اللاجئ العراقي في تركيا

[كل الاخوة]

جميع الاخوة في الموقع من مشرفين و مشاركين : السلام عليكم و رحمة الله و بركاته
رأيت ظاهرة في الموقع و على اساسها كتبت هذا الموضوع , و الظاهرة ان الاخوة الذين يقدمون خدماتهم و مشوراتهم للسائلين في صفحاتهم الخاصة بأسمائهم فان بقية الاخوة اصحاب الخبرة يتحرجون بل لا يجيبون على سؤال ما في صفحة غيرهم باعتبار ان هذا تتدخل منهم و ان صاحب الصفحة ربما ينزعج و لا يروق له ذلك ؛ و بالتالي فان بقية الاخوة اصحاب الخبرة سوف لا يجيبون على تساؤلات المشاركين و ان كانت لهم المعلومة الاصح او اللأدق او الأنفع ؛ و بالتالي فان السائل مع انه استفاد من جواب صاحب الصفحة لكنه ربما ( بل بالتأكيد ) فاته خبرة البقية و التي هو بأمس ما يكون يحتاجها .
أخوتي الاعزاء جميعكم على القلب بل انتم الذين في القلب : اللاجئ العراقي الآن يحتاج الى المعلومة المفيدة من اي مشارك و لا يحتاج ( من رخصة فلان ... فلان زعلان مدخلين في صفحته .... فلان لا يجاوب الا في صفحته ... )
احبتي الاعزاء :
1- ادعو الاخوة السائلين الى تحويل اسئلتهم على هذه الصفحة حتى يجيب عليها كل من يحب ان يجيب من المشاركين اهل الخبرة بلا استثناء و لا تقييد و لا  انحراج من احد لأن هذه الصفحة عــــــــــــــــــــــــــــــــــــــــــــــــــــــــــــامة للجميع ان شاء الله
2- ادعو الاخوة الاعزاء حقيقة و المتفضلين علينا باجوبتهم القيمة ان يمروا على هذه الصفحة و ينورون المحتاجين اليهم بتعليقاتهم , فهذه صفحة ليست باسم احد بل هي بإسمكم جميـــــــــــــــــــــــــــــــــــــــــــــــــــــــــعا ,  ندعوكم جميعا للرد و الجواب و التعليق على اي سؤال او استفسار هذه الصفحة .

الشكر و التقدير لكل من يعمل لإنجاح الفكرة و العمل على فائدة اللاجئ العراقي
و التحية من القلب للجميع و السلام عليكم و رحمة الله و بركاته

[ايمن العراقي]

ماشاء الله
تبارك الرحمن
اول مشاركاتك بهاذة الاهمية
اهنئك على روح التعاون التي لديك
واشكرك على طرحك القيم والمفيد
تقبل مني فائق الاحترام والتقدير
اخوك
ايمن العراقي

[پ چ ژ گ ڤ]

السلام عليكم و رحمة الله و بركاته
أخوتي الاعزاء الافاضل ( جميعا ) كيف حالكم اتمنى من الله تعالى ان تكونوا بتمام الصحة و العافية و الخير
في الحقيقة فكرة هذه الصفحة مهمة جدا جدا و انا لمستها و محتاجها كثيرا
ولدي بعض الاسئلة و ارجو معرفة حيثياتها من حضرتكم و من بقية الاخوة ان كانت لهم المعلومة المفيدة و الكل ان شاء الله لا يقصرون
1- فرضا لو تم رفض الشخص من اليو ان ما هو مصير طالب اللجوء : هل يستطيع البقاء في تركيا بصيغة او باخرى ام يطرد ام ماذا ؟
2- فرضا انه تم اخذ الفسفورة وقد تاخر التوطين لمدة خمس سنوات فهل يحق له التقديم على الجنسية التركية في هذه الحالة ام لا ؟ ام ان اقامة طلب الجنسية تختلف ؟
3- وبرأيكم : لو ان اللاجئ في تركيا انقطعت به السبل في تركيا من حيث المعيشة و المصرف و لم يبقى له الا الله تعالى و هو خير صاحب : ماذا يفعل في هذه الحالة هل يبيت مع عائلته في الشارع هل يسمحوا له بالعمل هل ( يجدي ) ماذا يفعل في مثل هذه حالة ؟ و أسأل الله عز و جل ان لا يمر انسان بهكذا موقف , و لكن الدنيا متقلبة و احببت الاستفسار .

و يا حبذا الاطالة في الجواب بقدر ما تستطيع من اجل الفائدة
شكري و تقديري لكل الاخوة   في الموقع

[اسد عراقي]

السلام عليكم و رحمة الله و بركاته
أخوتي الاعزاء الافاضل ( جميعا ) كيف حالكم اتمنى من الله تعالى ان تكونوا بتمام الصحة و العافية و الخير
في الحقيقة فكرة هذه الصفحة مهمة جدا جدا و انا لمستها و محتاجها كثيرا
ولدي بعض الاسئلة و ارجو معرفة حيثياتها من حضرتكم و من بقية الاخوة ان كانت لهم المعلومة المفيدة و الكل ان شاء الله لا يقصرون
1- فرضا لو تم رفض الشخص من اليو ان ما هو مصير طالب اللجوء : هل يستطيع البقاء في تركيا بصيغة او باخرى ام يطرد ام ماذا ؟
2- فرضا انه تم اخذ الفسفورة وقد تاخر التوطين لمدة خمس سنوات فهل يحق له التقديم على الجنسية التركية في هذه الحالة ام لا ؟ ام ان اقامة طلب الجنسية تختلف ؟
3- وبرأيكم : لو ان اللاجئ في تركيا انقطعت به السبل في تركيا من حيث المعيشة و المصرف و لم يبقى له الا الله تعالى و هو خير صاحب : ماذا يفعل في هذه الحالة هل يبيت مع عائلته في الشارع هل يسمحوا له بالعمل هل ( يجدي ) ماذا يفعل في مثل هذه حالة ؟ و أسأل الله عز و جل ان لا يمر انسان بهكذا موقف , و لكن الدنيا متقلبة و احببت الاستفسار .

و يا حبذا الاطالة في الجواب بقدر ما تستطيع من اجل الفائدة
شكري و تقديري لكل الاخوة   في الموقع

فكره جميله وانا بخدمكتم واخي جاوبتك على الاسئله جميعها بموضوعي

[پ چ ژ گ ڤ]

عزيزي ايمن السلام عليكم
استفدت كثبرا من كلامك المفصل و المهم عن المقابلات الثلاثة و بارك الله فيك
و انقل الرابط هنا للفائدة

http://ahalna.com/index.php/topic,10185.msg96593.html#msg96593

[پ چ ژ گ ڤ]

حبيبي اسد الموقع ( عراقي ) جوابك المفيد و اللطيف و الوافي ان شاء و صل و ما قصرت و بارك الله فيك و اطلعت عليه
و حسيت ان صحتك ما تسمح بالتواصل
و اني ممنون الك كثيرا

[پ چ ژ گ ڤ]

الاخوة الاحبة السلام عليكم جميعا
لطفا متى ينتهي البرد في تركيا بحيث لا نحتاج الى فحم او غاز للتدفئة بحيث يسافر الشخص و يجنب اهله البرد و يوفر على نفسه الصرفيات
مع الشكر و التقدير للكل

[اسد عراقي]

الاخوة الاحبة السلام عليكم جميعا
لطفا متى ينتهي البرد في تركيا بحيث لا نحتاج الى فحم او غاز للتدفئة بحيث يسافر الشخص و يجنب اهله البرد و يوفر على نفسه الصرفيات
مع الشكر و التقدير للكل

اقسى برد ونزول الثلج يكون شهر ال ١٢ وا ال ١ وا ال ٢ تصل درجات الحرار الى ١٨ بسالب يعني -١٨ تبدى تتشتت بدايه شهر الرابع ويدفى الجو مودتي وحترامي...

[پ چ ژ گ ڤ]

عزيزي الغالي اسد عراقي
اشكرك على معلوماتك و جوابك القيم
و أسأل الله تعالى ان يحفظك و جميع الاخوة الطيبين في هذا البيت الطيب

[پ چ ژ گ ڤ]

احبتي القريبين من القلب ....
صحيح يقولون بان الفحم مجاني في الشتاء , يعني اذا مجاني الواحد بعد ميشيل هم لكلفة التدفئة شوكت ما يجي بتسهيل رب العالمين

[پ چ ژ گ ڤ]

الاخوة اهل الخبرة المحترمين :
حيرتني مسألة و هي ان جميع من في الموقع يتكلم فقط عن اللجوء الى امريكا
سؤالي هو اذا كان اكثر اللجوء الى امريكا فمتى اذن يذهب اللاجئ الى كندا او استراليا
اهل الغيرة من اهل الخبرة انتظر جوابكم ان شاء الله مع كل الحب و التقدير

[اسد عراقي]

احبتي القريبين من القلب ....
صحيح يقولون بان الفحم مجاني في الشتاء , يعني اذا مجاني الواحد بعد ميشيل هم لكلفة التدفئة شوكت ما يجي بتسهيل رب العالمين

نعم الفحم مجاني اخي ........ كل عائله 40 كيس طن واحد

[اسد عراقي]

الاخوة اهل الخبرة المحترمين :
حيرتني مسألة و هي ان جميع من في الموقع يتكلم فقط عن اللجوء الى امريكا
سؤالي هو اذا كان اكثر اللجوء الى امريكا فمتى اذن يذهب اللاجئ الى كندا او استراليا
اهل الغيرة من اهل الخبرة انتظر جوابكم ان شاء الله مع كل الحب و التقدير

في بيت اهلنا لاتحير اخي الله يقدرنا ونقوم بلواجب .. لكل اهلنا الطيبين كندا وستراليا في حال تم رفضك من الامريكيه يحول ملفك على الكنديه وفي حال لاسامح الله تم رفضك من الكنديه تحول على الاستراليه .. خالص الود والاحترام

[أبومصطفى]

سلام عليكم جميعا,اخويه اسد اليوم اني عندي سؤال اريد اتعبك شويه ههههه ,ماهو تسلسل دول الاستيطان بالضبط يعني امريكا استراليا كندا لو امريكا كندا استراليا؟ الرجاء الرد وبسرعه.تحياتي واحترامي للكل.

[پ چ ژ گ ڤ]

الأحبة الأعزة : تحية من القلب
سؤالي و وضعي بالضبط انه نفسيتنا تعبت هوايه و ما مأمنين حقيقة على ارواحنا فقلت لو ربي يسهل و نجمع كم مليون ( اثنين او ثلاثة ) و اقدم على تركيا يعني ءأجر و صرفيات كم شهر لحين نطكطك باللغة و نلكه شغلة انشاء الله . لأن اطلب هواي ناس بحكم شغلي و مو الكل تسدد و عندي بيت ما جاي ينباع و الله اعلم شوكت ينباع و تجي قسمته اكول قابل انتظر الى شوكت !!!
فقصدي هل هذه الفكرة واردة و عملية
و الشكر الجزيل لجميع الاخوة

[پ چ ژ گ ڤ]

عزيزي اسد العراق شكرا جزيلا على اجوبتك الطيبة
و الله يجزيك عنا خير الجزاء لأن احنا حقيقة ما نقدر انجازيك بشيئ يكافئ تعبك

[أبومصطفى]

الأحبة الأعزة : تحية من القلب
سؤالي و وضعي بالضبط انه نفسيتنا تعبت هوايه و ما مأمنين حقيقة على ارواحنا فقلت لو ربي يسهل و نجمع كم مليون ( اثنين او ثلاثة ) و اقدم على تركيا يعني ءأجر و صرفيات كم شهر لحين نطكطك باللغة و نلكه شغلة انشاء الله . لأن اطلب هواي ناس بحكم شغلي و مو الكل تسدد و عندي بيت ما جاي ينباع و الله اعلم شوكت ينباع و تجي قسمته اكول قابل انتظر الى شوكت !!!
فقصدي هل هذه الفكرة واردة و عملية
و الشكر الجزيل لجميع الاخوة

اخي ابوعبدالله سلام عليكم,عزيزي بالنسبه للامور الماليه طبعا انت اعلم بيهه بس اريد انطيك فكره عن تكاليف المعيشه بتركيا للاجئ,صاحب العائله يحتاج شهريا مو اقل من 700 دولارطبعا مع الاقتصاد الشديد وهاي تشمل الايجار+فواتيرالماء والكهرباءوالغاز والتدفئه +النقل+الاكل+مصاريف عامه (بالنسبه للتدفئه ذكر سابقا انه الفحم مجاني 1 طن وهذا صحيح لكن لمره واحده في السنه والفحم يكفي فقط شهرين او اقل يعني راح تحتاج تشتري فحم 1 طن اضافي لتكملة الشتاء)ال100 دولار=180 ليره تركي, هذه اخي صوره عامه عن كلفة المعيشه هنا ,اللغه يااخي صعبه جدا فلا تتأمل ان تستفاد منها بالعمل والاحسن ان نخلي احتمال عدم امكانية ايجاد عمل بالبدايه,يبقى لازم تعرف ان موضوع اللجوء مومثل السابق صار يطول كم سنه والاهم هو ان تكون محضر لنفسك قصه جيده للUN والاحسن مدعومه بوثائق اوتقريرطبي مثلا يعزز قصتك,وبرأيي الشخصي حول موضوع بيتك اذا تكدر ان تأجره حتى يكون عندك وارد شهري ثابت تعتمد عليه,وبدايه قدومك الى تركيا يكون عندك مبلغ حتى تكدر تأسس بداية استقرارك.
ويمكن حضرتك تتصور انه اني دا أصعب الامور بس يا أخي هذا هو الواقع هنا وكثير من الناس جاؤوا الى تركيا وما استطاعوا ان يكملوا ورجعوا فحبيت انطيك هاي التفاصيل حتى تكون على بينه من الموضوع واني حاضر لاي سؤال او مساعده,تحياتي واحترامي للكل.

[الصابرة]

اخي ابوعبدالله سلام عليكم,عزيزي بالنسبه للامور الماليه طبعا انت اعلم بيهه بس اريد انطيك فكره عن تكاليف المعيشه بتركيا للاجئ,صاحب العائله يحتاج شهريا مو اقل من 700 دولارطبعا مع الاقتصاد الشديد وهاي تشمل الايجار+فواتيرالماء والكهرباءوالغاز والتدفئه +النقل+الاكل+مصاريف عامه (بالنسبه للتدفئه ذكر سابقا انه الفحم مجاني 1 طن وهذا صحيح لكن لمره واحده في السنه والفحم يكفي فقط شهرين او اقل يعني راح تحتاج تشتري فحم 1 طن اضافي لتكملة الشتاء)ال100 دولار=180 ليره تركي, هذه اخي صوره عامه عن كلفة المعيشه هنا ,اللغه يااخي صعبه جدا فلا تتأمل ان تستفاد منها بالعمل والاحسن ان نخلي احتمال عدم امكانية ايجاد عمل بالبدايه,يبقى لازم تعرف ان موضوع اللجوء مومثل السابق صار يطول كم سنه والاهم هو ان تكون محضر لنفسك قصه جيده للUN والاحسن مدعومه بوثائق اوتقريرطبي مثلا يعزز قصتك,وبرأيي الشخصي حول موضوع بيتك اذا تكدر ان تأجره حتى يكون عندك وارد شهري ثابت تعتمد عليه,وبدايه قدومك الى تركيا يكون عندك مبلغ حتى تكدر تأسس بداية استقرارك.
ويمكن حضرتك تتصور انه اني دا أصعب الامور بس يا أخي هذا هو الواقع هنا وكثير من الناس جاؤوا الى تركيا وما استطاعوا ان يكملوا ورجعوا فحبيت انطيك هاي التفاصيل حتى تكون على بينه من الموضوع واني حاضر لاي سؤال او مساعده,تحياتي واحترامي للكل.

كلام واقعي جدا وفعلا هية هاي طبيعة المعيشة بتركيا

[اسد عراقي]

سلام عليكم جميعا,اخويه اسد اليوم اني عندي سؤال اريد اتعبك شويه ههههه ,ماهو تسلسل دول الاستيطان بالضبط يعني امريكا استراليا كندا لو امريكا كندا استراليا؟ الرجاء الرد وبسرعه.تحياتي واحترامي للكل.

الله يساعدك ابو مصطفى حببيي وعليكم السلام عيوني ماكو تعب ان شاء الله وبخدمتكم وربي يشهد عليه ولو بيدي هسه كلكم اطيركم وفرحكم وحق هوه النبي .... اخي بلنسبه لسؤالك التسلسل يصير امريكا اول شي وراها كندا وراها استراليا وممنون اني من الجميع وتدللون ...

[اسد عراقي]

عزيزي اسد العراق شكرا جزيلا على اجوبتك الطيبة
و الله يجزيك عنا خير الجزاء لأن احنا حقيقة ما نقدر انجازيك بشيئ يكافئ تعبك

اخي محمد الله يبارك بيك ياطيب وتدلل حبيبي واني برسم الخدمه وحاظر لاي شي ودعائك بظاهر الغيب هذا كلش كافي اخي مودتي وحترامي ...

[اسد عراقي]

اخوووووان اخووووان كلامي موجه للجميع بدون استثناء والله يشهد عليه .... اللي ماعنده ورد من العراق يجيه كل شهر لهنا تركيا ليتورط ويجي اللهم اني بلغت اللهم اني فشهد وكلام اخويه صحيح العائله يحتاجلها بلشهر مو اقل من ٧٠٠ دولار مع التقشف طبعا .... والسنكل يحتاجله ٤٠٠ دولار شويه اكثر هم مع التقشف  هاي ناهيك اذا عنده مقابله ومحافظته بعيده لا سامح الله تمرض تزيد هاي الارقام لان مصاريفك تزيد واني اعرف هوايه ناس جاي لهنا عوائل وافراد ومطولو ٤ اشهر ورجعوا للعراق .... فا يا اخوان خلي بالك من تجي يكون عندك ورد يجيك  كل شهر من العراق حتى تكدر تكمل هنااا الموفقيه للجميع تحياتي ...

[النورس جوناثان]

اخوووووان اخووووان كلامي موجه للجميع بدون استثناء والله يشهد عليه .... اللي ماعنده ورد من العراق يجيه كل شهر لهنا تركيا ليتورط ويجي اللهم اني بلغت اللهم اني فشهد وكلام اخويه صحيح العائله يحتاجلها بلشهر مو اقل من ٧٠٠ دولار مع التقشف طبعا .... والسنكل يحتاجله ٤٠٠ دولار شويه اكثر هم مع التقشف  هاي ناهيك اذا عنده مقابله ومحافظته بعيده لا سامح الله تمرض تزيد هاي الارقام لان مصاريفك تزيد واني اعرف هوايه ناس جاي لهنا عوائل وافراد ومطولو ٤ اشهر ورجعوا للعراق .... فا يا اخوان خلي بالك من تجي يكون عندك ورد يجيك  كل شهر من العراق حتى تكدر تكمل هنااا الموفقيه للجميع تحياتي ...

الكلام صحيح والرجل صادق
الحياة في تركيا ابدا مو لعبة بالعكس جدا غالية واللي ماعندا وارد يجي من اهله بالعراق او عندا صنعة ولغة يكدر يدبر امرا بيها لا يجي ابدا لان يتبهدل
انا عشت بتركيا واعرف شنو الحياة بتركيا
كلشي غالي فاتورة الكهرباء والماء والدواء والتكسي هيج انساه احسن
فاللي ماعندا وارد او ما عندا صنعة او مايكدر يشتغل ويتحمل شغل الاتراك القاسي ابدا لا يفكر بتركيا لان ترى مابيها اي مساعدات واذا بيها فلاتسد الرمق
وكلامنا من باب النصح والارشاد ولكم القرار بالنهاية

[البحار]

الأحبة الأعزة : تحية من القلب
سؤالي و وضعي بالضبط انه نفسيتنا تعبت هوايه و ما مأمنين حقيقة على ارواحنا فقلت لو ربي يسهل و نجمع كم مليون ( اثنين او ثلاثة ) و اقدم على تركيا يعني ءأجر و صرفيات كم شهر لحين نطكطك باللغة و نلكه شغلة انشاء الله . لأن اطلب هواي ناس بحكم شغلي و مو الكل تسدد و عندي بيت ما جاي ينباع و الله اعلم شوكت ينباع و تجي قسمته اكول قابل انتظر الى شوكت !!!
فقصدي هل هذه الفكرة واردة و عملية
و الشكر الجزيل لجميع الاخوة

السلام عليكم ورحمة الله....

طبعا اخواني اسد عراقي والنورس ماقصرو بالاجابة وكان جوابهم جدا وافي...
.....

لكن تعال نحسبها حتى يصير عندك معلومة ....بالنسبة للمصاريف اللي تحتاجها
1-ايجار شقة::وهي موجودة بسعار غالية قياسا بالسنين الماضية تتراوح من 300 الى 450 ليرة...
2- فاتورة الكهرباء...وهي عادة ما تاتي من 50 ليرة الى 150 ليرة حسب صرفك للكهرباء
3-فاتورة الغاز...وطبعا اكو كارت بــ 100 ليرة واكو فاتورة تاتيك بنهاية الشهر...يعني كمعدل تصرف على الغاز بالشهر من 100 ليرة الى 150 ليرة
4-فاتورة الماء...ايضا خلي ببالك من 50 الى 80 ليرة
5-مصاريف المعيشة بالشهر مو اقل من 450 ليرةالى 600 ليرة اذا كنت صاحب عائلة
6-الاحتياجات اللي تطلع صفح مثل مريض لا سامح الله او عطل ببعض الاجهزة  ويحتاج الى تصليح او رصيد تلفون وغيرها تحتاج الى تقريبا 100 ليرة الى 150 ليرة
...

اخي العزيز هذه هي المصاريف الشهرية للعائلة,,,,صح اني خليت ارقام شوية عالية بنسبة بسيطة لكن هذا هو الواقع...وانت دائما لازم تقيس على الاكثر مو على الاقل...
وطبعا هذه الارقام احتماااااال تكون اقل بكثير اذا انت استغنين عن هواية اشياء واقتصدت بهوااااية اشياء...
ولو نحسبها الان .....ورح احسبها بالزااااايد .....واكرر...رح احسبها بالزايد...

يحتاج 1480 ليرة بالشهر ما يعادل بالدولار 800$...
اخي العزيز هاي حسبناها بالزايد...
واذا حسبناها بالاقل تحتاج1050 ليرة بالشهر ما يعادل 600 $

[The Godfather]

نعم الفحم مجاني اخي ........ كل عائله 40 كيس طن واحد

أسمحلي أخي بتدخل بسيط ... بالنسبه للفحم المجاني يمكن يكون بالمحافضه الي انت بيها ... بس بقية المحافضات ما بيها هيجي شي ... يعني مثلا محافضتي العوائل تشتريه ماكو شي اسمه مجاني

تقبل تحياتي 

[پ چ ژ گ ڤ]

يكدر يشتغل ويتحمل شغل الاتراك القاسي

طبعا اول شيئ اشكر الكل على مساهماتهم القيمة معانا
و وجدت بارقة امل من كلام اخونا النورس , فاقول حتى لو كان العمل قاسي  ( و اسأل الله يعينا )  المهم يوجد عمل و مصدر لللمعيشة . لأن نحن عشنا تجربة صعبة جدا علينا بالعراق و ما نتحمل نعيش تجارب قاسية و مؤلمة جديدة ( الله يحفظ الجميع ) لذلك مستعدين ان شاء الله نعيش و لو حياة قاسية في تركيا مع وجود الأمن على النفس و الأهل و الاولاد
فسؤالي لجميع الأحبة : اذا يوجد عمل , و هل يوجد عمل و لو قاسي  ,  و انواع الأعمال و اجورها فهل نعتمد عليها بعد الله و نتوكل و نجي
و انا محتاج جدا لتعليقاتكم القيمة باعتباركم اخوتي عايشين في تركيا

[البحار]

اخي العزيز.....

مو كل المحافظات تستطيع ايجاد عمل فيها....لان بعض المحافظات لا يوجد فيها عمل...

من اهم العوامل للذي يريد العمل في تركيا هي ثلاث عوامل..
اللغة اذا كنت تتقن اللغة التركية فتستطيع ايجاد عمل
واذا كان عندك حرفة مثل حلاق او غيرها من الحرف ايضا تستطيع ان تعمل ولكن ايضا يجب ان تتعلم اللغة لكي تعرف كيف تتعامل مع الاتراك...
والامر الثالث اذا كان عندك راس مال جيد فايضا تستطيع عمل مشاريع  او تشتري شقق وتاجرها...
واذا ما توفرت لديك كل هاذي الامور ...فتبقى تبحث عن عمل في المحلات او المعامل...وباجر بسيط 20 ليرة باليوم
وكل ذالك يجب عليك تعلم ولو شي بسيط من اللغة

[The Godfather]

طبعا اول شيئ اشكر الكل على مساهماتهم القيمة معانا
و وجدت بارقة امل من كلام اخونا النورس , فاقول حتى لو كان العمل قاسي  ( و اسأل الله يعينا )  المهم يوجد عمل و مصدر لللمعيشة . لأن نحن عشنا تجربة صعبة جدا علينا بالعراق و ما نتحمل نعيش تجارب قاسية و مؤلمة جديدة ( الله يحفظ الجميع ) لذلك مستعدين ان شاء الله نعيش و لو حياة قاسية في تركيا مع وجود الأمن على النفس و الأهل و الاولاد
فسؤالي لجميع الأحبة : اذا يوجد عمل , و هل يوجد عمل و لو قاسي  ,  و انواع الأعمال و اجورها فهل نعتمد عليها بعد الله و نتوكل و نجي
و انا محتاج جدا لتعليقاتكم القيمة باعتباركم اخوتي عايشين في تركيا

أخويه العزيز محمد أبو عبدلله ... راح أحاول أحجيلك شويه ومو باسلوب الرد ... راح نعتبر الأمر سوالف بيناتنا ... حتى لا يخطر بالك أنو منتدى بيت أهلنا أذا عدهم معلومه راح يبخلون بيها لا سامح الله على أي شخص ... أني بصراحه قريت كل أسئلتك وقريت أجوبة الأخوان في بيت أهلنا عليها ... حقيقة الأمر ما بخلو عليك بأي جواب ... ومن ناحيه ثانيه أني دا الاحظ من خلال أسئلتك أنك دتحاول تجمع فيض من المعلومات حتى تبني بيها أساس متين للفترة القادمه من حياتك انت وعائلتك ... حبيت أنوه على شغلة بسيطه خلال كلامي ... مهما تجمع من معلومات ما راح تكون بالكم الوافي صدكني ... الحقيقه على أرض الواقع بيها نوع من الأختلاف ... أذا ما تجي وتشوف بعينك ما راح تفهم الوضعيه شنو هي ... بس المهم بالموضوع ... راح أنطيك فد قياسات قبل ما تقدم على هذه الخطوه ... بالنسبه لأي شخص عاش كلاجيء في تركيا صرف بأقل تقدير 10000 $ كحد أدنى ... وأحسب أنت ... في السابق كان الشخص يجي لتركيا ويروح يقدم بانقره وأحتمال كبير يقابل مقابله أولى في نفس اليوم ويحصل الفسفوره ... وأذا شويه أتعرقلت الشغله عليه ينطوه موعد للمقابله الأولى بس ما كانت تعبر شهر تقريبا ... وراها ينزل الاستيطان وراها يقابل مقابله أولى IOM في أسطنبول وبعدها الثانيه وبعدها الفحوصات ثم الطيران ... وكل هذه المقابلات كانت تطول بحدود سنه أو سنه وكم شهر ... حاليا الوضع أختلف ... تجي لتركيا تروح تقدم ينطوك موعد للمقابله الأولى مو أقل من 2014 ... ودائما نكول الواحد يتوقع أسوء الأحتمالات كدامه ... وارد جدا أن الشخص من يسوي المقابله الأولى ما يحصل الفسفوره ... وينطوه موعد مره أخرى لأعادة المقابله الأولى ... وهنا راح يتأخر مره أخرى ... يعني  ألي اريد اوصله ألك ... الفتره السابقه كانت الأمور تمشي وبسهوله وكان اللاجيء يتأخر أقل شي سنه أو سنه ونص ... هسه بهذا الوقت بس المقابله الأولى موعدها 2013 كحد ادنى أو 2014 كحد أعلى ... رتب أمورك على هذا الشي قبل ما تتورط وتجي ... ومثل ما كالك أحد الأخوه ... رغم الفلوس الي معاك لازم يكون عندك شي مصدر للدخل كل شهر يجيك من العراق أو من الخارج بمعدل 400 $ كل شهر ... ولا تكول من أجي لتركيا راح اشتغل اي شي ... لان الشغل مو متوفر بالشكل الي أنت تتخيله ... أولا الأجور جدا متدنيه ... مثلا العامل التركي ينطوه 50 ليرا ... أما العراقي ما ينطوه أكثر من 20 ليرا ... هذا أذا قبلو يشعلوه أصلا ... تقريبا الأتراك ألي يقبلون يشغلون العراقين هم من الأشخاص ألي ما يعرفون شنو هي الرحمه ... ستغلون العراقي ألى أقصى حد وينطوه أقل من نصف حقه ... ,اتوقع أنت شنو من بشر راح يكون رب العمل ألي راح تشتغل يمه ... وأكو شغله ثانيه ... بالنسبه ألك ما راح تكون بكيفك تروح فد محافضه وتستقر بيها ... لأن سامع بيها شغل مثلا أو مساعات ... أنت من راح تروح تقدم في أنقره ... راح يخصصونلك محافضه أو مجموعة محافضات ويكولولك أنك ملزم أن تختار وحده منهم ... يعني لازم تتوقع أنو المحافضه الي راح تروح ألها ما بيها شغل أو ممنوع تشتغل بيها أو يكون الشغل متوفر والله يسهل أمورك ... 90% من العراقين في تركيا ما يشتغلون أما بسبب الأجور القليله أو الشغل المتعب أو لأن أصلا ممنوع عليهم في محافضتهم ... أما بخصوص نوع الشغل هنا المتوفر ... هو أما بالعلاوي مال المخضر ... تحميل وتفريغ صناديق ... أو بمعامل الخشب ... قطع أشجار ... والشغله الثانيه جدا صعبه وما يستمر بيها ويصبر عليها غير الشباب ألي عنده طاقه ... لكن بصراحه أذا لكيت شغل هنا وبأي أجر أنصحك توافق وتحمد الله عليه ... لأن راح يسدلك على الأقل شغلة أيجار الشقه ...
أحب أذكرلك أنو في بعض المحافضات أكو مساعدات وفي بعضها ماكو ... ونوع المساعدات تختلف من محافضه لأخرى ... أكو بعضها يقدملك شغلات مثل الفحم مثل ما ذكر أحد الأخوه ... بس غير محافضات ماكو ... أكو من تكدر تحصل بيها على وجبة طعام وصمون ومخضر ... أكو يمكن بس مو متأكد أكو محافضات الوالي ينطي بيها مبالغ نقديه ... بس أعتقد ما تسوى قياسا بالصرفيات هنا ... ما اعرف شكولك بعد ... بس أهم شي بالموضوع هو الأقتصاد ... وخصوصا بأول الأيام ... يعني حاول قدر الأمكان تلزم أيدك ... ما نريدك تجي هنا وتصرف فلوسك وترجع ... حرامات والله ... أي سؤال يخطر بالك ... كلنا ما راح نتأخر بيه عليك ... والله يسهل عليك وعلينا [/color]


 

[پ چ ژ گ ڤ]

عزيزي البحار مراحب بيك معانا ( و حظرتك لك في قلبي مكانة خاصة لسبب )
و ارجو التوضيح : هل يجوز لطالب اللجوء شراء عقار
مع تقديري

[البحار]

عزيزي البحار مراحب بيك معانا ( و حظرتك لك في قلبي مكانة خاصة لسبب )
و ارجو التوضيح : هل يجوز لطالب اللجوء شراء عقار
مع تقديري

حبيبي الغالي اشكرك عيوني  واكيد اني ابادلك نفس الشعور لانك اخ عزيز ....

اي اخوية عادي ما يأثر....

[پ چ ژ گ ڤ]

اخوي وليد بماذا اجازيك اعجز عن ذلك ( جزاك الله عنا خير الجزاء )

[Purity]

اخ محمد
احجيلك عن نفسي : انا اجرت بيت عبارة عن غرفة وصالة صغيرة ومطبخ وحمام ب ٢٠٠ ليرة بالشهر
مصاريفي كالاتي :
اجار ادفع ٢٠٠ ليرة بالشهر
فاتورة ماء وكهرباء ٦٠ ليرة  بالشهر
تعبئة رصيد هاتف ٢٠ ليرة بالشهر
مصارف طعام ٢٠٠ ليرة بالشهر
قنينة غاز كل شهرين ادفع ٤٥ ليرة 
يعني تقريبا اصرف بالشهر 550 ليرة اي حوالي ٣٠٠ دولار بالشهر
طبعا هاي من جنت عايش لوحدي بس هسه جبت واحد وساكن معاي فاتقسمت علينا المصاريف يعني هسه اني اصرف بالشهر تقريبا ١٥٠ دولار بالشهر
شغلة اخرى اخوية كلش مهمه هو اختيار المحافظة يعني اني اختاريت اضنا لانه جوها مو مثل باقي المحافظات لانه مو باردة مثل بقية المحافظات الاخره جوها مثل جو العراق
طبعا اضنا مابيها مساعدات بس ممكن تلكي شغل مثل هسه عراقيين يشتغلون بقطف البرتقال بالمزارع من ساعة ٦ الصبح الى ٥ المساء بالشهر ٩٠٠ ليرة
واضنا هي محافظة تشبه العراق بجوها وطبعة اسواقها
ملاحظة - الاجار باضنا ٩٠% سنوي يعني من تاجر لازم تدفع لي كدام اجار سنة وبعد السنة يسير تدفع شهري

[The Godfather]

اخوي وليد بماذا اجازيك اعجز عن ذلك ( جزاك الله عنا خير الجزاء )

على راسي أخويه العزيز ... ربي يسهل عليك وعلينا 

[پ چ ژ گ ڤ]

حبيبي و عزيزي (صوت الامل) كلامك بالفعل اعطاني امل و حقيقة انت صوت للامل
اشكرك من اعماق قلبي

[پ چ ژ گ ڤ]

للفائدة للإخوة الزائري
انقل الروابط التالية عن موضوع دراسة الاطفال في تركيا 
http://ahalna.com/index.php/topic,10123.msg95738.html#msg95738

http://ahalna.com/index.php/topic,7320.0.html

[صرخة غريب]

السلام عليكم اخواني واخواتي بهذا المنتدى الرائع
عن طريق الصدفة وانا ابحث بالإنترنيت وجدت هذا المنتدى الرائع والصراحة شدني اليه هو تعاون الاخوة فيما بينهم وارجو ان تقبلوني كاخ بينكم . بالنسبة للاخ محمد ابو عبدالله
تحيتي الك والى كل الاخوان الي الحمد لله وبارك الله بجهودهم واجوبتهم الوافية على كل اسئلتك
بس حبيت اوضح كم شغلة بالنسبة الك انت اتريد تجي لتركيا اخوية العزيز بالنسبة للشغل والايجار والمستلزمات الاخرى انت كعائلة حسب المحافظة الي ينطوك اياها باليو ان واعتقد هسة المحافظات المفتوحة هي قرق شهير ومرسين واسطنبول واضنا ( ما متاكد) ومحافظة ثانية طبعا المتعارف علية بتركيا المحافظات الجنوبية ارخص من المحافظات الشمالية لانها ما شاء الله 80 محافظة او اكثر بقليل  بالنسبة للمحافظات الي ذكرتها كلها تبقى بيها ما عدا اسطنبول لانك ورة 6 اشهر او اقل تترحل منها ( وهذا الحال بالنسبة لانقرة )  بالنسبة لايجار يتراوح مثل ما ذكروا الاخوان من 200 ليرة وانت صاعد يعني حسب امكانيتك طبعا بنفس قيمة الايجار تكون التامينات بدون دلالية لان الدلال ياخذ دلالية بنفس قيمة الايجار وهذا متعارف بكل تركيا واعتقد الاخوان يأيدون هذا الكلام وسبب صعود الايجارات وهي ( احنا بفصل الشتاء والطلبة متواجدين بكل جامعات تركيا ولا ننسى الاهم الي هم السورين الي من يوم الي بدو يطبون تركيا وكلشي غلة ويمي تقريبا اختفت الايجارات ) وبالنسبة لغراض البيت كل محافظة بيها سوك تكدر تسال عليه من توصل لمحافظتك يصحولة ( أسكجي )هذا للأغراض المستعملة تكدر تاثث بيتك بي وتكدر من توصل للمحافظة اذا اكو جماعة الله سهل امرهم وديسافرون تكدر تشتري غراضهم تكون ارخص من السوك بالنسبة للشغل اخوية بما انك ماعندك لغة تركية وهذا اتفضلوا بي الاخوان قبلي مشكورين عندك كم شغلة تكدر تشتغلها الي الانشاءات ( العمالة ) وهاي اجورها للعراقين من 40-50 ليرة او بالبساتين او تقطيع الخشب وهاي ما اعرف اجورها بالظبط لان ما موجودة بمحافظتي او عندك غسل سيارات هاي اجورها 20 الى 30 ليرة او الحمالة وهاي هم اجورها 30 ليرة وبالنسبة لشراء عقاء انت كلاجيء ممنوع تشتري أي شي لا سيارة لا شقة لانه ممنوع لان انت بتركيا بصفة لاجئ بالنسبة للفحم انت من توصل للمحافظة مالتك تستلم الكملك ( الهوية ) تكدر تروح للوالي وتقدم على الفحم ( الكمور ) وهذا مو بكل المحافظات تلكاه ان يكون الفحم مجاني بالنسبة للخظراوات والفواكه لادير بال لانها رخيصة بشكل عام واكو بكل محافظة اسواق اسمها بيم (BIM) هاي تكون اسعارها ارخص شوية من الماركيتات بيها كلشي ما عدا الخضراوات الغاز حاليا صار ( وهذا بمحافظتي ما اعرف بالنسبة للبقية ) سعر القنينة 70 ليرة تركي بس تقاوم وياك اقل شي شهرين وشوية .
فاخوية نصيحتي الك اذا عندك كم فلس راح تجيبها وياك خليها تفيدك اول ايام الى ان تلكة أي شغلة تمشي بها امورك والباقي ضمة لان راح يفيدك بهواي امور بالنسبة للتنقل لانقرة واذا سهل امرك وتحولت استيطان لازم تروح لاسطنبول وانت حسب ما ذكرت عائلة وانت المعيل الها
مع العلم ان اوقات الشغل تبدي من الساعة 8 او 7 صباحا الى نفس الوقت ليلا ما عدا كم شغلة ايصير الانتهاء العمل قبل هذا الوكت .هاي تقريبا تركيا بشكل عام واي شي تحتاجة ان شاء الله هنا الاخوة ميقصرون لانا كلنا اخوة بهذا المنتدى .
واخر شي اكولك هلة ومية هلة بيك بتركيا .وان شاء الله اذا وصلت بالسلامة ان شاء الله تاخذ مدينة ويكون بيها احد الاخوة بالمنتدى حتى يكدر يرتب امورك اول ايام .
الاخوة الاعضاء تقبلوا مروري اسف اذا طولت عليكم .
اخوكم صرخة غريب   

[البحار]

وبالنسبة لشراء عقاء انت كلاجيء ممنوع تشتري أي شي لا سيارة لا شقة لانه ممنوع لان انت بتركيا بصفة لاجئاخوكم صرخة غريب   

السلام عليكم ....اخواني الاعزاء نحن هنا لخدمة اخواننا والاجابة على استفساراتهم وتساؤلاتهم...وارجو ممن لا يعلم الاجابة عدم التطرق الى الموضوع...لكي لا يكون هناك خلل في حسابات الشخص الذي يروم التقديم والمجيء الى تركيا...
احوي العزيز انا اتفق معك بكل ما ذكرته من معلومات مفيدة وشرح كل ما يتعلق بالمعيشة في تركيا .....

الا انني لا اتفق معك بخصوص احقية اللاجيء في شراء عقار في تركيا لكونه يعتبر لاجيء...لا حبيبي التمليك صار في تركيا بدون قيد او شرط ويحق للاجيء شراء العقار....وادخل على هذا الرابط لكي تتاكد.....تحياتي

http://ahalna.com/index.php?topic=8988.0

[صرخة غريب]

اخي البحار السلام عليكم
اشكرك على ملاحظتك القيمة بالنسبة الي او للاخوة المشاركين بس اخي الكريم اني بالنسبة الية اسكن بغازي عنتاب وممنوع للاجئ ان يمتلك اي شي هنا وبعد قراءت ملاحظتك القيمة مشكورا سالت الاخوة هنا الي اقدم مني واكدولي نفس الخبر ( ممنوع التمليك للاجئ ) وما اعرف بالنسبة لانقرة اذا مسموح التمليك لو لا لان حسب ما قريت الرابط الي دزيتة الية الاخ ساهر مشكور ذاكر حق التمليك للاجئ ولكنة ابتعد عن غازي عنتاب
تقبل تحياتي واشكر ملاحظتك واحاول اسال محامي تركي للتاكد من الموضوع تقبل خالص احترامي

[پ چ ژ گ ڤ]

اشكر الاحبة الاخوة البحار و صرخة غريب على هذه المداخلات الطيبة القيمة
و اهلا بيكم و مراحب في بيت الطيبين هذا و ترحيب خاص للاخ صرخة غريب
تمنياتي للجميع بالتوفيق

[پ چ ژ گ ڤ]

عزيزي waleed aboona
اشكرك جدا جدا جدا على المعلومات المفيدة و التي عرفتها لأول مرة من خلالك و استفدت كثيرا من هذه الرسالتين على الخاصة ، و حاولت اشكرك على الخاصة بس ما ادري لويش يكول لا يمكن فشكرتك اهنايه
و ان شاء الله اتواصل معاك اكثر , و ياريت تأطر المعلومات بإطار عام و تنزله بالمنتدى من اجل فائدة كل الاعضاء و الزائرين
دعائي لك بالتوفيق

[پ چ ژ گ ڤ]

الاخوة الاحبة الطيبين في هذا البيت الطيب / السلام عليكم
ارجو التوضيح حول كيفية اختيار المحافظات الرخيصة في المقابلة الاولى , وقد عرفت معلومات على بعض المحافظات لكن هي اكثر من 80 محافظة كيف نميز و هل توجد مثل احصائية او رابط خاص على هذا الموضوع نطلع عليه حتى يتجهز الشخص قبل المقابلة ان شاء الله
اما اذا تم اجبارنا على محافظة فهذا بحث آخر
شكري و تقديري و احترامي لجميع اخواني في هذا البيت

[The Godfather]

الاخوة الاحبة الطيبين في هذا البيت الطيب / السلام عليكم
ارجو التوضيح حول كيفية اختيار المحافظات الرخيصة في المقابلة الاولى , وقد عرفت معلومات على بعض المحافظات لكن هي اكثر من 80 محافظة كيف نميز و هل توجد مثل احصائية او رابط خاص على هذا الموضوع نطلع عليه حتى يتجهز الشخص قبل المقابلة ان شاء الله
اما اذا تم اجبارنا على محافظة فهذا بحث آخر
شكري و تقديري و احترامي لجميع اخواني في هذا البيت

أخي محمد ... بالنسبه لشغلة الرخيصه أو الغاليه ... تقريبا كل المحافضات متساويه مناحية المصاريف ... مثل المسواك والغاز والكهرباء والمي والعلاج ...ألخ . بس الفرق بيناتهم هو ببدل الأيجار للبيت أو الشقه ... أكو محافضات غالي الايجار بيها واكو رخيصه ...
وخوش فرصه حاليا ... كل عضو يدخل يذكر شكد الحد الأدنى والحد الأعلى للأيجارات في محافضته ... حتى الأخوه الجاين جدد يستفادون من الموضوع أذا ما خيروهم بين هاي المحافضات ...

وراح أبدي أني

بالنسبه لمحافضة توكات ... الحد الأدنى 300 ليرا والحد الأعلى 600 ليرا ... علما أكو أزمه مو طبيعيه بأيجاد سكن ... والسبب هو طلبة الكليات

[پ چ ژ گ ڤ]

عزيزي و ليد اشكرك على مرورك
و من صدك اذا كل واحد يعطي معلومات على محافظته راح يصير عدنا كم هائل ان شاء الله من المعلومات عن كل محافظة
و بقية الاخوة الطيبين امثالك ما راح يقصرون ايضا
مع احترامي و تقديري

[صرخة غريب]

الاخ محمد ابو عبد الله
اشكرك على ترحيبك وان شاء الله كلنا اخوان هنا وتحياتي للكل
وبالنسبة لمبادرة الاخ Waleed aboona
الايجار لمحافظة غازي عنتاب
اولا المؤثث 550 -700 ليرة تدقئة مركزية
ثانيا المناطق الوسط والادنى تبدي من 150 - 400 ليرة ( صوبة كمور ( فحم )
علما ان الايجارات تقريبا انعدمت لوجود السوريين بكثرة مو طبيعية  ووجود الطلاب

وتحياتي للجميع

[Purity]

اخي بالنسبة لمحافظتي اني ساكن باضنا مميزتها كالاتي :
الجو بيها غير بارد قياسا مع محافظات اخرى جوها مثل جو العراق
اليوم هو ٢٩-١١-٢٠١٢ اني بغرفتي ماعالك اي تدفئة وبالنهار من اطلع برا اطلع ببلوزة واحدة دون جاكيت او قمصلة
طبعا الاجارات تبدا من ٢٠٠ ليرة اقل شي الى ٧٠٠ ليرة يعني اليوم عائلة عراقية اجرت بيت غرفتين وصالة ب ٣٠٠ ليرة بالشهر ومنطقتهم جيدة وقريبة على كل شئ
اضنا حاليا مفتوحة للتقديم
طبعا اني من اجيت لاضنا مارحت لمكاتب الدلالية لانه ياخذون منك دلالية بقيمة الاجار و وتامينات بقيمة الاجار يعني اذااجرت من الدلال ب ٣٠٠ ليرة راح تدفع اول شهر ٩٠٠ليرة
دورت يومين ولكيت بيوت وششق هواية مكتوب عليها للاجار بالتركي والحمد لله اتصلت بشخص اجا واتفاهم ويا ابو البيت واجرت
انصحك اذا اجيت لتركيا اول شي اكعد بفندق مناسب ودورلك انت بنفسك والامر سهل بس الواحد من يكون بالعراق يحسب هاي امور كلش صعبة انت رتب امورك واطلع ولاتضل قلق
طبعا اني شاب لوحدي ومامتزوج بالنسبة الي الحياة اسهل لانه ماعندي مسؤلية لو اكل خبز و ماي عادي اتحمل
العائلة طبعا مسؤليته اكبر بس مو مستحيلة الالف من العوائل طلعوا واتحملو وبالاخير نالوا المراد
المسواك يمنا وسط   الفواكه عدنا رخيصة والخبز ايضا سعرة مناسب واللحوم البيضاء ايضا اسعارها مناسبة
الامنيات هنا زينين يوم واحد تروح وتوقع
العمل متوفر هنا اكو عراقيين يشتغلون بالمزارع واكو بالمعامل واكو بالخياطة والامنيات تسمح لك بالعمل بس عملهم متعب جدا يطلعون روحك ويستغلون الواحد
ارجوا ان اكون وصلتلك بعض المعلومات التي تفيدك
اخي اذا وضعك المادي تعبان حاول تشوفلك عائلة عراقية وتاجرون سوا وبعدين من ترتب امورك وتالكالك شغل تكدر تطلع

[پ چ ژ گ ڤ]

 اخوب الغالي (صوت الامل)شرفتنا بمرورك الكريم و حضرتك عودتنا ان تبعث الامل في نفوسنا من خلال كلامك هذا عن ادنا
كل تقديري واحترامي لحضرتك

[پ چ ژ گ ڤ]

عزيزي (صرغة غريب) اشكرك على مرورك و معلوماتك

[ام ديما]

بسم الله الرحمن الرحيم اخواني الاعزاز عندي كم سوال وارجوا النظر في موضوعي انني بعد التي والتيا قابلت مع ال اي سي ام سي وبعده نطوني ورقه بيهه الايميل مالتهم والفاكس واكو رقم مثلا tu_456790 ممكن اعرف هذا الرقم شنو وشلون ادخل اله واذا اريد ارسل فاكس لل اي سي ام سي شلون الله يخليكم لان اريد ادز عنوان الكفيل وما اعرف

[Pasok]

بسم الله الرحمن الرحيم اخواني الاعزاز عندي كم سوال وارجوا النظر في موضوعي انني بعد التي والتيا قابلت مع ال اي سي ام سي وبعده نطوني ورقه بيهه الايميل مالتهم والفاكس واكو رقم مثلا tu_456790 ممكن اعرف هذا الرقم شنو وشلون ادخل اله واذا اريد ارسل فاكس لل اي سي ام سي شلون الله يخليكم لان اريد ادز عنوان الكفيل وما اعرف

http://www.turkey.iom.int/traveldates/usrp.aspx
أختي الفاضلة الرقم اللي تفضلتي بيه تدخليه بالرابط أعلاه لمعرفة موعد السفر حين يقترب...بالتوفيق

[أبومصطفى]

أختي ام ديما سلام عليكم,اسم الكفيل ممكن تسلميه بالمقابله الثالثه(مقابلة المحلف)وحاليا بعد المقابله الثانيه ما تكدرين تسوين شي بس تنتظرين اتصالهم لموعد المقابله القادمه,تحياتي.

[Purity]

شكرا لك اخ محمد ابو عبدالله
من دواعي سرورنا ان نساعد اخوتنا