شنو طبختوا اليوم ...........

الكاتب موضوع: شنو طبختوا اليوم ...........  (زيارة 59839 مرات)

0 الأعضاء و 1 ضيف يشاهدون هذا الموضوع.

Jun 04, 2011, 02:41 مساءاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #50 في: Jun 04, 2011, 02:41 مساءاً »
أي حبيبتي وفيتي وكفيتي، أي يمه مكتوب عليه سبرنك رول صحيح ، ها يمه ويا كل طبقه زيت مو يصير كلش دهين وخالتج بيها ضغط ، زين موني ايصير مابيها زيت بين الطبقات يعني كبل ما احطها بالفرن أحمي زيت واديره فوكاها مثل ماسويت من شويت البورك ذاك اليوم طلع عبالك مقلي ؟ أكو يمنا هندي وآني رايحتله عدة مرات أشتري بهارات وتمن منه بس ما ساألته على كنافه هالمره من اروح
آني كلش أشكرك حبيبتي ، الدولمه البارحه طلعت اتخبل مكانج خالي آني أخذتله صوره بس البلو توث مال الحاسبه ديسويه علاوي واشوفج ، لأنه الصوره بالموبايل مو بالكامره ، ها نسيت هاليوم طبخت يخني دجاج اللي يصير بيه حمص مجروش وبصل ونومي بصره وعصير طماطه ، أمي الله يذكرها بالخير جانت أتسويه وآني أتعلمت منها وراح أسوي وياه تمن تدرين بعد الولد الله يخليهم وابو علاوي اذا ماكو تمن الكل ماتشبع وزلاطه مال خس والحلو ركي طبعاً الركي الأمريكي ماشالله عليه كلش طيب ، هسه الساعه بال7 ونص الصبح آني طبخت من وكت اليوم لأنه عطله وأحتمال نطلع .

تشكرين حبيبه

Jun 04, 2011, 11:01 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #51 في: Jun 04, 2011, 11:01 مساءاً »
ام علاوي الكنافة احتمال ماتلكيها عند الهندي حاولي بالمحلات العربية وخاصة عند الفلسطينيين واللبنانيين .......بالنسبة للبقلاوة جربي بعد ماتكمل تحطين الزيت (طبعا بالزبد بعد اطيب) وهي كلما دسمة اكثر تكون اطيب وحاولي تاكلين قطعة وحدة وان شاء الله ماعندج الا العافية حبيبة ............ذكرتيني بيخني الدجاج صارلي هواية مامسويتة ان شاء الله اسوي هاي فائدة الموضوع واحد يذكر الثاني والف عافية وان شاء الله تتوفقون بطلعتكم اليوم ..............تحياتي ياوردة
ان حظي كدقيق فوق شوك نثروه     ثم قالوا لحفاة يوم ريح

Jun 04, 2011, 11:37 مساءاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #52 في: Jun 04, 2011, 11:37 مساءاً »
تصدكين موناليزا تبقى جوعانة بنتي ومتاكل الشي اللي متحبه شوفي شلون عنيدة والله لو تدرون شلون شالعين كلبي تتعجبون عليه مو تقرون دائما اكتب مليت من الطبخ اكو عراقي بلدنيا ميحب باميا بس جاوبوني اني قسم من عائلتي متحب الباميا وحايرة يومية هذا نحب وهذا منحب اكو شغلات بلطبخ سورية تعلمتها من امي الف رحمة على روحها لان امي سورية يحبوها لان بيها هواية شغل وتعب يله ماادوخكم وياية كل واحد مشغول بهمومه

Jun 05, 2011, 04:41 صباحاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #53 في: Jun 05, 2011, 04:41 صباحاً »
أي يمه موني رحت هاليوم للهندي اي لكيت عنده عجين كنافه بس كلش عتيك وما عجبتني كلت عود اروح بلكت الكي عند محل المصري ، اشكرج حبيبه.

Jun 05, 2011, 04:50 صباحاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #54 في: Jun 05, 2011, 04:50 صباحاً »
الله يساعدج يمه ديما صدك كل الناس اتحب الباميه صغار كبار ، هاي أختي هم مثلج ولدها شالعين كلبها وضعاف ماياكلون أتحير شتسوي وأكلها خطيه كلش طيب ، بس من يطلعون تنفتح شهيتهم فآتي أشكتلها بالعطله تعالوا أكلوا يمنا ، الله شكد حلوه ذيج الأيام لو نروح لبيت أهلي ونلتم لو يجون عندي ، آني كلش مشتاقه لأمي وخواتي ولمتنا سوا جنا من الضحك دموعنا تنزل .

Jun 05, 2011, 05:21 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #55 في: Jun 05, 2011, 05:21 صباحاً »
ديما الله يساعدج حاولي تسوين نواشف للاولاد لان بصورة عامة مايحبون التمن والمرقة او سوي اشياء بيها صوص لون اصفر او بني من باب التغيير لان ملوا اللون الاحمر ...........اني مثلا اسلق معكرونة او سباكتي واحطها بالصحن ووياها اي نوع من انواع اللحوم وبي صوص وخضر ومعاها سوي مقبلات (مثلا مايونيز او فتوش) وشكليها سوية بالصحن حتى يصير الوان ويشتهون ياكلون  .................تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 05:24 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #56 في: Jun 05, 2011, 05:24 صباحاً »
ام علاوي ان شاء الله تلكين العجينة.........ان شاء الله تلتقين بالاهل وتسترجعين الذكريات الحلوة .........تحياتي يا وردة
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 09:22 صباحاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #57 في: Jun 05, 2011, 09:22 صباحاً »
موناليزا هاى شدتحجين اسوي شي اصفر بدون صلصلة الطماطم غير يشنقوني وهمه عايشين على المقبلات اسويلهم تبولة حمص بطحينة بابا غنوج سلطة باذنجان شيعجبج اعرف اسوي بس مو دااكلج كل شي بي تعب وثرم يحبوه مو اني زوجي هم شوية يحجي على الاكل مثلا دجاج ضربيه طلقة لتكليلي دجاج بس كنتاكي ياكله او اشوي على الفحم مع تتبيلة هم موهيجي وكتبت طريقة ددوفي يمكن كتبها مال كنتاكي واسويها على الاكثر باجر باذن الله تعالى تسلمون يااحلى بيت احجي واسولف بيه براحتي بدون تقيد

Jun 05, 2011, 09:34 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #58 في: Jun 05, 2011, 09:34 صباحاً »
الله يعينج مو بس الله يساعدج لان طلع الاب مو بس الاولاد ......هاي هية سوي الاشياء المتعبة احسن ماتطبخين ومحد ياكل وبالنهاية ينذب بالزبل هم حرام ...........كلش طيب الكنتاكي على طريقة ددوفي لان سويتة وكلش نجح عندي ...........تحياتي ديما
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 10:18 صباحاً
sparky
  • *
  • مشاركة: 940
  • مقيم في: ae
  • تقييم 20
  • الجنس: ذكر
  • || الدين النصيحه || لاتنسى ذكر الله
رد: شنو طبختوا اليوم ...........
« رد #59 في: Jun 05, 2011, 10:18 صباحاً »

السلام عليكم يالطيبين والطيبات
اني احب البانيا - باميا - وخاصة الكزوم مالتها ماادري منهم يسموها كزون الباميا

لذا اطلب راجيا ذكرها على الاقل لتكون السوفت كوبي من الباميا
okra soft copy

لاتنسى ذكر الله -- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

Jun 05, 2011, 10:40 صباحاً
الاماني
  • *
  • مشاركة: 5133
  • مقيم في: jo
  • تقييم 58
  • الجنس: أنثى
رد: شنو طبختوا اليوم ...........
« رد #60 في: Jun 05, 2011, 10:40 صباحاً »
هلو مونا  حبي  هو غير  اتررريك بالاول  اشو بالدعش الا ربع وبعدني ممتريكه هههههه راح ادمج الريوك ويه الغده
اني ماما مسويتلي شوربه خضار وهمه طابخين  بامية وتمن  واني اموت على البامية

Jun 05, 2011, 03:58 مساءاً
صائد الزمن
  • *
  • مشاركة: 27
  • مقيم في: dz
  • تقييم 2
  • الجنس: ذكر
رد: شنو طبختوا اليوم ...........
« رد #61 في: Jun 05, 2011, 03:58 مساءاً »
سباغيتي ، سمك لاتشا طازج
السلام والأمان مبتغى كل انسان

Jun 05, 2011, 04:43 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #62 في: Jun 05, 2011, 04:43 مساءاً »
اخ سباركي .........اني استخدم اللحم العكوس تكون مسلوقة على جنب اجيب الباميا اقلبها شوية بالزيت واضيف فصوص الثوم والقليل من ماء اللحم بحيث يغطي وبعد نضج الباميا اضيف ماء الطماطة وبعد الغليان اضيف اللحم والحامض والملح والقليل من السكر ..............تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 04:45 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #63 في: Jun 05, 2011, 04:45 مساءاً »
امونة تركي شوربة الخضار واتمتعي بالباميا والف عافية .............تحياتي حبيبة
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 04:46 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #64 في: Jun 05, 2011, 04:46 مساءاً »
صائد الزمن ان شاء الله هني مري .........تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 05, 2011, 06:12 مساءاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #65 في: Jun 05, 2011, 06:12 مساءاً »
أشلونكم يمه ، موني عاشت ايدج على الباميه كلش طيبه آني هم اسويها هيجي بس من يردون الولد تشريب شويه اسويها خفيفه ، وطبعا الله يسلمهم وبسلمج حبيبه اذا الباميه مو تشريب وياه تمن مايريدون، والله حيره بهالديره لو اكو يمنا خبز عرافي جان كلش تمام ، آني اسوي صمون ،  وعيش،بيتزا،لحم بعجين،عرايس،سمبوسه هم اسوي بس الخبز ماينجح عندي ، يمكن الا تنور يلا يصير لأنه بالفرن أحترت أجرب ولا نجح يطلع مثل الصمون ، هسه عاجبهم خبز عروك واخاف اسوي بالفرن لا ماينجح ، يمه بلكي فد طريقه اتحل هاي المشكله حبيبه ، سالمه أنشالله.

Jun 06, 2011, 12:01 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #66 في: Jun 06, 2011, 12:01 صباحاً »
حبيبتي ام علاوي اني كتبت طريقة الخبز عروق بموضوعى منفصل .............اذا الفرن مالتك بي صينية بالاسفل يعني ماكو بواري الشوي تقدرين تسوين الخبز تحمين زين الفرن وبعدين بأيد مي وبأيد طحين وتفتحين الخبزة وطبعا مو كلش جبيرة وتلزكيها بالقاعدة مال الفرن ومن تستوي تشلع من كيفها ............ان شاء الله الفكرة واضحة تحياتي ياوردة
ان حظي كدقيق فوق شوك نثروه     ثم قالوا لحفاة يوم ريح

Jun 06, 2011, 07:38 صباحاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #67 في: Jun 06, 2011, 07:38 صباحاً »
أي يمه واضحه رحم الله والديج رح أجرب والله كريم .

Jun 06, 2011, 07:45 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #68 في: Jun 06, 2011, 07:45 صباحاً »
اليوم سويت مرقة باذنجان مع لحم العكوس مكانكم خالي احنا نموت عليها بشكل مو طبيعي (الباذنجان مقطع طوليا ومقلي على النص مع تقليب الثوم والبصل بالزيت واضافة الباذنجان وصلصة الطماطة وبالنهاية اضيف اللحم والسكر والحامض والملح)............

ملاحظة :- يقطع الباذنجان قطع سميكة , قطع الباذنجان طوليا يختلف بالطعم عند تقطيعه عرضيا ...................
ان حظي كدقيق فوق شوك نثروه     ثم قالوا لحفاة يوم ريح

Jun 06, 2011, 09:45 مساءاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #69 في: Jun 06, 2011, 09:45 مساءاً »
عاشت الايادي موناليزا بس فد سؤال ليش دائما اقرى باكلاتج بلمركة اتخلين سكر اني بس باكلتين اخلي سكر اذا يكون بيه خل احمر علمود اكسر حموضة الخل بس اذا انتي مخلية حامض بلمركه ليش السكر تخلين بعد يعني اكو اكله اسمها كاري مطبك بلحم بعدين اذا تحبين اكتبلج تفاصيلها واسوي سمك بكارى بصينية بلفرن هم اكتبلج تفاصيلها مشكورة

Jun 06, 2011, 11:00 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #70 في: Jun 06, 2011, 11:00 مساءاً »
كل مرق حطي بي القليل من السكر وخاصة (الباذنجان,الباميا ,الفاصوليا ,الدولمة ,الفاصوليا الخضراء ,الشلغمية ,مرق الحمص ..........)يطلع طعمها فرق ................ياريت تكتبيلي اي اكلة بالكاري لان احب اكلات الكاري شكرا حبيبتي ديما
ان حظي كدقيق فوق شوك نثروه     ثم قالوا لحفاة يوم ريح

Jun 07, 2011, 12:45 صباحاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #71 في: Jun 07, 2011, 12:45 صباحاً »
أي يمه هاي الاكله أسويها تشريب أتعلمتها من أمي مسية المباركه عليها وعليكم ، البيتنجان مقطع بالطول وللمنظر الراس الاخضر أنعوفه يعني البيتنجانه ما أقطعها بالكامل بس اسويها اربع أقسام بالطول ومرات أحط فلفل أخضر وطبعاً لحم غنم يعني ينطبخ على دهن اللحم وثوم وبصل ، اي وأحط شكر بالتشريب الاحمر وكل اللي كلتي عليه يمه موني لأنه هاي الاكلات ايصير بيها طعم كلش طيب بالشكر.

Jun 07, 2011, 03:44 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #72 في: Jun 07, 2011, 03:44 صباحاً »
ام علاوي اني مثلك احط باذنجان بالتشريب بس بدون تقطيعها احطها كاملة وحجمها وسط ...........سوي مرق الباذنجان على طريقتي وانطيني رأيك ..............تحياتي ياوردة
ان حظي كدقيق فوق شوك نثروه     ثم قالوا لحفاة يوم ريح

Jun 07, 2011, 03:46 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #73 في: Jun 07, 2011, 03:46 صباحاً »
اليوم طبخت مرق الفاصوليا البيضاء بس مع الاسف الطعم مو كلش عجبني ما اعرف ليش يمكن لان جان ماعاجبني اطبخها ........اكلت اكثر شي سلطة ومقبلات الخرشوف .........
ان حظي كدقيق فوق شوك نثروه     ثم قالوا لحفاة يوم ريح

Jun 07, 2011, 06:27 صباحاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #74 في: Jun 07, 2011, 06:27 صباحاً »
يمكن يمه ما حاطه حلبه بيها لأنه الحلبه تنطي طعم للفاصوليا كلش طيب من تنحمس ويا البصل وتنضاف للفاصوليا بعد ما تستوي وآني أسويها على الدجاج وأحطلها ماجي كلش طيبه أتصير  ، ما معقوله طلعت من ايدج مو طيبه انتي كل اكلج طيب اكيد حبيبه.

Jun 07, 2011, 07:22 صباحاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #75 في: Jun 07, 2011, 07:22 صباحاً »
حبيبي موناليزا اكلة الكاري اكو هواية اكلات تكون بيها الكاري بلدرجة الاساس هسة اني رحنطيج اكله الكاري المطبك تجيبين لحم شرح تقطعيه مكعبات مثل مال التكة وتسلكي على صفحة ما اضافة القليل من الملح وبعدين تثرمين بصل بكمية كبيرة مثلا فد 10 رؤس بصل مع 10 فصوص ثوم مقطعه ناعم وبعدين تحمسين البصل والثوم سوية من تشوفين صار على اصفرار ملعقة اكل كارى او اكثر حسب الرغبة لان اني احب الاكل الحار وفلفل اسود مطحون تخبطيه كله سوية وبعدين تخلين نص كوب خل مع ملعقة اكل ونصف سكر وتخلين اخر الشي المعجون فد فورة او فورتين تذبيتن اللحم فوك الصلصة وتخليه على عين ناصية الى ان تثخن شوية وتقديمها مع الرز البسمتي وجربيها لان شوفي اكثر اكل المسحيين يكون بي حرارة البهارات والكاري والف عافية مقدما والاكل اذواق كل واحد حسب ذوقه بلاكل

Jun 07, 2011, 08:04 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #76 في: Jun 07, 2011, 08:04 صباحاً »
ام علاوي اني ادري يحطولها حلبة بس اني ما احط واني دائما اسويها طيبة بس اليوم طبخت بلة واهس ..........بس لاتهتمين اكلوها ههههههههه هية مو كلش ماطيبة بس مو مثل كل مرة ...........تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 07, 2011, 08:08 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #77 في: Jun 07, 2011, 08:08 صباحاً »
ديما مبينة كلش طيبة بس لازم نحط  المعجون وهية بالكاري ............اكلات الكاري كلش احبها ان شاء الله اسويها ..........شكرا عزيزتي انتظر الاكلات الجاية وياريت بموضوع منفصل ..............
ان حظي كدقيق فوق شوك نثروه     ثم قالوا لحفاة يوم ريح

Jun 08, 2011, 05:36 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #78 في: Jun 08, 2011, 05:36 صباحاً »
اليوم طبخت شيخ محشي الشجر بصلصة الطماطة السميكة ..........كلشششششش طيبة كانت مكانكم خالي
ان حظي كدقيق فوق شوك نثروه     ثم قالوا لحفاة يوم ريح

Jun 08, 2011, 07:50 صباحاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #79 في: Jun 08, 2011, 07:50 صباحاً »
واني طبخت شيخ محشي مال باذنجان مكانكم خالي شنو متفقين موناليزا

Jun 08, 2011, 09:23 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #80 في: Jun 08, 2011, 09:23 صباحاً »
الظاهر متفقين بشريني الاولاد اكلوا لو لا ...........ديما ماجاوبتيني على الكاري باللحم ليش تحطين معجون ولازم احط المعجون لو بكيفي؟؟؟؟؟؟ لان اني اكلات الكاري ابقيها صفرة ....................
ان حظي كدقيق فوق شوك نثروه     ثم قالوا لحفاة يوم ريح

Jun 08, 2011, 09:29 مساءاً
ام زيد
  • *
  • مشاركة: 5279
  • مقيم في: ye
  • تقييم 68
  • الجنس: أنثى
  • ام زيد
رد: شنو طبختوا اليوم ...........
« رد #81 في: Jun 08, 2011, 09:29 مساءاً »
عيني اني اليوم طبخت دجاج مقلي مع البرغل وزلطة
اولادي يحبون البرغل اهواية اشوية تغيير
عمري موناليزا عاشت اياديك اكلج انت والاخوات كلش طيب
بس من فضلج اريد اعرف اشلون اتسوين الحشو مال زنود الست وياريت بالمقادير  المحلبية واني ممنونة منج
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

Jun 08, 2011, 10:56 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #82 في: Jun 08, 2011, 10:56 مساءاً »
ام زيودي اموت على البرغل من جيت لامريكا لحد الان مامسويتة زين ذكرتيني حتى اسوي ..........المحلبي حليب مع القليل من السكر او بدون سكر  ( لان راح تستخدمين القطر ) مع ملعقتين كبيرة طحين وهيل او ماء زهر وتخلط جميع المواد بشكل جيد بحيث لايبقى اي تكتل للطحين قبل وضعها على الطباخ وتوضع على نار متوسطة وبملعقة خشبية تقلب حتى لاتلتصق بالقدر وقبل ان تصبح البالوتة سميكة جدا نضيف القشطة تبرد وتحشى العجين ....................تحياتي وتدللين
ان حظي كدقيق فوق شوك نثروه     ثم قالوا لحفاة يوم ريح

Jun 08, 2011, 11:26 مساءاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #83 في: Jun 08, 2011, 11:26 مساءاً »
آني اليوم طبخت مركة شجر صفره وتمن وزلاطة لهانه ولفيت بورك وشويت دجاج لأنه ولدي مايكلون الشجر وآني وأبوهم أنحبه.

وبقيت من عجين البورك حتى اسوي زنود الست .

Jun 09, 2011, 04:29 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #84 في: Jun 09, 2011, 04:29 صباحاً »
ام علاوي الشجر انت تسوي مطبق لو تقلين القطع ؟؟؟؟؟........قطعي قطع الشجر بالطول وبحجم المربع(يعني قطعتين او ثلاث قطع بالطول وثلاث قطع بالعرض )  واقليها واقلي بصل جوانح كمية كبيرة وصفي طبقات بالبايركس وعلي قطع اللحم والحمص وصوص اصفر(كركم او كاري )  او احمر وبالفرن مع فلفل اسود(كثري منه لان الشجر يحب حرارة ) وملح وراح تشوفين فرق بالطعم ................تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 07:22 صباحاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #85 في: Jun 09, 2011, 07:22 صباحاً »
اى حبيبي اكلوا المحشي باذنجان لان يحبوه موناليزا حبيبتي ظل بالج عليه مو من ورى جهالي ههههههههه الله يخليج ابنج بلنسبة للكارى المطبك اى لازم تخلين معجون وياه لان اذا صفرة مطيبة تصير وسويها وشوفي جكد طيبة وملاحظة صغيرة لو اتسوي قبل بيوم وتخليه بلثلاجة تلكين بيها مونة اطيب لان رح يتخمر كله بلبهارات وادعيلي والف عافية مقدما

Jun 09, 2011, 08:20 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #86 في: Jun 09, 2011, 08:20 صباحاً »
شكرا ديما عزيزتي على الملاحظة .............ان شاء الله اسوي ضروري
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 08:21 صباحاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #87 في: Jun 09, 2011, 08:21 صباحاً »
اليوم طبخت شركسية ..........رهيبة الطعم اللي يحب الطريقة انزلها بموضوع منفصل .......
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 09:48 صباحاً
ام زيد
  • *
  • مشاركة: 5279
  • مقيم في: ye
  • تقييم 68
  • الجنس: أنثى
  • ام زيد
رد: شنو طبختوا اليوم ...........
« رد #88 في: Jun 09, 2011, 09:48 صباحاً »
اشكرج ياعمري موني وحبيت اسالج قشطة كاملة اي كل العلبة واي نوع من القشطة مو مشكلة زين مو اتصير اشوية دسمة هههههههههه
بارك الله فيك
اليوم راح اطبخ فاصوليا يابسة والكل اتحبها مع الحلبة وتمن ضروري معاها
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

Jun 09, 2011, 02:27 مساءاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #89 في: Jun 09, 2011, 02:27 مساءاً »
موني حبيبه أكيد هاي الطريقه كلش طيبه ، تدرين الشجر شكد بيه فوائد ، راح اسويه بهاي الطريقه لأنه عندي واحد من الولد يحبه مقلي بلكت ينضم ويانا اني والأب لفريق محبي الشجر هههههههههههههههههه

هاليوم راح اسوي برياني على الدجاج والتمن ملون يعني بيه شعريه  جزر وبزاليا وبطاطا وبصل طبعاً وكشمش وآني أطبخ التمن على الماجي  , واسوي وياه زلاطه والحلو ركي البارحه جبت ركيه جبيره، الركي الامريكي كلش طيب الله يزيده.

موني طبعاً آني ماناسيه الصور الى أن تصلح الحاسيه والكيكه سويتها وزينتها بالفراوله هم اكو صوره الها وبعيني حبيبه.

Jun 09, 2011, 06:14 مساءاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #90 في: Jun 09, 2011, 06:14 مساءاً »
والله اليوم عندي اجازة من الطبخ رح اسوي اكل بسيط وصحي ومفيد رح اسوي شوربة عدس وكبة موصل وزلاطة وطرشي طريقتي بلشوربة هي اسلق العدس ومن اشوفه بدى يستوي اخلي مكعبين ماجي واضيف اله شوية شعرية وبعدين اخلي فد نصف ملعقة كوب كاري واخلي يفور على عين ناصية وبعدين اثرم بصل ناعم واحمسه بلزيت واطشه كله فوق العدس واخلي على عين ناصية وبعدين اقطع مربعات خبز لبناني او صمون عراقي اقلي الى ان يحمر ويتكسب يحبوه هيجي عائلتي وبعد النضج يحبون يخلون على الشوربة بلمواعين كمون ونومي حامض ويخلون الخبز المقرمش بداخل الشوربة واللي اشتهى ادزله ماعون بطن عيني

Jun 09, 2011, 07:57 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #91 في: Jun 09, 2011, 07:57 مساءاً »
ام زيودي اذا العلبة كلها بعد احسن حتى تصير اطيب واستعملي اي نوع مو مشكلة ..............الف عافية الفاصوليا
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 08:01 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #92 في: Jun 09, 2011, 08:01 مساءاً »
ام علاوي حطي للبرياني بهارات باردة (دارسين ,قرنفل ,هيل ,جوزة بومة ) وشوفي الفرق ..............اكو ركي يصير كلش صغار وقشرة خفيف جدا ياريت تجربي وتندعيلي ............انتظر الصورة تحياتي ياوردة
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 08:05 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #93 في: Jun 09, 2011, 08:05 مساءاً »
ديما صدق اريد ماعون شوربة لان اني صايمة اليوم ............هية  الشوربة صحية بس الخبز المقلي يمص زيت هواية اني نفس طريقتك بالشوربة حتى الخبز اسوي وهواية يتعجبون ليش احط الخبز  احط الكمون بالشوربة مو بعد الصب وما احط كاري بس راح اجربها بالكاري ............بالعافية حبيبتي الغدة
ان حظي كدقيق فوق شوك نثروه     ثم قالوا لحفاة يوم ريح

Jun 09, 2011, 09:29 مساءاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #94 في: Jun 09, 2011, 09:29 مساءاً »
صيام مقبول يارب والله لو قريبة يمي جان دزيتلج مواعين مو ماعون تتدللين موناليزا لا مياكلوا الكمون بداخل الشوربة يمعودة ستري عليه مو زين دااسوي وياكلون الشورية لان يحبوها كلش فقط شوربة العدس اى شورية غيرها مال خضار او شعرية ميحبوها وبعدين اكييييييييييييد  تعرفين شوربة العدس كلها حديد وصحية .

Jun 09, 2011, 09:56 مساءاً
الصديق الوفي
  • *
  • مشاركة: 3276
  • مقيم في: us
  • تقييم 35
  • الجنس: أنثى
رد: شنو طبختوا اليوم ...........
« رد #95 في: Jun 09, 2011, 09:56 مساءاً »
اي يمه موني على المره الجايه بأذن الله ، اشكرج حبيبه.

Jun 10, 2011, 09:00 مساءاً
ام زيد
  • *
  • مشاركة: 5279
  • مقيم في: ye
  • تقييم 68
  • الجنس: أنثى
  • ام زيد
رد: شنو طبختوا اليوم ...........
« رد #96 في: Jun 10, 2011, 09:00 مساءاً »
حبيبتي ديما اني اخلي كركم بالشوربة اي قبل مااطبخه يعطيه لون اصفر حلو ومثل ماكالت موني اشوية كمون وفلفل اسود للعادي اما ابو البصل بوجه فقط اخلي كركم وملح
موني حبيبتي ماشاء الله عليج يعجبج اتجربين كل شىء ربنا يحفظج ياعيني
اني اليوم كسلانة اشتريت دجاج مشوي لان صاير عدنا شحة بالغاز والاولاد مشتهين دجاج مشوي وخفت لاياخذ وقت طويل بالغاز هههههههه
اشتريت من برا ومكانكم خالي لان الدجاج المشوي يتبلوه بالثوم واشوية شطة يصيح اجنن
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

Jun 10, 2011, 09:52 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #97 في: Jun 10, 2011, 09:52 مساءاً »
الف عافية ام زيد الدجاج المشوي هني مري ..............البارحة سويت الشوربة وية الكاري وطلعت طيبة على طريقة ديما .............تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

Jun 10, 2011, 09:57 مساءاً
موناليزا70كاتب الموضوع
  • *
  • مشاركة: 712
  • مقيم في: 00
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #98 في: Jun 10, 2011, 09:57 مساءاً »
اليوم طبخت مركة حمص (حمص انصاص) باللحم المفروم وويا رز بالشعرية ............تحياتي
ان حظي كدقيق فوق شوك نثروه     ثم قالوا لحفاة يوم ريح

Jun 11, 2011, 12:25 صباحاً
ديما
  • *
  • مشاركة: 44
  • تقييم 4
رد: شنو طبختوا اليوم ...........
« رد #99 في: Jun 11, 2011, 12:25 صباحاً »
اليوم سويت كبة حامض حمرة مو بيضا وسحكوها الجهال وان شاء الله بلليل اسوي كص تبلته واخلص من هم الاكل يومية ينراد حشو للبطن

كلمات بحث :
 

مواضيع ذات صلة

  الموضوع / بدء بواسطة ردود آخر مشاركة
8 ردود
1199 مشاهدة
آخر مشاركة May 26, 2011, 05:46 مساءاً
بواسطة HOWDY
13 ردود
1249 مشاهدة
آخر مشاركة Aug 29, 2012, 10:00 صباحاً
بواسطة المتواجد
11 ردود
1550 مشاهدة
آخر مشاركة May 17, 2013, 01:02 صباحاً
بواسطة عاشقة الحرية
12 ردود
1062 مشاهدة
آخر مشاركة May 15, 2011, 03:33 صباحاً
بواسطة اليسا
4 ردود
543 مشاهدة
آخر مشاركة Aug 06, 2013, 07:14 مساءاً
بواسطة الغريب H90


free counters