جمعية خاصة ( بالعراقيين الي طلعو من الامارات والي مازالو ينتظرون )

[يوسفي]

مرحبا اختي الفاضلة (شجرة الدر) وربي يجازيكي الف خير على هذا الخبر الحلو.ومتعرفين شكد نفرح من نسمع هيج خبر يرفع المعنويات.. واويلي على هاي العجوز دمرتنا والله يا اختي بالمقابلة ..بس حبيت اعرف منك انك قلتي انوا كل 3 شهور يجتمعون اللجنه لعد ليش حضرتك طولتوا سنة ؟؟؟
 هل تقصدين ظليتوا تنتظرون سنه من بعد مقابلة الملحف الى ان طلعتوا ؟؟ او تقصدين ظليتوا تنتظرون سنة نتيجة المحلفين ؟

والله يرضى عنك ويسهل كل امورك ..


اخوكم / يوسفي

[amdodo]

السلام عليكم
اشكرك  اخويه الفاضل يوسفي وماقصرت بس اذا هو ميكول اني جنت خارج العراق 2003  مو اخاف بالتجييك الامني يعرفون ؟؟؟؟هو كان خارج العراق قبل هذا التاريخ ...انتظر ردك ورد الاخوه الي يكدرون يفيدونا بهذا الموضوع
حبيبتي شجره الدر ام احمد الورده شلونج عيوني شخبارج انشالله استقريتوا بامريكا طمني عليج اختي العزيزه الله يوفقكم يارب.. تحياتي للجميع
اختكم ام دودو

[يوسفي]

اختي الفاضلة (ام دودو )كيف الحال ويارب اتكونون بألف خير .. بخصوص التجيك الامني وخاف ايعرفون انوا هو كان خارج العراق قبل ال 2003 هاي بعد ما اعرف بيها .. بس اني اعرف ناس طلعوا منا من الامارات عدهم مصايب قبل ال 2003 وطلعوا ووصلوا .. واكو عوائل  صومالية وعوائل افغانية هم بعد طلعوا منا عن طريق ال UN ووصلوا لامريكا هذول وين يجيكون عليهم؟؟
لان ذول مثل منعرف بلدانهم امر من بلدانا واصلا الصومال مابيها حدود .فشلون طلعوا هذول
وبعدين التجيك الامني اظن يصير بس على امور معينه .. وهذا الي اقدر  افيد بيه ..والبركة بالاخوه الباقين


يوسفي

[يوسفي]

السلام عليكم اخواني اخواتي الكرام ,, الاخ العزيز (لوجين )شخبارك اخي الغالي طمنا عنك ؟
شو صار معاكم من زمان ما سمعنا شيء عنكم يارب اتسهلت اموركم وطلعتوا ...

الاخ (جاك سبرو) كيف الحال اخي العزيز , وربي يعنك على الحياة الجديدة , وانشاء الله رتبتوا اموركم .. ننتظر منك معلومات جديدة .واخبار حلوة , وربي يوفقكم

يوسفي

[Face1]

مساء الخير اخوتي واخواتي
ارجو ان تقبلوني صديقة جديدة على الموقع وعلى اليو ان
مساء الخير اخي اليوسفي كيف حالك وكيف حال الاولاد ان شاء الله انتم والعائلة الكريمة بخير
كيف حالك ام دودو اتمنا ان تكونون بخير وصحة
اخوتنا الكرام والاعزاء لما هذا الحتداد يا اخوتنا احنا حتى ما واحد يعرف الاخر بعد ليش تاخذون موقف يا اعزائنا انتم تساعدون الناس بمعلوماتكم واكيد اكو من هو لديه معلومة مغايرة او فاهم بشكل اخر اخوتنا لا تجعلو العصبية هية سيدة الموقف
ارجو ان تهدا النفوس
رمضان كريم على الكل العراقيين الموجودين في الامارات والخيرين خارج الامارت الذين يمدون ايديهم للمساعدة بالمعلومات الله يحفظكم ويفرج للجميع ويسفر اخونا اليوسفي وسباركي وفايو وزوزو وكيجهوست وكل من هو في المراحل النهائية
يالله بحق حرمة شهرك الكريم تسفر كل القدماء يارب العالمين وتفرج علينا ولا تخلي عراقي حاير بحق قدرتك ياملك الملوك وكل   عام وانتم بخير سلامي اختكم Face1

[يوسفي]

السلام عليكم ورحمة الله وبركاته ... اسعد الله صباحكم اخوتي واخواتي الكرام ... وربي يجعل يومكم خير وبركة ورزق من الله عز وجل .. واهلا وسهلا باختنا الفاضلة ونورتينة بمشاركتك ,, اما عن  موضوع الحداد فخلينا هيج احسن , ومثل ميقول المثل العراقي(بعيد وسعيد )
ومثل مكلتي حضرتك احنه اصلا محد يعرف الثاني ,, وهي هاي المصيبة, فما من حق اي انسان يجي يتكلم ويحكم على ناس هو ميعرف منو همه ,, هل هم اكبر منه عمرٍ او اصغر ,, هل هو ابن ناس وابن عوائل لو ممتربي (حاشه الطيبين ) شنوا مستوى الدراسي والعلمي ,, فأنا بالنسبة الي الصراحه ما اتحمل اسمع هيك كلام وابقى ساكت , والمشكل اذا ارد راح ابرد قلب المقابل ويكبر الموضوع اكثر واكثر ,, فخلينا هنا وراسي بارد والف عافية عليهم المكان السابق وانشاء الله انشوفهم قادة ويقودون المسيرة بدون منافس ,, وربي يوفق الجميع

اخوكم /يوسفي

[amdodo]

صباح الخير على كل الاخوه والاخوات الافاضل
شلونج حبيبتي Face1 نورتينا عيوني وشلون الوالده الله ينطيها الصحه والعافيه
والله ياحبيبتي انتي شفتي شصار من تجاوز واحنا داخلين لنستفاد ونفيد مو داخلين حتى نسمع كلام ....
المهم اختي العزيزه مااريد اطول بهذا الموضوع احنا اهنا موجودين ومرتاحين واهلا وسهلا بيج ونورتينا مره ثانيه
بس خبريني شسويتي على موضوع الوالده رحتي ضفتيها بملفج لو بعدج ؟ الله يوفقج ويسعدك يارب 
طمنيني عليج
اختكم ام دودو

[موناليزا]

السلام عليكم وعلى كل فاعل خير وكل عام وانتو بالف خير,,,,,اني اعيش بالامارات وعندي 3 اطفال وزوجي انقتل بالعراق واني اشتغلت بشركه كان شغلها مع الامريكان بس شغلي كان اقل من سنه لان اني قدمت على الsiv بس الاخوه كالولي لتعبين نفسج وتقدمين وبعدين يجيج رفض لانو انتي مشتغله اقل لمن سنه  وهمه شرطهم الا سنه او اكثر ميصير اقل """ وتركت هذا الموضوع وهسه شلون اقدم يعني اروح لليوان والله يخليكم ساعدوني لان ماعندي ألمام بهذا الموضوع بس اني قريت على التقديم بس كل واحد يكول شكل واني فرحت كلش من شفت انتو هنا مسوين صفحه للعايشين بالامارات واشكركم وهذا كله بميزان حسناتكم. وشكرا[

[keaghost]

اغاتي اليوسفي شلونك اخوي مشتاقلك

[keaghost]

شلونكم اخواني الاعزاء و شكر خاص لاخوي اليوسفي و ام دودو لان كلونا على هل موقع و تحياتي للجميع

[keaghost]

اختي العزيزة قدمي على ال iom و icmc و اليو ان بنفس الوقت و الي تمشي قبل الثانية خير و بركة و التقديم باكثر من مكان عادي ما ياثر على قضيتك و اذا محتاجة الاميلات بالخدمة اني و تقبلو تحياتي

[amdodo]

الف شكر الك يااخويه keaghost ماشالله عليك سباق لخدمه الاخرين والله يوفقك ويحفظ عائلتك يارب
  اختي العزيزه الموناليزا اهلا وسهلا بيج بين اخوتج واخواتج والله يعينج ويسهل كل امورج ...اولا انتي مشتغله ويه الامريكان ومثل مكال الاخ اتقدمين على iom  عن طريق الايميل  وهذا اخوناkeaghost يفيدج بي ...وثانيا اتقدمين على اليوان وهمه بدورهم اذا وافقوا عليج را ح يحولوج عل icmc  وهذوله نفس المنظمه وعملهم واحد ...مثل متفضل اخونا  العزيز keaghost
وهذا رقم اليوان 026677668 _____    ic@iom.int  وهذا ايميل المنظمه
ولازم تكتبين قصتج وتحضرين والجوازات وشهاده وفاه زوجج وتوصيه من الشركه الي كنتي مشتغله بيها وشنو عندج ورقه مهمه حضريها واستنسخيها
وتدللين
اختج ام دودو

[amdodo]

 عيوني اختي الغاليه face1
اني كتلج من الاول لازم الوالده تكون على كفالتج ...بس تعرفين همه يوميا قرار
المهم حبيبه باجر روحي واتوكلي على الله بس لتاخذين الوالده واتبهذليها اخذي صورتها وياج وكلويلهم هي كلش مريضه وشوفي صورتها لمدام مي
لان اذا  تاخذيها راح تتعب لان اكيد راح تنتظرون بالكرفان وبهذله وهي مريضه ماكو داعي انشالله تاخذيها بيوم مقابله المعلومات وانتي اشرحلي القصه كلها لمدام مي وابجي وبلكت الله تشوفلج حل علمود الاقامه
واني راح اضل ادعيلج بكل صلاه الله يوفقج يارب وطمني على اخبارج
 اختكم ام دودو
 :

[Face1]

مساء الخير
ارسلت رسالة الى الاخت الغالية ام دودو هل وصلت ام لا
وارسلت رسالة الى الموقع ولا اعرف هل تمت قرائتها او لا سلامي لجميغ الغالين

[Face1]

مساء الخير اخوتي واخواتي
بكرة اليو ان فاتحين ام لا اريد اخذ الحجية وياية وتعرفون هية مريضة وطريق وحر عليها
وهل لديكم معلومات الست نسرين والست مي بكرة موجودين ام لا تحياتي للكل

[uae123]

السلام عليكم اشلونكم اخوان انشاءالله بخير

[amdodo]

كل الهلا بيج اختنا uae123 شلون اخبارج ؟
نورتي  المنتدى

[keaghost]

هلا و الله بيج اختنا ام دودو و احنا بخدمة الطيبين دائما و يا ربي يعينا و نخدم الناس بكد ما نكدر و الله هناك الموقع لان صار شخافات كل واحد صار يسوي كم اكاونت و يدخل و يسال و يجاوب و يمتدح نفسة بنفس الوقت على اساس ما مبينه فخلينا هنا احسن و بنفس الوقت نجاوب على الخاص مناك و الناس كلها الموجودين انشالله خير و بركة و تحياتي الكم مرة ثانية و كل الاعضاء الطيبين

[يوسفي]

السلام عليكم ورحمة الله وبركاته ,,, اخواتي اخواني الطيبين ,, اسعد الله صباحكم ويارب يومكم يكون كله خير وبركة ورزق من الله سبحانه وتعالى,,,كل الهلا بالاخ (keaghost) والاخت الفاضلة (uae123) ونورتونا بصفحتنا العزيزة ولو البيت بعده صغير  ههههههههههه بس انشاء الله يكبر بوجودكم وبوجودك كل الطيبين الاصلاء,,, وانشاء الله عدنا كم اخ طلعوا من الامارات قبل كم شهر ويدخلون بين فترى وفترى يكلمون عن تجربتهم بالحياة الجديدة,,
اظن ماكو شيء جديد عن المفوظية لان انا داتصل بيهم كل جمعه على تركيا واسالهم يكلولي انتظر ماكو شيء لحد الان وانشاء الله ياربي الخير يصيبنا ويصيب كل الاخوه الي دينتظرون,, وربي يوفق الجميع


اخوكم /يوسفي

[keaghost]

حبيب كلبي اخوي اليوسفي البيت صح صغير بس منور بيكم و بالناس الطيبين و انشالله جمعة خير ياربي و انشالله يا ربي نسمع اخبار حلوة و الله اني هم جاي اتصل بتركيا كالو بعد رمضان ممكن تكون الدورات التثقيفية و انشالله يا ربي كل خير

[keaghost]

اشكرك اختي ام دودو الوردة و يا ربي يسهل امرك و امور الكل انشالله بحق شهر رمضان الكريم و انشالله يا ربي ما يخلص الشهر الا و الكل سامعه اخبار حلوه و انشالله الله يقدرنا و نساعد الكل على الاقل بالمعلومات الي عدنا او عن طريق التجارب الي مرينا بيها

[انس اسماعيل]

السلام عليكم انا عضو جديد ارجو المساعده والنصيحه انا امس قدمت ملفي الى المنظمه وقابلت مدام مي وقالت لي ماقصتك حجيتله رؤس اقلام قالت لي هذا غير مقنع بالنسبه لوجهة نظر المحلفين خلت الدنيا اصير سوده ابعيني او مادري شو اسوي

[keaghost]

اخوي العزيز انس لازم تحجيلهم قصة طويلة و بالاحداث و التواريخ و حاول شغلة انه تسحب الاوراق مالتك و تقدمها من جديد علمود تمشي الامور و لازم الكلام الي تكتبة تكون حافظة 100 بالمية لان راح تنسأل بيه بعدين هواي  و تحياتي الك و بالتوفيق

[Face1]

صباح الخير لكل الطيبين
البارحة رحت للمنظمة والسيدة مي كالت ممكن تضيفيها على ملفك اكدت عليها انو الوالدة ليست على كفالتي كالت المهم عدها اقامة واقامتها سارية المفعول
نطتني فورم جديد وكالت عبي من جديد ونحسبة من تاريخ تقديمج الاول وكتبي كل الاحداث اللي مريتو بيها انت والوالدة ورفقي اوراق مراضها
فانا اشكر الله عز وجل على هذه الفسحة الصغيرة من الامل واتمنى النجاح لكل خير
وشكر عميق للست مي وارجو من الله ان يسدد خطاها للخير ومساعدة كل مظلوم
شكرا ام دودو اعتقد دعائك مستجاب لان الست مي كانت متعاونة جدا جدا ونصحتني الله ايفرج لكل متضرر
رمضان كريم

[keaghost]

بالتوفيق للاخت فيس و انشالله تتسهل امورك اكثر و اكثر و الحمد لله على اضافة الوالدة و كتلك اختي من الباداية ما بيها مشكلة اضافتة المهم انها عندها اقامة منو الكفيل مو مهم و انشالله بالتوفيق و رمضان كريم عليكم

[يوسفي]

السلام عليكم ورحمة الله وبركاته .. الاخوه والاخوات الطيبين اسعد الله ايامكم ,, ونسأل الله العظيم ان يبلغنا شهر رمضان ونحن وانتم وكل المسلمين في مشارق الارض ومغاربها بالخير والصحه والعافية . ونسال الله سبحانه ان يثبتنا على دينه وان يستر اعراضنا واعراض الملسمين...
الف الف مبروك للاختنا الكريمة Face1  على هاي الاخبار الحلوة . وانشاء الله يارب اتكون اول خطوة نحوا السفر والحياة الجديدة ويارب يحفظلك الحجية ,وبلغيها سلامنا وسلام العائلة ..

الاخ الحبيب  انس اسماعيل ونورتنا بطلتك الكريمه,, ولا نقول اكثر مما قاله الاخ الغالي  keaghost ولازم اضبط القصه وتكتبها واتصور صوره منها وتحفظها مثا اسمك الثلاثي وتحتفظ بيها ,, واحب اضربلك فد مثل /اكو شخص بأيام العسكرية غاب كم يوم على اجازته فمن التحق بوحدته ابوه وصله بالسيارة وكان معاه صديق يداوم بنفس الوحده .فالاخ مرتب امورة قبل ميلتحق ومسوي شهادة وفاة بأسم ابوه وكل لصديقة اي شيء اشوفه من راح ندخل كول عليه اي صحيح..فدخلوا للوحده ساله الضابط وين كنت صارلك كم يوم,وعينك متشوف اله النور .. مكدر يجاوب يا عيني عليه من القهر  صار يمرغل نفسة بالتراب من حزنه على وفاة ابوه بحيث صديق الي كان معه صار يبجي اكثر منه هلكد معاش القصه معه ,بحيث الضابط راسنا انطاه سبع ايام ثانيه فوق الايام الي كان غايبها.لا وفوكاها الضابط يكله اريد اجي اعزي وين صاير ة الفاتحه ... فهاي مختصر القصه وما بيها يا اخي العزيز ,, وانت بعد افهم شقصد ,, وهاي بيناتنا طبعا مو اتكول لحد 

وانشاء الله ربي يوفقك ويسهل امورك...

اخوك /يوسفي

[أبو عبدالله]

السلام عليكم
أوصيكم وأوصي نفسي بكثرة الصلاة على الحبيب في هذا اليوم المبارك
وليكن يقيننا بالله سبحانه وتعالى أن الخير منه جل في علاه وأن لم يرضى به العبد
لأن الله أرحم بنا من أمهاتنا
والله أسأل أن يسهل أمورنا جميعاً
وسلام خاص لأختي أم دودو والشكر موصول لأخ يوسفي
أخوكم أبو عبدالله

[Face1]

مساء الخير اخوتنا الكرام
جمعة مباركة وخير وبركة  لكل خير
شلونج عزيزتي ام دودو الغالية ان شاء الله بخير مساء الخير اخوية جاكسبيرو والاخ اليوسفي  واهلا وسهلا بالاخوة الكرام الجدد
الله ايسهل على الجميع رمضان كريم

[يوسفي]

السلام عليكم اخواني اخواتي الكرام ,, واسعد الله ايامكم  وغفر لكم ذنوبكم  وبارك لكم في ارزاقكم وعوائلكم ,,,
كل الهلا باخونا (حنكوش) ونورتنا بمشاركتك الطيبة,, وجاوبناك على قدر المستطاع وانشاء الله كدرنا نفيدك بشيء,, وياربي يسهل امورك وامورنا وامور كل اخونا واخواتنا الكرام ,,,


يوسفي

[amdodo]

مساء الخير عل الجميع
عيني هذا ايميل منظمه  iom وايميل منظمه icmc

Ic@iom.Int

vines@icmc.net

وبالمناسبه اني راسلت منظمه iom ردولي جواب مفاده هو تقدمين على اليوان بالامارات ومع العلم انا فيه كافه الشروط الي تسمحلي التقديم على هذه المنظمه

وهذا الايميل للمفوضيه  الامم المتحده في ابو ظبي

uaeab@unhcr.org

اختكم ام دودو

[amdodo]

اخواني واخواتي هاي ايميلات وارقام تلفون كاتبها احد الاخوه الله يوفقه وحبيت انقلها لكم للفائده(منقول)

هاي ايميلات ال ICMC الي بتركيا و USA

 ICMC in USA

bloom@icmc.net

ICMC in Istanbul

hasanbegovic@icmc.net

lsamardzic@icmc.net

طبعا هاي ايميلات المدراء يعني من ادزون ايميل خلي رقم الكيس بالسبجكت و دز الايميل معين والباقين خليهم بال CC
انشاء الله بيه الفايده للي شغلته متعلقه بال ICMC
الايميل باللغه النكليزيه احسن

تحياتي الكم

هاي المعلومات مال IOM انقرا
International Organization for Migration (IOM)
Birlik Mahallesi 2
Cadde No:11- Yildiz
Cankaya
06610 Ankara
Turkey
Tel:    +90.3 124 54 11 44
Fax:    +90.3 124 96 14 95

والايميل مالتهم
ankmission@iom.int

iomturkeyops@iom.int


هذه رقم ال IOM  اسطنبول

Tel: (+90 212) 293 50 00

[شجرة الدر]

السلام عليكم اخواني واخواتي والغالين احب ان ابارك لكم شهر رمضان الكريم  واقول لكم جاء رمضان فلكم مني شيئان اولهما دعوة بالقلب واللسان وثانيهما دعوة للطاعة والغفران واتمام شهر رمضان وبركة ختم القرآن وعتق من النار وفوز باعلى درجات الجنان

اما بعد فاحب ابلغ اخي الكريم يوسفي انه بالنسبه لنا سنه ننتظر قرار المحلف لان الملف ياخذ دور للتقديم عاللجنه اللي تدرس الملف وبعد ذلك يجتمعون ويقررون على الملفات اللي درسوها يعني احنه سته اشهر انتظرنه دور لما تقدم للجنه ومن تقدم انتظرنه ثلاثه شهور دراسه وراها بثلاثه شهور صدر القرار موافقة محلف مبدئيه ووراها تم الدخول بمعمعة الموافقه الامنيه والتجييك الامني اللي يبس قلوبنا ياله كمل وجيب ليل واخذ عتابه كلها طولت سنه وخمس اشهر ياله سافرنه بين موافقه امنيه وتحديد الولايه وموافقة الولايه وجتي موافقة فلان وانسحبت موافقة فلان يبوووووووو انشلع كلبنه المهم كملت ويوم اللي الك وتفرحنه ان شالله عن قريب الفرج للجميع

اختي الغاليه ام دودو شخبارج حبيبتي ان شالله بخير مشتاقون لسماع اخباركم الحلوه الله يسهل عالجميع حبيبتي هسه تجون وتشوفون هي الحمدلله استقرار من طرف لاخلصت الاقامه ولا حيري بالاقامه ولا دفعي اقساط المدارس بس من هاذي الشغله تخلصين بس تطلعلج غير شغلات فواتير تكسر الظهر وقرض السفر والايجار والماء والنت وغيرها المهم الله يسهل عالجميع اشتغلت فتره وبطلت لان تعرضت للتعامل السئ والعنصري وهسه داابحث عن عمل جديد لان يد واحده لا تصفق مثل مايكولون والعيشه هنا ميلحكلها راتب واحد

تحياتي لكم اختكم شجرة الدر

[JackSparrow]

اخي حنكوش انته اذا قدمت القصة مالتك ووافقو عليها قبلوها هاي اوكي
بعدين اول مقابلة وية الامم المتحدة عود ضيف على القصة مالتك
اني احجيلك عن نفسي قدمت بقصة عادية وورة ما قدمت القصة تصوبت وتهددت مرة ثانية ومن اجة وقت المقابلة حجيتلهم الوقائع الجديدة باول مقابلة
انته المهم القصة مالتك تنقبل وبعدين الله كريم شتريد تضيف ضيف بس طبعا متحجي حجي متخلف عن القصة الاولى

[JackSparrow]

اخي ولله تعتمد علقصة اولا اني شغلة سحب الملف ما اعرفها ومامتاكد منها تصير لو لا
بس اذا تريد دزلي القصة الي قدمته على الرسائل الخاصة حته اقراها وانطيك رايي بيها

[يوسفي]

السلام عليكم ورحمة الله  ,, الاخ الفاضلة (شجرة الدر )ربي يوفقك ويبارك فيكم ,,وربي يبلغنا واياكم رمضان بالصحه والعافية والستر  والرزق الحلال الطيب,, ومشكورة على كل كلامك وردك الكريم,, واحنه املنا برب العالمين كبير,,وكل الي يقدمه سبحانه خير وبركة,,,
الاخ (JackSparrow) كيف الحال  ,, والك وحشة اخي الكريم ونورتنا بردودك القيمة ,, وياريت متحرمنا من مشاركاتك القيمة لان انت صاحب خبرة كبيرة وانا وباقي الاخوه والاخوات كثير نحتاجك ,, وربي يباركلك برزقك ويحفظلك الاهل ويستر عليكم ,,
الاخت  الفاضلة(Face1) وصلت الرساله وهاي شوي يرادلها صفنه ووقت وانشاء الله بأقرب فرصة ارتبها,, وربي يحفظلك الحجية ويبلغكم رمضان بالصحة والعافية ,,,

وسلامي ودعائي لكل الاخوه والاخوات بهذه الايام المباركة ,, وربي يحفظكم

اخوكم / يوسفي

[amdodo]

شلونكم خواتي واخوتي انشالله الجميع بالف خير
حبيبتي شجره الدر مشكوره على كلامك الجميل  والله يوفقكم ويسعدكم ويرزقكم بحق هذا الايام المباركه ويحفظلج الاولاد واتمنالج السعاده وراحه البال من كل كلبي... ودائما طمنينه عليج حياتي لان انتي متنسي وكفاتج ويه الكل ياأصيله.
بالنسبه لاخباري انطوني كيس نمبر اليوان  وبعدنا بالانتضار والصبر (صبر ايوب) والحمدلله والشكر لرب العالمين

اخي المحترم (حنكوش ) اخويه مادام انت هستوك مقدم قصتك واوراقك  ممتاز ...اني اكولك شسوي اكتب قصه جديده مثل ... واذا وصلتك اوراق التهديد هم ضيفها ...واتوكل على الله وروح لليوان كولهم اني كنت مضايف اشياء بقصتي لان كنت مذاكرها عبالي متفيد باللجوء وهسه عدلتها واريد ابدلها واضيف هاي الاوراق وياها ....وابوك الله يرحمه

اختك ام دودو
ا

[موناليزا]

مرحبا ورمضان مبارك عليكم وعلى كل العراقيين اني اشكر الاخ كوجهوست والاخت ام دودو والله ينطيكم على قدر مساعدتكم للناس  انتو متعرفوهم وتساعدوهم  وهذا أجر كبير عند الله والله يجازي كل واحد يفك ضيقه مسلم
اني رحت اخذت استماره من يوان بأبو ظبي وكتبت قصه حياتي المؤلمه اني عندي 3 جهال اولادي الاثنيين من زوجي الاول طليقي وبنتي من زوجي الثاني وطبعا ابو الاولاد انقتل انخطف وانقتل  وزوجي الثاني انقتل لان اشتغل ويه الامريكان واني هسه اشتغل هنا والله موجود ++اني حضرت اوراق الوفاه وصور الجوازات ورقه تؤيد عملي ويه الامريكان
اريد اسالكم اني قصتي يقتنوعون بيها يعني يخلوني اسافر والله راح اموت من التفكير والقهر والله ينطيكم بس طمنوني

[انوار بغداد]

السيدة موناليزا  المحترمة
اولا كولي يا الله وان شاء الله ما ينساك  واني وجميع الاخوة في هذا البيت بخدمتك وحاضرين لاي مساعدة
ثانيا انت ظروفك صعبة واكيد راح يقتنعون بحالتك
ضبطي امورك واقراي المعلومات اللي مذكورة في المنتدى حول التقديم وحول المقابلات وان شاء الله مقبولة اكيد
اتمنالك الموفقية

[انوار بغداد]

ام دودو المحترمة
بارك الله بك ومشكورة على هاي كلماتك الحلوة  واتمنى تتواصلين ويا موناليزا وتساعديها واحنا ببغداد اذا تحتاجون اي شي
واتمنالكم التوفيق

[keaghost]

اخواني و اعزائي مبروك عليكم شهر رمضان يا ربي يتقبل منكم الطاعات و يجعله شهر خير على الجميع يا رب

[Face1]

صباح الخير الاخت انوار كيف الحال
صباح الخير لكل اهل الجمعية وان شاء الله رمضان خير وبركة على الكل وتتحقق فيه كل رجاء النا عند رب العزة
لو سمحتي ممكن تخبريني عن مكان المعلومات حول التقديم الله ايسر امرك وشكرا الك

[انوار بغداد]

الاخت face1 المحترمة
صبحكم الله بالخير
المعلومات في المنتدى كثيرة وبالتفصيل  اما ان تبحثي عنها واما ان تقولي ماذا تريدين وانا وجميع الاخوة والاخوات في خدمتك
اول خطوة في كل شي ان تعرفي ماذا تريدين وتحضري الفكرة في بالك ثم تعطينا المعلومات الاساسية  ثم سنوجهك ان شاء الله  وتدللين

[يوسفي]

السلام عليكم ورحمة الله وبركاته... وكل عام انتم بالف خير ورمضان مبارك علينا وعليكم وعلى جميع الامه الاسلامية وربي يفرج كل همومكم.. ويسهل امركم  ويسدد خطاطكم...

ومبروك على الوصول الى الصفحة الثانية في هذا المنتدى الكريم  وهذا كل بفضل مشاركاتكم القيمة  وربي يوفقكم..

الاخت الفضلة  موناليزا  ربي يصبركم وياجركم في مصيبتكم ويخلفكم خيراً منها .. اختي الفاضلة اطمئني وخلي قلبك بارد ورب العزة حاشاه ان يتخلى عنكم حتى لو تخلى عنكم البشر.. بس الشغله يرادلها صبر ثم الصبر ... لان هنا مثل متعرفين بالامارات ماكو لجان توطين ثابته .يعني يجون بالسنة مرة واحياناً مرتين . وانشاء الله ربي يفرجها عنك وعن اولادك الكرام في هذه الايام المباركة ...وربي يوفقكم ويوفق الجميع,,,,

[يوسفي]

ربي يوفقك اختي الفاضلة {  ام دودو } ويعيده عليكم وعلى عائلتكم الكريمة,,  وعلى الاخوه والاخوات الافاضل بالخير والبركة والثبات على الدين,,
وياريت  الدولمة اتكون حمرة شوي واتكون حامضة  وكثري (السلق بيها لو سمحتي)  هههههههههه دنتبطر فوكاها...
الف عافية عليكم الصوم والفطور ,, بس من بكرة انشاء الله لحد يجيب طاري الاكل قبل الفطور  فدوة لان نتعب

وكل عام وانتم بالف خير

يوسفي

[موناليزا]

الله يوفقكم كلكم بدون استشناء لان القدمتوا الي الاقرباء ميقدموا رحمله والديكم لان اني جنت حايره وين اروح شسوي على اساس اروح لسوريا اعيش هناك بس اخاف مالكي شغل على الاقل اني هنا اشتغل بشركه وكاعده بغرفه بشقه حماتي وزوجها يعني الايجار نص ومستوره والحمدلله بس ماانام الليل اريد اضمن مستقبل جهالي والله يستر عليكم مثل منطيتوني الامل
والعظيم صارلي يومين انام بدون تفكير فرحانه الله يفرح كلوبكم ويزيل كل همومكم  لو خليت لقلبت
اريد اعرف من استنسخ الاوراق ملون الاستنساخ لو عادي ؟واني القصه كتبتها بالانكليزي
وشكرا____________

[انوار بغداد]

الله يوفقكم كلكم بدون استشناء لان القدمتوا الي الاقرباء ميقدموا رحمله والديكم لان اني جنت حايره وين اروح شسوي على اساس اروح لسوريا اعيش هناك بس اخاف مالكي شغل على الاقل اني هنا اشتغل بشركه وكاعده بغرفه بشقه حماتي وزوجها يعني الايجار نص ومستوره والحمدلله بس ماانام الليل اريد اضمن مستقبل جهالي والله يستر عليكم مثل منطيتوني الامل
والعظيم صارلي يومين انام بدون تفكير فرحانه الله يفرح كلوبكم ويزيل كل همومكم  لو خليت لقلبت
اريد اعرف من استنسخ الاوراق ملون الاستنساخ لو عادي ؟واني القصه كتبتها بالانكليزي
وشكرا____________

السيدة موناليزا المحترمة
الاستنساخ ملون
والقصة انكليزي واكتبيها عربي حتى تبقى ببالك
واحنا متواصلين وياك وتدللين

[يوسفي]

السلام عليكم ورحمة الله وبركاته,, الاخت الفاضلة مونا ليزا  ربي يطمن قبلك ويريحك بهاي الايام الفضيلوة والشهر المبارك..

اختي الفاضلة . من حقك اتكتبي قصتك بالعربي او بالانكليزي ميضر, واني بالنسبة الي مقدم بالعربي وصارلي اكثر من اربع سنين مايوم كتبت اي شيء وقدمتة بالانكليزي ,, وكثير اصدقاء اعرفهم قدموا ومشت امورهم , ومنهم من قدم انكليزي ومنهم من قدم عربي ,, واخر واحد اعرفه الاربعاء الي مضى قدم اوراقة وسأل المدام مــي كلتله بكيفك اتحب تكتب قصتك بالعربي او الانكليزي .. وهذا الي احب اعلمك بيه ,,, وربي يوفقك ويسهل كل امركم

يوسفي

[amdodo]

مساء الخير وليله مباركه  ان شاءالله
عندي اضافه على كلام الاخوه المحترمين ( الفورم يجب ان يكتب الانكليزي)  وهذا  كلام مدام مي بس كبل سنه , اما بالنسبه للقصه واذا انتي كاتبتها بالانكليزي اكتبيها بالعربي وخلي نسختين زياده الخير خيرين ولتنسين احتفظي بنسخه حتى لتنسين التواريخ وتفاصيل سردج للقصه, واحنا وياج خطوه بخطوه حبيبتي

[Face1]

مساء الخير اخوان رمضان كريم ينعاد عليكمم بالخير والبركة
يا اعزائي يالغالين القصة ليس من الضروري تكون بالانكليزي انا سالت ريتا وقالت ممكن كتابتها بالعربي والمدام مي ما كالت لازم انكليزي لان انا اصلا التقيت بيها قبل شهر ولم تقل لما كاتبتها عربي انا الى الان متخوفة من التعديل لان صارت عندي ردة فعل من اللقاء السابق اي قبل شهر الان خايفة اضيف تفاصيل اخاف اتصير النتيجة عكسية وواكفة بمكاني شلون بية عبالك داحضر دكتورا اقرة من هذا المنتدا ومن هذا ومنا ادور ومنا
والله يا ام دودو دايخة جداااا المهم ان شاء الله اكتبها بكرة واشوف شلون
شكرا جزيلا الك ولسؤالك واهتمامك والف عافية
تحياتي الى الاخ اليوسفي والاخ جاك سبيرو وكيجهوست وكل الجدد الله ايسهل عليكم وعلينا وتفرج علينا تباعا 

[Ahalna]

الاخوة و الاخوات في كروب الامارات السلام عليكم و رحمة الله وبركاته

البارحة كان هذا الموضوع مجرد اقتراح من الاخ يوسفي ,, اليوم ما شاء الله الموضوع بدأ يكبر باعضاءه و مشاركاته.

ان شاء الله التوفيق لكم في مسعاكم و مساعدتكم للغير ,,,


تحياتي