السلام عليكم اخوي الفريدو عندي سؤال ارجو الاجابة عليه انا لاجىء في سوريا و قد ابلغت من un بان توطيني قد قبل في كندا مشكلتي هي ان احد اولادي لم يسجل معنا في ال un واريد ان اعرف هل يمكنني ان اسحبه الى كندا بعد ان اصلها وكيف هي اجراءات لم الشمل علما انه بعمر 23 سنه و غير متزوج
مع الشكر
اخي فراس اخهلا وسهلا بيك
اخي شغلة ابنك اذا تكدر تبعثله حتى يجيك ويدخل بملفك فهذا الشي يكون اسهل لان انته في اول الطريق واذا تريد من توصل تسحبه فلا تنفعك غير الولايه الفرنسيه كيبك تستطيع سحبه والشغله تطول تقريبا من سنه الى سنه ونصف وبصراجه الخيار الاول اسهل الك بكثير لان كندا اجراءاتها جدا طويله وسحبه مو بالسهل يعني مراجعات كثيره وهنا الحياة عمليه وماكو وقت للمراجعات لان الدراسه والمواعيد تاخذ كل وقتك
شكرا لك على الاجابة و الله كفيت ووفيت. انا سالت حول هذا الموضوع هنا في سوريا و قالو لي انه يمكن ان يؤثر على ملفي للتوطين و قد يؤخره كثيراسؤالي هل انه مقاطعة كيبك فقط التي فيها لم الشمل واذا اسكن في اي مقاطعه اخرى لا يمكنني ان عمل لم شمل. اسف للسؤال وارجو اجابتي مع الشكر سلفا
اخويه العزيز ليس مقاطعة كيبك الوحيده ولكن هي اسهل مقاطعه لانها تريد اعداد كبيره من اللاجئين وذلك لطلبها من الحكوكومه الكنديه بانشاء دوله فرنسيه داخل كندا وتم رفض الحكومه الكنديه بسبب قلة العدد السكاني لذلك تفكيرهم للبعيد يعني مستقبلا يريدون انشاء دوله لذلك يسهلون اجراءات لم الشمل
اما المقاطعات الثانيه فلا اتصور انها تعطيك موافقه الا بعد سنين وليس بالسهل
اخي العزيز شغلة تدخل ابنك في ملفك ليس وانت في اول الطريق لا اتصور سوف تعيق حركة الملف كثيرا ولكن يستطيع ابنك ان يقدم على الامم المتحده في هذه الايام القادمه ويبلغهم ان عائلته تم قبولها على كندا وسيكون قبوله نسبة 80% على كندا وهذه الطريقه ايضا سليمه لان بصراحه كندا ليست بسهله بسحب الابناء وخاصتا اكبر من 18 سنه وهنا الحياة ليست كما تتصور انها عمليه اكثر من اللازم وفيها صعوبة سحب اي شخص
حاول الاستفسار من الموظفه في الامم المتحده والقرار لك
السلام عليكم_ ياأخي نحن سورييون و نسكن الإمارات والأوضاع هنا اصبحت صعبه هل هناك معلومات عن قبول لاجئيين سوريون الى كندا self sponserd وهل من الممكن استخدام احداث درعا كحجه امام هيئة اللجوء_ ارجو الرد مع الشكر الجزيل
بصراحه لم اسمع اي شيء بالنسبه الى السوريين لان شغلتكم بعدها في البدايه واذا لاسامح الله اصبحت الشغله اخطر محتمل يكون باب اللجوء مفتوح ولكن في الوقت الحالي لا اتصور يوجد لجوء للسوريين لان الوضع ليس بالصعوبه مثل حروب العراق
الى كل من يريد السفر من امريكا الى كندا بالكرين كارد عن طريق الجو ( طيران ) يجب احضار جوازات السفر العراقيه + الكرين كارد لان حاليا وحسب ما تاكدت من الخبر تم وصول اخي من ولاية اوهايو ( امريكا ) الى كالكري البرتا كندا تم طلب جوازات السفر منهم وتم ختم الدخول على الجوازات ولا اعرف هل هذا ينطبق على الحدود البريه او لا !!! لان قبل شهرين جاء اخي الاكبر من ولاية واشنطن سياتل الى فانكوفر عن طريق البر بسيارته ولم يطلب منه غير الكرين كارد لذلك انوه الى الجميع الذين يريدون السفر من امريكا الى كندا ان لاينسو ان يجلبو معهم جوازاتهم العراقيه وانشالله خلال الفتره القادمه سوف اتاكد من طريق البر هل اصبح الدخول بالجوازات ايضا او لا
السلام عليكم اخواني واخواتي كيف الحال جماعة كندا؟؟؟ انشاء الله بخير اخوكم ابن الوزيرية من عمان (ابو هيا) سلامي الى الاخ ابو احمد الفريدو الذهب وتحياتي للجميع
السلام عليكم اخواني واخواتي كيف الحال جماعة كندا؟؟؟ انشاء الله بخير اخوكم ابن الوزيرية من عمان (ابو هيا) سلامي الى الاخ ابو احمد الفريدو الذهب وتحياتي للجميع
اخواني اخواتي نظرا لكثرة الاسئله على الخاص بخصوص الكفاله الخماسيه والكنائسيه
اقدم لكم شرح كامل عن الكفاله الخماسيه والكنائسيه للفائده العامه
الكفاله الخماسيه :
1- يجب أن يكون الكفلاء ذوي أعمال دائمه (أو متقاعدين) وبمجموع معين للرواتب ومحاسبين الضرائب وبحد أدنى لمبلغ الكفاله كما محدد في الصفحه 3 من الفورمه المرقمه IMM5373AE اللي لازم يمليهه الكفلاء (بالأمكان الحصول على الفورمه من البحث في الكوكل).
2- الكفلاء هم من يتولى الصرف على العائله المكفوله خلال السنه الأولى لأن العائله لن تستلم اية مساعدات من الحكومه الكنديه عدا المبلغ المساوي لما يتقاضاه اللاجئ على ال UN للأطفال القاصرين، ولا تستلم العائله بدل ايجار أو أثاث.
3- بعد السنه الأولى تحصل العائله المكفوله على نفس أمتيازات لاجئي الأمم المتحده.
4- بالنسبه للأقامه الدائمه وشروط الحصول على الجنسيه فهي نفس مامتبع مع لاجئي الأمم المتحده.
5- على العائله أن تستقر في منطقة الكفلاء على الأقل في البدايه كما يجب أن يكون الكفلاء من نفس المنطقه، يعني مثلا كلهم من تورنتو
6- بعد أن تقبل الحكومه المحليه طلب الكفلاء (أما أن تقوم العائله المكفوله بملء الفورمات التي هي نفس فورمات اللاجئين وترسلها للكفلاء ليقدموها مع الكفاله من كندا أو أن تقوم العائله المكفوله بملئها في البلد الذي هي فيه: الأردن، سوريا، لبنان، ....الخ ) تقوم بأرسالها لوزارة الهجره التي تحولها لوزارة الخارجيه التي تقوم بدورها بأرسالها للسفاره الكنديه في البلد الذي تتواجد فيه العائله المكفوله.
7- باقي الأجراأت هي نفس مامتبع مع لاجئي الأمم المتحده يعني ينتظرون الأتصال لغرض المقابله والباقي انت أعرف بيه.
اما الكفاله الكنائسيه فهي :
1- يذهب الكفيل الى الكنيسه المختصه بالهجره ويقدم طلب لسحب العائله او الشخص المعني
2- على الكفيل احضار ورقه تثبت انه يعمل بمبلغ مو اقل من 25000$ في السنه ويقدمها الى الكنيسه
3- الكنيسه تسحب العوائل او الاشخاص الاسلام والمسيحين ولا توجد اي تفرقه بين الطوائف نهائيا
4- في كل ولايات كندا ماعدى البرتا تخصص الكنيسه مبلغ معين حسب عدد العائله او اذا كان شخص واحد ويجب على المكفول ارسال المبلغ وسوف يرد على العائله او الشخص بشكل راتب شهري ولمدة سنه حتى لا يتضايقو من دفع الايجار وبنفس الوقت تكون الكنيسه مطمئنه عليهم انهم يستطيعون ان يعيلو نفسهم في السنه الاولى
5- في اول سنه العائله لن تستلم اية مساعدات من الحكومه الكنديه عدا المبلغ المساوي لما يتقاضاه اللاجئ على ال UN للأطفال القاصرين، ولا تستلم العائله بدل ايجار أو أثاث. بعد السنه الأولى تحصل العائله المكفوله على نفس أمتيازات لاجئي الأمم المتحده.
6- بالنسبه للأقامه الدائمه وشروط الحصول على الجنسيه فهي نفس مامتبع مع لاجئي الأمم المتحده.
لو وصلت الى كندا عن طريق فيزا زيارة انشاءالله الله يسهلها لي ولعائلتي افضل نصيحة منك كي اقدم على اللجوء الانساني وكيف هل المطار افضل او داخل كندا علما سأكون انا واطفالي انشاءالله . ارجوا الافادة مع الشكر والتقدير
بصراحه اجارءات المطارات اصبحت معقده هذه الفتره بسبب الارهاب لذلك انصحك بالدخول الى كندا وبعد انتهاء الفيزه تقدم على اللجوء وتعطيهم سبب لعدم العوده الى العراق وانشالله خير ولكن نسبة القبول جدا ضئيله والمحكمه تطول تقريبا سنتين لحين القرار النهائي لقضيتك يعني لازم تتحمل الانتظار وطبعا كندا مابيها تسفير قسري واني اعرف كثير عوائل دخلو كندا صارلهم اكثر من 6 سنوات وتم رفضهم ولن يسافرو وعايشين هنا ويعملون ولا توجد اي مخاوف عليهم لان نسبة القبول جدا صعبه ( الحقيقه مره ولكن يجب ان ابلغك بها )
شكرا الك اخوية الفريدو الله يوفقك انشاءالله على مساعدتك . واني بعدني ممحد وين اروح يمكن تورنتو او مونتريال . بس اذا اكو واحد من العراقيين اللي حصلو فيزا من الامارات -ابوظبي ورايح الكندا يشرحنا التفاصيل كيف موضوع اللجوء صار ويا خصوصا اللي عدهم اقامة في الامارات وهل موضوعهم مقبول ويا اللجوء لان هم عابشين خارج العراق وخصوصا في الامارات . ومشكر اخوي الفريدو وربي يوفقك .
اختي العزيزه بالنسبه الى تحويلك الى كندا فانتي محظوظه تعبتي كثيرا وقد جاء وقت راحتك وراحة ابنك الله يحفظه
اختي بالنسبه الى كندا شغلتها طويله هذا صحيح ولكن تستاهل الانتظار لان من يوم دخولك التامين الصحي موجود لكي ولعائلتك وبالنسبه الى ابنك سوف تحتضنه منظمه خاصه للعنايه به وسوف يتعالج مجانا ومهما كان نوع العلاج كله مجانا ولا تفكرين بشيء واما الدراسه والتعليم على ما هو يرغب سيكون كله مجانا لان كندا تسحب الاطفال خاصتا ذو الاحتياجات الخاصه وصدقيني سوف تندمين على كل لحضه عشتيها خارج كندا لان الاحتظان لابنك سوف يكون فوق المعقول وانشالله سوف تاتين لكندا وتذكرين كلامي واما عن طول الاجراءات فهذا جدا عادي بالنسبه الى كندا وانشالله سوف تستلمين الفورمات وبعدها مقابله روتينيه وبعد ذلك السفر انشالله
اختي اذكري الله ولا تفكري بشيء وعليك بالصبر فقط وسوف ترين كندا ومعاملتها مع الاطفال او المعاقين وسوف تقولين الكلام الذي وصفته قليل بحق كندا
اي استفسار انا بالخدمه وتدللين اختي وربي يشافي ابنك بعونه تعالى
عزيزي الفريدو شكرا للمساعده وانا تركت لك رقم تلفوني في الخاصه حتى اذا كان باستطاعتك مساعدتي في كندا اذا وصلت اليها ارجو انك تساعدني لله لاني لا اعرف اي شخص هناك وانا امس الحاجه الى ناس طيبون وذات غيره على بنت بلدهم في ديار الغربه
بالنسبه الى سالفة العلاج والتامين فهي بيها حالات مختلفه
مثلا اذا كان الطفل فلاونزه او كحه قويه فهذا ماراح يحصل على علاج لان يسموه فايروس وكلها يومين او اكثر يروح منه والغرض انه جسم الطفل حتى لا يتشبع بالادويه
اما شغلة التامين فهي موجوده والاطفال خاصتا لهم العنايه المركزه بالنسبه للامراض الصعبه مثل حالة ابنك , ومثل ما بلغتك انه الامم المتحده اختارو المكان الصحيح لابنك وصدقيني امريكا مابيها عنايه للاطفال مثل كندا لان كندا احتضانهم للطفل شي لا يوصف ومثل ما كلتلك للحالات الصعبه فقط وليس للمرض البسيط
اما عن المقابله والكنديين يسالون ليش امريكا ماوافقو عليكم فهذا الشي لم يقال لان الكنديين اختارو ملفك وذلك لحالة ابنك ويريدون يساعدوكم ولكن الوقت طويل يعني بس يتصلون عليكم لتعبئة الفورمات انتظري بعدها تقريبا من 3-6 شهور المقابله وبعدها نفس الوقت السفر انشالله ولكن شغلة الفورمات شوكت محد يكدر يقدرها
شكرا اخي الفريدوا على ردك بس ممكن تفسري شنو قصدك بالفورمات ونمليه ؟ يعني اني بس اوضحلك وكلي هيه هاي قصدك احنه وره تقديمنه باشهر دزوا علينه ايو ان واعذونه ابليكيشن وملينه معلوماتنه وبعدين اخوا نسخ من الجوازات واخولنه صور وقابلونه وكتبوا حالتنه وشنريد وع اساسه اخنه رقم فايل وبعدها كلونه من 4 ال8 اشهر لازم يردون عليكم ونكللكم بنتيجة القبول او الرفض وهاي كعدتنه سنه وشهر وره هاي المقابله ولا حس ولا خير فارجوا ان توضحلي قصدك بان يسلمونه الفورمات هيه نفسه الابليكيشن او قصدك غير فورمات يعني الي هسه المفروض ناخه وره الجواب يعني اخي احنه هسه شوكت بعد راح يكولونه يعني ارجوك بس كلي هيه المعامله عادة شكد اطول من البدايه الي حد السفر وشنو قصدك بالفورمات هيه الي مليناها ؟ لو هسه بعد ميجينه الرد الي مندري شوكت راح يجي نمليه ووراها 6 اشهر يله نسافر ؟ اسفه للاسئله الكثيره بس لان وقتي وعلاج ابني مستعجل وانا لا اعلم اي شي عن لجوء كندا وكم تستغرق المعاملات
واخي استفسار اخر ارجو ان تجاوبني عليه ايضا واسفه لان دنتعبك باسئلتنه اخي نحن نعلم ان اللاجئين الى امريكا اول ميصلون يطوهم جيك بمبلغ من المال ويكولولهم هاي يسموها يو ويلكم وهم يخيروهم تاخذون فلوس وتشترون بيه اثاث لو تاخذون شقه مأثثه وميطون الجيك وهم يبقون هسه صارت 4 اشهر طبعا قبل جانت اكثر المهم يبقون 4 اشهر يطوهم مبلغ من المال بحدود 1500 دولار وطبعا للي متعدي ال60 تبقه المنظمه تطيه كل شهر ومتقطعه عنه وللاطفال هم يطوهم زين اللجوء لكندا مو الهجره شنو نظامه وشتطي للاجئين ؟ الف شكر الك وارجوك ان تجاوبني على رسالاتي الاثنين اختك رامان
واسفه يا اخويه هاي ثالث رساله اكتب بس شسوي دااقره الكتابات السابقه واجوبتك للاخوان ودااوقف عند نقاط .... اخي الفريدوا انت كاتب للاخت سراب ان الطب فاشل جدا بكندا واذا عندج عمليه تحتاجيه سويه بالدول العربيه قبل لا تجين لان المستشفيات والانتظار كلش صعبه جدا ؟؟؟؟ اخويه يعني شنو معنى كلامك لعد احنه ليش جايين لاجئين اني ويايه بالفايل والدتي وهيه مره كبيره وتحتاج لتحاليل ويجوز عمليات وهيه كما سامعه من اقاربنه الي راحوا لامريكا ان اول موصلوا لزموهم تحاليل وتلقيحات ووحده منهم احتاجت عملية غده سوولياها وره اسبوع والخ احتاجت عملية ظهر وهم سوولياها مو انتظروا سنه مثل مكلت وكلش يلتزموهم وكل شهر اكو تحاليل دوريه والتزام المنظمه الهم بكل شي من ظمنه دورات انكليزي وحاسبات وحته حاسبه للبيت اطوهم ..... يعني ليطونه حاسبه بس اهم شي العلاج ارجوك وضحلي شنو السالفه لان امي هل مره صفنت وهيه خطيه دتنتظر يطلعنه القبول دتكول اروح هناك اسويلي التحليلات واذا احتاجيت اي شي هناك احسن ومشمول بالتامين اخي الفريدوا ازعجتك اليوم بس اني مصدكت اشوف موقعك هذا حته اسأل كل الي افبالي ارجوك جاوبني على اسألتي الثلاثه شكرا
الفورمات هي الي بيها معلومات عن الخدمه العسكريه وعن الاخوه والاخوات ومعلومات الدراسه واخر 10 سنوات وين كنتو ساكنين يعني تفاصيل عن حياتكم وتستلموها وبعد ذالك ترجعوها الهم مع الصور والاستنساخات
اذا كانت هيه فانتي خلصانه من اهم شغله وماكو رفض بالسفاره الكنديه الا في حالات يحسون الشخص يكذب عليهم او كان ضابط او مسؤل وما مبلغهم
اما الامتيازات فهي احسن من امريكا لان اول وصولكم تستلمون مبلغ من المال يعني اذا كان الزوج والزوجه واطفال اثنين يستلمون 5000$ والرواتب للاب والام 1500$ شهري لمدة سنه وبعدها اذا ما شتغلو يستلمون 1200$ واما الاطفال لغاية ال6سنوات يستلم 100$ شهري والاطفال لعاية 18 سنه يستلم 250$ شهري واما الاكبر من ال 18سنه يستلم 750$ شهري
الاطفال لا تنقطع رواتبهم واما الاغراض فراح تستلمين اثاث كامل وجديد ما عدى التلفزيون واما البيوت هنا تستاجرين بيت يكون فيه الطباخ والغساله والنشافه والثلاجه هذا شي ما يقبل نقاش وبعض البيوت غسالة صحون
الانتظار قاتل ولكن المستقبل امامك وسوف ترتاحين كثيرا
صباح الخير اخي الفريدوا وجزيل الشكر الك ولاجوبتك والله يريحك مثل مريحتني اخي بس سؤال احنه ملينه فورمات اليو ان ذلبوا منه نمليها مو السفاره الكنديه وهاي الفورمات فعلا بيه هاي المعلومات الي انت كرته وهاي الفورمات هيه على اساسه المعلومات الي بيه دزوها المعامله للسفاره الكنديه فهل ها قصدك ؟ وارجوك اخي اني كتبتلك رساله ثالثه على الطب والتأمين الصحي وكتلك اني قريت كلامك للاخت سراب وانت كايلله ان العلاج صعب والمستشفيات والانتظار صعبه واني كلش مهم عندي اسأل عن هدا الموضوع لان والدتي حسب مقلت انها مره كبيره وتحتاج علاجات وهيه المسكينه فرحت من سمعة خواتها من رايحين لامريكا مستلميهم تحاليل وعمليات غده وظهر وغيره وعلاج مريح وحته السياره تجيجهم للبيت هههههههههه فشنو الوضعيه هل موضوع بكندا يمكم لان الكلام الي كاتبه لسراب كل واحد يقراه ينفزع منه شكرا الك اخي size]
طبعا انتي ماخذه نظره عن امريكا وكانها بلد ماكو غيره بالعالم مع العلم عندي اخواني اثنين في امريكا وكاعد نشوف معاناتهم هناك والرواتب تنقطع عنهم بعد 8 شهور او سنه ولكن في كندا تعيشين حياتك + رواتب قويه وتكدرين حتى تجمعين منهن
اما العلاج فلكل شخص جديد تجييك جدا قوي ولكن العمليات لا توجد عمليه باسبوع لا في امريكا ولا اي بلد بالعالم , الطب سيء بالنسبه للي تصير عنده دوخه او مغص او ... الخ طبعا محد اله علاقه ولازم ينتظر بالطواريء لمدة ساعات وهذا الحال في كل مكان بالنسبه للدول الغربيه ولكن شغلة حاسبه تجيهم للبيت هاي اول مره اسمعها هههههههههههههههه
طبعا الكلام كثير وراح تسمعين عن هذا الكلام اكثر ولكن الواقع غير هذا وانشالله تجين لكندا وتشوفين الوضع وشي على شي كندا احسن من امريكا ب 100 مره وحاولي تكتبي موضوع على العام عن الفرق بين كندا وامريكا وراح تعرفين شنو الفرق
اما الفورمات فهو مضبوط وماباقي غير انتظار المقابله وبعدها بتقريبا 6 شهور يكون موعد السفر انشالله
انشالله التوفيق ولا تنسين اكتبي موضوع عن الفرق بين كندا وامريكا حتى تعرفين معانات العوائل في امريكا وكم اعداد الي رجعو للعراق منها وانشالله اكون قد وصلتلك الفكره
شكرا اخي الفريدو على كل اجاباتك السابقه و بارك الله فيك و ما قصرت ويانا الحقيقه اريد بس اسئلك بعد اكثر عن الحياة في كندا و هل اكو فرص عمل الي و لزوجي اني مهندسة مدنية و زوجي مهندس ميكانيك نكدر نشتغل و بسهولة لو لازم نعادل شهادتنا و هل معادلة الشهادة شي صعب و اريد اسئلك احنا اختصاصنا هذا مرغوب في الشغل في كندا لو برايك ندرس دراسه اخرى لو شنو تنصحنا حضرتك و الك جزيل الشكر اخي على صبرك ويانا
السلام عليكم اخ الفريدو شكرا الك ولجهودك وصبرك وجوابك لكل الاعضاء بهذا المنتدى ويجازيك الله كل خير على تعاونك ويانه اخي اني قدمت على لجوء لليو ان وجنت رايده امريكا لان بصراحه اني خطيبي بامريكا وهو بس عنده كرين كارت وشفنه هاي اسرع طريقه اروحله بيها ان اقدم باليو ان بعد مستفسرنه عن كل الطرق لذهابي اله وشفناها كله اطول كثيرا ماادوخك صارلي سنه كامله من مقدمه وبعد مقابلتي الاولى لليو ان كالولي احنه حطينه فايلج انتي وامج على كندا بعد مشفناه انسب الكم ؟؟؟؟ واني مابيدي شي كتلهم اريد احول امريكا بس مااكدر اكلهم سبب الروحه لامريكا بس اليو ان كالوا خلص منكدر نحولكم الان بس نكدر في حالة ان كندا ترفض فايلكم واحنه ليهسه منعرف رد الحكومه الكنديه النه سنه كامله ننتظر ومنعرف شنو الرد قبول او رفض سؤوالي يا اخي اني اذا قبلوا فايلي ورحت اني وامي لكندا اكدر وره ماادخل اطلع من كندا واروح اعيش في امريكا طبعا يعني محكون ثابته اروح وارجع لكندا لان اني لجوئي لكندا وسؤالي الاخر اني اذا رحت لكندا ورها خطيبي اخذ الجنسيه ووسحبني لامريكا من اروح اعيش بامريكا حقوقي بالجوء لكندا راح ابقه اخذه من تامين صحي من ولادات وتامين لاطفالي واني بامريكا لو كلشي حيروح عليه من يوم الي اروح ع جنسية رجلي يعني اني قريت ان همه راح يطون رواتب شهريه للاجئ هاي تكون من بس اني بكندا اذا اكون معايشه بيها راح افقد كل هاي التأمينات ارجوا منك ان تجاوبني لان انا نحطيت بموقف صعب لو مجنت مخطوبه جنت اتمنى يحطوني على كندا لكل مافيها من رعاية وتامين للاجئ والي تكون احسن من امريكا بس هذا ظرفي ومااعرف شكول غير هاي قسمتي لا اعتراض عليها
شكرا اخي الفريدو على كل اجاباتك السابقه و بارك الله فيك و ما قصرت ويانا الحقيقه اريد بس اسئلك بعد اكثر عن الحياة في كندا و هل اكو فرص عمل الي و لزوجي اني مهندسة مدنية و زوجي مهندس ميكانيك نكدر نشتغل و بسهولة لو لازم نعادل شهادتنا و هل معادلة الشهادة شي صعب و اريد اسئلك احنا اختصاصنا هذا مرغوب في الشغل في كندا لو برايك ندرس دراسه اخرى لو شنو تنصحنا حضرتك و الك جزيل الشكر اخي على صبرك ويانا
اختي رامان تدللين وماكو داعي للشكر
بالنسبه للعمل في كندا جيد للي عدهم شهادات ومعادليها هنا في كندا وشغلتكم جدا راقيه ومرغوبه ولكن الوقت شويه طويل الى ان تعادلوها وتشتغلون لان اول شي لازم اتقان اللغه كاملا وبعدها تدرسين على شهادتك وطبعا لكل شهاده مده وتطول تقريبا مو اقل من سنتين وتحتاجون كورسات والعمل التطوعي هم ضروري حتى تكون فرص عملكم اكبر ولكن بعد التعب راح ترتاحون والنتائج جدا جيده والرواتب مغريه بالنسبه للهندسه بكل فروعها نصيحتي عند وصولكم انشالله اتعبون نفسكم الى ان تتقنون اللغه الانكليزيه كامله وبعدها تدرسون على شهادتكم لانها جيده وراح ترتاحون من بعد التعب ولا تفكرون في غير شهاده لان المشكله الدراسه طويله وما اتصور عدنه صبر ندرس من اول وجديد
بالنسبه الى ملفك تحول الى كندا فهذا من حظك لان كندا مميزاتها احسن من امريكا
اما انه بعد وصولك تروحين وتجين الى امريكا فهذا الشي لايجوز لان القانون يقول الكندي لا يدخل امريكا الا بعد استلام الجواز والجنسيه يعني بعد 3 سنوات واما الامريكي يدخل الى كندا بعد استلام الكرين كارد
اما شغلتك انك تتزوجين وتروحين وتجين وتاخذين حقوق فهذا الشي ميجوز والحكومه هنا مفتحه اكثر من عدنه
يكدر خطيبك يجي وتتزوجين وتبقين في كندا واسكني في ولايه قريبه على ولايته حتى يكدر يرجع الى امريكا كل كم شهر وبعد استلامك الجنسيه الكنديه تروحين تعيشين معاه في امريكا وتستحقين الجنسيه الامريكيه من بعد 5 سنوات
ماكو غير حل اختي لانك في كندا لاتستطيعين السفر الى امريكا بسهوله
اما شغلة التامين الصحي والةلاداة والعمليات فكلها مجانيه في كندا لا تشيلين هم
اخي الفريدة السلام عليكم كيف الصحة ان شاء بخير اريد اسئلك سؤال اخي هل مميزات الهجرة الى كندا مثل اللجوء يعني هل اكو دعم صحي خصوصا للاطفال ذوي الاحتياجات الخاصة ايهما احسن هجرة الى كندا ام لجوء الى امريكا من ناحية المميزات و شكرًا
الزميل المبدع الفريدو ارتأت الادارة تثبيت هذا الموضوع لما يحتويه من معلومات قيمة وضرورية شكرا لك ولكل ما تقدمه لاخوتك و اخواتك من مساعدة و بارك الله فيك و اعانك على فعل الخير
بالتوفيق للجميع
سجل
Some fools in the desert With nothing else to do So scared of the dark So they invented me
السلام عليكم اخي الفريدو شون الصحه انشاء الله بخير؟ حبيت اعرف كم سنة صارلك بكندا وهل انتة لحد الان مقيم دائم في كندا او عندك الجنسية الكندية؟ لان عندي سؤال لك يخص هذا الموضوع شكرا اخي الفريدو على جهودك الطيبة وية اخوانة ومساعدتك الهم.
السلام عليكم اخي الفريدو شون الصحه انشاء الله بخير؟ حبيت اعرف كم سنة صارلك بكندا وهل انتة لحد الان مقيم دائم في كندا او عندك الجنسية الكندية؟ لان عندي سؤال لك يخص هذا الموضوع شكرا اخي الفريدو على جهودك الطيبة وية اخوانة ومساعدتك الهم.
اختي نور ماكو فرق اذا كنت مستلم الجنسيه او لا لان ماطول دخلت كندا فاصبحت مواطن كندي يتعامل معي المجتمع حالي حال الي نولد في كندا
المهم هسه نرد على سؤالك : اني صارلي سنتين في كندا واكيد لحد الان لم استلم الجنسيه
اخي الفريدو السلام عليكم اسف ماكدر اقرة كل الردود مال حضرتك بس اريد اعرف انته اجيت لجوء لو هجرة وهل عندك خبرة بالهجرة لكندا؟ لان ملفي متعلق صارله كومة وعدوني بالمقابلة انو ينطوني الفيزا بالكرسمس الفات واجة وراح وراح يجي الكرسمس الجاي وهاي بعد علة نفس الحطة علما انو اني مقدم هجرة ايادي عاملة ومقابل بلسفارة بشهر 6 الفات ووراها قدمت لامريكا واجيت لامريكا وبعده الملف نايم يمهم ماعرف شديسوون بي
اخي JackSparrow
انا لجوء وصارلي سنتين في كالكري البرتا كندا اخي انته مقابل بشهر 6 الماضي ؟؟ يعني المفروض 6 شهور وتسافر ولكن حسب الضروف الي تشهدها الدول العربيه اصبحت المعامله تاخذ وقت اطول ولا تنسى ان نظرة العرب اصبحت سيئه وخاصتا في كندا لذلك يتحققون من الشخص كليا قبل الموافقه عليه وتسليمه الفيزه
شغلتك محد يكدر يعرف وين وصلت لان كندا خصوصا لا تعطيك اي معلومه عن ملفك نهائيا وتبقى شغلة نصيب فقط
اخي الفريدو احب اوجهلك تحيه علا الروح الطيبه اللي عندك والله يجزيك خير صارلي كم يوم اسوي بحث بقوقل وكل ما حطيت سؤال يطلعلي اسمك وهذا دليل علا انك ما شالله متعاون مع الناس بشكل كبير وانا صارلي كم يوم افكر باختي سوت الفحص بس سووا لبنتها اشاعتين زياده لانها عندها مشكله بظهرها من الولاده والحين انا خائفه لا يرفضونها او يعيدون الفحص اذا عندك اي خلفيه عن هالموضوع ارجوك تطمني وهل نتيجه الفحص تطلع بسرعه للظروف اللي بسوريا الحين او تظل شهر ومشكور مره ثانيه علا جهودك الطيبه
السلام عليكم شكرا الكم على هذا الكروب الجميل سؤالي هو هل نستطيع تقديم اللجوء الى كندا وكيف وهل هناك تفاصي لمن الممكن قراءتها للتعرف على البرنامج وشكرا
اخي الكريم انته مسير وليس مخير بالامم المتحده ولكن اذا كان عندك احد من اهلك يعني درجه اولى يكون نصيبك كندا ولكن اذا ماعندك احد فصعب تطلب كندا الا في حالة قبولك على امريكا وترفض فراح يكون قبولك على كندا تقريبا 90% بس الشغله تاكل منك مو اقل من سنتين فما فوق يعني فتره طويله
اخي الفريدو احب اوجهلك تحيه علا الروح الطيبه اللي عندك والله يجزيك خير صارلي كم يوم اسوي بحث بقوقل وكل ما حطيت سؤال يطلعلي اسمك وهذا دليل علا انك ما شالله متعاون مع الناس بشكل كبير وانا صارلي كم يوم افكر باختي سوت الفحص بس سووا لبنتها اشاعتين زياده لانها عندها مشكله بظهرها من الولاده والحين انا خائفه لا يرفضونها او يعيدون الفحص اذا عندك اي خلفيه عن هالموضوع ارجوك تطمني وهل نتيجه الفحص تطلع بسرعه للظروف اللي بسوريا الحين او تظل شهر ومشكور مره ثانيه علا جهودك الطيبه
اخي الكريم اني اشكرك على كلامك الطيب وممنون منك وبصراحه اني كل تواجدي هو لمساعدة اخواني في الغربه وانشالله ربي يكدرني ان افديكم ببعض المعلومات الي املكها
اخي الكريم لا تخاف لان ماكو رفض بالسفاره الكنديه الا في حالات جدا نادره واما حالتكم فهي جدا عاديه وماكو اي مشكله واعادة الفحص تاتي من مرض لا سامح الله غير موثق عدهم يعني ما مبلغين بيه وبكل الحالات القبول اكيد ماطول انتو اكملتو الفحص الطبي
الشغله حاليا شويه تطول من بعد الفحص تاخذ وقت محتمل 6 شهور ومحتمل اكثر بشويه لان الوضع في الدول العربيه غير مستقر لذلك صار تاخير بس انشالله خير ولا تفكر بالرفض نهائيا
الله يساعدك اخونا العزيز (( الفريدو))....... حسب تواجدي بهذا الموقع شفت اجوبتك الاكثر من رائعة وتعبك في صياغة الجواب ,,الله يرحم والديك....ويكثر من امثالك..... عندي سؤال اذا ممكن جواب:- اريد اقدم على اليو ان ((الاردن)) وحاليا اللجوء بالاردن كله لامريكا((طبعا هاي اذا حظي كعد)) واني اعرف بأن ((كندا)) من ناحية المساعدات والانظمة والحياة((بالنسبة للاجئ))احسن بهواية من باقي الدول..السؤال هو: يصير الشخص يسجل باليو ان ويروح للسفارة الكندية الموجودة بعمان((الاردن)) ؟؟؟؟؟ وهل لازم الشخص يخبر اليو ان بأنو راح للسفارة الكندية؟؟؟؟ والسفارة الكندية تسوي شي لو لا؟؟؟؟ ومنو الاحسن برأييك؟؟ وانتظر جوابك,,واذا عندك نصائح ارجوا أن تخبرني...... والف شكر.... Garcia
طبعا شغلة الامم المتحده الاردن االاغلب اول شي امريكا وطبعا القنصليه الكنديه في الاردن ماتسويلك اي شي وماتكدر تطلب كندا لانك مسير وليس مخير بالمفوضيه فشغلتك صعبه ولكن اذا قبلوك على امريكا وتنرفض من امريكا فراح يصير تحويلك 90% على كندا ولكن تاخذ وقت كلش طويل يعني محتمل تاخذ اكثر من 3 سنين وانته وحظك
شغلة منو احسن !! اني اشوف اي بلد تنقبل بي لجوء يكون احسن من الاردن او اي بلد عربي لان بيها مستقبل وجواز وبعدها تكدر تتجول وين ماتريد
اخي اني انصحك بالموافقه على اي بلد كان بس المهم تحصل لجوء وبعدها بيك خير وادلل وين ماتريد تعيش انته حر لان طلب بلد معين هذا الشي صعب ولا تنسى انته مخير وليس مسير
سجل
May 24, 2016, 09:08 صباحاً