المحرر موضوع: شنو طبختوا اليوم ...........  (زيارة 92645 مرات)

0 الأعضاء و 1 ضيف يشاهدون هذا الموضوع.

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #100 في: Jun 11, 2011, 12:54 صباحاً »
آني هاليوم طبخت فاصوليا يابسه وتمن وزلاطه وطرشي( آني مسويته مال لهانه وفلفل حار و ثوم وهاي العضود مال الكرفس كلش طيب طلع )  ، وعلى العشا عجنت للبيتزا وهم عجنت كباب طاوه ، تدرين يمه موني آني أعجن كباب الطاوه بدال المي أحط صلصه السباكتي الحمرا أشتريها من الول مارت كلش طيبه بالكباب ، أي يمه مو عطله والشباب ياكلون الله يحفظكم وياهم.

أم زيودي الله يساعدكم يلا خيتي شده وتزول برداً وسلاماً حبيبه.
:ahalna_individual (86):

غير متصل IRAQIA

  • مغترب مبدع
  • *
  • مشاركة: 1070
  • تقييم 18
  • الجنس: أنثى
رد: شنو طبختوا اليوم ...........
« رد #101 في: Jun 11, 2011, 01:53 صباحاً »
شلونج عيني موناليزا ان شاء الله بخير
اليوم الوالدة سوتلنه دولمه وتذكرت امونه وام زيد وخاله ام علي لان يحبن الدولمه
  :ahalna_collection (84):
[smg id=305 type=full align=center caption="]

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #102 في: Jun 11, 2011, 04:04 صباحاً »
ديما ضحكتيني صدق الطبخ مشكلة .............تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #103 في: Jun 11, 2011, 04:12 صباحاً »
ام علاوي احب سلطة اللهانة وبالنسبة للكباب دا اتخيلة كلش طيب وية الصلصة ان شاء الله المرة الجاية اعجن الكباب بالصلصة ......عاشت ايدج والله يخليلك الولد وابوهم يارب
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #104 في: Jun 11, 2011, 04:14 صباحاً »
عراقية بالعافية الدولمة وعاشت ايد الوالدة ......تدرين صارلي شقد ما مسويتها !!!!!...........تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #105 في: Jun 12, 2011, 12:22 صباحاً »
يمه عراقيه اتعيش ايديها للوالده على الدولمه يمه اتعلمي منها،  آني صحيح من جنت ابيت اهلي قبل الزواج ما اطبخ بس جنت اتعلم من امي الله يذكرها بالخير، اذا أمي جانت استاذ بالطبخ آني صرت استاد ونص لأنه كمت أبتكر شغلات أمي ماتعرفها .

موني حبيبه اشكر دعواتج عمري يحفظكم الباري عز وجل.

هاليوم طبخت جل فراي ( لحم مكعبات وطماطه وفلفل أخضر) والفاصوليا مال البارحه بقى منها طبكت تمن وياها  وزلاطه وطرشي ودبر الغدا الحمدلله والشكر.

:ahalna_individual (86):

غير متصل IRAQIA

  • مغترب مبدع
  • *
  • مشاركة: 1070
  • تقييم 18
  • الجنس: أنثى
رد: شنو طبختوا اليوم ...........
« رد #106 في: Jun 12, 2011, 01:44 صباحاً »
خاله ام علي امي دائما تكولي صانع الاستاذ استاذ ونص الحمد لله علمتني على كل الطبخ وعلى الطرشي واللبن والمعجنات الحمد لله والشكر
واكله الجل فراي اموت علية كلش طيبه الف عافية
اليوم سويت فطر وفلفل وباذنجان وبصل قطعتهن شرائح وقليتهن بالزيت وسويت وياهن تمن  بالشعريه ولبن اكله كلش طيبه شفتهه بمطعم لبناني وجربته
[smg id=305 type=full align=center caption="]

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #107 في: Jun 12, 2011, 06:57 صباحاً »
اتعبش ايدج حبيبه عراقيه ، اي عفيه ابتي الحبابه انتي صدك ام بيت واحلى بيت يسعدج يارب.
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #108 في: Jun 12, 2011, 10:45 صباحاً »
ام علاوي اني هم احب الجلي فراي بس بدل الفلفل احط بطاطا او مرات بدون بطاطا .........

عراقية الف عافية اكلة الفطر .........
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #109 في: Jun 12, 2011, 10:47 صباحاً »
اليوم خلصت من الطبخ كنت معزومة على فطور وعلى غدة ..........تحياتي
ان حظي كدقيق فوق شوك نثروه     ثم قالوا لحفاة يوم ريح

غير متصل ام زيد

  • مغترب ذهبي
  • *
  • مشاركة: 5279
  • تقييم 68
  • الجنس: أنثى
  • ام زيد
رد: شنو طبختوا اليوم ...........
« رد #110 في: Jun 12, 2011, 12:25 مسائاً »
عيني بالف عافية حبيبات قلبي
ان شاء الله سفرتكم دايمة وعامرة بوجودكم
والله افرح اهواية من اشوفكم كاتبين طبخاتكم ومن كل قلبكم
والله اليوم شجر وتمن وسلطة والحمد لله والشكر

هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

غير متصل lugin

  • مغترب فعال
  • *
  • مشاركة: 105
  • تقييم 0
رد: شنو طبختوا اليوم ...........
« رد #111 في: Jun 12, 2011, 05:45 مسائاً »
السلام عليكم اليوم سويت دجاجه محشيه طبعا الزر اصفر زعفران وبي بطاطا وكرات لحم وكشمش وحشتيها ببن الجلد والداخل صارت دبل الحجم وبالفرن 3 ساعات على حراره ناصيه وزلاطه معكرونا وذره وبطاطا وليمون ولبن وكجب وراشي وملح وفلفل ومعدونس وهاي صوره الاكله مع الزلاطه
:ahalna_word (93):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #112 في: Jun 12, 2011, 05:53 مسائاً »
ام زيودي واحنا نفرح هواية بطلتك الحلوة .............تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #113 في: Jun 12, 2011, 05:56 مسائاً »
لوجين عاشت ايدك طبخ يخبل ومتعوب بي الف عافية هني مري ..............
ان حظي كدقيق فوق شوك نثروه     ثم قالوا لحفاة يوم ريح

غير متصل IRAQIA

  • مغترب مبدع
  • *
  • مشاركة: 1070
  • تقييم 18
  • الجنس: أنثى
رد: شنو طبختوا اليوم ...........
« رد #114 في: Jun 13, 2011, 04:41 صباحاً »
حبيباتي خاله ام علي وموناليزا شكرا جزيلا على كلامكم الحلوة
وعاشت ايدك الجميع ةوالله ماكو مثل العراقيات نادرات ومهات بيوت الله يسعدهن

واني اليوم شويت سمك بالفرن وسويت وياه تمن احمر واحمد لله والشكر خيرمن الله
[smg id=305 type=full align=center caption="]

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #115 في: Jun 13, 2011, 06:39 صباحاً »
عراقية طلتك حلوة عزيزتي ..........الف عافية السمك مع تمن الاحمر  .......
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #116 في: Jun 13, 2011, 06:40 صباحاً »
اليوم طبخت تشريب دجاج مع رز بالابهارات والشعرية ..........
ان حظي كدقيق فوق شوك نثروه     ثم قالوا لحفاة يوم ريح

غير متصل lugin

  • مغترب فعال
  • *
  • مشاركة: 105
  • تقييم 0
رد: شنو طبختوا اليوم ...........
« رد #117 في: Jun 13, 2011, 03:22 مسائاً »
السلام عليكم اليوم طبخت لزانيا بالدجاج والعجينه اني سويتها اطيب من الجاهزه وهاي صوره تحياتي
:ahalna_word (93):

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #118 في: Jun 13, 2011, 04:50 مسائاً »
اشلونكم ياحبايب ، موني الغاليه، أم زيودي العزيزه، عراقيه بتي النادره، لجين يمه هلا بيج اتعيش ايدج على الدجاجه، البارحه ماصار مجال اشوفكم
البارحه طبخت تمن احمر ودجاج وزلاطه ،
هاليوم راح اطبخ مركة بيتنجان وتمن
يمه لجين الدجاجه اللي مسويتها صدك ادل على براعتج بالطبخ اني هم اسوي الدجاجه المحشايه بس شنو اطلع العظام كلها واحشيها وهم تطلع كلش طيبه .
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #119 في: Jun 13, 2011, 07:37 مسائاً »
لجين ياريت تكتبين طريقتك بعمل  اللزانيا لان دا اشوف من الصورة اكو اختلاف اللزانيا تكون العجينة طبقات ونستخدم بيها الصوص الاحمر للفائدة وتبادل المعلومات شكرا مقدما .......تحياتي عزيزتي وعاشت ايدك
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #120 في: Jun 13, 2011, 07:40 مسائاً »
ام علاوي انت اكيد فنانة بالطبخ لان اللي يسوي دجاجة محشية خالية العظام هو بارع بالطبخ لان مو سهلة واذا تكدرين تكتبيلنا خطوات ازالة عظم الدجاج بموضوع منفصل اكون ممنونة .........تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #121 في: Jun 13, 2011, 08:00 مسائاً »
يمه موني ، ولا أوصل لفنج بالطبخ وعدالتج حبيبه ، هسه اروح وارجع بمشوار واكتبها وتدللين حبيبه.
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #122 في: Jun 13, 2011, 09:50 مسائاً »
ان شاء الله مشوارك مقضي وانتظرك عزيزتي ام علاوي ........
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #123 في: Jun 14, 2011, 07:47 صباحاً »
يمه موني ، هاي طريقة عمل الدجاجه المحشايه

1- نطبخ 3 أكواب تمن برياني ( آني أحب البرياني ملون يعني بيه بطاطا مكعبات وبزاليا وجزر ويصل طبعاً )
2- نصب التمن بصينيه صغيره ونتركه
3- هسه نبدي بالدجاجه ،( أتكون متوسطة الحجم ) ونحتاج سكينه رفيعه وحاده

1-اول شي نبدي أنطلع عظم الفخذ بالسكين انحز جلد العظم من الأسفل(رأس البوس) وبالبرم يعد كسر المفصل وبالسحب يطلع العظم
2- نعمل فتحه صغيره بالظهر طولها 8 سم ومن هاي الفتحه وبالسكين الحاده نطلع عظم الصدر
والعظام الاخرى بحذر شديد حتى ماتكير الفتحه اللي بالظهر

3- نترك الاجنحه على حالها يعني ماتطلع عظامها للمنظر
4- بعد أن ننتهي من فصل العظام نخيط كل الفتحات الموجوده ماعدا فتحة الذيل اللي من عدها نحشي الدجاجه بالتمن اللي صار شويه دافي وبعد ان ننتهي من حشو كل التمن نخيط الفتحه

5- الصلصه اللي ندهن بيها الدجاجه عباره عن لبن وعصير ليمون وملح وبهارات وصوص الباربكيو اللي يخليها كأنه مشويه على الفحم
6- نخليها بالفرن( اللي محمي سابقاً) على المشبك مال صينية الفرن بحيث الصدر يكون الى الاعلى حتى لايحترك الخيط ويطلع التمن قيل ما تستوي ونخلي بالصينيه مي حتى لا اتيبس ونصي نار الفرن بعد أن نشوف المي بدا بالغليان وفد ساعه وربع تستوي الدجاجه

والف عافيه ، يمه موني أني آسفه عندي الصور ذاك اليوم سويتها بس الحاسبه مدا تستقبل ، الصور موجوده وأول ماتصلح الحاسبه كل الأكلات اتشوفيها بأذن الله

 
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #124 في: Jun 14, 2011, 07:59 صباحاً »
تسلمين ام علاوي على هاي العملية الجراحية بس للامانة مو كلش اتخيلتها لو وية الصور افضل ان شاء الله تتصلح الحاسبة ونشوفها .........هواية اشوف بالكتب وبالتلفزيون  عملية تخلية الدجاج من العظم بس ابد ماجربت والواحد اذا مايجرب مايفيد بس ما اعرف شوكت راح اجربها الله كريم .........مشكورة ياوردة
ان حظي كدقيق فوق شوك نثروه     ثم قالوا لحفاة يوم ريح

غير متصل lugin

  • مغترب فعال
  • *
  • مشاركة: 105
  • تقييم 0
رد: شنو طبختوا اليوم ...........
« رد #125 في: Jun 14, 2011, 11:43 صباحاً »
السلام عليكم حبي العجينه مال اللزانيا هي 7 فناجين طحين وفنجان زيت وبيضه وماء وملح واتركها ترتاح وافتحها بالشوبك واسلكها دقيقه كل طبقه واكون سالكه صدر دجاج واسوي قطه صغيره واسوي بشمل زيت وشويه زبد وطيحن 3 ملاعق وملح وفلفل وشويه شطه ومرات اخلي ماجي يعزز النكهه واحركه لحد مايتغير لون الطحين وراها اخلي حليب 7 ملاعق باودر وماء دجاج واخلطه لحد مايصير صلصله متوسطه الثخن وراها اخلي عجينه طبقه من الي سلقتها اسفل البايركس واخلي دجاج الي فلستها قطع صغيره وراها صلصه البشمل وجبن موزريلا مبروش وراها طبقه اخرى عجين وهم دجاج وصلصه وجبن واخر طبقه العجين وفوكها ادهن الوجه بالبيضه واخلي بقصم او خبز مطحون واخليها بالفرن واخر دقيقه افتح الوجه علمود احمص الوجه يصير كرسبي وطبعا بالحفافات قبل ما اخليها بالفرن اخلي شويه ماي دجاج وتقريبا نص ساعه كلش كافي عليها بالفرن والف عافيه .
:ahalna_word (93):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #126 في: Jun 14, 2011, 05:28 مسائاً »
شكرا عزيزتي لجين اني نفس طريقتك لكن اضيف صوص الطماطة وياها وهو المتعارف علي .......تحياتي وشكرا مرة ثانية
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #127 في: Jun 15, 2011, 01:06 صباحاً »
هاليوم طبخت برده بلاو( قوزي الشام)  على الدجاج والتمن ملون بيه بالاضافه الى الدجاج جزر، بزاليا، فطر، بطاطا مكعبات مقليه، بصل ،شعريه .

وشوربة عدس ، زلاطه ، طرشي
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #128 في: Jun 15, 2011, 02:23 صباحاً »
ام علاوي الف عافية اموت على قوزي الشام .......السؤال الاول تسوي قطع منفصلة لو قطعة وحدة والسؤال الثاني تخلطين الحشو مع الرز لو تسوي طبقات يعني اني مرات اذا قطع بحجم الكرة الوسط منفصلة اسوي طبقات (دجاج مفتت,لحم مكعبات صغيرة او شاورما , بطاطا ,بزاليا,,زبيب,مكسرات,شعرية ,رز ) بحيث اول طبقة بالقاع هو الدجاج او اللحم وبالترتيب ............تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل ام زيد

  • مغترب ذهبي
  • *
  • مشاركة: 5279
  • تقييم 68
  • الجنس: أنثى
  • ام زيد
رد: شنو طبختوا اليوم ...........
« رد #129 في: Jun 15, 2011, 07:39 صباحاً »
والله محتارة اليوم ودا انتظر الاخوات وطبخهم حتى اسوي
وينكم خوتي انقذوني اليوم محتارة
هناك جروح كقلم الرصاص نمحيها وكأنها لم تكن و هناك جروحا كالرصاص تمحينا وكأننا لم نكن

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #130 في: Jun 15, 2011, 09:49 صباحاً »
ام زيودي ابدي من بداية الصفحة الاولى وشوفي شطابخين وانت تذكرين .......تحياتي عزيزتي
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #131 في: Jun 15, 2011, 02:11 مسائاً »
يمه موني اشلونج حبيبه ، أي يمه سويته قطع بكاسه صغيره ارشها بالزيت البخاخ وافرش بيها العجينه واحط التمن واسدها كلش زين واكلبها بالتبسي المدهون ، أحلى هيجي تدرين يمه العين تاكل كبل البطن ، لا  يمه البارحه فلست الدجاج وخلطه ويا الحشو وبعدين خلطه ويا التمن هاي اذا دجاج ، بس أذا كفته لو مكعبات لحم أسويه طبقات وأول طبقه اللحم يطلع كلش طيب :ahalna_collection (13): لأنه يكسب ويا العجينه على فكره العجينه مال بورك وخليته طبقتين ورصيت التمن رص حتى من اكلب القالب لايتخربط .

هاليوم والله ما أعرف شا أطبخ :ahalna_collection (46): راح أخذلي جوله وياج أشوف أشطابخين كبل وأختار ، يلا عيني أم زيودي كومي ويانا لا يروح الوكت ويجي الرجال ويشوفنا بعدنا ما طابخين. :ahalna_collection (33):
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #132 في: Jun 16, 2011, 02:45 صباحاً »
ام علاوي فنانة انت بالطبخ ومثل ماكلتي العين قبل البطن .......اني استعمل عجينة الكلاش وتكون اكثر من طبقة وارشها بالزيت البخاخ مثلك بين الطبقات ..............اليوم صايمة صوم رجب ولحد الان ما مقررة شنو اسوي يمكن راح اجي وياكم  اشوف شنو اكو اكلات ..............
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #133 في: Jun 16, 2011, 03:44 صباحاً »
تقبل الله يمه آني باجر بأذن الله أبدي بالصوم الأيام البيض ، والله يمه اليوم ظليت حايره سلكت
لحم وسويت لحم بعجين بخبز البيتا والله صار طيب شفته أهنا وكلت خلي أجرب بس مدا اتذكر منو يمكن انتي يمه أكيد انتي الفنانه يحفظج الله، وشويت بورك بالفرن، وكليت كباب طاوه وزلاطه وطرشي .

يمه موني أشتريت آله البيتيفور بس العجينه ما أعرف اشلون أسويها ، الآله تشتغل على الباتري والصوره اللي على الغلاف مبينه العجينه كلش خفيفه ، بلكت يمه أدكوليلي المقادير ، مشكوره حبيبه ، رجب المبارك عليكم .
:ahalna_individual (86):

غير متصل IRAQIA

  • مغترب مبدع
  • *
  • مشاركة: 1070
  • تقييم 18
  • الجنس: أنثى
رد: شنو طبختوا اليوم ...........
« رد #134 في: Jun 17, 2011, 01:39 صباحاً »
شلونكم عيني اليوم طبخت باميه وتمن شلون بامية مكانكم خالي  ورجب مبارك عليكم وان شاء الله نصوم والله يتقبل الطاعات من الجميع ان شاء الله
[smg id=305 type=full align=center caption="]

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #135 في: Jun 17, 2011, 02:37 صباحاً »
هاليوم مبارك عليكم شهر رجب آني صايمه طبخت تمن عدس على الماجي وكنتاكي دجاج وزلاطه وطرشي اتغدوا الولد وآني أنشالله على الفطور تقبل منا ومنكم آمين.
:ahalna_individual (86):

غير متصل ديما

  • مغترب مشارك
  • *
  • مشاركة: 44
  • تقييم 4
رد: شنو طبختوا اليوم ...........
« رد #136 في: Jun 17, 2011, 08:06 صباحاً »
شنو القصة اشو الكل مختفية من المطبخ لازم عفتوا الطبخ وكله اكلكم بلمطاعم وينج موناليزا وين اكلاتج الذيذة اشو انتي طرحتي الفكرة وصار كم يوم ماكو انتي عسة ما شر

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #137 في: Jun 17, 2011, 08:57 صباحاً »
ام علاوي هاي عجينة البتي فور وللامانة اني ماحافظة المقادير بس اخذتها من الكوكل لان اني ناسية صار مدة طويلة مامسوية .........تدللين عزيزتي

كوبين دقيق
كوب سكر ناعم
كوب سمنة (ممكن بدل السمنة زيت)
ملعقتين كبيرتين نشا
3 بيضات
ملعقة صغيرة فانيليا
ملعقتين صغيرتين


الطريقة:

- يخفق البيض والسكر والسمنة والفانيليا مع بعض .
- ثم يضاف الدقيق والنشا والبيكنج بودر (يمكن اضافة بودرة الكاكاو).
- ثم تشكل بآلة البيتي فور او البسكويت وتخبز في الفرن.
- بعد ذلك تزين بالمربى والمكسرات وجوز الهند

ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #138 في: Jun 17, 2011, 08:59 صباحاً »
عراقية مبارك عليكي وعلينا رجب ودا اتخيل الباميا والحموضة اللي بيها ...........الف عافية عزيزتي ونورتي
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #139 في: Jun 17, 2011, 09:01 صباحاً »
هلو ديما عذريني لان محد دة يساعدني ويسويلي واهس محد دة ينزل اكلات ........ياريت تنزلين اكلات حتى لو الاكلات العادية اللي متعودين عليها لان جائز اكو اختلاف بيها ولو بسيط يغير الطعم ونتبادل المعلومات .........شكرا على السؤال تحياتي
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #140 في: Jun 17, 2011, 09:06 صباحاً »
البارحة سويت شوربة مشروم مع البرياني وكنت صايمة ايام رجب المباركة .....اليوم سويت دولمة 3 جدور ووزعتها لان معتادين برجب  ان شاء الله مقبولة ...........تحياتي للجميع
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #141 في: Jun 17, 2011, 02:07 مسائاً »
انشالله يوم 27 رجب اسوي الدولمه واوزعها ، هاليوم صايمه وحايره شأطبخ ، راح اسوي شويه شوربة عدس لأنه بس آني وأبو علاوي نحبها وبعد ما ادري .

اشكرج موني على عجينة البيتيفور ، هاليوم راح اجرب الخبز بالفرن مثل ما كتيلي بلكت يطلع خبز تشريب حتى اسوي باميه الولد كلش عاجبهم تشريب.
:ahalna_individual (86):

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #142 في: Jun 17, 2011, 07:27 مسائاً »
ام علاوي ان شاء الله ينجح واذا مانجح اطبخي رز احتياط .........
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #143 في: Jun 18, 2011, 09:06 صباحاً »
موني العزيزه هاليوم اشكد اندعيتلج على الخبز طلع ايخبل وأكلنا تشريب لحم بالغدا وبالفطور يعني طلع خبز صدك عبالك مال تنور  بس شنو اصغار يعني حنونات وبقى للعشا الولد كلش حبوه ، ينطيج العافيه لوما انتي والله ولا أعرف اسويه ، باجر الله كريم شوف اشراح نطبخ .

تشكرين حبيبه
:ahalna_individual (86):

غير متصل الاماني

  • مغترب ذهبي
  • *
  • مشاركة: 5125
  • تقييم 58
  • الجنس: أنثى
رد: شنو طبختوا اليوم ...........
« رد #144 في: Jun 18, 2011, 03:05 مسائاً »
اليوم امي الحجية ببيت اخويه
واني طلعت الصبح للسوك  اشتريت   خيار وطماطه ودجاجه ولحم مثروم  وخبز وطبقة بيض وجبن  كيري
وتفاح  وركيه وبرتقال وثوم وبصل بعد شنو خلي اتذكر
واشتريت جبس ليز ههههههه اني احبه
واخذت بتيته و كرز وبيتنجان ولبن
 وخضره (نعناع وجرجير  وراس خس واحد  وبصل اخضر وفجل)
 وعلبه معجون  واندومي  وكليجه (( بيهه قصه الكليجه)) هههههههه
ومكان السوق محلات الاسره معروفه  يمنه  كلشي موجود بيهه
ورجعت للبيت جوعانه وامي ماكو سويت  جاي وحميت الخبز بالمايكرويف واكلت جبن كيري وجااي ههههههههههه احسن غده
تحياتي
()

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #145 في: Jun 18, 2011, 05:19 مسائاً »
ام علاوي فرحتيني كلش من كلتي الخبز طلع زين وان شاء الله المرة الجاية تكبرين الحجم والف عافية ........
ان حظي كدقيق فوق شوك نثروه     ثم قالوا لحفاة يوم ريح

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #146 في: Jun 18, 2011, 05:23 مسائاً »
امونة هلقد مسواق وبالاخير تاكلين جبن وخبز بس تدرين مرات شي بسيط بس يكون كلش طيب خاصة من الواحد يكون جوعان ليش ما سويتي الاندومي (معقولة اكثر على الغدة ) ..........صار عندي فضول اريد اعرف قصة الكليجة ؟؟؟؟؟
ان حظي كدقيق فوق شوك نثروه     ثم قالوا لحفاة يوم ريح

غير متصل الاماني

  • مغترب ذهبي
  • *
  • مشاركة: 5125
  • تقييم 58
  • الجنس: أنثى
رد: شنو طبختوا اليوم ...........
« رد #147 في: Jun 18, 2011, 06:32 مسائاً »
امونة هلقد مسواق وبالاخير تاكلين جبن وخبز بس تدرين مرات شي بسيط بس يكون كلش طيب خاصة من الواحد يكون جوعان ليش ما سويتي الاندومي (معقولة اكثر على الغدة ) ..........صار عندي فضول اريد اعرف قصة الكليجة ؟؟؟؟؟

هههههههههههه  عمي موني هو ياهو اسهل اكل جبن لو اسوي  اندومي وعيونج من اكلت الجبن بس  لان اتعاجز

قصه الكليجه اني كتبتهه برد بالحضور اليومي لخاطرج اعيدهه
هااي يا سيدتي  امي الحجية من الصبح اجه على بالهه انسوي كليجه وكعدتني من الصباحيات  علمود  نعجن ههههههه
بس الله رحمني واخويه  اجه اخذهه لبيتهم على الغده  واني رحت للسوك واتسوكت فشفت الكليجه مال تمر بمحل افران  اشتريتهه وجبتهه للبيت
امي الحجيه من  اجت  الا شويه وتهلهل على ندارتي وشطارتي شلون سويت كليجه بهاي الكم ساعه
بس اني سويتهه سكته اريد اشوفهه تكتشف الشغله واكيد اكيد هي اكتشفتهه لان تعرفني  بيضه ما اسلك اتعاجز مو عاد اعجن واسوي كليجه ههههههههههه
فهي خطيه سكتت ههههه فشلانه من ندارتي هههههههه
شفتيني موناليزا شكد اني نادره وشاطره  بالكليجة  مو احسن منكم بساعات سويت كليجه هههههههههههه
تحياتي
()

غير متصل موناليزا70

  • مغترب نشيط
  • *
  • مشاركة: 712
  • تقييم 11
  • الجنس: أنثى
  • وطني و ان جار علي عزيز أهلي وان شحوا علي كرام
رد: شنو طبختوا اليوم ...........
« رد #148 في: Jun 18, 2011, 07:23 مسائاً »
الصدق هسة الجاهز اصرف واطيب لان من تشتغلين بالكليجة لازم تعجنين وبالشيبك تفتحين وتحشين وتصرفين غاز وغسل اماعين ويمكن ماتطلع طيبة وعلى شنو الدوخة (شفتي شلون بطلت واهسج) ...........بالنسبة للشطارة والندارة كلنا جنا هيج مانعرف وتعلمنا بس اني كنت احب ادخل للمطبخ واخربط واجرب للونسة ...........شكرا امونة على قصة الكليجة تحياتي
ان حظي كدقيق فوق شوك نثروه     ثم قالوا لحفاة يوم ريح

غير متصل الصديق الوفي

  • مغترب فضي
  • *
  • مشاركة: 3276
  • تقييم 35
  • الجنس: أنثى
رد: شنو طبختوا اليوم ...........
« رد #149 في: Jun 18, 2011, 08:10 مسائاً »
موني العزيزه ، شفتي أمونه اشسوت بقصة الكليجه ، اليوم راح أطبخ دولمه هو يمه هاليوم اليوم الثالث من الأيام البيض مال شهر رجب يعوده عليكم بالصحه والستر، كعدت من الصبح حفرت الخيار والشجر وطلعت البصل ( آني أخدره للبصل بمي حار يطلع عدل فص فص ) وكصكصت اللهانه وأشتريت فلفل حار هم احشيه تطلع الدولمه اتخبل بيه ، بس بيتنجان أصغار ماكو بالول مارت اكو بس اكبار والسوك الصيني بعيد علينا ولو آني احب الدولمه ملونه ، هاي ابغداد من اسويها وخصوصاً بالخيرات برجب أشتري من كلشي كيلو حتى باكله( باقلاء) كيلو وطماطه وأسوي فد جدرين أكبار مو وحدي اشتغلها ، خواتي ألله يذكرهم بالخير ويايا ، يوم عشره من عاشور هم أطبخ خواتي وولدهم يجون يباتون عندي وأمي ونصير لمه حلوه اسوي هريسه وبرياني وترشانه،( هاي كبل بيوم ذابحين) ومن الصبح الولد الله يخليهم نوزع الهريسه وكبل صلاة الظهر نوزع البرياني والترشاته ، والله يمه يجون ناس ما أعرفهم بالجدوره مالتهم، أول العام خلص البرياني وأختي الله يذكرها بالخير طبخت مره لخ لأنه أجوني ناس كتلهم ماعندي راح اطبخلكم كالولي ننتظر خاله لمن ايصير ، الله اشلون جانت أيام ، آسفه يمه طولت عليج . وكل عام أنتو بألف خير.
:ahalna_individual (86):