المحرر موضوع: أهم التفاصيل للمعيشة والتقديم على منظمة الأمم المتحدة UNHCR في إندونيسيا  (زيارة 1747 مرات)

0 الأعضاء و 1 ضيف يشاهدون هذا الموضوع.

Apr 18, 2016, 09:17 مسائاً
Oscar
  • *
  • مشاركة: 356
  • تقييم 9
  • الجنس: ذكر

الموضوع منقول للامانة
----------------------------
التقديم للجوء عن طريق اندونيسيا ...
كثير من الاعضاء استفسروا عن كيفية التقديم او عن وضعية اللاجئين هناك انا بالتحري حول بمساعدة احد الاخوة هناك الموضوع وراح انشرها مثلما كتبها ...
بعد السؤال عن وضعية اللجوء بكل بلد واتصالنا باكثر من شخص قررنا نبدأ الطريق من اندونيسيا لان تعرفون الفيزة لتركيا صعبة ولان البعض صورلنا المعيشة بهذا البلد غير مكلفة ورخيصة مقارنة بباقي الدول حيث اخبرونا ان مبلغ 500$ كافي لسد الايجار والفواتير والمعيشة وباحسن الاحوال لكن عند وصولنا اختلف الحال كثيرا واليكم التفاصيل .
بالنسبة للسكن بالبداية اجرنا شقة مفروشة لمدة شهر لان واصلين جديد ولان منعرف (قفصو علينا) اجرولنا الشقة بـ 500$ + 100$ تأمينات , الشقة بمكان جيد تحتوي على غرفتين نوم + مطبخ مفتوح على غرفة المعيشة (الهول) مساحتها 45 متر مربع اضافة الى مبلغ 100$ للماء والكهرباء والخدمات الاخرى هاي مع الاقتصاد بالكهرباء جدا بعد ما انتهى الشهر قررنا نبقى بنفس الشقة وبعد مفاوضات طويلة مع صاحبها قرر يمدد الايجار لمدة 6 اشهر وبمبلغ 325$ للشهر الواحد .. اللي يريد سكن ارخص موجود لكن يبعد عن العاصمة اربع ساعات بالسيارة واكو داخل العاصمة بالمناطق الشعبية لكن اكو مشكلة بيها وهي وجود الفئران والجريدية فيها وبكثرة والسكان ما يكافحوها او يقتلوها تاركيها تتكاثر لان يعتبروها صديقة للانسان .. الجو مثل ماتعرفون استوائي لكن درجة الحرارة معتدلة كانه ربيع وبالصيف توصل الى 35 مع الرطوبة .
بالنسبة للمعيشة اكو اشياء هواية مثل العراق واكو ارخص طبعا كلشي مستورد يكون كلش غالي اما المحلي فيكون سعره مناسب هذا يشمل الفواكه والخضر واللحوم والدجاج لكن اكو بعض الفواكه تكون غالية هواية مثل التفاح واالالنكي والرمان وغيرها .
التقديم ع اليو ان .. بعد وصولنا ذهبنا الى مقر اليو ان سجلونا وانطونا ورقة حماية علمود الاقامة مدتها 6 اشهر واخذوا ارقام هواتفنا وبس .. هنا بعد المقابلة الاولى كل واحد وحظه بالنسبة للوقت الى المقابلة الثانية اللي بيها يوقعون ع الفايل مالتكم وينطون هوية الرفيوج بحصولك على هاي الهوية يعني انت انقبلت لاجيء ماكو شي اسمه فسفورة مثل تركيا .. اكو عوائل صارلهم سنة ونص وماكو شي واكو عوائل بنفس هذا الوقت لكن محصلين الهوية وطالعلهم استيطان بس لا تصدكون بمدة سنة او سنة ونص تطلعون من اندونيسيا لان اني دا اشوف الناس بعيني ما بين سنتين الى 3 سنوات يلة تخلص شغلتهم ويسافرون .
اتمنى التوفيق للجميع وان شاءالله اكون وصلت ولو معلومة بسيطة يستفاد منها البعض .. تحياتي لجميع الاخوة والاخوات .
لهنا انتهى كلام اخونا العزيز لكن اني راح اضيف اشياء اعتقد من الضروري انو تعرفوها هو خبرتي بيها بشكل شخصي واتمنى تعذرني لان ذكرها مهم حتى تكون الفكرة كاملة عن الموضوع .. الفيزا كان الحصول عليها صعب جدا وتعبوا هواية بين السفارة وبين المكاتب الى ان اولاد الحلال خبروهم عن مكتب حصللهم فيزا سياحية وكانت بمبلغ 4000$ للفرد الواحد وللطفل 3500$ واكيد هذا المبلغ كبير خصوصا لعائلة وماكو عائلة اقل من 3 افراد وشوفوا شكد راح تكلف بس الفيزا والتذاكر اضافة الى التعب والعذاب والخسارة اللي تحملوها اول وصولهم لان ما يعرفون احد وصاحب المكتب ما اله علاقة بيهم هو شغلته انتهت بمجرد وصولهم وكلمن يحتار بروحه وراها وغيرها من المشاكل اللي توصل الواحد لمرحلة يكره حتى الساعة اللي انولد بيها مو بس فكر باللجوء وبالمقارنة وية الوضع بتركيا اني اشوف انه تركيا رغم تعاسة الفيزة لكن افضل من بقية البلدان من الناحية المادية .
بالاخير ما النا غير الاستعانة بالصبر والدعاء لرب العالمين بفرج عاجل وقريب للجميع بأذنه تعالى ... تحياتي
:ahalna_separator (12):

Apr 19, 2016, 08:53 مسائاً
پ چ ژ گ ڤ
  • من اراد ان يشكرني فرجائاً لا يكتب شكراً
  • *
  • مشاركة: 9058
  • تقييم 34
  • من تـشمر للخير فلينتظر أذية الآخرين
- إعتمد على نفسك قدر المستطاع
- مراجعة المختص أفضل من القيل والقال
- لا يتقاضى العضو أجر مادي على المشاركة
- لا تصدق كل ما تقرأ فالكثير منها غير صحيح
- تأكد من المعلومة قبل اتخاذ القرار فالامور في تغيـر
- كثير من الامور على ارض الواقع تختلف عن المكتوب
- يوجد من ينتهز المنتدى لأغراض نصب واحتيال فاحذر

May 02, 2016, 06:41 صباحاً
ahwm89
  • *
  • مشاركة: 2
  • تقييم 0
  • الجنس: ذكر
السلام عليكم اخي العزيز
طبعا رحمه الله ولديك علئ هذا الموضوع
انا حاليا في ماليزيا ومقرر اجي اقدم un في اندونسيا
ممكن اتساعدني اخي او اذا ممكن رقمك
الله يسهل امرك

May 02, 2016, 10:59 صباحاً
ابو مؤمل
  • :ahalna_separator (13):
  • *
  • مشاركة: 67
  • تقييم 0
  • الجنس: ذكر
  • بكيت واستوطن الاغراب في بلدي
بارك الله بيك اخي العزيز
:ahalna_separator (13):