التقديم للمفوضيه الساميه للاجئين في الاردن

الكاتب موضوع: التقديم للمفوضيه الساميه للاجئين في الاردن  (زيارة 213 مرات)

0 الأعضاء و 1 ضيف يشاهدون هذا الموضوع.

Jan 11, 2017, 04:03 مساءاً
sam78كاتب الموضوع
  • *
  • مشاركة: 3
  • مقيم في: iq
  • تقييم 0
  • الجنس: ذكر
السلام عليكم ورحمة الله وبركاته

ممكن عنوان المفوضيه الساميه للاجئين في الاردن لان اني اريد اقدم على اللجوء وحدي وهل هي موجوده في العاصمه الاردنيه وثانيا اذا هي في العاصمه ممكن ادلوني على الاماكن الرخيصه للسكن وخصوصا انو اني وحدي ماعندي عائله يعني ماراح احير بأي احد ثاني غير نفسي ياريت لو تساعدوني اخوان واذا عدكم اي نصيحه ياريت هم تفيدوني

Jan 11, 2017, 09:24 مساءاً
پ چ ژ گ ڤ
  • من اراد ان يشكرني فرجائاً لا يكتب شكراً
  • *
  • مشاركة: 8765
  • مقيم في: 00
  • تقييم 34
  • من تـشمر للخير فلينتظر أذية الآخرين
وعليكم السلام ورحمة الله وبركاته
حاول ان تبحث في المنتدى في فقرة البحث و في بقية المنتديات و كوكل
- إعتمد على نفسك قدر المستطاع
- مراجعة المختص أفضل من القيل والقال
- لا يتقاضى العضو أجر مادي على المشاركة
- لا تصدق كل ما تقرأ فالكثير منها غير صحيح
- تأكد من المعلومة قبل اتخاذ القرار فالامور في تغيـر
- كثير من الامور على ارض الواقع تختلف عن المكتوب
- يوجد من ينتهز المنتدى لأغراض نصب واحتيال فاحذر

Jan 16, 2017, 12:54 صباحاً
sam78كاتب الموضوع
  • *
  • مشاركة: 3
  • مقيم في: iq
  • تقييم 0
  • الجنس: ذكر
وعليكم السلام ورحمة الله وبركاته
حاول ان تبحث في المنتدى في فقرة البحث و في بقية المنتديات و كوكل



شكرا اخي الكريم اني عملت بنصيحتك وقريت موضوع بخصوص الاردن والتقديم ولكن عندي سؤال مالكيت له جواب والسؤال بالنسبه لمستمسكات يصير بس اقدم الهم جواز السفر وهوية الاحوال المدنيه والجنسيه لان بصراحه اني على خلاف مع عائلتي وماكدر اجيب بطاقة سكن او البطاقه التموينيه هل يجوز هذا او لا واسف على ازعاجك لان اني ماكدر ابحث   على الانترنيت هوايه لان اني البس نظارات وعيوني بيها حساسيه و تتعب بسرعه  اذا ابحث بالمنتدى او كوكل ياريت لو تفيدني الله يخليك تسوي عليه فضل

Jan 16, 2017, 08:12 مساءاً
پ چ ژ گ ڤ
  • من اراد ان يشكرني فرجائاً لا يكتب شكراً
  • *
  • مشاركة: 8765
  • مقيم في: 00
  • تقييم 34
  • من تـشمر للخير فلينتظر أذية الآخرين
انا اشكرك ايضا فنحن اخوة
- إعتمد على نفسك قدر المستطاع
- مراجعة المختص أفضل من القيل والقال
- لا يتقاضى العضو أجر مادي على المشاركة
- لا تصدق كل ما تقرأ فالكثير منها غير صحيح
- تأكد من المعلومة قبل اتخاذ القرار فالامور في تغيـر
- كثير من الامور على ارض الواقع تختلف عن المكتوب
- يوجد من ينتهز المنتدى لأغراض نصب واحتيال فاحذر

Jan 16, 2017, 08:15 مساءاً
پ چ ژ گ ڤ
  • من اراد ان يشكرني فرجائاً لا يكتب شكراً
  • *
  • مشاركة: 8765
  • مقيم في: 00
  • تقييم 34
  • من تـشمر للخير فلينتظر أذية الآخرين
بالنسبة لهذه المستمسكات في تركيا يقبلون الاستنساخ اما في الاردن فربما نفس الحالة
و المنظمة تحتاجها وقت المقابلة ، يعني الوقت طويل ان شاء الله الى ذلك الوقت ، ربما ينصلح الحال مع اهلك و يعود الود
او تستطيع ان ترسل وسيط من الاصدقاء او الاقرباء و يستنسخون المستمسكات من اهلك
و حتى لو بعد السفر يرسلونه للك بالبريد
و بالتوفيق
- إعتمد على نفسك قدر المستطاع
- مراجعة المختص أفضل من القيل والقال
- لا يتقاضى العضو أجر مادي على المشاركة
- لا تصدق كل ما تقرأ فالكثير منها غير صحيح
- تأكد من المعلومة قبل اتخاذ القرار فالامور في تغيـر
- كثير من الامور على ارض الواقع تختلف عن المكتوب
- يوجد من ينتهز المنتدى لأغراض نصب واحتيال فاحذر

Jan 17, 2017, 08:44 مساءاً
sam78كاتب الموضوع
  • *
  • مشاركة: 3
  • مقيم في: iq
  • تقييم 0
  • الجنس: ذكر
بالنسبة لهذه المستمسكات في تركيا يقبلون الاستنساخ اما في الاردن فربما نفس الحالة
و المنظمة تحتاجها وقت المقابلة ، يعني الوقت طويل ان شاء الله الى ذلك الوقت ، ربما ينصلح الحال مع اهلك و يعود الود
او تستطيع ان ترسل وسيط من الاصدقاء او الاقرباء و يستنسخون المستمسكات من اهلك
و حتى لو بعد السفر يرسلونه للك بالبريد
و بالتوفيق


شكرا اخي الغاالي على تجاوبك ويايه وان شاء الله في ميزان حسناتك تحيااتي

Jan 18, 2017, 10:13 مساءاً
پ چ ژ گ ڤ
  • من اراد ان يشكرني فرجائاً لا يكتب شكراً
  • *
  • مشاركة: 8765
  • مقيم في: 00
  • تقييم 34
  • من تـشمر للخير فلينتظر أذية الآخرين
 @};-
- إعتمد على نفسك قدر المستطاع
- مراجعة المختص أفضل من القيل والقال
- لا يتقاضى العضو أجر مادي على المشاركة
- لا تصدق كل ما تقرأ فالكثير منها غير صحيح
- تأكد من المعلومة قبل اتخاذ القرار فالامور في تغيـر
- كثير من الامور على ارض الواقع تختلف عن المكتوب
- يوجد من ينتهز المنتدى لأغراض نصب واحتيال فاحذر

Mar 12, 2017, 09:17 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
اخ sam78 تحياتي الك .. سابقاً انه كنت في الاردن و هسه انه حاليا بالعراق .. موقع المنظمة اليو ان في منطقة خلدا ( بس ما اعرف اذا متغير المكان لو لا لان صارلي سنتين من راجع من الاردن ) بس تكدر تسال اي سايق تكسي وهو يدليك مايتيه المكان كل سواق التكسيات تعرفه .

Mar 12, 2017, 09:26 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
بالنسبة للسكن عمان تنقسم الى قسمين عمان الغربية و عمان الشرقية و طبعا عمان الغربية راح تلكه الايجارات غالية كلش و الافضل الك تدور في مناطق عمان الشرقية .. وافضل مكان لتواجد العراقين هو في منطقة الهاشمي الشمالي واذا تدور سكن رخيص لواحد عزابي تكدر تدور في منطقة مثل الوحدات او في منطقة مثل صويلح الي تكون في نهاية عمان تقريباً .. بس نصيحة لاتسكن لوحدك حاول تبحث عن مجموعة من الشباب العزاب مثلك وتسكن وياهم و تتقاسمون الايجار راح يكون اخف عليك وحتى لاتشعر بالملل والوحدة والغربة بس اخي حرص ولاتخون حته لو عايش مع ناس عراقيين مثلك .

Mar 12, 2017, 09:31 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
الاردن بشكل عام تعتبر غالية من ناحية السكن و اغلى شي بيها الكهرباء وتسعير الكهرباء بالمناطق الراقية مثل الغاردينز تكون اغلى من المناطق الشعبية . و سعر صرف الدولار لكل ورقة       ( 100 دولار ) = 70 دينار اردني . بس بالنسبة للاكل تقريبا نفس الاسعار الي بالعراق هاي اذا تريد تعتمد على الاسواق الشعبية في التسوق وماتكضيها بالمطاعم .

Mar 12, 2017, 09:50 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
الاردن من حيث الطبيعة الجغرافية تلكاها مجموعة من الجبال مثل جبل عمان وجبل الزهور و جبل التاج وجبل الحسين وجبل النزهة هاي الي اتذكرها يعني راح تلكه اكثر الطرق ذات طبيعة جبلية يعني لو صاعد نازل لو نازل صاعد ( متعب كلش حاول تمشي على كيفك بهيج طرق ) . واحلى مكان ممكن تسكن بيه من حيث الجمال والطبيعة ويتردد عليه كثير من السياح الاجانب هو في جبل الويبده ( يابخته الي يسكن هناك ) منطقة حلوة كلش وهادئة واذا تتعب نفسك وتدور تكدر تلكه سكن مع شباب وبسعر زين  وانه صراحة  ارشحلك المناطق الي تناسبك من حيث الرخص بالاسعار في جبل النزهة او في نهاية شارع الاردن بالضبط قرب مركز امن النزهة تلكه منطقة شعبية بس رخيصة وكلمن في حاله محد اله علاقة باحد و في منطقة صويلح منطقة شعبية ومنطقة مخدومة من كل شي بس خلي ببالك ان السكن الرخيص والاقتصادي يكون بيه هم سلبيات مثل ما اكو بيه ايجابيات . واحلى منطقة اكثر العوائل تحب تسكن بيها هي منطقة جبل الحسين لانها منطقة تجارية و سكنية في نفس الوكت حلوة كلش وتستمتع بيها خاصة بالليل .   

Mar 12, 2017, 10:02 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
اول ما تجي الاردن راح تلكه نفسك تستهلك تاكسيات هوايه بمشاويرك الى ان تتعود على العيشة هناك وتعرف وسائل النقل هناك و خطوط السير طبعا ابو التاكسي الاصفر يعرف كلشي ويندل كلشي بعمان ودير بالك من تصعد تاكسي لازم تشوف السايق يشغل العداد الي على اساسه راح تنطيه فلوس وخلي ببالك اول فتحة العداد ربع دينار صافي للسايق وبعدين شكد يطلع بـ شاشة العداد لازم تدفعله يعني دينارين او 3 هاي اقصى شي للمناطق البعيدة كلش ولاتنسى من يوكف التاكسي كدام اشارات المرور هم يظل العداد مشتغل ويحسب عليك بس لاتخاف مشاويرك راح تلكاها ما تتعدى الدينار ونص او دينارين باسوا الحالات السيارات الي تشبه التاكسي بس لونها ابيض يسموها سيرفيس وهاي يعني انته تتشارك اجرة النقل مع ناس يركبون وياك اربع او خمس نفرات تتقسم عليك يعني تصير بحدود 35 قرش الدينار الاردني = 100 قرش وعند الباصات او الحافلات وهي نفس السعر تقريبا 35 قرش بس ديربالك تصعد بسيارة خصوصي مو تاكسي ويوصلك على اساس انه تكسي مثل العراق .. التاكسي لونه اصفر وبس وغير شي انته تصعد على مسئوليتك .   

Mar 12, 2017, 10:13 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
الشغل ممنوع في الاردن بالنسبة لللاجئين او طالبي اللجوء واذا لكيت شغل راح يكون بالختلة و متعب و صاحب الشغل راح يستغلك الى اقصى حد ( يعني يخنصر من فلوسك ) فلا تبني امال جبيرة على سالفة الشغل لان اذا كضتك شرطة الاقامة والحدود ممكن لو تنسجن او تترجل .

Mar 12, 2017, 10:20 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
جو الاردن بشكل عام حلو وخاصة بالليل بس بشهر الواحد او الثاني تشبع ثلوج يابو ثلوج الصيف يبدا تقريبا بشكل ملحوظ بالحرارة في شهر الخامس راح تحس النهار حار وشمس حارة بس مو مثل شمس العراق بس بالليل راح تلكة برودة حلوة بالجو وكت الصيف .

Mar 12, 2017, 10:30 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
من تروح تدور سكن حاول تتعب نفسك و تعتمد على امكانياتك الذاتية والي راح يساعدك بهاي المسالة التالي
جريدة الوسيط الاعلانية الي تنشر اعلانات سكن ايجار وتصدر يوم الجمعة ومثلها جريدة الممتاز او تعتمد على برنامج السوق المفتوح على جوجل بلي او تلكى اعلانات سكن ايجار معلكة على الاشجار او اعمدة الكهرباء . وديربالك تروح الى مكاتب العقارات والدلالين تره كلهم قفاصة .

Mar 12, 2017, 10:38 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
الاردنيين بشكل عام تعاملهم جيد مع العراقيين بالوكت الحالي بس كل مكان تلكه بيه الزين والشين حاول تطبق المثل الي يكول ( ياغريب كن اديب ) ماشي بدربك وبحالك محد يجي يمك وراسك بارد ولاتثق بالناس بشكل عمياوي ( حرص و لاتخون ) وبالاماكن الراقية مثل الغاردينز و شارع الجامعة الاردينة و الشميساني وشارع مكة تلكة الناس عادي تطلع الساعة 2 او 3 فجر ماكو اي مشكلة لاتستغرب مو مثل سالفة العراق ودير بالك من بعض سواق التكسيات ( بعضهم مخبرين لدى الدولة ) يعني ابتعد عن السياسة .

Mar 12, 2017, 10:42 مساءاً
mr.english
  • *
  • مشاركة: 11
  • مقيم في: iq
  • تقييم 0
  • الجنس: ذكر
اخ sam78 هذا كل الي اكدر افيدك بيه بالوقت الحالي من معلومات عن الاردن من واقع تجربة المعيشة هناك واي سؤال او استفسار انه حاضر و بالخدمة .   

كلمات بحث :
 

مواضيع ذات صلة



free counters