شحن بالبريد للعراق

اخواني اخواتي
حبيت استفسر من ذوي الخبرة الي مجربين و دازين مواد للعراق عن طريق احد شركات البريد للعراق
وخصوصا اذا كانت الحاجة ذات قيمة

دخلت على مواقع الشحن و سألت مكاتب والكل يغرد
يعني اقل مكتب طلب 150 دولار لبكج وزنة 5 باوند !!!!
سمعت ان اكوا جماعة يدزون على USPS  للعراق
هل هذا المكتب مضمون ؟ يعني عدهم فرع في العراق لو يسلموه للبريد العراقي ؟
ارجو  من الاخوة و الاخوات الي مجربين و دازين للعراق ان ينوروني .

شكرا لكم مقدما و بالتوفيق للجميع

اخي نوبل اني اللي اعرفه اكو شحن من العراق لامريكا عن طريق البريد العراقي ويوصل لهنا عن طريق البريد الامريكي اعرف انت تريد من امريكا للعراق فنصيحتي انه اول شي تسأل البريد الامريكي اقرب مكتب عليكم هل ممكن ايصاله للبريد العراقي والاهل ممكن يستلموه من مكتب بريد الصالحية؟ هاي ما اعرف بيها

الusps عدهم عالموقع شوف هذا الرابط

http://ircalc.usps.gov/

اني مخلية بيه العراق معناها اكو شحن للعراق تبقى بس تعرف ليوين يروح الباكج طبعا من تختار العراق تروح على نوع الباكج حسب الحجم وتختاره يطلعلك السعر

UPS

والاستلام من فندق بابل في بغداد

مظمون جدا

مع التحيات

اليوم عرفتلك معلومة .....

اذا الشخص بالعراق عنده صندوق بريد باسمه ممكن انت تدزله من امريكا عن طريق الusps وتوصل لهناك

تحياتي

هنا بالنرويج ندز بالبريد العادي Norwegian POST  يوصل لكل المحافظات , كل 8 كيلو ب 400 كرون نرويجي يعني ما يعادل 80 دولار.

اخي نوبل اني اللي اعرفه اكو شحن من العراق لامريكا عن طريق البريد العراقي ويوصل لهنا عن طريق البريد الامريكي اعرف انت تريد من امريكا للعراق فنصيحتي انه اول شي تسأل البريد الامريكي اقرب مكتب عليكم هل ممكن ايصاله للبريد العراقي والاهل ممكن يستلموه من مكتب بريد الصالحية؟ هاي ما اعرف بيها

الusps عدهم عالموقع شوف هذا الرابط

http://ircalc.usps.gov/

اني مخلية بيه العراق معناها اكو شحن للعراق تبقى بس تعرف ليوين يروح الباكج طبعا من تختار العراق تروح على نوع الباكج حسب الحجم وتختاره يطلعلك السعر

اليوم عرفتلك معلومة .....

اذا الشخص بالعراق عنده صندوق بريد باسمه ممكن انت تدزله من امريكا عن طريق الusps وتوصل لهناك

تحياتي

اشكرج سرى
خوش اقتراح راح اشوف المكتب الرئيسي يمنا و اسألهم هل التسليم يتم بواسطة البريد العراقي ام بواسطة وكيلهم في بغداد
تسلمين اغاتي وبارك الله بيج

UPS

والاستلام من فندق بابل في بغداد

مظمون جدا

مع التحيات

كلامك صح بس الشحنة الي اريد اشحنها تكلف 152 دولار من يمنا
دا اشوف بلكي احصل ارخص
تسلم اغاتي حمادة على الاضافه

هنا بالنرويج ندز بالبريد العادي Norwegian POST  يوصل لكل المحافظات , كل 8 كيلو ب 400 كرون نرويجي يعني ما يعادل 80 دولار.

اغاتي انت
usps  هم رخيص يمنا بس مدا اعرف هل مضمون ام لا
بلكي يجي واحد ويشاركنا تجربته وينورنا

تحياتي الك

مرحبا اخ نوبل اني ساكنة بولاية بنسلفانيا مدينة فيلادلفيا دزيت دوا للعراق بلبريد الحكومي وهي علبة دواء تقريبا وزنه اقل ربع كيلو اخذو مني 6دولار وصلت خلال 10 ايام واستلموها من بريد الصالحية بس اكو مشكلة اكو اصدقاء النا بولاية اوهايو دازين اي فون واحذية رياضية ومع  ماوصلت للعراق يعني انباكت انصحكDHLهذا بريد مثل الفدكس بس ارخص ومضمون سعر الكليو48 دولار

مرحبا اخ نوبل اني ساكنة بولاية بنسلفانيا مدينة فيلادلفيا دزيت دوا للعراق بلبريد الحكومي وهي علبة دواء تقريبا وزنه اقل ربع كيلو اخذو مني 6دولار وصلت خلال 10 ايام واستلموها من بريد الصالحية بس اكو مشكلة اكو اصدقاء النا بولاية اوهايو دازين اي فون واحذية رياضية ومع  ماوصلت للعراق يعني انباكت انصحكDHLهذا بريد مثل الفدكس بس ارخص ومضمون سعر الكليو48 دولار

مراحب اختي البغدادية
هاي احنا طلعنا جيران
اختي البغدادية
اليوم رحت على مكت تابع لل  DHL  بالداون تاون تقريبا ومن وزن واخذ قياسات البكج طلب مني 162 دولار
من دون الشريط اللاصق على البكج


ممكن تنطيني عنوان توضحيلي شلون عرفتي انهم ياخذون 48 دولار على الكيلو ؟ و وين اي مكتب ؟

شاكرا وممتن للمعلومة التي قدمتيها لي


بالتوفيق للجميع

اخوية

ابصراحه اني هاي سادس مدري سابع مرة اودي الى اهلي بالعراق على البريد العادي يو اس بي اس
وديت للبصرة والبغداد وديالى والسماوة
وكلهن يوصلن خلال مده اقصاها 10-12 يوم
البريد هوة البريد الامريكي العادي
بس اني كوله اوديهن على الاكسبرس لان بيه ضمان اذا موصلن الهدايا ينطوني فلوسهن والحمد لله كولهن ووصلن
لبقه لابتوب لبقى اي فون كولشي
اقل شي اوديه كارتون ابو 22 ال بي واكبر شي وديته كارتون كبير حوالي بيه 42 ال بي.. وابصراحه اخلي اسعار خيالية حته اكول اذا ما وصلن اخذ الضمان اللي بيه فلوس وما اخسر

وينطوني رقم الشحنه واني اتبعهه بالويب لوين وصلت

ومو بس هذي الاسعار ابصراحه معقوله ومناسبة
يعني اكبر كارتون اللي هدايا لاهلي مقصرت وياهم اخذو مني حوالي 300 دولار شحن بس

والحمد لله
فانصحكم البريد الامريكي العادي - انتناشنل اكسبرس وتكتبون رقم تلفون الشخص والبريد العراقي يتصل باهلكم ويجون ياخذونه وما من حق اي واحد يتلاعب بالشحنه من الناحية العراقية لان البريد الامريكي يطلب منهم توقيع الاستلام وهاي اتفاقية بين الطرفين

وتحياتي

علاوي
كولورادو

شكرا اخي علاوي عالمعلومة تسلم يعني ما يحتاج صندوق بريد للشخص اللي بالعراق؟

لا والله اخت سرى
اكتب عنوان البيت والنقال
بس اني اكتب رقم نقالين ومو بس هاي ما اعتمد على الورقه مالت البريد الامريكي اسويلي اني ورقه بالعربي والزكهه على الكارتون وبيه رقم نقالين وكلهن وصلن
اكو اكثر من لابتوب ووصل والحمد لله
تحياتي

لا والله اخت سرى
اكتب عنوان البيت والنقال
بس اني اكتب رقم نقالين ومو بس هاي ما اعتمد على الورقه مالت البريد الامريكي اسويلي اني ورقه بالعربي والزكهه على الكارتون وبيه رقم نقالين وكلهن وصلن
اكو اكثر من لابتوب ووصل والحمد لله
تحياتي

شكرا اخي علي تسلم اني جنت اعرف بالنقل من بغداد ما بيه صندوق بريد وهسه انت اكدتلي انه من امريكا ما يحتاج صندوق بريد تحياتي

السلام عليكم اني اخوية بامريكا ودزلي موبايل عن طريق بريد اليو اس بي وهاي صار 10 ايام ومن اروح للبريد العراقي يكولولي ماكو بعدة موصل بس اريد اعرف انه شكد اقصى مدة يععني بعد شكد واروح مرة ثانية وشكرا

السلام عليكم اني اخوية بامريكا ودزلي موبايل عن طريق بريد اليو اس بي وهاي صار 10 ايام ومن اروح للبريد العراقي يكولولي ماكو بعدة موصل بس اريد اعرف انه شكد اقصى مدة يععني بعد شكد واروح مرة ثانية وشكرا

الاخ jomngo

 الشركة التي تشحن تنطي رقم يسموه track number او  confirmation number
وبما انه اخوك شاحنه على شركة ال USPS  فتسالة عن هذا الرقم و تدخل على الصفحة ادناة و تجيك التلفون مالتك وين واصل

https://tools.usps.com/go/TrackConfirmAction!input.action
بالتوفيق للجميع 

شكرا اخ نوبل بس اعرفة لهذا ودخلتة للرقم بس يكولون بعدة بنيوجرسي وهوة صارلة 11 يوم بس اخوية خابرهم كالولة وصل للعراق ورحت للشركة العراقية يكولون ماوصل

اخوية العزيز اني ما مجربة من امريكا للعراق شكد يطول بس اكيد هواية لانه الدي اتش ال ديستغرق مرات بالاسبوع (وهذا بريد سريع)

اما من العراق الى امريكا فياخذ بال25 يوم اذا مو شهر ظل متابع التراكنغ نمبر وشوفه وين يوصل

اعزائي اهلنا

شكد الوزن المسوح بي بالطيارة الى امريكا لكل شخص . اني سامع انه جنطتين كل وحدة 23 كيلو واخرى باليد 5 كيلوات
 
افيدونا مشكورين

حمورابي
 

اعزائي اهلنا

شكد الوزن المسوح بي بالطيارة الى امريكا لكل شخص . اني سامع انه جنطتين كل وحدة 23 كيلو واخرى باليد 5 كيلوات
 
افيدونا مشكورين

حمورابي

من اي بلد عمنا العزيز؟ حتى الاخوة اللي معلوماتهم احدث من عدنا يفيدوك ان شاء الله

عناوين مكاتب البريد في اربيل         
1.DHL
http://posterbill.weebly.com
2. ARAMEX
http://postaramexerbil.weebly.com
3. UPS
http://upserbil.weebly.com
4. FEDEX
http://fedexerbil.weebly.com

هنا بالنرويج ندز بالبريد العادي Norwegian POST  يوصل لكل المحافظات , كل 8 كيلو ب 400 كرون نرويجي يعني ما يعادل 80 دولار.

خد بالك اخي من وزن الشحن لأنك احياناً سوف تجده بالكيلو واحياً بالباوند. الكيلو نستخدمه في بلدنا للوزن ، ولكن قد تختلف البلدان التي تستخدم الباوند.. فمنها امريكا. وحتى لا تخلبط فيه الكيلو يساوي 2.2 باوند. وتقدر تستخدمة ألة حاسبة للتحويل بين الكيلو والباوند من هنا https://tools.electronicbub.com/2018/02/pound-to-kilogram-converter.html
تحياتي