طباعة الصفحة - زهيريات وعتابة ...

بيت اهلنا المغتربين

الاقسام التثقيفية => شارع المتنبي => الموضوع حرر بواسطة: HOWDY في Mar 24, 2011, 08:33 مساءاً

العنوان: زهيريات وعتابة ...
أرسل بواسطة: HOWDY في Mar 24, 2011, 08:33 مساءاً
قصيدة زهيرية  سباعية من نوع الذهب الأحمر
**********************************************


مـو بَسْ عليـّه  القدَرْ حُكمـَه عَلبشـر يجري

ساعـة فرحَـة وسـاعة أمطـار إلدمـعْ يجري

هظيمة عُمري وَيْ فرگـاك بالحِرمانْ يجري

ماريد حنيّة چـذِبْ لا جبر خاطر ردِت بيمنْ

حِرت يا زمن إلمن اكـذبْ لو اصـدّ گـ  بيمنْ

الـگـلب من حـرگـة ضـلوعي... رحَـل بَيْمنْ

سـَفينة دونْ شــراعْْ وَسْـط المـوجْ... يجري
العنوان: رد: زهيري ...
أرسل بواسطة: alarmania في Mar 24, 2011, 09:18 مساءاً
هودي شنو رايك تغير العنوان وتسويه زهيريات ؟
حتى تكون صفحة مفتوحة للمشاركة اليومية

عاشت ايدك ع الزهيري الجميل


وهاي طبعا منقولة كذب الارمنية تعرف تكتب زهيري ههههههههه


يا منهل الروح روحي لو ترد منهلك
ما جان طول العمر شكوى انبدت منهلك

تدري بهلاكي وتناشدني بدهر منهلك

منهو الك غيري وغيرك ما هلكني احد

واهلك رموني بتهم من نار هجرك احد

سلمت امري وامرك وامرهم بيد واحد احد

منك عسى الله ياخذ حوبتي ومنهلك
العنوان: رد: زهيري ...
أرسل بواسطة: HOWDY في Mar 24, 2011, 09:27 مساءاً
شكرا لاقتراحك سيدتي الفاضلة وساقوم بتغيير العنوان الى زهيريات مع كل الممنونية ومن خلال شخصك الكريم اتوجه بالدعوة لكل من لديه ابيات من الزهيري ان يتفضل مشكورا بتطريز هذه الصفحة بهذا النوع الجميل من قصائد الشعر

اما بما يتعلق بقدرتك على كتابة الزهيري فاعتقد ان من الممكن ذلك ولا يشترط ان تبدأي بالزهيري السباعي الاحمر بل يمكن ان تبدأي بالابيض او الخماسي او الرباعي وانا واثق انك ستجدين نفسك قد ابدعت بما تجود به روحك الشفافة

باركك الله سيدتي الكريمة ودمت بكل الود
العنوان: رد: زهيري ...
أرسل بواسطة: الاماني في Mar 24, 2011, 09:32 مساءاً
جدا حلو الموضوع وفكرته باركك ربي  تحياتي
ولو مفهمت شنو سباعي وخماسي ممكن  تسلط لنا الضوء ولو بشكل مبسط
العنوان: رد: زهيري ...
أرسل بواسطة: HOWDY في Mar 24, 2011, 10:08 مساءاً
جدا حلو الموضوع وفكرته باركك ربي  تحياتي
ولو مفهمت شنو سباعي وخماسي ممكن  تسلط لنا الضوء ولو بشكل مبسط

عزيزتي الاماني بالبداية اشكر ابداء الراي بالقصيدة
الزهيريات هي نوع من الشعر مستقل بذاته وقد تكون من الشعر التقليدي او الشعر الشعبي وهي الاكثر انتشارا في منطقة الخليج العربي مع ان نشوءها كما يعتقد البعض كان في العراق الا انها تحورت فيما بعد لتصبح ابوذية

وهي انواع
 
السباعية وتتكون من 7 ابيات  وبدورها تنقسم قسمين الاحمر والابيض

الزهير ( الأحمر ) ، تكون القافية لكل اخر كلمة في البيت واحدة مع اختلاف المعنى وذلك في الابيات الثلاثة الاولى
يتلوها ثلاث ابيات بكلمات مختلفة عن الثلاثة الاولى
اما البيت السابع فنجد اخر كلمة من الابيات الولى

اما الابيض فنفس الفكرة مع التقليل من شدة القيود المفروضة على الشاعر حيث يمكنه التصرف
بادراج نفس الكلمة بنفس المعنى


الخماسية

من خمس أشطر القافية في الثلاث الأولى واحدة
وتكون في كل شطر بمعنى اخر
تتغير  قافيتها في الشطر الرابع
ومن ثم تعود على نفس القافية في الشطر الخامس .


الرباعية

عبارة عن اربع أربع أشطر ، وتكون القافية فيها واحدة ،
والافضل ان تحمل في كل شطر معنى اخر

الف شكر لكرم المتابعة

العنوان: رد: زهيريات ...
أرسل بواسطة: الاماني في Mar 24, 2011, 10:49 مساءاً
عاشت ايدك واشكرك على الايضاح  لعد راح احفظهن زين واكتب زهيريات وانت تمتحني وتقيم  كلماتي
مو متنطيني عشرة من عشرة هههههه
تحياتي لك اخي المحترم
العنوان: رد: زهيري ...
أرسل بواسطة: alarmania في Mar 24, 2011, 10:56 مساءاً
شكرا لاقتراحك سيدتي الفاضلة وساقوم بتغيير العنوان الى زهيريات مع كل الممنونية ومن خلال شخصك الكريم اتوجه بالدعوة لكل من لديه ابيات من الزهيري ان يتفضل مشكورا بتطريز هذه الصفحة بهذا النوع الجميل من قصائد الشعر

اما بما يتعلق بقدرتك على كتابة الزهيري فاعتقد ان من الممكن ذلك ولا يشترط ان تبدأي بالزهيري السباعي الاحمر بل يمكن ان تبدأي بالابيض او الخماسي او الرباعي وانا واثق انك ستجدين نفسك قد ابدعت بما تجود به روحك الشفافة

باركك الله سيدتي الكريمة ودمت بكل الود


اشكرك جدا اخي هودي لتلبيتك طلبي فعلا قبل ما كنت اعرف الفرق بين الابوذية والدارمي والزهيري
لكن احد الاخوة الافاضل ببيت الحجي نزل موضوع زهيريات واكتسبت منه بعض الالمام بفكرة الزهيري
لكن ان اكتبه انا لا اعلم حقا اجده صعبا جدا علي لكن ربما بيوم ما احاول لما لا لكن اظنني لن انجح فيما لو اردت ان تقيم ما ساكتبه ههههههههههه
الله كريم ربما حاولت لاحقا بكتابته
اشكرك مرة اخرى ودمت بكل الخير والابداع دوما
تحياتي
العنوان: رد: زهيريات ...
أرسل بواسطة: HOWDY في Mar 24, 2011, 11:00 مساءاً

مو من عيني بس انتي كتبي وهاي من هسة مية من عشرة
 :ahalna_Signs (63): :ahalna_Signs (61): :ahalna_Signs (37):

العنوان: رد: زهيري ...
أرسل بواسطة: HOWDY في Mar 24, 2011, 11:08 مساءاً
اشكرك جدا اخي هودي لتلبيتك طلبي فعلا قبل ما كنت اعرف الفرق بين الابوذية والدارمي والزهيري
لكن احد الاخوة الافاضل ببيت الحجي نزل موضوع زهيريات واكتسبت منه بعض الالمام بفكرة الزهيري
لكن ان اكتبه انا لا اعلم حقا اجده صعبا جدا علي لكن ربما بيوم ما احاول لما لا لكن اظنني لن انجح فيما لو اردت ان تقيم ما ساكتبه ههههههههههه
الله كريم ربما حاولت لاحقا بكتابته
اشكرك مرة اخرى ودمت بكل الخير والابداع دوما
تحياتي

لا لا اكيد تكدرين باذن الله وهسة تشوفين من تبدين شون يصيرلج واهس وانشالله نشوف ابداعاتج عن قرييييب
تحياتي
العنوان: رد: زهيريات ...
أرسل بواسطة: الاماني في Mar 24, 2011, 11:16 مساءاً
مو من عيني بس انتي كتبي وهاي من هسة مية من عشرة
 :ahalna_Signs (63): :ahalna_Signs (61): :ahalna_Signs (37):
هههههه لا لعد ما اكتب لان ضمنت النجاح هههههههه
تحياتي لك
العنوان: رد: زهيريات ...
أرسل بواسطة: HOWDY في Mar 24, 2011, 11:41 مساءاً
هههههههههه والله عليج سوالف تمووووووووت من الضحك
باركج ربي وجعل ايامج كلها سعااااااادة
العنوان: رد: زهيريات ...
أرسل بواسطة: الاماني في Mar 25, 2011, 12:08 صباحاً
اتذكر هااي مرة كتبتهه من تاليفي باحد الردود

مو تقلد عليه هههه ولا تضحك على الخربطه هههههه هي مجرد محاولة

كم ألم بيه  اسكت وأدآري
هجرني الفرح وفاركت دآري
ادري يلمحب تعرف كلشيئ ودآري
زمانك يلغالي اخذ روحك من بين ايديه
العنوان: رد: زهيريات ...
أرسل بواسطة: HOWDY في Mar 25, 2011, 12:32 صباحاً
الله... بس يعني ليش تتصورين اضحك؟

اصلا قسما بالله وبدون اي مبالغة حسرتني العبرةمن قريتها لان فعلا مليانة حزن واني كدام الحزن كلش ضعيف

بس اذا تسمحيلي ومن بعد اذنج انه احذف كلمات قليلة منها وارجو ان ما تعتبريه تجاوز مني


كـم ألــم بيه...اســكت وأدآري
هجرني الفرح من فاركت دآري
ادري يلمحـب تعــرف... ودآري
زمانك يغالي اخذ روحك من ايديه


رووووووووووعة والله... وتكولين ما اعرف؟ لعد لو تعرفين شون؟ ???

عاشت ايدج فعلا موهوبة
بارك الله بيج وبالتوفيق
العنوان: رد: زهيريات ...
أرسل بواسطة: الاماني في Mar 25, 2011, 01:20 صباحاً
 :) عيني مو تره راح تسويلي واهس وصراحة  اني اللي كتبته هو مني بس قديم يعني مو مال اليوم
وهذا ايضا قديم  كاتبته باحد الردود وبصدق من تاليفي
----------------------------------------
هجرني الفرح يايمه وخلاني
أكطع دربي مشي  للخلآني
هم بعد تريد الك خليل اني
كل البشر حولي واحس خلا بس اني
هجرك اخذ الروح وبالقبر خلاني

--------------------------------------------
ارجو اذا به خلل ان ترتبه لي  تحياتي واحترامي
العنوان: رد: زهيريات ...
أرسل بواسطة: alarmania في Mar 25, 2011, 07:00 صباحاً


هذا الزهيري للشاعر مالك الحزين



گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته
العنوان: رد: زهيريات ...
أرسل بواسطة: الصديق الوفي في Mar 25, 2011, 07:54 صباحاً
استاذي الفاضل هودي ولو اني اكتب شعر فصحى بس راح اجرب وهمين اريد مثل امونه امتحان شكرا على الموضوع الجميل.
العنوان: رد: زهيريات ...
أرسل بواسطة: alarmania في Mar 26, 2011, 07:05 صباحاً


يسعد مساكم\صباحكم




لو أشـكـي همن بقلبي للنجـــوم نزلن
سبع السماوات .. من جور الزمان نزلن
وطعـوس الأجبـال.. بعـد الرفــاع إنزلن

الطيـر حـــوآم .. مـــا يسكـن النــازلـة
يسكن بروس العـلا ما يسكن النــازلـة
يــالله .. يللـي رحـمتـك علـيـنا نـــازلـة

تداوي جروحن غايبـات .. بقلبي نزلـن

العنوان: رد: زهيريات ...
أرسل بواسطة: swan_mo في Mar 26, 2011, 08:03 صباحاً
يعني صدك تسون واهس للواحد يكتب زهيري
استاذي العزيز سيد هودي اريد منك نقد بس شوية على كيفك علينا ترة هاي اول مرة اكتب زهيري واتمنى مايطلع لونها برتقالي
تحياتي سيد هودي المحترم وعاشت ايدك على هالموضوع الممتع

بعَد عني ولاحسب عزّة وخاطر
ياخذني ليل السهر بأمل منه وخاطر
كلّ من عرف قصتي ،كال لاتجّن وتخاطر
صفيت بمحنتي صابر عالألم والهّم
ودعت الفرح ومن تراب الحزن الهّم
انطر محنّة تجي منهم وأهلهّم
جزاني بغدر ماكان على بالي وخاطر
العنوان: رد: زهيريات ...
أرسل بواسطة: HOWDY في Mar 26, 2011, 06:49 مساءاً
:) عيني مو تره راح تسويلي واهس وصراحة  اني اللي كتبته هو مني بس قديم يعني مو مال اليوم
وهذا ايضا قديم  كاتبته باحد الردود وبصدق من تاليفي
----------------------------------------
هجرني الفرح يايمه وخلاني
أكطع دربي مشي  للخلآني
هم بعد تريد الك خليل اني
كل البشر حولي واحس خلا بس اني
هجرك اخذ الروح وبالقبر خلاني

--------------------------------------------
ارجو اذا به خلل ان ترتبه لي  تحياتي واحترامي

عاشت ايدج وهو مرتب بس اني رح اخربطه هههههه


هجرني الفـرح ... يمه خـلاني
أكطع مشي دربي... للخلآني
هــم بعدك تريدني خل إلك اني
خلا حسيت بين البشر بس اني
هجـرك اخذ روحي بالقبر خلاني

بارك الله بيج اختي العزيزة



العنوان: رد: زهيريات ...
أرسل بواسطة: HOWDY في Mar 26, 2011, 06:54 مساءاً
استاذي الفاضل هودي ولو اني اكتب شعر فصحى بس راح اجرب وهمين اريد مثل امونه امتحان شكرا على الموضوع الجميل.


مو صار من عيوني اختي العزيزة بس تعرفين الزهيري الفصيح كلش حلو لو تجربي اكيد رح تحبي

ممنون منج اختي الكريمة
العنوان: رد: زهيريات ...
أرسل بواسطة: HOWDY في Mar 26, 2011, 06:59 مساءاً
يعني صدك تسون واهس للواحد يكتب زهيري
استاذي العزيز سيد هودي اريد منك نقد بس شوية على كيفك علينا ترة هاي اول مرة اكتب زهيري واتمنى مايطلع لونها برتقالي
تحياتي سيد هودي المحترم وعاشت ايدك على هالموضوع الممتع

بعَد عني ولاحسب عزّة وخاطر
ياخذني ليل السهر بأمل منه وخاطر
كلّ من عرف قصتي ،كال لاتجّن وتخاطر
صفيت بمحنتي صابر عالألم والهّم
ودعت الفرح ومن تراب الحزن الهّم
انطر محنّة تجي منهم وأهلهّم
جزاني بغدر ماكان على بالي وخاطر


الله ...سلمت يمينك سيدتي الكريمة وبما انها اول محاولة فلا شك انك تمتلكين القدرة والبراعة في صياغة هذا النوع من الشعر

ننتظر المزيد من ابداعاتك سيدتي ودمت بود
العنوان: رد: زهيريات ...
أرسل بواسطة: HOWDY في Mar 26, 2011, 07:06 مساءاً
انا ايضا اول مره اكتب الزهيري ارجو ان ينال اعجابكم  من حيث المضمون والوز ن وكله على بعضه....
من طلت بحينا كال الكلب وي هله
ثلثين عمري اله والباقي مني الهله
ما رايد اكثر فقط اسمع حجي منهله
هواها شلني وروحي سبتها
عهد مني لامها منسبتها
اليهوديه شوكت تنسى سبتها
الطب يداوي الجرح بس الكلب منهوله

 ها خويه هاودي استمر لو ابطل .... مع كل الحب
.


خوية مدكلي شتبطل... عمي اني اللي لازم ابطل ما شاء الله ولا خاب ظني جنت متاكد انه كل الاعضاء مبدعين وفعلا دا الاحظ هذا الشي
تدرون يا جماعة لو تشوفون اول زهيري كتبته جان شلتوني اني وياه وشمرتوني بالشط هههههههه

عاااشت ايدك والله بدون مجامله كلها الزهيريات روعة
والله فرحت بيكم

دايمين
العنوان: رد: زهيريات ...
أرسل بواسطة: HOWDY في Mar 26, 2011, 07:08 مساءاً


يسعد مساكم\صباحكم




لو أشـكـي همن بقلبي للنجـــوم نزلن
سبع السماوات .. من جور الزمان نزلن
وطعـوس الأجبـال.. بعـد الرفــاع إنزلن

الطيـر حـــوآم .. مـــا يسكـن النــازلـة
يسكن بروس العـلا ما يسكن النــازلـة
يــالله .. يللـي رحـمتـك علـيـنا نـــازلـة

تداوي جروحن غايبـات .. بقلبي نزلـن



الله جميل جدا بارك الله بك اختي الفاضلة
العنوان: رد: زهيريات ...
أرسل بواسطة: HOWDY في Mar 26, 2011, 07:11 مساءاً
احب اتقدم بالشكر الجزيل لادارتنا الموقرة على التفاتتها الكريمة وتثبيت الموضوع واشكر ايضا الاخت الكريمة الارمنيه لاقتراحاتها ومشاركاتها

لا حرمني الله من كرمكم
العنوان: رد: زهيريات ...
أرسل بواسطة: HOWDY في Mar 26, 2011, 07:32 مساءاً
الشاعر فهد بورسلي

يا ناعـسَ الطـرفْ خَـلّ مواصلكْ مِنـا
واعرفْ حالاتِ الهـوى وَصـلْ إبلا مِنـا
لا تقـولْ مِنـا وانا قـولْ الـدرب مِنـا

أخاف حسـودي يفـرق شملـنا وَهْلِـْك
تِشمتْ بِنا الناسْ وخلقْ الله وهلـي وهْلِـك

مـا دام وهلتنـي واجـب أنا وهلـك
ليما يدور الفلـك نقضـي الوطـر منـا

العنوان: رد: زهيريات ...
أرسل بواسطة: HOWDY في Mar 26, 2011, 08:38 مساءاً
زهيري فصيح
**********



سِــرتُ بجنـاتٍ ضـمّتْ زهـوراً ... بينها

سـُـبحانَ من خـلقَ مـحاسـِـنَها وبيّنها

همستْ لي سّرَ جمالِها ...بيني وبينها

طوبى لِمن سّـبح الرحمنَ وقدّرا

أعطى جمالا لِمن شاء... وقدّرا

أعجَزنا إبداعُـهُ وغيرُه... ما قدِرا

قلبي تعلق بها... وخشيتُ ساعة بينَها
العنوان: رد: زهيريات ...
أرسل بواسطة: HOWDY في Mar 26, 2011, 08:49 مساءاً
زهيري رباعي
*************

مشيتْ بْروضة مليانة بزهَر سبحانْ مِن صوّرْ

رياحين وعِـطِر والـوانْ چنهه لوحات و صوَرْ

تاه العقـلْ... هلحِسـنْ ما مثله يـوم إلي صوّرْ

گــالت سبّحْ الرحمنْ... وحده لِلحسـنْ صـوّرْ
العنوان: رد: زهيريات ...
أرسل بواسطة: alarmania في Mar 26, 2011, 09:38 مساءاً
تعـرفـنـه الأصحاب لـو كالوا أبنخـوه نهـب
ونـصون وجه الصحيب وأله شـنملك نـهب
ذولـه الأصحاب اليهبونـه وألهم نهـب
كـل فـرد مـنهم يـرى الأنسان منه وبَـه
ماريد واحـد جَـشع حَـته أبـحديـثه وبـه
أضـخـم رصـيـد امتـلـك عـفه أو شهامه وبـه
ما أجـمـع الـمال مـن فايـض ومَسلك نـهـب
العنوان: رد: زهيريات ...
أرسل بواسطة: الاماني في Mar 27, 2011, 12:19 مساءاً

اهل خير ودلال كهوة للضيف جنه
مابينه عدو ولا عركات بين عمه وجنه
بلدنه دجلة والفرات واحلى من جنه
و بدم الكللب نكتب عراقين دوم احنه

ههههههههه حلللوو  مو  ههههه 
لا بس تره اكو عركات بين العمة والجنة ههههه تحياتي
العنوان: رد: زهيريات ...
أرسل بواسطة: swan_mo في Mar 27, 2011, 05:37 مساءاً
اسعدني تثبيت الموضوع،الف مبروك تستحق سيد هودي كل الثناء
واشكر تشجيعك الي بكتابة الزهيري ،اشكر ذوقك ياطيب ،بس عن جد اريد تنقد مواطن الخلل والضعف حتى نتعلم منك سيدي الفاضل
تحياتي واحترامي وكبير امتناني

 ياحُبكم عطر هيل ووجهكم كمر وسما اِلنا
وببعادكم لاحنّة لافرح ولا بدلّنا سملنا
بعدتوا وتالي خليتوا الهجر سمة اِلنا
يفّز كلبي لو سمع منكم صوتٍ ونادي
تسابك روحي جدمي وبأعلى صوتٍها تنادي
وجف المحنّة من دمع هالعين بفراككم نادي
جرعنا الصبر والهجر غصب عنا وسمّ النا


شراح يخلصك منا انت شجعتنا واحنا ماصدكنا
العنوان: رد: زهيريات ...
أرسل بواسطة: alarmania في Mar 27, 2011, 11:27 مساءاً

تتبطر انت وعلــــي ماشفت منك ورد
جنت ارسل وما ترد اسكت واجامل ورد
واردك فارغ علي ماشفت منك ورد
ترسل عليه بـده وارسل عليك بجمع
ما تلتكي ومن تجي حاضرك دوم بجمع
طاحت عليك النظر وانتى التجازي بجمع
لطلع انبش بهلك العــن واسب او ار
د
العنوان: رد: زهيريات ...
أرسل بواسطة: الاماني في Mar 28, 2011, 04:05 مساءاً
شكد حلو تكتبون بس مدا اعرف مثلكم  :'(
العنوان: رد: زهيريات ...
أرسل بواسطة: alarmania في Mar 28, 2011, 08:06 مساءاً
امونة  اقري اول رد الي بالموضوع ورح تعرفين شلون اني حلو اكتب  ;) هههههه

وهنا احب اعبر عن اعجابي الشديد باللي كتبه الاخ العزيز ذبيس صدقا زهيري روعة عاشت ايدك وننظر منك المزيد من الابداع في الزهيري والاخت العزيزة الغالية سوان مو زهيري جدا حلو عاشت ايدك وننتظر بلهفة ابداعاتك المتميزة

جم دوب اضل كاس الصبر متجرعة وشاربه
ولسان يحجي فلا يسكت اضن شاربه
والي تضن بي خير يطلع بالعكس شاربه
واكره معاش الذل وهو بيمن
خيف ولا اكول كلبي ويرتجي بيمن
كل لبن الاجواد اتعلك بعد بيمن
من حيث بالموس كصه من الاصل شاربه






العنوان: رد: زهيريات ...
أرسل بواسطة: HOWDY في Mar 29, 2011, 08:04 صباحاً
اسعدني تثبيت الموضوع،الف مبروك تستحق سيد هودي كل الثناء
واشكر تشجيعك الي بكتابة الزهيري ،اشكر ذوقك ياطيب ،بس عن جد اريد تنقد مواطن الخلل والضعف حتى نتعلم منك سيدي الفاضل
تحياتي واحترامي وكبير امتناني

 ياحُبكم عطر هيل ووجهكم كمر وسما اِلنا
وببعادكم لاحنّة لافرح ولا بدلّنا سملنا
بعدتوا وتالي خليتوا الهجر سمة اِلنا
يفّز كلبي لو سمع منكم صوتٍ ونادي
تسابك روحي جدمي وبأعلى صوتٍها تنادي
وجف المحنّة من دمع هالعين بفراككم نادي
جرعنا الصبر والهجر غصب عنا وسمّ النا


شراح يخلصك منا انت شجعتنا واحنا ماصدكنا


سيدتي الفاضلة

الف شكر لتهنئتك الرقيقة لا حرمني الله من كرمك البالغ
والله بدون اي مجاملة ما جئت به رائع جدا وينم عن اقتدار عالي في مجال الشعر عامة والزهيري خاصة
اما بالنسبة لبيان مواطن الضعف فذلك امر يشق علي الى اقصى الحدود فانا ابحث عن مكامن الجمال في اي قصيدة وما يبدو لي جيد قد يبدو لغيري بشكل اخر فمن المستحيل اتفاق جميع الاراء على امر واحد ...وانا ادرك جيدا اعتزاز الاديب بكل كلمة يسطرها فقد افرغ فيها جل احاسيسه ومستواها لا يغير اعتزازه بها اطلاقا...واعود لاثني على ما جئت به من زهيري مفعم بروح الاحساس والاناقة وانا واثق ان الاكثار من قرااءة الشعر سيصقل موهبتك الواضحة وستشرقين علينا بجديدك باذن الله
باركك الله ودمت بكل الود

العنوان: رد: زهيريات ...
أرسل بواسطة: HOWDY في Mar 29, 2011, 08:30 صباحاً
صح اخي هاودي مثل ما تفضلت الاخت ام محمد  اشر على مواطن الخخل حتى الواحد يصلحها ..  هناك اخت لحد الان متعرف شلون ينكتب الزهيري يعني عدد القوافي وكم شطر وباي قافيه ينتهي.ولو فد فكره مبسطه عن الاوزان.. انت ما يصير ياعو اليكتب تكله عاشت ايدك ههههههه ..... مع الاعتذار

اخوية العزيز

بصراحة ما فهمت شتقصد من عدد القوافي وكم شطر واي قافية ينتهي ...اني نطيت فكرة عن الزهيري بناء على طلب احدى الاخوات الكريمات وبينت انواعة بشكل مبسط والشي الوحيد اللي ما ذكرته هو اسم الشيخ اللي ينسب اله الزهيري  وفرصة ان اذكره وهو الشيخ عبد الله الزهير
اما بخصوص الاوزان والقافية فهذا الشي يحتاج الى وقت طويل ربما سنوات من الدراسة للالمام بها
واعيد واكرر اعجابي البالغ بالزهيري اللي نورت بي الصفحة والله تفاجات بالمستوى العالي اللي كتبته بي وعندي يقين انه بالممارسة المستمرة رح توصل الى ارقى درجات الابداع

الله يبارك بيك
 

العنوان: رد: زهيريات ...
أرسل بواسطة: HOWDY في Mar 29, 2011, 08:39 صباحاً
اهل خير ودلال كهوة للضيف جنه
مابينه عدو ولا عركات بين عمه وجنه
بلدنه دجلة والفرات واحلى من جنه
و بدم الكللب نكتب عراقين دوم احنه

ههههههههه حلللوو  مو  ههههه 
لا بس تره اكو عركات بين العمة والجنة ههههه تحياتي

الله والله ريحة الكهوة والهيل ملت المكان بس الله يخليج خلي العمة بغرفتها والجنة بغرفته وخلينا نشرب الكهوة ببال رايق وصافي

طبعا مزيج رائع من الاصالة واالكرم والطيبة

كلش حلو الزهير ي اللي كاتبته

عاشت ايدج وبارك الله بيج
العنوان: رد: زهيريات ...
أرسل بواسطة: الاماني في Mar 29, 2011, 01:07 مساءاً
طبعا احنه  بهذا الموضوع منكدر نوصل لاساتذة وعباقرة الزهيري بس اكيد الاجتهاد حلو  ويدعو ان الواحد يشجع اللي عنده رغبة وحب بهذا النمط بس ميعرف يكتب او يعبر
يمكن بمرور الايام يتحسن وهو طبعا الحجي موجه لي لاني صفر بالزهيري هههههه
يعني اني اعتقد مو مشكله اذا منركز على القوافي والقواعد بكد ما هو حلو بالعفوية ههههه
الارمنية اي قريت ردك الاول  عمي طلعتي  تعرفين تكتبين  لعد شو بس اني ههههه
تحياتي وحبي لك حبيبة وان كان منقول فلك الشكر انك بحثت وتعبت لتبهجينا  اشكرك
العنوان: رد: زهيريات ...
أرسل بواسطة: ♥♥ RoLa ♥♥ في Apr 02, 2011, 09:39 مساءاً
عااااااااشت ايدك هاوووودي الوووووورد

ابدعت ياوردة

تحياتي رولاااااا
العنوان: رد: زهيريات ...
أرسل بواسطة: alarmania في Apr 03, 2011, 06:04 صباحاً
يا صـاح انا اخـوك لو جـار الـدهـر صـاحبك
سـكـران بـمـودتـك مـا يـوم انــــــا صـاحـبك
أنهظم لو اشوف غيري من الخلق صـاحبك
عـنـدك دقـايـق قـشـر تـمـرد قليبي مــــــــرد
وكـم عـاذلـن لامـنـي وانا لعـذولـي مـــــــرد
وانـت الـعـرفـتـك يـا كـريــــــــــم و مـــــــرد
لـكـن ألـف يـا حـيـف ما تعرف قـدر صاحبك

العنوان: رد: زهيريات ...
أرسل بواسطة: alarmania في Apr 04, 2011, 11:16 مساءاً
الطيب منكم بده مثل النهر جاري
وبيكم صفات الكرم للضيف والجاري
انتو ملاذ الدخل والمار والجاري
وجبال هيبه وسكن للروح مأمنها
وسيوف صرتو تگص العال ما منها
لمة نشامه وفخر والشين ما منها
تبقون سور ونخل للبيت والجاري
العنوان: رد: زهيريات ...
أرسل بواسطة: alarmania في Apr 06, 2011, 08:02 صباحاً


لليحب والمايحب وللي يضد مايلي
جفي اعتنه بطحيتي محد عدل مايلي

تانيت بس ما اجا عمر الفرح مايلي
وخلي واذا ما اجا ما بينت خلته

انه ليالي الحزن اكثر صبر خلته
خاف الشمس غشتة وجوة النجم خلته

شيكول غيمة صفة انه النهر ماي الي

العنوان: رد: زهيريات ...
أرسل بواسطة: the peace في Apr 06, 2011, 11:32 مساءاً
عزيزتي الارمنيه ..هسه هذا الزهيري كلش حلو هل هو من تاليفك ؟؟كلونه حتى الواحد يعرف راسه من رجليه
الزهيري ادناه من تاليفي وبكل فخر هههههههههههههههههه .

اتمنى اشم خدكم واتمنى ابوس ال وجن
ناطر دربكم صرت احسب الراحن وجن
كالوا لاهلي ابنكم يمكن تخبل وجن

بالليل كالوا حبيبك غادر الحي وسرى ............................معناها سافر ليلا

وخلاني حبك صنم للموت لازم سرى
ومحد درى بحسبتي لا الارمنيه وسرى
ونيران بحشاشتي من فركتك وجن

.
العنوان: رد: زهيريات ...
أرسل بواسطة: الاماني في Apr 07, 2011, 12:05 صباحاً
 الارمنية باكثر من مرة قالت انها لا تجيد تاليف الدارمي او الزهيري وقالت  كلها منقولة مما راق لها
يلله هسه منا ورايح كلنا عرفنه ان الارمنية بدورة تدريب هههههه وهسه نصبر فترة ونشوفهه استاذة بالزهيري
طالما عندها دافع ورغبة
تحياتي واحترامي للجميع
العنوان: رد: زهيريات ...
أرسل بواسطة: alarmania في Apr 07, 2011, 02:43 صباحاً
عزيزتي الارمنيه ..هسه هذا الزهيري كلش حلو هل هو من تاليفك ؟؟كلونه حتى الواحد يعرف راسه من رجليه
الزهيري ادناه من تاليفي وبكل فخر هههههههههههههههههه .

اتمنى اشم خدكم واتمنى ابوس ال وجن
ناطر دربكم صرت احسب الراحن وجن
كالوا لاهلي ابنكم يمكن تخبل وجن

بالليل كالوا حبيبك غادر الحي وسرى ............................معناها سافر ليلا

وخلاني حبك صنم للموت لازم سرى
ومحد درى بحسبتي لا الارمنيه وسرى
ونيران بحشاشتي من فركتك وجن

.



  صديقي المحترم السلام

تتصور الارمنية تعرف تكتب زهيري ههههههههههههه؟؟؟ حتى تعرف اقرا ردي هذا للزميل هودي

 ((وهاي طبعا منقولة كذب الارمنية تعرف تكتب زهيري ههههههههه ))

هههههه لكن جدا احب الاشعار بصورة عامة والصراحة اكولك لو حاولت الكتابة رح اكدر اكتب واني واثقة من كلامي
لكن مكتفية بالكوبي بيست هههههههههه


وشكرا الك للزهيري الرائع جدا عاشت ايدك يارب وتحياتي الك

العنوان: رد: زهيريات ...
أرسل بواسطة: alarmania في Apr 07, 2011, 02:53 صباحاً
الارمنية باكثر من مرة قالت انها لا تجيد تاليف الدارمي او الزهيري وقالت  كلها منقولة مما راق لها
يلله هسه منا ورايح كلنا عرفنه ان الارمنية بدورة تدريب هههههه وهسه نصبر فترة ونشوفهه استاذة بالزهيري
طالما عندها دافع ورغبة
تحياتي واحترامي للجميع


ههههههههههههه امونة عمي اني وين اصير استاذة حبيبة بكم الاستاذة الرائعين
الموجودين هنا صدقا اقلام رائعة دا اشوفها تكتب زهيريات هنا
تحية احترام واعتزاز كبير باقلامكم الرائعة حقا
العنوان: رد: زهيريات ...
أرسل بواسطة: swan_mo في Apr 07, 2011, 10:39 صباحاً
صعب أنسى هواكم وفرح كلبي الما عرف عنكم يظِّل
تراني من دهر ميّزت روحك ونورك وظل
حرف اسمك واسمي ضوا الهن انتَ وظلّ
لاتخالف وتجيني بالف عنوانٍ وخاتمة
تراني اعترف صرت بايده محبس وخاتمة
 وعشك هالروح لحبك حلف وأعلن خاتمة
والك وحدك فرشت الصبر بوضوح شمسينٍ وظل
العنوان: رد: زهيريات ...
أرسل بواسطة: alarmania في Apr 07, 2011, 11:12 صباحاً
ياساكن روحي هاك استمع مايلي..
وحدك عشت بالكَلب وغيرك ابد ماالي..

عطشان تني لشوفتك يلشوفتك ماي الي...
والشبع من شوفتك كل عمره يبقه عدل...

وياك مااخلفت صدكني ماشي عدل...
لاترضه قاضي شرع لاترضه حاكم عدل...

للناس تحكم عدل وحكمك عليه مايلي..

العنوان: رد: زهيريات ...
أرسل بواسطة: swan_mo في Apr 07, 2011, 07:21 مساءاً
لا سلام ليش ازعل واني وياك حسيت بيه شوية نشاز
لان بصراحة اني من احد يضووووجني اصير مااعرف اكتب
وبما انه مامموسق يلة انتظر منك تموسقه حتى اعرف وين كان الخلل
مداخلتك رائعة وزهيري جدا حلو
 
لاتظل تحلف تدور وتلف
عنك ماأتوه لاتظن احتار والف
اعرف نبض كلبك بين مليون والف
ماطلبنا منك محبس ولاخاتمة
وين عهد الهوى وين امضاءه وخاتمة
تعال خلي لحزن كلبي برجوعك خاتمة
ولو بعد سنتين والف كلبك مايصير لغيري ولف
العنوان: رد: زهيريات ...
أرسل بواسطة: alarmania في Apr 08, 2011, 06:29 صباحاً
عاشت ايديكم اعزائي سوان مو & السلام

زهيريات روووووعة


وهاي مني لكن السلام مو اني كاتبتة ترا منقولة  O :-)





يامن نسيت اللذي ابعمرة الك خاطرة
بالجذب مامر على بالك ابد خاطرة

وانة بدموع الهجر كاتب الك خاطرة
صدكني هذا الكلب غيرك ابد ماهوة

ضل عالي علو النجم حبك ابد ماهوة
بالله اريد اسألك عن السبب ماهوة

الشايل حنينة الك ليش اكسرت خاطرة
العنوان: رد: زهيريات ...
أرسل بواسطة: HOWDY في Apr 09, 2011, 02:21 مساءاً
عااااااااشت ايدك هاوووودي الوووووورد

ابدعت ياوردة

تحياتي رولاااااا


تسلمين وايدج العايشة رولا الوردة يا مثال الرقة والذوق الراقي
العنوان: رد: زهيريات ...
أرسل بواسطة: HOWDY في Apr 09, 2011, 02:23 مساءاً
حياكم الله وعاشت الايادي عل الزهيريات الحلوة بارك الله بيكم
العنوان: رد: زهيريات ...
أرسل بواسطة: HOWDY في Apr 09, 2011, 02:26 مساءاً

جـبـت ألوان حِسنك صـفطتـهن لـون يـم لـون
كمــر ونجــوم وكواكــب من هلـحســن يمْـلون
لا انس لا جان لا نسيم الرقة من وصفك يمِّلون
مو حِسن البشر ياناس هذا الحسن رباني
بشــرمثــلك يا حبيبــي لاتظِــن رب اني
فكــيت عيـنـي علـصـبر والصـبر رباني
 تمنت هلخلايـگــ نظرة وبوصلك يَمْلون

العنوان: رد: زهيريات ...
أرسل بواسطة: HOWDY في Apr 09, 2011, 03:27 مساءاً

وصــال احـبابـنا يا ربـــع ردنه
شدينا الرحال وحفنة صبر ردنة
إليغالي بالهوى وكته يكُف ردنة
أيـام الـعمر بـفرا گـهـم سادن
عـوادي الزمن  لإيامنه سادن
صِـرنا للعشــگـ خادم وسادن
لا رضا باعذارنا لاسمع ردنه
العنوان: رد: زهيريات ...
أرسل بواسطة: HOWDY في Apr 09, 2011, 03:44 مساءاً

تِشــجَه لصوت عبـراتي وتِلهّه
گـول اعذارك حبيبي عليه تلهَه
شـنو أول قصّتك وشصار تلهه
حـجيـك الـغـازالمــا تحِـلهـه الألـف واللام
 گــالوا عليّه تايه وحيْران بين الميم واللام
أمشي بطريقك؟؟؟ لواظل بين العِتب واللام
ما ضِـگـت الفرح وياك واحزاني بعلو تلهه

العنوان: رد: زهيريات ...
أرسل بواسطة: alarmania في Apr 10, 2011, 05:53 صباحاً


يا من بدمعي تري باشواك هاملكم
هذا دليلي الذي بجنون هام الكم

دموع وأحزان وسط الروح وهم الكم
الليل وأوقات ليلي شلون عاهدها

واذكر أيامي معاك بشوگ عاهدها
الگللب حبكم ترى وللروح عاهدها

چذاب چذاب كلمن گال هاملك
العنوان: رد: زهيريات ...
أرسل بواسطة: HOWDY في Apr 10, 2011, 04:36 مساءاً

طبع دِنياي من الواني يومية تسِل لون
أنت وزماني وغربتي بروحي تسِلّون
باحزان الليالي ولوعتي بقسوة تسَلّون
لا ســأل عنــي الفرح لا انتـو تسلون
العنوان: رد: زهيريات ...
أرسل بواسطة: alarmania في Apr 11, 2011, 06:54 صباحاً

كيف أنادي الصوت ضايع كيف أقـول الأه
لاني أحجي ولاني سامع بيك احس والله
حـــزن أشــوفــه عالمنابر و السـواد القاه
صرت احسك انت حاضر و المصاب انعاه

العنوان: رد: زهيريات ...
أرسل بواسطة: HOWDY في Apr 11, 2011, 04:57 مساءاً
لا سلام ليش ازعل واني وياك حسيت بيه شوية نشاز
لان بصراحة اني من احد يضووووجني اصير مااعرف اكتب
وبما انه مامموسق يلة انتظر منك تموسقه حتى اعرف وين كان الخلل
مداخلتك رائعة وزهيري جدا حلو
 
لاتظل تحلف تدور وتلف
عنك ماأتوه لاتظن احتار والف
اعرف نبض كلبك بين مليون والف
ماطلبنا منك محبس ولاخاتمة
وين عهد الهوى وين امضاءه وخاتمة
تعال خلي لحزن كلبي برجوعك خاتمة
ولو بعد سنتين والف كلبك مايصير لغيري ولف


لاعاش ولا كان اللي يضوج اختي الفاضلة ويحرمنا من ابداعها

اختي الكريمة بالرغم من انني لا احب التدخل فيما يكتبه غيري وقد اوضحت ذلك في احد ردودي للاخت الغالية الاماني حين قلت لها (هوه مرتب بس اني رح اخربطه) وقد عنيت ما قلت لسبب واحد هو انني اعتبر اي بيت شعري مثل الحلية الذهبية التي بذل الصائغ جهدا كبيرا لاظهارها باحسن صورة ولو اردنا ان نغير ملامحها عند صائغ اخر فالنتيجة الحتمية ستكون تشويه الحلية وظهور عيوب لم تكن موجودة فيها لكن اسمحي لي ان ابدي بعض الملاحظات التي تضمنتها محاضرة القيتها في ملتقى شعري في احد دول الخليج بخصوص الزهيري بشكل عام والعراقي بشكل خاص فقصيدة الزهيري تعتمد في جماليتها على قلة كلماتها وعمق دلالة هذه الكلمات اي تسير وفق منهج اذا كفتك كلمة فلا تنفق كلمتين وارجو ان لا اكون ثقيل الدم اذا ما اخدت بيتا للتوضيح

وين عهد الهوى وين امضاءه وخاتمة

سيكون افضل لو كان

وين عهد الهوى و امضاءه وخاتمة
كذلك

 تعال خلي لحزن كلبي برجوعك خاتمة

 خلي لحزن كلبي برجوعك خاتمة

والزهيري العراقي من اصعب انواع الزهيريات حيث ان الشعراء الخليجيين يلجاون الى التنوين في مفرداتهم مما يسهل كثيرا عملية صياغة القصيدة وقد قمت ذات مرة بالطلب من جمع من الشعراء العراقيين بكتابة زهيري خليجي فابدعوا ولما طلبت من شعراء خليجيين كتابة زهيري عراقي لم يتقنه احد منهم

الف شكر للقصائد الرائعة لاختي الكريمة ام محمد واختي الكريمة الارمنية  واختي الكريمة الاماني ولاخي الكريم السلام الذي افتقد وجوده عسى ان يكون المانع خيرا
مع كل الاعتذار

وبانتظار المزيد من الابداع
العنوان: رد: زهيريات ...
أرسل بواسطة: HOWDY في Apr 13, 2011, 04:55 مساءاً
زهيري خماسي
***


عوف صُحبة سوء و دروب الندامة  تـچـّفه شرْهه
لا تبيع الخوة وعشـرة اهل الوفة لو بالغالي شرْهه
لو تآمن ردي أسرارك تشوفه بساعةعلحبل شرْهه
لا تطـيع النفِـــس من تأمر يخوي وإحــذر العاقـِبة
تـدري النفس بإلسـوء أمارة ولِلمعاصي دوم شرْهه
العنوان: رد: زهيريات ...
أرسل بواسطة: alarmania في Apr 15, 2011, 09:02 صباحاً
***وعانه***

رغم العوز هد ابنك وعانه
لحملك نهض ابنك وعانه

جفوف الكلت نكرت وعانه
لايغرك لمع معدنهم ودرهم

خيرهم حمل بركت ودرهم

وصارت فلس قيمتهم ودرهم
ولو درهم جثير اعله خيرهم وعانه




العنوان: رد: زهيريات ...
أرسل بواسطة: alarmania في Apr 16, 2011, 12:45 صباحاً

شيخ الشباب أختفى بين التراب وغاب
البيت منه خَلا موحش كوحش الغاب

والدنيا درتْ حِزن والغالي منها غاب
يا عزوتي دبّروا دمعي الخافي ظهر

سيف الأسف قَصِني من يوم نعشه ظهر
راح الذي يودني ويشدّ مني الظهر

مرحوم يا من ترك فعله بعد ما غاب

العنوان: رد: زهيريات ...
أرسل بواسطة: jessica1987 في Apr 18, 2011, 03:16 مساءاً
يسلمو على الزهيريات الرائعة
الله اعلم هذا الموضوع شايفته وعندي مشاركة بيه بموقع آخر
اعتقد الموضوع للعم ايكو الله يحفظه
ما اعرف اشو احس بيه موضوع عمي ايكو
عموما العم ايكو ومجموعة خيرة وياه انسحبوا من موقع آخر وغير متواجدين بيه بعد ما تعرض له الرسول الاكرم محمد صلى الله عليه وسلم من اساءة بموقع آخر
الله يحفظهم وينصرهم مثل ما نصروا النبي والاسلام
العنوان: رد: زهيريات ...
أرسل بواسطة: the peace في Apr 19, 2011, 12:13 صباحاً
نحن بانتضار الاخ المحترم ايكو للمساهمه في هذا الباب ولكي يضفي عليه شيء من ابداعته.
العنوان: رد: زهيريات ...
أرسل بواسطة: HOWDY في Apr 19, 2011, 01:13 مساءاً
يسلمو على الزهيريات الرائعة
الله اعلم هذا الموضوع شايفته وعندي مشاركة بيه بموقع آخر
اعتقد الموضوع للعم ايكو الله يحفظه
ما اعرف اشو احس بيه موضوع عمي ايكو
عموما العم ايكو ومجموعة خيرة وياه انسحبوا من موقع آخر وغير متواجدين بيه بعد ما تعرض له الرسول الاكرم محمد صلى الله عليه وسلم من اساءة بموقع آخر
الله يحفظهم وينصرهم مثل ما نصروا النبي والاسلام

منورة الصفحة اختي الكريمة وننتظر مشاركاتكم وابداعاتكم بكل الشوق

تحياتي ومودتي
بارككم الله
العنوان: رد: زهيريات ...
أرسل بواسطة: HOWDY في Apr 19, 2011, 01:15 مساءاً
نحن بانتضار الاخ المحترم ايكو للمساهمه في هذا الباب ولكي يضفي عليه شيء من ابداعته.


منووور اخي السلام الله لا يحرمنا من تواجدك الكريم معنا

دمت بكل الود
العنوان: رد: زهيريات ...
أرسل بواسطة: jessica1987 في Apr 19, 2011, 01:26 مساءاً
راح ونشدت الكلب تسلا وابد ما سلا
سليت من ابتعد عني وهو ما سلا
أسأل عليه اليمر شو صاحبي ما سلا
عني ولا كال ولفي  ما حسن خاطره
مرتاح روحه بفرح  من عكبي لو خاطره
ما ادري جلمة عتب بلساني لو خاطره
بايعني بتراب محوبي الجنت ما س أله

العنوان: رد: زهيريات ...
أرسل بواسطة: alarmania في Apr 20, 2011, 07:41 صباحاً


ابگلبي مو لك قصر اقصور وعماره
واتعيش عمر النسر واكثر من اعماره

يبن العراق الشهم من زاخو لعماره
انحييك بالمرحبه نهليك وانته ملك

تبقه انته وسط الگلب ويصير بأسمك مُلك

ومتشوف يوم الحزن النه الحزن ما الك
وبينه الگلب بس الك بالعشگ عماره

العنوان: رد: زهيريات ...
أرسل بواسطة: swan_mo في Apr 20, 2011, 04:59 مساءاً
السيد هودي المحترم
تحية طيبة لشخصك الكريم المحترم
واشكرك جدا لأيضاحك مواطن الخلل
واتمنى نوصل لمستوى طيب بكتابة الزهيري ،واكيد راح يكون الفضل لحضرتك
راح أطبق ارشادك الرائع ،،،،،وانتظروا زهيري جديد وقريب جدا على الساحة
هههههههههههه
تحياتي واحترامي شاعرنا المبدع
العنوان: رد: زهيريات ...
أرسل بواسطة: HOWDY في Apr 20, 2011, 05:05 مساءاً
منورة اختي الفاضلة والله وبدون مجاملة اكرر ان لديك اقتدار كبير جدا بكتابة الزهيري وقد فاجأني حقا ما قرأته لك (بلا حسد) واتوقع ان نرى عن قريب قصائد رائعة من انسانة اروع (واني برسم الخدمة) بعد اذنك طبعا اختي الفاضلة
دمت بكل الود ولك مني تحية تقدير واحترام
العنوان: رد: زهيريات ...
أرسل بواسطة: اسعد الزبيدي في Apr 21, 2011, 02:08 صباحاً
سلمت  يمينك


  فائق تحياتي واحترماتي 

  المتعة  الحقيقية  بين  هذه  الزهيريات الجميلة
العنوان: رد: زهيريات ...
أرسل بواسطة: HOWDY في Apr 22, 2011, 04:30 مساءاً
  من تاليفي او بقلمي هههههههه.

ظليت اجرع صبر واعجن حزن والهم          ........يلهم ياكل
وحبابي من ارحلوا ثاري الزمن ولهم          ........ اي اذهبهم
مثل اليحب ونسبى ومثل الحبيب الهم     ......... من الهيام
صخر كلبج علي ما يحن مرمر                 ............يعني المرمر
والريك من فركتك طول العمر مرمر           .............. صار مرا
وبحلم فدوه آنا لك بس كون مرمر               .......... يعني مر بالحلم زورني
بالدنيا ما حصلت غير الهظم والهم             ............. من الهموم

عاااااااشت ايدك اخوية العزيز قصيدة جميلة  جدا

ولي طلب بسيط من بعد اذنك وارجو ان لا تعتبره تطفل

شرح كلمات القصيدة في نفس السطر يؤثر على انسيابة الالقاء وارى انه من الافضل ترك المجال مفتوحا لمخيلة القارئ في تفسيرها كي لا يحدث انقطاعا في تسلسل وترابط ابياتها مما يؤدي الى ارباك القارئ فحبذا لو تركت شرح الكلمات الى ما بعد اكتمال القصيدة مما سيدفع القارئ الى اعادة قراءتها والاستمتاع بمضمونها دون توقف
اسف على تدخلي وعسى ان لا اكون قد تجاوزت حدودي بابداء الرأي

باركك الله سيدي الفاضل ولك مني كل الاحترام والتقدير
العنوان: رد: زهيريات ...
أرسل بواسطة: HOWDY في Apr 22, 2011, 04:42 مساءاً
سلمت  يمينك


  فائق تحياتي واحترماتي 

  المتعة  الحقيقية  بين  هذه  الزهيريات الجميلة

منور الصفحة اخي الكريم
باركك الله ولك كل التقدير
العنوان: رد: زهيريات ...
أرسل بواسطة: the peace في Apr 22, 2011, 04:53 مساءاً
الصديق هاودي ......ملاحظه وارده جدا ولابدلي من الاخذ بها ......هل توافقني الراى بان الزهيري اصعب بكثير من الابوذيه .. وعلى هذا نكون قد بدئنا من الصعب . لان اني هسه اشوف الابوذيه جدا سهله . ....... من يريد الواحد يوظف مفردات اللهجه العراقيه بشكل هندسي يستطيع بسهوله ان يخرج قصيده .. بس من يخلي في ذاكرته الهدف او لمن يكتب هنا تخرج صوره شعريه رائعه مشبعه بالاحساس .. هل توافقني الراى ؟؟ انا لمست ذلك عمليا ..... شكرا للملاحظه واريد منك دائما النقد ودع عبارات الثناء ههههههههههه
العنوان: رد: زهيريات ...
أرسل بواسطة: HOWDY في Apr 22, 2011, 05:06 مساءاً
صحيح ما تفضلت به سيدي فالزهيري هو الربط بين الابوذيات وهي اصعب كثيرا منها كوننا نحتاج الى  ابوذيتين لكتابة الزهيري السباعي ومن يبدأ بالابوذية يسهل عليه نظم الزهيري نتيجة لتراكم الخبرة في النظم اما من يبدأ بالزهيري فمؤكد سيكون من السهل عليه كتابة الابوذية وتبقىالمحاولات الجادة
الطريق السالك لمعرفة اسرار نظم القصيدة

شكرا لردك الكريم وتحية اعجاب لما قدمت لنا من زهيري رائع

باركك الله سيدي الفاضل
العنوان: رد: زهيريات ...
أرسل بواسطة: الاماني في Apr 23, 2011, 11:40 صباحاً
يعني كد حلوات كل الكلمات المكتوبه هنا
حتى المعاني فد شي روعه
صدقا ابدعتم  واجمل موضوع  بارككم ربي وتحياتي للجميع وللاخ هودي والاخ السلام
اني اروح افتحلي جمبر هههههههه لان مستحيل اكدر اكتب زهيري بعد  هههههههههه
العنوان: رد: زهيريات ...
أرسل بواسطة: HOWDY في Apr 23, 2011, 04:46 مساءاً
يعني كد حلوات كل الكلمات المكتوبه هنا
حتى المعاني فد شي روعه
صدقا ابدعتم  واجمل موضوع  بارككم ربي وتحياتي للجميع وللاخ هودي والاخ السلام
اني اروح افتحلي جمبر هههههههه لان مستحيل اكدر اكتب زهيري بعد  هههههههههه

واني رح اسوي اعتصام الى ان تكتبيلنا زهيري واكيييييييد رح تبدعين
العنوان: رد: زهيريات ...
أرسل بواسطة: HOWDY في Apr 23, 2011, 04:48 مساءاً
ايضا من تاليفي واتحدى بكل فخر ههههههههههه

سهم عينك يغاتي سيف وامضه
علمني العشك والشوك وامضه
من شفاج اسمع نغم وامضه
هويت فلانه والها الروح عنت
المشاعر والنفس يابطه عنت
يصير العشك يا هلناس عنت
الكلب سلم اسلاحه الج وامضه

الله الله والله يا اخي روووووعة والك كل الحق تفخر اغاااااتي

عاشت ايدك اخوية الورد
العنوان: رد: زهيريات ...
أرسل بواسطة: the peace في Apr 23, 2011, 05:12 مساءاً
  على عنادج امونه  شخبار الجنبر مالج بالساحه الهاشميه يكلج محد يشتري منك بس الصومالين لان الزهيريات مالتج كلش قويه هههههههههههههههه
العنوان: رد: زهيريات ...
أرسل بواسطة: الاماني في Apr 23, 2011, 11:20 مساءاً
ههههههههه هااي محاوله ما اريد تقلدون هسه من راسي للكيبورد ولو طولت بيهه ههههههه


انطر يمته بجيتكم تفرح العين
و بجفوفي امسح دمع العين
مكانكم بعده بين الجفن والعين
 تريد ترحل  وتعوف ناسك وهلك
من عافهم ماسلم اظنه هلك
 تنشد شوفتي وروحي هي لك...
اخاف من جمالك تصيبك العين



هااا وين الحكام  شلوني هااي اول زهيري لي حسب القاعده ههههههههههه

احترامي
العنوان: رد: زهيريات ...
أرسل بواسطة: الاماني في Apr 24, 2011, 12:48 صباحاً
هههه اشكرك اخي السلام ولو  اشعر بيهه خلل لكن كمحاولة اولى لاباس  لكن القادم لي ارجو ان تصححه لي

يلوك للحلوة اسم سهام
وبالكلب  حبهه سهام
 وي عشرتك مالي سهام
مو جنك اللي جنت حبيب وخل
تسكب فوك جرحي ملح وخل
شمايحجون اصيح راضي وخل
محلا  رمش عينج جنه سهام




العنوان: رد: زهيريات ...
أرسل بواسطة: the peace في Apr 24, 2011, 08:23 صباحاً
اومونه هذا زهيري لو تبوله خاف انت غلطانه عبالك المطبخ شنو ملح وخل وشويه فلفل اسود ههههههههههههههههههههههههه ..... لا والله حلو اتشاقه وياك استمري .حتى يصير شويه بي موسيقه لو كايله
شكد شفت اسماء حلوه لكن الاحلى سهام   
قسمت كلبي منازل وجان الهه اكبر سهام  .......................... الخ

   تحياتي الحاره
العنوان: رد: زهيريات ...
أرسل بواسطة: HOWDY في Apr 24, 2011, 06:35 مساءاً
ههههههههه هااي محاوله ما اريد تقلدون هسه من راسي للكيبورد ولو طولت بيهه ههههههه


انطر يمته بجيتكم تفرح العين
و بجفوفي امسح دمع العين
مكانكم بعده بين الجفن والعين
 تريد ترحل  وتعوف ناسك وهلك
من عافهم ماسلم اظنه هلك
 تنشد شوفتي وروحي هي لك...
اخاف من جمالك تصيبك العين



هااا وين الحكام  شلوني هااي اول زهيري لي حسب القاعده ههههههههههه

احترامي

اختي العزيزة الاماني

حلوةجدا فكرة القصيدة وتناسق وترابط معانيها واصولها وخصوصا انه انتي ذكرتي كاتبتها راسا للكيبورد معناها اللي استوقفج هو البحث عن القافية وهذه بداية قوية جدا واعتقد لو  القصيدة الجاية تكتبيها وتعيدين قراءتها مع الاحتفاظ بمضمونها اكيد رح تكون متكاملة من جميع الجوانب لان التأني مطلوب في صياغة اي قصيدة وان شاء الله عن قريب جدا رح نشوف اجمل انواع الزهيري من الاماني الغالية
عاااشت ايدج
بارك الله بيج

العنوان: رد: زهيريات ...
أرسل بواسطة: HOWDY في Apr 24, 2011, 06:45 مساءاً
نعود مره اخرى ونكتب .. نريد راي صريح وبدون مجامله .... هههههههههه مو اخ هاودي

غرامك هيج جروحي وسني
قوانيين العشك بيدج وسني
نعنتله على الشيعي وسني
اخبطوها بالعشك ظليت هايم
جن امي صداها يصيح هايم
نغم عينج سما لا والله هايم
سجين الهجر بيدج وسني

كلما اقرأ زهيري جديد لك اخي السلام يزداد اعجابي بهذه الامكانية الشعرية الرائعة التي تتمتع بها
والله لقد قارنت ما تكتبه ببعض الزهيريات المنسوبة الى شعراء معروفين في الساحة فوجدت ما تكتبه ارقى واجمل بكثير وله نكهة مميزة ومفردات اصيلة تغيب عن الكثير من الشعراء

لا املك الا ان اقول سلمت يمينك سيدي الفاضل لهذا الابداع والتميز الفريد
لك مني كل التقدير وامنياتي الخالصة بالموفقية
العنوان: رد: زهيريات ...
أرسل بواسطة: الاماني في Apr 25, 2011, 12:20 مساءاً
هل الوكت بيك وبيه دار
ادور عليك بكل حاره ودار
والزمن بهمه عليه دار
الفرح  عني مشى وسار
يمته مرسالك يجيني بخبر سار
سر الهوى بيني وبينك مابقه سار
مسكنك بالكللب واللك الروح دار
العنوان: رد: زهيريات ...
أرسل بواسطة: alarmania في Apr 25, 2011, 01:09 مساءاً


حرامي انته وبگت گلبي عكس كل الحراميه
الحرامي يبوگ نص الليل وانته اتبوگ ضهريه

وانه مستانس وراضي ولا اسولف على البيه
ولا چن گلبي التفرهد اگول بسكته شعليه

تگلي الناس مو گلبك اگل للناس مو ليه
تگلي الناس مو باگك اگول انطيته بيديه

حبيبي وباگ دلالي شعليه الخلگ بيه


منقوووووووووووووووووووول
العنوان: رد: زهيريات ...
أرسل بواسطة: HOWDY في Apr 25, 2011, 10:56 مساءاً
حياك الله اخي الكريم السلام لكل هذا الكرم الحاتمي في الاطراء باركك ربي وحفظك من كل سوء وتقبل فائق تقديري واحترامي يا طيب الاصل والاخلاق
العنوان: رد: زهيريات ...
أرسل بواسطة: الاماني في Apr 26, 2011, 10:26 مساءاً


هااي هم جديدة هسه الفتهه  واللي يريد بس ينطيني اخر الجمله واني اسوي عليهه زهيري ههههههههه


ظل  مكانكم بالكللب خال
شمحلاته الوجه رصعه وبالخد خال
انشد لجيتك كل محب وخال
تراني من حبي اطلبك  ثار
دمعي بفراكك بركان وعليه ثار
اموت بحبك وماتلكه ليه ثار
كصاده للعباس انذر وعليك يمين خال


العنوان: رد: زهيريات ...
أرسل بواسطة: the peace في Apr 26, 2011, 10:50 مساءاً
 الله امونه لقد اجدتي القول حقا وصور جدا جميله واشعر بها احاسيس مرهفه...... لوتغيرن السطر الثاني الى ( شمحلاه الوجه رصعه وبها خال ) يصير بيها يقاع ....هسه انت هذا خطيه ما دعيتي علي الا بالعباس تردين يسمط ابو ابوه هههههههه .... ننتظر ابداع اكثر ... مع كل الاماني
العنوان: رد: زهيريات ...
أرسل بواسطة: الاماني في Apr 26, 2011, 11:02 مساءاً
جدا اشكرك استاذنه المحترم  اعتز بكلماتك باركك ربي
فعلا مثل ما قلت وصدقا سويتهه فوريه  بس مشكلتي اخر كلمه ما اعرف احصل عليها 
تحياتي لك واكيد كلامك امر وهااي صححتهه ههههههههه


ظل  مكانكم بالكللب خال
شمحلاه الوجه رصعه وبها خال
انشد لجيتك كل محب وخال
تراني من حبي اطلبك  ثار
دمعي بفراكك بركان وعليه ثار
اموت بحبك وماتلكه ليه ثار
كصاده للعباس انذر وعليك يمين خال
العنوان: رد: زهيريات ...
أرسل بواسطة: الاماني في Apr 26, 2011, 11:22 مساءاً
حزن الفراك  على  حبي ...شهد
وسفه تبتعد يالوصلك...شهد
كولي شلزم من طيفك و....شهد
عللكم بعدك عليه انحسب ...زاد
وشوكي يمك لا قل ولا ..زاد


هههههه لهنا وكفت بعد ما اكدر اكمل هههههههههه منو يكملي هههههه

العنوان: رد: زهيريات ...
أرسل بواسطة: the peace في Apr 27, 2011, 12:01 صباحاً
اماني ..... لاجل عينك كطعت الماي والزاد.
 وتقفليها بالاخر ................... طنيت حبك الي جنه ونعيم وشهد ..
وابوج الله يرحمه .... تحياتي .




























العنوان: رد: زهيريات ...
أرسل بواسطة: الاماني في Apr 27, 2011, 12:07 صباحاً
عمي تره صعب الزهيري ومو اي واحد يعني اني والزهيري وين  هههههههه
خلينه على مطبخ بيت اهلنا ههههههههه
اشكرك اخي السلام وعاشت ايدك على التكملة تحياتي :azn:
العنوان: رد: زهيريات ...
أرسل بواسطة: ضاع الوطن في Apr 27, 2011, 12:23 مساءاً
اشكر الله من حبك طيباني
والمسك احلا منه طيب اني
لا تنشد شحالي طيب اني
ومسيت كلك حلم وبداخلي وهم
المن احبا بعد المن اعشك وهم
والفلم كله احترك وانا احترك وهم
كسرو خاطري ولا بضماد طيبوني
العنوان: رد: زهيريات ...
أرسل بواسطة: echo 9 في Apr 29, 2011, 11:13 مساءاً
نحن بانتضار الاخ المحترم ايكو للمساهمه في هذا الباب ولكي يضفي عليه شيء من ابداعته.



السلام عليكم
عاشت ايديكم على هالزهيريات الرائعة
اخي السلام ... مشتاقين يا طيب
بالنسبة لي احب الزهيري واعشقه بس ابداعات لا تعذرني ههههههههههه اسمع ايه اكتب لا  ;)
الزهيري فن قليل جدا من يتقنه ولو الساحة الان بيها اشكال الوان بس يبقى الزهيري محافظ على مكانته
طبعا لا يفوتني ان اشد على يدك واكول لك عاشت ايدك وصح لسان على ما ابعدت به من زهيري من تاليفك وهاي مو غريبة عليك الابداع الدائم بارك الله بيك
وهاي منقولة بس منو الكايلها ما اعرف .

يا صاح رد الجدم للخير اذا  جازه
وامشي على درب الرضا بي عقلك وجازه
واليفعل الشين رد بزين اله وجازه
 والي يجيك بخبر عن صاحبك رده
يحجي عليه بردى ويحجي عليك أرده
الباب اليجيب الريح يا خيي  بس رده
ترتاح اذا جان هم الروح الف جازه

العنوان: رد: زهيريات ...
أرسل بواسطة: alarmania في Apr 30, 2011, 11:24 صباحاً


كل الهلا ورحب والله باخوية العزيز ايكو نورت الموضوع والمنتدى كولة



وهاي منقولة مو من تأليفي  بس لا تضوج اخي السلام  :D ههههههههه




تبقى الحبيب الوفي لو طال بعدك سنــــة
ونار الهجر بالگلب الهه لهيب وسنـــــــة

حلل زماني الذبح ساطور جاب وسنــــــــه
ما انسى حبك ترة لو گطعوني گطــــــع

انته الحبيب الوفي ما يوم وصلك گطـــــــع
لو جاع غالي الگلب من گلبي ا گطع گطـــــع

وان راح نص العمر يكفيني منك سنـــــــــة.......
العنوان: رد: زهيريات ...
أرسل بواسطة: الاماني في Apr 30, 2011, 01:11 مساءاً
هلال العيد عدنه هال
ورحيتك عنبر وهال
تمر مره بالعمر جن مذنب هال
هههههههههههههههه
حلوة مو ههههههههه هو مذنب هالي 
العنوان: رد: زهيريات ...
أرسل بواسطة: الاماني في Apr 30, 2011, 02:08 مساءاً
ههههههههههههههههههههه
هااي شنو  تره حقوق النشر  محفوظه عندي ليش غيرت  كلامي هاااا
ثم تره مذنب هالي يزعل هههههه

زين وهااي  شلونهه


ناطر جيت المحب  كافي عاد
مو صح من كال المثل بعناد.........
بعيد عن العين طيفه ما ينعاد....
 كاعد بنص الكللب مايغيره أبعاد....
بيتنه ذاك الصوب والجسر بعيد........
ما اشوفك الا بحلم ريتني بعيد........


تره هم لحد يبليني هااا دا اكلكم  تره داخله دورة قتال  وملاكمة و رمايه ههههههههه
العنوان: رد: زهيريات ...
أرسل بواسطة: swan_mo في Apr 30, 2011, 07:37 مساءاً
حبيبة أمونة
والله عاشت ايدج
جدا حلو دتكتبين ومذنب هال عجبتني هواية ومداخلة سلام حلوة عاشت ايديكم اثنينكم

كلبك مراية تعكس وجهك بها
طيب ومحبة ووفى لسانك يلهج بها
ماتغفى عينك لو شافت زلةٍ انت بها
شلون تريد ماأحبك بعد

سلام ممنوع الحذف والتعديل
ترة من وراك بطلنا نكتب ههههههههههههه
تحياتي الكم كلكم وأكيد تحية للسيد هودي الغالي
العنوان: رد: زهيريات ...
أرسل بواسطة: الاماني في Apr 30, 2011, 11:53 مساءاً
------------------------------------
وجهك  مرايه اشوفن بها
كلمه بكللبي  دوم ينطق بها
غطاك الجفن والعين ساكن بها
شلون تظن ما احبك بعد
ههههههههههههههه  حبيبة ام محمد كلماتي هذه هديه من قلبي لك عمري  :ahalna_individual (94):
العنوان: رد: زهيريات ...
أرسل بواسطة: swan_mo في May 01, 2011, 04:16 صباحاً
الله الله
أمونة حبيبة ياعمري انتي تسلمين وعاشت ايدج يامبدعة
احلى هدية من أغلى انسانة
العنوان: رد: زهيريات ...
أرسل بواسطة: الاماني في May 01, 2011, 09:22 صباحاً
ام محمد اشكرك انت الغلى كله والجمال  والرقه

--------------------------------------

راحت ايام الخير بالعراق جِنه
وصارت العركات جن عمه وجنه
انا بالغربه حيران بين نار وجنه
ياربي افرجهه عاد وحن عليه
ههههههههههه  ممتحوسمه
العنوان: رد: زهيريات ...
أرسل بواسطة: the peace في May 01, 2011, 12:02 مساءاً
عاد هي شلونها وكاتبه عليها ممتحوسمه.عمه وجنه . وحمص بطحينه هههههههههههههههه
 امونه ظلي اكتبي هواي ......... مع كل الاماني .
العنوان: رد: زهيريات ...
أرسل بواسطة: الاماني في May 01, 2011, 12:48 مساءاً
عاد هي شلونها وكاتبه عليها ممتحوسمه.عمه وجنه . وحمص بطحينه هههههههههههههههه
 امونه ظلي اكتبي هواي ......... مع كل الاماني .
ههههههههه اي مو من هسه ادخل دورات تقويه حتى اصير خوش جنه ههههههههههه
اشكرك اخي السلام لوما حماسك  واصرارك مكنت تجرأت اكتب
تحياتي واحترامي
العنوان: رد: زهيريات ...
أرسل بواسطة: HOWDY في May 01, 2011, 01:30 مساءاً
حياكم الله يالربع على الزهيريات الحلوة اللي جايبيها وبارك الله بيكم وتحية اعجاب للاخ السلام المتألق وللاخت العزيزة ام محمد وللاخت العزيزة الاماني وللاخت العزيزة الارمنية وللاخ العزيز ضاع الوطن وللاخ العزيز ايكو
بانتظار المزيد من التالق والابداع

مع كل الاحترام والتقدير
العنوان: رد: زهيريات ...
أرسل بواسطة: HOWDY في May 01, 2011, 02:24 مساءاً

ما مل العشـِگـ گـلبي ولا حاد
لا راد السبت راحة... ولا حاد
لامثلوم يكتل احساسي ولا حاد
عيون االغزل  لعيوني... تِراون
نجمات السما لرموشهه تهاون
ما صاح گـلبي الداد منك... ولا ون
ولا ضاگـ صبري بالعشـگـ عاشـگـ... ولا حاد
العنوان: رد: زهيريات وعتابة ...
أرسل بواسطة: HOWDY في May 01, 2011, 06:47 مساءاً
العتابة
***
العتابة صنف من اصناف الشعر الشعبي نشات في وسط وشمال العراق يشبه الابوذية التي نشات في جنوب العراق  مع اختلاف بسيط هو ان العتابة تنتهي بحرفي الالف والباء (اب) بينما الابوذية تنتهي بحرفي الياء والهاء(يه)
والعتابة مشتقة من العتب وهي نوعين
(لهواوي) المشتقة من (الهوى) وتتطرق الى مواضيع الحب والغزل والحرمان والاشوق
(الفراگيات) وتسمى في البادية (كسر العمود) وتتطرق الى مواضيع المصائب والنكبات والاحزان كفاكم الله سبحانه شرها وملا حياتكم بالافراح والمسرات

عتابة للملا ضيف الجبوري
***
يريم البر سؤ الج حلو حياه
ولو كاس المنايا بيه حيه
هلي تسكي الا عادي سم حيه
ثكال الروز عيين الطلا ب
***


عتابة للشاعر حاتم الهاشمي
***
 أنا ألما غلگت بابي ورديت
ولاسائل اجه لبيتي ورديت
تگول الناس متعافي ورديت
أنه ابن الحموله وطيب الانساب
***
العنوان: رد: زهيريات وعتابة ...
أرسل بواسطة: HOWDY في May 01, 2011, 06:56 مساءاً
گـضيت الليل اذكرك... وَلِنهار
فاضت بالدمع البحور... وَلَنهار
والله لو ما الصبر لا أخلص وْلنهار
ماوفه بوصفك فرزدق وَلا سيّاب
العنوان: رد: زهيريات وعتابة ...
أرسل بواسطة: الاماني في May 01, 2011, 07:43 مساءاً
عاشت ايدك هودي صديقنه باركك ربي
ههه بس غير بالاول اضبط الزهيري ههه بعدني اخذ دروس  على ايدكم
هنوب هسه العتابه  وتعاي سجلي دورة من جده وجديد
هههه

وحكـ عيناكـ يا لغايب عن هله
أَبْشِر بجيتكــ واكولكـ مليون هله
تغيب العمر  واريدك هله
تفرح الكللب وتسلم عليه
ههههههههه

حلوة هااي مال اريدك هله
 يعني مثل السورين  احجي لان هله يعني هسه هههه
بعد اخاف اكول ممتحوسمه خاف  السلام  يكولي فلافل و طرشي هههههههههههههههههه
تحياتي :D
العنوان: رد: زهيريات وعتابة ...
أرسل بواسطة: HOWDY في May 02, 2011, 11:03 صباحاً
وايدج العايشة اختي وانتي همين عاشت ايدج على الابوذية الحلوة وتكدرين تحوليها الى عتابة اذا  خليتي اخر كلمة بالسطر الاخير تنتهي بالاف والباء كأن تكون مثلا

تفرح الكللب يا اغلى الاحباب

تحياتي وتقديري
العنوان: رد: زهيريات وعتابة ...
أرسل بواسطة: HOWDY في May 02, 2011, 11:51 صباحاً

مّليتْ صدّ گـ والهجر مني... يمِل كوُن
فسـركلامـــك لو ردت تحـچي يَمَلكون
نظــراتك للـروح ولعقــلي... يمِلكون
بستان العمر من شوفتك ورّد
حسنك فاض للحلوين... ورّد
أنطرْعلدرب شوفتك... ورّد
لا تظن بس آني من ثـگـلكْ... يمِل كوْن
العنوان: رد: زهيريات وعتابة ...
أرسل بواسطة: the peace في May 02, 2011, 08:07 مساءاً
اهدي هذا الزهيري الى اختي العزيزه الارمنيه التي طالما لمست الحزن يترشح من بين اسطر ماتكتبه فادعواها الى مغادرة هذا الحزن ...مع كل الاحترام

    الارمنيه شنو مصنع عذاب وهم
 
  ويصدر النه الحزن ضيم وجراح وهم

  انت مدينة وفه حق مو سراب وهم

  اختي العزيزه ترى الراح ابد ما عاد

  والقدر اصدر حكم وياج اله ماعاد

  وهوياه مثلج ابد ماحسب وماعاد

  ومثل التحزم بطل صوب السعاد وهم                              هنا معناها وهم اي تهيأ
العنوان: رد: زهيريات وعتابة ...
أرسل بواسطة: alarmania في May 03, 2011, 01:11 صباحاً
اهدي هذا الزهيري الى اختي العزيزه الارمنيه التي طالما لمست الحزن يترشح من بين اسطر ماتكتبه فادعواها الى مغادرة هذا الحزن ...مع كل الاحترام

    الارمنيه شنو مصنع عذاب وهم
 
  ويصدر النه الحزن ضيم وجراح وهم

  انت مدينة وفه حق مو سراب وهم

  اختي العزيزه ترى الراح ابد ما عاد

  والقدر اصدر حكم وياج اله ماعاد

  وهوياه مثلج ابد ماحسب وماعاد

  ومثل التحزم بطل صوب السعاد وهم                              هنا معناها وهم اي تهيأ



صدقني اخي  لو كل انسان استطاع ان يتحكم بمشاعره لماظل معذب على الارض
لكن الحزن والفرح وكل شعور انساني نبيل يبقى اسير ذكرياتنا او واقعنا رغما عنا لانها جزء منا ومن حياتنا
وان حاولنا غض النظر احيانا
وتناسيها او تجاهله لكن تأتي لحضات  لا ارادية تطرق بها هذه المشاعر بجميع انواعها وتناقضاتها
ابواب قلوبنا وافكارنا .... ثم نعود الى نقطة البداية وتمضي بنا الحياة الى حيث كان الله اعلم به ... ويبقى الامل بالغد مشرقا دوما .... والله ارحم الراحمين .

اشكرك من كل قلبي اخي العزيز السلام لما جاد به قلمك من معاني جميلة و معبرة عن الاخوة الحقيقية

تحياتي واحترامي لك ولقلمك المبدع .

العنوان: رد: زهيريات وعتابة ...
أرسل بواسطة: HOWDY في May 03, 2011, 08:18 مساءاً
قصيدةزهيري تسعة ابيات
*********************

ظهر هذا النوع من قصائد الزهير مع بدايات ظهور الزهير عامة الا ان نظمه بدا يقل ويندثر بمرور الزمن وساد الزهير السباعي وباقي الانواع  ولا نرى التسع ابيات الا نادرا و ينظم لاعطاء الموضوع الذي نظمت من اجله القصيدة اهمية خاصة ...


ذِكْرَكْ بالمَجالِسْ ظِهَرْ واليبغِضَكْ ما ظهَرْ

إلديوانْ صَـدْره إلكْ والبـاقي كُلـهُمْ ظهَرْ

صِهْراِلَرَسُول اِلوصي باب العِلمْ مِنْ ظهَرْ

ذو الفقارْ ما فارَگـكْ صُبْح ومِسِـيّة وظهُرْ

بإسْـمَكْ مـآثر زِهَـتْ والتـاريخ الـّفْ كُتبْ

سـيِْفِ إلرَسُولْ وسَند والنصِرْ بيدَه كِتبْ

 بيدَكْ دِحيتْ إلبابْ وُبقوّتكْ صـارَتْ كَ تبْ

نهْجِ البَلاغة ذِهَـلْ كِلْ مَنْ قِرَه ومَنْ كِتبْ

إعْجازْ يا بوالحَسَنْ... والعَـجَبْ منّكْ ظِهَرْ



العنوان: رد: زهيريات وعتابة ...
أرسل بواسطة: alarmania في May 03, 2011, 08:28 مساءاً
من يوم عني رحت بكلبي انصبت فاتحة
وقفلت كَلبي انا لغيرك فلا فاتحة

هذا الكَلب جلورد وحبك اهو فاتحة
حبك نداوة عسل والورد اخذ منك

بس كول ياهاجري اتمنا انا امنك
لاتمنْ علي شوفتك ما احب انا مَنك

الي علية يمنْ بحبي ولا افاتحة
العنوان: رد: زهيريات وعتابة ...
أرسل بواسطة: the peace في May 04, 2011, 02:43 صباحاً
كون اليحب من صدك دوم الكلب فاتحه
ويبحر بحر الهوى والمن يحب فاتحه
ابقى وفي للمحب و منصب اله فاتحه
ولا جان حبك عسل والورد اخذمنه
صير انت ظلٍ اله وحيل اقترب منه
والوصل ياصاحبي ما يعتبرمنه
انت ربيع العمر وكل ورده الي فاتحه

العنوان: رد: زهيريات وعتابة ...
أرسل بواسطة: alarmania في May 04, 2011, 02:36 مساءاً

يامن نسيت اللذي ابعمرة الك خاطرة
بالجذب مامر على بالك ابد خاطرة

وانة بدموع الهجر كاتب الك خاطرة
صدكني هذا الكلب غيرك ابد ماهوة

ضل عالي علو النجم حبك ابد ماهوة
بالله اريد اسألك عن السبب ماهوة

الشايل حنينة الك ليش اكسرت خاطرة
العنوان: رد: زهيريات وعتابة ...
أرسل بواسطة: swan_mo في May 05, 2011, 10:24 صباحاً
زعلان مني الولف وشلون أنا بخاطره
مأريده يبعد أبد وأبقى أنا بخاطره
ماعرف يظلّم الوكت لو عزّ عليّ خاطرة
صّد عني بجفوة المحب ودار الوجه همّال
ضاكت عليّ دنيتي وابجي بدمع همّال
لو هي حظ وبخت وياك هم مال 
رد علية بوصل وفرّح كليبي وخاطره
العنوان: رد: زهيريات وعتابة ...
أرسل بواسطة: the peace في May 05, 2011, 12:07 مساءاً

الي يحب للمحب يتربع بخاطره
وليل ونهار اعتقد ايمر على خاطره
ويكتب رسائل شجن بيها الف خاطره
الدمع لاجل العشك خلي يظل همال
ويمكن يعدل الحمل لوحملكم همال
وادريك انت صرت طيب وفه وهمال
مو اني واله الوكت هو الكسر خاطره
العنوان: رد: زهيريات وعتابة ...
أرسل بواسطة: HOWDY في May 05, 2011, 06:48 مساءاً
الله الله عاشت الايادي
تحية اعجاب وتقدير للاخت الكريمة swan_mo وللاخ الكريم السلام




زنجيل زهيري  للشاعر نائل المظفر
***************************
اليمه بلرمل راس نعمه اندفن
طس الفصول السنه انه ابردن اندفن
مو مثل روحي كظن وهمومي بيه ادفن
او محد درس يا طهي ابداخلي اشكطعت
وشكد امرني الوكت يا صاح وشكد طعت
وشحم جرح خط ونه خركان وشكد طعت
بس كون اطلع ردت وطلعت قطعة حزن
جاتفني وكتي جتف وحباله بيدي حزن
وزني نص طن ضلم او نص طن حزن راح حزن
اوبين الظلم والحزن نصين اني من فقر
المن تدبني الوكت كالولي بالمن فقر
قر من شنو تشتكي كلت اشتكي من فقر
بس انه مو من فقر جنت اشتكي من ظلم
من ظلم لاكن خفت ماكلت انا منظلم
الوكته ظلمه الصبح بيه الكضيمة من ظلم
مليت من ظلمتي والوكت بيه جرم
اجرام ترس السمه ما شع عليه جرم
يالرب وين اشتكي والشكوه عدهم جرم
كال الله لا تشتكي انا الله والشكوه الي
موللبعض حيدرا ياعبدي والشك والي
وبصوت مؤمن صحت عال بغض والشك والي
والي دربنه العدل عن جدم منزله
باوع لمامك علي ناصي اشكثر منزله
وشكثر سكنو قصر بس محد علاه منزله
بس اني كلي غرك وسنجدت صاح الي
مامد جفه الردي مرة والا صاح الي
يا صاح انجدني ماظل كتر صاح الي
لو روحي قطعه صخر وانته غركت لنجتك
جا ليش بيه اكسرت وتندمت لنجتك
مارتك اذب الزرك فوكاي من لنجتك
رتك تذبلي حبل بلي اكض وبالطرف
عينك شني او مابجت سده بنت وبالطرف
يا جار فازع الك بس اني الك بالطرف
او بسيوف جو الك امس وانه اوكفتلك درع
المفروض من اغركت ثوبك تدرعي درع
والحيف يفزع علي بحري اومشات اودرع
شو جندي واحد اجه او مات الكلب جاه مالك
او ياكلبي جف الردي مدى جذب جاه مالك
يدري ابضميره يعط فوك البحر جمالك
يا حيف كلبي غرك او محد حيل تف عليه
او يا روحه مثل الكلب حرتي شنو تف عليه
لت عاتبين الوكت هذا الوكت تف عليه
مكلوب مابيه عدل حتى صدك بيه جذب
او يدنيه صرتي بحر جتوف انه بيه جذب
يا روحي عال تهلكه مجبور انا بيه جذب
الدنيه ظلمه اوعصف او ماكدر جو هره
او ياحيف غشني الذي عنه كلت جوهره
صار انه صوتي صده هوه صده جوهره
بس هسه لا ميزت بين الصدي والفضه
الواطي واطي يظل لو صيطه وصط الفضه
مالفظ اسمه لان يكبر اذا الفضه
ويصير يا صاحبي راس العبد نستله
اوبسمه يتونس لان انه لو نستله
لا خل يسل خنجره من ايده ثق نستله
اوبسمه لا يفتخر حتى القرد عده اسم
والعضني كبله انكلب حت العسل عده سم
ملتمه ناسه عليه بس مو عليه عده سم
عافوني كلهم لان شافوني ما عندي شي
اوصح اني معندي شي ينثرد بس عندشي
والصفكوا عالشعل ماصفكو عدشي
يا غيمه عوفي المطر ظلي علي ظلي
مااريد اشوف الشمس كبرت عالي ظلي
بالدنيه المن اظلن بيه شنو ظلي
خاطر علي تمن وانه المن منهى
سنين ابحياتي عشت اشحصلت من نهى
لا حصلت من هلي لا حصلت من نهى
لا حصلتلي بشر يدفني حي واندفن
العنوان: رد: زهيريات وعتابة ...
أرسل بواسطة: alarmania في May 06, 2011, 06:29 مساءاً


الباب التجي الريح منه لا تفتحه ... سده
والغيري ماضن جره مثل العليه ... سده

اتراب ارضي كلش حلو ويستاهل .. اتوسده
من طاح هذا الوطن بالشده من ... ساعده

كطعوا اجفوفه وصل بتروه من ... ساعده
عديت انه وكَلت هيهات .... منسه عده

واحد يضل الهل شعب معروف لحمه بسده

العنوان: رد: زهيريات وعتابة ...
أرسل بواسطة: echo 9 في May 13, 2011, 01:05 مساءاً
ياطير هاك الگلب روح لهلي وصله
غلطان كلمن نكر من هم هله واصله
وعنهم يدير الظهر ويگطع حبل وصله
ابنادم شما كبر وشما علا شانـــه
لا ينسى أهله شكثر ضحوا على شانه
ياطير بيت الأهل شان الجسد شانه
بكل عضو يسري الألم من تشتكي وصله
العنوان: رد: زهيريات وعتابة ...
أرسل بواسطة: Ahmed_Namer في May 13, 2011, 06:53 مساءاً
هاي شنو تره ابداااااااااااااااااااااااع
اني لازم اشمرلي فد وحده بس سوولي واهس :D
العنوان: رد: زهيريات وعتابة ...
أرسل بواسطة: alarmania في May 13, 2011, 09:34 مساءاً

يا كلبي جـــــــم دوب منهـــــم اظل ساحلك
وبخلكي تلعب لعب والضن صفه ساحة الك

وهالجفن ويه السهـــــــر دم ودمع ساح الك
واطعني بيدك طعن لا تظن اكولـــــن هوة

وحمل دليلي ذنب جيه لنه حـــــــــب وهوة
جيتك سفينة ابحـــــــــــر تعبني روج وهوة

ولمن وصلت الجرف نار انكلـــــب ساحلك

العنوان: رد: زهيريات وعتابة ...
أرسل بواسطة: HOWDY في May 14, 2011, 08:06 مساءاً
حي الله الربع وعاااشت الايادي والله شي حلو الواحد يقرة هيج روائع

بارك الله بيكم 
العنوان: رد: زهيريات وعتابة ...
أرسل بواسطة: HOWDY في May 14, 2011, 08:08 مساءاً

مِن تِزرع الشــوك بطــريقي... لا تظِن تحصـِد وردْ
أمشــي فـوگـ الشــّوك حافـي بْـلا ألم... أرجــع ورد
شــما بــدَت أعْــــذار غَــدرك لا تِـظن  أحـجي وردْ
قـدّمـتلـك وفـــه وإخـلاصْ وتفاني... ياولــف حِـسْ به
لا تـوديـــك الظِــنونْ ...  ولاتــجيــبــك ألــف حســبة
لاتقيس إلوفه بكلمة لكن بدگـات گـلبي لِلعِشـِگـ حِسْبه
شـيّبت گـلبي ومـا شـِفتْ يوم الـفرَح منــّك ...  وُرَدْ

العنوان: رد: زهيريات وعتابة ...
أرسل بواسطة: HOWDY في May 15, 2011, 05:46 مساءاً

مال البَخت يفلان ويّاي الدَّهر ماله
ما كِتلت عزازه ولا لفلفتْ من ماله
مالي شغل وياه ياريته يظـِل ماله
مفتحة للخلـگـ من دوني سد الباب
العنوان: رد: زهيريات وعتابة ...
أرسل بواسطة: HOWDY في May 15, 2011, 05:51 مساءاً

يا صَديق الوَفي مِن ربْعك وفي كُون إله
يصير إلك عِزْ وظهَروانت مِثل  كَون إله
بيت وكرامة بالـگـلب والـروح كوّن إله
راعـي المآثر يـا صديقي الـخـُلق مَنبتْ
والطِيبة بارض البُور ما تـلـگـالهه منبتْ
إلـدُونْ ماينصَـح ولا ميّـز حجل مِـن بتْ
صِير لعَدوك نار خلْ روحه تظِل كُونه له
العنوان: رد: زهيريات وعتابة ...
أرسل بواسطة: the peace في May 15, 2011, 06:09 مساءاً
ابو محمد العزيز  جميل جدا وانت ترسم هذي الصور الشعريه واعجبني حقا هذ الزهيري لانه يحتوي على الحكمه ..... وهاي المفرده كانت لطيفه حقا  ..إ(لـدُونْ ماينصَـح ولا ميّـز حجل مِـن بتْ ) ......اي يمعود اكتب بغزاره سويلنه واهس .هههههههه وبلكي تجي امونه تكتبنه على الطرشي على البك ذاك اليوم والله كتبت عن العثه والارضه هههههههههههه بصراحه عدها جرئه بالطرح .......... احترامنا
العنوان: رد: زهيريات وعتابة ...
أرسل بواسطة: the peace في May 15, 2011, 06:16 مساءاً
ارمنيتنا العزيزه ...ارد على الزهيري الذي اتيتي به وكانت اختياراتك موفقه بس اني ارد بزهيري متفائل ...... مع كل الحب


من الوفا يكون كلب التحب ساحه الك
نكها احس بالدمع لو دوم ظل ساحلك
وياكلبي اني مصر لديارهم ساحلك
وشما وصلني حزن منك مكولن هو
وحبك صعد للنجم ظل عالي وماهو
عشوك سار الجدم واتحدي ريح وهو
والكيت لمه اوصلت طيب أوورد ساحلك
العنوان: رد: زهيريات وعتابة ...
أرسل بواسطة: alarmania في May 15, 2011, 10:08 مساءاً
اخوانا المحترمين هودي والسلام كانت ردودكم على الزهيري رائعة جدا
سلمتم ودام لنا نبض اقلامكم المبدعة دوما


تحياتي ..
العنوان: رد: زهيريات وعتابة ...
أرسل بواسطة: Broken Heart في May 17, 2011, 09:02 صباحاً
يسلمو howdy الزهريات روعه ........   
ليش نبجي ؟
وليش خلينه الدمع ينزل رخيص ؟
وليش كل لحظة جرح نكتب شعر

وليش ذبينه الفرح والهم جبير
وليش رغم اخطائنه نحب نستمر

ليش مذبوح الوفه بلحظة خداع
وليش مات الشوك والحب يحتضر

وليش خلينه المشاعر بس كلام
وبالعتاب شفافنه شكد تعتذر

اه منك يازماني تغيريت
وجسر طبعك صاير وماتنكدر

المشه بصفك خذيته ومدري وين
والرفض يمشي انوله من كل كتر

والغدر ناسه رفعته عللجتاف
وصاحب الصاحب كضه سنينه عسر

اه يادنيه صدك مابيج امان




ممكن بلحظة يجيك بكل هدوء
وممكن بلحظات يتحول نمر

وانه محتار ويروحي بهالزمان
ساعه اشد روحي مثل شد الحديد وساعه الين الروح حد ماتنعصر

وساعه احس روحي على هدومي غريب
وخلص صبري ومابعد بيه صبر  (منقوووووول)   تحيااااااااااااااتي   broken heart                                                                                                                                         
العنوان: رد: زهيريات وعتابة ...
أرسل بواسطة: ابو انعام في May 17, 2011, 07:22 مساءاً
اسير عراقي في سجون ايران
.....................................
نار الدليل سعرت وسط الضماير لهب
جفت ولا تنطفي يذري هواها لهب
ايهمني صوت الحزين الدوم تدوي لهب
بارض العجم مندفن حكم القضا والقدر
وياعين هلي من دموع البيابي غدر
ولد ابن ملجم ولو اسرى العراق بغدر
تبت يداهم كما تبت يدا ابو لهب
العنوان: رد: زهيريات وعتابة ...
أرسل بواسطة: alarmania في May 20, 2011, 07:48 صباحاً



يا زين مرني وســل عنــي وعــن منزلي
تلكَاني أحبك وأبد عن شوكَي ما منزلي

لا والكـــتاب الــذي مـــن الـعرش منزلي
أحـــلف يظــــل يا حلو بينك وبيني وصـل

ومهما تباعد علي أتعــــنه يمــــك وصل
كون تعرفــني أنا من يا حمــــولة وأصـل

جـــان نزلت دمعتك من هيبتي ومـنزلي
العنوان: رد: زهيريات وعتابة ...
أرسل بواسطة: HOWDY في May 24, 2011, 07:57 مساءاً
ابو محمد العزيز  جميل جدا وانت ترسم هذي الصور الشعريه واعجبني حقا هذ الزهيري لانه يحتوي على الحكمه ..... وهاي المفرده كانت لطيفه حقا  ..إ(لـدُونْ ماينصَـح ولا ميّـز حجل مِـن بتْ ) ......اي يمعود اكتب بغزاره سويلنه واهس .هههههههه وبلكي تجي امونه تكتبنه على الطرشي على البك ذاك اليوم والله كتبت عن العثه والارضه هههههههههههه بصراحه عدها جرئه بالطرح .......... احترامنا

منور اخوية ابو حسين الورد واحنا همين نريد منك تكتبلنه زهيرياتك الحلوة يا شاعرنا الواعد
بارك الله بيك
العنوان: رد: زهيريات وعتابة ...
أرسل بواسطة: HOWDY في May 24, 2011, 08:04 مساءاً
ياطير هاك الگلب روح لهلي وصله
غلطان كلمن نكر من هم هله واصله
وعنهم يدير الظهر ويگطع حبل وصله
ابنادم شما كبر وشما علا شانـــه
لا ينسى أهله شكثر ضحوا على شانه
ياطير بيت الأهل شان الجسد شانه
بكل عضو يسري الألم من تشتكي وصله

الله حلو هذا الزهيري احسنت الاختيار اخي الكريم بارك الله بيك وننتظر المزيد من الابداعات
العنوان: رد: زهيريات وعتابة ...
أرسل بواسطة: HOWDY في May 24, 2011, 08:15 مساءاً
يسلمو howdy الزهريات روعه ........   
ليش نبجي ؟
وليش خلينه الدمع ينزل رخيص ؟
وليش كل لحظة جرح نكتب شعر

وليش ذبينه الفرح والهم جبير
وليش رغم اخطائنه نحب نستمر

ليش مذبوح الوفه بلحظة خداع
وليش مات الشوك والحب يحتضر

وليش خلينه المشاعر بس كلام
وبالعتاب شفافنه شكد تعتذر

اه منك يازماني تغيريت
وجسر طبعك صاير وماتنكدر

المشه بصفك خذيته ومدري وين
والرفض يمشي انوله من كل كتر

والغدر ناسه رفعته عللجتاف
وصاحب الصاحب كضه سنينه عسر

اه يادنيه صدك مابيج امان




ممكن بلحظة يجيك بكل هدوء
وممكن بلحظات يتحول نمر

وانه محتار ويروحي بهالزمان
ساعه اشد روحي مثل شد الحديد وساعه الين الروح حد ماتنعصر

وساعه احس روحي على هدومي غريب
وخلص صبري ومابعد بيه صبر  (منقوووووول)   تحيااااااااااااااتي   broken heart                                                                                                                                         

منورة الصفحة اختي الكريمة وجميل جدا ما جئت به من قصيدة تگـطر قهر وحزن قمة بالروعة

باررك الله ودمت بكل
الود
العنوان: رد: زهيريات وعتابة ...
أرسل بواسطة: HOWDY في May 24, 2011, 08:18 مساءاً
اسير عراقي في سجون ايران
.....................................
نار الدليل سعرت وسط الضماير لهب
جفت ولا تنطفي يذري هواها لهب
ايهمني صوت الحزين الدوم تدوي لهب
بارض العجم مندفن حكم القضا والقدر
وياعين هلي من دموع البيابي غدر
ولد ابن ملجم ولو اسرى العراق بغدر
تبت يداهم كما تبت يدا ابو لهب

منور اخي الكريم وحياك الله علزهير الروعة اللي جايبه بارك الله بيك ولك مني كل الاحترام والتقدير[/b][/font][/size]
العنوان: رد: زهيريات وعتابة ...
أرسل بواسطة: HOWDY في May 24, 2011, 08:31 مساءاً


يا زين مرني وســل عنــي وعــن منزلي
تلكَاني أحبك وأبد عن شوكَي ما منزلي

لا والكـــتاب الــذي مـــن الـعرش منزلي
أحـــلف يظــــل يا حلو بينك وبيني وصـل

ومهما تباعد علي أتعــــنه يمــــك وصل
كون تعرفــني أنا من يا حمــــولة وأصـل

جـــان نزلت دمعتك من هيبتي ومـنزلي



تحية خاصة للاخت الارمنية الكريمة لروائع ما تنير به الصفحة
باركك الله ودمت بكل الود
العنوان: رد: زهيريات وعتابة ...
أرسل بواسطة: HOWDY في May 24, 2011, 08:34 مساءاً
هاي شنو تره ابداااااااااااااااااااااااع
اني لازم اشمرلي فد وحده بس سوولي واهس :D

هههههههه بس دير بالك من تشمرها

منوووور اخي الكريم بارك الله بيك وونتظر ابداعاتك يا ورد
العنوان: رد: زهيريات وعتابة ...
أرسل بواسطة: HOWDY في May 24, 2011, 08:55 مساءاً

طبع الخيانة والغدر يابشر علــــّة
أحاول أفهم بلكي أفهم عسى وعل
لمّن يطير الطير صوب النجم علّة
بروحه ليش يطيح مالگـفته الاحباب
العنوان: رد: زهيريات وعتابة ...
أرسل بواسطة: HOWDY في May 24, 2011, 08:57 مساءاً
شكـــثر ناديت وصِحت وإنت ولايمّك
تيهت جرف النهرغرگـني جُرف يمّك
هج گـلبي مـن لوعتــي وتالـيهه يمّك
خايب مادره طب گـلب سلاب
العنوان: رد: زهيريات وعتابة ...
أرسل بواسطة: HOWDY في May 24, 2011, 09:04 مساءاً


شِطرت الروح نصّين وإلك شطره
وبيت من الشِعر واحد وإلك شطره
مو يبست عرو گـي...  ولك شطرة؟؟؟
االيريدك ياحبيبي... حيل حبّه
 ما تگـدر تلم الماي من ينكسِر حِبّه
لميت العشگـ لعيونك يا ولف حبّة ورة حبّة
إلي كل حزنك حبيبي وإلك شطرة
العنوان: رد: زهيريات وعتابة ...
أرسل بواسطة: HOWDY في May 24, 2011, 09:06 مساءاً

أرْد ارّهم روحي عل بـعد مَرهَم
وصالك دوه روحي وللبعد مَرهَمْ
من تلمح عواذل بالدرب مُـرهُم
نيــران الگــلب رادِلهـه طـــافي
بهتتْ ايامي وليالي الگمر طافي
غرگـ مركبي وريته بُقـــه طافي
مُر طعم الهجر والعـِشـگـ مُر هَم
العنوان: رد: زهيريات وعتابة ...
أرسل بواسطة: HOWDY في Jun 15, 2011, 01:28 صباحاً

مـِـن دون البشــر أعلن عليْ حَربه
ساعة يرميني بسهم وبساعة حَربة
گـلبي بارد ثلـج وهــــا گـلبــه حَربه
لو تجيب الحكُم مِـن قاضي وشارعْ
ما يريدك هالگـــلب الاّ وَهـُو شارعْ
لو تفُر الديـرة كِلهه شارع بشـارعْ
ما سلمَلك الرّاية تراني گـلبي حُربه
العنوان: رد: زهيريات وعتابة ...
أرسل بواسطة: HOWDY في Jun 15, 2011, 01:50 صباحاً


لوضاگـ وكـتك بالصـبروالايمــان سَهله
إلجبل راعي السـَـفح وعينه عَلى سَهله
والرچيچ الخاوي طيحته تدريهه سَهله
تايــخ وتلفــان مـن نســمة هــوة مال
جلمـة سـفيه رمـال وأنت جلمتـك مال
من ربك العزّة  قوّتك موعزّة مِن مال
والجبل يبقى جبل لا تظن هدِّ ته سهله
العنوان: رد: زهيريات وعتابة ...
أرسل بواسطة: HOWDY في Jun 15, 2011, 01:59 صباحاً

 شفته بالدرب محني الظهر چَن راكْبه مارد
شـايل هموم وحزين وللگـلب والروح مارد
خالي الـوكت دگـك؟؟؟ تعداني ومشـى مارَد
ظـل بـالي يَمـّـه... وحيـــل مـرمـرنـي
أدور أعْليه طول الوكت واتمناه مَرني
ندمــان ما گـتله بوكتها...  بوية مُرني
نطرت سنين يرجع راح... ولهليوم مارَد
العنوان: رد: زهيريات وعتابة ...
أرسل بواسطة: HOWDY في Jun 15, 2011, 02:09 صباحاً
قطعة من العجب ياناس هذا الحلو حِسنه
سنين أنادي وَيّة روحـي توْ سِمع حِسنه
بـوجـنتـه شـامة زادتـه بالحســن حسنه
عليل الگـلب ذاوي يريد لـه للعشگـ منهلْ
 سألته مَن؟متى؟أين ؟صاح بفرح مَن؟هَلْ؟
وتــعا فـى ويــّه هلّــة المحبــوب مــِن هَلْ
ريته كريم بنظرته ويحسـبهه حسنه
العنوان: رد: زهيريات وعتابة ...
أرسل بواسطة: the peace في Jun 17, 2011, 07:17 مساءاً
 عاشت ايدك ابو محمد على روعة الاحساس .......... مع فائق تقديري  ..
العنوان: رد: زهيريات وعتابة ...
أرسل بواسطة: أبوعبدآلله في Sep 17, 2011, 02:08 صباحاً
:ahalna_separator (22):

شنو هالذوق الرفيع تسلمون احباب قلبي تسلمون

 :ahalna_separator (22):
العنوان: رد: زهيريات وعتابة ...
أرسل بواسطة: الاماني في Nov 08, 2012, 08:50 صباحاً
سبحان الله صارلي شكد ما داخله الموضوع  هسه كلت خلي اتفرج وشفت اللي اني كاتبته
عمي والله ممعقوله  هاي اني اللي كاتبه ههه
اقره ومتعجبه هههههه
وينك اخونه هودي والله مكانك خالي ولا يهونون الباقين بس طولت الغيبة اخونه القدير

تحياتي
العنوان: رد: زهيريات وعتابة ...
أرسل بواسطة: swan_mo في Mar 18, 2013, 05:50 مساءاً
سبحان الله صارلي شكد ما داخله الموضوع  هسه كلت خلي اتفرج وشفت اللي اني كاتبته
عمي والله ممعقوله  هاي اني اللي كاتبه ههه
اقره ومتعجبه هههههه
وينك اخونه هودي والله مكانك خالي ولا يهونون الباقين بس طولت الغيبة اخونه القدير

تحياتي

امونة حبيبتي كلنا صرنا في يوم وليلة فطاحل بالزهيري وفجأة شلون ماأدري  I-)
والله صدك اشتاقينا لهودي شاعرنا الرائع يارب يكون بالف الف خير ومكانه خالي جدا خالي......
العنوان: رد: زهيريات وعتابة ...
أرسل بواسطة: swan_mo في May 08, 2013, 03:46 صباحاً
قلبي القبل مايوّن بجفاك ونه انته
وضنيتك انته الفرح ثاريك ونه انته
مامش طيوفك واباري ابشوگ ونه انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاق اشوفك ولو مشوار لو لحظه
وين انته روحي دنت عالموت وين انته