الزواج من امريكية

الكاتب موضوع: الزواج من امريكية  (زيارة 1528 مرات)

0 الأعضاء و 1 ضيف يشاهدون هذا الموضوع.

Nov 11, 2012, 10:11 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
الزواج من امريكية
« في: Nov 11, 2012, 10:11 مساءاً »
اخوان السلام عليكم
طبعا موضوعي السابق بصراحة منطاني فد امل قوي بالفرار من المأساة اللي اني بيهه
عندي حل اخر وادري بيكم متقصرون باللي تعرفوه ورحمه الوالديكم اللي يعرف فد معلومه يفيدني بيهه لان وضعي حرج جدا
اني متزوج والحمد لله وعندي اطفال 2
اكدر اتزوج من امريكية واسافر وبعدين ادز على زوجتي واطفالي ؟
وره شكد مدة اكدر ادز عليهم ؟
طبعا بالجنسية مالتي اني مكتوب متزوج هذا ميأثر على زواجي من امريكية ؟
اكدر بعدين انفصل عن الامريكية علمود ادز على زوجتي واطفالي ؟
رحمه الوالديكم تره وضعي كلش تعبان وحياتي في خطر
بانتظار ردودكم على استفساراتي وتحياتي الكم

Nov 12, 2012, 12:58 صباحاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
رد: الزواج من امريكية
« رد #1 في: Nov 12, 2012, 12:58 صباحاً »
تدري اذا مشيت بهذا الطريق شكد راح يحتاجلك وقت ياله تشوف مرتك وجهالك يمك بامريكا,, اقل شي ست سنين وانت احكم.

بالاظافة الى ان الموضوع مو بالسهولة الي فكرت بيها.
Confidence comes not from always being right, but not fearing to be wrong

Nov 12, 2012, 02:08 صباحاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #2 في: Nov 12, 2012, 02:08 صباحاً »
رحم الله والديك شكرا للرد اخويه تحياتي الك
ممكن توضحلي اكثر ليش لازم ابقه 6 سنوات يلله اكدر اشوف زوجتي واطفالي
وخلال الفتره اللي ابقه بيهه هناك اكدر ارجع للعراق لو لا؟
مع جزيل الشكر والتقدير

Nov 12, 2012, 04:34 صباحاً
عراقي روعة
  • *
  • مشاركة: 559
  • مقيم في: us
  • تقييم 90
  • الجنس: ذكر
  • صامد بوجه الرياح ...شامخ باصعب جراح
رد: الزواج من امريكية
« رد #3 في: Nov 12, 2012, 04:34 صباحاً »
اخي وين اكو هيج فيلم ..اولا تعدد الزوجات ممنوع بامريكا ...ثانيا راح ينكتب بالفيزا انت متزوج ...فما راح تكدر تتزوج بامريكا لان انت متزوج ...لازم تطلك العراقية اول شي وتسافر بصفتك مطلق..سالفتك مستحيلة جدا اخي ماكو هيج شي لان امريكان مو غشمة بهاي المواضيع

Nov 12, 2012, 04:56 صباحاً
رماد الحب الضائع
  • *
  • مشاركة: 219
  • مقيم في: us
  • تقييم 7
  • الجنس: ذكر
  • أن لم تكن ذئبا فلا تخف......كــــــــــــــن عراقي
    • http://www.youtube.com/watch?v=LbrEQ09O_UQ
رد: الزواج من امريكية
« رد #4 في: Nov 12, 2012, 04:56 صباحاً »
ههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
هسا هي امريكا شنو ونتا كاتل روحك عليها  :x :x :x :x :x :x :x :x :x
خليك ويا مرتك وجهالك وعوف الافكار الخياليه
شيعـــــــــــــــــــــــــــــــــــــي وافتخر ...
امريكـــــــــــــــــــــــــــــــــــي وافتخر ..
.


Nov 12, 2012, 06:53 صباحاً
The Godfather
  • *
  • مشاركة: 779
  • مقيم في: us
  • تقييم 18
  • الجنس: ذكر
رد: الزواج من امريكية
« رد #5 في: Nov 12, 2012, 06:53 صباحاً »
مثل ما كال اخويه عراقي كلش ( تعدد الزوجات ممنوع بأمريكا ) وأي تلاعب يكتشفوه بعدين راح تتحاسب قانونيا ... هذا من ناحيه ... ومن ناحيه أخرى حبيت بس أنبهك على موضوع مهم جدا , واعتقد أنك أنسان مثقف وهذا الشي ما يخفه عن بالك ... الزواج هو ترابط روحي وفكري وأجتماعي ورب العالمين يشهد عليه قبل البشر ... شي مقدس ... شلون تريد تتلاعب بمثل هيجي أمور ... وأذا أنت تشوف نفسك محرج جدا بالبقاء بالعراق ... أعتقد من الأنسب ألك ولعائلتك أن تطلع لتركيا او لبنان او الأردن ... ومناك تقدم وانت وانت مرتاح ... الشغله من تكون رسميه تكون أأمن ... وعلى الأقل زوجتك وأطفالك يكونون يمك وكدام عينك ... أحسن من أن تعوفهم بالعراق ... أذا أنت مهدد صحيح ... بأعتقادي لو طلعت وعفتهم , راح يقع التهديد عليهم ! تقبل مروري @};-

Nov 12, 2012, 07:21 صباحاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
رد: الزواج من امريكية
« رد #6 في: Nov 12, 2012, 07:21 صباحاً »
راح اشرحلك ليش الموضوع يطول


قبل كل شي لازم تطلق مرتك الحالية ... حته مستقبلا من تسحبها تسوي عقد بتاريخ جديد

اول سنه راح تخلص بالعثور على امراة عدها جنسية امريكية تقبل الزواج بك على وضعك الحالي,  ahalna_emotions (106) , يعني تعرف انه انت راح تتركها بمجرد ان تحصل على الاوراق .  :ahalna_collection (65): .. موجوده هيج نساء بامريكا لكن يكون اعمارهم كبيرة كلش .  :ahalna_individual (75): . فانت اذا عندك استعداد تمر بهيج خطوه توكل ..

فوكاها قريب السنه على الاقل ياله تكدر تسحبك ,,, هاي في حال اقتنعت منظمة الهجرة والمحلف الي راح يقابلك بالسفارة بان الارتباط ليس لاغراض السفر فقط وانما علاقة حب  :ahalna_collection (80):

النوب خليلك فد 5 سنين مرتبط بهاي المرة ياله تحصل على الجنسية الامريكية   ahalna_emotions (105)

ووره متطلك الامريكية فد سنه يالة تسحب زوجتك العراقية واطفالك  :ahalna_individual (84):

عاد يمك حاسبة واحسب جم سنه صارن  :ahalna_collection (58):

طبعا هاي الحجي والترتيب كله والمفروض زوجتك الحالية عدها علم هي واهلها وماعدهم مانع بانه انت هيج تسوي    ahalna_emotions (112)

شنو رايك اخي بعدك تتصور بانها خوش فكرة لو ورطة؟؟

Confidence comes not from always being right, but not fearing to be wrong

Nov 12, 2012, 10:26 صباحاً
زيد الاسدي
  • *
  • مشاركة: 711
  • مقيم في: us
  • تقييم 102
  • الجنس: ذكر
  • الطفولة : أنفاسٌ عذبة وسحائب ماطِرة وأريج عبِق ..
رد: الزواج من امريكية
« رد #7 في: Nov 12, 2012, 10:26 صباحاً »
نصيحة اخوية منقصر عليك بيها اترك هذا الموضوع مساوئه الاف الاضعاف من محاسنه وثم الزواج من امريكية يعني مو هين تكسر ظهرك بامريكا وترفع عليك مو 100 الف قضية منها النصب والاحتيال يعني (         ) تكعد البنية بعد متشتغل تعتمد عليك هههههههههههههمه الامريكيين تلكاهم متزوجين وعدهم جهال بس بدون عقد زواج ليش ؟؟؟؟ ماسئلت نفسك ؟؟؟ اخي هناك اللي يريد يعيش بسلام يشوف مرة من طينته ممكن يامن المستقبله مو يصير في مهب الريح ويه مرة احتمال تكون نصابة واته نصاب وارجو المعذرة لان هاي الحقيقة لان انته دتكول من العنوان توصلني وبعدين اسحب جهالي يعني لو كايل حبيتها ممكن واحد ينطيك بعض وليس كل العذر  يعني الله وكيلك تطلب لجوء بافغانستان لان تضل مكابل المحاكم واكو قضايا طلاق تستمر من سنه الى 7 سنوات هههههههه ونتمنالك الموفقية واذا تريد تزوج على مرتك اتزوجلك عراقية ثانية من ثوبك

Nov 12, 2012, 01:12 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #8 في: Nov 12, 2012, 01:12 مساءاً »
الف شكر اخواني نورتوني بردودكم الوافيه
اخويه رماد الحب الضائع اني مو كاتل روحي على امريكا اني اصلا زرت امريكا وبقيت 5 اشهر هناك اقرأ قصتي وانت تعرف 
اعمل مع القوات الخاصه العراقيه والتي باشراف الجانب الامريكي وسافرت الى امريكا بفيزة نوع (A2) وحصلت على كارت سوشل سكيورتي وصارلي حوالي سنه من رجعت للعراق وعندي شهادات من امريكا باشتراكي بالدوره وعندي باجات القوات الخاصه وباج IRAQ WIDE الذي اصدره الجانب الامريكي هل هذه الاشياء تساعدني في طلب اللجوء عن طريق اليو ان في تركيا علما اني تعرضت الى تهديد ورقي بالقتل . ارجو الافادة من اعضاء المنتدى المحترمين لضيق الوقت بالنسبة لي ولكون حياتي في خطر .وكم هي الفتره التي اقضيها في تركيا؟
اريد اشتري حياتي مو رايح بطر لامريكا  تحياتي الك

Nov 12, 2012, 02:04 مساءاً
ابو ساندرا
  • *
  • مشاركة: 228
  • مقيم في: us
  • تقييم 2
  • الجنس: ذكر
رد: الزواج من امريكية
« رد #9 في: Nov 12, 2012, 02:04 مساءاً »
اخي ماكو سقف زمني محدد بين تقديمك لطلب اللجوء وبين سفرك
سواء من تركيا او الاردن او لبنان
كل كيس اله حالة خاصة بي وتمشي حسب جدول عمل لااني ولاانت نحدد سرعتة
الاوراق الي عندك تأكد كلامك وتوثقة عند الامم تكدر تستفاد منها وضروري تقدمها
يجوز الاخوان بتركيا يكدرون ينطوك معلومات اكثر بس الي اعرفة بتركيا مواعيد المقابلات حاليا دينطوها كلش بعيدة.
الله يوفقك ويوصلك سلامات انت والاهل.

Nov 12, 2012, 02:08 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #10 في: Nov 12, 2012, 02:08 مساءاً »
مشكور اخويه وسام عالرد نورتنه بمعلوماتك والله اني كاعد انتظر اجمع معلومات وان شاء الله اتوكل على الله واجيب عائلتي واخلص وارتاح

Nov 13, 2012, 01:34 صباحاً
The Godfather
  • *
  • مشاركة: 779
  • مقيم في: us
  • تقييم 18
  • الجنس: ذكر
رد: الزواج من امريكية
« رد #11 في: Nov 13, 2012, 01:34 صباحاً »
أخي العزيز ...

ما دام أتغيرت وجهة نظرك بالموظوع ... ولأنك نويت تغير طريقة وصولك لأمريكا ... يعني لغيت ان شاء الله فكرة الزواج من الأمريكيا ... يشرفني ان ارد على أستفسارك عن الأمور في تركيا ... خليني أوضحلك شي بسيط بالبدايه ... قبل فتره من كان أي شخص يستفسر عن الأمور هنا في تركيا , كنا نوصف ونحجي وننطي أمثله في بداية حديثنا ... لكن الأمور أختلفت الأن ... الأن المفروض أني أسئلك عن ظروفك الماليه حتى أكدر أكولك تركيا تفيدك لو لا ... في السابق جان العراقي من يجي لتركيا واذا الله راد ومشت أموره دون أي عرقلات ...كان يطول من سنه ألى سنه ونص كحد أعلى ويطير ألى ارض الحريه ... الأن الأمور أختلفت ... أول ما يوصل العراقي لتركيا ويروح ويقدم بالـ UN ينطوه موعد مقابله أولى مو أقل من شهر الرابع 2014 ..!
هنا شغل ماكو ... الفلوس ما بيها بركه مثل ما يكولون ... يعني بصريح العباره أذا أمورك الماديه زينه وتشوف نفسك مسيطر على الوضع ... من باجر اتوكل على الله وتعال لحك على موعد قريب ... وأذا تشوف الموضوع صعب ... فحاول تروح للأردن أحسن ... هذا كان ردي ولو ببساطه بس أتمنى أن يفيدك بشي ... وأي أستفسار أني الممنون   @};-

Nov 13, 2012, 03:22 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #12 في: Nov 13, 2012, 03:22 مساءاً »
مشكو اخويه وليد على ردك ومعلوماتك القيمه
عن طريق الاردن اتصور صعب الي لان اني طالع سابقا عن طريق الاردن ترانزيت واكيد مؤشر عدهم انه الفيزة مالتي A2
يعني احتمال اكو منع او شيء اخر
وبالنسبة عن طريق تركيا يعني حوالي 15000$ تكفي هاي الفتره لو يحتاج اكثر ؟
وشكرا لمرورك الكريم نورت الموضوع
تحياتي

Nov 13, 2012, 03:56 مساءاً
ابو ساندرا
  • *
  • مشاركة: 228
  • مقيم في: us
  • تقييم 2
  • الجنس: ذكر
رد: الزواج من امريكية
« رد #13 في: Nov 13, 2012, 03:56 مساءاً »
مرحبا شباب
اتفق وية الاخ وليد اني
واكدر احجيلك عن لبنان اني واوضحلك الفكرة....لبنان هم المعيشة بيها غالية
معدل الايجارات 400-500 دولار بالشهر للشقة بمنطقة اسمها الدكوانة  بي كثير عراقيين...هذا ماعدا فلوس الكهرباء الوطنية وفلوس المولدة (لأن بلبنان مثل العراق اكو مولدات)
الشغل مو كلش متوفر بالنسبة للعراقيين...يعني كرايبي اشتغل بمطبعة ينطو 400$ راتب واذا غاب يوم يكصون من راتبة 50 الف ليرة مايعادل 33 دولار تقريبا باليوم....اني اشتغلت بمكتب حاسبات دوام من ال2 لل 8 بالليل انطاني 200 دولار!!
ال100$ تساوي 150 الف ليرة....ومثل مديكول وليد مابيها بركة...على سبيل المثال كيلو اللحم ب16000 الف وربطة الخبز ب1500 ليرة وهشكل تحسبها بس
نجي للادوية والعلاج....انت من تسجل بالامم تتحول انت والعائلة على منظمة الكاريتاس هاي المنظمة اذا لاسامح الله تحتاج تفوت مستشفى يفوتوك ويدفعولك 85% من الفاتورة......بس المناطق الي بيها هواية عراقيين شغل هاي المنظمة بهيجي مناطق بسبب مع الاسف واكرر مع الاسف نفاق وكذب العراقيين وسوالفهم التعبانة وواحد يحرك على الثاني
من ضمن مميزات هاي المنظمة انه تنطي للاطفال الرضع تحت عمر السنتين كارتون حفاظات عدد2 كل شهرين...
الاقامة وورقة الامم المتحدة بلبنان غير معترف بيها رسميا مو مثل الاردن وتركيا....يعني اني امشي بالشارع اني وحظي بس همة يغضون النظر عن العراقيين الي مايسوون مشاكل وماعدهم سوالف سجون وعركات لأن يعرفون اول وتالي مسافرين يعني صارلي سنة ونص بلبنان مسمعت مسفرين عراقي لأن ماعندة اقامة بس اذا سوت مشكلة لا عدهم غير تصرف وياك.
اني بالنسبة الي ساكن بمنطقة اسمها زحلة صح بعيدة عن بيروت بس قليل بيها عراقيين وبصراحة الكاريتاس يشتغل بيها احسن من بيروت. بس بيها ثلج ومصاريف التدفئة تزيد من فاتورة مصرفك الشهري يعني بيها زين وموزين
مواعيد المقابلات الحالية ماعندي فكرة مضبوطة عنها بس اذا تحب اسألك وارجعلك خبر.
بصراحة اذا تكدر ترتب فوتك للاردن احسن من لبنان...وانت اول تالي لازم تبلغ انه انت فايت للاميركا قبل ونوع الفيزا لأن رح ياخذون جوازك ويشوفون وحتى اذا بغير جواز فايت فاسمك هو نفسة ومايأثر على المعاملة مالتك لأن زوجتي همين فايتة لاميركا قبل منقدم لجوء (لاغراض الدراسة) وراحت ورجعت طبيعي وهسة قدمنة وجتينة الموافقة وسوينة الفحص الطبي
نصيحة انه تكون صريح وية الامم على قدر الامكان احسنلك.
اسف للاطالة واتمنى اكون ساعدتك

Nov 13, 2012, 10:05 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #14 في: Nov 13, 2012, 10:05 مساءاً »
مشكور اخويه وسام عالشرح وشكرا لمرورك الكريم
بس شغلة لبنان هم صعبة عليه شويه اتصور اختياري راح يكون تركيا والله يسهل عالجميع ان شاء الله بس خلي اصفي اموري
والتسهيل من الله
شكرا اخويه ممنون منك وانتظر الرد من الاخ وليد

Nov 14, 2012, 06:22 صباحاً
The Godfather
  • *
  • مشاركة: 779
  • مقيم في: us
  • تقييم 18
  • الجنس: ذكر
رد: الزواج من امريكية
« رد #15 في: Nov 14, 2012, 06:22 صباحاً »
أخي الغالي أسف على التأخير بالرد ...

بالنسبه لتركيا راح أحاول أنطيك فكره بسيطه ويارب تستنتج منها خلاصه تبني عليها طريقك ... تركيا ربي يحميها لأهلها من أجمل بلدان العالم وجوها جدا لطيف ... نعمه من رب العالمين لهذا الشعب ... ربي يديمها عليهم ...

أذا أنت مقرر تطلع وحدك فمصرفك يختلف عن العائله ... بالنسبه للزكرتي ( الشخص الواحد ) بيها مجال تلكي واحد زكرتي مثلك وتكعد وياه وتتشاركون الأيجار
أما أذا نويت تطلع انت وعائلتك ... فخلي بالك أيجار مو أقل من 300 ليرا , والايجار يختلف تقريبا من ولايه لأخرى ... يعني أحتمال اقل أو أكثر
عندك فاتورة الدوار غاز اذا كانت الشقه دوار غاز ... أو الكوليفير ... أو فلوس الفحم والخشب أذا كانت صوبه ... وكل هاي الشغلات ما أكدر أنطيك رقم بيها لان تختلف حسب الصرف
بالنسبه فاتورة المي كل شهرين تقريبا 30 - 50 ليرا
الكهرباء تقريبا 50 ليرا كل شهر
انترنيت 80 ليرا كل شهر
علما أن سعر الصرف اليوم هو 100$ =180 ليرا
أما بالنسبه لمصاريف البقيه فما تختلف عن العراق ألا بشي بسيط واحتمال ارخص من العراق
المخضر هنا اني اشوفه جدا مناسبه أسعاره
يعني بصراحه لازم شويه تلزم أيدك من توصل ... لآن المشكله هي شكد الفتره ألي راح تبقى بيها هنا ... وهاي الشغله بيد رب العالمين محد يعرف
أذا عندك أحد يساعدك كل شهر فد ورقتين على الاقل , كلش زين ... أما أذا ما عندك فشويه صعبه بصراحه ... أني ما اريد تجي هنا وتكعد وتتعب فتره سنه أو أكثر , وأخر شي فلوسك تخلص وتضطر ترجع ... على الأقل شوف نفسك أذا تكدر تعتمد على شخص يكدر يساعدك أذا ما لا سامح الله فلوسك خلصت وانت بعدك بمنتصف الطريق ... شغل عمل ماكو هنا ... وحتى أذا لكيت شغل ... يكسرون ظهر العراقي حتى ينطوه 20 ليرا يوميه ... بس مع ذلك لو حصلت شغل بهوايه أحسن من الكعده ... على الأقل تدفع الأيجار والمي والكهرباء ... عموما أني أسف أذا طولت بالحجي وما كدرت أنطيك فكره جيده ... عموما أذا أتكلت على الله وأجيت ... نصيحه مني أقتصد بالصرف ألى أقصى درجه وخصوصا بالفتره الأولى ... تحياتي ألك  @};-

Nov 14, 2012, 01:21 مساءاً
abhbhbhكاتب الموضوع
  • *
  • مشاركة: 15
  • مقيم في: iq
  • تقييم 0
  • الجنس: ذكر
رد: الزواج من امريكية
« رد #16 في: Nov 14, 2012, 01:21 مساءاً »
الف رحمه الوالديك اخويه وليد حسب كلامك الاخبار ان شاء الله تبشر بخير
اشكرك عيوني عالرد وتعليقك عالموضوع بصوره تفصيلية
ربي يسهل امرك
شكرا لمرورك الكريم

كلمات بحث :
 

مواضيع ذات صلة

  الموضوع / بدء بواسطة ردود آخر مشاركة
2 ردود
557 مشاهدة
آخر مشاركة Jul 13, 2011, 09:16 مساءاً
بواسطة BaghdadGhost
3 ردود
1257 مشاهدة
آخر مشاركة Dec 18, 2011, 08:19 مساءاً
بواسطة BaghdadGhost
3 ردود
619 مشاهدة
آخر مشاركة Dec 17, 2012, 06:51 مساءاً
بواسطة عراقي هواي
29 ردود
1395 مشاهدة
آخر مشاركة Nov 25, 2013, 07:43 صباحاً
بواسطة الباحث
10 ردود
375 مشاهدة
آخر مشاركة Aug 25, 2013, 04:13 صباحاً
بواسطة عراقي روعة


free counters