:56 صباحاً
النسر الجريح55
  • *
  • مشاركة: 11
  • مقيم في: iq
  • تقييم 0
  • الجنس: ذكر
  • free
رد: مراحل التقديم على اليو ان من تركيا
« رد #18 في: Nov 19, 2011, 02:56 صباحاً »
اخي الذهب ...عندي سؤال الفتره اللتي انتظر فيها بتركيا يعني نكول سنه....اريد فد تخمين من يمك...وانا جدا اشكرك يا ذهب
واثق الخطوة يمشي ملكا

Nov 19, 2011, 03:07 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #19 في: Nov 19, 2011, 03:07 صباحاً »
العفو انت الذهب
بالنسبة للفترة ماكو فترة معينة بس قبل جان من 8 اشهر الى سنة هسة مااعرف لأن وقت المقابلات اختلف يعني صارت بعيدة احتمال سنة ونص او سنتين واحتمال على السنة الجديدة ان شاء الله تصير غير قرارات ويمكن تصير ب 6 اشهر تكمل كلشي فمحد يعرف.

تحياتي
Cisco System

Nov 19, 2011, 03:17 صباحاً
النسر الجريح55
  • *
  • مشاركة: 11
  • مقيم في: iq
  • تقييم 0
  • الجنس: ذكر
  • free
رد: مراحل التقديم على اليو ان من تركيا
« رد #20 في: Nov 19, 2011, 03:17 صباحاً »
اخوي الذهب الكريم....جدا اشكرك لأنك موعارف وضعي والله العظيم.....عندي بعدسوال واذا متجاوب عادي لأن تعبتك.....من احجي قصتي لأزم اكو اثبات يعني ادله ووثائق ام اذا كان كلامي بي اقناع للاخرين عادي  بدون وثائق
واثق الخطوة يمشي ملكا

Nov 19, 2011, 03:26 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #21 في: Nov 19, 2011, 03:26 صباحاً »
لا عيني لتحجي هيج ماكو اي تعب

اكيد اذا اكو وثائق او صور احسن وحجتك تصير اقوى مثلا اذا كتاب شركة لازم مصدق من الشركة وبي ايميل المدير او المسؤول عنك على ويب سايت الشركة ومايخذون منك سيدي او فديو يريدوا كله على الورق.

اذا تريد طك صورة لبيت مفلش او هيج شغلات يعني انت شوف اشلون ترتبها.

واتمنالك التوفيق ان شاء الله
Cisco System

Nov 19, 2011, 09:15 مساءاً
المسافرة
  • *
  • مشاركة: 71
  • مقيم في: tr
  • تقييم 1
  • الجنس: أنثى
رد: مراحل التقديم على اليو ان من تركيا
« رد #22 في: Nov 19, 2011, 09:15 مساءاً »
اشكرك اخي العراق على اهتمامك وردك
والله يقدم لنا ولك وللجميع كل خير ان شاء الله
تحياتي

Nov 19, 2011, 10:22 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #23 في: Nov 19, 2011, 10:22 مساءاً »
اشكرك اخي العراق على اهتمامك وردك
والله يقدم لنا ولك وللجميع كل خير ان شاء الله
تحياتي


شكرا جزيلا الج وتدللين انتي وكل شخص ويانا
Cisco System

Jan 23, 2012, 03:20 صباحاً
um soso
  • *
  • مشاركة: 82
  • مقيم في: ae
  • تقييم 1
  • الجنس: أنثى
رد: مراحل التقديم على اليو ان من تركيا
« رد #24 في: Jan 23, 2012, 03:20 صباحاً »
 اخي العراق ...

شكرا  لروحك الطيبة في مساعدة الاخرين
كل من يسوي خير رح يلاكي خير ..و ندعيلك بالفرج والتوفيق والله يفتح عليك من كل النواحي..........


وشكرا لبقية الاخوة الطيبين الذين يحبون مساعدة الاخرين.....


تحياتي


Jan 27, 2012, 05:01 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #25 في: Jan 27, 2012, 05:01 مساءاً »
شكرا جزيلا الج اختي ام سوسو ونعمة حالج والله يكثر من امثالج وانتي وكل الطيبين هنا تدللون وتأمرون امر
Cisco System

Feb 06, 2012, 08:46 صباحاً
Broker
  • *
  • مشاركة: 15
  • مقيم في: eg
  • تقييم 0
  • الجنس: ذكر
رد: مراحل التقديم على اليو ان من تركيا
« رد #26 في: Feb 06, 2012, 08:46 صباحاً »
السلام عليكم اخي العراق ورحمة الله وبركاته
احيي النفس الطيبة والروح المرحة ومعدنك الاصيل فكلامك واجوبتك حقيقة لا تدل الا الى اخ يحب مساعدة اخوته في اهم هدف وتغيير يطمحون اليه ومن الله التوفيق
اخي العزيز
انا حاليا في مصر قدمت على الامم المتحدة وتم قبولي كلاجئ فيها فيها قبل شهرين تقريبا , وليس خفيا على حضرتك ان اغلب الذين يقدمون على هذا البرنامج هو لغاية اساسية وهي التوطين , وللاسف اخبروني ان التوطين في مصر هو ضربا من الخيال خصوصا وجود عوائل قدمت منذ 6 او 7 سين ,
هل تنصحني ان اذهب الى تركيا لاقدم من هناك على الضروف الراهنة ؟ وهل يتم نقل الملف من مصر او الغائه وتقديم جديد من تركيا ؟
وفقك الله في مساعدة الاخرين واضافه في ميزان حسناتك

Feb 06, 2012, 05:20 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #27 في: Feb 06, 2012, 05:20 مساءاً »
وعليكم السلام واهلا وسهلا بيك ويانا
اشكرك اخي العزيز على كلامك وانت واي احد موجود هنا يدلل وعلى راسي
بالنسبة الي يو ان مصر بالفعل تعبان وكل 750 سنة يطلعون عائلة طبعا هو والي بلبنان بقة على شغلة جيتك الى تركيا
انت تريدين التوطين يعني بين قوسين هو هدفك وهدف سفرك فأكيد حتى تضمن هذا الشي لازم تطلع من مكانك الحالي وحاليا بس تركيا وعمان زينة بيهم اليو ان فأنت شوف وقرر بس اذا تسألني على نصيحتي طبعا اكلك تعال خاصة انت تريد التوطين
بقت شغلة ملفك الأحسن الك انه تغلقة عن ناس شفتهم هنا بس خلي ببالك بكل الأحوال اذا غلقته او حولته رح يبدون وياك من الصفر بس من تغلقة احسن وحاول تاخذ منهم تأيد او ورقة انه انت غلقت ملفك اذا عدهم هيج شي اني لأن مااعرف شنو نظامهم بهيج حالات او مثلا رح يكولون الك اكتب طلب تريد تغلق ملفك فأنت هذا الطلب استنسخة وجيبة على يو ان تركيا يختصر وقت غلق الملف احسن
بس خلي ببالك حاليا في تركيا تره اول مقابلة دينطون 6-8 اشهر ليكدام لأن صاير لود قوي عليهم بس اكيد احسن من 6 او 7 سنين هههههههههههه
واي شي تحتاج اني حاضر
وان شاء الله بالتوفيق
Cisco System

Feb 06, 2012, 08:47 مساءاً
Broker
  • *
  • مشاركة: 15
  • مقيم في: eg
  • تقييم 0
  • الجنس: ذكر
رد: مراحل التقديم على اليو ان من تركيا
« رد #28 في: Feb 06, 2012, 08:47 مساءاً »
السلام عليكم
كالعادة كان جوابك سريع وشافي واخووي ولا يسعني الا ان اقول رحم الله والديك وجزاك الف الف خير ,,  بالمناسبة انا متزوج وعندي طفلين صغيرين لهذا اطلب سعة صدرك وتحملي في بعض الاسئلة الاضافية .
في فترة الثمان شهور التي انتضر بها موعد المقابلة الاولى هل استطيع التحرك الى خارج تركيا ؟ وانا لدي اقامة مصرية دراسية لمدة سنة ملصقة على جوازاتنا , هل يؤثر هذا بشيء ؟ اي المدن التي استطيع ان اعيش بها بمعدل 700 دولار شهري شاملة جميع المتطلبات الحياتية وبمدينة مقبولة اجتماعيا ؟ على ان تكون بعيدة عن خط الزلازل و ناسها طيبين يتعاملون مع الغريب بشكل حضاري ؟ اشكرك مرة ثانية وقد اعجبنتي مسالة ان مضر تسفر عائلة توطين كل 750 سنة هههههههه اشكرك اخي واتمنى ان التقي بك يوما ان شاء الله وان اكون لك اخ , والسلام عليكم ورحمة الله وبركاته

Feb 06, 2012, 10:28 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #29 في: Feb 06, 2012, 10:28 مساءاً »
وعليكم السلام حبيبي الورد ووالديك انت تأمر وتدلل واني اتشرف بيك
في فترة ال 8 اشهر الي هيه احتمال 6 اشهر او اقل مو شرط بس مثل مكتلك معدل 6-8 اشهر اكيد متكدر تطلع خارج تركيا لا خلال هاي الفترة ولا وراهه اذا كنت تريد السفر الا في حالات قصوى مع تبليغ اليو ان ورح يأثر هم على الكيس مالتك
بالنسبة الي فيزة الدراسة مااتوقع تأثر لأن اصلا همه رح يعرفون وانت رح تكلهم انه جاي من مصر وره مسديت ملفك لأنه الظروف هناك تعبانة ومن هذا الحجي وملكيت الأمان حتى هناك وهاي الشغلات ...........
بالنسبة الي شغلة المحافظة وال 700 دولار طبعا الصرف حسب صرفكم انتوا , يعني تكدر تصرف 500 بالشهر وتكدر تصرف 1000 دولار واذا عندك حليب وحفاظات للأطفال ومن هيج شغلات كلهه تفرق بس بالعموم ال 700 دولار كمعدل عيشة زينة وتكدر تعيش بيهه بكل المحافظات ماعدا اسطنبول لأن غالية والباقي بما فيهم انقره تكدر تعيش بيهه بس مو بذخ
يبقى باقي المحافظات كلهه نفس الشي اجتماعيا عادي ماعدا انقره واسطنبول لأن عواصم المهم باقي المحافظات كلهه زينة ويتعاملون مع الغريب بشكل حضاري طبعا هذا الي شفته واكيد مو الكل زينة بس هيه هواية محافظات بيهه ربعنه مثل جرم واسكي شهير وكونيا وبولو ويسوزكات وكريكاله وتكدر تلكي بيهه شغل بس كعامل بناء او بمطعم علمود اللغة ولأن ممنون اصلا لاجئ يشتغل
واني حاضر لأي سؤال بعد عندك
بالتوفيق
Cisco System

Feb 08, 2012, 02:25 مساءاً
مهندس عمار
  • *
  • مشاركة: 7
  • مقيم في: iq
  • تقييم 0
  • الجنس: ذكر
رد: مراحل التقديم على اليو ان من تركيا
« رد #30 في: Feb 08, 2012, 02:25 مساءاً »
السلام عليكم ورحمة الله وبركاته
بارك الله فيك اخ عراق والله يكثر الطيبين من امثالك واشكرك على طرح هذا الموضوع والتحدث فيه بكل وضوح وجديه , ان دل ذلك فهو يدل على معدنك العريق والاصيل  ...

اخي العزيز اني جنت عايش بسوريا ويا اهلي صارلنا 6 سنين وقدمنا على اليو ان من ذاك الوكت ومطلعلنا شي وكلما نراجع يكولون ملفكم مرفوض بالتوطين ,  وبعدها قدمت على العوده الطوعيه للعراق ونطونا كل واحد مبلغ 100 دولار وامنوا فلوس الرجعه النا  , وحاليا اني بالعراق وكلش متبهدل وابد ممرتاح  , بس اريد اعرف من حظرتك يصير اروح لتركيا اني واهلي واكوللهم لليو ان انه اني رجعت عوده طوعيه من سوريا  لو اسوي جوازات جديده واروح لتركيا واحجيلهم قصه غير الحجيتها بسوريا ,,  وشنو المقصود بالعوده الطوعيه  هل يقصدون انه سدو ملفي  لو شنو وشتنصحني اسوي  .. واسف اخي العزيز على الاطاله 

Feb 10, 2012, 12:40 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #31 في: Feb 10, 2012, 12:40 صباحاً »
وعليكم السلام
اشكرك اخي العزيز وممنون منك وتدلل انت واي احد يحب يجي يقدم من تركيا
بالنسبة لموضوع الجوازات انت تكدر تبدلهه وتجي لتركيا بس لازم تحجي وتكول انه انت جان عندك ملف بسورية وغلقته لأن رح يعرفون يعني انت تحجي احسن ومرح ينطوك صفة لاجئ رأسن يعني فد 3 اشهر او شهرين بعد مقابلة اليو ان لأن عندك ملف بسورية
يبقى العودة الطوعية هيه
تعني عودة كريمة و امنه الى الوطن العودة الطوعية تمكن للأجانب المقيمين في البلد الفلاني العودة الى الوطن على نفقات ذلك البلد بفضل هدا البرنامج من الممكن العودة إلى بلادك كسائح عادي. لا احد سوف يبلغ السلطات الحكومية التابعة لبلدك عن عودتك و اقامتك في ذلك البلد.
يعني رجعتك الى العراق متأثر على الكيس مالتك في يو ان سورية اذا تريد ارجع اغلق ملفك في سورية وقدم بعدين من تركيا
اي شي تحتاج اني حاضر
بالتوفيق.
Cisco System

Feb 10, 2012, 10:48 صباحاً
مهندس عمار
  • *
  • مشاركة: 7
  • مقيم في: iq
  • تقييم 0
  • الجنس: ذكر
رد: مراحل التقديم على اليو ان من تركيا
« رد #32 في: Feb 10, 2012, 10:48 صباحاً »
اشكرك اخي العراق على ردك السريع
ولو عندي اخر سؤالين الك
اول سؤال : يصير اروح لسوريا اغلق الملف بدون ما اخذ اهلي وياي
ثاني سؤال: اذا رحت لتركيا شكد ينطوني اقامه وشلون ويا اللغه لان ما اعرف تركي

واسف على كثرة اسئلتي وجزاك الله الف خير

Feb 10, 2012, 06:02 مساءاً
نبراس الفرات
  • *
  • مشاركة: 648
  • مقيم في: tr
  • تقييم 35
  • الجنس: ذكر
رد: مراحل التقديم على اليو ان من تركيا
« رد #33 في: Feb 10, 2012, 06:02 مساءاً »
بارك الله فيك وفي اصلك ياطيب
الف الف شكر بس راح ادوخك ارجوا من الله ان يامر بتيسير كل امورك بحق محمد المصطفى ص
اخي هاي قصتي كتابتاً وعندي الصور والافلام والتهديد على الموبايل والورق
وهذه قصتي وافوض الى الله امري
السلام عليكم
انا اخوك
من العراق احب ان اعرض قصتي عليكموارجو منكم النصيحه بما يرضي الله ورسوله ونصيحه مسلم 
قصتي
اني انسان عراقي ولي من الاولاد 6 اكبرهم 18 سنه واصغرهم 8سنين قبل حوالي 6 سنوات قامت مجموعه من المسلحين بطلب من زوجتي ان تحمل السلاح عنهم لانهم كانوا في ورطه مع الامريكان فقالت زوجتي انا لاافعل ذالك الابموافقة زوجي فقاموا بالاتصال بي وكلمتني زوجتي بالامر وقالت ماذا افعل قلت ارفضي الامىر وليكن مايكون لانك لو تم القاء القبض عليك لن تكوني لي بعد اليوم زوجه سوف اقوم بتركك الى الابد لاني لن اتحمل مسالت انك معتقله في سجون الامريكان وتبقين على ذمتي فرفضت زوجتي الامر فقالوا لها بسيطه بهذه العباره حصراًوبعد اسبوع استدعوني وسالوني لماذا جعلت زوجتك ترفض فاجبته بصراحه لوكانت زوجتك هل تحملها ذالك السلاح وتعرضها للخطر والاعتقال فقام بشتمي وقال سوف ترى ماذا افعل بك وبعد مده وانا جالس في بيتي واذا 40 مسلح ملثمين يقتحمون البيت وبايديهم كل انواع السلاح حتى قاذفة صواريخ ا ربي جي سفن وهددوني اذا لم اسلم نفسي سيدمرون البيت على راس اطفالي وبعد نصف ساعه من المماطله اقتحموا البيت وقامو بضرب زوجتي واعتدوا على ابني الاكبر بالظرب وقاموا بالاعتداء عليه بالضرب وقتادوني الى مكان مجهول وبدءوا بتعذيبي بكل ادوات التعذيب حتى اوشكت ان اموت ثم اصدروا عليه حكما رمياً بالرصاص حتى الموت ولكن سبحان الذي بيده الموت والحياة والنشور لم تخرج الاطلاقات من المسدس 3مرات فقال احدهم كفا لم يمت  اتركوه ولقوا به في طريق الامريكان وقت الاقتحام وهم سيقومون بقتله ورموني في طريق الامريكان ولكن نجوت من ايديهم بفضل الله وعدت الى بيتي وبعد 5 ايام قاموا برمي رساله مفادها اترك دارك خلال 30 يوماً والا تموت فلم افعل ورميت الرساله الثانيه وفيها اطلاق ناري وتهديد فهربت الى ايران وبقيت 40 يوماً ثم من ايران الى سوريا وبقيت 15يوماً ثم نفذماعندي من المال فقمت بالعوده وانا منذ ذالك الوقت حبيس الدار واخاف الخروج والتهديد مازال يصلني بيد اولادي سوف نقوم بقتلكم سوف نحرق داركم وحتى اطفالي اجلستهم من المدارس لغرض العمل والمعيشه علماً اني لم انتمي لاي حزب في حياتي اطلاقاً وانا الان مريض بمرض القالون العصبي + كئابه حاده بحسب وصف الطبيب النفسي وكل عيالي يعانون من التوتر والعصبيه والخوف فهل لي لطلب الجوء فرصه اذا بعت داري وتوجهت الى تركيا ام سوف اخسر ماتبقى واعيش مشرد بقية حياتي افدني يرحمك الله ودعائي لك ربي يحميك من كل شر اخوك في الله
خيــر الناس من فك كفه وكف فكه
وشر الناس من فك فكه وكف كفه

Feb 10, 2012, 07:58 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #34 في: Feb 10, 2012, 07:58 مساءاً »
بالنسبة للأخ مهندس عمار اني اعتذر منك واسف لأن معلومة العودة الطوعية غلط
اليوم سألتلك شخص جاي من سورية وكال هاي اكو لجنه ينطون فلوس بس بعدهه مالك بعد اي حق تقدم من اي يو ان من اي مكان وللأسف مالهه علاقة بالجوازات لأن اساميكم موجودة عدهم
بالنسبة الى سؤالك الثاني مال الأقامة في تركيا فهي تكون على اليو ان وتكون مفتوحة لحد مطير وبالنسبة للغة مالهه علاقة كل الناس متعرف تحجي لغة بس عادي تتعلم كم كلمة وتمشي حالهه اما اذا تقصد كلغة من ناحية الشغل فالشغل الي موجود هنا ميحتاج لغة لأن كراااااااب يعني عامل بناء او مطعم يعني بين قوسين لدوخ بهاي التفاصيل بس اصلا مااتوقع الك بعد حق تقدم من اي مكان من العالم لأن عندك عودة طوعية
اعتذر الك مرة ثانية
بالتوفيق
Cisco System

Feb 10, 2012, 08:16 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #35 في: Feb 10, 2012, 08:16 مساءاً »
السلام عليكم اخ نبراس الفرات واهلا وسهلا بيك ويانه
بالبداية اكلك الله يساعدك ويكون بعونك وعون الجميع والله على الظالم
بالنسبة الى قصتك عادي جدا تجي وتقدم يو ان بتركيا بس اكو شغلات خليهه ببالك وهيه مو مية بالمية تسافر وتصير شغلتك لأسباب من ضمنهه
1.تاريخك العسكري سابقا
2.اذا كنت حزبي او لا
3.عندك بصمة يم الأمريكان او داخل سجون يم الأمريكان والخ ........
وهواية شغلات ذكرت الك الأساسي منهه
المهم اني مااكدر اكلك بيع بيتك وتعال لأن اني مااضمن الك شي كلشي يم رب العالمين بس قصتك قوية ومؤثرة وخاصة عندك دلائل بس من هسة اكلك الفديو لتجيبة وياك لأن هنا ياخذون بس على شكل وثائق اي دليل عندك فالصور تمشي وورقة التهديد تمشي
تبقى شغلة روحتك الى ايران وسورية رح يسألوك ليش لأن هنا الي عنده طمغة بجوازة مال ايران او سورية رح يسألوا مثلا مال سورية ليش مقدمت من يو ان سورية ؟؟؟؟ هيج سؤال مثلا وبالنسبة الى ايران يضوجون منهه فاحتمال شوية يطولوهه عليك بس هم مو مهم لأن اكو ناس هنا نفس الشي كأيران او سورية والحمد لله مشت مقابلاتهم بس اني اكلك الي موجود وشنو يأثر وشنو يفيد بس مثل مكتلك عادي جدا
وانت بقت يمك بعد وان شاء الله بالتوفيق واي سؤال اني حاضر
Cisco System

Feb 11, 2012, 09:30 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #36 في: Feb 11, 2012, 09:30 مساءاً »
اهلا وسهلا بيك
طبعا الأفضل هو تركيا وعمان واحتمال تركيا شوية احسن المهم انت بالنسبة الك اغلق ملفك بسورية احسن من التحويل لأن بكل الأحوال هنا في تركيا رح يبدون وياك من جديد ورح يخلوك احتمال تكتب تعهد انه تريد غلق ملفك انت اكتب وجيبه نسخة وياك حتى ترويهه الهم هنا بس رح تنتظر فترة يلة ينطوك صفة اللجوء لأن عندك ملف في سورية
بالنسبة الى وين تروح وانت عندك معارف بأنقرة واسطنبول احسن الك انقرة لأن اسعارهه زينة
اي سؤال تدلل
بالتوفيق
Cisco System

Feb 11, 2012, 10:04 مساءاً
نبراس الفرات
  • *
  • مشاركة: 648
  • مقيم في: tr
  • تقييم 35
  • الجنس: ذكر
رد: مراحل التقديم على اليو ان من تركيا
« رد #37 في: Feb 11, 2012, 10:04 مساءاً »
اشكرك اخي الحبيب والله ينور دربك يارب
بقه بس سؤال يرحم والديك ياطيب اني بدلت جوازي الي بيه سفري الى ايران وسوريا والعائله طبعاً
يعني اقدر مااقول رحت وثانياً
مسالت العسكريه اني خلصت كل عمري متخلف اذكر هذا الامر ولااخبيه واذا سئلوني عن الخدمه شنو اقول
ومقدم اني شاكر تعاونك والف الف رحمه على روح امك وابوك ياطيب نورني
خيــر الناس من فك كفه وكف فكه
وشر الناس من فك فكه وكف كفه

Feb 12, 2012, 03:07 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #38 في: Feb 12, 2012, 03:07 صباحاً »
تدلل اخ نبراس الفرات
اذا مبدل جوازك وماعندك بصمات بذيج الدول فعادي تكدر متجيب طاري انه انت جنت مسافر الى سورية وايران
بالنسبة الى شغلة العسكرية اكو ناس بالفعل هيج وكالت بالمقابلات بس احتمال يسألوك لعد اشلون تمشي بوكتهه (شنو مزور) مثلا فبهيج حالة تصير نقطة عليك اذا قبل مزور هسة اشلون هاي هيج يفكرون طبعا واكو ناس كالت هيج وعبرت يعني كالوا افرار او متخلف ومشوا مو شرط
بس انت تكدر تذكر انه مثلا جنت جندي مكلف ممشارك بمعارك مثل مال شمال وهيج شغلات يعني مو فد شي اهم شي انت مجنت رتبة بالجيش
واي سؤال تأمر
بالتوفيق
Cisco System

Feb 12, 2012, 03:07 صباحاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #39 في: Feb 12, 2012, 03:07 صباحاً »
تدلل اخ حسام
Cisco System

Feb 12, 2012, 02:45 مساءاً
نبراس الفرات
  • *
  • مشاركة: 648
  • مقيم في: tr
  • تقييم 35
  • الجنس: ذكر
رد: مراحل التقديم على اليو ان من تركيا
« رد #40 في: Feb 12, 2012, 02:45 مساءاً »
ممنون وماقصرت ربي يحميك ويرفع شانك ماقصرت
خيــر الناس من فك كفه وكف فكه
وشر الناس من فك فكه وكف كفه

Feb 12, 2012, 07:31 مساءاً
مهندس عمار
  • *
  • مشاركة: 7
  • مقيم في: iq
  • تقييم 0
  • الجنس: ذكر
رد: مراحل التقديم على اليو ان من تركيا
« رد #41 في: Feb 12, 2012, 07:31 مساءاً »
اشكرك اخويا العراق على ردك السريع ومساعدتك للناس .. بس حبيت اوضحلك على سؤالي مال العوده الطوعيه من سوريا للعراق .. انت كتلي بعد مالك حق اتقدم عاليو ان وبوكتها من كتلي هالخبر كمزتني من  مكاني وطخ راسي بالسكف من الخرعه .. واتذكرت قبل ما اجي نطوني كتاب مكتوب عليه كلشي يتعلق بالعوده الطوعيه واكو كليشه بالكتاب اتكول ( اما الاشخاص الذين عادوا الى العراق، لكنهم عادوا الى احد بلدان اللجوء ثانيه ، بعد ان اخفقوا في اعادة الاندماج ، فيمكنهم ان يتوجهوا الى المفوضيه في بلد اللجوء لطلب اعادة فتح ملفاتهم )  واسف على الاطاله بس حبيت اكتبها علمود التوضيح ، يعني يقصدون ينفتح الملف عادي ما بيه اي مشكله ، وتحياتي الك ياطيب . 

Feb 18, 2012, 03:00 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #42 في: Feb 18, 2012, 03:00 مساءاً »
حبيبي اول شي اني اسف مجاوبتك رأسن لأن مجنت موجود
ثانيا كلامك صحيح بس مااتوقع بغير بلد لازم ترجع تفتحة بسورية واني كتلك ماادري بالضبط لأن ممار عليه هيج حالة على العموم اذا تحب جرب وتعال وتكدر ترجع قبل متنتهي فيزتك وان شاء بالتوفيق

Cisco System

Mar 01, 2012, 01:10 مساءاً
سما بغداد
  • *
  • مشاركة: 4
  • مقيم في: sy
  • تقييم 0
  • الجنس: أنثى
رد: مراحل التقديم على اليو ان من تركيا
« رد #43 في: Mar 01, 2012, 01:10 مساءاً »
السلام عليكم ورحمة الله وبركاته :

الاخ الكريم العراقي اني اختك سما عراقية ساكنة بسوريا وحبيبت أسألك هل استطيع ان احول ملفي مال UNمن سوريا الى تركيا واريد اعرف الاقامة اللي نحصلها لمدة كم شهر وهل استطيع البقاء في تركيا حتى لو بحالة ما طلعلي توطين لاي بلد يعني اريد ابقى مع عائلتي عايشين داخل تركيا على اللجوء مال UN فأريد اعرف هل يعطونا اقامات وعندي اخي يدرس بالجامعة هل نستطيع نقل اوراقه الى تركيا ويكمل دراسته هناك ارجو منك الرد ورحم الله والديك واكون ممنونة منك اخي الكريم والله يوفقك ويساعدك مثل ما انت تحب تساعد الناس وتحياتي لك

Mar 01, 2012, 01:47 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #44 في: Mar 01, 2012, 01:47 مساءاً »
وعليكم السلام سما
بالنسبة الى نقل او غلق الملف يصير بس افضل تغلقي لأن بكل الأحوال يبدون وياج من جديد هنا مثل مصار ويا ناس اعرفهم جوي من سورية وغلقوا ملفهم وهسة مشت شغلتهم واخذوا الفسفورة مال القبول كلاجئ وميهم اذا جان عندج ملف بسورية او بغير مكان بس شوية رح تتأخرون لحد ميتحول ملفكم مناك او همه يسدوا الخ ...........
يبقى الأقامة فجدا سهلة على اليو ان هنا لأن اول متقدمين رح ينطون ورقة للأمنيات مال المحافظة الي رح تكونين بيهه ويسون وياج مقابلة وينطوج الأقامة وماطول انتي مقدمة على اليو ان فمحد يكلج على عينج حاجب تبقى الأقامة يمج لحد مسافرين يعني اكو ناس هنا صارلهم 4 و 5 سنين محد كلهم شي وبصفة قانونية
يبقى شغلة الدراسة بالنسبة لأخوج لازم اسألج بيهه لأن مااعرف بيهه

وان شاء الله بالتوفيق
Cisco System

Mar 01, 2012, 02:01 مساءاً
UŞAK
  • *
  • مشاركة: 206
  • مقيم في: us
  • تقييم 8
  • الجنس: ذكر
رد: مراحل التقديم على اليو ان من تركيا
« رد #45 في: Mar 01, 2012, 02:01 مساءاً »
بارك الله بيك
اخي العراق على الموضوع

Mar 01, 2012, 02:09 مساءاً
UŞAK
  • *
  • مشاركة: 206
  • مقيم في: us
  • تقييم 8
  • الجنس: ذكر
رد: مراحل التقديم على اليو ان من تركيا
« رد #46 في: Mar 01, 2012, 02:09 مساءاً »
بالنسبة لموضوع الدراسة احب اضيف معلومه اعرفها عنه ....

هنا الجامعات ماكو لغة انكليزي كلها بالتركي يعني لازم الواحد يدخل معهد لمده سنة اسمه TÖMER,,

من بعد ما تاخذون شهادة هذا المعهد حصرآ للغه التركية الكم حق التقديم على الجامعات الي هنا وطبعا اقساطها ناااار مثلا طب الاسنان 12 الف دولار للسنه الاولى حسب ماعرفت ..

اخي العراق {حبيت اشارك بالموضوع والمساعدة العامة بخصوص هالمعلومة}

تقبل مروري

Mar 01, 2012, 02:41 مساءاً
العراقكاتب الموضوع
  • *
  • مشاركة: 582
  • مقيم في: tr
  • تقييم 8
  • الجنس: ذكر
  • مساعدة الناس واجب
رد: مراحل التقديم على اليو ان من تركيا
« رد #47 في: Mar 01, 2012, 02:41 مساءاً »
كل الهلة بيك وحجيك بالنسبة للغة صحيح مية بالمية واني ممنون منك
Cisco System

Mar 02, 2012, 01:07 صباحاً
um soso
  • *
  • مشاركة: 82
  • مقيم في: ae
  • تقييم 1
  • الجنس: أنثى
رد: مراحل التقديم على اليو ان من تركيا
« رد #48 في: Mar 02, 2012, 01:07 صباحاً »
السلام عليكم ورحمة الله وبركاته :

الاخ الكريم العراقي اني اختك سما عراقية ساكنة بسوريا وحبيبت أسألك هل استطيع ان احول ملفي مال UNمن سوريا الى تركيا واريد اعرف الاقامة اللي نحصلها لمدة كم شهر وهل استطيع البقاء في تركيا حتى لو بحالة ما طلعلي توطين لاي بلد يعني اريد ابقى مع عائلتي عايشين داخل تركيا على اللجوء مال UN فأريد اعرف هل يعطونا اقامات وعندي اخي يدرس بالجامعة هل نستطيع نقل اوراقه الى تركيا ويكمل دراسته هناك ارجو منك الرد ورحم الله والديك واكون ممنونة منك اخي الكريم والله يوفقك ويساعدك مثل ما انت تحب تساعد الناس وتحياتي لك



اختي سما بغداد ...بالنسبة الى اخوج في الجامعة هو شنو اختصاصه ؟؟
بلكي نعرف شي عن الاختصاص الي يريد يقدم عليه في تركيا ونكدر نساعدج بيه
لو انتوا ما يهمكم اي اختصاص تريدون ؟؟؟

Mar 03, 2012, 12:37 مساءاً
سما بغداد
  • *
  • مشاركة: 4
  • مقيم في: sy
  • تقييم 0
  • الجنس: أنثى
رد: مراحل التقديم على اليو ان من تركيا
« رد #49 في: Mar 03, 2012, 12:37 مساءاً »
السلام عليكم ورحمة الله :
مشكور جزيل الشكر اخي الكريم (العراق) وصراحة المعلومات اللي كلتلي عنها كلش استفاديت منها لانه كل شي ما جنت اعرف عن تركيا وصراحة جنت قلقة من موضوع الاقامة وياربي يريحك ويطمن بالك واكيد رب العالمين راح يساعدك ويوفقك مثل ما انت تحب تساعد الناس ورحم الله والديك وعن موضوع اخي اللي يدرس هنا بسوريا هو طالب بكلية الطب مرحلى ثانية واصلا يدرس على حساب ال UN يعني هي اللي تدفع كل مصاريف الدراسة لذلك حبيبت اعرف من ينقل اوراقه من سوريا الى تركيا هل راح تضل ال UN متكفلة بتكاليف دراسته وما تروح عليه لانه كلش صعبة وهسة احنا كل شي جاهز عدنا حتى نجي لتركيا بس تبقى مسألة دراسة اخي اريد اعرف عنها لو سمحت ولو اتعبك وياي بس حتى واحد يعرف شلون يتصرف مايروح مباشرة لتركيا ويكللونا ما ندفع تكاليف الدراسة او يجوز غير اجراءات حتى لا نتفاجئ

وبقى عندي هم سؤلبين بعد وارتاح نهائيا السؤال الاول هناك يمكم بتركيا ال UN هم يوزعون حصة غذائية مثل سوريا  والسؤال الثاني الراتب الشهري اللي نستلمه بسوريا هم يعطونا مثله ال UN في تركيا وهاي كل الاسئلة ومشكور جزيل الشكر اخي

كلمات بحث : (غريب السجون) 
 

مواضيع ذات صلة

  الموضوع / بدء بواسطة ردود آخر مشاركة
6 ردود
1694 مشاهدة
آخر مشاركة Mar 23, 2012, 07:36 مساءاً
بواسطة Pasok
3 ردود
881 مشاهدة
آخر مشاركة Jul 14, 2012, 11:56 صباحاً
بواسطة ataturk 2
3 ردود
1193 مشاهدة
آخر مشاركة Aug 03, 2012, 04:15 صباحاً
بواسطة mahabad
40 ردود
943 مشاهدة
آخر مشاركة Sep 25, 2013, 02:21 مساءاً
بواسطة صقر قريش
4 ردود
370 مشاهدة
آخر مشاركة Sep 29, 2013, 03:53 مساءاً
بواسطة atayf_3000


free counters