بيت اهلنا المغتربين

الاقسام التثقيفية => المطبخ => الموضوع حرر بواسطة: موناليزا70 في May 27, 2011, 09:57 صباحاً

العنوان: شنو طبختوا اليوم ...........
أرسل بواسطة: موناليزا70 في May 27, 2011, 09:57 صباحاً
هذا الموضوع فكرة ديما وحبيت انزلة لان عجبني وان شاء الله الكل تعجبة الفكرة  ونريد من الاخوة والاخوات التفاعل .......مو شرط انت طابخ/ة الاكلة يجوز امك او اختك او زوجك او زوجتك او اختك او بنتك المهم شطبختوا اليوم  :ahalna_individual (77):نريد نعرف حتى البقية تتفطن وتطبخ مثلة ..........كل واحد يكتب اسم الاكلة واذا عندة ملاحظة صغيرة عن الاكلة يكتبها او صورة بعد احسن بس مو تكتبون طريقة الطبخة كتابة طريقة الطبخة يكون بموضوع منفصل  ........مثلا ددوفي يكول طبخت باميا ومروكو تكول طبخت تشريب لحم وهكذا .............تحياتي للجميع
العنوان: رد: شنو طبختوا اليوم ...........
أرسل بواسطة: موناليزا70 في May 27, 2011, 09:59 صباحاً
اليوم كنت طابخة رز بالشبنت والبزاليا مع قطع اللحم ونزلت الطريقة بموضوع منفصل وان شاء الله يعجبكم ..........باجر الله كريم بعدني مامقررة ...........تحياتي
العنوان: رد: شنو طبختوا اليوم ...........
أرسل بواسطة: السفاح في May 27, 2011, 01:01 مسائاً
اني اجاوب على السؤال بصيغة (( شكلت اليوم :x :x :x ))

ما اتريكت الصبح
لكيت على الغدا  تشريب دجاج
فسكت ثريد دجاج على تمن واكلت قطعة من الفخذ وشوية صدر
وراها كلاص جاااااااااااااااااااااااااااااي :x :x :x :x :x :x

تحياتي
العنوان: رد: شنو طبختوا اليوم ...........
أرسل بواسطة: ام زيد في May 27, 2011, 01:45 مسائاً
والله اليوم ياحبيبتي طبخت سمك مقلي مع تمن اصفر وبصل مقلي وكشمش وسلطة ومكانكم خالي
شكرا ياعمري
العنوان: رد: شنو طبختوا اليوم ...........
أرسل بواسطة: ددوفي في May 27, 2011, 01:50 مسائاً
مرتي طابخة اليوم دجاجة بالكيس منزوعة الجلد ووياهة خضار علمود الريجيم مال ددوفي

وراح اكله وحدة  :-X
العنوان: رد: شنو طبختوا اليوم ...........
أرسل بواسطة: swan_mo في May 27, 2011, 08:03 مسائاً
تحية طيبة موني الغالية
اني اقترح هذا الموضوع يثبت حتى يكون متصفح يومي للاعضاء وينقلون منه افكار الطبخات ،تعرفين مرات الواحد يكعد صافن نص ساعة لان ميعرف شيطبخ
عاشت ايدك على الموضوع والفكرة جدا عجبتني
مودتي موني الغالية
العنوان: رد: شنو طبختوا اليوم ...........
أرسل بواسطة: IRAQIA في May 28, 2011, 04:32 صباحاً
موضوع رائع فعلا  عزيزتي موناليزا عاشت ايدك

واني اليوم طبخت برياني ودجاج مشوي
العنوان: رد: شنو طبختوا اليوم ...........
أرسل بواسطة: ديما في May 28, 2011, 07:50 صباحاً
اني طبخت اليوم برياني وملوخية لان كلش احبها واللي يحبها وميعرف يسويها اني اعلمه تتدللون من بطن عيني
العنوان: رد: شنو طبختوا اليوم ...........
أرسل بواسطة: موناليزا70 في May 28, 2011, 07:54 صباحاً
السفاح الف عافية واهم شي الجاي بعد الغدة .........

ام زيودي دائما اسوي السمك يوم الاربعاء تقليد متعودين علي........اضيف نومي بصرة للبصل والكشمش .......

الله يعينك ددوفي شنو هالريجيم القاسي .........بشرنا شقد نزلت ......

ام محمد ياريت الادارة تشوف المقترح وتثبت الموضوع ........بس ما كتبتي شطابخة اليوم

بالعافية العراقية اطيب شي البرياني ..........سؤال تحطيلة بهارات حارة لو بهارات باردة ؟؟؟؟؟......
العنوان: رد: شنو طبختوا اليوم ...........
أرسل بواسطة: ديما في May 28, 2011, 07:58 صباحاً
ليش هيجي تسوين موناليزا 70 تاخذين افكاري وتنزلين موضوع باسمج ليش اني زعلت ورح انسحب من البيت اشوف منو يدافعلي وميخليني اطلع واني زعلانة وشايلة جنطي اكييييييييييييد صدكتي مو بالله للمزح فقط موناليزا 70 انتي عزيزة وماكو فرق المهم ريحونه من التفكير بلطبخ اليومي لان ملييييييييييييييييييييينا
العنوان: رد: شنو طبختوا اليوم ...........
أرسل بواسطة: ددوفي في May 28, 2011, 10:49 صباحاً
والله يا اختي نازل ثمان كيلوات الى هسة
العنوان: رد: شنو طبختوا اليوم ...........
أرسل بواسطة: موناليزا70 في May 28, 2011, 10:51 صباحاً
ديما عزيزتي ياريت تكتبين طريقة عمل الملوخية بموضوع منفصل ...........المشكلة بالبيت مايحبوها وبس اني اللي احبها يمكن طريقتج مختلفة اريد اجربها بلكت يحبوها .........

اني متأسفة لحد الان مانزلت طلبك اللي طلبتي عذريني انشغلت ........ننتظر مشاركاتك بالمطبخ تحياتي
العنوان: رد: شنو طبختوا اليوم ...........
أرسل بواسطة: موناليزا70 في May 28, 2011, 10:53 صباحاً
اليوم سويت بيتزا باللحم وبيتزا الجبن والخضر للغدة..........وسويت فطائر اللحم وفطائر الجبن بالنعناع للفطور او تصلح لاي وقت ........تحياتي
العنوان: رد: شنو طبختوا اليوم ...........
أرسل بواسطة: ديما في May 28, 2011, 09:17 مسائاً
اني سويت كبة تبسي مال باذنجان اكييييييد تعرفوها كلش سهلة ومتاخذ وقت واللي يريد اعلمه بطن عيني
العنوان: رد: شنو طبختوا اليوم ...........
أرسل بواسطة: ديما في May 28, 2011, 09:25 مسائاً
حبيبتي موناليزا  الملوخية تجيبيها مفرومة وحاضرة من السوبر ماركت احنا موجودة يمنا بشيكاغو مااعرف يمكم موجودة لو لا تسلقين الدجاجة او نصف دجاجة ميهم حسب متريدين من تكمل سلق الدجاج المي مال دجاج تخلين يدفى مو يكون كلش حار بعد ميكون دافي تخليه على عين ناصية على نار مثلا كوب ونص مرق الدجاج تذبين الملوخية وتضلين تخوطين بيها مو تخليها تكتل وديري بالج من يكون المرق اكثر من الملوخية تسقط الى اسفل الجدر وتصير عبالك مي فوك وهي خضرة جوة بعد متتجانس مثل ماكتلج تفرمين ثوم ناعم وتحمسيه بطاوة الى ان يصفر وتخلين شوية كزبرة فوك الثوم مو هواية كزبرة وتطشيها فوق الملوخية وهمين تخوطين بيها الدجاج عندج مسلوك تذبي همين فوكاها وتطفين جوة النار ولو تدرين جكد بيها فوائد الملوخية طلعيها على النت واقريها والف والف عافية اكو تلميذ يعلم المعلم مالته يا موناليزا 70 الغالية
العنوان: رد: شنو طبختوا اليوم ...........
أرسل بواسطة: ســرى في May 28, 2011, 09:26 مسائاً
حلو الموضوع موني......

اليوم سويت تمن باقلاء ووياه تشريب لحم

تحياتي
العنوان: رد: شنو طبختوا اليوم ...........
أرسل بواسطة: IRAQIA في May 29, 2011, 02:08 صباحاً
موناليزا البرياني احطله بهارات حارة وهيل مطحون وقرفه (دارسين ) يطلع كولش طيب
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 03:01 صباحاً
ددوفي 8 كيلوات خلال كم يوم ؟؟؟؟.......ياريت تكتب طريقة الريجيم حتى الكل تستفاد .........
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 03:05 صباحاً
ديما اني كلش احب تبسي الباذنجان بالكبة .......الوالدة دائما تسوي .........

سرى الف عافية على تمن الباقلاء وتشريب اللحم اكيد طيب ...........

عراقية اني احط بهارات باردة (قرنقل ,دارسين,هيل,جوزة بوة )فقط جربيها وشوفي الفرق .........

تحياتي للجميع
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 03:09 صباحاً
ديما طريقتي بطبخ الملوخية كالتالي ........

اقلب قطع الدجاج بالزيت ثم اضيف البصل والثوم (كمية كبيرة) واقلب ثم اضيف الملوخية وماء وبعد الفوران اضيف الملح والحامض .............اتصور انت طابختها على الطريقة المصرية وطريقتي على الطريقة الاردنية ............تحياتي عزيزتي
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 03:17 صباحاً
اليوم طبخت رز بالمشروم مع الدجاج............تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 01, 2011, 03:36 صباحاً
اليوم طبخت فاصوليا يابسه على الدجاج وتمن ، طرشي وزلاطه ، والحلو محلبي .
العنوان: رد: شنو طبختوا اليوم ...........
أرسل بواسطة: ديما في Jun 01, 2011, 07:28 صباحاً
حبيبتي موناليزا اني تعلمتها مو بس من صديقاتي المصريات هاى الطريقة حتى الفلسطينين يسوون نفس الطريقة هاى لان اني قبل جنت اسويها تسقط الملوخية جوة بلجدر ويقى السوب مالتها ليفوك فسالتهم وعلموني وهاى طشة الملوخية يسموها الثوم المحمص مع الكزبرة والف والف عافية للجميع
العنوان: رد: شنو طبختوا اليوم ...........
أرسل بواسطة: ديما في Jun 01, 2011, 07:29 صباحاً
اني طبخت اليوم كبة يخني مع الحمص وطرشي وزلاطة وصمون حااااااااااااار واللي يريد ادزله ماعون بطن عيني
العنوان: رد: شنو طبختوا اليوم ...........
أرسل بواسطة: BaghdadGhost في Jun 01, 2011, 10:00 صباحاً
اني طبخت بانننننننننننننننية  :D ::)


موضوع راقي ويستاهل التثبيت .. عاشوا
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 11:26 صباحاً
الصديق الوفي تصدكين انسى اطبخ الفاصوليا اليابسة مع العلم الكل تحبها .......اشكر مرورك العطر ام علاوي
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 11:30 صباحاً
ديما عزيزتي الف عافية بس شنو كبة يخني ياريت تفهميني قصدك كبة في الشوربة الحمرة والحمص اللي نسميها كبة حامض لو شنو ؟؟؟؟؟......واني ما اريد بس صمون اذا عراقي
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 11:32 صباحاً
بصعوبة افتهمت باميا ......اتصورت بالبداية بانيه (دجاج بانيه)......الف عافية اخ شبح بغداد

اشكر الادارة على تثبيت الموضوع 
العنوان: رد: شنو طبختوا اليوم ...........
أرسل بواسطة: ام زيد في Jun 01, 2011, 04:15 مسائاً
عيني موناليزا اليوم سويت باميا من جوه ايادايك ومكانك خالي
اخي شبح بغداد والله البانية مالتك مو مثل البامية مالتنا ههههههههههههههه
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 04:46 مسائاً
ام زيودي هني مري هنا بامريكا الباميا طويلة الحجم واحنا العراقيين نفضل الناعمة  لكن بيها طعم كلش طيب  الكثير مايشتروها ويشترون المجمدة اني دائما احب اجرب .......تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 01, 2011, 07:59 مسائاً
موني العزيزه، أكو مثل عراقي يكول من يضيمك الضيم أتذكر أيام عرسك :ahalna_individual (67): ، زين يمه وآني من أحتار أش أطبخ اليوم أسوي فاصوليا يابسه هم سهله بالطبخ ويحبوها صغار وكبار زين يمه
والباميا الامريكيه ابد مو طيبه، :ahalna_individual (92): مو آني دا أبشرج مو أندليت الاسواق الصينيه، :ahalna_individual (38): عدهم باميه تازه وصغيرونه مثلهم وعبالك عراقيه رحت جبتها وطبختها :ahalna_individual (77): طلعت اتخبل  :ahalna_collection (52)::ahalna_individual (108): على لحم غنم بس مع الاسف ماكو يمنا خبز عراقي للتشريب :ahalna_individual (79): .

هاليوم سويت برياني وزلاطه
العنوان: رد: شنو طبختوا اليوم ...........
أرسل بواسطة: صائد الزمن في Jun 01, 2011, 08:02 مسائاً
ممممممممممممم
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 11:50 مسائاً
 مبروك ام علاوي على المحلات الصينية بيها الفواكه والخضر ما شاء الله كلش يهتمون بيها ............تحياتي عزيزتي
العنوان: رد: شنو طبختوا اليوم ...........
أرسل بواسطة: موناليزا70 في Jun 01, 2011, 11:51 مسائاً
صائد الزمن اشكر مرورك الطيب
العنوان: رد: شنو طبختوا اليوم ...........
أرسل بواسطة: ديما في Jun 02, 2011, 12:56 صباحاً
موناليزا 70 ليش شنو ماعدكم محلات لبيع الصمون والخبز العراقي بولايتكم احنا بشيكاغو اكثر من فرن يمنا اذا تريدين اشحن الج صمون عراقي وخبز واني برسم الخدمة لان كلش قهرتيني افتهمت منج ماكو صمون حااار لان اكدتي عليه
اما عن كبة اليخني هي كبة نفس الكبة حامض بس بيضة مو حمرة وبعدين الكبة حامض ميخلولها حمص !!!!!!!!!! كبة تمن يكون عندي اللحم مستوي غنم على حده اجيب مي الدجاج او مي لحم لان اني ابد مااطبخ مي البوري واخلي شرائح بصل بلطول وقالب ماجي ويفور شوية بعدين اذوب فد ملعقة اكل طحين بلمي واخليها بلجدر من اشوف شوية ثخنت اذب الكبة الى ان تستوي الكبة واخر شي اخلي  الحمص واخلي على عين ناصية وضوكيها وادعيلي والف عافية هو اني فكرتي جانت بلبداية تبادل اراء الطبخ لان دخنا من ورى الجدورة والمطبخ وحيرة الاكل اللي بعائلتي ناس تحب هاى الاكلة وناس متحب
العنوان: رد: شنو طبختوا اليوم ...........
أرسل بواسطة: موناليزا70 في Jun 02, 2011, 01:34 صباحاً
ديما الخبز موجود وقريب علينا لكن الصمون بعيد علينا واذا اخذنا من المحلات فهو مجمد .........وبالنسبة للكبة بالشوربة اني اسويها بهذي الطريقة لكن بدون طحين ان شاء الله اجربها مع الطحين واتصور افضل لغرض السماكة .........تسلمين على المعلومات الحلوة
العنوان: رد: شنو طبختوا اليوم ...........
أرسل بواسطة: الصديق الوفي في Jun 02, 2011, 06:54 صباحاً
و الله يمه آني أسوي كبة التمن ومخبوط وياها جريش وتطلع أتخبل وهاي الطريقه آني أكتشفتها بالصدفه كلت أجرب ماخسرانه شي، الله لايعود أيام الحصار اللي علمتنا أشكال حتى نسد حاجتنا وهاي الطريقه أذا تعجبكم
1- أنكع فد كوب واحد تمن ساعه أو أكثر يعني من أشوفه يتفتفت باليد
2- أحطه بالخلاط او بست البيت وياه شويه مي طبعا راح ايصير مثل الحليب
3- أجيب 3 كوب جريش وأضيفلها التمن المهروس بالخلاط
4- أترك الخليط الى أن ينكع الجريش بمي التمن وأذا أحتاج مي أكثر هم أضيف الى أن ينكع الجريش  وأعجنه عادي مثل عجين الكبه بعد ما اضيفله الملح
5- أحشيها باللحم وأبدي أسلكها من تنسلك راح أتلاحظين الكبه لونها أبيض مثل كبة التمن بس هي بالاصل جريش وتمن وألف عافيه .

العنوان: رد: شنو طبختوا اليوم ...........
أرسل بواسطة: موناليزا70 في Jun 02, 2011, 07:51 صباحاً
ام علاوي عاشت ايدج على الطريقة تعبناج ويانة .............تحياتي ياوردة
العنوان: رد: شنو طبختوا اليوم ...........
أرسل بواسطة: الصديق الوفي في Jun 02, 2011, 01:48 مسائاً
أشكرج يمه موني :ahalna_individual (86):، والله آني حايره اشراح اطبخ اليوم :ahalna_individual (6): هسه الساعه بال7 الا ربع الصبح ، خلي أشوف فد شويه انتو اشراح تطبخون بلكت تنطوني فكره :ahalna_individual (79): ، فاصوليا أول البارحه والبارحه برياني ، ها راح أطبخ اليوم تبسي بيتنجان وتمن طبعاً  :ahalna_individual (79):
وأسوي فد قالب كيك :ahalna_individual (107): ، يلا انتو اشراح اطبخون :ahalna_individual (105): .
العنوان: رد: شنو طبختوا اليوم ...........
أرسل بواسطة: موناليزا70 في Jun 02, 2011, 08:49 مسائاً
الصديق الوفي كلش طيب تبسي الباذنجان وخاصة اذا شوية ناشف وبالفرن مكسب .........ياريت تروينا صورة الكيك لان اشتهيتة .........تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 03, 2011, 01:52 صباحاً
يمه ماشالله الربع مايبقون شي :ahalna_individual (108): لو كايلتلي من الصبح وهسه الساعه بال7 العصر جان أحسب حسابج، :ahalna_individual (85):  يمه على الجايات بأذن الله من عيني حبيبه. :ahalna_individual (45):
العنوان: رد: شنو طبختوا اليوم ...........
أرسل بواسطة: IRAQIA في Jun 03, 2011, 03:48 صباحاً
اليوم بامية بس مو مجمدة  ومكانكم خالي كولش طيبة بس محتاجة خبزعراقي  :-\ :-\
العنوان: رد: شنو طبختوا اليوم ...........
أرسل بواسطة: موناليزا70 في Jun 03, 2011, 05:15 صباحاً
ام علاوي انتظر الكيك مو تنسين ........تحياتي عزيزتي

عراقية الف عافية واذا تريدين خبز ادزلج من عيني ........تحياتي ودمت بخير
العنوان: رد: شنو طبختوا اليوم ...........
أرسل بواسطة: ديما في Jun 03, 2011, 09:06 مسائاً
اني طبخت فاصوليا بيضا مع الرز وسويت شوية سباكتي مع المشروم لان وحدة من جهالي متحب الفاصوليا حيرة والله
العنوان: رد: شنو طبختوا اليوم ...........
أرسل بواسطة: موناليزا70 في Jun 03, 2011, 10:13 مسائاً
ديما زوجي كلش يحب الفاصوليا وانسى اسويها مع العلم ماتنسي ههههه......نصيحة لا تتعودين تسويلهم غير شي من تجوع بنتج تضطر تاكلها للفاصوليا .........تحياتي عزيزتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 03, 2011, 10:48 مسائاً
أي صجيح يمه موني :ahalna_collection (52):، والمثل ايكول الجوعان ياكل راس الحصان :ahalna_individual (108): ، وأني اليوم طبخت دولمه :ahalna_individual (77): لهانه ، وبصل طبعاً بجعب الجدر، وخيار أموت عليه، خس لأنه ماعندي سلك ، وفلفل أخضر حار، وبيناتها باكله أشتريتها من الأسواق الصينيه (،اشكرج يمه موني)، واللحم ماثرمته ناعم سويته شرائح  مستطيله ومربعه وبكل حشوه أحط وحده وآني أسوي الدولمه حمره يعني أحطلها معجون أتصير كلش طيبه :ahalna_individual (38): .
 أول البارحه رحت للأسواق الصينيه أشلون مسواك عبالك ابغداد فد حلو واشتريت عجين بورك بس راح اسويه نص بورك لحم والباقي زنود الست.
 وهسه من يجون الولد وابو علاوي بالسلامه راح أكلبها وادزلج ماعون :ahalna_individual (101): ، والكيك على بالي ماناسيه :ahalna_collection (32): ،  :ahalna_individual (94):
العنوان: رد: شنو طبختوا اليوم ...........
أرسل بواسطة: موناليزا70 في Jun 03, 2011, 11:15 مسائاً
ام علاوي اموت على هذا الحجي وكأنه قاعدة يمي وتسولفين ........لو تدرين شلون شهيتيني دولمة ودا اتخيلها حامضة كلش اني قلما اسويها ومن اريد دولمة اوصي حبايبي من الاقارب والاصدقاء يسووها من نروح يمهم عزيمة .......ام علاوي اني مرات استخدم الخس بدل السلق او اللهانة وكلش طيب .........قبل ماتكلبين الجدر حطي خبزة على الوجه وقبغي الجدر فد 5 دقايق وكلبيها للدولمة راح تتنقع بالصلصة المتبقية والف عافية ان شاء الله هني مري عليكم الدولمة ...........

بالعافية المسواق من الصيني .........والعجينة تأكدتي منها مال بورك لان اكو هواي انواع مو كل نوع تصير زنود الست .........تحياتي ياغالية
العنوان: رد: شنو طبختوا اليوم ...........
أرسل بواسطة: موناليزا70 في Jun 03, 2011, 11:20 مسائاً
اليوم طبخت تشريب دجاج اصفر (دجاج افخاذ,حمص شامي ,بصل ,بطاطا مكعبات ,نومي بصرة ,ملح,كركم ).........
العنوان: رد: شنو طبختوا اليوم ...........
أرسل بواسطة: الصديق الوفي في Jun 04, 2011, 12:22 صباحاً
ها صدك يمه موني آني ذاك اليوم وصيت صديقه مثل وجهج وما أخيرها عليج جابتلي عجين بورك وسويته طلع ايخبل بس شنو ما كليته وأنما شويته بالفرن أشلون أنسوي البقلاوه بالفرن ، نعرفين يمه لو لا؟ وهو هذا هسه اشتريت منه خلي أجرب أيصير زنود الست لو لا ، بس آني راح أحشيها محلبي واسويه ثخين شويه ما أدري يمه موني ايصير لو لا ؟ لأنه المحلبي مثل طعم الكيمر اذا حليب دسم ، بس كوليلي يمه وين الكي عجين كنافه لأنه الولد ذاك اليوم عاجبهم الله يخليهم ويخليج .
العنوان: رد: شنو طبختوا اليوم ...........
أرسل بواسطة: موناليزا70 في Jun 04, 2011, 08:39 صباحاً
ام علاوي الوردة عجينة الكنافة بالمحلات العربية واني اشتريها من محل باكستاني لان هذا المحل كل العرب يشترون منة فهو يضطر يجيب الاشياء العربية ..........بالنسبة لعجينة البورك اذا مكتوب عليها سبرنق رول (spring roll ) هية هاي نسوي بيها زنود الست والمحلبي بدل النشا حطيلة طحين وقشطة وثخني يطلع كلش طيب ..........اما البقلاوة فالعجينة اسمها كلاش بالعربي (فويل بالانكليزي) ما اعرف كتابتة بالضبط بالانكليزي نزيت البايركس ونقسم طبقات الكلاش(بحدود من 10-15 طبقة تقريبا) نصفين متساويين نضع نصفه في قعر البايركس ونضع عليه زيت مقدار كوب ثم الحشو وهو عبارة عن فستق مطحون قليلا  وماء زهر او ماء ورد وقليل من السكر ثم نضع الطبقة الثانية على الحشو وعليه كوب زيت ثاني وتقطع وبالفرن وتكون الشيرة جاهزة وباردة وتصب فوق البقلاوة ................ ما اعرف ام علي اذا الشرح مفهوم او لا وتدللين اي سؤال حاضرة تحياتي عزيزتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 04, 2011, 02:41 مسائاً
أي حبيبتي وفيتي وكفيتي، أي يمه مكتوب عليه سبرنك رول صحيح ، ها يمه ويا كل طبقه زيت مو يصير كلش دهين وخالتج بيها ضغط ، زين موني ايصير مابيها زيت بين الطبقات يعني كبل ما احطها بالفرن أحمي زيت واديره فوكاها مثل ماسويت من شويت البورك ذاك اليوم طلع عبالك مقلي ؟ أكو يمنا هندي وآني رايحتله عدة مرات أشتري بهارات وتمن منه بس ما ساألته على كنافه هالمره من اروح
آني كلش أشكرك حبيبتي ، الدولمه البارحه طلعت اتخبل مكانج خالي آني أخذتله صوره بس البلو توث مال الحاسبه ديسويه علاوي واشوفج ، لأنه الصوره بالموبايل مو بالكامره ، ها نسيت هاليوم طبخت يخني دجاج اللي يصير بيه حمص مجروش وبصل ونومي بصره وعصير طماطه ، أمي الله يذكرها بالخير جانت أتسويه وآني أتعلمت منها وراح أسوي وياه تمن تدرين بعد الولد الله يخليهم وابو علاوي اذا ماكو تمن الكل ماتشبع وزلاطه مال خس والحلو ركي طبعاً الركي الأمريكي ماشالله عليه كلش طيب ، هسه الساعه بال7 ونص الصبح آني طبخت من وكت اليوم لأنه عطله وأحتمال نطلع .

تشكرين حبيبه
العنوان: رد: شنو طبختوا اليوم ...........
أرسل بواسطة: موناليزا70 في Jun 04, 2011, 11:01 مسائاً
ام علاوي الكنافة احتمال ماتلكيها عند الهندي حاولي بالمحلات العربية وخاصة عند الفلسطينيين واللبنانيين .......بالنسبة للبقلاوة جربي بعد ماتكمل تحطين الزيت (طبعا بالزبد بعد اطيب) وهي كلما دسمة اكثر تكون اطيب وحاولي تاكلين قطعة وحدة وان شاء الله ماعندج الا العافية حبيبة ............ذكرتيني بيخني الدجاج صارلي هواية مامسويتة ان شاء الله اسوي هاي فائدة الموضوع واحد يذكر الثاني والف عافية وان شاء الله تتوفقون بطلعتكم اليوم ..............تحياتي ياوردة
العنوان: رد: شنو طبختوا اليوم ...........
أرسل بواسطة: ديما في Jun 04, 2011, 11:37 مسائاً
تصدكين موناليزا تبقى جوعانة بنتي ومتاكل الشي اللي متحبه شوفي شلون عنيدة والله لو تدرون شلون شالعين كلبي تتعجبون عليه مو تقرون دائما اكتب مليت من الطبخ اكو عراقي بلدنيا ميحب باميا بس جاوبوني اني قسم من عائلتي متحب الباميا وحايرة يومية هذا نحب وهذا منحب اكو شغلات بلطبخ سورية تعلمتها من امي الف رحمة على روحها لان امي سورية يحبوها لان بيها هواية شغل وتعب يله ماادوخكم وياية كل واحد مشغول بهمومه
العنوان: رد: شنو طبختوا اليوم ...........
أرسل بواسطة: الصديق الوفي في Jun 05, 2011, 04:41 صباحاً
أي يمه موني رحت هاليوم للهندي اي لكيت عنده عجين كنافه بس كلش عتيك وما عجبتني كلت عود اروح بلكت الكي عند محل المصري ، اشكرج حبيبه.
العنوان: رد: شنو طبختوا اليوم ...........
أرسل بواسطة: الصديق الوفي في Jun 05, 2011, 04:50 صباحاً
الله يساعدج يمه ديما صدك كل الناس اتحب الباميه صغار كبار ، هاي أختي هم مثلج ولدها شالعين كلبها وضعاف ماياكلون أتحير شتسوي وأكلها خطيه كلش طيب ، بس من يطلعون تنفتح شهيتهم فآتي أشكتلها بالعطله تعالوا أكلوا يمنا ، الله شكد حلوه ذيج الأيام لو نروح لبيت أهلي ونلتم لو يجون عندي ، آني كلش مشتاقه لأمي وخواتي ولمتنا سوا جنا من الضحك دموعنا تنزل .
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 05:21 صباحاً
ديما الله يساعدج حاولي تسوين نواشف للاولاد لان بصورة عامة مايحبون التمن والمرقة او سوي اشياء بيها صوص لون اصفر او بني من باب التغيير لان ملوا اللون الاحمر ...........اني مثلا اسلق معكرونة او سباكتي واحطها بالصحن ووياها اي نوع من انواع اللحوم وبي صوص وخضر ومعاها سوي مقبلات (مثلا مايونيز او فتوش) وشكليها سوية بالصحن حتى يصير الوان ويشتهون ياكلون  .................تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 05:24 صباحاً
ام علاوي ان شاء الله تلكين العجينة.........ان شاء الله تلتقين بالاهل وتسترجعين الذكريات الحلوة .........تحياتي يا وردة
العنوان: رد: شنو طبختوا اليوم ...........
أرسل بواسطة: ديما في Jun 05, 2011, 09:22 صباحاً
موناليزا هاى شدتحجين اسوي شي اصفر بدون صلصلة الطماطم غير يشنقوني وهمه عايشين على المقبلات اسويلهم تبولة حمص بطحينة بابا غنوج سلطة باذنجان شيعجبج اعرف اسوي بس مو دااكلج كل شي بي تعب وثرم يحبوه مو اني زوجي هم شوية يحجي على الاكل مثلا دجاج ضربيه طلقة لتكليلي دجاج بس كنتاكي ياكله او اشوي على الفحم مع تتبيلة هم موهيجي وكتبت طريقة ددوفي يمكن كتبها مال كنتاكي واسويها على الاكثر باجر باذن الله تعالى تسلمون يااحلى بيت احجي واسولف بيه براحتي بدون تقيد
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 09:34 صباحاً
الله يعينج مو بس الله يساعدج لان طلع الاب مو بس الاولاد ......هاي هية سوي الاشياء المتعبة احسن ماتطبخين ومحد ياكل وبالنهاية ينذب بالزبل هم حرام ...........كلش طيب الكنتاكي على طريقة ددوفي لان سويتة وكلش نجح عندي ...........تحياتي ديما
العنوان: رد: شنو طبختوا اليوم ...........
أرسل بواسطة: sparky في Jun 05, 2011, 10:18 صباحاً

السلام عليكم يالطيبين والطيبات
اني احب البانيا - باميا - وخاصة الكزوم مالتها ماادري منهم يسموها كزون الباميا

لذا اطلب راجيا ذكرها على الاقل لتكون السوفت كوبي من الباميا
okra soft copy

العنوان: رد: شنو طبختوا اليوم ...........
أرسل بواسطة: الاماني في Jun 05, 2011, 10:40 صباحاً
هلو مونا  حبي  هو غير  اتررريك بالاول  اشو بالدعش الا ربع وبعدني ممتريكه هههههه راح ادمج الريوك ويه الغده
اني ماما مسويتلي شوربه خضار وهمه طابخين  بامية وتمن  واني اموت على البامية
العنوان: رد: شنو طبختوا اليوم ...........
أرسل بواسطة: صائد الزمن في Jun 05, 2011, 03:58 مسائاً
سباغيتي ، سمك لاتشا طازج
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 04:43 مسائاً
اخ سباركي .........اني استخدم اللحم العكوس تكون مسلوقة على جنب اجيب الباميا اقلبها شوية بالزيت واضيف فصوص الثوم والقليل من ماء اللحم بحيث يغطي وبعد نضج الباميا اضيف ماء الطماطة وبعد الغليان اضيف اللحم والحامض والملح والقليل من السكر ..............تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 04:45 مسائاً
امونة تركي شوربة الخضار واتمتعي بالباميا والف عافية .............تحياتي حبيبة
العنوان: رد: شنو طبختوا اليوم ...........
أرسل بواسطة: موناليزا70 في Jun 05, 2011, 04:46 مسائاً
صائد الزمن ان شاء الله هني مري .........تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 05, 2011, 06:12 مسائاً
أشلونكم يمه ، موني عاشت ايدج على الباميه كلش طيبه آني هم اسويها هيجي بس من يردون الولد تشريب شويه اسويها خفيفه ، وطبعا الله يسلمهم وبسلمج حبيبه اذا الباميه مو تشريب وياه تمن مايريدون، والله حيره بهالديره لو اكو يمنا خبز عرافي جان كلش تمام ، آني اسوي صمون ،  وعيش،بيتزا،لحم بعجين،عرايس،سمبوسه هم اسوي بس الخبز ماينجح عندي ، يمكن الا تنور يلا يصير لأنه بالفرن أحترت أجرب ولا نجح يطلع مثل الصمون ، هسه عاجبهم خبز عروك واخاف اسوي بالفرن لا ماينجح ، يمه بلكي فد طريقه اتحل هاي المشكله حبيبه ، سالمه أنشالله.
العنوان: رد: شنو طبختوا اليوم ...........
أرسل بواسطة: موناليزا70 في Jun 06, 2011, 12:01 صباحاً
حبيبتي ام علاوي اني كتبت طريقة الخبز عروق بموضوعى منفصل .............اذا الفرن مالتك بي صينية بالاسفل يعني ماكو بواري الشوي تقدرين تسوين الخبز تحمين زين الفرن وبعدين بأيد مي وبأيد طحين وتفتحين الخبزة وطبعا مو كلش جبيرة وتلزكيها بالقاعدة مال الفرن ومن تستوي تشلع من كيفها ............ان شاء الله الفكرة واضحة تحياتي ياوردة
العنوان: رد: شنو طبختوا اليوم ...........
أرسل بواسطة: الصديق الوفي في Jun 06, 2011, 07:38 صباحاً
أي يمه واضحه رحم الله والديج رح أجرب والله كريم .
العنوان: رد: شنو طبختوا اليوم ...........
أرسل بواسطة: موناليزا70 في Jun 06, 2011, 07:45 صباحاً
اليوم سويت مرقة باذنجان مع لحم العكوس مكانكم خالي احنا نموت عليها بشكل مو طبيعي (الباذنجان مقطع طوليا ومقلي على النص مع تقليب الثوم والبصل بالزيت واضافة الباذنجان وصلصة الطماطة وبالنهاية اضيف اللحم والسكر والحامض والملح)............

ملاحظة :- يقطع الباذنجان قطع سميكة , قطع الباذنجان طوليا يختلف بالطعم عند تقطيعه عرضيا ...................
العنوان: رد: شنو طبختوا اليوم ...........
أرسل بواسطة: ديما في Jun 06, 2011, 09:45 مسائاً
عاشت الايادي موناليزا بس فد سؤال ليش دائما اقرى باكلاتج بلمركة اتخلين سكر اني بس باكلتين اخلي سكر اذا يكون بيه خل احمر علمود اكسر حموضة الخل بس اذا انتي مخلية حامض بلمركه ليش السكر تخلين بعد يعني اكو اكله اسمها كاري مطبك بلحم بعدين اذا تحبين اكتبلج تفاصيلها واسوي سمك بكارى بصينية بلفرن هم اكتبلج تفاصيلها مشكورة
العنوان: رد: شنو طبختوا اليوم ...........
أرسل بواسطة: موناليزا70 في Jun 06, 2011, 11:00 مسائاً
كل مرق حطي بي القليل من السكر وخاصة (الباذنجان,الباميا ,الفاصوليا ,الدولمة ,الفاصوليا الخضراء ,الشلغمية ,مرق الحمص ..........)يطلع طعمها فرق ................ياريت تكتبيلي اي اكلة بالكاري لان احب اكلات الكاري شكرا حبيبتي ديما
العنوان: رد: شنو طبختوا اليوم ...........
أرسل بواسطة: الصديق الوفي في Jun 07, 2011, 12:45 صباحاً
أي يمه هاي الاكله أسويها تشريب أتعلمتها من أمي مسية المباركه عليها وعليكم ، البيتنجان مقطع بالطول وللمنظر الراس الاخضر أنعوفه يعني البيتنجانه ما أقطعها بالكامل بس اسويها اربع أقسام بالطول ومرات أحط فلفل أخضر وطبعاً لحم غنم يعني ينطبخ على دهن اللحم وثوم وبصل ، اي وأحط شكر بالتشريب الاحمر وكل اللي كلتي عليه يمه موني لأنه هاي الاكلات ايصير بيها طعم كلش طيب بالشكر.
العنوان: رد: شنو طبختوا اليوم ...........
أرسل بواسطة: موناليزا70 في Jun 07, 2011, 03:44 صباحاً
ام علاوي اني مثلك احط باذنجان بالتشريب بس بدون تقطيعها احطها كاملة وحجمها وسط ...........سوي مرق الباذنجان على طريقتي وانطيني رأيك ..............تحياتي ياوردة
العنوان: رد: شنو طبختوا اليوم ...........
أرسل بواسطة: موناليزا70 في Jun 07, 2011, 03:46 صباحاً
اليوم طبخت مرق الفاصوليا البيضاء بس مع الاسف الطعم مو كلش عجبني ما اعرف ليش يمكن لان جان ماعاجبني اطبخها ........اكلت اكثر شي سلطة ومقبلات الخرشوف .........
العنوان: رد: شنو طبختوا اليوم ...........
أرسل بواسطة: الصديق الوفي في Jun 07, 2011, 06:27 صباحاً
يمكن يمه ما حاطه حلبه بيها لأنه الحلبه تنطي طعم للفاصوليا كلش طيب من تنحمس ويا البصل وتنضاف للفاصوليا بعد ما تستوي وآني أسويها على الدجاج وأحطلها ماجي كلش طيبه أتصير  ، ما معقوله طلعت من ايدج مو طيبه انتي كل اكلج طيب اكيد حبيبه.
العنوان: رد: شنو طبختوا اليوم ...........
أرسل بواسطة: ديما في Jun 07, 2011, 07:22 صباحاً
حبيبي موناليزا اكلة الكاري اكو هواية اكلات تكون بيها الكاري بلدرجة الاساس هسة اني رحنطيج اكله الكاري المطبك تجيبين لحم شرح تقطعيه مكعبات مثل مال التكة وتسلكي على صفحة ما اضافة القليل من الملح وبعدين تثرمين بصل بكمية كبيرة مثلا فد 10 رؤس بصل مع 10 فصوص ثوم مقطعه ناعم وبعدين تحمسين البصل والثوم سوية من تشوفين صار على اصفرار ملعقة اكل كارى او اكثر حسب الرغبة لان اني احب الاكل الحار وفلفل اسود مطحون تخبطيه كله سوية وبعدين تخلين نص كوب خل مع ملعقة اكل ونصف سكر وتخلين اخر الشي المعجون فد فورة او فورتين تذبيتن اللحم فوك الصلصة وتخليه على عين ناصية الى ان تثخن شوية وتقديمها مع الرز البسمتي وجربيها لان شوفي اكثر اكل المسحيين يكون بي حرارة البهارات والكاري والف عافية مقدما والاكل اذواق كل واحد حسب ذوقه بلاكل
العنوان: رد: شنو طبختوا اليوم ...........
أرسل بواسطة: موناليزا70 في Jun 07, 2011, 08:04 صباحاً
ام علاوي اني ادري يحطولها حلبة بس اني ما احط واني دائما اسويها طيبة بس اليوم طبخت بلة واهس ..........بس لاتهتمين اكلوها ههههههههه هية مو كلش ماطيبة بس مو مثل كل مرة ...........تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 07, 2011, 08:08 صباحاً
ديما مبينة كلش طيبة بس لازم نحط  المعجون وهية بالكاري ............اكلات الكاري كلش احبها ان شاء الله اسويها ..........شكرا عزيزتي انتظر الاكلات الجاية وياريت بموضوع منفصل ..............
العنوان: رد: شنو طبختوا اليوم ...........
أرسل بواسطة: موناليزا70 في Jun 08, 2011, 05:36 صباحاً
اليوم طبخت شيخ محشي الشجر بصلصة الطماطة السميكة ..........كلشششششش طيبة كانت مكانكم خالي
العنوان: رد: شنو طبختوا اليوم ...........
أرسل بواسطة: ديما في Jun 08, 2011, 07:50 صباحاً
واني طبخت شيخ محشي مال باذنجان مكانكم خالي شنو متفقين موناليزا
العنوان: رد: شنو طبختوا اليوم ...........
أرسل بواسطة: موناليزا70 في Jun 08, 2011, 09:23 صباحاً
الظاهر متفقين بشريني الاولاد اكلوا لو لا ...........ديما ماجاوبتيني على الكاري باللحم ليش تحطين معجون ولازم احط المعجون لو بكيفي؟؟؟؟؟؟ لان اني اكلات الكاري ابقيها صفرة ....................
العنوان: رد: شنو طبختوا اليوم ...........
أرسل بواسطة: ام زيد في Jun 08, 2011, 09:29 مسائاً
عيني اني اليوم طبخت دجاج مقلي مع البرغل وزلطة
اولادي يحبون البرغل اهواية اشوية تغيير
عمري موناليزا عاشت اياديك اكلج انت والاخوات كلش طيب
بس من فضلج اريد اعرف اشلون اتسوين الحشو مال زنود الست وياريت بالمقادير  المحلبية واني ممنونة منج
العنوان: رد: شنو طبختوا اليوم ...........
أرسل بواسطة: موناليزا70 في Jun 08, 2011, 10:56 مسائاً
ام زيودي اموت على البرغل من جيت لامريكا لحد الان مامسويتة زين ذكرتيني حتى اسوي ..........المحلبي حليب مع القليل من السكر او بدون سكر  ( لان راح تستخدمين القطر ) مع ملعقتين كبيرة طحين وهيل او ماء زهر وتخلط جميع المواد بشكل جيد بحيث لايبقى اي تكتل للطحين قبل وضعها على الطباخ وتوضع على نار متوسطة وبملعقة خشبية تقلب حتى لاتلتصق بالقدر وقبل ان تصبح البالوتة سميكة جدا نضيف القشطة تبرد وتحشى العجين ....................تحياتي وتدللين
العنوان: رد: شنو طبختوا اليوم ...........
أرسل بواسطة: الصديق الوفي في Jun 08, 2011, 11:26 مسائاً
آني اليوم طبخت مركة شجر صفره وتمن وزلاطة لهانه ولفيت بورك وشويت دجاج لأنه ولدي مايكلون الشجر وآني وأبوهم أنحبه.

وبقيت من عجين البورك حتى اسوي زنود الست .
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 04:29 صباحاً
ام علاوي الشجر انت تسوي مطبق لو تقلين القطع ؟؟؟؟؟........قطعي قطع الشجر بالطول وبحجم المربع(يعني قطعتين او ثلاث قطع بالطول وثلاث قطع بالعرض )  واقليها واقلي بصل جوانح كمية كبيرة وصفي طبقات بالبايركس وعلي قطع اللحم والحمص وصوص اصفر(كركم او كاري )  او احمر وبالفرن مع فلفل اسود(كثري منه لان الشجر يحب حرارة ) وملح وراح تشوفين فرق بالطعم ................تحياتي
العنوان: رد: شنو طبختوا اليوم ...........
أرسل بواسطة: ديما في Jun 09, 2011, 07:22 صباحاً
اى حبيبي اكلوا المحشي باذنجان لان يحبوه موناليزا حبيبتي ظل بالج عليه مو من ورى جهالي ههههههههه الله يخليج ابنج بلنسبة للكارى المطبك اى لازم تخلين معجون وياه لان اذا صفرة مطيبة تصير وسويها وشوفي جكد طيبة وملاحظة صغيرة لو اتسوي قبل بيوم وتخليه بلثلاجة تلكين بيها مونة اطيب لان رح يتخمر كله بلبهارات وادعيلي والف عافية مقدما
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 08:20 صباحاً
شكرا ديما عزيزتي على الملاحظة .............ان شاء الله اسوي ضروري
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 08:21 صباحاً
اليوم طبخت شركسية ..........رهيبة الطعم اللي يحب الطريقة انزلها بموضوع منفصل .......
العنوان: رد: شنو طبختوا اليوم ...........
أرسل بواسطة: ام زيد في Jun 09, 2011, 09:48 صباحاً
اشكرج ياعمري موني وحبيت اسالج قشطة كاملة اي كل العلبة واي نوع من القشطة مو مشكلة زين مو اتصير اشوية دسمة هههههههههه
بارك الله فيك
اليوم راح اطبخ فاصوليا يابسة والكل اتحبها مع الحلبة وتمن ضروري معاها
العنوان: رد: شنو طبختوا اليوم ...........
أرسل بواسطة: الصديق الوفي في Jun 09, 2011, 02:27 مسائاً
موني حبيبه أكيد هاي الطريقه كلش طيبه ، تدرين الشجر شكد بيه فوائد ، راح اسويه بهاي الطريقه لأنه عندي واحد من الولد يحبه مقلي بلكت ينضم ويانا اني والأب لفريق محبي الشجر هههههههههههههههههه

هاليوم راح اسوي برياني على الدجاج والتمن ملون يعني بيه شعريه  جزر وبزاليا وبطاطا وبصل طبعاً وكشمش وآني أطبخ التمن على الماجي  , واسوي وياه زلاطه والحلو ركي البارحه جبت ركيه جبيره، الركي الامريكي كلش طيب الله يزيده.

موني طبعاً آني ماناسيه الصور الى أن تصلح الحاسيه والكيكه سويتها وزينتها بالفراوله هم اكو صوره الها وبعيني حبيبه.
العنوان: رد: شنو طبختوا اليوم ...........
أرسل بواسطة: ديما في Jun 09, 2011, 06:14 مسائاً
والله اليوم عندي اجازة من الطبخ رح اسوي اكل بسيط وصحي ومفيد رح اسوي شوربة عدس وكبة موصل وزلاطة وطرشي طريقتي بلشوربة هي اسلق العدس ومن اشوفه بدى يستوي اخلي مكعبين ماجي واضيف اله شوية شعرية وبعدين اخلي فد نصف ملعقة كوب كاري واخلي يفور على عين ناصية وبعدين اثرم بصل ناعم واحمسه بلزيت واطشه كله فوق العدس واخلي على عين ناصية وبعدين اقطع مربعات خبز لبناني او صمون عراقي اقلي الى ان يحمر ويتكسب يحبوه هيجي عائلتي وبعد النضج يحبون يخلون على الشوربة بلمواعين كمون ونومي حامض ويخلون الخبز المقرمش بداخل الشوربة واللي اشتهى ادزله ماعون بطن عيني
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 07:57 مسائاً
ام زيودي اذا العلبة كلها بعد احسن حتى تصير اطيب واستعملي اي نوع مو مشكلة ..............الف عافية الفاصوليا
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 08:01 مسائاً
ام علاوي حطي للبرياني بهارات باردة (دارسين ,قرنفل ,هيل ,جوزة بومة ) وشوفي الفرق ..............اكو ركي يصير كلش صغار وقشرة خفيف جدا ياريت تجربي وتندعيلي ............انتظر الصورة تحياتي ياوردة
العنوان: رد: شنو طبختوا اليوم ...........
أرسل بواسطة: موناليزا70 في Jun 09, 2011, 08:05 مسائاً
ديما صدق اريد ماعون شوربة لان اني صايمة اليوم ............هية  الشوربة صحية بس الخبز المقلي يمص زيت هواية اني نفس طريقتك بالشوربة حتى الخبز اسوي وهواية يتعجبون ليش احط الخبز  احط الكمون بالشوربة مو بعد الصب وما احط كاري بس راح اجربها بالكاري ............بالعافية حبيبتي الغدة
العنوان: رد: شنو طبختوا اليوم ...........
أرسل بواسطة: ديما في Jun 09, 2011, 09:29 مسائاً
صيام مقبول يارب والله لو قريبة يمي جان دزيتلج مواعين مو ماعون تتدللين موناليزا لا مياكلوا الكمون بداخل الشوربة يمعودة ستري عليه مو زين دااسوي وياكلون الشورية لان يحبوها كلش فقط شوربة العدس اى شورية غيرها مال خضار او شعرية ميحبوها وبعدين اكييييييييييييد  تعرفين شوربة العدس كلها حديد وصحية .
العنوان: رد: شنو طبختوا اليوم ...........
أرسل بواسطة: الصديق الوفي في Jun 09, 2011, 09:56 مسائاً
اي يمه موني على المره الجايه بأذن الله ، اشكرج حبيبه.
العنوان: رد: شنو طبختوا اليوم ...........
أرسل بواسطة: ام زيد في Jun 10, 2011, 09:00 مسائاً
حبيبتي ديما اني اخلي كركم بالشوربة اي قبل مااطبخه يعطيه لون اصفر حلو ومثل ماكالت موني اشوية كمون وفلفل اسود للعادي اما ابو البصل بوجه فقط اخلي كركم وملح
موني حبيبتي ماشاء الله عليج يعجبج اتجربين كل شىء ربنا يحفظج ياعيني
اني اليوم كسلانة اشتريت دجاج مشوي لان صاير عدنا شحة بالغاز والاولاد مشتهين دجاج مشوي وخفت لاياخذ وقت طويل بالغاز هههههههه
اشتريت من برا ومكانكم خالي لان الدجاج المشوي يتبلوه بالثوم واشوية شطة يصيح اجنن
العنوان: رد: شنو طبختوا اليوم ...........
أرسل بواسطة: موناليزا70 في Jun 10, 2011, 09:52 مسائاً
الف عافية ام زيد الدجاج المشوي هني مري ..............البارحة سويت الشوربة وية الكاري وطلعت طيبة على طريقة ديما .............تحياتي عزيزتي
العنوان: رد: شنو طبختوا اليوم ...........
أرسل بواسطة: موناليزا70 في Jun 10, 2011, 09:57 مسائاً
اليوم طبخت مركة حمص (حمص انصاص) باللحم المفروم وويا رز بالشعرية ............تحياتي
العنوان: رد: شنو طبختوا اليوم ...........
أرسل بواسطة: ديما في Jun 11, 2011, 12:25 صباحاً
اليوم سويت كبة حامض حمرة مو بيضا وسحكوها الجهال وان شاء الله بلليل اسوي كص تبلته واخلص من هم الاكل يومية ينراد حشو للبطن
العنوان: رد: شنو طبختوا اليوم ...........
أرسل بواسطة: الصديق الوفي في Jun 11, 2011, 12:54 صباحاً
آني هاليوم طبخت فاصوليا يابسه وتمن وزلاطه وطرشي( آني مسويته مال لهانه وفلفل حار و ثوم وهاي العضود مال الكرفس كلش طيب طلع )  ، وعلى العشا عجنت للبيتزا وهم عجنت كباب طاوه ، تدرين يمه موني آني أعجن كباب الطاوه بدال المي أحط صلصه السباكتي الحمرا أشتريها من الول مارت كلش طيبه بالكباب ، أي يمه مو عطله والشباب ياكلون الله يحفظكم وياهم.

أم زيودي الله يساعدكم يلا خيتي شده وتزول برداً وسلاماً حبيبه.
العنوان: رد: شنو طبختوا اليوم ...........
أرسل بواسطة: IRAQIA في Jun 11, 2011, 01:53 صباحاً
شلونج عيني موناليزا ان شاء الله بخير
اليوم الوالدة سوتلنه دولمه وتذكرت امونه وام زيد وخاله ام علي لان يحبن الدولمه
  :ahalna_collection (84):
العنوان: رد: شنو طبختوا اليوم ...........
أرسل بواسطة: موناليزا70 في Jun 11, 2011, 04:04 صباحاً
ديما ضحكتيني صدق الطبخ مشكلة .............تحياتي عزيزتي
العنوان: رد: شنو طبختوا اليوم ...........
أرسل بواسطة: موناليزا70 في Jun 11, 2011, 04:12 صباحاً
ام علاوي احب سلطة اللهانة وبالنسبة للكباب دا اتخيلة كلش طيب وية الصلصة ان شاء الله المرة الجاية اعجن الكباب بالصلصة ......عاشت ايدج والله يخليلك الولد وابوهم يارب
العنوان: رد: شنو طبختوا اليوم ...........
أرسل بواسطة: موناليزا70 في Jun 11, 2011, 04:14 صباحاً
عراقية بالعافية الدولمة وعاشت ايد الوالدة ......تدرين صارلي شقد ما مسويتها !!!!!...........تحياتي عزيزتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 12, 2011, 12:22 صباحاً
يمه عراقيه اتعيش ايديها للوالده على الدولمه يمه اتعلمي منها،  آني صحيح من جنت ابيت اهلي قبل الزواج ما اطبخ بس جنت اتعلم من امي الله يذكرها بالخير، اذا أمي جانت استاذ بالطبخ آني صرت استاد ونص لأنه كمت أبتكر شغلات أمي ماتعرفها .

موني حبيبه اشكر دعواتج عمري يحفظكم الباري عز وجل.

هاليوم طبخت جل فراي ( لحم مكعبات وطماطه وفلفل أخضر) والفاصوليا مال البارحه بقى منها طبكت تمن وياها  وزلاطه وطرشي ودبر الغدا الحمدلله والشكر.

العنوان: رد: شنو طبختوا اليوم ...........
أرسل بواسطة: IRAQIA في Jun 12, 2011, 01:44 صباحاً
خاله ام علي امي دائما تكولي صانع الاستاذ استاذ ونص الحمد لله علمتني على كل الطبخ وعلى الطرشي واللبن والمعجنات الحمد لله والشكر
واكله الجل فراي اموت علية كلش طيبه الف عافية
اليوم سويت فطر وفلفل وباذنجان وبصل قطعتهن شرائح وقليتهن بالزيت وسويت وياهن تمن  بالشعريه ولبن اكله كلش طيبه شفتهه بمطعم لبناني وجربته
العنوان: رد: شنو طبختوا اليوم ...........
أرسل بواسطة: الصديق الوفي في Jun 12, 2011, 06:57 صباحاً
اتعبش ايدج حبيبه عراقيه ، اي عفيه ابتي الحبابه انتي صدك ام بيت واحلى بيت يسعدج يارب.
العنوان: رد: شنو طبختوا اليوم ...........
أرسل بواسطة: موناليزا70 في Jun 12, 2011, 10:45 صباحاً
ام علاوي اني هم احب الجلي فراي بس بدل الفلفل احط بطاطا او مرات بدون بطاطا .........

عراقية الف عافية اكلة الفطر .........
العنوان: رد: شنو طبختوا اليوم ...........
أرسل بواسطة: موناليزا70 في Jun 12, 2011, 10:47 صباحاً
اليوم خلصت من الطبخ كنت معزومة على فطور وعلى غدة ..........تحياتي
العنوان: رد: شنو طبختوا اليوم ...........
أرسل بواسطة: ام زيد في Jun 12, 2011, 12:25 مسائاً
عيني بالف عافية حبيبات قلبي
ان شاء الله سفرتكم دايمة وعامرة بوجودكم
والله افرح اهواية من اشوفكم كاتبين طبخاتكم ومن كل قلبكم
والله اليوم شجر وتمن وسلطة والحمد لله والشكر

العنوان: رد: شنو طبختوا اليوم ...........
أرسل بواسطة: lugin في Jun 12, 2011, 05:45 مسائاً
السلام عليكم اليوم سويت دجاجه محشيه طبعا الزر اصفر زعفران وبي بطاطا وكرات لحم وكشمش وحشتيها ببن الجلد والداخل صارت دبل الحجم وبالفرن 3 ساعات على حراره ناصيه وزلاطه معكرونا وذره وبطاطا وليمون ولبن وكجب وراشي وملح وفلفل ومعدونس وهاي صوره الاكله مع الزلاطه
العنوان: رد: شنو طبختوا اليوم ...........
أرسل بواسطة: موناليزا70 في Jun 12, 2011, 05:53 مسائاً
ام زيودي واحنا نفرح هواية بطلتك الحلوة .............تحياتي عزيزتي
العنوان: رد: شنو طبختوا اليوم ...........
أرسل بواسطة: موناليزا70 في Jun 12, 2011, 05:56 مسائاً
لوجين عاشت ايدك طبخ يخبل ومتعوب بي الف عافية هني مري ..............
العنوان: رد: شنو طبختوا اليوم ...........
أرسل بواسطة: IRAQIA في Jun 13, 2011, 04:41 صباحاً
حبيباتي خاله ام علي وموناليزا شكرا جزيلا على كلامكم الحلوة
وعاشت ايدك الجميع ةوالله ماكو مثل العراقيات نادرات ومهات بيوت الله يسعدهن

واني اليوم شويت سمك بالفرن وسويت وياه تمن احمر واحمد لله والشكر خيرمن الله
العنوان: رد: شنو طبختوا اليوم ...........
أرسل بواسطة: موناليزا70 في Jun 13, 2011, 06:39 صباحاً
عراقية طلتك حلوة عزيزتي ..........الف عافية السمك مع تمن الاحمر  .......
العنوان: رد: شنو طبختوا اليوم ...........
أرسل بواسطة: موناليزا70 في Jun 13, 2011, 06:40 صباحاً
اليوم طبخت تشريب دجاج مع رز بالابهارات والشعرية ..........
العنوان: رد: شنو طبختوا اليوم ...........
أرسل بواسطة: lugin في Jun 13, 2011, 03:22 مسائاً
السلام عليكم اليوم طبخت لزانيا بالدجاج والعجينه اني سويتها اطيب من الجاهزه وهاي صوره تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 13, 2011, 04:50 مسائاً
اشلونكم ياحبايب ، موني الغاليه، أم زيودي العزيزه، عراقيه بتي النادره، لجين يمه هلا بيج اتعيش ايدج على الدجاجه، البارحه ماصار مجال اشوفكم
البارحه طبخت تمن احمر ودجاج وزلاطه ،
هاليوم راح اطبخ مركة بيتنجان وتمن
يمه لجين الدجاجه اللي مسويتها صدك ادل على براعتج بالطبخ اني هم اسوي الدجاجه المحشايه بس شنو اطلع العظام كلها واحشيها وهم تطلع كلش طيبه .
العنوان: رد: شنو طبختوا اليوم ...........
أرسل بواسطة: موناليزا70 في Jun 13, 2011, 07:37 مسائاً
لجين ياريت تكتبين طريقتك بعمل  اللزانيا لان دا اشوف من الصورة اكو اختلاف اللزانيا تكون العجينة طبقات ونستخدم بيها الصوص الاحمر للفائدة وتبادل المعلومات شكرا مقدما .......تحياتي عزيزتي وعاشت ايدك
العنوان: رد: شنو طبختوا اليوم ...........
أرسل بواسطة: موناليزا70 في Jun 13, 2011, 07:40 مسائاً
ام علاوي انت اكيد فنانة بالطبخ لان اللي يسوي دجاجة محشية خالية العظام هو بارع بالطبخ لان مو سهلة واذا تكدرين تكتبيلنا خطوات ازالة عظم الدجاج بموضوع منفصل اكون ممنونة .........تحياتي عزيزتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 13, 2011, 08:00 مسائاً
يمه موني ، ولا أوصل لفنج بالطبخ وعدالتج حبيبه ، هسه اروح وارجع بمشوار واكتبها وتدللين حبيبه.
العنوان: رد: شنو طبختوا اليوم ...........
أرسل بواسطة: موناليزا70 في Jun 13, 2011, 09:50 مسائاً
ان شاء الله مشوارك مقضي وانتظرك عزيزتي ام علاوي ........
العنوان: رد: شنو طبختوا اليوم ...........
أرسل بواسطة: الصديق الوفي في Jun 14, 2011, 07:47 صباحاً
يمه موني ، هاي طريقة عمل الدجاجه المحشايه

1- نطبخ 3 أكواب تمن برياني ( آني أحب البرياني ملون يعني بيه بطاطا مكعبات وبزاليا وجزر ويصل طبعاً )
2- نصب التمن بصينيه صغيره ونتركه
3- هسه نبدي بالدجاجه ،( أتكون متوسطة الحجم ) ونحتاج سكينه رفيعه وحاده

1-اول شي نبدي أنطلع عظم الفخذ بالسكين انحز جلد العظم من الأسفل(رأس البوس) وبالبرم يعد كسر المفصل وبالسحب يطلع العظم
2- نعمل فتحه صغيره بالظهر طولها 8 سم ومن هاي الفتحه وبالسكين الحاده نطلع عظم الصدر
والعظام الاخرى بحذر شديد حتى ماتكير الفتحه اللي بالظهر

3- نترك الاجنحه على حالها يعني ماتطلع عظامها للمنظر
4- بعد أن ننتهي من فصل العظام نخيط كل الفتحات الموجوده ماعدا فتحة الذيل اللي من عدها نحشي الدجاجه بالتمن اللي صار شويه دافي وبعد ان ننتهي من حشو كل التمن نخيط الفتحه

5- الصلصه اللي ندهن بيها الدجاجه عباره عن لبن وعصير ليمون وملح وبهارات وصوص الباربكيو اللي يخليها كأنه مشويه على الفحم
6- نخليها بالفرن( اللي محمي سابقاً) على المشبك مال صينية الفرن بحيث الصدر يكون الى الاعلى حتى لايحترك الخيط ويطلع التمن قيل ما تستوي ونخلي بالصينيه مي حتى لا اتيبس ونصي نار الفرن بعد أن نشوف المي بدا بالغليان وفد ساعه وربع تستوي الدجاجه

والف عافيه ، يمه موني أني آسفه عندي الصور ذاك اليوم سويتها بس الحاسبه مدا تستقبل ، الصور موجوده وأول ماتصلح الحاسبه كل الأكلات اتشوفيها بأذن الله

 
العنوان: رد: شنو طبختوا اليوم ...........
أرسل بواسطة: موناليزا70 في Jun 14, 2011, 07:59 صباحاً
تسلمين ام علاوي على هاي العملية الجراحية بس للامانة مو كلش اتخيلتها لو وية الصور افضل ان شاء الله تتصلح الحاسبة ونشوفها .........هواية اشوف بالكتب وبالتلفزيون  عملية تخلية الدجاج من العظم بس ابد ماجربت والواحد اذا مايجرب مايفيد بس ما اعرف شوكت راح اجربها الله كريم .........مشكورة ياوردة
العنوان: رد: شنو طبختوا اليوم ...........
أرسل بواسطة: lugin في Jun 14, 2011, 11:43 صباحاً
السلام عليكم حبي العجينه مال اللزانيا هي 7 فناجين طحين وفنجان زيت وبيضه وماء وملح واتركها ترتاح وافتحها بالشوبك واسلكها دقيقه كل طبقه واكون سالكه صدر دجاج واسوي قطه صغيره واسوي بشمل زيت وشويه زبد وطيحن 3 ملاعق وملح وفلفل وشويه شطه ومرات اخلي ماجي يعزز النكهه واحركه لحد مايتغير لون الطحين وراها اخلي حليب 7 ملاعق باودر وماء دجاج واخلطه لحد مايصير صلصله متوسطه الثخن وراها اخلي عجينه طبقه من الي سلقتها اسفل البايركس واخلي دجاج الي فلستها قطع صغيره وراها صلصه البشمل وجبن موزريلا مبروش وراها طبقه اخرى عجين وهم دجاج وصلصه وجبن واخر طبقه العجين وفوكها ادهن الوجه بالبيضه واخلي بقصم او خبز مطحون واخليها بالفرن واخر دقيقه افتح الوجه علمود احمص الوجه يصير كرسبي وطبعا بالحفافات قبل ما اخليها بالفرن اخلي شويه ماي دجاج وتقريبا نص ساعه كلش كافي عليها بالفرن والف عافيه .
العنوان: رد: شنو طبختوا اليوم ...........
أرسل بواسطة: موناليزا70 في Jun 14, 2011, 05:28 مسائاً
شكرا عزيزتي لجين اني نفس طريقتك لكن اضيف صوص الطماطة وياها وهو المتعارف علي .......تحياتي وشكرا مرة ثانية
العنوان: رد: شنو طبختوا اليوم ...........
أرسل بواسطة: الصديق الوفي في Jun 15, 2011, 01:06 صباحاً
هاليوم طبخت برده بلاو( قوزي الشام)  على الدجاج والتمن ملون بيه بالاضافه الى الدجاج جزر، بزاليا، فطر، بطاطا مكعبات مقليه، بصل ،شعريه .

وشوربة عدس ، زلاطه ، طرشي
العنوان: رد: شنو طبختوا اليوم ...........
أرسل بواسطة: موناليزا70 في Jun 15, 2011, 02:23 صباحاً
ام علاوي الف عافية اموت على قوزي الشام .......السؤال الاول تسوي قطع منفصلة لو قطعة وحدة والسؤال الثاني تخلطين الحشو مع الرز لو تسوي طبقات يعني اني مرات اذا قطع بحجم الكرة الوسط منفصلة اسوي طبقات (دجاج مفتت,لحم مكعبات صغيرة او شاورما , بطاطا ,بزاليا,,زبيب,مكسرات,شعرية ,رز ) بحيث اول طبقة بالقاع هو الدجاج او اللحم وبالترتيب ............تحياتي عزيزتي
العنوان: رد: شنو طبختوا اليوم ...........
أرسل بواسطة: ام زيد في Jun 15, 2011, 07:39 صباحاً
والله محتارة اليوم ودا انتظر الاخوات وطبخهم حتى اسوي
وينكم خوتي انقذوني اليوم محتارة
العنوان: رد: شنو طبختوا اليوم ...........
أرسل بواسطة: موناليزا70 في Jun 15, 2011, 09:49 صباحاً
ام زيودي ابدي من بداية الصفحة الاولى وشوفي شطابخين وانت تذكرين .......تحياتي عزيزتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 15, 2011, 02:11 مسائاً
يمه موني اشلونج حبيبه ، أي يمه سويته قطع بكاسه صغيره ارشها بالزيت البخاخ وافرش بيها العجينه واحط التمن واسدها كلش زين واكلبها بالتبسي المدهون ، أحلى هيجي تدرين يمه العين تاكل كبل البطن ، لا  يمه البارحه فلست الدجاج وخلطه ويا الحشو وبعدين خلطه ويا التمن هاي اذا دجاج ، بس أذا كفته لو مكعبات لحم أسويه طبقات وأول طبقه اللحم يطلع كلش طيب :ahalna_collection (13): لأنه يكسب ويا العجينه على فكره العجينه مال بورك وخليته طبقتين ورصيت التمن رص حتى من اكلب القالب لايتخربط .

هاليوم والله ما أعرف شا أطبخ :ahalna_collection (46): راح أخذلي جوله وياج أشوف أشطابخين كبل وأختار ، يلا عيني أم زيودي كومي ويانا لا يروح الوكت ويجي الرجال ويشوفنا بعدنا ما طابخين. :ahalna_collection (33):
العنوان: رد: شنو طبختوا اليوم ...........
أرسل بواسطة: موناليزا70 في Jun 16, 2011, 02:45 صباحاً
ام علاوي فنانة انت بالطبخ ومثل ماكلتي العين قبل البطن .......اني استعمل عجينة الكلاش وتكون اكثر من طبقة وارشها بالزيت البخاخ مثلك بين الطبقات ..............اليوم صايمة صوم رجب ولحد الان ما مقررة شنو اسوي يمكن راح اجي وياكم  اشوف شنو اكو اكلات ..............
العنوان: رد: شنو طبختوا اليوم ...........
أرسل بواسطة: الصديق الوفي في Jun 16, 2011, 03:44 صباحاً
تقبل الله يمه آني باجر بأذن الله أبدي بالصوم الأيام البيض ، والله يمه اليوم ظليت حايره سلكت
لحم وسويت لحم بعجين بخبز البيتا والله صار طيب شفته أهنا وكلت خلي أجرب بس مدا اتذكر منو يمكن انتي يمه أكيد انتي الفنانه يحفظج الله، وشويت بورك بالفرن، وكليت كباب طاوه وزلاطه وطرشي .

يمه موني أشتريت آله البيتيفور بس العجينه ما أعرف اشلون أسويها ، الآله تشتغل على الباتري والصوره اللي على الغلاف مبينه العجينه كلش خفيفه ، بلكت يمه أدكوليلي المقادير ، مشكوره حبيبه ، رجب المبارك عليكم .
العنوان: رد: شنو طبختوا اليوم ...........
أرسل بواسطة: IRAQIA في Jun 17, 2011, 01:39 صباحاً
شلونكم عيني اليوم طبخت باميه وتمن شلون بامية مكانكم خالي  ورجب مبارك عليكم وان شاء الله نصوم والله يتقبل الطاعات من الجميع ان شاء الله
العنوان: رد: شنو طبختوا اليوم ...........
أرسل بواسطة: الصديق الوفي في Jun 17, 2011, 02:37 صباحاً
هاليوم مبارك عليكم شهر رجب آني صايمه طبخت تمن عدس على الماجي وكنتاكي دجاج وزلاطه وطرشي اتغدوا الولد وآني أنشالله على الفطور تقبل منا ومنكم آمين.
العنوان: رد: شنو طبختوا اليوم ...........
أرسل بواسطة: ديما في Jun 17, 2011, 08:06 صباحاً
شنو القصة اشو الكل مختفية من المطبخ لازم عفتوا الطبخ وكله اكلكم بلمطاعم وينج موناليزا وين اكلاتج الذيذة اشو انتي طرحتي الفكرة وصار كم يوم ماكو انتي عسة ما شر
العنوان: رد: شنو طبختوا اليوم ...........
أرسل بواسطة: موناليزا70 في Jun 17, 2011, 08:57 صباحاً
ام علاوي هاي عجينة البتي فور وللامانة اني ماحافظة المقادير بس اخذتها من الكوكل لان اني ناسية صار مدة طويلة مامسوية .........تدللين عزيزتي

كوبين دقيق
كوب سكر ناعم
كوب سمنة (ممكن بدل السمنة زيت)
ملعقتين كبيرتين نشا
3 بيضات
ملعقة صغيرة فانيليا
ملعقتين صغيرتين


الطريقة:

- يخفق البيض والسكر والسمنة والفانيليا مع بعض .
- ثم يضاف الدقيق والنشا والبيكنج بودر (يمكن اضافة بودرة الكاكاو).
- ثم تشكل بآلة البيتي فور او البسكويت وتخبز في الفرن.
- بعد ذلك تزين بالمربى والمكسرات وجوز الهند

العنوان: رد: شنو طبختوا اليوم ...........
أرسل بواسطة: موناليزا70 في Jun 17, 2011, 08:59 صباحاً
عراقية مبارك عليكي وعلينا رجب ودا اتخيل الباميا والحموضة اللي بيها ...........الف عافية عزيزتي ونورتي
العنوان: رد: شنو طبختوا اليوم ...........
أرسل بواسطة: موناليزا70 في Jun 17, 2011, 09:01 صباحاً
هلو ديما عذريني لان محد دة يساعدني ويسويلي واهس محد دة ينزل اكلات ........ياريت تنزلين اكلات حتى لو الاكلات العادية اللي متعودين عليها لان جائز اكو اختلاف بيها ولو بسيط يغير الطعم ونتبادل المعلومات .........شكرا على السؤال تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 17, 2011, 09:06 صباحاً
البارحة سويت شوربة مشروم مع البرياني وكنت صايمة ايام رجب المباركة .....اليوم سويت دولمة 3 جدور ووزعتها لان معتادين برجب  ان شاء الله مقبولة ...........تحياتي للجميع
العنوان: رد: شنو طبختوا اليوم ...........
أرسل بواسطة: الصديق الوفي في Jun 17, 2011, 02:07 مسائاً
انشالله يوم 27 رجب اسوي الدولمه واوزعها ، هاليوم صايمه وحايره شأطبخ ، راح اسوي شويه شوربة عدس لأنه بس آني وأبو علاوي نحبها وبعد ما ادري .

اشكرج موني على عجينة البيتيفور ، هاليوم راح اجرب الخبز بالفرن مثل ما كتيلي بلكت يطلع خبز تشريب حتى اسوي باميه الولد كلش عاجبهم تشريب.
العنوان: رد: شنو طبختوا اليوم ...........
أرسل بواسطة: موناليزا70 في Jun 17, 2011, 07:27 مسائاً
ام علاوي ان شاء الله ينجح واذا مانجح اطبخي رز احتياط .........
العنوان: رد: شنو طبختوا اليوم ...........
أرسل بواسطة: الصديق الوفي في Jun 18, 2011, 09:06 صباحاً
موني العزيزه هاليوم اشكد اندعيتلج على الخبز طلع ايخبل وأكلنا تشريب لحم بالغدا وبالفطور يعني طلع خبز صدك عبالك مال تنور  بس شنو اصغار يعني حنونات وبقى للعشا الولد كلش حبوه ، ينطيج العافيه لوما انتي والله ولا أعرف اسويه ، باجر الله كريم شوف اشراح نطبخ .

تشكرين حبيبه
العنوان: رد: شنو طبختوا اليوم ...........
أرسل بواسطة: الاماني في Jun 18, 2011, 03:05 مسائاً
اليوم امي الحجية ببيت اخويه
واني طلعت الصبح للسوك  اشتريت   خيار وطماطه ودجاجه ولحم مثروم  وخبز وطبقة بيض وجبن  كيري
وتفاح  وركيه وبرتقال وثوم وبصل بعد شنو خلي اتذكر
واشتريت جبس ليز ههههههه اني احبه
واخذت بتيته و كرز وبيتنجان ولبن
 وخضره (نعناع وجرجير  وراس خس واحد  وبصل اخضر وفجل)
 وعلبه معجون  واندومي  وكليجه (( بيهه قصه الكليجه)) هههههههه
ومكان السوق محلات الاسره معروفه  يمنه  كلشي موجود بيهه
ورجعت للبيت جوعانه وامي ماكو سويت  جاي وحميت الخبز بالمايكرويف واكلت جبن كيري وجااي ههههههههههه احسن غده
تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 18, 2011, 05:19 مسائاً
ام علاوي فرحتيني كلش من كلتي الخبز طلع زين وان شاء الله المرة الجاية تكبرين الحجم والف عافية ........
العنوان: رد: شنو طبختوا اليوم ...........
أرسل بواسطة: موناليزا70 في Jun 18, 2011, 05:23 مسائاً
امونة هلقد مسواق وبالاخير تاكلين جبن وخبز بس تدرين مرات شي بسيط بس يكون كلش طيب خاصة من الواحد يكون جوعان ليش ما سويتي الاندومي (معقولة اكثر على الغدة ) ..........صار عندي فضول اريد اعرف قصة الكليجة ؟؟؟؟؟
العنوان: رد: شنو طبختوا اليوم ...........
أرسل بواسطة: الاماني في Jun 18, 2011, 06:32 مسائاً
امونة هلقد مسواق وبالاخير تاكلين جبن وخبز بس تدرين مرات شي بسيط بس يكون كلش طيب خاصة من الواحد يكون جوعان ليش ما سويتي الاندومي (معقولة اكثر على الغدة ) ..........صار عندي فضول اريد اعرف قصة الكليجة ؟؟؟؟؟

هههههههههههه  عمي موني هو ياهو اسهل اكل جبن لو اسوي  اندومي وعيونج من اكلت الجبن بس  لان اتعاجز

قصه الكليجه اني كتبتهه برد بالحضور اليومي لخاطرج اعيدهه
هااي يا سيدتي  امي الحجية من الصبح اجه على بالهه انسوي كليجه وكعدتني من الصباحيات  علمود  نعجن ههههههه
بس الله رحمني واخويه  اجه اخذهه لبيتهم على الغده  واني رحت للسوك واتسوكت فشفت الكليجه مال تمر بمحل افران  اشتريتهه وجبتهه للبيت
امي الحجيه من  اجت  الا شويه وتهلهل على ندارتي وشطارتي شلون سويت كليجه بهاي الكم ساعه
بس اني سويتهه سكته اريد اشوفهه تكتشف الشغله واكيد اكيد هي اكتشفتهه لان تعرفني  بيضه ما اسلك اتعاجز مو عاد اعجن واسوي كليجه ههههههههههه
فهي خطيه سكتت ههههه فشلانه من ندارتي هههههههه
شفتيني موناليزا شكد اني نادره وشاطره  بالكليجة  مو احسن منكم بساعات سويت كليجه هههههههههههه
تحياتي
العنوان: رد: شنو طبختوا اليوم ...........
أرسل بواسطة: موناليزا70 في Jun 18, 2011, 07:23 مسائاً
الصدق هسة الجاهز اصرف واطيب لان من تشتغلين بالكليجة لازم تعجنين وبالشيبك تفتحين وتحشين وتصرفين غاز وغسل اماعين ويمكن ماتطلع طيبة وعلى شنو الدوخة (شفتي شلون بطلت واهسج) ...........بالنسبة للشطارة والندارة كلنا جنا هيج مانعرف وتعلمنا بس اني كنت احب ادخل للمطبخ واخربط واجرب للونسة ...........شكرا امونة على قصة الكليجة تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 18, 2011, 08:10 مسائاً
موني العزيزه ، شفتي أمونه اشسوت بقصة الكليجه ، اليوم راح أطبخ دولمه هو يمه هاليوم اليوم الثالث من الأيام البيض مال شهر رجب يعوده عليكم بالصحه والستر، كعدت من الصبح حفرت الخيار والشجر وطلعت البصل ( آني أخدره للبصل بمي حار يطلع عدل فص فص ) وكصكصت اللهانه وأشتريت فلفل حار هم احشيه تطلع الدولمه اتخبل بيه ، بس بيتنجان أصغار ماكو بالول مارت اكو بس اكبار والسوك الصيني بعيد علينا ولو آني احب الدولمه ملونه ، هاي ابغداد من اسويها وخصوصاً بالخيرات برجب أشتري من كلشي كيلو حتى باكله( باقلاء) كيلو وطماطه وأسوي فد جدرين أكبار مو وحدي اشتغلها ، خواتي ألله يذكرهم بالخير ويايا ، يوم عشره من عاشور هم أطبخ خواتي وولدهم يجون يباتون عندي وأمي ونصير لمه حلوه اسوي هريسه وبرياني وترشانه،( هاي كبل بيوم ذابحين) ومن الصبح الولد الله يخليهم نوزع الهريسه وكبل صلاة الظهر نوزع البرياني والترشاته ، والله يمه يجون ناس ما أعرفهم بالجدوره مالتهم، أول العام خلص البرياني وأختي الله يذكرها بالخير طبخت مره لخ لأنه أجوني ناس كتلهم ماعندي راح اطبخلكم كالولي ننتظر خاله لمن ايصير ، الله اشلون جانت أيام ، آسفه يمه طولت عليج . وكل عام أنتو بألف خير.
العنوان: رد: شنو طبختوا اليوم ...........
أرسل بواسطة: موناليزا70 في Jun 19, 2011, 09:39 صباحاً
ام علاوي وانت بألف خير وصحة وعافية يارب ........اني مثلج اخدر البصل واستخدم الفلفل الحار واحشي بس محد ياكلة بس ينطي حرارة واستعمل الباقلاء احطها بجعب الجدر ومرات افلس الباقلاء وجهين وافرمها واحطها بالحشو ووياها شبنت ومرات كشمش بس مو الكل تحب الكشمش واهم شي بالحشو الثوم والحموضة واني ما احب اللهانة احب السلق وورق العنب ومرات استعمل الخس والباذنجان تكدرين تستخدمين الطويل وتقسميي نصين ..............ذكرتيني بالطرشانة شكد احبها ودائما نسويهابالاعياد والمناسبات وانطيج معلومة ما اعرف اذا تسويها لو لا اكو مثل طريقة عمل الطرشانة الكوجة واكو التفاح وايضا تنطبخ على اللحم والدجاج ...............اما الهريسة اموت عليها وانطيج معلومة اخرى هنا اكو شي اسمة اوت (oat ) هو حنطة مجروشة طبخي اللحم على جنب ومن يستوي ضيفي الاوت فد كوب او حسب رغبتج الكمية و10 دقايق ويستوي ويصير مثل الهريسة بس من تشترين الاوت لازم يكون خالي من اي شي مثل مرات يكون معا فواكه مجففة او نكهات ...............طولت عليكي تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 19, 2011, 03:47 مسائاً
اشكرج يمه موني على المعلومات القيمه من أم بيت ونص أتعيش ايدج، يمه هاليوم طالعين راح نتغدى بره ، خلي شويه أرتاح فد يوم من الطبخ ، ولو هسم من نرجع بالسلامه يكولون جوعانين ههههههههههههههههههههههه
العنوان: رد: شنو طبختوا اليوم ...........
أرسل بواسطة: موناليزا70 في Jun 19, 2011, 09:15 مسائاً
ام علاوي ان شاء الله تتونسون عالغدة والواحد يحتاج شوية يغير جو ........انتي عندك ما شاء الله شباب الله يحفظهم والشباب يحبون الاكل .............
العنوان: رد: شنو طبختوا اليوم ...........
أرسل بواسطة: IRAQIA في Jun 20, 2011, 01:40 صباحاً
شلونهم الحبايب ان شاء الله كلكم بخير

اليوم طبخت تشريب دجاج وخليتله نومي بصرة  شلون صار طعمه كلش طيب  وسويت وياه برغل الاهل كلهم يحبوه  ومكانكم خالي
الله يحفظكم ويسعد ايامنا اجمعين
العنوان: رد: شنو طبختوا اليوم ...........
أرسل بواسطة: موناليزا70 في Jun 20, 2011, 05:29 صباحاً
عراقية الله على البرغل اشكد احبة .........الف عافية ......
العنوان: رد: شنو طبختوا اليوم ...........
أرسل بواسطة: موناليزا70 في Jun 20, 2011, 05:30 صباحاً
اليوم سويت شوربة خضار مع بورك يوغسلافي وسلطة ملونة ..........تحياتي للجميع
العنوان: رد: شنو طبختوا اليوم ...........
أرسل بواسطة: ام زيد في Jun 20, 2011, 05:32 مسائاً
اليوم سويت كبة برغل مو جريش
مع سلطة ومكانكم خالي
اشلونج اختي موني والله مشتاقة ان اكعد على النت واسولف وياكم
لان الكهرباء كل يوم ضاربية ومااعرف وين راح نوصل
ربنا يحفظكم
العنوان: رد: شنو طبختوا اليوم ...........
أرسل بواسطة: lugin في Jun 20, 2011, 05:56 مسائاً
السلام عليكم اخوان اليوم سويت كبه موصل بس شلون طلعت تخبل كلش طيبه الي هي مخبوط العجينه مالتها من برغل تبوله وجريش وصدر دجاج والحشو طبعا لحم مثروم وليه زايد وبصل هم زايد وفلفل وملح ويه مرك مال حامض كبه فصارت اوكي تحياتي للجميع  :-D :-D :-D :-D :-D :-D
العنوان: رد: شنو طبختوا اليوم ...........
أرسل بواسطة: موناليزا70 في Jun 20, 2011, 07:14 مسائاً
ام زيودي الحمد الله اني زينة افتقدناج الله يساعدكم على الوضع ان شاء الله تفرج ..............الف عافية الكبة
العنوان: رد: شنو طبختوا اليوم ...........
أرسل بواسطة: موناليزا70 في Jun 20, 2011, 07:19 مسائاً
لوجين ما نكدر انافسج ابد بالاكلات الموصلية ......سؤال ليش نحط صدر دجاج لقشر الكبة للطعم لو شنو وشنو نوع البهارات تستخدميها للكبة ؟؟؟؟؟؟؟
العنوان: رد: شنو طبختوا اليوم ...........
أرسل بواسطة: lugin في Jun 20, 2011, 07:50 مسائاً
السلام عليكم الله يعافيج ام زيد واختي موناليزا اكيد للطعم وحتى ماتتفلش لان اني اسويها كبيره واما لحم شرح خالي من الدهن او صدر دجاج واني اشوفها بصدر الدجاج انغم يعني اطيب وماحط اي بهارات بس فلقل اسود زايد ويه الحشو وبالعجينه ماخلي غير الملح وطبعا من احشي اخلي كشمش ولوز او صنوبر حسب المتوفر وافتحها رقيقه بالنايلون ومن اخلصها اخليها على ورق ابيض لحد ماتنشف واسلكها بماءمضاف له بيكاربونات الصوديم وعلى فكره اني كاتبه المقادير وطريقه العمل هنا بالمطبخ تلكيها تقبلو تحياتي
العنوان: رد: شنو طبختوا اليوم ...........
أرسل بواسطة: الصديق الوفي في Jun 21, 2011, 01:07 صباحاً
السلام عليكم يمه الجميع أشلونج موني العزيزه ، أم زيودي حبيبه ألله يساعدج على الكهرباء وبلاويه سالمين انشالله حبيبه، يمه عراقيه اشلونج عيني طبعاً آني أموت على البرغل وأكيد طلع يخبل لأنه أنتي طابخته ، يمه لجين مبين عليج كلش معدله تدرين شكد أفرح من اشوف بناتي المعدلات وأكول الحمدلله والشكر ياربي على هالنعمه ، أي يمه موني آني أخلي بعجين الكبه وأتعلمت من أمي لحم شرح بدون دهن حتى مثل ما أدكول لجين الله يجفظها ماتتفلش من تنسلك بالمي ، بس طريقة لجين هم طيبه أكيد ,وآني أحط بمي السلك ماجي يطلع طعمها كلش طيب ، عيني الموصل مشهورين بأكلهم الطيب وندارتهم وعدالتهم ، هاليوم جيراني من الموصل الله يحفظها وياكم دزتلي ماعون برغل وفوكاه مكعبات لحم غنم وكشمش ولوز وشعريه  بس شنو فد شي خرافي على كولة الولد هههههههه

هاليوم يمه جنت كلش تعبانه من طلعة البارحه ، فطبخت فاصوليا يابسه وتمن وزلاطه والطرشي وأكلوا الوحوش  بالعافيه وظلوا يكولون عاشت ايدج ماما .
العنوان: رد: شنو طبختوا اليوم ...........
أرسل بواسطة: lugin في Jun 21, 2011, 06:22 مسائاً
السلام عليكم اليوم سويت عجينه وخمرتها وسويت خلطه من بصل وطماطه ودجاج مسلوك وثرمته ناعم وكجب وملح وفلفل اسود وكمون وكاري وشطه وسمسم وكله  على النار حمسته بالزيت وزيت الزيتون والتالي على الصاج فتحت العجين وهاي فوكها الخلطه وطلعت كلش اوكي .
العنوان: رد: شنو طبختوا اليوم ...........
أرسل بواسطة: الصديق الوفي في Jun 22, 2011, 03:36 صباحاً
 هاليوم جان غدانا نواشف ، سويت مكعبات لحم وياها مكعبات بطاطا وفطر وبصل وبهارات زايد ، البصل ما أحمسه أضيفه آخر شي تطلع الخلطه طعمها كلش طيب مثل الكباب المشوي ، وسويت لحم بعجين بخبز البيتا وزلاطه وطرشي والحمدلله والشكر.
العنوان: رد: شنو طبختوا اليوم ...........
أرسل بواسطة: ام زيد في Jun 23, 2011, 10:03 مسائاً
يظهر اليوم الحبايب اما معزومين
او مخصرين الرجال غدا بالمطعم هههههههههههههه
اشو محد طابخ اليوم
وينكم امهات المهارة والفن
العنوان: رد: شنو طبختوا اليوم ...........
أرسل بواسطة: ام زيد في Jun 23, 2011, 10:03 مسائاً
يظهر اليوم الحبايب اما معزومين
او مخصرين الرجال غدا بالمطعم هههههههههههههه
اشو محد طابخ اليوم
وينكم امهات المهارة والفن
العنوان: رد: شنو طبختوا اليوم ...........
أرسل بواسطة: الصديق الوفي في Jun 23, 2011, 11:44 مسائاً
ام زيودي حبيبه اجيت الصبح لبيت اهلنا شفت الكل نايمه كلت خليهم بالعافيه واستغربت لا انتي لا موني لا عراقيه ماكو ورحت طبخت واجيت هسه ، اني طبخت اليوم برياني ، مكعبات دجاج صدور وفطر وبطاطا وبزاليا وبصل ، وزلاطه لهانه وطرشي وبدربي سويت العشا همين ، لحم بعجين ، والحمدلله والشكر.
العنوان: رد: شنو طبختوا اليوم ...........
أرسل بواسطة: IRAQIA في Jun 30, 2011, 08:13 مسائاً
هلا  عيني ام زيد شلونج  ان شاء الله بخير

موناليزا شلونج عيني ان شاء الله زينه

خاله ام علي الف عافيه البرياني اطيب اكله اموت عليه متاكدة طبخج لا يعلى عليه  الف عافيه
 
اليوم سويت تمن باقلاء ويه الشبنت ودجاج مشوي  ولبن هذه الاكله كلش احبه  :)

العنوان: رد: شنو طبختوا اليوم ...........
أرسل بواسطة: الصديق الوفي في Jun 30, 2011, 11:34 مسائاً
هلا يمه عراقيه ، هاليوم آني صايمه يمه وآني وجارتي من الصبح طبخنا تمن وقيمه وطرشانه وزعنا الطهر وانشالله على الفطور ناكل ونندعيلكم بالخير والصحه والستر ، والله لو يمنا جان جبنالكم القيمه طلعت اتخبل والطرشانه .
امونه اشلونج حبيبه كومه اندعيتلج يمه ربي يسعدج
ام زيودي اختي الغاليه سنة الجايه بأذن الله سويه نطبخ ونوزع
موني حبيبه يحفط جهالج وكل عام وانتي بألف خير

 
العنوان: رد: شنو طبختوا اليوم ...........
أرسل بواسطة: IRAQIA في Jul 01, 2011, 05:18 صباحاً
الله خاله ام علي اموت على الطرشانه والقيمه  الف عافيه وماجوين ان شاء الله وصيام مقبول ان شاء الله ذكرتيني بمحرم نطبخ برياني ودجاج وهريسه بس خالتي تطبخ قيمه الله شكد حلوة ذيج  الايام الحمد لله على كل حال
العنوان: رد: شنو طبختوا اليوم ...........
أرسل بواسطة: الاماني في Jul 02, 2011, 04:26 مسائاً
يجي على واصل خالتنه  الحبيبة ام علاوي ينطيج مرادج بجاه النبي وان شاء الله  خير وسعادة ورزق وعافيه  عليك وعلى محبيج وعائلتج

عراقيه كانت اختي تطبخ بوفاة الامام  برياني ودجاج  واحنه  نسوي  تمن وقيمه  وهريسه وبرياني وزرده وحليب  وشوربة آش مال زين العابدين
بس  منطبخهن بيوم واحد  على ايام محرم كله

بس شوربة آش  بس بيوم وفاة زين العابدين  بعد عيني روحي فداهم ال البيت  ورضا الله عنهم وعن كل صحابه الرسول ومحبيه

اليوم طبخت امي الحجية  تمن باكله  وفلست وياه صدر دجاج واني سويت  الزلاطة  وجاجيك وطرشي  عراقي جايبلنه اخويه من الكاردنز
وعندنه  عامل ديصبغ  الهول  صبيناله غده وشرب جااي والحمد لله رب العالمين على نعمه
العنوان: رد: شنو طبختوا اليوم ...........
أرسل بواسطة: ام زيد في Jul 02, 2011, 06:51 مسائاً
عيني خواتي بالف عافية عليكم
والله دا اتخيل طبخكم ماكو احلى واطيب منه معدلات وبيتكم على الشط ربنا يسعدكم جميعا
ان شاء الله كل سنة وانتم وعوائلكم بالف صحة وعافية
اشكر تمنياتكم لي ودمتم يااعز خوات
العنوان: رد: شنو طبختوا اليوم ...........
أرسل بواسطة: الصديق الوفي في Jul 02, 2011, 10:16 مسائاً
والله هاليوم طبخت باميه صدك عراقيه مو امريكيه ، لحم غنم ايخبل وتمن عنبر وزلاطه وطرشي مكانكم خالي الله لايخلاه بجاه السميع العليم ، الله امونه تمن باكله كلش احبه كلنا آني وجارتي الله يخليها ويخليكم نطبخه ب15 شعبان يوم المحيا هم راح انصوم بأذن الله ونوزع منه ، يمه أهنايه هوايه أكو عراقيين تتحصر على الأكل العراقي وهذا كله ثواب يدفع الشر عنا وعنكم  تدرين يمه ذاك اليوم حتى اكو ناس صينيين اكلو تمن وقيمه.
 حبيبتي اشكرج على الدعوات الصالحات اجمعين حبيبه  ..
يخليج الله يمه عراقيه واسم عليج يمه سويلج جيه يمنا نره احنا مو بعدين وبين الاهل ماكو بعد وبعيني شتريدين اطبخلج تدللين حبيبه.
ام زيودي عيني الله يديم عليج الكهرباء واشوفج منوره البيت يخليلج الولد حبيبه
العنوان: رد: شنو طبختوا اليوم ...........
أرسل بواسطة: الصديق الوفي في Jul 07, 2011, 02:15 مسائاً
يمه وينكم اشو جدورتكم مجفايه اسمالله عليكم حبايب مو رمضان جاي وين الأكلات الطيبه والحلاوات
ام زيودي حبيبه صار زمان ماداخلين المطبخ
يمه عراقيه خلصت الامتحانات وانتي ماكو
امونه الغاليه اشو محد اكو بالمطبخ يلا يمه سوولكم همه
العنوان: رد: شنو طبختوا اليوم ...........
أرسل بواسطة: IRAQIA في Jul 07, 2011, 10:27 مسائاً
هلا حبيبتي يمه ام علاوي اني زينه الحمد لله انتو شلونكم يوم عيد يوم اشوفكم والتقي بيكم ان شاء الله يا رب نلتقي  اشو مناليزا ماكو خير ان شاء الله وينج موناليزا شطابخه اليوم
 اني  اليوم سويت فاصوليا وتمن وزلاطه هذه الاكله مفضله عدنه

والبارحه سويت تشريب دجاج وبرغل وجرحت اصبعي بالسجين سولفتله الامونه وشويه اصبعي يوجعني عقمته وخليت لاصق طبي والله كريم
الله يحفظكم ويسعد ايامكم ويقضي حوائجكم بجاه النبي عليه افضل الصلاة والسلام
العنوان: رد: شنو طبختوا اليوم ...........
أرسل بواسطة: ام زيد في Jul 09, 2011, 10:23 مسائاً
عيني اشو الحبايب بطلو يطبخون
شنو القصة تتحضرون على رمضان لو ريجيم هههههههههههه
اختي الموناليزا هاي انت وين ياست المطبخ بدونج ظلمة
نريد لمساتج الاخيرة على الطبخ
اشلون صار اصيعج عيني العراقية ان شاء الله ماعندج الا العافية
ها ام علاوي انت وين عمري مشتاقة لاكلاتج حبيبة
بقية الاخوات ان شاء الله نسمع اخباركم الطيبة
العنوان: رد: شنو طبختوا اليوم ...........
أرسل بواسطة: IRAQIA في Jul 09, 2011, 10:38 مسائاً
هلا بيج عيني ام زيد  شلونج شخبارج الحمد لله اصبعي زين  اليوم الوالدة طبخت دولمه واني صايمه  يلا اكلهه عالفطور اشو ماكو احد خاله ام علي الاماني موناليزا وينكم عيني شنو اليوم بدون اكل باقين  ام زيد يمكن صدك ديحضرون الرمضان ههههههههههههههه 
العنوان: رد: شنو طبختوا اليوم ...........
أرسل بواسطة: الصديق الوفي في Jul 10, 2011, 01:46 صباحاً
يمه حبايب آني أهنا ، هاليوم طبخت تشريب بيتنجان على لحم غنم كلش ايحبوه الولد وتمن، وعلى مود التشريب خبزت خبز ، كلما أخبز اندعي لموناليزا لأنه علمتني أخبز  بالفرن ، يمه كلشي أعرف أطبخ ألا الخبز ما أعرفه بس اليوم طلع أحسن من ذيج المره ، يمه عراقيه أم زيودي أمونه  موناليزارمضان بخير وسلامه قريب وأحنا دوم بالمطبخ كل عام وانتو بألف خير.
العنوان: رد: شنو طبختوا اليوم ...........
أرسل بواسطة: الاماني في Jul 11, 2011, 03:25 مسائاً
شلون ام علاوي تسوين التشريب علميني 
اليوم احنه مصايمين علمود نجمع قوتنه لصيام ايام البيض والمحيا
سوت امي الحجية مركه فاصوليه خضره  على لحم  مو دجاج وتمن شعريه  وقسمت الطبخ بينه وبين بيت اخويه لان زوجته بعدهه خطيه بالنفاس  بس اني ما احب الفاصوليا الخضره مع العلم امي تعتني بيهه كلش اني سويت  خيار مبروش وثوم ولبن  واكلته ويه تمن شعريه
تعيشون وتسلمون بالخير والعافيه ورضا الله
ورمضان الخير علينه وعليكم من يجي كل الهلا بيه
العنوان: رد: شنو طبختوا اليوم ...........
أرسل بواسطة: الصديق الوفي في Jul 12, 2011, 06:17 صباحاً
يمه أمونه هاي الأكله أتعلمتها من أمي اللي يذكرها بالخير ، يمه

كيلولحم غنم
بيتنجان عدد 4 حبات حجمها  وسط
فلفل أخضر حسب الرغبه
بصله عدد 1
كيلو طماطه
ملعقة اكل معجون عدد 2
راس ثوم
ملح حسب الرغبه
حامض حسب الرغبه
ملعقة شاي شكر

طريقة العمل

1- تسلكين اللحم على النص مو كلش باضافة مي قليل
2- يضاف البصل الى اللحم بعد تقطيعه الى اربع قطع بعد ان ينشف مي اللحم
3- يضاف عصير الطماطه والمعجون الى اللحم ويترك الى ان يستوي وتجانس المركه بس مو كلش ثخينه
4- يقطع البيتنجان الى اريع قطع يعني كل وحده اربعه مع المحافظه على الكمع للمنظر ويضاف للمركه وتركه فد خمس دقيق يغلي
5- قبل لايستوي البيتنجان انضيف الملح والشكر والحامض والثوم والفلفل الاخضر واتكون الفلفله صجيحه مو مقطعه بس زرفيها بالسكين  ونتركه يتجانس .

يمه اتمنى وصلت الفكره ، والف عافيه حبيبه.
العنوان: رد: شنو طبختوا اليوم ...........
أرسل بواسطة: BaghdadGhost في Jul 16, 2011, 10:01 صباحاً
والله صارلي هواي ما طابخ من ورة امور كثيرة و اهمها الانشغال المستمر .... ولكن التيفال يناديني  :D
العنوان: رد: شنو طبختوا اليوم ...........
أرسل بواسطة: IRAQIA في Jul 16, 2011, 11:09 مسائاً
شلونهم الحبايب يارب تكونون بخير  شبح لازم تلبي النداء  :D :D ترة بعدين  تصير مظاهرات

عيني اليوم فاصوليا وتمن  خير من رب العالمين
اللهم اطعم كل جائع وارزق كل فقير

العنوان: رد: شنو طبختوا اليوم ...........
أرسل بواسطة: Goldfish في Jul 20, 2011, 05:38 صباحاً
 :ahalna_word (2): عفية اريد اسم الصلصة اللي اتخليها وية الكباب
 :ahalna_word (109):
العنوان: رد: شنو طبختوا اليوم ...........
أرسل بواسطة: الصديق الوفي في Jul 29, 2011, 09:09 مسائاً
أولا الصوره قمه بالروعه ،سبحان الله

آني جربت الصلصه الجاهزه مال السباكتي اشو طلع الكباب كلش طيب واكو انواع هوايه بس اني خليت اللي بيها فلفل أخضر .


يمه وينكم شنو معزلين مو رمضان بعدله يومين وينكم
العنوان: رد: شنو طبختوا اليوم ...........
أرسل بواسطة: IRAQIA في Jul 30, 2011, 01:43 صباحاً
شلونهم الحبايب شنو محد طابخ والله >:( اليوم طبخت بامية وتمن خير من الله الحمد لله
وسويت اني والحجيه كبه تمن وكبه جريش وان شاء  الله نسوي بورك تحضيرات لشهر الخير مو احنه عائله كبيرة :-\ يلا شنو سحوركم لاول يوم رمضان لان اني ما اكل بالسحور شلون بيه والنهار طويل  :'(
العنوان: رد: شنو طبختوا اليوم ...........
أرسل بواسطة: الصديق الوفي في Jul 31, 2011, 01:03 صباحاً
يمه عراقيه تره السحور سُنه وأسألي الحجيه الله يحفظها ويحفظج، النهار طويل ماادري يمه اشلون اتقاومين الله يحفظج يمه تره تعب عليج ، أحسن سحور وخفيف لفة جبن ونعناع ، يعوده عليج وعلى الكل بالخير والعافيه،
وصينية رمضان خير وبركه ماتشوفيها الا انترست من كلشي ،آني سويت كبة تمن وجريش علمود الشوربه ، وكبة حلب والبورك يوم بيوم اسويه على المشتهاه لأنه الربع عندي ما هلكد يرغبون بيه، تدرين يمه عراقيه آني كلش أفتقد مو الأكل بس الطلعه اللي ورا الفطور من جنت ابغداد اني وخواتي والصديقات أنروح للكراده للمنصور نكعد نشرب عصير يم مشمشه واشتري نفاخات لأبن أختي الصغير لو ملاعيب وأدكولي أنتي اللي طلعتي عينه ، وينها عين حمودي الله يحفظه حتى ابوسها حبيبي صدقه لعمره شكد مشتاقتله.
العنوان: رد: شنو طبختوا اليوم ...........
أرسل بواسطة: IRAQIA في Aug 02, 2011, 07:41 مسائاً


اي والله خاله السحور سنه والرسول صلى الله عليه واله وسلم يكول تسحرو ان في السحور بركه  اني احب الجبن هوايه اكلتي المفضله لفه جبن وطماطه لو نعناع ان شاء الله اليوم نسوي بورك قسم بالجبن وقسم باللحم 
صدك سفرة رمضان خير ينترس الميز وكت الفطور كله ببركات رب العالمين اللهم اطعم كل جائع وارزق كل فقير امين
اي والله خاله الطلعه ورة الفطور وزيارة الاقرباء الها وحشه الله كريم
واله يحفظ خواتك واولادهم وخصوصا حمودي  ويسعد ايامكم ورمضان مبارك عليكم  
العنوان: رد: شنو طبختوا اليوم ...........
أرسل بواسطة: الصديق الوفي في Aug 02, 2011, 08:08 مسائاً
وايامج يمه ، يلا الواحد يصبر نفسه والله كريم، البارحه جان اول يوم يعوده عليج بالخير والبركه، طبخت لازانيا، كبه، شوربه وياها كفته لازم كل يوم،تمن وفاوصوليا، زلاطه روسيه( مايونيز ولهانه) زلاطه عاديه ( شلون خيار طلع عندي بالحديقه ماشالله عليه)،والحلو ويا الجاي مافن  ، هاليوم بعد ماادري خلي انشوف الطلبات والله كريم.

                    ورمضان المبارك عليكم

                                                             :ahalna_separator (67):

                                                            :ahalna_separator (13):
العنوان: رد: شنو طبختوا اليوم ...........
أرسل بواسطة: IRAQIA في Aug 03, 2011, 09:28 مسائاً
 :ahalna_separator (27): :ahalna_separator (67): :ahalna_separator (10):



اليوم راح نطبخ تشريب دجاج وتمن وزلاطه وتمر وراشي وشوربه وكبه وخير من الله

صيام مقبول واجر ثابت للجميع ان شاء الله
العنوان: رد: شنو طبختوا اليوم ...........
أرسل بواسطة: الصديق الوفي في Aug 04, 2011, 07:10 صباحاً
خير من ألله سبحانه وتعالى، دجاجه مشويه بالفرن، تمن ملون ( بزاليا، جزر، بتيته،فطر،)،زلاطه ، شوربه، كبه، والحلو حلاوة شعريه، خير من الله


صيام مقبول وأجر ثابت بأذن الله جل جلالهُ
                                                                        :ahalna_separator (67):
العنوان: رد: شنو طبختوا اليوم ...........
أرسل بواسطة: الصديق الوفي في Aug 08, 2011, 10:22 مسائاً
ها وينكم ياحبايب هاليوم شنو فطوركم الله يزيده، آني هاليوم سويت تشريب دجاج ومعكرونه وشوربه وكبه وزلاطه والحلو محلبي وكيك ، هاليوم والله عجنت علمود التشريب وسويت خبز .


صيام مقبول وأجر ثابت بأذن الواحد الأحد
العنوان: رد: شنو طبختوا اليوم ...........
أرسل بواسطة: IRAQIA في Aug 08, 2011, 11:48 مسائاً
الف عافيه خالتي الغالية

اليوم فطورنا كبه وزلاطه وشوربة وتمر وراشي وبطاطا مقرمشه  واكله سوريه خاله كلش طيبه
خبز نقطعه مكعبات ونقليه ونسلك دجاج ونفلسه ونضيفه على الخبز وبعدين نخلط لبن وراشي ونضيفه على الدجاج والخبز  مجربته لو لا كلش طيبه  الحمدلله

الهم اطعم كل جائع وارزق كل فقير
العنوان: رد: شنو طبختوا اليوم ...........
أرسل بواسطة: الصديق الوفي في Aug 09, 2011, 06:28 صباحاً
الف عافيه حبيبه ، اكيد أكلج طيب مابيها شك
اوالخبز المكله والله يمه كلش طيب ذكرتيني بالفتوش كلش احبه ، باجر انشالله اسويه بأذن الله

صيام مقبول حبيبه
العنوان: رد: شنو طبختوا اليوم ...........
أرسل بواسطة: labak في Aug 23, 2011, 03:09 مسائاً
هذا الموضوع كلش حلو ,,, روعة ,,, عاشت ايديكم
راح اشارك بي بس مو هسه ههههههههههههه
العنوان: رد: شنو طبختوا اليوم ...........
أرسل بواسطة: IRAQIA في Aug 23, 2011, 11:56 مسائاً
لبوكة العسل منورة الموضوع يلا ذوكينه طبخج  ;) ;)

وين الحبايب شنو طبختو للفطور وينكم يا اهل الدااااااااااااااار

اليوم شوربه وكبه  تمن وكبه جربش وبطاطا  ولحم وخير من الله
العنوان: رد: شنو طبختوا اليوم ...........
أرسل بواسطة: احمد الكنعان في Sep 04, 2011, 07:48 مسائاً
سويت تشريب لحم الا يموت بس ناقصه خبز عراقي امممممممممم
العنوان: رد: شنو طبختوا اليوم ...........
أرسل بواسطة: الصديق الوفي في Sep 05, 2011, 12:29 صباحاً
يمه هاليوم سويت كبة برغل وشوربة عدس ، بس الولد ماعجبهم كمت طبخت مره لخ مركة بطاطا وتمن وزلاطه
وناس اكلت هذا وناس اكلت ذاك ، اريد اشوف من يتزوجون هم يتأمرون على نسوانهم ، لو عيني لاتطبخين هاليوم اني عازمج ناكل بره ، اي الحمدلله والشكر على كل حال .
العنوان: رد: شنو طبختوا اليوم ...........
أرسل بواسطة: ام زيد في Sep 06, 2011, 10:14 مسائاً
والله كلامج ذهب باجر نسوانهم اش مايعملون ياكلون ويسكتون
والله اليوم سويت قيمة وتمن ومكانكم خالي وسلطة والحمد لله انتهى اليوم والله كريم على باجر
العنوان: رد: شنو طبختوا اليوم ...........
أرسل بواسطة: الصديق الوفي في Sep 07, 2011, 06:28 صباحاً
الف عافيه عيوني ام زيودي أكيد القيمه مالتج كلش طيبه حبيبه، اني طبخت اليوم تبسي ومعكرونه وزلاطه والحمدلله والشكر همزين الربع اكلوا عجبهم ، بس كولي باجر اشراح اطبخ والله حايره. :-\
العنوان: رد: شنو طبختوا اليوم ...........
أرسل بواسطة: الصديق الوفي في Sep 12, 2011, 03:53 مسائاً
يمه يابنات ياولد وينكم اشو جدورتكم مجفايه اسمالله عليكم وعلى البيت واهله اشو ماكو طبخ هالايام حبايب
شنو مسوين ريجيم لو داتكلون من ماك دونالد لو من كي اف سي ن يمه هذا الاكل هم ايسمن وهم ما يشبع
اني هاليوم  راح اسوي فاصوليا يابسه على الدجاج  وتمن وزلاطه والحلو جوكليت كيك ، يلا يمه وينكم
انطونا افكار على باجر انشالله اشراح نطبخ.
العنوان: رد: شنو طبختوا اليوم ...........
أرسل بواسطة: IRAQIA في Sep 12, 2011, 05:39 مسائاً
يمه احنه البارحه طبخنه فاصوليا وتمن وقبلها سمج واليوم مااعرف بعدنه اتلصبح يمكن راح اسوي  تشريب دجاج ويه النومي بصرة  وتمن شعرية كلش طيب بس يحتاج خبز عراقي 
يمه شوفي شنو تختارين من هذه الاكلات ولا تضلين محتارة  تشريب دجاج لو مقلوبه  لو تبسي باذنجان لو تبسي دجاج   اسوي بطاطا وبصل وشرائح طماطا واسلك الدجاج واخليه كل هذا المواد بالتبسي وشويه معجون ومي من تشريب الدجاج الي سلكته اخلطهن واظيفه على التبسي وادخله للفرن كلش طيب  والف عافية الشيفه عراقية 88 :s
العنوان: رد: شنو طبختوا اليوم ...........
أرسل بواسطة: الصديق الوفي في Sep 13, 2011, 03:48 صباحاً
يمه عراقيه 88 ربي لايحرمني من افكارج حبيبه، بس والله ملينا من الدجاج، راح اسوي باجر تبسي بتنجان على كبة برغل وتمن والله كريم . اشكرج ياغاليه والله انتي خوش شيفه مال برتقال مو مال بطيخ ههههههههههههه
عمري انتي.
العنوان: رد: شنو طبختوا اليوم ...........
أرسل بواسطة: swan_mo في Sep 13, 2011, 04:43 صباحاً
طبخت اليوم مركة فاصوليا خضرة وتمن ولو صار الغدة بالخمسة العصر شسوي اليوم دوامي طويل ومزعج

ام علاوي تدرين اني مامجربة فاصوليا يابسة على الدجاج تعرفين راح اجربها بس اذا مااكلوها الولد تدزيلي غداهم زين  ::)
العنوان: رد: شنو طبختوا اليوم ...........
أرسل بواسطة: labak في Sep 13, 2011, 04:58 مسائاً
تسلم اﻻيدين على الموضوع الصراحه رائع ومفيد جدا ... تسلم ايدين العراقية الوردة
ام محمد عيني بالعافية الفاصوليا الخضرة , بالنسبة للفاصوليا البيضة ويا الدجاج كلش طيبة بالنسبة النا الدجاج نسلقه وحدة ونقلي ونخلي على التمن  ﻻن الفاصوليا اعتقد بدون لحوم اطيب
العنوان: رد: شنو طبختوا اليوم ...........
أرسل بواسطة: IRAQIA في Sep 13, 2011, 05:31 مسائاً
الف عافيه يمه ام علي تبسي البيتنجان ويه الرغل كلش طيب ومن ايدج بعد اطيب ربي يحفظك  وبالنسبه للشيفه مو اشكال مال بطيخ مال برتقال المهم بالمطبخ ههههههههههههههههههه
يمه ام محمد الف عافية  طبخج اكيد طيب مثل روحج الحلوة  مو الطبخ على النفس الله يطيج مرادج ويفرحج
لبوكه العسل منور المطبخ بوجودج  خلينا نشوف طبخاتج الحلوة

اليوم طبخنا فاصوليا  يابسه اني اسميها بيضه   :D :D طيبه حبيبت العراقيين هذه الاكله والحمد لله على كل شئ
للهم اطعم كل جائع وارزق كل فقير امين
العنوان: رد: شنو طبختوا اليوم ...........
أرسل بواسطة: الصديق الوفي في Sep 13, 2011, 10:14 مسائاً
يا هلا ومرحبه بأم محمد الغاليه نورتي عيني البيت داكول ليش الشاشه مال الحاسبه نورها ساطع كلش اثاري ام محمد منورتها ، الله يعينج على الدوام اي عيني مو مثل دوامنا اهناك ابغداد ، ام محمد عيوني ولايهونون يناتي
وخواتي، الفاصوليا اليابسه ويا الدجاج كلش طيبه بس من تسلكين الدجاج اول شي شيلي الجلد حتى لاتصير زفره والفاصوليا نكعيها قيل يوم اكيد تعرفين واللي يخليها طيبه تحمسيلها بصل واتحطيلها حلبه وهاي تلكيها عند الهندي عنده يابسه وشوفيها اشكد طيبه تطلع ، واذا ماكلوها الولد جيبيها احنا ناكلها وادزلج الغدا وتدللين عيوني غاليه علينا ام حمودي يجيبه الله بالسلامه.
تسلمين يمه عراقيه88 حبيبه هسه كوليلي باجر اشراح نطبخ يلا افكارج النيره يمه فدوه لشيفتنا الحبابه .
العنوان: رد: شنو طبختوا اليوم ...........
أرسل بواسطة: IRAQIA في Sep 14, 2011, 10:41 مسائاً
فدوة لامهاتنا الغاليات  كل البركة والخير بوجودكم الله يحفظكم امين
يمة ام علي اليوم  امي تبلت الدجاج باللبن وراشي وثوم  خلطت هذه المواد بالخلاط وخلت الدجاج من الصبح بيه منكع وبعدين تخلية بالفرن شلون يصير او تسويه شاورما ماكو هيج طعم طيب عبالك مال سوك  اكله كلش طيبة احنه ناكل دجاج هواية لان منحب اللحم او تردين تسوين تمن باكله باللحم وياه لبن هم طيب او بامية ختاري من هذه الاكلات والف عافية
العنوان: رد: شنو طبختوا اليوم ...........
أرسل بواسطة: أبوعبدآلله في Sep 15, 2011, 03:27 صباحاً
آلله يبارك كل مطابخ اهلنا O :-)
العنوان: رد: شنو طبختوا اليوم ...........
أرسل بواسطة: الصديق الوفي في Sep 15, 2011, 05:50 صباحاً
والله يمه عراقيه88 باجر راح اسوي قيمه علاوي عاجبه هسه نكعت الحمص وعندي لحم خير من الله وتمن وياها
والله كريم وعلى عكب باجر راح اسوي اكلة الدجاج اللي كلتي عليها اكيد طيبه لانه الراشي كلش طيب بالطبخ
تشكرين يمه على افكارج ربي لايحرمنا منها عمري.
العنوان: رد: شنو طبختوا اليوم ...........
أرسل بواسطة: IRAQIA في Sep 15, 2011, 09:15 مسائاً
الف عافية اكيد طبخج كلش طيب مثل نفسج الحلوة يمة
اليوم سويت معكرونه وبرشت عليها جبن موزرلا كلش طيبة اني اموت على الجبن
وين الحبايب  انطونا افكاركم الحلوة
العنوان: رد: شنو طبختوا اليوم ...........
أرسل بواسطة: الصديق الوفي في Sep 15, 2011, 09:20 مسائاً
الف عافيه يمه عراقيه 88 اني هم احب المعكرونه بالجبن ، باجر دجاج انشالله وعكبه دولمه لأنه الربع ملتمين بالعطله.
العنوان: رد: شنو طبختوا اليوم ...........
أرسل بواسطة: labak في Sep 16, 2011, 01:24 مسائاً
هسه راح اكلكم على اكله كلش طيبة اكيد تعجبكم بس ﻻ تستغربون من طريقة الطبخ

اجيبون دجاجه مفتوحه من الظهر ((المسكينة )) وتخلوها بصحيتها زين,,, تتبل بالملح والتوابل اللي اتحبوها ,الهيل اللي هو كلش مهم فلفل اسود , دارسين  المهم البهارات الجوزية
تفرش الدجاجه في قاع القدر يصب فوقها قليل من الزيت ,نقلي شعريه وبعد ما تحمر نضعها فوق الدجاج بدون سلق ,نحمص لوز وكشمش للي ايحب ويضاف فوق الشعريه,نسلق تمن عالنص مو يستوي ها ﻻن هاي اهم مرحله ومن نسلقه بالبهارات  نفسها اللي تبلنا بيها الدجاجه نصفيه للتمن ونضيفه على الدجاج والشعريه ونضغظ عليه شويه ونرشه بقليل من الماء ونغطيه باحكام لمدة تقريبا ساعة على نار هادئة ... وشوفوا شلون الطعم من تنقلب في ماعون التقديم  ,, اكلوها وادعولي ,,, ﻻ اتخافون راح تستوي الدجاجه هههههههههه ﻻ اتكولون نيه شلون راح تستوي .تحياتي وبالعافية ,,, مطرح ميسري يمري ,,,
العنوان: رد: شنو طبختوا اليوم ...........
أرسل بواسطة: الصديق الوفي في Sep 16, 2011, 03:28 مسائاً
الله هاي اشلون اكله اكيد اتخبل اني جنت اسويها بالتمن الاحمر بس هسه راح اسويها على طريقتج هاي راح تطلع لوحه مو اكله من جمالها اتعيش ايدج يمه لاباك والله انتي ام بيت صدك.

هاليوم راح اسوي الدجاج الي كالت عليه العراقيه88 ورا الدولمه راح اسوي هاي الاكله اللي كلش طيبه اكيد
العنوان: رد: شنو طبختوا اليوم ...........
أرسل بواسطة: labak في Sep 16, 2011, 04:26 مسائاً
صدق تطلع لوحة يسلم هالوصف الحلو ...
عافيات وهني غاليتنا ام علاوي
العنوان: رد: شنو طبختوا اليوم ...........
أرسل بواسطة: ام زيد في Sep 16, 2011, 09:49 مسائاً
اليوم سويت تشريب لحم وتمن وسلاطة
والحمد لله مكانكم خالي
العنوان: رد: شنو طبختوا اليوم ...........
أرسل بواسطة: IRAQIA في Sep 18, 2011, 04:33 مسائاً
عاشت ايدج لبوكة اكيد الطعم يجنن والله طباخه معدلة
الف عافية يمة اني اموت على الدولمة ومن يبقى منها اظمه بالثلاجه واظل احمي واكل الى ان تخلص  :azn:
الف عافية ام زيودي حبيبتي
البارحة فاصوليا خضرة واليوم ما اعرف هسه الساعه 9 ونص الصبح بعد وقت على الغدة
صحه وعافية هني مري حبايب
العنوان: رد: شنو طبختوا اليوم ...........
أرسل بواسطة: الصديق الوفي في Sep 18, 2011, 09:00 مسائاً
يمه عراقيه الفاصوليا الخضره كلش طيبه اني اسويها على لحم الغنم ، بس اهنا شويه مو علة طول اكو لذلك اسويها على الدجاج وهم تطلع طيبه ، الف عافيه عمري.

يمه هاليوم دولمه توني خليتها على النار بس اشلونها حشيت بيها فلفل حار ، اشلون راح تطلع ، واللحم ثرمته بأيدي وثوم بيها واني اسويها حمره ، والله اتمنى لو انتو ويايه حبايب.
العنوان: رد: شنو طبختوا اليوم ...........
أرسل بواسطة: IRAQIA في Sep 19, 2011, 01:16 صباحاً
الف عافية يمة الدولمة من اشهر واطيب الاكلات العراقية واني اموت عليها
اليوم الوالدة طبخت بامية وتمن شلون بامية تمنيتها كدامكم حبايب
العنوان: رد: شنو طبختوا اليوم ...........
أرسل بواسطة: الصديق الوفي في Sep 19, 2011, 03:33 صباحاً
الف عافيه عمري ، باجر انشالله انسوي الدجاج اللي كتيلي عليه انشالله.
العنوان: رد: شنو طبختوا اليوم ...........
أرسل بواسطة: labak في Sep 19, 2011, 10:15 صباحاً
ايدج العايشة حبي وانشاء الله راح اجربيها وتكولينا شنو رايج حبيبتنا واختنا ((((العراقية 88 )))

الف عافية عزيزة قلبي ام علي وانشاء الله راح تعجبج  , حبيبة اذا ممكن اتكولينا على مثل هاي اﻻكلة بس على التمن اﻻحمر اشون اتسوي ,,,,تحياتي عمري
العنوان: رد: شنو طبختوا اليوم ...........
أرسل بواسطة: الصديق الوفي في Sep 19, 2011, 02:49 مسائاً
يمه عادي راح انكع التمن واحمس البصل واحط المعجون ويا البصل واحمسه شويه واخلي التمن عليه واكليه للتمن ويا المعجون والبصلواضيفله ملح الماجي  وبعدين اجيب جدر ثاني لازم تيفال واحط الدجاجه ( اللي اتكون متبله ) بيه واحط التمن اللي سويته فوك الدجاجه واحط شويه مي بحيث بالظبط ايغطي التمن لازايد ولاناقص
وعلى نار هادئه وهمين فد ساعه ، واشلون راح تطلع اتخبل ، والف عافيه.

العنوان: رد: شنو طبختوا اليوم ...........
أرسل بواسطة: labak في Sep 19, 2011, 08:20 مسائاً
تسلم هاالديات ام علاوي واشكرج عمري
العنوان: رد: شنو طبختوا اليوم ...........
أرسل بواسطة: الصديق الوفي في Sep 20, 2011, 12:41 صباحاً
لاشكر على واجب الف عافيه يمه.
العنوان: رد: شنو طبختوا اليوم ...........
أرسل بواسطة: أبوعبدآلله في Sep 21, 2011, 11:50 صباحاً

أخوان ياهو إيلوصه على شي  :ahalna_individual (77):


:ahalna_separator (12):
العنوان: رد: شنو طبختوا اليوم ...........
أرسل بواسطة: الاماني في Sep 21, 2011, 03:55 مسائاً
هلللو شلونكم

هههههه  اشو اني دائما انسه ادخل لهذا الموضوع الحلو  ههههه عمي تره والله انسه مو متشوفوني داخله بيه عبالكم مكضيتهه لفات فلافل وفول  وبيض سللك
اليوم  سوينه  معلاك شوي بس مو  منقله لاااع  شويناه  بالطباخ  لان بس اني وامي الحجيه
وعندنا  باميه مال بارحه  لان اني احب الباميه من تبات  بيهه طعم اطيب مما  اول يوم تنطبخ
وامي صممت تشويلي معلاك لان تكول  باين عندي فقر دم هههههه مدري شلون تعرف   خبره عمي خبره ههههه
وسويت زلاطه مشكله شنو عندي خليته  لهانه وخس  وخيار وكرفس وعصرت ليمونه عليه وطرشي  صنع امي الحجيه
هاااا ونسيت اهم شي   رااااس بصل عملاق  انسحق كله وبكل فخر ههههههههههههههههههههههه

كان معكم مراسلتكم امونه هنيدي من  مطبخ امي الحجه  :-\
العنوان: رد: شنو طبختوا اليوم ...........
أرسل بواسطة: الصديق الوفي في Sep 21, 2011, 03:57 مسائاً
يمه الكباب العراقي ماكو اطيب منه ، رحم والديك نزل اهنا كباب للجماعه الحبايب وداري يمه

هاليوم اربعاء يوم السمج وياه تمن احمر وزلاطه يمه السمج يوم الاربعاء علمود الرزق.
العنوان: رد: شنو طبختوا اليوم ...........
أرسل بواسطة: IRAQIA في Sep 21, 2011, 08:02 مسائاً
عاشت ايدك ابو عبد الله على الصور خوش اكل معدل
الف عافية امونه تغذي حبيبه عندج فقر دم ههههههههههههههههه
الف عافية يمه ام علي السمج اكله كلش طيبة واني كلش احبه والف رحمه على والديج على معلومة السمج يوم الاربعاء علمود الرزق
اليوم غدانه كباب وشوربه ولحم شرائح وبطاطا خير من الله
العنوان: رد: شنو طبختوا اليوم ...........
أرسل بواسطة: الصديق الوفي في Sep 21, 2011, 09:11 مسائاً
والله ذكرتيني بالكباب يمه عراقيه ، باجر اسوي شوربه وكباب ، اشكرج حبيبه على طول اتذكريني بأكلات انساهن
الف عافيه يمه .
العنوان: رد: شنو طبختوا اليوم ...........
أرسل بواسطة: labak في Sep 26, 2011, 10:55 صباحاً
اليوم راح نطبخ المبكبة وهي اكلة ليبية

نفرم بصل ونخلي عل النار بالزيت ونظيف اللحم المكعبات حتى لو بالعظم عادي ونحرك الخليط بعد قليل نظيف مكعبات البطاطة  ﻻزم اتكون المكعبات كبيرة حتى ﻻ تتفتفت ,والفلفل اﻻخضر النوعين البارد والحار حتى هو مقطعع شرائح كبيرة  تحرك مع البصل والزيت بعدها يضاف معجون الطماطة ويحرك واللي ايحب ايضيف مسحوق فلفل احمر في هذا اﻻثناء , بعدها يضاف الماء الكافي لسلق السباكتي او المعكرونة وقليل من الحمص المنقوع يترك يغلي حتى تستوي المحتوايات اكيد يضاف الملح , تضاف المعكرونة او السباكتي حتى ينضح ويترك بيها قليل من الصلصة يجب ان ﻻ تنشف تماما تبقى رطبة ,قبل التقديم يضاف قليل من الفلفل اﻻخضر المفروم ناعم جدا والكزبرة
والبهناء والعافية
العنوان: رد: شنو طبختوا اليوم ...........
أرسل بواسطة: الصديق الوفي في Sep 26, 2011, 04:14 مسائاً
حيا الله الليبيين واكلهم. يمه هاي اسباكتي واني كلش احبها واحبها اكثر شي ملونه يعني بيه جزر بزاليا بطاطا، اتعيش ايدج يمه راح اجربها .

هاليوم طبخت فاصوليا يابسه على الدجاج وتمن وزلاطه. والحلو كيك بيه فواكه مجففه كلش طيب وياه جوز ونستله.
العنوان: رد: شنو طبختوا اليوم ...........
أرسل بواسطة: meme love في Sep 29, 2011, 11:33 مسائاً
طريقة تحضير سلطة العدس الأخضر:

المقادير
عدس مسلوق
فلفل اخضر حلو مفروم
بندوره مفرومه
بقدونس مفروم
بصل مفروم

الصوص
ليمون
زيت زيتون
سماق
نعنع ناشف
شوية ملح

ورح تااكلو احلى وأطيب سلطه

وألف عافية وأتمنى تعجبكم










 :ahalna_word (77):
العنوان: رد: شنو طبختوا اليوم ...........
أرسل بواسطة: IRAQIA في Oct 01, 2011, 11:40 مسائاً
عاشت الايادي ان شاء الله اجربها اكيد طيبه  مثل قلبك الطيب  O :-)
العنوان: رد: شنو طبختوا اليوم ...........
أرسل بواسطة: الصديق الوفي في Oct 02, 2011, 02:49 صباحاً
هاليوم والله طبخت دولمه مكانكم خالي .
العنوان: رد: شنو طبختوا اليوم ...........
أرسل بواسطة: meme love في Oct 02, 2011, 11:23 مسائاً
 :ahalna_separator (27):
 :ahalna_separator (1):
تورتيلآ فلافل بالطحينة

نحتآج إلى:
فلافل
خس + طماطم + فلفل رومي < تقطع صغيره

الصوص:
طحينه سايله
خل ابيض
فلفل أخضر حار


الأعدآد:

نضيف مكونات الحشوه ( فلافل + خس + طماطم + فلفل رومي )

الصوص:
في الخلاط: الطحينه و الفلفل و شوية خل ونضيف لبن عشاان يكون الصوص سائل

ندهن التورتيلا بالصوص< طبعآ إستخدمت تورتيلا ساده أبيض بدون نكهه
وتحشى

طبعآ تكون الحشوه في جزء والجزء الثاني يتسكر وتقطع من النص
وألف عافية :ahalna_separator (23):


::

(http://)
العنوان: رد: شنو طبختوا اليوم ...........
أرسل بواسطة: IRAQIA في Oct 03, 2011, 03:46 صباحاً
الف عافيه يمه ام علي احنه  هم اليوم دولمة
العنوان: رد: شنو طبختوا اليوم ...........
أرسل بواسطة: ددوفي في Oct 31, 2011, 04:14 صباحاً
اليوم مرتي طبخت لنا بامية مكانكم خالي
العنوان: رد: شنو طبختوا اليوم ...........
أرسل بواسطة: IRAQIA في Nov 01, 2011, 01:32 صباحاً
الف عافيه خويه دوفي  الله يحفظلك ام الاولاد
اليوم الوالدة طبخت تشريب لحم واني طبخت تمن باكله  ومكانكم خالي
العنوان: رد: شنو طبختوا اليوم ...........
أرسل بواسطة: ام زيد في Nov 01, 2011, 09:14 مسائاً
تسلم اياديكم على هل الاكل الطيب
العنوان: رد: شنو طبختوا اليوم ...........
أرسل بواسطة: BaghdadGhost في Nov 01, 2011, 09:39 مسائاً
البارحة ب 3 بالليل تحزمت على 3 افخاذ مال دجاج و شون مي صار يخبل مكانكم خالي ... خالي لو عمي  :D
العنوان: رد: شنو طبختوا اليوم ...........
أرسل بواسطة: meme love في Nov 01, 2011, 09:44 مسائاً
 :-D

هههههههههههههههههههه بالعافية خوووووووووووووش ريجيم
العنوان: رد: شنو طبختوا اليوم ...........
أرسل بواسطة: الصديق الوفي في Nov 02, 2011, 01:54 صباحاً
هاليوم يمه سبيناغ وتمن وزلاطه
العنوان: رد: شنو طبختوا اليوم ...........
أرسل بواسطة: IRAQIA في Nov 04, 2011, 10:59 مسائاً
البارحة ب 3 بالليل تحزمت على 3 افخاذ مال دجاج و شون مي صار يخبل مكانكم خالي ... خالي لو عمي  :D

ههههههههههههههههههه   هاا شبح هاي شنو حلوة مال خالي لو عمي  اخاف اونكل ههههههههههههه بالعافية  جرب تخلي للدجاج حامض وبهارات يصير طعمة كولش طيب
 
 
 
 
 
العنوان: رد: شنو طبختوا اليوم ...........
أرسل بواسطة: الصديق الوفي في Nov 05, 2011, 04:18 مسائاً
يمه هاليوم عرفات كل عام وانتو بألف خير وصيام سويت حامض شلغم وياه كبه وتبسي بيتنجان وتمن والحلو محلبي
العنوان: رد: شنو طبختوا اليوم ...........
أرسل بواسطة: IRAQIA في Nov 08, 2011, 02:12 صباحاً
صيام مقبول ان شاء الله  خاله ام علي والف عافية 
العنوان: رد: شنو طبختوا اليوم ...........
أرسل بواسطة: الصديق الوفي في Nov 14, 2011, 02:02 صباحاً
الله يعافيج عمري، هاليوم طبخت شيخ محشي ، يعني بيتنجان محشى تمن ولحم وفلفل محشي وخيار  يعني مثل الدولمه بس شنو بيه مركه حمره طلع ايخبل وحشيت وياه فلفل حار
مكانكم خالي .
العنوان: رد: شنو طبختوا اليوم ...........
أرسل بواسطة: ذاكر ابو فابيان في Nov 14, 2011, 03:13 صباحاً
وين الغدة جوعاان  :-\  بس بالول كولولي شطابخين  :D :D
العنوان: رد: شنو طبختوا اليوم ...........
أرسل بواسطة: IRAQIA في Nov 14, 2011, 05:46 صباحاً
ابو فابي اليوم طبخت سبيناغوتمن وسلطة  مااعرف تاكله لو لا بس هذا الموجود  :-\ :-\
العنوان: رد: شنو طبختوا اليوم ...........
أرسل بواسطة: الاماني في Nov 14, 2011, 12:39 مسائاً
هلو  عيني   غير هستوني كعدت من النوم  وامي الحجيه طبخت وكملت ههههه

تريكت  جبن كيري ومربه  كرز
وفعلا عندي جوع عتيك مع البيض  امووت على البيض بشكل  فلابد اكل بيض ويه الريوك هههههه

غده امي الحجيه  تمن سبيناغ  تسويه طيب باللوبيه الحمره  بس مرات يصادف ماكو لوبيه حمره تحطله عدس  فميكون طيب وكالعاده  اجاملها  بروعه ما تطبخ  :-X

تحياتي وكل عام وانتم سالمين
العنوان: رد: شنو طبختوا اليوم ...........
أرسل بواسطة: IRAQIA في Nov 14, 2011, 09:16 مسائاً
هههههههههههههه الف عافية امونه
اليوم من الصبح قراءة موضوع  شبح عن اللحم وحاير بيه لهذا راح اطبخ تشريب لحم  وتمن شعرية
العنوان: رد: شنو طبختوا اليوم ...........
أرسل بواسطة: الصديق الوفي في Nov 14, 2011, 11:09 مسائاً
اليوم عيني طبخت دجاج وتمن احمر وزلاطه روسيه(لهانه ومايونيز وخردل) والحلو كيك بيه فواكه مجففه .
العنوان: رد: شنو طبختوا اليوم ...........
أرسل بواسطة: النورس جوناثان في Nov 14, 2011, 11:13 مسائاً
اليوم اصلا جنا معزومين يم عائلة عراقية هنا بادنة ومكانكم مو بس خالي لا عيني خالي وعمي وابن خالي
الغدا جان يابسة وتمن وطاوة دجاج اتخبل بس جنت اتمنى مسوين دولمة فمن رجعت خطية ام عمار اتحزمت بالدولمة حضرتها وغدا ان شاء الله نتغدا بيها
العنوان: رد: شنو طبختوا اليوم ...........
أرسل بواسطة: الصديق الوفي في Nov 14, 2011, 11:38 مسائاً
الف عافيه يمه نورس ، وهاي تصبيره ليباجر هههههههههههههه

(http://www..com/d2/up13213030211.jpg) (http://www..com/)

هاي صنعة ايديه وحياة عينيه، أهم شي الباكله بالدولمه
العنوان: رد: شنو طبختوا اليوم ...........
أرسل بواسطة: النورس جوناثان في Nov 15, 2011, 12:53 صباحاً
عيني هاي مو تصبيرة هاي طلعان روح وشلعان كلب لحد مايجي باجر
ليش هيجي ليش
مو اتدمرت اعصابي
والله اندعيج جدر دولمة
العنوان: رد: شنو طبختوا اليوم ...........
أرسل بواسطة: الصديق الوفي في Nov 15, 2011, 04:10 مسائاً
يمه اسمالله عليك، انت تدلل جدر دولمه ابو الضلوع محمصه بجعب الجدر .
العنوان: رد: شنو طبختوا اليوم ...........
أرسل بواسطة: النورس جوناثان في Nov 15, 2011, 06:24 مسائاً
هههههههههههههههه
تسلمين وهذا من طيب اصلج ياطيبة
اليوم بحمده وفضله فتت بجدر الدولمة وطلعت من ذيج الجهة وجان اذكرج وتمنيتج شلون دولمة اتخبل وسويت زلاطة مال خس وطماطة وياها بزيت الزيتون الاصلي اللي جنت اتمنى اكلا بالعراق
رحم الله والدي اللي اخترع الدووووووووووووووووووووووووووووووووولمة
احسن اختراع هيا والماطور
شجاب الماطور عالدولمة؟
العنوان: رد: شنو طبختوا اليوم ...........
أرسل بواسطة: الصديق الوفي في Nov 15, 2011, 10:58 مسائاً
يمه   انت تدري منو اخترع الدولمه آني أكولك

                                        V

                                         V

                                          V


                                         V


اللي أخترع الدولمه يامعزوز ولايهونون أخوتك الباقين

                                         جوووووووووووووووووووووووووووووووورج دولمه
ههههههههههههههههههههههههههههههههههههههههههههههه
يمه هني مري والف عافيه
اني هاليوم طبخت كشري وزلاطه ومعكرونيا وجنت مخثره لبن هم اكلناه ويا التمن والحلو حلاوة طحين مكانكم خالي
العنوان: رد: شنو طبختوا اليوم ...........
أرسل بواسطة: النورس جوناثان في Nov 15, 2011, 11:32 مسائاً
الف عافية عليكم
بس يرحم والديج بس كوليلي شنو الكشري
راح يصير بيا كشري من ورا بس اسمع بي
العنوان: رد: شنو طبختوا اليوم ...........
أرسل بواسطة: الصديق الوفي في Nov 16, 2011, 12:20 صباحاً
الكشري يمه تمن عدس بس مو العدس الاصفر العدس اللي مامقشر ويصير كبار ولونه على خضار وهسا اكولك اشلون ايسووه

المقادير
  1كوب عدس
  2 كوب تمن
  1 بصله
  1 مكعب ماجي

تنكع العدس بمي دافي
تثرم البصل مكعبات وتحمسه بالدهن واتضيف العدس بعد ماتصفيه من المي واتكلبه ويا البصل اتضيفله كوب مي  والماجي وعلى نار هادئه الى ان يستوي بس مو ينمرد اتضيفله التمن واتكلبه وياه واتحط مي بمقدار 3 كوب وايكون مي دافي ومن ينشف المي اتنصي النار واتعوفه يتهدر على كيفه وتاكله بألف عافيه ويا اللبن  هاي الطريقه العراقيه.

المصرين يحطوله لبلبي ومعكرونه وشطه بس الطريقه العراقيه اطيب ، وآني حاضره يمه .
العنوان: رد: شنو طبختوا اليوم ...........
أرسل بواسطة: النورس جوناثان في Nov 16, 2011, 12:40 صباحاً
الف رحمة على والديج
شكرا على هالوصفة الطيبة
العنوان: رد: شنو طبختوا اليوم ...........
أرسل بواسطة: الصديق الوفي في Nov 18, 2011, 01:02 صباحاً
الف عافيه يمه نورس هني مري.
العنوان: رد: شنو طبختوا اليوم ...........
أرسل بواسطة: صقر قريش في Nov 25, 2011, 10:19 مسائاً
سلامي لكل الاخوة الطباخين هل يوم كان الطبخ عليه لان ام الاولاد مو خبره ابهل طبخه
طبخت (كراعين ) او وياه راس بصل طرشي  دولكت لبن او وراه لفيت راسي او نمت لان انسطرت من اكلته
العنوان: رد: شنو طبختوا اليوم ...........
أرسل بواسطة: الصديق الوفي في Nov 27, 2011, 09:02 مسائاً
يمه حنكوش هاي اكله شتويه الله شكد طيبه ، الف عافيه يمه
اليوم طبخت حامض شلغم لأنه الدنيا كلش بارده والحلو حلاوة شعريه

(http://www..com/d2/up13224169081.jpg) (http://www..com/)
العنوان: رد: شنو طبختوا اليوم ...........
أرسل بواسطة: اابو كيفن في Feb 07, 2012, 11:32 مسائاً
والله يا جماعه هل يوم رجعت للبيت مسوين كبه بس شنو السالفه ومن شنو مسويها ما اعرف لان جنت جوعاااان ??? ??? ??? ???  ومصدكت لزمت الماعون  :x عدل وكبل وجيبه جيبه    ;D
العنوان: رد: شنو طبختوا اليوم ...........
أرسل بواسطة: الصديق الوفي في Feb 09, 2012, 02:49 صباحاً
الف عافيه يمه ابو كيفن ، بس كبة شنو برغل لو حلب على العموم عوافي

يمه اشو ماكو احد هلايام بالمطبخ شنو بطلتوا تطبخون مايصير يمه مايصلح هيجي جدورتكم مجفايه ، هاليوم اني طبخت سبيناغ وتمن وخليت وياه لوبيا حمره ولحم ، مكانكم خالي وطرشي فلفل حار وانتخموا الربع وناموا بالعافيه ، يلا حبايب وين اكلاتكم الطيبه


(http://www..com/d3/up13287448951.jpg) (http://www..com/)
العنوان: رد: شنو طبختوا اليوم ...........
أرسل بواسطة: ام زيد في Feb 09, 2012, 08:31 صباحاً
تسلمين ام علاوي والله يشهي من ايدج الطيبه
العنوان: رد: شنو طبختوا اليوم ...........
أرسل بواسطة: الصديق الوفي في Feb 10, 2012, 06:46 صباحاً
اشكرج ام زيودي حبيبه ، يلا ياحبايب وينكم راح اظل واكفه وحدي بالمطبخ اريد احد يساعدني يمه هالعطله انريد ناكل فد اكله طيبه من ايدكم الحلوه ، ها يمه اشكلتوا؟؟؟؟؟؟؟؟؟؟؟؟؟؟؟
العنوان: رد: شنو طبختوا اليوم ...........
أرسل بواسطة: IRAQIA في Feb 10, 2012, 08:12 صباحاً
الف عافيه حبيبتي خاله ام علاوي شلون سبيناغ طيب  من ايدج الحلوة
والله اليوم الوالدة طابخه تشريب لحم  وتمن تمنيته كدامكم حبايب
وان شاء الله يعد ما نتاخر على مطبخنا الغالي ويوميه نطبخ  O :-) 8)
العنوان: رد: شنو طبختوا اليوم ...........
أرسل بواسطة: ام زيد في Feb 10, 2012, 05:37 مسائاً
اليوم سويت دولمة وتذكرت اخي نورس
والله مكانكم خالي
الى باجر الله كريم من حيرة الطبخ ها بعد العشا اللي يحير اكثر
العنوان: رد: شنو طبختوا اليوم ...........
أرسل بواسطة: IRAQIA في Feb 12, 2012, 07:36 صباحاً
الف عافيه ام زيودي اكيد الدولمه طيبه لان روحك طيبة حبيبتي ام زيد

اليوم  الوالدة اشترت دجاج مشوي من مطعم لبناني دجاجهم المشوي جدا طيب واني طبخت تمن شعرية وهيل وكشمش  تمنيته كدامكم حبايب
 
باجر ان شاء الله غدانا سمج اموت عليه  :)
العنوان: رد: شنو طبختوا اليوم ...........
أرسل بواسطة: ام زيد في Feb 12, 2012, 07:15 مسائاً
بالف عافية عليكم هنىء مرىء
بس ليش التمن اشويه مخليتلو  مي  هوايه هههههههه
تسلمين ياعمري
العنوان: رد: شنو طبختوا اليوم ...........
أرسل بواسطة: IRAQIA في Feb 13, 2012, 06:48 صباحاً
 الله يعافيكم عيوني ام زيد

المرة القادمه اخليلو مي هههههههههههه حبيبتي ام زيد ربي يريح بالك 
العنوان: رد: شنو طبختوا اليوم ...........
أرسل بواسطة: الصديق الوفي في Feb 13, 2012, 06:18 مسائاً
الف عافيه حبايب ، الله على الاكل اللبناني يمه اهنا لالبناني ولا عراقي ، هاليوم سويت دولمه مال لهانه وبصل بس  واشتريت باكله من الصيني خليتها بجعب الجدر ماشالله ضربوا الشباب الدولمه ، مكانكم خالي .
العنوان: رد: شنو طبختوا اليوم ...........
أرسل بواسطة: IRAQIA في Feb 14, 2012, 07:26 صباحاً
الف عافيه حبيبتي خاله ام علي  الدولمه تجنن باللهانه والباكله  والله اكيد طيبة مثل روحك حبيبتي خاله 
 اليوم الحجيه مسويتلنا فاصوليا وتمن طيبه  :) وباجر الله كريم
العنوان: رد: شنو طبختوا اليوم ...........
أرسل بواسطة: الصديق الوفي في Feb 14, 2012, 07:32 مسائاً
اشكرج يمه عراقيه حبيبه اكيد انتو هم طبخكم طيب من روحكم الطيبه عمري ، تسلمين حبيبه.

هاليوم يمه طبخت دجاج مشوي بالفرن ، مو يمه اني اجيب الدجاج واتبله اشكال احطله توابل واخليله صلصة الباربكيو واخليه بجيس تايلون واحطه بالثلاجه فد يومين وراها اشويه اشلون يطلع ايخبل واطبك وياه تمن احمر وزلاطه  وطرشي هم اني مسويته  ، مكانكم خالي ، والحلو نرايفل .
العنوان: رد: شنو طبختوا اليوم ...........
أرسل بواسطة: ام زيد في Feb 14, 2012, 10:52 مسائاً
والله اليوم سويت دجاج تسبيك يجنن مع فنكر جبس
وسلطة وطرشي وخبز حار ومكانكم ياطيبين خالية
وباجر الله كريم
عيني ام علاوي فد سوال اذا اتبلين الدجاجة وتخليها بالجيس لمدة يومين مايصير عليها شىء
وتشكرين ياحبيبه
العنوان: رد: شنو طبختوا اليوم ...........
أرسل بواسطة: الصديق الوفي في Feb 16, 2012, 12:36 صباحاً
هلا بالحبيبه ام زيودي اشلونج عمري انشالله زينه ، اول مره كوليلي اشلون تسبيك الدجاج اتسويه أكيد يخبل من ايدج الحلوه، ها ام زيودي عيوني الدجاج من اتبله بالبهارات والصاص والكجب والخردل  ومسحوق الثوم وطبعا الملح وياه صلصة الباربكيو واتركه بالثلاجه فد يومين كولشي مايصير عليه لانه اي لحم من اتبليه راح ينطبخ نص طبخه ومن اتحطيه بالثلاجه مايصير عليه شي ولا يفسد لانه الملح يحفظه ، ذكرتيني من ماكو كهرباء من جنا ابغداد الله لايعود ذيج الايام جنت احفظ اللحم بمي فاير  وملح حتى لايفسد يظله 3 ايام وبدون ثلاجه ومايصير عليه شي ، ام زيودي حبيبه الظروف اللي مرينا بيها علمتنا اشكال الوان  . تسلميلي حبيبه.

هاليوم طبخت فاصوليا  على الدجاج وتمن  وزلاطه وطرشي وللعشا سويت بتيته جاب.
العنوان: رد: شنو طبختوا اليوم ...........
أرسل بواسطة: ام زيد في Feb 16, 2012, 07:59 مسائاً
اختي الغالية بالف عافية ياعمري وتسلم يداتك المباركة
اتمنى ياام علي ان التقي بيك في يوم من الايام ونكعد ونسولف ياخيتي العزيزة ومانكول الا الله كريم
عيني قطي الدجاج قطع صغيرة وخليها في طاوة تيفال وخليها ثوم مقطع وملح وكركم وغطيها على نار هادئة هي تذب ماي وتستوي وتنقلي بس لاحظيها بين فترة واخرى
ها خيتي ترا الدجاج هو والجلد حتى يذب دهن وينقلي لوحدو الدجاج لاتخلي مي ابدا ولا زيت
اعملي فنكر جبس وخليهابعد ماتقليها وتتحمر الدجاجة فوقها يطلع الفنكر طعمو بالثوم يجنن مع مقبلات ام علاوي الوردة وبالف عافية
العنوان: رد: شنو طبختوا اليوم ...........
أرسل بواسطة: الصديق الوفي في Feb 16, 2012, 11:16 مسائاً
الله يا ام زيودي الغاليه ، اتمنى يجي هذا اليوم كبل باجر حبيبه ونلتقي ياحبيبه ونكعد ونسولف سوالفنا الحلوه عيوني انتي والله يا ام زيودي داندعيلج من كل كللبي انشالله يارب تكظى شغلتكم وتجون بالسلامه ، والدجاج المسبك اكيد كولش طيب من ايدج وراح اسويه بأذن الله


هاليوم طبخت برغل على اللحم وياه الخضره المشكله اللي هي جزر وبزاليا وبروكلي وفاصوليا خضره وفطر وطبعا وياه شعريه وزلاطه وطرشي
ولبن .
العنوان: رد: شنو طبختوا اليوم ...........
أرسل بواسطة: ام زيد في Feb 18, 2012, 07:46 مسائاً
ربي يحفظج ياام علاوي  ان شالله دعواتج مستجابه ياغالية
والله انت في قلبي دائما ربي يعطيج الصحة والعافية وان شالله تفرحين بالولد

والله اليوم سويت تبسي بادنجان مع تمن وسلطة وخبز حار ومكانكم خالي
العنوان: رد: شنو طبختوا اليوم ...........
أرسل بواسطة: الصديق الوفي في Feb 18, 2012, 09:36 مسائاً
الف عافيه عمري هني مري.

هاليوم طبخت سباكتي وكباب طاووك ( كباب تركي) وزلاطه وطرشي والحمدلله والشكر.
العنوان: رد: شنو طبختوا اليوم ...........
أرسل بواسطة: IRAQIA في Feb 23, 2012, 04:03 صباحاً
الف عافيه عليكم حبايبي بيوتكم عامرة بالخير باذن الله  وان شاء الله ييجي اليوم واشوفكم بيه يارب  O :-)
اليوم رجعت من الشغل وشميت ريحه الدولمه من الباب  :) :)  والله تذكرتكم وتمنيتكم ويانا حبايب
العنوان: رد: شنو طبختوا اليوم ...........
أرسل بواسطة: BaghdadGhost في Feb 23, 2012, 10:06 صباحاً
شون تمن و مركة فاصولية تخبل  ???
العنوان: رد: شنو طبختوا اليوم ...........
أرسل بواسطة: الصديق الوفي في Feb 23, 2012, 11:39 مسائاً
الف عافيه يمه عراقيه اكيد اتخبل من هالبيت الطيب عامر انشالله بأصحابه
يمه علاوي نسيت الطرشي ويا الفاصوليا والتمن الف عافيه يمه

هاليوم طبخت تبسي مال بتيته وتمن احمر وزلاطه وطرشي طبعا لازم عريف الحفل هههههههههههههه
العنوان: رد: شنو طبختوا اليوم ...........
أرسل بواسطة: ام زيد في Mar 13, 2012, 11:07 مسائاً
عيني شنو بطلتم تطبوخون لو كلو جاهز ههههههههه
اكتبو عيني وخلونا نشوف طبخكم الطيب
العنوان: رد: شنو طبختوا اليوم ...........
أرسل بواسطة: الصديق الوفي في Mar 15, 2012, 04:07 صباحاً
والله يا ام زيودي الغاليه عبالك انتي بكللبي هسه دااكول اشو ماكوطبخ شنو بطلوا الجماعه اكل ما معقوله  :ahalna_individual (97):.
عيني هاليوم سويت برغل بس شنو حطيت وياه  :ahalna_individual (77):
مكعبات صدر دجاج
خضره مشكله بس اشلونه طلع فد شي كولش طيب  :ahalna_emotions (51): وياه زلاطه ولبن طبعا اني مخثرته وضربوا الجماعه بالعافيه  :ahalna_emotions (48):   :ahalna_emotions (77):
العنوان: رد: شنو طبختوا اليوم ...........
أرسل بواسطة: ام زيد في Mar 18, 2012, 12:39 مسائاً
بالعافية عيني ام علاوي
اليوم سويت سبيناغ ويه تمن وزلطة وخبز حار والحمد لله والشكر
بس والله مكانكم خالي
العنوان: رد: شنو طبختوا اليوم ...........
أرسل بواسطة: Goldfish في Mar 27, 2012, 06:17 صباحاً
اليوم اني سويت تمن ابيض ومركة بطاطا ولحم ,وسلطة وخبز ولبن شنينة وطرشي والمغربية سويت كبة حلب وبتيتة جاب تجميد كبل
تمنيتكم ويانة تحياتي للكــــل
موضوع حلووووووووو
العنوان: رد: شنو طبختوا اليوم ...........
أرسل بواسطة: الصديق الوفي في Mar 27, 2012, 10:48 مسائاً
هاليوم يمه فاصوليا سيدة الشاشه وتمن وطرشي وزلاطه وعلاواه من خبز كولدفش الناهي الله شكد من شكله طيب.
العنوان: رد: شنو طبختوا اليوم ...........
أرسل بواسطة: المتواجد في Mar 27, 2012, 11:04 مسائاً
ههههه اليوم سويت تمن اصفر و زلاطة على صفحة و سويت قيمة كللللش طيبة طلعت. ;D ;D
العنوان: رد: شنو طبختوا اليوم ...........
أرسل بواسطة: Goldfish في Mar 28, 2012, 08:52 مسائاً
والله اتمناج يومي كل يومية على الريوك ادزلج حبيبتي انتي
الف عافية عليكم الاكلتو
العنوان: رد: شنو طبختوا اليوم ...........
أرسل بواسطة: الصديق الوفي في Mar 29, 2012, 12:37 صباحاً
الله يعافيج حبيبتي ، يمه هاليوم سويت شجر بس اشلونه طلع مكانكم خالي عبالك لقم وتمن وزلاطه وعلى العشا انشالله فلافل وعنبه ، والله ابو عبدالله شهانا الفلافل هههههههههههههههههه
العنوان: رد: شنو طبختوا اليوم ...........
أرسل بواسطة: حسام العراقي في Mar 29, 2012, 04:05 صباحاً
السلام عليكم اخوان
تعرفون اني اليوم عرفت ليش الرجال مرات يبدع بصنع الاكل من يصير عاطل عن العمل ويجبر ان يكعد بالبيت مثل حضرتي يكوم يدور على دفاتر عتك ويقوم بعمل الزوجة في البيت وبالطبع ليس غسيل الملابس او التنظيف يتوجه الى الطبخ لانه ممتع وكل يوم اني شلون الهي نفسي اتفرج على برامج الطبخ مثل فتافيت وغيرها وثاني يوم اطبخ وحاليا صرت طباخ ماهر واتوقع المطاعم بامريكا راح تتوسل بيه ومراح الحك على المستثمرين الي يريدون يستثمرون خبرتي بالطبخ ومن لله التوفيق لكل عاطل عن العمل وينتظر الهجرة
العنوان: رد: شنو طبختوا اليوم ...........
أرسل بواسطة: الصديق الوفي في Mar 29, 2012, 05:54 صباحاً
الله كريم يمه حسام كل ضيجه وراها فرج بأذن الله ،ديلا من تجي انشالله نفتح المطعم العراقي وياك وعليك انت تختارلنا الاسم .
العنوان: رد: شنو طبختوا اليوم ...........
أرسل بواسطة: nen000 في Mar 29, 2012, 07:31 صباحاً
اليووووووووووووووووووووووووووم اكلنا اب بركر هوس ههههههههههههههههههههه ماطبخت المرة ههههههههههه
العنوان: رد: شنو طبختوا اليوم ...........
أرسل بواسطة: ام زيد في Mar 29, 2012, 10:08 صباحاً
اليوم راح اسوي دجاج مشوي بالفرن وزلاطة وخبز حار ومكانكم خالي والله
والحمد لله انقضى الغدا والله كريم للعشا
العنوان: رد: شنو طبختوا اليوم ...........
أرسل بواسطة: حسام العراقي في Mar 29, 2012, 01:29 مسائاً
السلام عليكم جميعا

الى جميع الاخوة والخالات نشكر تواصلكم بهذه الجمعية الطيبة التي تذكرنا باكل اهلنا بالعراق لان لعبه نفسة حشى نعمه لله من الكنتاكي واللزانيا والكودن بلو
العنوان: رد: شنو طبختوا اليوم ...........
أرسل بواسطة: الصديق الوفي في Mar 30, 2012, 01:56 صباحاً
هاليوم يمه طبخت تمن احمر ودجاج وكليت بيتنجان الولد يحبوه وزلاطه وطرشي طبعا ، والحمدلله والشكر ربي على هالنعمه دايمه انشالله.
العنوان: رد: شنو طبختوا اليوم ...........
أرسل بواسطة: alaa.muhsin في Mar 30, 2012, 04:18 صباحاً
 واله احنة اليوم ام الطيب سوتلنة مكلوبة بلحم غنم عراقي تازة من الكصاب كبل للجدرية   :-D :-D كلتلها عجب اليوم مكلوبة كالت لعد بس الحكومة اليوم مكلوبة عالقمة اني اليوم هم اكلب المطبخ واسوي مكلوبة :) :) :) :)
العنوان: رد: شنو طبختوا اليوم ...........
أرسل بواسطة: المتواجد في Mar 30, 2012, 11:56 صباحاً
واله احنة اليوم ام الطيب سوتلنة مكلوبة بلحم غنم عراقي تازة من الكصاب كبل للجدرية   :-D :-D كلتلها عجب اليوم مكلوبة كالت لعد بس الحكومة اليوم مكلوبة عالقمة اني اليوم هم اكلب المطبخ واسوي مكلوبة :) :) :) :)

اخ علاء بلكت تكتبلنا الوصفة ههههههههه اشو شكلها طيبة بالهنا و الشفا.


اليوم ناوي اسوي يابسة و تمن بس راح استعمل لحم بقري مثروم بالمركة ههههههه
العنوان: رد: شنو طبختوا اليوم ...........
أرسل بواسطة: الصديق الوفي في Mar 31, 2012, 02:45 صباحاً
هاليوم يمه طبخت كشري على لحم بقر مكعبات وزلاطة بتيته وزلاطه عاديه وطرشي عريف الحفل لازم ابو الفلفل الحار ولبنه ، اكلو الربع بالعافيه ومكانكم خالي.
العنوان: رد: شنو طبختوا اليوم ...........
أرسل بواسطة: ام زيد في Mar 31, 2012, 08:20 مسائاً
و الله ضحكتني اخ علاء ربي يديم النعمة
اخي المتواجد اشلون دبرتها لحم مثرم ترا والله مو طيبه بس يالله بالعافية
عزيزتي ام علاوي كلما ماتذكرين الطبخ اتخيل انا قريبه يمج ودا اشوف السفرة الدائمة الطيبه ان شالله  من جوا ايديكي
اليوم سويت باميا وتمن وزلطة وخبز حار ووحشتكم  والله
العنوان: رد: شنو طبختوا اليوم ...........
أرسل بواسطة: الصديق الوفي في Apr 01, 2012, 03:24 صباحاً
الف عافيه حبيبه ام زيودي، والله شهيتيني الباميه على لحم الغنم الناهي العراقي مو غيره لانه ماكو اطيب منه.
هاليوم والله حبيبه صديقتي مثل وجهج جابتلي قبل يومين سمجه من هذا سمجنا الكبار الطيب خليتها بالفرن شويتها ووياها تمن احمر وزلاطه وطرشي ولبن وحمص بطحينه مكانكم خالي .
العنوان: رد: شنو طبختوا اليوم ...........
أرسل بواسطة: ام زيد في Apr 01, 2012, 03:56 مسائاً
بالعافية عليج ام علاوي ولو اليوم مو اربعاء ههههه
والله اليوم نواشف ملينا من التمن والمركة كلت انوع اشويه والحمد لله
العنوان: رد: شنو طبختوا اليوم ...........
أرسل بواسطة: Goldfish في Apr 02, 2012, 01:35 صباحاً
حبايب اريد اعرف شغلة من اللي مشتري سمج
شنو اطيب سمج وقريب للعراقي اللي ساكنين امريكا طبعا.
جبت تيليبا وكلش مطيب والفيلية كلاوات عبالك فلين
اريد اشوي سمجة بالفرن وياريت تكولولي شنو مستعملين انتو
واكون ممنونة منكم
[/color]
العنوان: رد: شنو طبختوا اليوم ...........
أرسل بواسطة: الصديق الوفي في Apr 02, 2012, 03:17 صباحاً
الله يعافيج حبيبه ام زيودي
يمه كولد فش هسه راح اسألج جيراني والله هي كلتلي بس نسيت ماادري من الهندي لو المصري

هاليوم والله عطله والجماعه كل واحد راح ابدرب كلتله لابو علاوي خلي هاليوم ناكل بره رحنا اكلنا مشاوي الحمدلله والشكر.
العنوان: رد: شنو طبختوا اليوم ...........
أرسل بواسطة: المتواجد في Apr 02, 2012, 03:26 صباحاً
حبايب اريد اعرف شغلة من اللي مشتري سمج
شنو اطيب سمج وقريب للعراقي اللي ساكنين امريكا طبعا.
جبت تيليبا وكلش مطيب والفيلية كلاوات عبالك فلين
اريد اشوي سمجة بالفرن وياريت تكولولي شنو مستعملين انتو
واكون ممنونة منكم
[/color]


هذولي طيبات تكدرين تجربيهم اني حبيتهم  طعمهم طيب بس اكيد مو مثل العراقي


Cod
Salmon
Red Snapper
العنوان: رد: شنو طبختوا اليوم ...........
أرسل بواسطة: Goldfish في Apr 04, 2012, 06:16 مسائاً
اشكرك اخوية العزيز بس السلمون هم جربتة اللي يصير لونة على احمر
شو هم مطيب بس زفرة قوية ومتتعالج
راح اجرب النوعين اللخ
عااااااااشت ايدك
العنوان: رد: شنو طبختوا اليوم ...........
أرسل بواسطة: ام زيد في Apr 04, 2012, 11:47 مسائاً
والله ياسموجة ياعمري اطيب سمك هو السلمون تعرفين ليش
لان يتكاثر بالانهار ويعيش بالبحار واحس بيه يشبه السمك العراقي حتى يصير دهين
بس يمكن ماكو يمكم من نفس النوع لو شنو
تحياتي
العنوان: رد: شنو طبختوا اليوم ...........
أرسل بواسطة: Goldfish في Apr 05, 2012, 02:07 صباحاً
لاوالله جبتة بس مطيب ابو الجهال كلش محبة زفر حيل وابد ميشبة العراقي
لان لونة على حمارررررررررررر
راح اجرب النوعين البقية انشالله
العنوان: رد: شنو طبختوا اليوم ...........
أرسل بواسطة: الصديق الوفي في Apr 05, 2012, 03:16 صباحاً
والله هاليوم طبخت فاصوليا حسب طلبات المشاهدين ههههههههه ولدي يكولولي كل يوم سوينا فاصوليا ولا يعجزون منها مكانكم خالي على الدجاج وتمن وياها وطرشي لازم عريف الحفل هههههههههه.
العنوان: رد: شنو طبختوا اليوم ...........
أرسل بواسطة: المتواجد في Apr 05, 2012, 06:07 مسائاً
اليوم سويت شي غريب و جنت خايف لا تطلع فشلة بس والله طلعت خنفشارية ههههههه
سلكت بتيتة و بعدين هرسته و و ضفتله شوية ملح و فلفل و شوية كاري و شوية زبد و خلطتهن و طبعا شوية HP Sauce   لان عرفت رحتضيف نكهة مميزة بس الصاص مال الستيك و الباربيكيو يطلع اطيب .
على صفحة فتحتلي علبتين تونا بالزيت الزيتون بس صفيتهم من الزيت و حطيتهم بماعون غميج و فتحت علبة جزر و بزاليا و خلطتهم سوة ويا التونا.
بعدين اخذت شوية بتيتة بايدي و حشيتها بشوية من خلطة التونا و سويتهم على شكل اقراص  و خليتهم على صفحة، لكيتلي صينية جبيرة و دهنتها بزيت زيتون طبعا اكيد لو تستعملون زبد يطلع بعد اطيب  و صفطت الاقراص البتيتية بالصينية و بعدين بفرشة مسحت الفوك مال الاقراص بالزيت و كبل دخلتهن على الفرن.
و من طلعتهم بعدهم بالصينية حتى ما صار عندي مجال احطهن بماعون مال تقديم جان ينسف بمحله من قبل خواتي، هههههههه ادري شوية كولوا خطية للمكرود اللي سواها، ماكو ما يفيد اتظاهر احجي ويا نفسي  :P.

المهم ولو الوجبة خفيفة و تفيد للي عندة كتاكيت بالمدراس بس صدك كلللللش طيبة.
العنوان: رد: شنو طبختوا اليوم ...........
أرسل بواسطة: Goldfish في Apr 05, 2012, 07:12 مسائاً
الف عافية عليكم اخوية المتواجد عاشت ايدك
بس والله خطية ههههههههههه


احنا اليوم غدانة فلافل وعمبة وكبة بتيتة جاب وكبة حلب ودجاج باربيكيو
والحمدلله والشكر
العنوان: رد: شنو طبختوا اليوم ...........
أرسل بواسطة: ام زيد في Apr 05, 2012, 08:09 مسائاً
والله اليوم سويت تمن باقلا لان نزل الباقلا الخضرة يمنا على دجاج مقلي ولك الحمد والشكر
والله يمه مكانكم خالي والله اتذكرتوكم
العنوان: رد: شنو طبختوا اليوم ...........
أرسل بواسطة: المتواجد في Apr 06, 2012, 11:06 صباحاً
الف عافية عليكم اخوية المتواجد عاشت ايدك
بس والله خطية ههههههههههه


احنا اليوم غدانة فلافل وعمبة وكبة بتيتة جاب وكبة حلب ودجاج باربيكيو
والحمدلله والشكر

الله يعافيج يا رب و يسعدج
اني و الفلافل مو اصحاب عندي من اني صغير جنت ادوج من اكل فلافل ما ادري ليش و لهذا احاول ابتعد عنه بس البتيتة جاب و كبة حلب و دجاج باربيكيو Yum YuM Yum صدك شهيتينا ههههههه
و لو جتي متأخرة بس الف هنا و شفا
العنوان: رد: شنو طبختوا اليوم ...........
أرسل بواسطة: المتواجد في Apr 06, 2012, 11:10 صباحاً
اني اليوم دا اسوي ان شاء الله مركة طرشانة حسب وصفة اختنا الغالية ريم و رح اسوي تمن و شعرية. عود اكلكم شلون تطلع.
العنوان: رد: شنو طبختوا اليوم ...........
أرسل بواسطة: Goldfish في Apr 07, 2012, 11:18 مسائاً
ممعقولة محد متغدي يمعودييييييييييييييييييييييييين تعالو اكتبوا يومياتكم هناااااا شسويتو مسويتووووو فدوة لطولكم

بالنسبة اليوم اني خبزت وسويت دولمة بالضلوع والحمدلله  والشكر

وراح اسوي كيمر بالليل على عناد شبوح
العنوان: رد: شنو طبختوا اليوم ...........
أرسل بواسطة: ام زيد في Apr 07, 2012, 11:24 مسائاً
  فدوة لعيونج الحلوة فد ماعون قيمر من ايديج الحلوة
والله سويت اليوم فصوليا وتمن وزلطة وخبز حار نعمة من العزيز الجليل
العنوان: رد: شنو طبختوا اليوم ...........
أرسل بواسطة: الصديق الوفي في Apr 08, 2012, 06:08 صباحاً
هاليوم طبخت تمن احمر على الشعريه طبعا ودجاج مشوي بالفرن ، البارحه اشتريته من السوك وحطيتله هاي الخبطه السحريه واللي هي خليط من التوابل والماجي والحامض واللبن وهاليوم شويته بس شنو طلع كولش طيب وزلاطه مال خس وزلاطه مال بتيته وطرشي ابو العنبه ، وعجنت سويت كاهي لباجر الصبح لانه عدنا كيمر ( قشطه معلبه).
العنوان: رد: شنو طبختوا اليوم ...........
أرسل بواسطة: المتواجد في Apr 08, 2012, 02:18 مسائاً
اليوم طبخت سباكيتي بثمار البحر و يا صاص الصويا كلللللش طيبة مكانكم خالي
العنوان: رد: شنو طبختوا اليوم ...........
أرسل بواسطة: الصديق الوفي في Apr 10, 2012, 11:15 مسائاً
هاليوم نواشف ملينا من التمن والمركه ،وهذا نموذج من المائده كباب طاوه عراقي ولازم المملحه البزونه على المائده ، العلامه المميزه لطبخي .
(http://www..com/d4/up13340886001.jpg) (http://www..com/)
العنوان: رد: شنو طبختوا اليوم ...........
أرسل بواسطة: Goldfish في Apr 12, 2012, 08:37 صباحاً
اليوووووم  سويت خبز وكيكة البرتقال وبورك وكباب عروك وخثرت لبن والحمدلله والشكررر
اشوف باجر شطبخ والله حيرة بس يخلص الغدة افكر بالعشا شسوي هههه
وين غداكم شلون بيكم
:ahalna_collection (90): :ahalna_emotions (81):
العنوان: رد: شنو طبختوا اليوم ...........
أرسل بواسطة: الصديق الوفي في Apr 12, 2012, 10:17 مسائاً
اليوم طبخت فاصوليا خضره وتمن وزلاطه وطرشي والحلو محلبي ، والعشا بتيته جاب البارحه لفيتها من دااتفرج على عرب ايدول (كولش احبه لهذا البرنامج وخصوصا صوت كارمن سليمان ) ، وهم بقى من الحشو مال الكبه لفيت بورك ،والف عافيه ومكانكم خالي يمه.

العنوان: رد: شنو طبختوا اليوم ...........
أرسل بواسطة: Goldfish في Apr 13, 2012, 07:58 صباحاً
عااااااااااااافيات عليكم عيوني
اليوم اني سويت برياني دجاج وسوب دجاج ولبن وزلاطة والحمدلله
باجر ماكو غدة شحدة اليحجي باااااااجر فري اشوف الرجال شراح يغدينة
[/color]
العنوان: رد: شنو طبختوا اليوم ...........
أرسل بواسطة: ام زيد في Apr 13, 2012, 08:18 مسائاً
اليوم سويت دولمة والله كلش طيبه
بالله اتذكرتكم كلكم والحمد لله والشكر
العنوان: رد: شنو طبختوا اليوم ...........
أرسل بواسطة: المتواجد في Apr 13, 2012, 08:56 مسائاً
اليوم سويت دولمة والله كلش طيبه
بالله اتذكرتكم كلكم والحمد لله والشكر

الف صحة و هنا، لا اني هاي ابد ما ادبرها لان سالفة احشي ورق العنب او السلق ما يصرفلي لان ما عندي صبر ابد ههههههههههه
العنوان: رد: شنو طبختوا اليوم ...........
أرسل بواسطة: الصديق الوفي في Apr 13, 2012, 11:47 مسائاً
هاليوم والله جان مزدحم شغل هوايه سويت فد شي سهل مركة بتيته وتمن وزلاطه .
العنوان: رد: شنو طبختوا اليوم ...........
أرسل بواسطة: المتواجد في Apr 16, 2012, 11:19 مسائاً
عمي انفحطنا من الجوع يعني معقولة محد صار عنده واهس يسويلنا فد بامية، تشريب، تبسي، شيخ محشي، دولمة وووووووووو  ههههههههههه اشتهينا ريح طبخكم لا تحرمونا منها.

الله يسعد ايامكم.
العنوان: رد: شنو طبختوا اليوم ...........
أرسل بواسطة: ام زيد في Apr 16, 2012, 11:38 مسائاً
ولله اني اليوم سويت مركة بتيته وتمن وزلطة
ولك الحمد والشكر
هاي سهلة وماتاخذ وكت
العنوان: رد: شنو طبختوا اليوم ...........
أرسل بواسطة: الصديق الوفي في Apr 17, 2012, 05:45 صباحاً
اليوم طبخت يابسه على الدجاج  وتمن وطرشي وزلاطه والعشا معكرونه باللبن وخضره مشكله على الطريقه التايلنديه وباجر الله كريم .
العنوان: رد: شنو طبختوا اليوم ...........
أرسل بواسطة: Goldfish في Apr 20, 2012, 02:13 صباحاً
اليوم اني سويت لبن وكيمر للريوك مال باجر طبعا
 وتشريب لحم وخبزت
وباجر الله كريم
والف عااااااافية ما اكلتو
العنوان: رد: شنو طبختوا اليوم ...........
أرسل بواسطة: الصديق الوفي في Apr 20, 2012, 04:12 صباحاً
هاليوم طبخت مقلوبه ، بس اشلون طلعت مكانكم خالي هذا الغدا والعشا عجنت كباب طاوه والحمدلله والشكر الله كريم على باجر.
العنوان: رد: شنو طبختوا اليوم ...........
أرسل بواسطة: Goldfish في Apr 20, 2012, 09:25 مسائاً
هاليوم طبخت مقلوبه ، بس اشلون طلعت مكانكم خالي هذا الغدا والعشا عجنت كباب طاوه والحمدلله والشكر الله كريم على باجر.

الف عااااافية اكيد نفسج طيبة بالاكل

بس خالة كوليلي الكباب اني ميضبط وياية مثل اليتفتفت مو مثل الصورة النزليتها احتمال طحين قليل لو شتكولين شلون تسوي انتي واكون ممنونة.
العنوان: رد: شنو طبختوا اليوم ...........
أرسل بواسطة: المتواجد في Apr 20, 2012, 09:37 مسائاً
اليوم سويت تمن اصفر و بعد ما انطبخ نثرت فوكاه بورتبيلو مشروم مقلي بالزيت الزيتون و سويت دجاجيك بالثوم و الشبنت.


الاكل كللللللش طيب و مكانكم خالي.
العنوان: رد: شنو طبختوا اليوم ...........
أرسل بواسطة: الصديق الوفي في Apr 21, 2012, 10:35 مسائاً
يمه سموجه حبيبه، اني استعمل الطحين اللي مكتوب عليه all perpouse و هذا اللي يظبط الكباب واذا انفل عندج من اتكليه حطي وياه من تعجنيه بيض حتى ماينفل وهمين اعجنه بالصوص مال السباكتي تلكيه بوول مارت او فود لاين ايصير كولش طيب وشويه ملح ماجي وثوم ، والف عافيه حبيبه تدللين يمه.

هاليوم عطله طلعنا نتغدا بره بس همين سويت غدا للربع اللي ما طلعوا طبخت سباكتي بالخضره المشكله
وسويت عجين فلافل وعنبه مال ابو الفلافل انشالله على العشا.
العنوان: رد: شنو طبختوا اليوم ...........
أرسل بواسطة: Goldfish في Apr 22, 2012, 12:45 صباحاً
اشكرح عيوني صحيح اني ما خلي بيض انشالله مرة لخ اخلي واشكرج

والف عافية عليكم ما اكلتو

اليوم غدانة جان تمن ابيض وتبسي بيتنجان بالضلوع والحمدلله والشكر
العنوان: رد: شنو طبختوا اليوم ...........
أرسل بواسطة: الصديق الوفي في Apr 22, 2012, 08:51 مسائاً
هاليوم والله يمه عدنا عزيمه ، طبخت دجاجه مخليه  محشايه بالتمن الملون الي بيه جزر وبتيته وبزاليا وبصل وفطر  وفاصوليا وتمن ابيض  وفنكر جبس وحمص بطحينه وتبوله وزلاطه وطرشي لازم عريف الحفل
ودانتظر الخطار ديجون .
العنوان: رد: شنو طبختوا اليوم ...........
أرسل بواسطة: المتواجد في Apr 22, 2012, 08:58 مسائاً
اليوم اني بالجامعة لحد 6 و نص العصر دا انطي محاضرات و رجت للبيت هلكان و ما متغدي بس لكيت اختي الصغيرونة موصية دومينوز بيزا و هجمت و نسفت الباقي قصدي الزايد هههههههههه

العنوان: رد: شنو طبختوا اليوم ...........
أرسل بواسطة: ام زيد في Apr 23, 2012, 09:37 مسائاً
اليوم طبخت فاصوليا خضرة على لحم غنم وتمن وزلطة
ولك الحمد والشكر
بالليل سويت كباب طاوة مع صمون والحمد لله
العنوان: رد: شنو طبختوا اليوم ...........
أرسل بواسطة: المتواجد في Apr 23, 2012, 09:42 مسائاً
 اليوم سويت سمج رد سنابر مشوي عالفحم و سويت زلاطة و سويت صلصلة ويا السمج مكون من خردل ديجون و حامض و شبنت، و مكانكم خالي طلعت كلللللللللش طيبة.

هسة هالايام صار عندي واهس مال سمج خلي اشوف الباجر ان شاء الله يمكن اسوي تمن مطبك على روبيان.
العنوان: رد: شنو طبختوا اليوم ...........
أرسل بواسطة: الصديق الوفي في Apr 23, 2012, 10:25 مسائاً
البارحه العزيمه مكانكم خالي وكولش تعبت هاليوم سويت قيمه وتمن وزلاطه وهاي صورة العزيمه مال البارحه
(http://www..com/d4/up13352090301.jpg) (http://www..com/)
العنوان: رد: شنو طبختوا اليوم ...........
أرسل بواسطة: Goldfish في Apr 24, 2012, 01:49 صباحاً
الف عافية ما اكلتووووو ماشالله اكلكم كلة روعة والمتواجد بي كتلة صارلي اشهر ادور على سمج براسة حظ ماكو المهم راح نصيد طلعنة اجازة واني الكم هههههههههههه والف عافية السمجة المشوية بخت هههههه

اليوم اني سويت فلافل وفنكر وشوربة عدس ولحم بعجين وزلاطة وبيبسي وخبز والحمدلله والشكر

وراها كليجة وجاي وراح انزل طريقتها كلش سهلة وتخبللللل
العنوان: رد: شنو طبختوا اليوم ...........
أرسل بواسطة: ام زيد في Apr 24, 2012, 07:25 مسائاً
هاي شنو حبيبه ام علاوي الله يساعدج عاكتها غير علقة بالف عافية عليكم وعلى ضيوفج
عيني سموجة الوردة شنو راح تنزيل احنا بانتظارج عمري
تشكرين
العنوان: رد: شنو طبختوا اليوم ...........
أرسل بواسطة: المتواجد في Apr 24, 2012, 07:52 مسائاً
اي سموجتنا الغالية، على عناد الحلوين هسة دك سمج مناه لاسبوع يومية شكل هههههههه ، ما شاء الله يجيبون كلشي حتى الزبيدي الكاه بالاسواق.

بالعافية عالاجازة و حضروا الديدان و السنارات للرحلة مالتكم و تالي ترجعون صايدين حوتاية هههههههه :D :D :D

 ;D ;D ;D ;D
العنوان: رد: شنو طبختوا اليوم ...........
أرسل بواسطة: الصديق الوفي في Apr 24, 2012, 10:54 مسائاً
الله على الزبيدي ، بالعافيه يمه متواجد ، هاليوم طبخت برغل على مكعبات الدجاج والخضره المشكله  وزلاطه خس ، والحلو تورته فواكه مشكله
يمه سموجه هاليوم عجنت للصمون بلكت ينجح مثل ما كلتي  سويت العجينه قويه وما تلزك انشالله ينجح.
العنوان: رد: شنو طبختوا اليوم ...........
أرسل بواسطة: Goldfish في Apr 25, 2012, 01:54 صباحاً
اليوم سويت سمج رد سنابر مشوي عالفحم و سويت زلاطة و سويت صلصلة ويا السمج مكون من خردل ديجون و حامض و شبنت، و مكانكم خالي طلعت كلللللللللش طيبة.

هسة هالايام صار عندي واهس مال سمج خلي اشوف الباجر ان شاء الله يمكن اسوي تمن مطبك على روبيان.

اي على عنادي اضرررررررررررررب الف عاااااااااافية واطيب وافيد شي السمج
عافيات عليك
العنوان: رد: شنو طبختوا اليوم ...........
أرسل بواسطة: Goldfish في Apr 25, 2012, 01:55 صباحاً
الله على الزبيدي ، بالعافيه يمه متواجد ، هاليوم طبخت برغل على مكعبات الدجاج والخضره المشكله  وزلاطه خس ، والحلو تورته فواكه مشكله
يمه سموجه هاليوم عجنت للصمون بلكت ينجح مثل ما كلتي  سويت العجينه قويه وما تلزك انشالله ينجح.

كلش طيب البرغل وخاصة وية الدجاج واللبن الف الف عافية

انشالله يضبط وياج والف عافية عليكم
العنوان: رد: شنو طبختوا اليوم ...........
أرسل بواسطة: uae123 في Apr 25, 2012, 09:53 صباحاً
عاشت ايدج اختي بلا زحمع فد طلب ثاني شلون اتسوين الكنافه بالجبنه او القشطه
العنوان: رد: شنو طبختوا اليوم ...........
أرسل بواسطة: Goldfish في Apr 25, 2012, 08:03 مسائاً
طبعا بارحة سويت كنافة بالقشطة وطلعت مو طبيعية الله شاهد تموع بالحلك اليوم انزل الطريقة وتدللون
العنوان: رد: شنو طبختوا اليوم ...........
أرسل بواسطة: المتواجد في Apr 25, 2012, 08:13 مسائاً
طبعا بارحة سويت كنافة بالقشطة وطلعت مو طبيعية الله شاهد تموع بالحلك اليوم انزل الطريقة وتدللون


 :'( :'( :'( :'( اريد اريد اريد!
العنوان: رد: شنو طبختوا اليوم ...........
أرسل بواسطة: الصديق الوفي في Apr 26, 2012, 01:17 صباحاً
اي ذكرتيني بالكنافه واكيد من ايدج كولش طيبه بالعافيه يمه.
هاليوم طبخت مركة بتيته وتمن ودجاج كنتاكي وزلاطه وطرشي ، البارحه الصمون ما انظبط عندي على المره الجايه انشالله والله العجينه تمام صارت بس الظاهر عفته اختمر زايد .
العنوان: رد: شنو طبختوا اليوم ...........
أرسل بواسطة: ام زيد في Apr 26, 2012, 06:04 مسائاً
اليوم سويت تمن احمر على احم غنم وزلطة وخبز حار وركي ومكانكم خالي
العنوان: رد: شنو طبختوا اليوم ...........
أرسل بواسطة: المتواجد في Apr 26, 2012, 07:43 مسائاً
الف عافية خيتي ام زيد.

اني اليوم سويت مركة بتيتة و يا راس عصفور و تمن ابيض و شنينة.
العنوان: رد: شنو طبختوا اليوم ...........
أرسل بواسطة: الصديق الوفي في Apr 27, 2012, 06:05 صباحاً
هاليوم سويت يخني وتمن  وكباب وزلاطه والحمدلله والشكر.
العنوان: رد: شنو طبختوا اليوم ...........
أرسل بواسطة: Goldfish في Apr 27, 2012, 07:35 صباحاً
اليوم سويت تشريب باكلة ولفات همبركر
والعشا قلية لحم اذا تعرفوها مال موصل والحمدلله والشكر :ahalna_individual (97):
العنوان: رد: شنو طبختوا اليوم ...........
أرسل بواسطة: المتواجد في Apr 27, 2012, 02:06 مسائاً
عوافي حبايبي


اليوم سويت تمن احمر و بيتنجان مكلى و روبة.
العنوان: رد: شنو طبختوا اليوم ...........
أرسل بواسطة: Goldfish في Apr 28, 2012, 07:25 صباحاً
اليوم اني سويت فاصوليا وتمن ابيض وزلاطة واجنحة متبلة ومشوية وية بطاط وبصل والحمدلله والشكر :D
العنوان: رد: شنو طبختوا اليوم ...........
أرسل بواسطة: ام زيد في Apr 28, 2012, 04:44 مسائاً
اليوم سويت كبة جريش ويه شوربه
وخضراوات وطرشي وخبز حار وربي لاتحرمنا من النعمة
العنوان: رد: شنو طبختوا اليوم ...........
أرسل بواسطة: المتواجد في Apr 28, 2012, 08:23 مسائاً
الف عافية، يا رب ان شاء الله سفرة دايمة و بيتكم عامر
اليوم سويت بيتزا منوع مال ثمار البحر و لحم و خضار بس العجين اشتريته جاهز بس الخلطة اني سويتها، و سويت سلطة كول سلو.

تحياتي

زيد
العنوان: رد: شنو طبختوا اليوم ...........
أرسل بواسطة: الصديق الوفي في Apr 29, 2012, 02:37 صباحاً
هاليوم طبخت تبسي بيتنجان وتمن ابيض ، الله يا ام زيودي ذكرتيني بالخضورات مال بغداد، الرشاد والريحان والنعناع والكراث والمعدنوس الناهي ، الله يالعراق شكد عزيز ترابك .
العنوان: رد: شنو طبختوا اليوم ...........
أرسل بواسطة: Goldfish في Apr 29, 2012, 03:14 صباحاً
اليوم اني سويت دولمة الا خرافية ههههههههه تلوك لحلكم وتمنيتكم وياية والله
وخبز همين خبزت وهسة راح اسوي حلاوة شعرية واحتمال قليل زنود الست اختمال 2% مابيا حيلها ههههههههه
والف عافية اكلكم واكيد كلة طيب من ايدكم
العنوان: رد: شنو طبختوا اليوم ...........
أرسل بواسطة: الصديق الوفي في Apr 30, 2012, 03:40 صباحاً
والله يمه هاليوم عطله طلعنا اتغدينا ، رحنا لبوش كاردن كظينا اليوم كوله بين هالمناظر الحلوه والجو جان كولش حلو اتمنيت انتوا ويايه جان صارت الروحه احلا .
العنوان: رد: شنو طبختوا اليوم ...........
أرسل بواسطة: المتواجد في Apr 30, 2012, 11:32 مسائاً
عوافي و سفرة دايمة ان شاء الله.

اليوم سويت همبركر دجاج و كفتة بس صنع منزلي من ايدية و جبت طرشي و سوينا سندويشات.
العنوان: رد: شنو طبختوا اليوم ...........
أرسل بواسطة: الصديق الوفي في May 01, 2012, 03:51 صباحاً
هاليوم سويت بتيته جاب ودجاج مشوي وتمن احمر وزلاطه وطرشي ولبن والحمدلله والشكر .
العنوان: رد: شنو طبختوا اليوم ...........
أرسل بواسطة: ام زيد في May 01, 2012, 08:03 مسائاً
والله  سويت قيمة وتمن وزلطة والحمد لله
مكانكم خالي بيت اهلنا الطيبيين
العنوان: رد: شنو طبختوا اليوم ...........
أرسل بواسطة: الصديق الوفي في May 01, 2012, 09:51 مسائاً
هاليوم سويت سباكتي وتمن جزر بس شنو على كولة المصريين عجب وطرشي وزلاطه ووياها بابا غنوج
العنوان: رد: شنو طبختوا اليوم ...........
أرسل بواسطة: المتواجد في May 02, 2012, 11:13 مسائاً
يارب يديم السفرة و العافية على كل احبتي.

اليوم سويت مقبلات مشكلة، حمص، بابا غنوج ، فتوش، تبولة و سلطة بتيتة و بزاليا. اليوم بس خفايف مدري شنو السالفة واهس ماكو هههههههههه
العنوان: رد: شنو طبختوا اليوم ...........
أرسل بواسطة: الصديق الوفي في May 03, 2012, 04:51 صباحاً
هاليوم طبخت فاصوليا يابسه وتمن ابيض وزلاطه وطرشي والعشا فنكر جبس وكباب طاوه وعنبه وزلاطه ،ضربوا الجماعه بالعافيه والله كريم على باجر.
العنوان: رد: شنو طبختوا اليوم ...........
أرسل بواسطة: ام زيد في May 03, 2012, 09:13 مسائاً
سويت تشريب لحم وتمن ابيض وسلطة
الحلو محلبي والحمد لله

والله ياجماعة ملينا من الطبخ بصراحة اريد اكعد وواحد يجيب لعندي اكل اكل واغسل وانام هههههههههه
العنوان: رد: شنو طبختوا اليوم ...........
أرسل بواسطة: الصديق الوفي في May 04, 2012, 07:29 مسائاً
اي والله ام زيودي ملينا ماكو يمكن نص عمرنا لو يمكن تلترباع نكضيه بالمطبخ ابين المواعين والجدوره ، اي والله اريد احد يطبخلي ويكولي كومي اتفضلي ومايسألني اشراح نطبخ باجر هههههههههه ، وهاي من سابع المستحيلات هاي لكيتلج مثل اضرب من لبن العصفور هههههههههههههه
هاليوم سويت كشري وخثرت من البارحه لبن وجلفراي وزلاطه وطرشي ، بلكت هاليوم مايريدون عشا يروحون يتعشون بره بلكت داندعي والله تعبت كولش هوايه عود عبالي من راح يجون اهنا راح ارتاح من الطبخ صاروا هالمره يتشهون اصعب الاكلات، ها اتذكرت باجر ايردون دولمه والله نسيت وكبل شويه رحت اتسوكت العده مال الدولمه ،يلا سالمين انشالله والحمدلله والشكر على كل حال.
العنوان: رد: شنو طبختوا اليوم ...........
أرسل بواسطة: ام زيد في May 04, 2012, 09:08 مسائاً
اي والله يااختي
الى متى يبقى البعير على التل ............
والله المطبخ كبرنا فوك مو الايام تركض  لاوجمالة احنا الماعنده بنات والله تعبانين  ياام علي
يالله ربي يستر علينا  وعليكم وعلى عوائلنا جميعا
اتمنى قريبه يمج واظل اسولف ياحبيبه هم نرتاح نفسيا هههههههههه

العنوان: رد: شنو طبختوا اليوم ...........
أرسل بواسطة: الصديق الوفي في May 06, 2012, 02:53 صباحاً
يوم عيد ام زيودي من اتصيرين  جيراني وقريبه مني والله صدك نكضي احلا وقت ، الله كريم ومو بعيده الله ارحم الراحمين ، هاليوم سويت دولمه وكولش تعبت يعني شغلها ساعتين وياكلوها الربع بعشر دقايق ههههههههههه ورا الاكل يكولولي يعني كولش طيبه عاشت ايدج بس انتخمنا ههههههههههههههه عاد اني محضره الجاي وراها ، زين اريد واحد منهم يكوم ايصب جاي ويكول اتفضلي يمه ماكوووووووووووو
يلا الله يحفظ الجميع على كولتج لو عدنا بنات جان وحده سوت الدولمه ووحده اتصب الجاي ، الحمدلله والشكر على نعمته.
العنوان: رد: شنو طبختوا اليوم ...........
أرسل بواسطة: Goldfish في May 08, 2012, 06:38 صباحاً
شلونكم حباااااااااااااااااايب مشتاقتلكم كلش
جنت مشغولة هل اسبوعين كلش واجتيكم خوش جية وياية خوش بقجة انشالله انزلها

اليوم اني سويت بالغدة مخلمة لحم وبتيتة وبصل
وقرنابيط حمس وية البصل
وكورن مشوي
وزلاطة والحمدلله والشكر
العنوان: رد: شنو طبختوا اليوم ...........
أرسل بواسطة: المتواجد في May 08, 2012, 02:40 مسائاً
 :ahalna_word (2): :ahalna_word (128): :ahalna_emotions (47): :ahalna_emotions (47): :ahalna_emotions (47): :ahalna_individual (38): :ahalna_individual (38): :ahalna_individual (38): :ahalna_individual (38):

اي رجعتلنا سموجتنا الوردة وواهس الطبخ رجع وياها.

العنوان: رد: شنو طبختوا اليوم ...........
أرسل بواسطة: الصديق الوفي في May 08, 2012, 11:16 مسائاً
هاليوم طبخت باميه وتمن والحمدلله والشكر
الله كريم على باجر .
العنوان: رد: شنو طبختوا اليوم ...........
أرسل بواسطة: Goldfish في May 09, 2012, 12:53 صباحاً
 هههههههههههههه هلا بيك المتواجد منور

اني اليوم همين سويت بامية وتمن وزلاطة ولبن والحمدلله
العنوان: رد: شنو طبختوا اليوم ...........
أرسل بواسطة: المتواجد في May 09, 2012, 04:52 مسائاً
عوافي.

اليوم سويت تمن احمر و اجنحة و بيتنجان مكلى على صقة و زلاطة.

و مكانكم خالي.


زيد
العنوان: رد: شنو طبختوا اليوم ...........
أرسل بواسطة: الصديق الوفي في May 09, 2012, 06:09 مسائاً
هاليوم طبخت قيمه وتمن بس اشلون صارت مكانكم خالي من الصبح طبختها حتى على كيفي اتفنن بيها
بعدهم الربع ماجايين داياكلون ، الحمدلله والشكر يارب على نعمتك.
العنوان: رد: شنو طبختوا اليوم ...........
أرسل بواسطة: المتواجد في May 11, 2012, 11:21 مسائاً
بالهنا و الشفا لكل الحبايب.

اليوم اني غيرت موجتي للهندي و سويت برياني و كاري بتيتة و دجاج بس الحرورة زايدة يعني هندي مضبوط  :D
العنوان: رد: شنو طبختوا اليوم ...........
أرسل بواسطة: Goldfish في May 17, 2012, 05:47 صباحاً
اوف غير لو الكة وكت وانزل كم شغلة
اني حيل متاسفة منكم
والله مدالحك انشالله بالليل انزللكم
اعذورني من التقصير
العنوان: رد: شنو طبختوا اليوم ...........
أرسل بواسطة: المتواجد في May 18, 2012, 12:04 مسائاً
اليوم طبخت تمن ابيض ويا شعرية و مركة راس عصفور و بتيتة و مكانكم خالي طلعت الطبخة كدا    :ahalna_emotions (83):
العنوان: رد: شنو طبختوا اليوم ...........
أرسل بواسطة: المتواجد في May 19, 2012, 11:56 مسائاً
اليوم سويت مقلوبة و طلعت كلش طيبة و مكانكم خالي.
العنوان: رد: شنو طبختوا اليوم ...........
أرسل بواسطة: المتواجد في Jul 07, 2012, 08:48 مسائاً
اليوم ساهمت بطبخة القوزي على تمن و يا اختي و طلعت خنفشارية و الله مكانكم خالي.
العنوان: رد: شنو طبختوا اليوم ...........
أرسل بواسطة: المتواجد في Jul 12, 2012, 04:02 مسائاً
اليوم طبخت تمن مطبك على جمة و التمن انطبخ بماء الجمة، Yum Yum و مكانكم اكيد خالي.
العنوان: رد: شنو طبختوا اليوم ...........
أرسل بواسطة: Obligor في Jul 17, 2012, 04:20 مسائاً
اليوم جماعتنه الغالين (يعني الاهل الله يخليهم النا) كثّر خيرهم طابخين مرق باميا بلحمه ورز ابزاليا على كولت اخوانّا الشاميين ..
تحياتي .
العنوان: رد: شنو طبختوا اليوم ...........
أرسل بواسطة: أبوعبدآلله في Jul 26, 2012, 05:59 صباحاً
:ahalna_separator (37):

أحبتنا الغالين اليوم أختكم أم عبودي سوتلنا ذيج البيتزا لايكه إل حلكم الحلو وتمنيتكم ويانا على الفطور لأن جانت كعده كلش حلوه ؤو مناقصها غير وجود كل الحبايب ...

:ahalna_separator (37):
العنوان: رد: شنو طبختوا اليوم ...........
أرسل بواسطة: الصديق الوفي في Aug 20, 2012, 01:35 مسائاً
هاليوم طبخت تمن على خضره مشكل ويا مكعبات الدجاج وسلطات ، لبن خيار ، بابا غنوج، وزلاطه عاديه ، الحمدلله والشكر.
العنوان: رد: شنو طبختوا اليوم ...........
أرسل بواسطة: تعابير انسان في Aug 20, 2012, 11:15 مسائاً
طبعا اول راح اشارك بالفقرة مالت الطبخ ما كنت اعرف على الاكل مالت الاعضاء ههههههههههههه
اليوم طبخنا برياني ومركة لبلبي والنواعم وياها  ;D ;D وان شاء الله كل اكلكم عافيات وصحة يارب
اخوكم احمد الايطالي
العنوان: رد: شنو طبختوا اليوم ...........
أرسل بواسطة: الصديق الوفي في Aug 22, 2012, 01:02 صباحاً
الف عافيه ، هاليوم رحنا اكلنا بالمطعم الصيني شنسوي عيدنا بالصين هههههههههههههههههههههه
العنوان: رد: شنو طبختوا اليوم ...........
أرسل بواسطة: تعابير انسان في Sep 02, 2012, 01:26 مسائاً
السلام عليكم
عيني اليوم سوينا تمن ودجاج ومركة لبلبي ههههههههههههههههههه على الغداء  ;D ;D
العنوان: رد: شنو طبختوا اليوم ...........
أرسل بواسطة: المتواجد في Sep 02, 2012, 04:00 مسائاً
عوافي حبيبي حمودي و صحتين و هنا.
اليوم تغدينا كباب و شاورما دجاج سويناهن بالبيت و كلش طيبة Yum Yum و اشترينا طرشي و شنينة عالواهس.
العنوان: رد: شنو طبختوا اليوم ...........
أرسل بواسطة: تعابير انسان في Sep 02, 2012, 09:29 مسائاً
عوافي اخي العزيز زيد الوردة صحتين يارب
العنوان: رد: شنو طبختوا اليوم ...........
أرسل بواسطة: الصديق الوفي في Sep 05, 2012, 10:48 مسائاً
هاليوم طبخت باميه وخبزت خبز علمود التشريب ،مكانكم خالي ، ولبن والجماعه رادوا بصل ويا التشريب والف عافيه.
العنوان: رد: شنو طبختوا اليوم ...........
أرسل بواسطة: تعابير انسان في Sep 05, 2012, 11:39 مسائاً
عافيات يارب عليكم جميعا اليوم سوينا برياني احنة ههههههههههههه والله يهنيكم جميعا يارب
العنوان: رد: شنو طبختوا اليوم ...........
أرسل بواسطة: تعابير انسان في Sep 26, 2012, 10:11 مسائاً
السلام عليكم
اليوم سوينا باميا وتمن والنواعم مالته  ;D ;D ;D وعافيات عليكم وعلينا يارب
العنوان: رد: شنو طبختوا اليوم ...........
أرسل بواسطة: اريد السفر لكندا في Sep 30, 2012, 01:04 مسائاً
احنة طبخنة اليوم...
تمن وتشريب دجاج
العنوان: رد: شنو طبختوا اليوم ...........
أرسل بواسطة: يوسفي في Sep 30, 2012, 01:15 مسائاً
السلام عليكم ورحمة الله وبركاته:
واسعد الله مسائكم انشاء الله..يابه اني اول مرة اشارك بهل الصفحة الطيبه فيكم جميعاً ..

واليوم سوينا كباب بالفرن مثل الكباب الشوي بس بالفرن ومعه البصل الحلقات والطماطه الحلقات وخبز تنور باكساتاني يشبه العراقي وسلطة معدنوس مفروم ناعم ومعه السماكَ ودبس رمان كلش طيبه جربوها ...وهلا بيكم

بس سؤالي للصديق الوفي وين خبزتي خبز التنور؟؟ بامريكا يعني اكو (تنانيرمال خبز) مو (تنانير لبس اقصد) ههههههههه  والف عافيه للجميع
العنوان: رد: شنو طبختوا اليوم ...........
أرسل بواسطة: تعابير انسان في Oct 02, 2012, 09:01 مسائاً
السلام عليكم
عافيات عليكم جميعا طبخكم واكلكم يارب  بصحة وهنأ
اليوم سوينا تمر ومركة لبلبي حمرة ودجاج طبعا اكلت وكهرباء كانت ماكو ومتت حر والاكل كان حار ايضا وانتم تعرفون بعد اشنونهي المعنويات  ;D ;D ;D وعافيات عليكم جميعا يارب  @};-
العنوان: رد: شنو طبختوا اليوم ...........
أرسل بواسطة: Purity في Oct 16, 2012, 12:54 صباحاً
تحية طيبة  ^o^||3 ^o^||3 ^o^||3

سويت اليوم فلافل كلش طيبة والوصفة من عندي وكانت كالاتي :
1-  كلاصين كبار حمص ( مدقوع بالماء لمدة يومين )
2- خليت الحمص بست البيت وهرستها مو كامل وبعدين ظفت الها ملعقة بهار اسود + ملعقة بهار فلفل احمر + ربع ملعقة كاري ( الملعقة مال الشاي )
3- ظفت عليها ايضا صفار بيضة
4- ظفت عليها ايضا فص ثوم كبير
5- ظفت عليها ايضا بصلة صغيرة
6- ظفت عليها ايضا كرافس مطحون ثلاث ملاعق طعام
7- ظفت عليها ايضا قطعة ماجي واحدة ( بدل الملح )

وبعدين ظفت عليها اربع ملاعق طعام ماء ، وشغلت ست البيت مرة اخرى لما انخلطت المكونات جيدا .
وتعرفون الخطوة الاخيرة كليتها بالزيت الحار جدا حتى لاتتشبع بالدهن كثير .

ملاحظة : خلي دائما كلنكس جوا المقالي الي تنقلي بالدهن حتى تمتص اكبر قدر ممكن من الدهن
طبعا الحمص بعد ماتخليه يومين بالماي بعدين تسلكه زين وبعدين تسي منه فلافل

ارجوا ان تكون عجبتكم الوصفة جربوها وادعولي

( خلي ببالك من تاكل انه اكو ناس ماعدها عشر الي انت مخليه على سفرتك ، ادعوا من الله ان يزيد رزقك ويبارك بيه ويطعم كل جائع على وجه الارض ، وان لايخلي احد ينام هو جوعان .) .
العنوان: رد: شنو طبختوا اليوم ...........
أرسل بواسطة: تعابير انسان في Oct 16, 2012, 09:38 مسائاً
الف عافية اخي العزيز صوت الامل ان شاء الله سفرة دايمة يارب
اليوم سوينا تمن وتشريب لبلبي احمر ودجاج  ;D
ان شاء الله الصحة والعافية على الجميع يآرب
العنوان: رد: شنو طبختوا اليوم ...........
أرسل بواسطة: hanjera في Oct 16, 2012, 10:52 مسائاً
الف عافية اخي العزيز
العنوان: رد: شنو طبختوا اليوم ...........
أرسل بواسطة: ام شيماء في Nov 21, 2012, 12:10 مسائاً
والله يا اختي انا ما طبخت لس انا قعدة على النت  لكن ع بالي اطبخ عدس  ::) ::) ::) ::) ::) ::) ::) ::) ::) O :-) O :-) O :-)
العنوان: رد: شنو طبختوا اليوم ...........
أرسل بواسطة: نبراس الفرات في Nov 21, 2012, 04:31 مسائاً
اليوم جبت سمجه وزنها 5كيلوات ونص تقريباً
واحنه جايبين تنور ويانه ونسوي للعشى خبز عراقي وسمج شوي
ونسوي ثواب وعزمت صديقي وعائلته على العشى تمنيتكم ويانه والله
العنوان: رد: شنو طبختوا اليوم ...........
أرسل بواسطة: ام حسوني في Nov 21, 2012, 05:30 مسائاً
والله احنا جبنا دجاج مشوي عالفحم وطرشيييييييييي يخبل وخبز حارررررررررر عيني وبعدين جاي مهييللل اتنغصتلكم والله  ^o^||3 ~o)
العنوان: رد: شنو طبختوا اليوم ...........
أرسل بواسطة: اريد السفر لكندا في Nov 21, 2012, 05:39 مسائاً
يمعودين على كيفكم شنو هل الاكل...
فد واحد يدزلي((دلفري))
تحياتي لكم
العنوان: رد: شنو طبختوا اليوم ...........
أرسل بواسطة: Ahmmd kirkuki في Nov 28, 2012, 09:33 صباحاً
هل الايام صارت منافسة مال اكل ماعدنا غير الاكل
جبت دجاج محشي وية خبز حار وروح  :-))
العنوان: رد: شنو طبختوا اليوم ...........
أرسل بواسطة: ام زيد في Nov 28, 2012, 08:12 مسائاً
سويت فاصوليا خضرة على لحم غنم وتمن وسلطة وخبز حار ومكانكم خالي
العنوان: رد: شنو طبختوا اليوم ...........
أرسل بواسطة: Ahmmd kirkuki في Dec 07, 2012, 01:01 مسائاً
السلام عليكم  ^o^||3 اليوم مسوين دولمة تفضلوا ويانا ههههههههه
العنوان: رد: شنو طبختوا اليوم ...........
أرسل بواسطة: grean hope في Dec 07, 2012, 01:05 مسائاً
اليوم جمعه سويت دجاج مشوي وتمن احمر وبابا غنوج وزلاطه تخبل وياها رارنج مممممم ^o^||3 ..روعه مكانكم خالي   :-bd

grean hope ;))
العنوان: رد: شنو طبختوا اليوم ...........
أرسل بواسطة: تعابير انسان في Dec 07, 2012, 01:38 مسائاً
عافيات عليكم جميعاً
اليوم غدانا باميا وتمن والخفايف  ;D ;D
تحيتي لكم
العنوان: رد: شنو طبختوا اليوم ...........
أرسل بواسطة: The Godfather في Dec 07, 2012, 05:52 مسائاً
اليوم جمعه سويت دجاج مشوي وتمن احمر وبابا غنوج وزلاطه تخبل وياها رارنج مممممم ^o^||3 ..روعه مكانكم خالي   :-bd

grean hope ;))
الف عافية شهيتني نارنج ... ماكو هنا بتركيا  :'( :'( :'(
العنوان: رد: شنو طبختوا اليوم ...........
أرسل بواسطة: Purity في Dec 07, 2012, 06:18 مسائاً
اوف مليت من الطخ وغسل المواعين ، والله البيت الي مابيه بنات هذا بيت خرابه الله
العنوان: رد: شنو طبختوا اليوم ...........
أرسل بواسطة: ام حسوني في Dec 07, 2012, 08:12 مسائاً
اليوم سوينا تمن وطرشانة بس اني ما احب الطرشانة :'( اكلت تبسييي يخبل
العنوان: رد: شنو طبختوا اليوم ...........
أرسل بواسطة: الصديق الوفي في Dec 09, 2012, 04:08 صباحاً
هاليوم طبخت برياني وشوربة عدس لانه الدنيا كولش بارده.
العنوان: رد: شنو طبختوا اليوم ...........
أرسل بواسطة: Ahmmd kirkuki في Dec 09, 2012, 09:53 صباحاً
اليوم من الصبح جبت كاهي وكيمر وتمنيتكم يمنا  ^o^||3
العنوان: رد: شنو طبختوا اليوم ...........
أرسل بواسطة: الصديق الوفي في Dec 12, 2012, 07:50 صباحاً
عيني هاليوم طبخت سيدة المائده العراقيه باميه وتمن وزلاطه ضربوا الشباب الغدا وعافوا المواعين على الميز ههههههههههههههههههههههههههه وبالعافيه  :ahalna_individual (73):
العنوان: رد: شنو طبختوا اليوم ...........
أرسل بواسطة: Ahmmd kirkuki في Dec 16, 2012, 08:45 صباحاً
اليوم مسوين تمن وتشريب حمص ولحم غنم والكل معزومين
 ^o^||3
العنوان: رد: شنو طبختوا اليوم ...........
أرسل بواسطة: الاماني في Dec 16, 2012, 05:33 مسائاً
طبخنه تمن وبيتنجان وطلعت امي الحجيه ويه اخويه  ومحد اكل واني اكلت لفه كبه
يلله من اليوم احجز رد لباجر هههههه

باجر ناكل بايت  تمن وبيتنجان
العنوان: رد: شنو طبختوا اليوم ...........
أرسل بواسطة: الصديق الوفي في Dec 18, 2012, 04:11 صباحاً
هاليوم عيني فاصوليا يابسه على الدجاج وتمن وطرشي فلفل حار وزلاطة خس وراها جاي عراقي ابو الهيل ورا هالاكله كل اللي كال عندي شغله اريد اطلع ورا الغدا كذاب الكل اتمددت قسم بغرفهم وقسم الهول ههههههههههههههه
العنوان: رد: شنو طبختوا اليوم ...........
أرسل بواسطة: Ahmmd kirkuki في Dec 18, 2012, 09:56 صباحاً
هاليوم عيني فاصوليا يابسه على الدجاج وتمن وطرشي فلفل حار وزلاطة خس وراها جاي عراقي ابو الهيل ورا هالاكله كل اللي كال عندي شغله اريد اطلع
بالعافية عيني اللهم زد وبارك ^o^||3
العنوان: رد: شنو طبختوا اليوم ...........
أرسل بواسطة: الصديق الوفي في Dec 19, 2012, 06:54 مسائاً
هاليوم اريد اطبخ طبخه دجاج بالفريك جارتي الل يذكرها بالخير دزتلي منها قبل فتره اشو كولش طيبه البارحه رحت لمحل الهندي واشتريت الفريك شكله مثل التمن بس لونه على خضاروطعمه يصير مدخن وراح اطبخ وياه كنتاكي  حتى اللي مايعجبه ياكل الكنتاكي ههههههههههههههههههه
العنوان: رد: شنو طبختوا اليوم ...........
أرسل بواسطة: ام زيد في Dec 20, 2012, 08:46 مسائاً
الله ياام علاوي من زمان واحنا مشتاقين للاكلاتج
سلمت يداك بس اريد اعرف اشلون تسوين الكنتاكي
العنوان: رد: شنو طبختوا اليوم ...........
أرسل بواسطة: الصديق الوفي في Dec 22, 2012, 10:22 صباحاً
اشكرج حبيبه ام زيودي ، شوفي عيني اني اسوي الكنتاكي اذا صدور الدجاج اشتريها مجمده اتكون طبعا مثل الصخر اشويه اعوفها بره الثلاجه واقطعها شرائح  مو خفيفه  كولش واسوي خلطة من عصير نومي حامض وملح وكاري وكركم وفلفل اسود
وانكع الشرائح احطها بالثلاجه فد ساعتين وبعدين اصفيها واحط عليها  بيض حسب الكمية اللحم واجيب طحين الكنتاكي موجود  بكل الاسواق احطه بحافظه بيها غطاء محكم واخلي اللحم ويا الطحين واسد  الغطاء كولش  زين واخض الحافظه واقلب بيها الى ان يتغطى كل اللحم بالطحين وبعدين اقليه على نار هادئه ، وانشالله تاكلون بالعافيه.

هاليوم طبخت شوربة عدس لانه الدنيا كولش بارده  وكباب طاوه ومعكرونه وزلاطه وطرشي شلغم (اني مسويته)،بس مع الاسف ماكو رشاد لانه اموت عليه ويا كباب  الطاوه هههههههههههههههههههههههههه
العنوان: رد: شنو طبختوا اليوم ...........
أرسل بواسطة: ام حسوني في Dec 25, 2012, 01:38 مسائاً
ام ويودي حبيبتي اني اسوي الكنتاكي ورا ما انكعه باليمون وخلطة البهارات والبيض اغلفه بلكويكر او الشوفان طبعا يطلع فد شي تحفة طعم ومنظر مثل الجاهز واطيب
العنوان: رد: شنو طبختوا اليوم ...........
أرسل بواسطة: ام زيد في Dec 25, 2012, 09:17 مسائاً
ام ويودي حبيبتي اني اسوي الكنتاكي ورا ما انكعه باليمون وخلطة البهارات والبيض اغلفه بلكويكر او الشوفان طبعا يطلع فد شي تحفة طعم ومنظر مثل الجاهز واطيب
يعني نفس طريقة ام علاوي بس بدل البقصمات اخلي شوفان واشكد اخلي واشكد اخليه يالله اقليه
تشكرين انت وام علاوي وربي يبارك بيكم
العنوان: رد: شنو طبختوا اليوم ...........
أرسل بواسطة: الصديق الوفي في Dec 28, 2012, 11:32 مسائاً
هلا مية هلا بالحبايب ، يمه ام حسوني الشوفان هوايه يمص دهن صحيح كولش طيب واتعيش ايدج .

هاليوم طبخت سبيناغ وتمن وياه زلاطه والجماعه جان عاجبهم بصل اخضر وطرشي مكانكم خالي .
العنوان: رد: شنو طبختوا اليوم ...........
أرسل بواسطة: ام زيد في Dec 29, 2012, 06:13 مسائاً
حبيبتي ام علاوي والله افرح من اشوفج كاتبه ياعيني
اليوم طبخت شجر على لحم غنم وتمن وزلطة وخبز حار ونحمد الله ونشكره
العنوان: رد: شنو طبختوا اليوم ...........
أرسل بواسطة: الصديق الوفي في Dec 30, 2012, 07:14 صباحاً
عيوني ام زيودي تسلميلي عمري ربي تفرحين دوم حبيبه  @};-

هاليوم طبخت تمن على خضره مشكله(فاصوليا خضره وذره وبروكلي) ومكعبات دجاج وياه زلاطه وفنكر جبس والعشا سويت لحم بعجين وطرشي صنعة ايديه،  ومكانكم خالي.

http://www12.0zz0.com/2012/12/30/04/861950744.jpg (http://www12.0zz0.com/2012/12/30/04/861950744.jpg)

http://www12.0zz0.com/2012/12/30/04/535125370.jpg (http://www12.0zz0.com/2012/12/30/04/535125370.jpg)
العنوان: رد: شنو طبختوا اليوم ...........
أرسل بواسطة: ام زيد في Dec 30, 2012, 08:15 مسائاً
بالف عافيه ياعيني ياام علاوي والله اكل نظيف ويشهي
اليوم سويت كبه جريش مع خضورات وخبز حار وجان عندي شجر سويت اشويه تمن لان ابني الصغير ماياكل الا تمن ومكانكم خالي بالله
العنوان: رد: شنو طبختوا اليوم ...........
أرسل بواسطة: الصديق الوفي في Dec 31, 2012, 04:30 صباحاً
هاليوم طبخت مركة فاصوليا خضره وتمن وزلاطه والعشا الله كريم شوف بلكت الجماعه يعجبهم ياكلون بره شويه يريحوني ههههههههههههههههه
العنوان: رد: شنو طبختوا اليوم ...........
أرسل بواسطة: ام زيد في Dec 31, 2012, 06:12 مسائاً
والله ياام علاوي طبخت نفس اكلج اليوم والحمد لله
العنوان: رد: شنو طبختوا اليوم ...........
أرسل بواسطة: الصديق الوفي في Jan 01, 2013, 04:54 صباحاً
الف عافيه عمري والله يا ام زيودي حيره الطبخ وخصوصا اذا تاكثرت الاراء ، هاليوم سويت تشريب لبلبي على الدجاج وطرشي
وتمن احمر.
العنوان: رد: شنو طبختوا اليوم ...........
أرسل بواسطة: ام زيد في Jan 01, 2013, 05:18 مسائاً
اي والله ياام علاوي حيرة الاكل خاصه انا وانت لان ماعدنا بنات نحتار يطلعون الصبح والظهر الكل جواعه تريد اكل ونحتار ربي يحفظهم
اليوم سويت برغل على لحم وزلطة والحمد لله
العنوان: رد: شنو طبختوا اليوم ...........
أرسل بواسطة: Purity في Jan 02, 2013, 09:07 مسائاً
سويت سبيناغ مع صدر الدجاج

يطهى الاسبيناغ اولا لمدة ١٥ دقيقة
يقطع صدر الدجاج و نخليه بالمقلاة مع زيت الى ان يحمس زين

نظيف علية الاسبيناغ وفصين ثوم وماجي بدل الملح- وقليل من معجون الحار المخلوط بالفلفل وملعقتين من معجون المخلوط بالفلفل الابارد
ونظيف ثلاثة اكواب ماء حار تم يبقى حوالي ٢٠ دقيقة ويقدم مع الرز
العنوان: رد: شنو طبختوا اليوم ...........
أرسل بواسطة: الصديق الوفي في Jan 02, 2013, 09:29 مسائاً
الله ياام زيودي طبعا اني اموت على البرغل اكيد من ايدج ايخبل اني هاليوم طبخت فاصوليا يابسه  على الدجاج وتمن وزلاطه والطرشي الاحمر مالتي اشلون طرشي طلع مال لهانه وشلغم وشوندر طبعا وسويت حلاوه مال شعريه بس تدرين هالمره سويتها طبقتين وكلت خلي اخلي بيها جبن مثل الكنافه اشوطلعت كولش طيبه وجوز فوكاها والله لو يشتغل موقع الصور جان نزلتها بس ينشلع كللبي وماتصير يرادله وكت هوايه وانتي تدرين ليش نكدر احنا نكعد هوايه وطلبات المستمعين مشتغله هههههههههههههههه.

السبيناغ مال صوت الامل اكيد طيب وراح اجرب هاي الطريقه اكيد طيبه مثلكم ياطيبين.
العنوان: رد: شنو طبختوا اليوم ...........
أرسل بواسطة: تعابير انسان في Jan 02, 2013, 09:59 مسائاً
اشلونكم بيت اهلنا
عافيات عليكم على طبخكم اللذيذ ولو اني مماكل منا هههههههه
اليوم سوينا تمن عليه لوبيا وتمن ابيض ودجاج يعني التشريب موجود والطرشي بهلوكت اهم شي بالبيت  ;D ;D
العنوان: رد: شنو طبختوا اليوم ...........
أرسل بواسطة: Obligor في Jan 03, 2013, 09:18 صباحاً
مطبّك سمج بس وطرشي افتريت عليه نص الولاية حتى لكيته بعناد صقر قريش
العنوان: رد: شنو طبختوا اليوم ...........
أرسل بواسطة: Purity في Jan 03, 2013, 04:52 مسائاً
الله ياام زيودي طبعا اني اموت على البرغل اكيد من ايدج ايخبل اني هاليوم طبخت فاصوليا يابسه  على الدجاج وتمن وزلاطه والطرشي الاحمر مالتي اشلون طرشي طلع مال لهانه وشلغم وشوندر طبعا وسويت حلاوه مال شعريه بس تدرين هالمره سويتها طبقتين وكلت خلي اخلي بيها جبن مثل الكنافه اشوطلعت كولش طيبه وجوز فوكاها والله لو يشتغل موقع الصور جان نزلتها بس ينشلع كللبي وماتصير يرادله وكت هوايه وانتي تدرين ليش نكدر احنا نكعد هوايه وطلبات المستمعين مشتغله هههههههههههههههه.

السبيناغ مال صوت الامل اكيد طيب وراح اجرب هاي الطريقه اكيد طيبه مثلكم ياطيبين.


بالعافية ياطيب
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 03, 2013, 08:29 مسائاً
اليوم جان اكلنا من الاكلات المشهورة بالقرى وهي :
الدليمية والمواد تتكون من
الرز
الشعرية
اللوز
الكشمش
الدجاج
خبزالبيت
والتوابل مال التشريب وبالعافية ^o^||3
العنوان: رد: شنو طبختوا اليوم ...........
أرسل بواسطة: الصديق الوفي في Jan 05, 2013, 02:37 صباحاً
عافيات عليكم هاليوم طبخت برياني وزلاطه وطرشي طبعا ولبلبي لان الدنيا كولش بارده والحمدلله والشكر.
العنوان: رد: شنو طبختوا اليوم ...........
أرسل بواسطة: تعابير انسان في Jan 05, 2013, 08:33 مسائاً
بالعافية خالتنا ام علاوي
اليوم دجاج شوي لكيت مسوين باللبيت وكبة موصلية  ;D
العنوان: رد: شنو طبختوا اليوم ...........
أرسل بواسطة: Purity في Jan 05, 2013, 09:47 مسائاً
اليوم اكلت بتيته و خبز و طماطة - نعمة - الحمد لله
العنوان: رد: شنو طبختوا اليوم ...........
أرسل بواسطة: ام زيد في Jan 06, 2013, 06:18 مسائاً
بالعافيه عليكم
بس الكبه الموصليه اشلونها اكو انواع هههههه بالعافيه
والله يااخي ياام علاوي ياريت قريبه يمي اسويلج جدر برغل من هذا اللي تحبيه ولو اكلج لايعلى عليه
اليوم سويت باقلاء خضرة مرقه نزل عدنا ومكانكم خالي والله مع تمن والحمد لله
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 06, 2013, 10:44 مسائاً
بالعافيه عليكم حبايبي
اليوم الظهر اكلتنا جانت دسمه شلون دولمه وية اللحم والباجلة
وكانت مشكل وياهه طرشي احمر وخضراوات وبعد الاكل
 I-)
العنوان: رد: شنو طبختوا اليوم ...........
أرسل بواسطة: الصديق الوفي في Jan 07, 2013, 09:23 صباحاً
اشكرج حبيبه ام زيودي عمري انشالله من تجين نسويها سويه عمري، هاليوم طبخت باميه وتمن بس اشلون باميه طلعت على كولة ابويه يرحمه ويا موتاكم عبالك لقم  ههههههههه، والعشا سويت كبة بتيته جاب هاليوم عطله والجماعه بس ياكلون بالعافيه ومكانكم خالي حبايب.
العنوان: رد: شنو طبختوا اليوم ...........
أرسل بواسطة: ام زيد في Jan 07, 2013, 04:50 مسائاً
ههههههههههههه
حبيبتي ام علاوي والله ضحكتيني هاي اشلون عيني بس مطبخ لو اشلون
عاشت اياديج وبالف عافيه عيوني
اليوم سويت تشريب باللحم مع تمن وسلطة وخبز والحمد لله مكانكم خالي
العنوان: رد: شنو طبختوا اليوم ...........
أرسل بواسطة: الصديق الوفي في Jan 08, 2013, 05:48 صباحاً
والله يا ام زيودي هاي صارت بيه سوله مثل مايكولون المطبخ والجماعه مايصدكون بالعطله عبالك خباطات تشتغل هههههههههههههههههههه
هاليوم طبخت شوربة عدس ومعكرونه ومن البارحه عندي باميه طبخت وياها تمن وزلاطه وطرشي ضربوا الربع من اجوي من الشغل بالعافيه.
العنوان: رد: شنو طبختوا اليوم ...........
أرسل بواسطة: ام زيد في Jan 08, 2013, 05:54 مسائاً
ربي يحفظهم ياعيني ويخليج الهم خيمه هاي الدنيا ياام علاوي
اليوم سويت باميا وتمن وزلطه والحمد لله
العنوان: رد: شنو طبختوا اليوم ...........
أرسل بواسطة: الصديق الوفي في Jan 08, 2013, 08:04 مسائاً
الله يخليج حبيبه ويحفظج، هاليوم دجاج مشوي وتمن احمر وزلاطه وطرشي. والعشا فلاففففففففففففففففففففففففففففففففففففففففففففل وعنبه .
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 09, 2013, 08:37 صباحاً
اليوم الجو كلش بارد ومطر وماكوا طلعة لان الشوارع فيضانات وحفريات فالبيت
ارحم وقررنا انسوي تشريب باجلة وتمن وشوربة عدس وعدنا طرشي مال بيت
والعصر ان شاءالله راح اسوي سمج مسكوف بالبيت وبالعافية واليجي هله بيه .
العراقيين شعدهم   ^o^||3 ~o) I-)
العنوان: رد: شنو طبختوا اليوم ...........
أرسل بواسطة: الصديق الوفي في Jan 10, 2013, 12:36 صباحاً
هاليوم طبخت فاصوليا خضره على الدجاج وتمن وتبوله جان عاجبهم الربع ههههههههههههههه

                            (http://im32.gulfup.com/Kzia1.jpg) (http://www.gulfup.com/?bZDNSp)

                              (http://im34.gulfup.com/7Z881.jpg) (http://www.gulfup.com/?2b4N2O)
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 10, 2013, 02:28 مسائاً
السلام عليكم اليوم الغده جان كبة برغل وهاي الاكلة مال جو بارد وثلج وتتكون:
البرغل والجريش
القيمة
الطماطة
الكرفس
السلق
البصل
الفلفل
والبهارات واللوزوالكشمش
وهاي صورتها ان شاءالله تعجبكم
[smg id=1841 type=preview align=center caption="Picture 001"]
العنوان: رد: شنو طبختوا اليوم ...........
أرسل بواسطة: ام زيد في Jan 10, 2013, 08:47 مسائاً
بالف عافيه عيني هني مرىء
ويكولون سوي ريجيم هو هذا اكلنا مال ريجيم يااخي ههههههه
العنوان: رد: شنو طبختوا اليوم ...........
أرسل بواسطة: Purity في Jan 10, 2013, 09:38 مسائاً
بالعافية احمد - امبينة طيبة الاكلة
العنوان: رد: شنو طبختوا اليوم ...........
أرسل بواسطة: الصديق الوفي في Jan 11, 2013, 06:35 صباحاً
ام زيودي حبيبه اشلون يصير الريجيم اشلون يعني منو يطبخ ويضوك الجدر ههههههههههههههههه ، هاليوم اكلو الربع بره واني وياهم على الواهس هههههههههههههههههههههه.
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 14, 2013, 09:43 مسائاً
اليوم الغده جان حبية وتبسي
بس العشه جان توب ... فلافل واخواته وهاي صورته




[smg id=1867 type=preview align=center caption="Picture 049"]
العنوان: رد: شنو طبختوا اليوم ...........
أرسل بواسطة: الصديق الوفي في Jan 15, 2013, 05:54 صباحاً
الله صمون عراقي ، فلافل بغياب العنبه وين العنبه لو متزاعلين ههههههههههههههههههههه
العنوان: رد: شنو طبختوا اليوم ...........
أرسل بواسطة: ام زيد في Jan 15, 2013, 07:49 مسائاً
عيني بالف عافيه
اليوم تعشيت فلافل وفنكر جبس وتوابعهم صدق اكله طيبه ومكانكم خالي
العنوان: رد: شنو طبختوا اليوم ...........
أرسل بواسطة: الصديق الوفي في Jan 16, 2013, 05:49 صباحاً
هاليوم عيني طبخت قيمه وتمن والعشا سويت كص والحباشات وياه يعني حمص بطحينه طرشي فنكر جبس والحمدلله والشكر.
العنوان: رد: شنو طبختوا اليوم ...........
أرسل بواسطة: ام زيد في Jan 16, 2013, 09:23 صباحاً
اليوم راح اسوي تمن احمر على دجاج مقلي وسلطه والحمد لله والشكر
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 16, 2013, 08:27 مسائاً
عيني اليوم الغده جان تمن واسبيناخ وتبسي باذنجان ويه طرشي وخضراوات وخبز بيت
وبالعافية
 ^o^||3
العنوان: رد: شنو طبختوا اليوم ...........
أرسل بواسطة: تعابير انسان في Jan 16, 2013, 09:48 مسائاً
عافيات عليكم اهلنا الطيبين
اليوم بانيا وتمن والجو بارد  ;D
العنوان: رد: شنو طبختوا اليوم ...........
أرسل بواسطة: الاماني في Jan 16, 2013, 09:49 مسائاً
اليوم اكلنه تمن ومركه باميه وزلاطه وطرشي  وخضره والحمد لله رب العالمين
العنوان: رد: شنو طبختوا اليوم ...........
أرسل بواسطة: الصديق الوفي في Jan 17, 2013, 02:25 صباحاً
هاليوم معكرونه على مكعبات الدجاج وخضره مشكله ( بزاليا، فاصوليا خضره، ذره، جزر) ومعدنوس مثروم ورا مااستوت ومن البارحه عدنا قيمه والعشا كبه بتيته جاب وزلاطه وطرشي والحمدلله والشكر.
العنوان: رد: شنو طبختوا اليوم ...........
أرسل بواسطة: تعابير انسان في Jan 17, 2013, 02:17 مسائاً
عافيات يارب على الجميع
اليوم تشريب دجاج وتمن والنواعم  ;D
العنوان: رد: شنو طبختوا اليوم ...........
أرسل بواسطة: الصديق الوفي في Jan 18, 2013, 02:51 صباحاً
هاليوم طبخت فاصوليا يابسه وتمن وطرشي طبعا وفلفل حار والعشا اكلنا بيتزا الحمدلله والشكر.
العنوان: رد: شنو طبختوا اليوم ...........
أرسل بواسطة: ام زيد في Jan 18, 2013, 02:20 مسائاً
اليوم برياني ودجاج مقلي وزلطة ومرق دجاج ونحمد الله ونشكره
العنوان: رد: شنو طبختوا اليوم ...........
أرسل بواسطة: الصديق الوفي في Jan 19, 2013, 02:02 صباحاً
هاليوم طبخت تمن احمر وشوربة عدس لانه كولش بارده البارحه مطرت ثلج وكبه وزلاطه وطرشي.
العنوان: رد: شنو طبختوا اليوم ...........
أرسل بواسطة: ام زيد في Jan 19, 2013, 10:34 مسائاً
بالف عافيه عيني ام علاوي
اليوم سويت شجر وتمن والحمد لله
العنوان: رد: شنو طبختوا اليوم ...........
أرسل بواسطة: تعابير انسان في Jan 19, 2013, 11:22 مسائاً
عافيات على الجميع يارب
طبعا اليوم سوينا كباب والنواعم يعني ابد ميتعب النسوان يكيفن على النواشف  ;D ;D
تحياتي اخوكم احمد  ;D
العنوان: رد: شنو طبختوا اليوم ...........
أرسل بواسطة: الصديق الوفي في Jan 20, 2013, 03:35 صباحاً
هاليوم عيني دجاج مشوي ومقبلات ( حمص بطحينه، بابا غنوج، زلاطه روسيه، فنكر جبس وطرشي احمر وطرشي ابو العنبه) وهاليوم عطله اتغدينا فايت وكت بلكت الجماعه مايجوعون ، الكل عنده عطله بس اني :ahalna_emotions (33):
العنوان: رد: شنو طبختوا اليوم ...........
أرسل بواسطة: تعابير انسان في Jan 24, 2013, 08:45 مسائاً
اشلونكم عيني
اليوم طبعا كعدت سعة 12 ظهر يمكن  ;D تريكت والغداء كان دولمة بس الدولمة ما احبها اني  :'(
بقيت بدون غداء للعصر جبت كباب وتعشيت بي  ^o^||3
وعافيات عليكم جميعا  ;D
العنوان: رد: شنو طبختوا اليوم ...........
أرسل بواسطة: ام زيد في Jan 25, 2013, 10:29 صباحاً
ليش الدولمه ماتحبها والله كلش طيبه يالله الكباب اطيب بالعافيه عليك
والله اليوم مقررة اسوي تبسي باذنجان وتمن وخبز حار ومكانكم خالي والحمد لله
العنوان: رد: شنو طبختوا اليوم ...........
أرسل بواسطة: Ahmmd kirkuki في Jan 25, 2013, 02:13 مسائاً
بالعافية عيني احمد وام زيد الدولمة والتبسي عليكم بس اني اليوم قررت
ماكوا تمن وفاصوليا لان كل جمعة لازم هاي الاكلة رحت جبت قيمه
وسمج وسويتها بالبيت وهاي صورتها
[smg id=1878 type=preview align=center caption="Picture 013"]
[smg id=1879 type=preview align=center caption="Picture 005"] ^o^||3
العنوان: رد: شنو طبختوا اليوم ...........
أرسل بواسطة: ام زيد في Jan 26, 2013, 07:33 مسائاً
والله بالف عافيه اكله اطيب من الثانيه
العنوان: رد: شنو طبختوا اليوم ...........
أرسل بواسطة: تيتو مشاكل في Feb 09, 2013, 06:00 مسائاً
اليوم كانت عدنا عزيمه
واحمد كركوكي جان معزوم هو والعائله الكريمه
والبنوته ماشاء الله عليها تخبــــــــــــــــــل
وطبخنالهم دووووووووووووولمه
أشلون دولمه درجه أولى
من عمل أيديه وحياة عنيه
وهاي حصتكم من الطبخه ^o^||3
[smg id=1899 type=preview align=center caption="2013 02 09 489"]
العنوان: رد: شنو طبختوا اليوم ...........
أرسل بواسطة: ام حسوني في Feb 09, 2013, 08:08 مسائاً
شنو هاي الصور القاتلة عاشت ايدكم احمد الكركوكي صور السمج والكباب رهيبة  وصورة الدولمة اخ تيتو بس مو ينرادلها معجون لان مطيبة تصير صفرة
العنوان: رد: شنو طبختوا اليوم ...........
أرسل بواسطة: تعابير انسان في Feb 09, 2013, 09:17 مسائاً
عافيات عليكم
اليوم تمن ودجاج وتشريب احمر بي لبلبي يعني مالت دجاج ايضا  ;D والحمدلله والشكر
عافيات عليكم جميعا  :)
العنوان: رد: شنو طبختوا اليوم ...........
أرسل بواسطة: تيتو مشاكل في Feb 09, 2013, 10:02 مسائاً
شنو هاي الصور القاتلة عاشت ايدكم احمد الكركوكي صور السمج والكباب رهيبة  وصورة الدولمة اخ تيتو بس مو ينرادلها معجون لان مطيبة تصير صفرة

هاي الدولمه حمره
وخلي يجي وقت الدولمه الصفره
ألكم عزوووومه خاصه
العنوان: رد: شنو طبختوا اليوم ...........
أرسل بواسطة: الصديق الوفي في Feb 10, 2013, 01:57 صباحاً
هاليوم باميه وتمن والعشا فلافل من صنعة ايديه والصور ستأتيكم لاحقاً ، مراسلكم من مطبخ ام علاوي ههههههههههههه
العنوان: رد: شنو طبختوا اليوم ...........
أرسل بواسطة: الصديق الوفي في Feb 10, 2013, 06:13 صباحاً
               (http://im34.gulfup.com/A1w2q.jpg) (http://www.gulfup.com/?X5OdHv)

مو كتلكم اتفضلوا يمه العشا جاهز فلافل بالسمسم والحبة سوده والعنبه المعتبره
العنوان: رد: شنو طبختوا اليوم ...........
أرسل بواسطة: ام زيد في Feb 10, 2013, 05:18 مسائاً
بالعافيه عليكم عيني
الدولمه تشهي والله والبنونة ربي يحفظها
ام علاوي اكلج رهيب والله وعافيات
اليوم سويت مقلوبه وكلبتها كلب ومكانكم خالي ولك الحمد
العنوان: رد: شنو طبختوا اليوم ...........
أرسل بواسطة: تعابير انسان في Feb 10, 2013, 09:39 مسائاً
عافيات عليكم اهلنا وخالتنا ام علاوي الصورة مطلعت يمي ما اعرف ليش  ;D
اليوم غدانا مركَة دجاج احمر يعني تشريب وتمن وسوينا حلاوة شعرية الي يخلوها على البرياني الي بيها كشممش والنواعم  ;D
تحياتي لكم
العنوان: رد: شنو طبختوا اليوم ...........
أرسل بواسطة: الصديق الوفي في Feb 11, 2013, 08:08 مسائاً
 اشكرج عيني ام زيودي اكيد اكلج اطيب
 اشكرك يمه تعابير انسان وبالعافيه
هاليوم غدانا مركة باكله على الدجاج وتمن وطرشي وزلاطه والعشا الله كريم
العنوان: رد: شنو طبختوا اليوم ...........
أرسل بواسطة: ام حسوني في Feb 11, 2013, 08:26 مسائاً
مشكور اخ تيتو وعزومتك واصلة
اليوم سويت تبسي وتمن بس اني اكلت 2لالنكي لان مسوية ريجيم :'( :'( :'( :'( :'( :'( :'( والعشا دجاج مشوي واني اكلت بيضة مسلوقة وزلاطة لهانة :'( :'( :'(
العنوان: رد: شنو طبختوا اليوم ...........
أرسل بواسطة: تعابير انسان في Feb 11, 2013, 09:37 مسائاً
والله انقهر على جماعة الرجيم ههههههههههههه
ادري هسة اني شكد ردت اسمن شوية شو ماكو ولا كيلو  :'(
اليوم تغديت مقلوبة اي الوالدة سوتنا مقلوبة وقلبتها بالصينية قلب ههههههههههههه
تحياتي لكم
العنوان: رد: شنو طبختوا اليوم ...........
أرسل بواسطة: ام زيد في Feb 12, 2013, 07:54 مسائاً
ام حسوني اشلون تشبعين ب3 لالنكات شنو متجوعين
والله لاريجيم ولا شىء هاي هيه
العنوان: رد: شنو طبختوا اليوم ...........
أرسل بواسطة: تعابير انسان في Feb 13, 2013, 01:35 مسائاً
عافيات عليكم جميعا
اليوم الغداء دجاج ومركَة عدس والتمن والنواعم  ;D
العنوان: رد: شنو طبختوا اليوم ...........
أرسل بواسطة: ام ملك في Feb 18, 2013, 10:25 مسائاً
ياجماعة الخير اليوم سويت دولمه مصايره بكل قارة اسيا  ^o^||3مع اعتزازي بأخواتي الطباخات
والحاضر يعلم الغيب
العنوان: رد: شنو طبختوا اليوم ...........
أرسل بواسطة: تعابير انسان في Feb 18, 2013, 10:37 مسائاً
عافيات اختنا ام ملك
اليوم غدانا كبة
بس مرة عدنا اقارب من اهل الموصل علمونا طريقة نسوي بيها الكبة وبعدها صارت اطيب من قبل يعني يخلون بيها كشمش واني احب الكشمش  ;D ;D
وعافيات مقدما
العنوان: رد: شنو طبختوا اليوم ...........
أرسل بواسطة: aboody aliraqi في Feb 18, 2013, 10:40 مسائاً
السلام عليكم ... اليوم اتغديت مخلمهـ  ونواشف من باذنجان الى بتيته الى كباب مال طاوه . بس ناقصها صمون عراقي :((((((((
العنوان: رد: شنو طبختوا اليوم ...........
أرسل بواسطة: تعابير انسان في Feb 19, 2013, 09:07 مسائاً
عافيات عبودي عليك
اليوم تغديت مركَة دجاج حمرة وبيها عدس وتمن ونواشف  ;D
العنوان: رد: شنو طبختوا اليوم ...........
أرسل بواسطة: Ahmmd kirkuki في Feb 19, 2013, 09:46 مسائاً
اليوم طبخنا تمن وفاصوليا بلحم غنم والشعرية واللوز والكشمش
 ^o^||3
العنوان: رد: شنو طبختوا اليوم ...........
أرسل بواسطة: تعابير انسان في Feb 20, 2013, 08:37 مسائاً
عافيات احمد
اليوم تغديت وحدي فلافل بس  ;D ;D
العنوان: رد: شنو طبختوا اليوم ...........
أرسل بواسطة: ام ملك في Feb 20, 2013, 10:31 مسائاً
عافيات احمد
اليوم تغديت وحدي فلافل بس  ;D ;D
بخت :-O ومنين جبنتهه :-\
العنوان: رد: شنو طبختوا اليوم ...........
أرسل بواسطة: تعابير انسان في Feb 20, 2013, 10:44 مسائاً
اختي ام ملك بدون حسد هيا فلافل ههههههههههههههه لا احب نضحك شوية خيتي
ااختي ام ملك جايبينها بالبيت ورجعت العصر وسووها واكلتها لان كلت خفيفة ومشتهيها ايضا  ;D
العنوان: رد: شنو طبختوا اليوم ...........
أرسل بواسطة: ام ملك في Feb 21, 2013, 11:13 مسائاً
اخويه العزيز اللهم لا حسد بس صارلنه هواي مماكليهه
مطرح ميسري يمري
العنوان: رد: شنو طبختوا اليوم ...........
أرسل بواسطة: ام حسوني في Feb 22, 2013, 12:27 صباحاً
ام ملوكة الوردة اشو انتي بس تحجين دولمة ودولمة وقارة اسيا اشو حتى جعب الجدر ماكو ;D
العنوان: رد: شنو طبختوا اليوم ...........
أرسل بواسطة: العراقي الودود في Feb 22, 2013, 06:17 مسائاً
لعلم الجميع اني افضل من يسوي باقلاء بالدهن بالعراق كله واتحدى
ومن اجي على تركيا راح اعزمكم جميعا واراويكم يعني شنو باقلاء بالدهن
العنوان: رد: شنو طبختوا اليوم ...........
أرسل بواسطة: ام ملك في Feb 23, 2013, 02:00 مسائاً
ام حسوني تعذريني كل شي الا الجعبيه ما اضحي بيهه لأحد  =;
بس انفعج بغير شي من منطلق انو انت من جماعة الرجيم تكدرين تاخذين راحتج تقريبا بالريوك وبالغده بس بالعشه سوي تبوله وجاجيك يعني اهم شي العشا ميكون مرتفع السعرات  :-bd
العنوان: رد: شنو طبختوا اليوم ...........
أرسل بواسطة: تعابير انسان في Feb 23, 2013, 06:14 مسائاً
عافيات عليكم
اليوم تغديت تمن وفوكَا حلاوة شعرية ..اخوان حلاوة شعرية مو عبالكم هاي الحلاوة البيضة الي تنباع بالمحل ههههههههه
لا حلاوة مالت برياني يعني  ;D ;D
ويننهم جماعة الرجيم   ;D ;D
العنوان: رد: شنو طبختوا اليوم ...........
أرسل بواسطة: ام زيد في Feb 23, 2013, 10:09 مسائاً
عيني اخونا  الودود اريد طريقه عمل الباقلا بالدهن او الخبز ابكيفك حتى انجربها ونشوف
عيني ام ملك بالف عافيه عليج الدولمه ولو على الاقل نزلينا صوره عنها
اخواني بالعافيه عليكم اكيد الكل اكلهم طيب
العنوان: رد: شنو طبختوا اليوم ...........
أرسل بواسطة: تعابير انسان في Feb 25, 2013, 09:40 مسائاً
عافيات عليكم جميعا
اليوت تغديت برياني ومركَة تشريب اصفر ونواعمها  ;D
العنوان: رد: شنو طبختوا اليوم ...........
أرسل بواسطة: PARADISE في Feb 27, 2013, 04:07 صباحاً
مرحبا هاي أول مشاركة لي في هذه النافذة ذات الرائحة الزكية .. والحقيقة اني أقرأ بالردود وكاتلتني الحسرة لأن أم الجهال مو يمي وأكلي كله من المطاعم  :-q .. شغلات بسيطة أكدر أسويها .. أما الزلاطة توب واليوم اكلكم شلون اسوي الزلاطة الشتوية بس مو تضحكون  ;D:
أثرم ناعم(الخس والطماطة فقط)وأضيف عليها لبلبي(علبة)وشوندر مسلوق ومقطع وزيت وحامض وملح وبعدين أنثر عليها زيتون أسود .. وبالعافية ...
ملاحظة\من تبلش تاكل بزلاطتي يصير بيك وحدة من أثنين .. لو تبجي :'( لو تفقد الذاكرة O :-) .. من فرط اللذة .. تحياتي ...

هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
الله يجازيك بالاخير ابو ايهاب هلكد ضحكت
الف عافية عليكم اكلكم
وعن نفسي اعتزلت الطبخ من سافر ابو عيالي وماارجع
اطبخ الا الة اعذروني بس اتفرج على اكلاتكم  :'( :'(
العنوان: رد: شنو طبختوا اليوم ...........
أرسل بواسطة: Purity في Feb 27, 2013, 03:20 مسائاً
بعد ماسويت شي ههههههه
العنوان: رد: شنو طبختوا اليوم ...........
أرسل بواسطة: تعابير انسان في Feb 27, 2013, 09:37 مسائاً
هههههههههههههههه ابو ايهاب عاشت ايدك
واخينا صوت الامل خبررنا شسويت ههههه
وان شاءالله تجتمع اختنا مع العائلة يارب وتطبخ احلى طبخ
اليوم اني تغديت تمن ومركَة عدس حمرا وبيها لحم بس اللحم مو هلكد ويا يعني يوم اكل اللحم و10 ايام لا  ;D ;D ;D
عافيات على الجميع  ^o^||3
العنوان: رد: شنو طبختوا اليوم ...........
أرسل بواسطة: Purity في Feb 27, 2013, 09:53 مسائاً
هههههههههههههههه ابو ايهاب عاشت ايدك
واخينا صوت الامل خبررنا شسويت ههههه
وان شاءالله تجتمع اختنا مع العائلة يارب وتطبخ احلى طبخ
اليوم اني تغديت تمن ومركَة عدس حمرا وبيها لحم بس اللحم مو هلكد ويا يعني يوم اكل اللحم و10 ايام لا  ;D ;D ;D
عافيات على الجميع  ^o^||3


بالعافية عليك اخوية احمد والله من رجعت اشتريت صدر دجاج حمسته مع بتيته وحدة وبصلة واثنين فص ثوم مع فلفل اسود وطماطة وفلفل احمر حلو وقطعة ماجي بدل ملح
ياريتك يمي جان ضكتها

العنوان: رد: شنو طبختوا اليوم ...........
أرسل بواسطة: تعابير انسان في Feb 28, 2013, 09:35 مسائاً
بالعافية عليك اخويا العزيز صوت الامل صدر الدجاج طيب وبي بصل وفلفل اسود  ^o^||3
اليوم تغديت تمن وتشريب دجاج والنواعم ..طبعا تعودت على التمن يوميا ما اعرف احسا وجبة رئيسية الظهر وفوكاها ضعيف وما اسمن ما اعرف ليش
عافيات عليكم جميعا
العنوان: رد: شنو طبختوا اليوم ...........
أرسل بواسطة: ام زيد في Mar 02, 2013, 07:34 مسائاً
اليوم سويت تشريب احمر وتمن وزلطه وخبز حار ومكانكم خال
الله يديم النعمه على الكل
العنوان: رد: شنو طبختوا اليوم ...........
أرسل بواسطة: تعابير انسان في Mar 02, 2013, 08:50 مسائاً
عافيات جميعا عليكم بيت اهلنا
اليوم الحمدلله صمت كت ناذر يوم
الفطور كان باميا وتمن وفلفل اكيد ويا الباميا  :-))
وعافيات عليكم جميعا
العنوان: رد: شنو طبختوا اليوم ...........
أرسل بواسطة: Purity في Mar 03, 2013, 10:44 مسائاً
عافيات جميعا عليكم بيت اهلنا
اليوم الحمدلله صمت كت ناذر يوم
الفطور كان باميا وتمن وفلفل اكيد ويا الباميا  :-))
وعافيات عليكم جميعا


الله يتقبل منك اخويه احمد - بالمناسبة ماشفت باميا اهنا بتركيا مع الاسف
الباميا مع لحم العجل والفلفل الاحمر الحاد يخبل
العنوان: رد: شنو طبختوا اليوم ...........
أرسل بواسطة: تعابير انسان في Mar 04, 2013, 08:51 مسائاً
الله يتقبل من الجميع اخويا العزيز صوت الامل ويوم سفرك يارب
اذا تريد ادزلك باميا مجمدة  من العراق واني خادم صغير ..دور بلكي تلكا باميا منا منا الواحد يشتهيا ههههه الله يساعدكم يلا تهون اخويا
اليوم برياني وتبسي تغديت  ^o^||3
عافيات عليكم جميعا يارب
العنوان: رد: شنو طبختوا اليوم ...........
أرسل بواسطة: Purity في Mar 04, 2013, 09:30 مسائاً
اخوان انطوني كم اكلة سهلة وطيبة بنفس الوقت  ::) ::) ::)

تعرفون اخوكم دانيال لوحده عزابي مالي واهس اسوي اكلات صعبة  ;) ;) ;)

اليوم صدر جاج مشوي مع خبز و طماطة و نوم حامض وراها جاي ابو الدارسين و القرفه  ~o) ~o) ~o)

العنوان: رد: شنو طبختوا اليوم ...........
أرسل بواسطة: ابويوسف في Mar 05, 2013, 08:38 مسائاً
اليوم سوينه تشريب أحمر دجاج وحمص ^o^||3
العنوان: رد: شنو طبختوا اليوم ...........
أرسل بواسطة: تعابير انسان في Mar 05, 2013, 09:34 مسائاً
عافيات عليكم
اليوم الغداء مركَة حمص مجروش احمر وتمن وخضرة وكنت جوعان ونزلت دوس بالماعون  ;D ;D ;D
تحياتي لكم
العنوان: رد: شنو طبختوا اليوم ...........
أرسل بواسطة: Purity في Mar 05, 2013, 09:51 مسائاً
اليوم سويت اكلة  ::) ::) ::)
 ماكول شنو لانه جانت فضيعة  O :-) O :-) O :-)
 توبت اسويها   :ahalna_emotions (104): :ahalna_emotions (104): :ahalna_emotions (104):
 بعد جنت مسوي معاها رز كلت بس رز  :'( :'( :'(
العنوان: رد: شنو طبختوا اليوم ...........
أرسل بواسطة: تعابير انسان في Mar 06, 2013, 08:19 مسائاً
الله يكون بعونك اخويا صوت الامل على الاكلة
اليوم تشريب احمر وتمن وخضرة  :)
العنوان: رد: شنو طبختوا اليوم ...........
أرسل بواسطة: Purity في Mar 06, 2013, 10:56 مسائاً
اليوم اشتريت معلاك وغسلتها وسويتها طبعا من دا اسويها على النار بديت اشك انه هذا  مو معلاك ريحتها موطيبة
المهم بالاخير ضكتها لعبت نفسي على معلاك تركيا يعني يخرررررع
عبالي نفس الطعم مال العراق وبالاخير انطيتها للبزازين وبقيت ثاني يوم هم بلا عشا  :'( :'( :'(
توبه اكل معلاك  :-& :-& :-& O :-) O :-) O :-)
العنوان: رد: شنو طبختوا اليوم ...........
أرسل بواسطة: تعابير انسان في Mar 07, 2013, 09:18 مسائاً
دير بالك اخويا صوت الامل ترى المعلاك احتمال منتهي لو مو نظيف وتروح تتورط وتاكل منه هههههه زين سويت من اطيتا للبزازين
اليوم تغديت كباب بالبيت وعافيات عليكم جميعا  :-))
العنوان: رد: شنو طبختوا اليوم ...........
أرسل بواسطة: sanaria33 في Mar 07, 2013, 09:42 مسائاً
والغداااا سمج مشوي  مكانكم خالي
العنوان: رد: شنو طبختوا اليوم ...........
أرسل بواسطة: العراقي الودود في Mar 08, 2013, 01:29 مسائاً
والغداااا سمج مشوي  مكانكم خالي
يعني اكو سمج باماسيا
لطيف عاشت ايدج بس هل هو حي ام مجمد ؟ ونوعه ؟ مثل سمجنه لو يختلف؟
العنوان: رد: شنو طبختوا اليوم ...........
أرسل بواسطة: تعابير انسان في Mar 08, 2013, 02:02 مسائاً
عافيات عليكم جميعا
اليوم الغداء كان مركَة لبلبي وبيها دجاج صفراء وتمن وخضروات  ^o^||3
وعافيات عليكم وعليا  ;D
العنوان: رد: شنو طبختوا اليوم ...........
أرسل بواسطة: العراقي الودود في Mar 08, 2013, 05:11 مسائاً
اليوم سوولنه دجاج بالبتيته والتحبيشات هههههه بالفرن
العنوان: رد: شنو طبختوا اليوم ...........
أرسل بواسطة: Purity في Mar 08, 2013, 10:07 مسائاً
بركر و كولا و دجاج مقلي من بركر كينك روعة  ^o^||3 ^o^||3 ^o^||3 ;)
العنوان: رد: شنو طبختوا اليوم ...........
أرسل بواسطة: ام رتاج في Mar 08, 2013, 10:48 مسائاً
اليوم سويت العشا ال ابو رتاج كباب تقلا وبتيتة وسلكت باقلا خضرة ولو جانت ماصخة بس اناكلت ورة ما اكلنة اهواية وشبعنا ورا ساعة ابو رتاج كام يشرب باربيكان
العنوان: رد: شنو طبختوا اليوم ...........
أرسل بواسطة: الاماني في Mar 09, 2013, 12:28 صباحاً
برياني الظهر
وبالليل اكلت  كيمر عرب وجاي وخبز عراقي ههههههههههه  عكس العالم  اعشه كيمر

وحاليا دا اكل شاميه بالعراقي وبوووشااار بالاردني  وفووووشار بالسوري ههههه
العنوان: رد: شنو طبختوا اليوم ...........
أرسل بواسطة: Ahmmd kirkuki في Mar 09, 2013, 11:51 صباحاً
اليوم اكلنا بعون الله اكلة من الوزن الثقيل وطبعا اني ماحبه :-&
بس شسوي اكل بس التمن والاكلة هي الباجة وتشبه فلم رعب 8-X
[smg id=1982 type=preview align=center caption="Picture 002"]
العنوان: رد: شنو طبختوا اليوم ...........
أرسل بواسطة: ام زيد في Mar 09, 2013, 12:06 مسائاً
اليوم غدانا دولمه ومكانكم خالي والحمد لله
العنوان: رد: شنو طبختوا اليوم ...........
أرسل بواسطة: العراقي الودود في Mar 09, 2013, 12:37 مسائاً
اليوم اكلنا بعون الله اكلة من الوزن الثقيل وطبعا اني ماحبه :-&
بس شسوي اكل بس التمن والاكلة هي الباجة وتشبه فلم رعب 8-X
[smg id=1982 type=preview align=center caption="Picture 002"]
باعوا اخوية الكركوكي شدايسوي ؟؟؟ كالبهه كــــَـــــــــــــلاب ههههههههه
الله يديمهه نعمة يا رب
العنوان: رد: شنو طبختوا اليوم ...........
أرسل بواسطة: العراقي الودود في Mar 09, 2013, 08:24 مسائاً
سمك
العنوان: رد: شنو طبختوا اليوم ...........
أرسل بواسطة: تعابير انسان في Mar 09, 2013, 08:42 مسائاً
هههههههههههه احمد عاشت ايدك على الصورة واني مثلك من يسوون باجة اشرد من البيت  ;D
اليوم تمن ومركَة لبلبي  :)
وعافيات عليكم جميعا
العنوان: رد: شنو طبختوا اليوم ...........
أرسل بواسطة: الاماني في Mar 09, 2013, 11:05 مسائاً
فاصوليه خضره وتمن شعريه والجماعة الازليين  الزلاطة والطرشي واللبن والخضره
العنوان: رد: شنو طبختوا اليوم ...........
أرسل بواسطة: ام زيد في Mar 10, 2013, 09:06 صباحاً
اليوم كبه جريش وشوربه والحمد لله بعدين نفكر بالعشا
العنوان: رد: شنو طبختوا اليوم ...........
أرسل بواسطة: تعابير انسان في Mar 10, 2013, 09:26 مسائاً
عافيات عليكم جميعا
اليوم تغديت دجاج شوي وتمن ومركَة باجلة مركَة الباجلة كنت ما اكلها بس الوالدة كألتلي اكلها اليوم وشوفها وصدكَ طلعت طيبة  ^o^||3
تحياتي للجميع  =;
العنوان: رد: شنو طبختوا اليوم ...........
أرسل بواسطة: العراقي الودود في Mar 10, 2013, 09:43 مسائاً
اكلت فلافل عالسريع
العنوان: رد: شنو طبختوا اليوم ...........
أرسل بواسطة: Purity في Mar 11, 2013, 12:05 صباحاً
اليوم لاشئ - مالي نفس - بس الصبح قطعة كعك  O :-)
العنوان: رد: شنو طبختوا اليوم ...........
أرسل بواسطة: sanaria33 في Mar 11, 2013, 12:25 صباحاً
عافيات الاكلات الحلوه وخاصه الصوره الرهيبه الي منزلها اخونا احمد اليوم بيض وفطر محموس على الغدا وعشى ماكو عزلنا خلاص
العنوان: رد: شنو طبختوا اليوم ...........
أرسل بواسطة: ام زيد في Mar 11, 2013, 06:52 مسائاً
والله ياعيني اليوم دجاج مقلي وتمن احمر وسلطه ولك الحمد والشكر
 
العنوان: رد: شنو طبختوا اليوم ...........
أرسل بواسطة: العراقي الودود في Mar 11, 2013, 06:56 مسائاً
 @};- @};- @};- @};-
اكلتنه اليوم دوووووووووووووووووووووولمة
العنوان: رد: شنو طبختوا اليوم ...........
أرسل بواسطة: العراقي الودود في Mar 12, 2013, 04:19 مسائاً
دعي ابن الحجاج إلى دعوة وتأخر عنه الطعام كثيرا ومعه ضيوف فقال
يا ذاهبا في داره جائيا * بغير معنى وبلا فائدة
قد جن أضيافك من جوعهم * فاقرأ عليهم سورة المائدة
العنوان: رد: شنو طبختوا اليوم ...........
أرسل بواسطة: Ahmmd kirkuki في Mar 14, 2013, 09:54 صباحاً
السلام عليكم
اليوم الغده تمن وفاصوليا ولحم غنم والترتيبات
الموجودة على التمن تفضلوا ويانا وبالعافية  ^o^||3
العنوان: رد: شنو طبختوا اليوم ...........
أرسل بواسطة: العراقي الودود في Mar 15, 2013, 10:48 مسائاً
اليوم مرق عدس وتمن وسمك
العنوان: رد: شنو طبختوا اليوم ...........
أرسل بواسطة: تعابير انسان في Mar 16, 2013, 06:44 مسائاً
عافيات عليكم جميعا
اليوم تمن ومركَة لبلبي صفراء  ;D
العنوان: رد: شنو طبختوا اليوم ...........
أرسل بواسطة: العراقي الودود في Mar 17, 2013, 05:41 صباحاً
اليوم تبسي
العنوان: رد: شنو طبختوا اليوم ...........
أرسل بواسطة: تعابير انسان في Mar 17, 2013, 09:19 مسائاً
عافيات عليكم جميعا
اليوم كبة جريش   :P
العنوان: رد: شنو طبختوا اليوم ...........
أرسل بواسطة: تعابير انسان في Apr 04, 2013, 10:55 مسائاً
يمعودين وينكم شنو متاكلون هالايام لو مسوين اضراب  ;D
عيني اليوم متغديت غير بس لفة مشكل ورجعت معزوم بعرس وهم اكلت شي قليل بس من رجعت صارت دنيا ليل اكلت لفتين كباب  ^o^||3
عافيات عليكم جميعا  ;D
العنوان: رد: شنو طبختوا اليوم ...........
أرسل بواسطة: amal في Apr 04, 2013, 11:13 مسائاً
[smg id=2119 type=full align=center caption="5299 116122125245953 439434237 n"]
العنوان: رد: شنو طبختوا اليوم ...........
أرسل بواسطة: amal في Apr 04, 2013, 11:16 مسائاً
اليوم سويت مقلوبة تخبل مكانكم خالي
العنوان: رد: شنو طبختوا اليوم ...........
أرسل بواسطة: ام زيد في Apr 04, 2013, 11:59 مسائاً
بالعافيه عيني
اليوم سويت تشريب وتمن احمر والحمد لله
العنوان: رد: شنو طبختوا اليوم ...........
أرسل بواسطة: تعابير انسان في Apr 06, 2013, 09:30 مسائاً
عافيات عليكم
اليوم مسوين باجة بس متقربت للمطبخ ولا اكلتها لان ما احبها  O :-)
اكلت كبة موصلية  ;D
وعافيات عليكم جميعا  @};-
العنوان: رد: شنو طبختوا اليوم ...........
أرسل بواسطة: Expatriate في Apr 15, 2013, 10:52 صباحاً
كبة موصلية (طبخ) + سمك سلامون مشوي على نار هادئة
العنوان: رد: شنو طبختوا اليوم ...........
أرسل بواسطة: ام زيد في Apr 16, 2013, 08:15 مسائاً
هم كبه وهم سمج بالعافيه عليك بس الاثنين اكلات ثقيله
والله اليوم فاصوليا وتمن وزلطه وله الحمد والشكر
العنوان: رد: شنو طبختوا اليوم ...........
أرسل بواسطة: تعابير انسان في Apr 19, 2013, 10:03 مسائاً
عافيات عليكم جميعا
اليوم تشريب دجاج وتمن  :)
العنوان: رد: شنو طبختوا اليوم ...........
أرسل بواسطة: Ahmmd kirkuki في Apr 27, 2013, 12:16 مسائاً
اليوم والحمدلله طبخنا تمن وفاصوليا والترتيبات
وهاي صورته موثقه ^o^||3
[smg id=2184 type=preview align=center caption="Picture 226"]
[smg id=2186 type=preview align=center caption="Picture 230"]
العنوان: رد: شنو طبختوا اليوم ...........
أرسل بواسطة: تعابير انسان في Apr 27, 2013, 10:08 مسائاً
احمد ليش تنزل صور للبرياني تعرف اشكد احبا وفوكَا فستق  :'( :'(
ههههههههه عافيات عليكم حبيبي احمد مبين الاكل طيب ولذيذ  ^o^||3
اليوم تغديت كبة جريش بس يم بيت  عمي لان صارت عدي شغلة ورحت يمهم  ;D
وعافيات على الجميع  @};-
العنوان: رد: شنو طبختوا اليوم ...........
أرسل بواسطة: MAICK في Apr 28, 2013, 07:14 صباحاً
حلوووووووووووو الموضوع
طابحين : شيخ محشخى وقربانيط وكلارشنكوف وهريسه وجاى وكعك وبسسسسسسس  هاى بس اليوم سويناها كلها سويه هيه ريوك وهيه غدا وهيه عصريه وهيه وهاى وهيه هاهااااااااااا :ahalna_individual (99): :ahalna_individual (99): ahalna_emotions (109) ahalna_emotions (109) ahalna_emotions (109) ahalna_emotions (107) ahalna_emotions (107) ahalna_emotions (107) ahalna_emotions (107)
العنوان: رد: شنو طبختوا اليوم ...........
أرسل بواسطة: ام زيد في May 01, 2013, 12:02 صباحاً
اليوم سويت مرقة باقلا وتمن وزلطه ومكانكم خالي
العنوان: رد: شنو طبختوا اليوم ...........
أرسل بواسطة: شاي و كعك في May 01, 2013, 03:31 صباحاً
اليوم شوربة جاهزة  و بس حميتها لان شوية مريضة نشلة و بلاعيم  :'(  :">
العنوان: رد: شنو طبختوا اليوم ...........
أرسل بواسطة: Ahmmd kirkuki في May 01, 2013, 06:56 صباحاً
اليوم شوربة جاهزة  و بس حميتها لان شوية مريضة نشلة و بلاعيم  :'(  :">
سلامات يبين الجو كللللللش بارد يمكم
 :ahalna_emotions (2):
العنوان: رد: شنو طبختوا اليوم ...........
أرسل بواسطة: تعابير انسان في May 03, 2013, 01:29 مسائاً
بالعافية الاكل الطيب على الجميع
اليوم تغديت مركَة فصوليا وتمن  :)
العنوان: رد: شنو طبختوا اليوم ...........
أرسل بواسطة: تعابير انسان في May 22, 2013, 10:18 مسائاً
ههههههههههههههه حبيبي مايك ضحكت على ردك وخصوصا هيا وهاي وهيا ههههههههههههه
اليوم تغديت مركَة عدس حمرا وتمن طبعا مستخدمت اليوم الخاشوكَة وانتم تعرفونن ليش  ;D ;D ;D
العنوان: رد: شنو طبختوا اليوم ...........
أرسل بواسطة: عاشقة الحرية في May 22, 2013, 11:18 مسائاً
السلام عليكم هني وعافية للجميع ان شاءالله، وبارك الله لكم في هذا الرزق الطيب ، بالنسبة لنا تغدينا كبسة دجاج وعيش ( كبسة حمرا ) نفس ما يسمونها أولادي لأن معاها بصل وثوم وطماط ومعجون طماط ، بالاضافة لسلطة بدبس الرمان والخل.
العنوان: رد: شنو طبختوا اليوم ...........
أرسل بواسطة: تعابير انسان في May 24, 2013, 10:45 مسائاً
اليوم دجاج وتمن ومركَة لبلبي صفرا  ^o^||3
عافيات على الجميع يارب  @};-
العنوان: رد: شنو طبختوا اليوم ...........
أرسل بواسطة: صقر قريش في May 25, 2013, 06:14 صباحاً
وتاليها وياك ابو شهاب  @};-
العنوان: رد: شنو طبختوا اليوم ...........
أرسل بواسطة: swan_mo في May 25, 2013, 02:19 مسائاً
وتاليها وياك ابو شهاب  @};-

 ;D
اني بس اريد اعرف شلون مركَة لبلبي احمد خاف تقصد تشريب دجاج اصفر
اما مايخصنا تغدينا كبة حلب وزلاطة وكل لكَمة وياها قوطية بيبسي حتى تنبلع اللكَمة  :">
وعافيات عليكم كلكم
العنوان: رد: شنو طبختوا اليوم ...........
أرسل بواسطة: MAICK في May 27, 2013, 09:03 صباحاً
السلام عليكم هني وعافية للجميع ان شاءالله، وبارك الله لكم في هذا الرزق الطيب ، بالنسبة لنا تغدينا كبسة دجاج وعيش ( كبسة حمرا ) نفس ما يسمونها أولادي لأن معاها بصل وثوم وطماط ومعجون طماط ، بالاضافة لسلطة بدبس الرمان والخل.
اخت - عاشقه
كبسه دجاج - شنو يعنى دجاج مكبوس بقوطيه
وعيش كبسه حمرا - يعنى ضربه بوكسى على وجهه وصار احمرر
بالاضافة لسلطة بدبس الرمان والخل. يعنى شنو هاى عصير رمان وياه خل  هاى شلون تشربين عصير رمان وياه خل ؟؟  ممكن تسويلنا فد اكله مثل هاى كفشه دجاج وعيس كبشه خمرا ولشه حمراء وسلطه بدبس الكرعان والخللل وبس وبس ودزيها بالبريد السريع لانهو جوعاننننننن  كلش
انى مماكل مثل هيج اكله سوريه مو مو ولهى حبيت اشاقه وياج فقط ههههههه  تحياتى لكى جداااااا
العنوان: رد: شنو طبختوا اليوم ...........
أرسل بواسطة: MAICK في May 27, 2013, 09:04 صباحاً
اليوم طبخنا مركه هوة ؟؟ على تمن  @};-
العنوان: رد: شنو طبختوا اليوم ...........
أرسل بواسطة: تعابير انسان في May 31, 2013, 02:24 مسائاً
هههههههههههههههههه اختي العزيزة ام محمد صح تشريب اصفر هوا نفسا مركَة لبلبي صفراء
هيا نفس الاسم مرات ونفس الطعم ههههههههه  ;D ;D ;D
اليوم باميا وتمن وراس فلفل صغير على كَدي  :-))
عافيات عليكم جميعا
العنوان: رد: شنو طبختوا اليوم ...........
أرسل بواسطة: MAICK في Jun 01, 2013, 07:53 صباحاً
اليوم ماطبغنا ؟  ههههههههههه @};-
العنوان: رد: شنو طبختوا اليوم ...........
أرسل بواسطة: الصديق الوفي في Jun 15, 2013, 10:45 صباحاً
هاليوم غدانا كباب طاوه وبيتنجان مكللى وزلاطه وتمن احمر ، بعد عراقيين لو يصعدون للمريخ هم يريدون اكل عراقي وطبخي يا ام علاوي ههههههههههههههههههههههههههه.
العنوان: رد: شنو طبختوا اليوم ...........
أرسل بواسطة: تعابير انسان في Jun 16, 2013, 09:58 مسائاً
عافيات عليكم جميعا وعافيات عليكم اختنا ام علاوي
اليوم قيمة وتمن  ;D
العنوان: رد: شنو طبختوا اليوم ...........
أرسل بواسطة: الصديق الوفي في Jun 17, 2013, 08:00 صباحاً
هاليوم جانت الزكريا يعوده عليكم كل سنه وعام ، ويوم الزكريا مزدحم ههههههههههههه بالاكل سويت جدر دولمه هاي الغدا  وزرده وحليب ولهوم للصينيه والعشا كص دجاج .
العنوان: رد: شنو طبختوا اليوم ...........
أرسل بواسطة: ام زيد في Jun 17, 2013, 07:09 مسائاً
ياهلا بام علاوي والله وحشنا طبخاتك الطيبه ربي لايحرمنا منك
اليوم سويت تمن برياني وسلطه ولبن والحمد لله
العنوان: رد: شنو طبختوا اليوم ...........
أرسل بواسطة: تعابير انسان في Jun 23, 2013, 09:34 مسائاً
اكلت فلافل بمطعم متغديت بالبيت  ;D
العنوان: رد: شنو طبختوا اليوم ...........
أرسل بواسطة: الصديق الوفي في Jun 30, 2013, 04:29 صباحاً
بالمهلي حبيبه ام زيودي ، هاليوم كولش تعبانه كتلهم للولد جيبولنا دجاج مشوي  وسويت تمن وزلاطه وفنكر جبس والحمدلله والشكر.
العنوان: رد: شنو طبختوا اليوم ...........
أرسل بواسطة: رسل العراقيه في Nov 27, 2013, 08:52 مسائاً
برياني دجاج
العنوان: رد: شنو طبختوا اليوم ...........
أرسل بواسطة: تعابير انسان في Jan 10, 2014, 02:09 مسائاً
صار فترة طويلة ومحد يدخل للموضوع
كلت خلي ادخل
اليوم الغداء تشريب وتمن عليه شعرية   ;D
العنوان: رد: شنو طبختوا اليوم ...........
أرسل بواسطة: Sweet Heart في Feb 27, 2014, 10:04 مسائاً
موضوع حلو....ويستحق المشاركة ولو اول مرة ;D

الغداء جان اليوم....تمن وقيمه....والعشاء بطاط وبيض , كبه , مايونيز وزلاطه...وعاشوووو  ;D ;D ;D
العنوان: رد: شنو طبختوا اليوم ...........
أرسل بواسطة: صقر قريش في Feb 28, 2014, 04:53 صباحاً
تحياتي
موضوع حلو ويشبه موضوع للسيد مودي العراقي..ومن وراه صار عدنه كرش ..وعلى طاري شسويتوا وشسوينا..اليوم اني طبخت باجه أسترالي بس رجلين احسن من قدغة تنظيف الراس.. ومكانكم خالي.. بس اتمنيت لو وياهه رشاد والباقي كله موجود .احترامي

صقر قريش
العنوان: رد: شنو طبختوا اليوم ...........
أرسل بواسطة: мαяyαи في Mar 01, 2014, 01:39 صباحاً
موضوع حلو....ويستحق المشاركة ولو اول مرة ;D

الغداء جان اليوم....تمن وقيمه....والعشاء بطاط وبيض , كبه , مايونيز وزلاطه...وعاشوووو  ;D ;D ;D

ههههههههههههههههههههههه هاي من اول مرة وكل هالاكل لو بعد كم شهر شيصير مثل ما كال صقر قريش رح تصير ابو كرش  ;D ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في Mar 01, 2014, 01:42 صباحاً
ههههههههههههههههههههههه هاي من اول مرة وكل هالاكل لو بعد كم شهر شيصير مثل ما كال صقر قريش رح تصير ابو كرش  ;D ;D ;D ;D ;D
هههههههههههههههههههههههههههههههه الله يسمع منج  :-)) :-))
لان ضعيف وكوة ادور السمن , بس هاي البارحه الاكل .
بالنسبة لليوم تغديت دجاج على تمن والعشى كان كباب  ;D ^o^||3 ^o^||3
العنوان: رد: شنو طبختوا اليوم ...........
أرسل بواسطة: الامل في Apr 10, 2014, 10:25 مسائاً
ههههههههه هذا الموضوع حلوو واول مره اشوفه  ;D
 اتغدينا دجاج مشوي وشوربة عدس وسلطة فتوش وعافيات ع الجميييع غدااكم ^o^||3 ^o^||3 ^o^||3  وطبعا الشاي وراه ~o) ~o) ~o)
العنوان: رد: شنو طبختوا اليوم ...........
أرسل بواسطة: мαяyαи في Apr 12, 2014, 05:48 مسائاً
ههههههههه هذا الموضوع حلوو واول مره اشوفه  ;D
 اتغدينا دجاج مشوي وشوربة عدس وسلطة فتوش وعافيات ع الجميييع غدااكم ^o^||3 ^o^||3 ^o^||3  وطبعا الشاي وراه ~o) ~o) ~o)

صحتين وهنا اموله  ^o^||3 ^o^||3 ;D ;D
العنوان: رد: شنو طبختوا اليوم ...........
أرسل بواسطة: Sweet Heart في Apr 12, 2014, 07:14 مسائاً
والله اني اليوم تغديت يم شميساني بالمنصور....اكلت دجاج فلر بس فاتكم والله  ^o^||3 ^o^||3 ~o) ~o)
العنوان: رد: شنو طبختوا اليوم ...........
أرسل بواسطة: تعابير انسان في Apr 17, 2014, 09:52 مسائاً
عافيات اخ ايهاب
عمي كلة يم شميساني طكوك هههههههههههههه
اليوم الغداء تمن برياني ومركة عدس وطرشي
عافيات على الجميع يارب
العنوان: رد: شنو طبختوا اليوم ...........
أرسل بواسطة: Sweet Heart في Apr 18, 2014, 10:43 مسائاً
عافيات اخ ايهاب
عمي كلة يم شميساني طكوك هههههههههههههه
اليوم الغداء تمن برياني ومركة عدس وطرشي
عافيات على الجميع يارب

ههههههههههههههههههههههه غير الواحد ينوع  ;D ;D
بس اني مسامع مركة عدس ؟؟  :-\ :-\ ليش اكو مركة عدس ؟  ;D
العنوان: رد: شنو طبختوا اليوم ...........
أرسل بواسطة: تعابير انسان في Apr 22, 2014, 10:49 مسائاً
حبيبي ايهاب اشنون مسامع مركة عدس يمعود ههههههههه
اليوم مسوين قيمة وتمن والحمدلله
العنوان: رد: شنو طبختوا اليوم ...........
أرسل بواسطة: Sweet Heart في Apr 22, 2014, 10:55 مسائاً
حبيبي ايهاب اشنون مسامع مركة عدس يمعود ههههههههه
اليوم مسوين قيمة وتمن والحمدلله

ههههههههههههههههههههه حبيبي حمودي شوربة عدس اي
بس مركة عدس اول مرة اسمع بيهه
بس لا تطلع هي مركة عدس = شوربة عدس هههههههههههههههههه  :-)) :-))
وعافيات القيمة حب حب  @};-
العنوان: رد: شنو طبختوا اليوم ...........
أرسل بواسطة: الامل في Apr 23, 2014, 11:59 مسائاً
اتغدينا دولمه بالشبت والباقلاء وطبعا مع اللحم واللبن  والحمد لله مكانكم خالي
 ايهاب مركة العدس مو نفسها شوربة العدس ههههههههههههه مركة العدس كلش طيبه خصوصا اذا انطبخت ع دجاج  ;)
العنوان: رد: شنو طبختوا اليوم ...........
أرسل بواسطة: Sweet Heart في Apr 24, 2014, 12:01 صباحاً
اتغدينا دولمه بالشبت والباقلاء وطبعا مع اللحم واللبن  والحمد لله مكانكم خالي
 ايهاب مركة العدس مو نفسها شوربة العدس ههههههههههههه مركة العدس كلش طيبه خصوصا اذا انطبخت ع دجاج  ;)

اي ادري شنو مركة عدس والله اول مرة اسمع بيهه؟؟؟
بس لا بالاخير تكلولي باجة هههههههههههههههههههههههههه  :-))
العنوان: رد: شنو طبختوا اليوم ...........
أرسل بواسطة: الامل في Apr 24, 2014, 12:08 صباحاً
اتغدينا دولمه بالشبت والباقلاء وطبعا مع اللحم واللبن  والحمد لله مكانكم خالي
 ايهاب مركة العدس مو نفسها شوربة العدس ههههههههههههه مركة العدس كلش طيبه خصوصا اذا انطبخت ع دجاج  ;)

اي ادري شنو مركة عدس والله اول مرة اسمع بيهه؟؟؟
بس لا بالاخير تكلولي باجة هههههههههههههههههههههههههه  :-))

 ههههههههههههههههه ايهااب شبيك باجه شنو ؟؟؟؟  :-)) مو دنكوول عدس  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في Apr 24, 2014, 12:10 صباحاً
اتغدينا دولمه بالشبت والباقلاء وطبعا مع اللحم واللبن  والحمد لله مكانكم خالي
 ايهاب مركة العدس مو نفسها شوربة العدس ههههههههههههه مركة العدس كلش طيبه خصوصا اذا انطبخت ع دجاج  ;)

اي ادري شنو مركة عدس والله اول مرة اسمع بيهه؟؟؟
بس لا بالاخير تكلولي باجة هههههههههههههههههههههههههه  :-))

 ههههههههههههههههه ايهااب شبيك باجه شنو ؟؟؟؟  :-)) مو دنكوول عدس  ^o^||3

هههههههههههههههههههههههههههه يابة والله لا اعرف مركة عدس ولا شايفهه اصلا...
زين هو العدس بقوليات صغار شلون يصير مركة .؟؟؟؟  ::) :-\
هههههههههههههههههههههههههههههههههه
العنوان: رد: شنو طبختوا اليوم ...........
أرسل بواسطة: الامل في Apr 24, 2014, 12:46 صباحاً
ههههههههههههه  مو هذا الفن لعد ليش سمووه فن الطبخ أسال الحجيه واذا ماعرفتها ؟؟ اكتبلك طريقة العمل بس بشرط تطبخووو وتكللنا رايك بيها ههههههههههههه :-bd
العنوان: رد: شنو طبختوا اليوم ...........
أرسل بواسطة: Sweet Heart في Apr 24, 2014, 12:49 صباحاً
ههههههههههههه  مو هذا الفن لعد ليش سمووه فن الطبخ أسال الحجيه واذا ماعرفتها ؟؟ اكتبلك طريقة العمل بس بشرط تطبخووو وتكللنا رايك بيها ههههههههههههه :-bd

هههههههههههههههههههههههههههه ولو اني ماحب العدس , ماري الوصفه شكرا هههههههههههه  :-)) :-))
العنوان: رد: شنو طبختوا اليوم ...........
أرسل بواسطة: الامل في Apr 24, 2014, 12:55 صباحاً
ههههههههههههه  مو هذا الفن لعد ليش سمووه فن الطبخ أسال الحجيه واذا ماعرفتها ؟؟ اكتبلك طريقة العمل بس بشرط تطبخووو وتكللنا رايك بيها ههههههههههههه :-bd

هههههههههههههههههههههههههههه ولو اني ماحب العدس , ماري الوصفه شكرا هههههههههههه  :-)) :-))

 ههههههههههههههههه  ماري الوصفه لو ماريد الوصفه  :-))
العنوان: رد: شنو طبختوا اليوم ...........
أرسل بواسطة: Sweet Heart في Apr 24, 2014, 12:58 صباحاً
ههههههههههههه  مو هذا الفن لعد ليش سمووه فن الطبخ أسال الحجيه واذا ماعرفتها ؟؟ اكتبلك طريقة العمل بس بشرط تطبخووو وتكللنا رايك بيها ههههههههههههه :-bd

هههههههههههههههههههههههههههه ولو اني ماحب العدس , ماري الوصفه شكرا هههههههههههه  :-)) :-))

 ههههههههههههههههه  ماري الوصفه لو ماريد الوصفه  :-))

هسه متعرفين تغلسين مو علمود تربحين ثلاجة بدون ماطور ههههههههههههههههههه  :-)) :-))
العنوان: رد: شنو طبختوا اليوم ...........
أرسل بواسطة: الامل في Apr 26, 2014, 08:54 مسائاً
ههههههههههههه  مو هذا الفن لعد ليش سمووه فن الطبخ أسال الحجيه واذا ماعرفتها ؟؟ اكتبلك طريقة العمل بس بشرط تطبخووو وتكللنا رايك بيها ههههههههههههه :-bd

هههههههههههههههههههههههههههه ولو اني ماحب العدس , ماري الوصفه شكرا هههههههههههه  :-)) :-))

 ههههههههههههههههه  ماري الوصفه لو ماريد الوصفه  :-))

هسه متعرفين تغلسين مو علمود تربحين ثلاجة بدون ماطور ههههههههههههههههههه  :-)) :-))

 ردكم غير مفهووم ههههههه

 واليوم اتغدينا سبانغ ورز بالشعريه والحمد لله
العنوان: رد: شنو طبختوا اليوم ...........
أرسل بواسطة: Sweet Heart في Apr 26, 2014, 10:40 مسائاً
عافيات على ألب الحبايب  ;D
والله اليوم الغده جان دولمة....
والعشى كباب مشوي  ;D
العنوان: رد: شنو طبختوا اليوم ...........
أرسل بواسطة: الامل في Apr 29, 2014, 12:28 صباحاً
عافيات انتو بتتغدو وبتتعشو كل يوم ؟  :-O :-)) ههههههههههههه اليوم اتغدينا فاصوليا خضراء ورز بشعريه وسلطة خس والحمد لله
العنوان: رد: شنو طبختوا اليوم ...........
أرسل بواسطة: Sweet Heart في Apr 29, 2014, 12:38 صباحاً
عافيات انتو بتتغدو وبتتعشو كل يوم ؟  :-O :-)) ههههههههههههه اليوم اتغدينا فاصوليا خضراء ورز بشعريه وسلطة خس والحمد لله



ومالو ههههههههههههههههههههههههه
الف عافية بس اني مو صلح وية الفاصوليا....بس رز بشعرية اي  ;D

اليوم الغداء جان تمن ودجاج والعشاء كباب طاوه  ;D
العنوان: رد: شنو طبختوا اليوم ...........
أرسل بواسطة: мαяyαи في Apr 29, 2014, 04:53 مسائاً
بعد ما طابخين هسة صبح يمنا ودخلت هنا حتى اشوف شطبخ اليوم عالغدا  ^o^||3 لان حايرة ههههههههههههههههههههه
العنوان: رد: شنو طبختوا اليوم ...........
أرسل بواسطة: Sweet Heart في Apr 29, 2014, 05:17 مسائاً
بعد ما طابخين هسة صبح يمنا ودخلت هنا حتى اشوف شطبخ اليوم عالغدا  ^o^||3 لان حايرة ههههههههههههههههههههه

هسه انتي دبري سوي ريوك وتريكي وبعدين دبري الغداء  :-)) :-))
والله اليوم تغديت خوش غداء بس ماكوله شنو  ;D ;D ;D
طبعا  ليروح بالكم بعيد لان اني مو صلح وية الباجه هههههههههههههههه  :-)) :-))
العنوان: رد: شنو طبختوا اليوم ...........
أرسل بواسطة: мαяyαи في May 02, 2014, 12:21 صباحاً
اليوم ما سويت غدا وصيت بيتزا ومكانكم خالي كانت كلش طيبة هههههههههههههههه
العنوان: رد: شنو طبختوا اليوم ...........
أرسل بواسطة: Sweet Heart في May 02, 2014, 12:23 صباحاً
اليوم ما سويت غدا وصيت بيتزا ومكانكم خالي كانت كلش طيبة هههههههههههههههه

اذا بقت من البيتزا هسه اجي ههههههههههههههههههههههههه
بس على شرط اكو كوكا كولا لو ماكو ؟  ;D
عافيات على ألبج ماري.  @};-
العنوان: رد: شنو طبختوا اليوم ...........
أرسل بواسطة: мαяyαи في May 02, 2014, 12:26 صباحاً
اليوم ما سويت غدا وصيت بيتزا ومكانكم خالي كانت كلش طيبة هههههههههههههههه

اذا بقت من البيتزا هسه اجي ههههههههههههههههههههههههه
بس على شرط اكو كوكا كولا لو ماكو ؟  ;D
عافيات على ألبج ماري.  @};-

اي والله بقت منها والكوكا كولا هم موجود ادزلك اياها دلفري هههههههههههههه
والله يعافيك ايهاب @};-
العنوان: رد: شنو طبختوا اليوم ...........
أرسل بواسطة: Sweet Heart في May 02, 2014, 12:28 صباحاً
اليوم ما سويت غدا وصيت بيتزا ومكانكم خالي كانت كلش طيبة هههههههههههههههه

اذا بقت من البيتزا هسه اجي ههههههههههههههههههههههههه
بس على شرط اكو كوكا كولا لو ماكو ؟  ;D
عافيات على ألبج ماري.  @};-

اي والله بقت منها والكوكا كولا هم موجود ادزلك اياها دلفري هههههههههههههه
والله يعافيك ايهاب @};-

هههههههههههههههههه يسلموا ماري....
اليوم الغداء كان تبسي باذنجان وكفته لحم....مع الرز
والعشاء كان كبه ودجاج  ;D
العنوان: رد: شنو طبختوا اليوم ...........
أرسل بواسطة: мαяyαи في May 02, 2014, 12:32 صباحاً
اليوم ما سويت غدا وصيت بيتزا ومكانكم خالي كانت كلش طيبة هههههههههههههههه

اذا بقت من البيتزا هسه اجي ههههههههههههههههههههههههه
بس على شرط اكو كوكا كولا لو ماكو ؟  ;D
عافيات على ألبج ماري.  @};-

اي والله بقت منها والكوكا كولا هم موجود ادزلك اياها دلفري هههههههههههههه
والله يعافيك ايهاب @};-

هههههههههههههههههه يسلموا ماري....
اليوم الغداء كان تبسي باذنجان وكفته لحم....مع الرز
والعشاء كان كبه ودجاج  ;D

هاي شنو انت فاتح مطعم ؟؟ ههههههههههههههههههههههه اني اصلا عشى ما تعشى .. الف عافيه عالغدا والعشا ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 02, 2014, 12:36 صباحاً
لا مو اني من نوع اخر هههههههههههههههههههههههههههههه
حقي افتح مطاعم مو مطعم خخخخخخخخخخ  :-)) :-))
العنوان: رد: شنو طبختوا اليوم ...........
أرسل بواسطة: الامل في May 03, 2014, 08:52 مسائاً
عافيات الريوك والغدا والعشا ع  الجميييييع  @};-
 اتغدينا تبسي كبه بالبانجان والبصل والفلفل الاخضر مع رز بالشعريه مع اللبن والسلطه والخضروات  ^o^||3
 والى هسه مطحولين هههههههههههههههههه يعني ماكو عشا  ~o)
العنوان: رد: شنو طبختوا اليوم ...........
أرسل بواسطة: Sweet Heart في May 03, 2014, 09:43 مسائاً
عافيات الريوك والغدا والعشا ع  الجميييييع  @};-
 اتغدينا تبسي كبه بالبانجان والبصل والفلفل الاخضر مع رز بالشعريه مع اللبن والسلطه والخضروات  ^o^||3
 والى هسه مطحولين هههههههههههههههههه يعني ماكو عشا  ~o)

الامل كليلي.....ماكلين كل عمان بالغده هههههههههههههههههههههههههههههههه  ;D ;D ;D ;D
عافيات على ألبج..... @};-
اليوم الريوك جان مخلمه بمطعم بالمنصور , بعدين الغداء تبسي معكرونة والعشاء لحم بعجين.... ^o^||3 ~o)
العنوان: رد: شنو طبختوا اليوم ...........
أرسل بواسطة: تعابير انسان في May 04, 2014, 10:01 مسائاً
عافيات عليكم عيني جميعا وخصوصا كمعة شميساني هههههههههه
اليوم تغديت مركة بيتنجان تبسي يعني وتمن
ايهاب لتكلي ما اعرف التبسي ههههههههههه وتسويها فد مرة   
شكرا 
العنوان: رد: شنو طبختوا اليوم ...........
أرسل بواسطة: Sweet Heart في May 04, 2014, 10:10 مسائاً
عافيات عليكم عيني جميعا وخصوصا كمعة شميساني هههههههههه
اليوم تغديت مركة بيتنجان تبسي يعني وتمن
ايهاب لتكلي ما اعرف التبسي ههههههههههه وتسويها فد مرة   
شكرا

هههههههههههههههههههههههه لا حماده....التبسي حالة خاصه عندي لان اني واقع بعلاقة حب وية التبسي  :-)) ماطول مو مركة عدس هههههههههههههههههههههه  ;D ;D

اليو الغداء كان تكه دجاج وكباب والعشاء هم نفس الشي هههههههههههههه  ;D
العنوان: رد: شنو طبختوا اليوم ...........
أرسل بواسطة: мαяyαи في May 07, 2014, 11:38 مسائاً
اليوم طبخنا كبه حامض وكانت كلش طيبة ومكانكم خالي  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 07, 2014, 11:41 مسائاً
اليوم طبخنا كبه حامض وكانت كلش طيبة ومكانكم خالي  ^o^||3

الف عافية....
اليوم تغديت بالشركة كنتاكي  ;D ;D
والعشى كان همبركر  ;D ;D
شنو اني هههههههههههههههههههههههههههه
العنوان: رد: شنو طبختوا اليوم ...........
أرسل بواسطة: мαяyαи في May 07, 2014, 11:46 مسائاً
اليوم طبخنا كبه حامض وكانت كلش طيبة ومكانكم خالي  ^o^||3

الف عافية....
اليوم تغديت بالشركة كنتاكي  ;D ;D
والعشى كان همبركر  ;D ;D
شنو اني هههههههههههههههههههههههههههه

شكرا ايهاب الله يعافيك وبالعافيه عالغدا والعشى ودير بالك من الكولسترول  ;D ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 07, 2014, 11:54 مسائاً
اليوم طبخنا كبه حامض وكانت كلش طيبة ومكانكم خالي  ^o^||3

الف عافية....
اليوم تغديت بالشركة كنتاكي  ;D ;D
والعشى كان همبركر  ;D ;D
شنو اني هههههههههههههههههههههههههههه

شكرا ايهاب الله يعافيك وبالعافيه عالغدا والعشى ودير بالك من الكولسترول  ;D ;D ;D ;D ;D
مثل ميكولون I don't care هههههههههههههههههههه
اكو الله اليحمينا من الكوليسترول  ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 08, 2014, 10:54 مسائاً
اليوم سوينا تمن ومركة باميا لمحبين الباميا يتفضل عالغدا ويانه واهلا وسهلا ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 08, 2014, 11:13 مسائاً
اليوم سوينا تمن ومركة باميا لمحبين الباميا يتفضل عالغدا ويانه واهلا وسهلا ^o^||3

الف عافية واني طبعا من محبي الباميا  ;D يصير أجي ؟  ;D ;D ;D
اليوم تريكت بشارع الرشيد كيمر  ^o^||3 ~o)....وتغديت تمن وشعرية ولحم دجاج بالبيت والعشاء كان مخلمه  ;D
العنوان: رد: شنو طبختوا اليوم ...........
أرسل بواسطة: ام حسوني في May 09, 2014, 02:11 صباحاً
اليوم كنا صايمين الحمد لله وفطرنا كباب دجاج وسلطات وشوربة
العنوان: رد: شنو طبختوا اليوم ...........
أرسل بواسطة: تعابير انسان في May 10, 2014, 01:02 مسائاً
عافيات عليكم جميعا
ماريان لشهينا بالكبة والباميا هههههههههه
اليوم تبسي دجاج وتمن وحلاوة شعرية
عافيات على الجميع
ايهاب اكثر اكلة خارجي شنو الفلم ههههههههههه
العنوان: رد: شنو طبختوا اليوم ...........
أرسل بواسطة: Sweet Heart في May 10, 2014, 01:04 مسائاً
عافيات عليكم جميعا
ماريان لشهينا بالكبة والباميا هههههههههه
اليوم تبسي دجاج وتمن وحلاوة شعرية
عافيات على الجميع
ايهاب اكثر اكلة خارجي شنو الفلم ههههههههههه

هههههههههههههههههههههههههههههههه
مو اشتغل بالخارجية  :-)) :-))
العنوان: رد: شنو طبختوا اليوم ...........
أرسل بواسطة: الامل في May 10, 2014, 09:13 مسائاً
اليوم سوينا تمن ومركة باميا لمحبين الباميا يتفضل عالغدا ويانه واهلا وسهلا ^o^||3

الف عافية واني طبعا من محبي الباميا  ;D يصير أجي ؟  ;D ;D ;D
اليوم تريكت بشارع الرشيد كيمر  ^o^||3 ~o)....وتغديت تمن وشعرية ولحم دجاج بالبيت والعشاء كان مخلمه  ;D
هذا موقليل الريوك والغدا والعشا ؟لو بس اني اكلت كل عمان هههههههههههههه
 وعافيات ع الجميع
 اتغدينا تمن باقلاء ع اللحم واللبن طبعا  :ahalna_individual (77):
العنوان: رد: شنو طبختوا اليوم ...........
أرسل بواسطة: Sweet Heart في May 10, 2014, 10:11 مسائاً
اليوم سوينا تمن ومركة باميا لمحبين الباميا يتفضل عالغدا ويانه واهلا وسهلا ^o^||3

الف عافية واني طبعا من محبي الباميا  ;D يصير أجي ؟  ;D ;D ;D
اليوم تريكت بشارع الرشيد كيمر  ^o^||3 ~o)....وتغديت تمن وشعرية ولحم دجاج بالبيت والعشاء كان مخلمه  ;D
هذا موقليل الريوك والغدا والعشا ؟لو بس اني اكلت كل عمان هههههههههههههه
 وعافيات ع الجميع
 اتغدينا تمن باقلاء ع اللحم واللبن طبعا  :ahalna_individual (77):

عافيات على ألبج.....
اليوم الغداء كان شعرية مع اللحم....
والعشاء كان صاج لحم  ;D
العنوان: رد: شنو طبختوا اليوم ...........
أرسل بواسطة: تعابير انسان في May 12, 2014, 09:44 مسائاً
عافيات عليكم جيمعا
اليوم فاصوليا وتمن وبيهم يسموهاا يابسة مع العلم هيا بيها طماطة وابد مو يابسة ههههههههههه
اريد اعرف الفاصوليا ليش يسموها يابسة ؟؟؟؟
عافيات عليكم
العنوان: رد: شنو طبختوا اليوم ...........
أرسل بواسطة: Sweet Heart في May 12, 2014, 10:10 مسائاً
عافيات عليكم جيمعا
اليوم فاصوليا وتمن وبيهم يسموهاا يابسة مع العلم هيا بيها طماطة وابد مو يابسة ههههههههههه
اريد اعرف الفاصوليا ليش يسموها يابسة ؟؟؟؟
عافيات عليكم

صدك ليش ؟
سؤال مهم ويطرح نفسه  ;D
العنوان: رد: شنو طبختوا اليوم ...........
أرسل بواسطة: мαяyαи في May 13, 2014, 08:22 صباحاً
عافيات عليكم جيمعا
اليوم فاصوليا وتمن وبيهم يسموهاا يابسة مع العلم هيا بيها طماطة وابد مو يابسة ههههههههههه
اريد اعرف الفاصوليا ليش يسموها يابسة ؟؟؟؟
عافيات عليكم

صدك ليش ؟
سؤال مهم ويطرح نفسه  ;D

ههههههههههههههه اي مو اكو فاصوليا خضرة (فرش) وهاية يابسة اكيد لعد شلون  نفرق بيهم  ;D ;D ;D ;D صدك انتو ما تعرفون شي بالطبخ بس بالاكل شطار  ^o^||3 ^o^||3 ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 13, 2014, 08:44 صباحاً
عافيات عليكم جيمعا
اليوم فاصوليا وتمن وبيهم يسموهاا يابسة مع العلم هيا بيها طماطة وابد مو يابسة ههههههههههه
اريد اعرف الفاصوليا ليش يسموها يابسة ؟؟؟؟
عافيات عليكم

صدك ليش ؟
سؤال مهم ويطرح نفسه  ;D

ههههههههههههههه اي مو اكو فاصوليا خضرة (فرش) وهاية يابسة اكيد لعد شلون  نفرق بيهم  ;D ;D ;D ;D صدك انتو ما تعرفون شي بالطبخ بس بالاكل شطار  ^o^||3 ^o^||3 ^o^||3

هسه شعلينا احنه بالطبخ....
الي علينا نجيب الخضروات وانتو تطبخون  ;D ;D بين قوسين ( تتورطون ) ههههههههههههههههههههههه
العنوان: رد: شنو طبختوا اليوم ...........
أرسل بواسطة: الامل في May 14, 2014, 09:17 مسائاً
سمك بالفرن والي يحب السمك يتفضل   ~o) :-bd
العنوان: رد: شنو طبختوا اليوم ...........
أرسل بواسطة: Sweet Heart في May 14, 2014, 11:19 مسائاً
الغداء كان كبة بالشوربة  ;D
والعشاء كان لحم بعجين  ;D ^o^||3 ~o)
العنوان: رد: شنو طبختوا اليوم ...........
أرسل بواسطة: мαяyαи في May 14, 2014, 11:31 مسائاً
سمك بالفرن والي يحب السمك يتفضل   ~o) :-bd

اي امولة بالعافية ذكرتيني بالسمك جنت حايرة شسوي غدا اليوم هسة اكوم اسوي سمك وتمن احمر  ;D ;D ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 14, 2014, 11:32 مسائاً
الغداء كان كبة بالشوربة  ;D
والعشاء كان لحم بعجين  ;D ^o^||3 ~o)

بالعافيه  ;D
العنوان: رد: شنو طبختوا اليوم ...........
أرسل بواسطة: Sweet Heart في May 14, 2014, 11:38 مسائاً
الغداء كان كبة بالشوربة  ;D
والعشاء كان لحم بعجين  ;D ^o^||3 ~o)

بالعافيه  ;D

الله يعافيج ماري.....
وبالعافية مقدما على التمن الاحمر والسمك . والله شهيتيني يعني شلون انتقام هو مثلا ؟  ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 16, 2014, 12:31 صباحاً
الغداء كان كبة بالشوربة  ;D
والعشاء كان لحم بعجين  ;D ^o^||3 ~o)

بالعافيه  ;D

الله يعافيج ماري.....
وبالعافية مقدما على التمن الاحمر والسمك . والله شهيتيني يعني شلون انتقام هو مثلا ؟  ;D ;D

ههههههههه الله يعافيك ايهاب .. اليوم ما طبخت سويت اوردر بيتزا كل ما احير بالطبخ البيتزا هي الحل  ;D ;D ;D ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 16, 2014, 12:37 صباحاً
الغداء كان كبة بالشوربة  ;D
والعشاء كان لحم بعجين  ;D ^o^||3 ~o)

بالعافيه  ;D

الله يعافيج ماري.....
وبالعافية مقدما على التمن الاحمر والسمك . والله شهيتيني يعني شلون انتقام هو مثلا ؟  ;D ;D

ههههههههه الله يعافيك ايهاب .. اليوم ما طبخت سويت اوردر بيتزا كل ما احير بالطبخ البيتزا هي الحل  ;D ;D ;D ;D ;D ;D ;D

اي الف عافية اطيب شي بالبيتزا هي المارغريتا ( فقط جبن ) .
اليوم الغداء كان برياني دجاج تغديت بالشركة مو بالبيت هههههههههه
والعشاء كان صاج  ;D
العنوان: رد: شنو طبختوا اليوم ...........
أرسل بواسطة: мαяyαи في May 17, 2014, 09:45 مسائاً
اليوم الغدا برياني لمحبين البرياني يتفضل ويانه  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 17, 2014, 09:48 مسائاً
اليوم الغدا برياني لمحبين البرياني يتفضل ويانه  ^o^||3

ألف عافية.....
اليوم ال lunch كان تشريب دجاج وال dinner كان بطاطا مع لحم  ^o^||3 ~o)
العنوان: رد: شنو طبختوا اليوم ...........
أرسل بواسطة: мαяyαи في May 17, 2014, 09:50 مسائاً
اليوم الغدا برياني لمحبين البرياني يتفضل ويانه  ^o^||3

ألف عافية.....
اليوم ال lunch كان تشريب دجاج وال dinner كان بطاطا مع لحم  ^o^||3 ~o)

الف عافية يعني لازم dinner كل يوم مو  ;D ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 17, 2014, 09:51 مسائاً
اليوم الغدا برياني لمحبين البرياني يتفضل ويانه  ^o^||3

ألف عافية.....
اليوم ال lunch كان تشريب دجاج وال dinner كان بطاطا مع لحم  ^o^||3 ~o)

الف عافية يعني لازم dinner كل يوم مو  ;D ;D ;D ;D ;D

مو اني special case هههههههههههههههههههههههههههههههه كتلج بيهه قبل  ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 17, 2014, 10:00 مسائاً
اليوم الغدا برياني لمحبين البرياني يتفضل ويانه  ^o^||3

ألف عافية.....
اليوم ال lunch كان تشريب دجاج وال dinner كان بطاطا مع لحم  ^o^||3 ~o)

الف عافية يعني لازم dinner كل يوم مو  ;D ;D ;D ;D ;D

مو اني special case هههههههههههههههههههههههههههههههه كتلج بيهه قبل  ;D ;D

 ;D ;D ;D ;D
العنوان: رد: شنو طبختوا اليوم ...........
أرسل بواسطة: تعابير انسان في May 18, 2014, 09:45 مسائاً
عافييات عليكم جميعا
ايهاب وماريان لاعبين طوبة بالمطبخ  هههههههههههههه
اليو الغداء تشريب دجاج ودجاج وتمن والنواعم
العنوان: رد: شنو طبختوا اليوم ...........
أرسل بواسطة: Sweet Heart في May 18, 2014, 10:05 مسائاً
عافييات عليكم جميعا
ايهاب وماريان لاعبين طوبة بالمطبخ  هههههههههههههه
اليو الغداء تشريب دجاج ودجاج وتمن والنواعم
هههههههههههههههههههه
شلون لعد اذا منلعب طوبة بالمطبخ منو يلعب بي طوبة هههههههههههههه
عافيات حبي احمد.....

الغداء كان كبة بالصلصه والعشاء كان بطاطا وبيض  ^o^||3
العنوان: رد: شنو طبختوا اليوم ...........
أرسل بواسطة: الامل في May 19, 2014, 09:33 مسائاً
 اي يابا  صايرين كله انكلووزو   ههههههههههههههههه
 اتغدينا دولمه بالشبت والباقلاء وحامضه ودهينه مكانكم خالي  ^o^||3 ~o)
العنوان: رد: شنو طبختوا اليوم ...........
أرسل بواسطة: мαяyαи في May 20, 2014, 05:49 صباحاً
عافييات عليكم جميعا
ايهاب وماريان لاعبين طوبة بالمطبخ  هههههههههههههه
اليو الغداء تشريب دجاج ودجاج وتمن والنواعم

ههههههههههههههههههههه اي دنسوي منافسة بالاطباق والاكلات العراقية
 ;D ;D ;D الف عافيه عالغدا @};-

اليوم ما طبخت كانت عطلة ورحنا picnic ما صدكنا خلصت الثلوج والجو حلو
 ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 21, 2014, 12:05 صباحاً
عافييات عليكم جميعا
ايهاب وماريان لاعبين طوبة بالمطبخ  هههههههههههههه
اليو الغداء تشريب دجاج ودجاج وتمن والنواعم

ههههههههههههههههههههه اي دنسوي منافسة بالاطباق والاكلات العراقية
 ;D ;D ;D الف عافيه عالغدا @};-

اليوم ما طبخت كانت عطلة ورحنا picnic ما صدكنا خلصت الثلوج والجو حلو
 ;D ;D ;D ;D

الف عافية ال picnic hope you had to enjoy it  ;) ;D

اليوم والله شبعت حر هههههههههههه شغل خارج الشركة جان عندي بالشمس هههههههههه
الغداء كان بمطعم ام الربيعين بالمنصور....صاج دجاج  ^o^||3
والعشاء كان هم دجاج  ;D
العنوان: رد: شنو طبختوا اليوم ...........
أرسل بواسطة: мαяyαи في May 21, 2014, 12:14 صباحاً

thank you  @};-

الف عافيه .. ليش لا كله مطاعم امورك عدله  ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 21, 2014, 12:17 صباحاً
thank you  @};-

الف عافيه .. ليش لا كله مطاعم امورك عدله  ;D ;D ;D

هههههههههههههههههههههه شنسوي غير نغير , يوميا بالبيت والله ملينا من اكل البيت  ;D ;D ههههههههههههههههه
اريد فد يوم واحد هنا يكلي اكلت خارج البيت ماكو , يمكن بس اني  :-)) :-)) :-))
العنوان: رد: شنو طبختوا اليوم ...........
أرسل بواسطة: تعابير انسان في May 22, 2014, 09:55 مسائاً
عافيات عليكم
اليوم باميا وتمن وفلفل وبعد ما احجي ههههههههههههههههههه   
العنوان: رد: شنو طبختوا اليوم ...........
أرسل بواسطة: Sweet Heart في May 22, 2014, 10:01 مسائاً
عافيات عليكم
اليوم باميا وتمن وفلفل وبعد ما احجي ههههههههههههههههههه

ليش بعد متحجي يعني متقبل تكول بعد مواعين وكلاصات وخواشيك هههههههههههههههههههههههههه  ;D ;D عافيات عليك حبي حمودي.....
اليو الغداء كان لحم بعجين ولبن وراها رجعت للبيت نمت نومة كافره  ;D
والعشاء كان شاروما لحم صنع محلي  ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 22, 2014, 10:58 مسائاً
هسة خلصت من الطبخ سويت دجاج بالفرن وية الخضراوات وتمن ابيض وزلاطه .. تفضلوا ويانه  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 23, 2014, 12:37 صباحاً
هسة خلصت من الطبخ سويت دجاج بالفرن وية الخضراوات وتمن ابيض وزلاطه .. تفضلوا ويانه  ^o^||3

دائما تخليني اكل ساعه 12 بالليل ههههههههههههههههههههههههههه
ليش هيجي ماري  ;D ;D
العنوان: رد: شنو طبختوا اليوم ...........
أرسل بواسطة: мαяyαи في May 23, 2014, 09:38 مسائاً
هسة خلصت من الطبخ سويت دجاج بالفرن وية الخضراوات وتمن ابيض وزلاطه .. تفضلوا ويانه  ^o^||3

دائما تخليني اكل ساعه 12 بالليل ههههههههههههههههههههههههههه
ليش هيجي ماري  ;D ;D

ههههههههههههههههه ليش انت مو متعشي بعد تاكل ساعه 12 ;D ;D ;D ;D

اليوم اسوي عالغدا سمك مشوي بالفرن مع الخضراوات اكيد  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 23, 2014, 10:36 مسائاً
هسة خلصت من الطبخ سويت دجاج بالفرن وية الخضراوات وتمن ابيض وزلاطه .. تفضلوا ويانه  ^o^||3

دائما تخليني اكل ساعه 12 بالليل ههههههههههههههههههههههههههه
ليش هيجي ماري  ;D ;D

ههههههههههههههههه ليش انت مو متعشي بعد تاكل ساعه 12 ;D ;D ;D ;D

اليوم اسوي عالغدا سمك مشوي بالفرن مع الخضراوات اكيد  ^o^||3

اكلج انتو عايشين بالبحر ؟  :-)) :-))
علمود يوميا سمك  ;D
بالعافية ماري.....اليوم الغداء كان تمن ودجاج مشوي , والعشاء كان لحم بعجين  ;D ^o^||3
العنوان: رد: شنو طبختوا اليوم ...........
أرسل بواسطة: мαяyαи في May 23, 2014, 11:24 مسائاً
هههههههههههههههههههه حلوة اي احنا حوريات البحر  ;D ;D ;D ;D ;D

لا مو احنا ما ناكل لحم كل يوم اربعاء وجمعه فنسوي سمك يعني هم للسهولة وهم هو صحي كلش .. وانت عيني شو كل يوم دجاج  ;D ;D ;D ;D
العنوان: رد: شنو طبختوا اليوم ...........
أرسل بواسطة: Sweet Heart في May 23, 2014, 11:29 مسائاً
هههههههههههههههههههه حلوة اي احنا حوريات البحر  ;D ;D ;D ;D ;D

لا مو احنا ما ناكل لحم كل يوم اربعاء وجمعه فنسوي سمك يعني هم للسهولة وهم هو صحي كلش .. وانت عيني شو كل يوم دجاج  ;D ;D ;D ;D
لعد السمك شنو كت كات مثلا هههههههههههههههههههههه  :-)) :-))
مو هم لحم بس لحوم بيضاء  ;D
واني يوميا دجاج لان بروتينات  ;) ;D
العنوان: رد: شنو طبختوا اليوم ...........
أرسل بواسطة: мαяyαи في May 24, 2014, 07:04 صباحاً
هههههههههههههههههههه حلوة اي احنا حوريات البحر  ;D ;D ;D ;D ;D

لا مو احنا ما ناكل لحم كل يوم اربعاء وجمعه فنسوي سمك يعني هم للسهولة وهم هو صحي كلش .. وانت عيني شو كل يوم دجاج  ;D ;D ;D ;D
لعد السمك شنو كت كات مثلا هههههههههههههههههههههه  :-)) :-))
مو هم لحم بس لحوم بيضاء  ;D
واني يوميا دجاج لان بروتينات  ;) ;D

اييييييييييييييييييييي غير نغير كله لحم مو زييييييييييييييييييييين :x :x :x
العنوان: رد: شنو طبختوا اليوم ...........
أرسل بواسطة: Sweet Heart في May 24, 2014, 11:45 مسائاً
والله اليوم فاتكم البرياني بالغداء  ;D
والعشاء كباب  ;D
العنوان: رد: شنو طبختوا اليوم ...........
أرسل بواسطة: أبوعبدآلله في May 25, 2014, 10:32 صباحاً
والله اليوم فاتكم البرياني بالغداء  ;D
والعشاء كباب  ;D

 شنو يعني فاتكم  :'( ... واني محضر العدّة ؤو كاعد أنتظر  ^o^||3 لا لا لا هاي موخوش سالفه اطير علينا الغده والعشه , حبيبي حضّر نفسك تعزمنه يم صمد الغده والعشه على الشط بالعطيفية سمججججج مسكووووووووووووووووف ... يعني إحنه هسه صرنه هنا 22 نفر إذا أني مغلطان بالحساب فحبيبي حضّرلك 6 أوراق أمهات الميّه خضر ؤو لتسوليك سالفه  :ahalna_collection (24):
العنوان: رد: شنو طبختوا اليوم ...........
أرسل بواسطة: Sweet Heart في May 25, 2014, 11:59 صباحاً
والله اليوم فاتكم البرياني بالغداء  ;D
والعشاء كباب  ;D

 شنو يعني فاتكم  :'( ... واني محضر العدّة ؤو كاعد أنتظر  ^o^||3 لا لا لا هاي موخوش سالفه اطير علينا الغده والعشه , حبيبي حضّر نفسك تعزمنه يم صمد الغده والعشه على الشط بالعطيفية سمججججج مسكووووووووووووووووف ... يعني إحنه هسه صرنه هنا 22 نفر إذا أني مغلطان بالحساب فحبيبي حضّرلك 6 أوراق أمهات الميّه خضر ؤو لتسوليك سالفه  :ahalna_collection (24):

زين شجاب صمد على الشط بالعطيفية ههههههههههههههههههههههههههه
زين ليش مو بالكريعات على الشط احلى لو على ابو نؤاس لان ميحلى السمج اذا مويم ابو نؤاس  ;D ;) هههههههههههههههههههه
العنوان: رد: شنو طبختوا اليوم ...........
أرسل بواسطة: أبوعبدآلله في May 25, 2014, 01:27 مسائاً

زين شجاب صمد على الشط بالعطيفية ههههههههههههههههههههههههههه
زين ليش مو بالكريعات على الشط احلى لو على ابو نؤاس لان ميحلى السمج اذا مويم ابو نؤاس  ;D ;) هههههههههههههههههههه

يمعود هاي شنو لحنضل نتناقش وين ناكل هسه خلي نضرب ؤو وين مكان حبي  ^o^||3
أما بالنسبة للتفاصيل فالغده يكون على التبريد إبمطعم مرتب بيه خوش كعده ؤو خوش اكل مثل مطعم صمودي الورده لأن جونا بالنهار صاير فرن والواحد طافر من هدومه من الحراره  :ahalna_emotions (16): هاي سالفة ليش صمد , أما سالفة العشه فكولش ممتع من تتعشه عله ضفاف دجلة وخصوصا هالأيام الجو باليل إيخبل , أما ليش بالعطيفية لأن مطاعم نهر دجلة كلها تعبانه إذا كانت على أبو نؤاس :ahalna_collection (55): إيههههههههه أيام :ahalna_collection (24):  أو بالكريعات  :ahalna_emotions (6):, يعني مثلا مطعم البلام عود آلله يجرّم هو أحسن مطعم بالكريعات ؤو داعتك إيلعب النفس من تكعد بيه متشوف غير الجينكو جوه رجلك والأكل جنه بايت والمقبلات متحجّره ههههههه فنصيحة لتعشينا إبغير العطيفية لان بيها خوش كعده والأكل راقي جدا ... يمعود عبّالك تفلت من العزيمه  :ahalna_collection (51): هاي سالفه متشتغل عندي خخخخخخخخخخ  :ahalna_collection (24): , هلو إيهابنا الغالي ...  :ahalna_emotions (100):
العنوان: رد: شنو طبختوا اليوم ...........
أرسل بواسطة: Sweet Heart في May 25, 2014, 01:37 مسائاً

زين شجاب صمد على الشط بالعطيفية ههههههههههههههههههههههههههه
زين ليش مو بالكريعات على الشط احلى لو على ابو نؤاس لان ميحلى السمج اذا مويم ابو نؤاس  ;D ;) هههههههههههههههههههه

يمعود هاي شنو لحنضل نتناقش وين ناكل هسه خلي نضرب ؤو وين مكان حبي  ^o^||3
أما بالنسبة للتفاصيل فالغده يكون على التبريد إبمطعم مرتب بيه خوش كعده ؤو خوش اكل مثل مطعم صمودي الورده لأن جونا بالنهار صاير فرن والواحد طافر من هدومه من الحراره  :ahalna_emotions (16): هاي سالفة ليش صمد , أما سالفة العشه فكولش ممتع من تتعشه عله ضفاف دجلة وخصوصا هالأيام الجو باليل إيخبل , أما ليش بالعطيفية لأن مطاعم نهر دجلة كلها تعبانه إذا كانت على أبو نؤاس :ahalna_collection (55): إيههههههههه أيام :ahalna_collection (24):  أو بالكريعات  :ahalna_emotions (6):, يعني مثلا مطعم البلام عود آلله يجرّم هو أحسن مطعم بالكريعات ؤو داعتك إيلعب النفس من تكعد بيه متشوف غير الجينكو جوه رجلك والأكل جنه بايت والمقبلات متحجّره ههههههه فنصيحة لتعشينا إبغير العطيفية لان بيها خوش كعده والأكل راقي جدا ... يمعود عبّالك تفلت من العزيمه  :ahalna_collection (51): هاي سالفه متشتغل عندي خخخخخخخخخخ  :ahalna_collection (24): , هلو إيهابنا الغالي ...  :ahalna_emotions (100):

هههههههههههههههههههههههههههههه احلى شي مطعم البلام ادري كاعد بمطعم لو بكهف  ;D ;D
واحلى غداء لأحلى ابو عبدالله والجماعه.....يلا تفضلوا , وبعدين اليوم بالليل اعزمكم على العشى....

(http://www13.0zz0.com/2014/05/25/10/642538270.jpg) (http://www.0zz0.com)

لحد يستحي الله عليكم  ;D
العنوان: رد: شنو طبختوا اليوم ...........
أرسل بواسطة: أبوعبدآلله في May 25, 2014, 01:47 مسائاً

هههههههههههههههههههههههههههههه احلى شي مطعم البلام ادري كاعد بمطعم لو بكهف  ;D ;D
واحلى غداء لأحلى ابو عبدالله والجماعه.....يلا تفضلوا , وبعدين اليوم بالليل اعزمكم على العشى....

(http://www13.0zz0.com/2014/05/25/10/642538270.jpg) (http://www.0zz0.com)

لحد يستحي الله عليكم  ;D


 :ahalna_collection (69): هلا هلا هلا هذا الحجي الصدك حبيبي كفيت ووفيت أغاتي , يمعود يا صمد يا بطيخ هاي عزيمتك طبخ بيت إمعدّلة  :ahalna_collection (52): ههههههههههه بله زحمه وين بيتكم  :ahalna_emotions (88):  :ahalna_collection (24): لأن أخوك يعشق طبخ البيت من هلمستوى ... تعيش يا ورد عله هالذوق الراقي والكرم السخي إيهابنا الحبيب  @};- @};- @};-
العنوان: رد: شنو طبختوا اليوم ...........
أرسل بواسطة: Sweet Heart في May 25, 2014, 01:51 مسائاً

هههههههههههههههههههههههههههههه احلى شي مطعم البلام ادري كاعد بمطعم لو بكهف  ;D ;D
واحلى غداء لأحلى ابو عبدالله والجماعه.....يلا تفضلوا , وبعدين اليوم بالليل اعزمكم على العشى....

(http://www13.0zz0.com/2014/05/25/10/642538270.jpg) (http://www.0zz0.com)

لحد يستحي الله عليكم  ;D


 :ahalna_collection (69): هلا هلا هلا هذا الحجي الصدك حبيبي كفيت ووفيت أغاتي , يمعود يا صمد يا بطيخ هاي عزيمتك طبخ بيت إمعدّلة  :ahalna_collection (52): ههههههههههه بله زحمه وين بيتكم  :ahalna_emotions (88):  :ahalna_collection (24): لأن أخوك يعشق طبخ البيت من هلمستوى ... تعيش يا ورد عله هالذوق الراقي والكرم السخي إيهابنا الحبيب  @};- @};- @};-

يمعود ابو عبدالله صدك تحجي ؟؟؟
مو حكك خروف هسه  ;D يا صمد يا كريعات يا كهف قصدي البلام ههههههههههههههههههههه  ;D ;D
تدلل ابو عبدالله الامل والسعاده  @};- @};-
العنوان: رد: شنو طبختوا اليوم ...........
أرسل بواسطة: الامل في May 27, 2014, 10:33 مسائاً
عيني ...كريعات .. ؟ابو نؤاس.. ؟اللعطيفيه ..؟ وين ماجان ..هههههههههه المهم سمج مسكووف ولو اهنا اكو مطاعم عراقيه تسوي سمج بس ماتوصل للي موجود ببغداد
 وبالمناسبه هاي ثلاث سنوات بالضبط ع هذا الموضوع وهو مستمر ..ويكلك العراقي مايحب الاكل  ^o^||3 ^o^||3 تحياتنا لصاحبة الموضوع الموناليزا وين وماتكون  @};- @};- @};-
 ها وقبل مانسى اليوم اتغدينا برده بلاو  ولا احد يكول ماعرفه  ;)
العنوان: رد: شنو طبختوا اليوم ...........
أرسل بواسطة: Sweet Heart في May 27, 2014, 10:43 مسائاً
عيني ...كريعات .. ؟ابو نؤاس.. ؟اللعطيفيه ..؟ وين ماجان ..هههههههههه المهم سمج مسكووف ولو اهنا اكو مطاعم عراقيه تسوي سمج بس ماتوصل للي موجود ببغداد
 وبالمناسبه هاي ثلاث سنوات بالضبط ع هذا الموضوع وهو مستمر ..ويكلك العراقي مايحب الاكل  ^o^||3 ^o^||3 تحياتنا لصاحبة الموضوع الموناليزا وين وماتكون  @};- @};- @};-
 ها وقبل مانسى اليوم اتغدينا برده بلاو  ولا احد يكول ماعرفه  ;)

ابو نؤاس احلى كعدة بي هسه....... =P~
بالنسبة للبرده بلاو هاي شباب اله طلعتهه من النت ههههههههههههههههه
(http://www13.0zz0.com/2014/05/27/19/308797462.jpg) (http://www.0zz0.com)
تدللون وتحياتي هههههههههههههههه

اليوم الغداء كان تمن مع يخني.....والعشاء هسه داتعشى حاليا بورك ولحم بعجين  ^o^||3 ~o)
العنوان: رد: شنو طبختوا اليوم ...........
أرسل بواسطة: zaid alsalam في May 28, 2014, 07:29 صباحاً
اني الكليسترول صاعد عندي ومنعت من هوايه اكلات
العنوان: رد: شنو طبختوا اليوم ...........
أرسل بواسطة: мαяyαи في May 29, 2014, 01:44 صباحاً
اني الكليسترول صاعد عندي ومنعت من هوايه اكلات

لعد دير بالك من هذا الموضوع لان هنا كل الاكل دسم وممنوع للي عدهم الكيلسترول والضغط والسكر والقلب  ;D ;D ;D ;D الف سلامة عليك اخ زياد  @};-
العنوان: رد: شنو طبختوا اليوم ...........
أرسل بواسطة: Sweet Heart في May 29, 2014, 06:08 مسائاً
اليوم الغداء كان تمن مع مرقة باذنجان....وداانتظر العشاء بعد قليل  ;D
العنوان: رد: شنو طبختوا اليوم ...........
أرسل بواسطة: الامل في May 29, 2014, 10:21 مسائاً
طبخنا اليوم يخني دجاج ... اي مركة دجاج ع العدس هاي للي مايعرفه  B-)مع رز وسلطة
 والعشا بيتزا .. بمطعم القيصر الصغير تخبل مكانكم خاالي  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في May 30, 2014, 12:44 صباحاً
طبخنا اليوم يخني دجاج ... اي مركة دجاج ع العدس هاي للي مايعرفه  B-)مع رز وسلطة
 والعشا بيتزا .. بمطعم القيصر الصغير تخبل مكانكم خاالي  ^o^||3

عافيات على ألبج......
اليوم العشاء كان شاورما لحم  ;D ;D  ^o^||3 ووراها عصائر وفاكهه  ~o)
العنوان: رد: شنو طبختوا اليوم ...........
أرسل بواسطة: الامل في Jun 03, 2014, 11:03 صباحاً
اليوم الغدا ان شالله دولمه وشغلها هوايه من هسه بدينه بيها ااني وماما بس اهم شي لاجعه وحامضه ودهينه ههههههههههه وطبعا الخبز العراقي حاضر ولبن  ^o^||3
العنوان: رد: شنو طبختوا اليوم ...........
أرسل بواسطة: Sweet Heart في Jun 03, 2014, 10:11 مسائاً
عافيات الامل....أطيب شي دولمة لاجعه وحامضه وحمره وليست بيضه هههههههههههه....شنو داطلع جنسية مثلا ؟ هههههههههههه

الغداء اليوم كان كنتاكي بالشركة  ;D ^o^||3 ~o)
والعشاء كان مخلمه  ;D
العنوان: رد: شنو طبختوا اليوم ...........
أرسل بواسطة: تعابير انسان في Jun 04, 2014, 09:43 مسائاً
عافيات عليكم جميعا بيت اهلنا
اليوم الغداء تشريب لحم احمر وتمن والنواعم
ايهاب لتكلي ما اعرف التشريب الاحمر هههههههههه
سلامي للجميع
العنوان: رد: شنو طبختوا اليوم ...........
أرسل بواسطة: Sweet Heart في Jun 04, 2014, 11:00 مسائاً
عافيات عليكم جميعا بيت اهلنا
اليوم الغداء تشريب لحم احمر وتمن والنواعم
ايهاب لتكلي ما اعرف التشريب الاحمر هههههههههه
سلامي للجميع

ههههههههههههههههههههههههههههههههههههههههههههههه
والله ضحكتني ادري قابل صار مركة عدس مثلا  ;D ترة عندي صلح وية هيجي سوالف بس المركة عدس يراد شوية اتعرف عليهه بالزايد  ;D
عافيات حبي حمودي......الغداء كان كبة بالشوربة الحمراء رجعت من الشركة لكيتهه كدامي  ;D
والعشاء كان لحم بعجين  ~o) ^o^||3
العنوان: رد: شنو طبختوا اليوم ...........
أرسل بواسطة: الامل في Jun 06, 2014, 09:20 مسائاً
عافيات ع الجميع
 غدانا كان مشويات وبابا غنوج وسلطات وطبعا وراها ال    ~o)  وعشا ماكووو مسوين رجيم ههههههههههههه جانا الصيف  ;D
العنوان: رد: شنو طبختوا اليوم ...........
أرسل بواسطة: Sweet Heart في Jun 06, 2014, 10:12 مسائاً
عافيات ع الجميع
 غدانا كان مشويات وبابا غنوج وسلطات وطبعا وراها ال    ~o)  وعشا ماكووو مسوين رجيم ههههههههههههه جانا الصيف  ;D

وهم عافيات......
بس اني ماعندي مسألة اسمهه ( رجيم )  ;D ;D
اليوم الغداء جنت معزوم , كان سمك وبرياني واشكال...والعشاء كان شاورما دجاج والحمدلله والشكر  ^o^||3
العنوان: رد: شنو طبختوا اليوم ...........
أرسل بواسطة: мαяyαи في Jun 08, 2014, 11:03 مسائاً
اليوم دولمة  ^o^||3
العنوان: رد: شنو طبختوا اليوم ...........
أرسل بواسطة: мαяyαи في Nov 16, 2014, 11:30 مسائاً
اليوم طابخين شيخ محشي الي يحبه يتفضل يتغدا ويانه  ^o^||3 ^o^||3
العنوان: رد: شنو طبختوا اليوم ...........
أرسل بواسطة: Corelead في May 19, 2015, 04:24 مسائاً
اليوم غدانا كان باميه
العنوان: رد: شنو طبختوا اليوم ...........
أرسل بواسطة: thunder bolts في Oct 03, 2015, 11:48 صباحاً
السلام عليكم

 داعيكم مواطن جديد ^_^

بالنسبه للاخ ددوفي شكد نزلت لحد الان وصار شكد الفتره ؟؟؟؟
اني نزلت 38 كيلو وصارلي سنتين اشيل حديد  ال 38 كيلو نزلتهن ع فترات متباعده متقطعه يعني 18 كيلو ب 7 اشهر تقريبا والباقي كل شهرين تقريبا انزل 7 الى 9 كيلو والنظام الي ماشي عليه امريكي   اذا تحب انطيك شنو مفرداته واني هم احب اسمع منك

تحياتي للجميع
العنوان: رد: شنو طبختوا اليوم ...........
أرسل بواسطة: Oscar في Dec 02, 2015, 10:27 صباحاً
البارحة العشه مشاوي مشكل  مكانكم خالي  <):) @};-
العنوان: رد: شنو طبختوا اليوم ...........
أرسل بواسطة: شموخ بغداد في Dec 03, 2015, 08:58 صباحاً
عافيات  اوسكار اجواء الشوي تجنن خصوصا بالشته وعلى جمرية خشب مو فحم كواني جاهز    =P~ =P~ =P~ =P~ =P~ =P~
العنوان: رد: شنو طبختوا اليوم ...........
أرسل بواسطة: Pira في Dec 03, 2015, 09:32 مسائاً
البارحة العشه مشاوي مشكل  مكانكم خالي  <):) @};-
ألف و مليون عافية، چان بيها شوي سمك؟
العنوان: رد: شنو طبختوا اليوم ...........
أرسل بواسطة: شموخ بغداد في Dec 06, 2015, 10:50 مسائاً
تمن باكله و شويه وياه جزر و بصل  و مي لحم ويه اجواء البرد شي لذيذ جدا تمنيتكم ويانه
العنوان: رد: شنو طبختوا اليوم ...........
أرسل بواسطة: Oscar في Dec 07, 2015, 12:52 مسائاً
البارحة العشه مشاوي مشكل  مكانكم خالي  <):) @};-
ألف و مليون عافية، چان بيها شوي سمك؟

لاوالله اخويه بيرا مع الاسف جان شوي تكة وكباب وافخاذ دجاج والبارحة تشريب لوبيا حمرة 
اخويه شموخ فعلا على جمر خشب  دزيت الولد من راس الشارع شكو شجرة غصن خشن مقطوعه سحلوها و كسرناها و عندي صندوق حديد جبير مسوي منقله ووره الشوي نقلنا الجمر بطاسة بناء و خليتها بالصالة حياة سعيدة هههههههه

 <):) @};- =P~
العنوان: رد: شنو طبختوا اليوم ...........
أرسل بواسطة: Oscar في Dec 07, 2015, 12:54 مسائاً
تمن باكله و شويه وياه جزر و بصل  و مي لحم ويه اجواء البرد شي لذيذ جدا تمنيتكم ويانه

بالعافية ياغالي   <):) @};-
العنوان: رد: شنو طبختوا اليوم ...........
أرسل بواسطة: شموخ بغداد في Dec 10, 2015, 01:02 مسائاً
اليوم الغدو تشريب لحم تفضلوا ويانه الحبايب
العنوان: رد: شنو طبختوا اليوم ...........
أرسل بواسطة: اريد السفر لكندا في Jan 03, 2016, 10:04 صباحاً
مركة بتيتة
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Jan 08, 2016, 05:10 مسائاً
اليوم الغدو تشريب لحم تفضلوا ويانه الحبايب
فاتتني العزيمة  ^o^||3 حرامات  :(
بس ان شاء الله بالجايات نترصد الها  ;D
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Jan 08, 2016, 05:11 مسائاً
مركة بتيتة
بالعافية ، طيبة و أحبها هواية
العنوان: رد: شنو طبختوا اليوم ...........
أرسل بواسطة: اريد السفر لكندا في Jan 13, 2016, 09:48 صباحاً
تمن عدس
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Jan 13, 2016, 10:15 صباحاً
تمن عدس
أموت عليها
بالعافية
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Jan 13, 2016, 10:20 صباحاً
من الملاطفة ايضا تغدينا تمن و شوربة العدس
العنوان: رد: شنو طبختوا اليوم ...........
أرسل بواسطة: الصديق الوفي في Oct 05, 2016, 09:49 صباحاً
اليوم طبخت تمن احمر ودجاج وشوربه وزلاطة بتيته (عباره عن بتيته مسلوكه تقطع مكعبات ونص راس بصل وشويه معدنوس وعصير نومي حامض وزيت زيتون) كولش طيبه .

خالتكم ام علاوي
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Oct 09, 2016, 07:22 مسائاً
اليوم يخني
على المثل العراقي : اليخني دوخني ، من صدك اليوم دوخني  ;D
العنوان: رد: شنو طبختوا اليوم ...........
أرسل بواسطة: الصديق الوفي في Oct 11, 2016, 09:17 صباحاً
  اليوم طبخت قيمه مكانكم خالي وياها تمن بس اشلون قيمه طلعت من هاي النجفيه
العنوان: رد: شنو طبختوا اليوم ...........
أرسل بواسطة: پ چ ژ گ ڤ في Oct 11, 2016, 06:06 مسائاً
راح نجيت بالحاسبة من ورى الموضوع  ^o^||3 ^o^||3
بالعافية