كيفية مشاهدة القنوات العربية في امريكا .. عاجل ..صرنا كآبة بيومين

[lazordy]

السلام عليكم اخواني واخواتي الاعزاء

يا ريت تلحكوني بطريقة مشاهدة القنوات العربية ( عالتلفزيون مو عالكومبيوتر ) بأسرع وقت .. لأن اختكم صارت كآبة وبعد صارلي يومين بس هنا ( والرجال .. كل يوم يهددني  :D راح ارجع لمصر اذا بقيت هيجي )

ويا ريت كل واحدة عنده تجربة وبأي طريقة اكون ممنونة منكم .. وحتى هم الموضوع يفيد باقي الاخوان اللي راح يوصلون لاحقا ان شاء الله

تحياتي للجميع ..

[hussam2010]

اكو طريقتين
الاولى هي الاشتراك وية احدى شركات البث الفضائي وتقريبا يكلف 400 $ بس مايسحب اغلب القنوات وتقريبا يقتصر على القنوات الرسمية
والطريقة الثانية ادورون على كيبل يربط مابين الكمبيوتر والتلفزيون تلكيه في محلات الاجهزة الالكترونية ويكون البث عن طريق الانترنيت

[سماح222]

هلو لازوردي عيونى حمدلة علسلامة شوكت رحتى على الاقل كولي ليش وللة اعتب عليج غير تكوليلنة تحجيلنة عن سفرتج لا تنسين بيوم جنة ندعيلج بلسفر والموفقية ارجو منج تحجيلنة عن السفرة اذا امكن وشوكت سافرت ومرة ثانية حمدلة على سلامتج بلتوفيق

[NOBLEMAN]

عيني اخت لازوردي تقصدين انتي بامريكا ؟؟؟؟
اذا بامريكا اكو جهاز اسمة ipwow ما اعرف شكد سعرة بس يمكن هذا الرابط مال الشركة بامريكا

http://www.ipwow.org.uk/

ipwow
هذا انسب حل اني اتصور
اني اشتريت الجهاز ب 438 دولار قبل اكثر من 6 اشهر و الجهاز شغال تمام
الجهاز يحتاج نت قوي

اما مسئله ربط الحاسوب بالتلفزيون فتعتبر حل وقتي اذا تسوي حاليا الى ان يستقر رأيج على حل اخر

بالتوفيق للجميع

[lazordy]

عيني اخت لازوردي تقصدين انتي بامريكا ؟؟؟؟
اذا بامريكا اكو جهاز اسمة ipwow ما اعرف شكد سعرة بس يمكن هذا الرابط مال الشركة بامريكا

http://www.ipwow.org.uk/

اخوية ايهم .. اي اني بأمريكا .. مشكور جدا عالرد .. بارك الله بيك

[lazordy]

اكو طريقتين
الاولى هي الاشتراك وية احدى شركات البث الفضائي وتقريبا يكلف 400 $ بس مايسحب اغلب القنوات وتقريبا يقتصر على القنوات الرسمية
والطريقة الثانية ادورون على كيبل يربط مابين الكمبيوتر والتلفزيون تلكيه في محلات الاجهزة الالكترونية ويكون البث عن طريق الانترنيت

تقصد اخوية حسام انه الاشتراك ابو 400 دولار هو نفسه اللي كاتب عنه اخونا ايهم ؟؟
والطريقة الثانية هي ربط التلفزيون عالكومبيوتر .. والقنوات من وين تجي ؟؟

[hussam2010]

ipwow
هذا انسب حل اني اتصور
اني اشتريت الجهاز ب 438 دولار قبل اكثر من 6 اشهر و الجهاز شغال تمام
الجهاز يحتاج نت قوي

اما مسئله ربط الحاسوب بالتلفزيون فتعتبر حل وقتي اذا تسوي حاليا الى ان يستقر رأيج على حل اخر

بالتوفيق للجميع

اخي العزيز هية نفس الشي ان كان على الرسيفر ipwow ان كان على الربط المباشر pc الاثنين يحتاجن نت قوي واني اعتبرة هذا مصرف زايد ماله داعي وهذه عدد من المواقع الي اتبث القنوات والبرامج العربية وهمة بعدهم جدد
http://shahid.mbc.net/
http://www.watchfomny.com/tv-arabic.php
http://www.anakbnet.com/tv/
http://www.siktour.net/
تحياتي

[lazordy]

هلو لازوردي عيونى حمدلة علسلامة شوكت رحتى على الاقل كولي ليش وللة اعتب عليج غير تكوليلنة تحجيلنة عن سفرتج لا تنسين بيوم جنة ندعيلج بلسفر والموفقية ارجو منج تحجيلنة عن السفرة اذا امكن وشوكت سافرت ومرة ثانية حمدلة على سلامتج بلتوفيق

هلو حبيبتي سماح .. الله يسلمج حبيبة .. والله تعذروني .. لا تعتبين علي .. لأن والله المنظمة دمرتنا الى ان انطونا موعد السفر بحيث يوم الاحد اللي فات خابروني كالوا مراح تسافرون ..ردوا يوم الاثنين العصر خابروني كالوا راح تسافرون يوم الاربعاء .. وانت تدرين شلون يصير بالواحد بهيجي حالة ... المهم سافرنا يوم الخميس الفجر وصلنا الحمدلله شيكاغو ساعة 1 الا ربع الظهر .. 16 ساعة طولت الرحلة .. والله دعيت لكل المنتظرين انه الله يفرجها عليكم عن قريب

ان شاء الله احجيلكم عن كلشي .. بس لأن هسه ما عندي نت وجطلت على الكفيل .. ويا دوب كاعدة بباب الشقة حتى احصل الشبكة .. ان شاء الله من يكون عندي نت .. راح احجيلج بالتفصيل الممل

[NOBLEMAN]

اخي العزيز هية نفس الشي ان كان على الرسيفر ipwow ان كان على الربط المباشر pc الاثنين يحتاجن نت قوي واني اعتبرة هذا مصرف زايد ماله داعي وهذه عدد من المواقع الي اتبث القنوات والبرامج العربية وهمة بعدهم جدد
http://shahid.mbc.net/
http://www.watchfomny.com/tv-arabic.php
http://www.anakbnet.com/tv/
http://www.siktour.net/
تحياتي

اغاتي حسام
الفرق الريموت كنترول
وضوح الصوره
عدم اشغال حاسوب

تحياتي

[lazordy]

شكرا اخوية نوبل مان .. اعتقد هذا الحل مناسب من ناحية السهولة ولسرعة .. بس ال 438 دولار هواية على قنوات عادية .. يعني راح اتفرج على الجزيرة والعربية وكم قناة .. تتصور يكون احسن ان نشترك بدش نتوورك .. تطلع اصرف شوية؟؟

[سماح222]

حبيبتى حمدلة على سلامتج هاي اول شي ويارب تشوفين كل الخير اصلا احنة اتعقدنة من تاجيل سفرج وشلنة هم جبير الج لان ظروفج جانت مو سهلة وانشالة ياربي ترتاحين حبيبتى وانتظر منج رسالة مفصلة تعرفين على شنو على الاساسيات حبيبتى ا انتى همزين ريحتينة بسفرج وانشالة يوم اللي احنة وراج بلتوفيق

[NOBLEMAN]

الاخت لازوردي
دش نت ورك غالي و اشترك شهري
اقل شي 30 دولار بالشهر و مو كل القنوات لعربيه
بينما هذا الجهاز صح غالي بس بدون اشتراك شهري
اول سنه فري و بعدين كل سنه 100 دولار 
بالاضافه الى ان الجهاز فلوسه بيه يعني شوكت متريدين تبيعيه تقدرين تبيعه

تحياتي

[أحلى دنيا]

مبرووووووووووووووووووووووووووووووووووووك لازوردي  على السفر يوم النه جماعة بغداد المؤجلين يارب وللجميع

ملينه والله

[ام زيد]

حبيبتي لازوردي الف الحمد لله على السلامة بنت بلدي
ان شاء الله بلد الموفقية والرزق الحلال
والله فرحت من قريت اسمج يالله خلصتم من الدول العربية
ان شاء الله ترتاحون وتكتبين النا سفرتكم

اختك ام زيد

[ســرى]

اخي العزيز هية نفس الشي ان كان على الرسيفر ipwow ان كان على الربط المباشر pc الاثنين يحتاجن نت قوي واني اعتبرة هذا مصرف زايد ماله داعي وهذه عدد من المواقع الي اتبث القنوات والبرامج العربية وهمة بعدهم جدد
http://shahid.mbc.net/
http://www.watchfomny.com/tv-arabic.php
http://www.anakbnet.com/tv/
http://www.siktour.net/
تحياتي

اخي حسام الفرق مثل ما نوه اخي نوبلمان انه انت تربط الرسيفر عالتلفزيون يعني لا لابتوب ولا غيره مباشرة تشوف القناة عالتلفزيون وتشوف القنوات ويمك ريموت كنترول


الحمد لله عالسلامة لازوردي حبيبتي موفقين ان شاء الله بحياتكم الجديدة

[ha90]

حمد الله على السلامه اختي لازوردي

ان شاء الله شوفون كل الخير بأمريكا

تحياتي

[ابومريومة]

اختي جربي هذا نازل جديد بيه اغلب القنوات العربية وهي حوالي 91 قناة والاختيار الج طبعا بدون اشتراك شهري... فقط سعر الجهاز + اشتراك النت 35

http://www.zaaptvusa.com

تحياتي
ابومريومة البغدادي

[lazordy]

مبرووووووووووووووووووووووووووووووووووووك لازوردي  على السفر يوم النه جماعة بغداد المؤجلين يارب وللجميع

ملينه والله

شكرااا حبيبتي احلى دنيا .. ربي يوفقكم ويسمعنا اخباركم بالقريب العاجل

حبيبتي لازوردي الف الحمد لله على السلامة بنت بلدي
ان شاء الله بلد الموفقية والرزق الحلال
والله فرحت من قريت اسمج يالله خلصتم من الدول العربية
ان شاء الله ترتاحون وتكتبين النا سفرتكم

اختك ام زيد

مشكورة حبي ام زيد ... ان شاء الله ترتاحون جميعا وتخلصون من عبدالله صالح اليوم قبل باجر

الحمد لله عالسلامة لازوردي حبيبتي موفقين ان شاء الله بحياتكم الجديدة

شكرااا سرى حبيبة .. يوفق الجميع ان شاء الله

حمد الله على السلامه اختي لازوردي

ان شاء الله شوفون كل الخير بأمريكا

تحياتي

الله يسلمك اخوية ها90 .. ان شاء الله تلحكونا قريبا ... ترى مكانكم خالي


شكراااا جزيلا اخوية ابو مريومة البغدادي وبارك الله بيك .. راح اتفحص الموضوع .. وربك يسهلها ان شاء الله

تحياتي للجميع

[ســرى]

اختي جربي هذا نازل جديد بيه اغلب القنوات العربية وهي حوالي 91 قناة والاختيار الج طبعا بدون اشتراك شهري... فقط سعر الجهاز + اشتراك النت 35

http://www.zaaptvusa.com

تحياتي
ابومريومة البغدادي

اخي الغالي ابو مريومة هذا مثل فكرة الIPWOW وحتى السعر مو رخيص اضافة الى الاشتراك الشهري بس ما اعرف القنوات كم قناة عربية وشنو هي؟

[ابو راشد]

ما اعتقد الموضوع يحتاجله هالدوخه وهالاجهزة والاسعار الغالية
شوفي اي واحد عربي او عراقي ينصب اجهزة الستلايت وهوه رح يشتريلج صحن ويربطه ويوجهه على قمر ما اعرف شنو اسمه ورح تستقبلين كل القنوات العربية الرسمية مثل العراقية والجزية عربي وانكليزي وسوريا دراما وقطر والاردن والشارقة وووووووو
الموضوع كله يكلف تقريبا 200 دولار فقط ... وماكو لا اشتراك ولا اي شئ
اني هسه بالبيت عندي هذا الشئ


ابو راشد

[lazordy]

ما اعتقد الموضوع يحتاجله هالدوخه وهالاجهزة والاسعار الغالية
شوفي اي واحد عربي او عراقي ينصب اجهزة الستلايت وهوه رح يشتريلج صحن ويربطه ويوجهه على قمر ما اعرف شنو اسمه ورح تستقبلين كل القنوات العربية الرسمية مثل العراقية والجزية عربي وانكليزي وسوريا دراما وقطر والاردن والشارقة وووووووو
الموضوع كله يكلف تقريبا 200 دولار فقط ... وماكو لا اشتراك ولا اي شئ
اني هسه بالبيت عندي هذا الشئ


ابو راشد

صحيح كلامك اخوية ابو راشد .. بس للاسف المجمع اللي احنا بي .. ممنوع ننصب اي صحن لاقط .. يعني لازم ندبر الموضوع بغير طريقة .. ولهذا سألت عن الموضوع

تحياتي

[ابو راشد]

الله كريم ... الحياة ما تتوقف على الستلايت


ابو راشد

[stormes]

شباب ستلايت عربي جديد (مو الزاب ولاميديا بوكس)  بيه 300 قناة عربيه ينربط على الانترنيت وما يحتاج دش بسعر 300 دولار وماكو اشتراك شهري يعني اشتراك مدى الحياة ينزل بعد شهر فالي يريد يراسلني حتى احجزله واحد

[Ahmed hassan]

السلام عليكم..انا احمد حسن متواجد ف florida orlando..bl winter park..شركه www.globaltelebusiness.com.شركتنا خاصه bl iptv..بمعني  اوضح الجهاز او reciever  للقنوات العربيه للعرب المتواجدين في امريكا وكندا من غير اي اشتراك شهري او سنوي ومعه ضمان..جهاز Zap.tv ل امريكا لديه 1200 قناه ..700 قناه عربيه كل قنوات العرب سات والنايل سات MBC.Rotana مثلا منهم قنوات الجزيره الرياضيه bein sp كامله المشفره..و 500 قناه International  قنوات قمر اوروبي وقنوات عالميه..تقدر كمان تخلي الجهاز يشتغل علي اكتر من t.v مش t.v واحد ممكن لحد 6..ويوجد جهاز  hst   www.hstbox.ca ..متاح ل امريكا وكندا الموقع عليه كل معلومات الجهاز وفيديو لطريقه التشغيل والقنوات ومعاه ضمان لمده سنه كامله..حاليا فيه offer ..لاي مساعد كلموا رقمنا تبع sales operation     من كاليفورنيا                31 46 709 510  اي حد بيرد تسال عن احمد احسن او اكتبوا رقمك والاسم وانا بكلمكم..بنوصلك الجهاز shippping التوصيل عن طريق شركه fedix   free taxes and shipping ^^ لفتره محدوده انا متواجد ف الشركه من 3 الضهر لحد 9 بليل  وانشاء الله بقدملكم تخفيض كويس وخدمه ممتازه..للتواصل ده  الاكونت بتاعي علي الفيس بوك  ksehvagooo@yahoo.co

[newatusa]

اهم اجهزة الاستقبال لمشاهدة القنوات العربية لعام 2015 موجودة على هذا الموقع
http://newimmigrant-welcome-to-usa.blogspot.com/2014/06/blog-post.html