>>منظمات انسانيه امريكيه - محاماة - تساعد في قضايا الهجره للعراقيين الذين عملوا

السلام عليكم ورحمة الله وبركاته

اللهم اذا اعطيتنا فلاتجعلنا من عبادك الجاحدين... واجعلنا من عبادك الحامدين الشاكرين
اللهم اذا منعتنا فلاتجعلنا من عبادك الساخطين القانطين... واجعلنا من عبادك الحامدين الصابرين

نسال الله العلي القدير ان ييسر امورنا ويجعل لنا مخرجا باذن الواحد الاحد الفرد الصمد وان يحفظنا جميعا للوصول لبر الامان والذي لااله الا هو سبحانه وتعالى بيده الملك يعطي من يشاء ويمنع من يشاء وهو على كل شيء قدير

أذا احتجتم الاستشاره القانونيه من محامين في المساعده في قضاياكم للهجره فيوجد منظمات انسانيه لشباب امريكان تسعى لتقديم المساعده بالذات للناس العراقيين الذين عملوا مع الامريكان فننصح بالتواصل مع اي من المنظمات التي تقدم خدماتها الانسانيه والمجانيه
 ( المحاماة ) للمساعده واخص منها المنظمتين ادناه :-

1
منظمة IRAP  بادارة البنت المسماة بيكا هيلر وعلى اللينك ادناه :-
http://refugeerights.org/
وايميل المنظمه هو :-
info@refugeerights.org

2
وبالامكان ايضا التواصل مع منظمة كيرك جونسون - The List Project - ذا ليست بروجكت
للدفاع عن العراقيين الذين عملوا مع الامريكان واللي محتاجين المساعده والاستشاره القانونيه :-
واللينك ادناه سيوصلك لهم وكذلك سيكون عليكم ملا المرفق الخاص بهم للمعلومات والتي ارفقها مع كلماتي المتواضعه :-
http://thelistproject.org/

وايميل الليست بروجكت للمراسله والتواصل والاستشاره القانونيه هو :-
refugees@thelistproject.org
 

عاشت ايدك اخ سباركي، بارك الله بيك و جزاك كل الخير.

شكرا جزيلا عمي سباركي للموضوع

بالمناسبة احنه ببيت اهلنا عدنا اعضاء من اللست بروجكت ويانا

احترامي

عاشة ايدك اخوية  sparky  ويجعلها في ميزان حسناتك

اخوك

حسام العراقي

رمضان مبارك وكل عام وانتم بالف خير وجمعه خير وبركه على الجميــــــــــع باذن الله تعالى
ممنون لمروركم العطر ولكلماتكم الطيبه
شكرا لاخوتي :-
حسام العراقي  - شبح بغداد  - المتواجد

اتوقع لو الموضوع يثبت يكون فيه الفائده اكثر فشنو رايكم - لو المعلومات ممكن الجميع يعرفها ؟

بارك الله بيك
بلكي هذه المواقع تفيدني لان حالتنة مستعصية ممنونين منك اخونة

السلام عليكم
هل ممكن ان يساعدوني في قضيتي اني جنت امقدم اس اي في وعندي خدمة  9 سنوات وانرفضت مؤخرا في ادى مقابلات وظائف السفارة والسبب اجهله تمام حيث لدي 9 سنوات من الخدمة المشرفة والخالصة وكل اي عملت معهم يشيدون بذلك ، ويكلون الرفض  لاني  غير متوافق مع معيارهم الامني !!! بعد 9 سنوات صرت عير مناسب لمعايرهم الامنية  " حسبي الله ونعم الوكيل "

السلام عليكم
هل ممكن ان يساعدوني في قضيتي اني جنت امقدم اس اي في وعندي خدمة  9 سنوات وانرفضت مؤخرا في ادى مقابلات وظائف السفارة والسبب اجهله تمام حيث لدي 9 سنوات من الخدمة المشرفة والخالصة وكل اي عملت معهم يشيدون بذلك ، ويكلون الرفض  لاني  غير متوافق مع معيارهم الامني !!! بعد 9 سنوات صرت عير مناسب لمعايرهم الامنية  " حسبي الله ونعم الوكيل "

اخي ابو سما، ما اتصور عندك شي تخسره، نصيحتي الك توكل بالله و استعين بخبراتهم و شوف شيصير و من الله كل التوفيق.

اخوية ابو سما اني اتصلت بيهم وجانوا متجاوبين وياي وحتى كلولي نزورك بالبيت يعني الشغلة بيه مجال وخاصة منظمة الي تعتني بالي اشتغلوا ويه القوات الامريكية كلش اهتموا بامري لا تيأس من رحمة لله


اخوك
حسام العراقي

اخي سباركي انت ملاك نزلت من السما استجابة لدعواتنا بحل قضيتنة المعلقة
ماعرف شلون اشكرك والله ادعيلك انت واخي المتواجد وكل الاخوة الي حاولو بكل طريقة يساعدونة
اني بعثتلهم ايميل للانسة بيكا هيلر وخلتني اتواصل مع بنية اسمهة كيلسي
بس والله اوادم عبالك دافعتلهم ملايين مهتمين بشكل ويردون بنفس اللحظة يعني متابعين جدا ومهتمين لمواضيعنة ومجانا
اكرر شكري الك اخوية سباركي
واتمنى الي قضاياهم متعلقة ان يتصلون بيهم وميترددون

هل من الممكن ان يساعدوا الاشخاص الي جايهم رفض امني ب اس اي في ؟؟؟

اخي ابو سما دزلهم ايميل واشرحلهم كل تفاصيل قضيتك وشوف ردهم
متخسر شي جرب وان شاء الله خير يارب
صدكني متعاونين جدا وهمة رح يكونون كمحامي لقضيتك همة يخاطبوهم ويفهموهم ويرجعولك خبر

السلام عليكم
اخويه العزيز  راسلت جماعة The project list واتصلوا بيه البارحة بالليل وجانت وحدة عراقية تترجم لوحدة اميركية بجانبها وحجينه عن قصتي وتاريخ التقديم وتاريخ الرفض و سئلتني شنو الي صار بالمقابلة من RSO واللي سبب الرفض وطلبوا مني اوراق معينة .... بس ما ادري بعد هذولة يسوون شئ ؟؟ اكو احد يسمعهم او يهتم الهم ؟؟  الله اعلم  والله نعم المولى ونعم النصير

اني قدمت على اي او ام صار 3 اشهر وكلشي ماكو بس كالولي استلمنه اوراقك وهي بالبروسس !!

يارب رب العرش العظيم افرجنها علينه وعلى كل مرفوض مظلوم بحق هذا الشهر الفضيل وبحق الحبيب محمد واله بيته الطيبين الطاهرين
 

رحم الله والديك اخويه The Marine ،

يالله يالله  يالله  يالله  يالله  يالله  يالله   ياارحم الراحمين   ياارحم الراحمين  ياارحم الراحمين   ياارحم الراحمين   ياارحم الراحمين   ياارحم الراحمين   ياارحم الراحمين يارب العرش العظيم يارب العرش العظيم يارب العرش العظيم يارب العرش العظيم يارب العرش العظيم يارب العرش العظيم يارب العرش العظيم  يالطيف يالطيف يالطيف يالطيف يالطيف يالطيف يالطيف .
الهي انت ثقتي ورجائي فرج عنا جميعا فرجا عاجلا بلاحول ولا قوة الا بالله بحق هذا الشهر الفضيل وبحق مصاب هذه الليلة  انك سميع الدعاء ياالله

لله يستجيب لك اخوية ابو سما بجاه هذا شهر رمضان المبارك

الاخت ام اتنا والطيبين جميعا
الله ييسر اموركم ويقسم لكم الخير اللهم امين وانا خادم صغير لكل عراقي وممنون من دعواتك لنا ونسال الله لكم الخير والبركه والامن والامان

الله يسهل اموركم واحد واحد بعظمة ليلة القدر اللهم امين