بعد عناء طويل وصلنا الى أمريكا يسلام ...

السلام عليكم ورحمة الله وبركاته .. وصلنا والحمد لله الى شيكاغو ,, بحدود الساعة 11 ليلآ قبل يومين وهاي تفاصيل الرحلة كما وعدتكم ,, طبعآ قبل ما ابدي بكلامي أريد أكول آني كلشش اشتاقيتلكم  ,,  واريد تعذروني لأن سالفة السفر كلش بهذلة وخصوصأ لأصحاب العوائل !!
طبعآ أجاني أتصال من ابو المنظمات اللي بمطار بغداد وأكدللي موعد الطيران ,, وصلنا بالموعد والحمد لله ما لاحتنه أي مفخخة أو عبوة !! أحنا تقريبآ جنا 4 عوائل و3 شباب أنطانه الولد ابو المنظمات التكتات يم ساحة الأنتظار وره تمثال عباس ابن فرناس وكال أنتظروني بالمطار وهسة راح اجي وراكم ,, طبعآ أكو سيارات واكفة بهبهانات أحنا أخذنه سيارة بالكاد كفت وصلتنه لحد صالة الأنتظار ب 75 الف دينار عراقي هاي كروة السيارة والأكرامية مال الحمالين 10 آلاف من وصلنا للصالة أكو جماعة يدخلون الجنط بالعربانات جوه للصالة ,, هم أخذوا بحدود ال30 الف والله وره ساعتين ختموا جوازاتنه ( مغادرة ) ورحنه ننتظر بصالة ثانية علمود الطيارة مال عمان ,, طبعآ خط الرحلة جان بغداد/عمان/فرانكفورت/شيكاغو ,, ركبنا لعمان وصلنا ساعة 3 العصر طبعآ الأنطلاق جان ساعة بال 1 الظهر ,, ومن ساعة ب 3 لحد ساعة 3بالليل يلله صعدنا بطيارة المانيا !! طيعآ الولد ابو المنظمات اللي بعمان كلش حباب و كل شخص يستحق وجبتين مال طعام راح ينطيكم كارتات بيض وتكدرون تاخذون الأكل من المطاعم الموجودة بالمطار ,, بالمناسبة ميصير تطلعون خارج المطار ما مسموح ,, بس الصالة ماشاء الله كلش جبيرة بحيث آني جهالي كاموا يركضون بيهه رايحين جاييم ,, صعدنه طيارة المانيا ب 3 الصبح بعد 5 ساعات وصلنهه مطار فرانكفورت طبعآ وجبات اكل بالطيارة وعصير وملاعيب العيد ماشاء الله أختلفت كلش عن بغداد وعمان !! بقينه بألمانيا 4 ساعات كملوا الأجراءآت شوية جانت دقيقة بحيث كلشي لازم تنزع حتي تكرمون الحذاء ,, بالمناسبة الملابس مال الرحلة لازم تكون خفيفة ومريحة لأن الرحلة طوييييييييييلة جدآ ومن راح توصلون المانيا !! وحتى عمان راح يكون الجو باااارد !! سو يو هاف تو بي كيرفل ,, أحنا اخذنه ويانا حبوب مال براسيتول وفلوآوت ومكلودين مال لعبان نفس ,, وطرنا من المانيا لحد شيكاغو ومدة الرحلة 12 ساعة قوق المحيط الأطلسي ,, طبعآ آني جنت دا أباوع على أسماك القرش !! جانت فاتحه حلكهه ودتنتظر رحمة الله ,, طيعآ أنكسر كلبي عليهم فذبيتلهم شوية فتافيت مال صمون من الطيارة خطية !! وصلنا والحمد لله لشيكاغو بعد عناء وتعب مو طبيعي ,, طبعآ عندي بنتي الزغيرة العفو ذيت عن راسهه مرتين بالطريق ,, ما أطول عليكم نزلت بالمطار مال شيكاغو ,, ماشاء الله كلش زغير !!!!  الجهال ماشايفين الدرج الكهربائي كاموا يلعبون عليهه بعدين وصلنا لمكان أستقبلونه اهل المنظمات ,, وجان يجون اثنين الواحد بيهم ,, عريض المنكبين مشلهب الحركات شلولخ !! جان يكولون منو فلان ؟؟؟ طبعآ كلتلهم آني ,, جان يكولولي تعال ويانه بدون زحمة !! آني كلت ويه نفسي يارب سترك ,, مو شنو السالفة !! أوباما خابرني وكللي بس توصل للمطار انطيني خبر !! وآني نسيت أخابره ,, كلت باوع هاي زعل عليهه ودزلي جماعة ,, والله سالوني كم سؤآل عادي وجان يكولولي أهلا وسهلا بيك بالولايات المتحدة وكملت الأجرآءآت وبعدين خابرت على الكفيل مالتي وأجاني أخذني وجان وياه ولد اللي هو الكيس ووركر الخاص بينا ,, وراح يجي علينه باجر أنشاء الله علمود يكمل أوراقنا ويجهز السكن والأجرآءآت المتبقية وأنشاء الله أبقى وياكم واذا اكو اي تفاصيل جديدة,, تحياتي للجميع وأعذروني تره كلش تعبان من الرحلة والوقت تغير والوضع كلش تغير علينه وشيكاغو كللللش باردة ,, بالسلامة ونبقى على تواصل

ألف الحمدلله على سلامتكم ... وإن شاء الله بالموفقية والنجاح وتسهيل الأمور يا رب ...

وإن شاء الله للكل السفر القريب يا رب ...

هواية كلت ( طبعآ ) مووو بلله ؟!!  طبعآ أعذروني !! خخخخ

أخويه ... طبعا معذور ... لأن إنت طبعا تعبان وإحنه طبعا راح نعذرك ... طبعا معذور ..... خخخخخخخخخخخخخخخخ

حمد لله على السلامة اخوية

على الخير
بالتوفيق

 

وبعد

 

وهاي الك ركصة

باسم الاخوة والمحبة والصداقة اهنئك بوصولك الى ارض الحرية اخي وحبيبي جبران والله من شفت الموضوع ماتتصور شلون فرحت ها والحلوة اني عبالي بعدك هنا بالعراق وكتبت الموضوع كلت احتمال راح تعتذر بسبب الغياب عن المنتدى لان جاي تتحضر الخ..
بس والله عبالك اني اللي طلعت وضحكت حيييييييييييييييل من قريت مال مشلهب الحركات شلولخ :D :D

هسه انته بعد تكدر تنام بسلام هناك لاطفت اجت ولا جاك الذيب جاك الواوي هههههههههههههه
عود من تكعد نسولف
طبعاً
تحياتي وسلامي الك وللعائلة الكريمة والف مبروك
اخوك الذي لم تلده امك
الفــــــــــا

الحمد لله على السلامة والف مبروك

ألف الحمدلله على سلامة وصولكم وتمنياتي بحياة جديدة مليئة بالمسرات والعافية..ويارب بالتوفيق للجميع

الف الحمد لله والشكر على سلامتك وان شاء الله النجاح والتوفيق ومبروك عليكم اخوية  :D  :D

الف الف  حمداً  لله على سلامة الوصول  اخي الغالي  وان شاء الله  ترتاح  وتبدي حياة جديدة مليئة بالافراح والمسرات  و التوفيق
 خلي  نسمع  اخبارك الحلوة    ولا تنسى البتزا !!!!!!

الحمد لله على السلامة و الف الف مبروك نتمنالك الموفقية

الحمد لله على السلامة
ننتظر التفاصيل ان شالله

الاخ جبران خليل

السلام عليكم ورحمة الله وبركاته
في البداية احب ان هنئك على الوصول بالسلامة وان شاء الله ستكون حياتك كلها مسرات وافراح ومن توفيق الى توفيق

والله العظيم يمكن اذااكلك ماتصدك..قرأت موضوعك بكيت وبعدين ضحكت راح تسأل ليش بكيت وليش ضحكت.

بكيت لان عشت الحالة وحسيت بالغربة قبل لا اروح  رغم اني اتمناها للخلاص من الوضع الذي اعيشه وثانيا ضحكت لخفة دمك وطريقة كتابةالموضوع الجميلة وخصوصا هذول الي اتلكوك بالمطار واوباما.

على العموم اتمنى التوفيق للجميع

تحياتي الك وشكرا لك لعدم النسيان

الحمدلله على سلامتك وانشالله موفق
وجدمك اخضر على كل العراقيين

الف الف الف حمدلله على سلامة الوصووووووول
وياربي يجعلها ولاية الرزق ويفتحها بوجهكم
وان شاء الله باجر يجون ياخذون منكم الاولاد يخلوهم بالمدارس وتخلصون من هوستهم

اخويه الفاااا  مخله سمايل محطها حتى مبقالنه شي انزله هاي جيف مشرف اخذ الحصه التموينيه مالت الشعب كلها

ان شاء الله ترتاح وننتظر منك موضوع اكثر تفصيلا
وهم الف سلامه

ألف مليوووون تريليوووون مبروووووووووووك والحمد لله على سلامتكم انت والعائله يااارب ان شاء الله كل الخير والموفقيه بحياتك الجديده.  :-D :-D :D :D

الف الحمد لله على سلامة الوصول و الله يساعدك على الرحلة الطويلة خصوصا انت عندك اطفال  >
اتمنى لك كل التوفيق و النجاح و نصيحتي اني الك حاليا ان تكون فضولي بالاسئلة و الاستفسار عن محيطك بصورة خاصة و عن امريكا بصورة عامة
و ان شاء الله ما راح نقصر عنك في اي استفسار  او مساعدة

بالتوفيق للجميع

الف الف مبروك عليكم والله كانت فرحة جميلة نتمنالك كل الخير والموفقية بحياتك الجديدة
اخوك ACS

الف الف الف مبروووووووووووووووووك والحمد لله على السلامة والله العظيم فرحنالك من كل كلبنا  8)وانشالله يوم للجميع الي ينتظرون ربي انشالله فاتحة خير عليكم وموفقين
اختك واخوك ابو اتنا

الحمد لله على السلامة
مع تمنياتي لك بالموفقية والاستقرار وراحة البال

تحياتي

الحمد لله على السلامة الف الف مبروووووووك   وانشاء الله يوفقك ويجعلها بداية حياة جديدة ويرزقك الخير  والسلامة والامن والامان  وراحة البال  اللي تسوى كنوز الدنيا اللهم يوفقك انت والعائلة  الكريمة  الى كل ماتتمنى يارب امين    اخوك ابو طيبة

طبعا الف مبروووووووك والحمد لله على سلامه وصولك
وطبعا نتمنالك حياه سعيد وكل التوفيق بحياتك القادمه
وطبعا احنا منتضرين اخبارك اول بأول .
سلامي اخوي العزيز

اخويه الفاااا  مخله سمايل محطها حتى مبقالنه شي انزله هاي جيف مشرف اخذ الحصه التموينيه مالت الشعب كلها

اختي الغالية ريم لالا مو لان مشرف.. السالفة مو بس سلامة الوصول اني هسه من الفرحه بودي اطب للابتوب واركص واغني لان راح ناكل بااااااااااااااااااااااااااااااااااجة لا وجماله مال بلاش وانتي يمكن متدرين بسالفة الباجة بس يابه ولا يهمج انتي هم معزومة ويانه عليها ورووووح جبران خليل جبران يرادلك فد تلاث اربع مؤلفات يلله تطلع فلوس الباجه  :D :D
تحياتي للغالين

الف مبروك وبالموفقيه اخويه

جزيل الشكر والأمتنان على هاي التبريكات الحلوة ياحلوين ,, راح اسولفلكم ,, رحت آني والكفيل والعائلة الى مقر المنظمة اللي بيهه الكيس ووركر ,, رحب بينه وأستقبلنه وشرح كل التفاصيل اللي يجب أتباعها للعيش في الولايات المتحدة ,, وأنطاني مبلغ الويل كوم صك ب 5000 $ وبعدين رحنا كلنا الى مقر السوشيل سيكيورتي وبعد أكمال الأجرآءآت رحنا كلنا الى محل أسواق صاحبهه عراقي !! مو آني الكيسس ووركر مالتي عراقي ,, فدلاني عليهه ودخلنا بالأسواق اشترينه باقلاء يابسة وفاصوليا ودبس وراشي وخبز عراقي بالتنور وبامية ومعكرونية وشعرية !! ما أعرف منين جابوهن هاي السوالف !! على كل حال أتفق ويايه الكيس ووركر راح نروح يوم الأثنين علمود يشوفنه السكن الجديد لأن آني هسة حاليآ ساكن ويه الكفيل الأمريكي هو وعائلته ,, وهم راح نبقى على تواصل أنشاء الله وأكرر شكري الكم وعلى دعواتكم وأمنياتكم ياطيبين ويارب للكل أنشاء الله ,, تحياتي

الحمد لله على السلامة و الف مبروك .بالتوفيق للجميع 8)

السلام عليكم
الف الحمد لله والشكر على سلامة وصولك الى امريكا وان شاء الله تكون لك بلد السعادة والخير والرزق الوفيريحفظك الله لعائلتك .
اختكم ورد الشام

السلام عليكم ورحمة الله وبركاته
اتمنى لك الخير والسعاده في حياتك الجديده اخي جبران,          (حنكوش)

اخي العزيز جبران


اسف للتاخر بالرد. الحمد لله على سلامة وصولكم و عاشت ايدك على الشرح الوافي.

رقمي عندك اذا احتاجيت اي شي لتتردد بالاتصال

ودخلنا بالأسواق اشترينه باقلاء يابسة وفاصوليا ودبس وراشي وخبز عراقي بالتنور وبامية ومعكرونية وشعرية !

اي يااخي جبران بعد ملحكت تشتاق للاكل العراقي
يعني كبل وعدل على الفاصوليا والباكله اي مو جانت مكومة بالعراق اتروح تشتريها بالدولار من امريكا
دجرب اول اكلهم عيش الحاله
شلون تعرف انت عايش بامريكا اذا تاكل يابسه وتمن وتشريب باكله خخخخخخخخخخخخخخخخخخخخخخ

السلام عليكم ورحمة الله وبركاته ,, حبيبي علاوي جزيل الشكر وأنشاء الله راح أتصل بيك بس اشتري سيم كارت ,, اليوم رحت ويه الكيس ووركر مالتنه للبنفت بلدنج وكملنا المعاملة مال البنفت وأستلمت كارت الفود ستامب و بعدين اخذني للشقة الي راح نستقر بيهه وكملنا الأجرآءآت ورجعنا لبيت صاحبي الكفيل وباجر هم عدنه مشوار آخر والله كريم أشوفكم باجر انشاء الله ,,

السلام عليكم

اول شئ الف الحمد لله على سلامتك وان شاء الله تكون فاتحه خير عليكم

اذا ممكن عندي كم سؤال مبلغ الولكم مني كل نفر شكد بالضبط ؟؟

وبالنسبه لسكنك ويه الكفيل هل هو نتيجه خطا او تقصير من المنظمة انو ماضبطو موضوع سكنك مقدما ؟؟

ام هذه حاله طبيعيه انه يتاخر موضوع السكن ايام ؟؟

لان احنه الكفيل مالتنه ان وجد راح يكون غريب وموضوع السكن معه مستحيل

فهل يجب ان ناجر بفندق مثلا لو اكو تدبير معين

ومشكوووور مقدما




.

الحمد لله على سلامتك وانشاءالله ترتاح بحياتك الجديدة ..تحياتي

اخونه جبران بعد ما طلع علينا واعتقد الاسباب والله اعلم اما هسه بيّن عليه التعب ويريد يضربها نومه مال ييز وقهر  والحق وياه واما بعده دايخ السبع دوخات ويركض ويه الكيس ووركر   بس بيني وبينكم الله يكون بعونه وانشاءالله يرتاح وتتحقق كل امانيّه ... تحياتي الك اخويه جبران

 
الف مبروك والله يصبرك عالبرد
 
 

السلام عليكم ورحمة الله وبركاته ,, تحية طيبة لكم جميعآ يا اهل بيتا الأكارم ,, نصيحتي أخواني ,, اذا عدكم كفيل والكفيل استقبلكم حاولوا لاتبقون يمه !! وأطلبوا منه !! طبعآ بصورة مؤدبةويأسلوب لائقوكولوله يابه رحمة الله على والديك وماقصرت ,,  بأن تبقون ويه الكيس ووركر المسؤول عليكم ,, لأن هو الكفيل هم خلف الله عليه كفلكم وأستقبلكم ووقع أوراقكم !! بس لاتيقون يمه !! لأن آني أخوكم أنضربت بوري !!راح تسألوني شلون ؟؟ طبعأ الكفيل من هلكد ما يحبني و يقدرني لأن كانت مواقفي وياه بالعراق تبيض الوجه ,, راد يبقيني يمه بالبيت مالته !! زين !! زوجته وياه وابنه وياه !! زين المعاملات اللي انتوا راح تسووهه مو سالفة يوم ويومين وأسبوعين !! راح يظل وياكم لحد مايكمل كل اوراقكم المطلوب أن تكمل !! اللي صار ويايه أنه !! اول يوم يومين تعرفون بعدني جديد وجايب ويايه هدايا اله ولزوجته ولأبنه ,, وره اسبوع كام كلما يريد يطلع يكمل ويايه فم معاملة أو أوراق او بنفت !! زوجته أتطنكر عليه !! فينحرج منه وهنا راح تبدي المشكلة !! انت عندك اوراق ضرورية ولازم تكملهه !! زين صاحبك يريد يساعدك بس زوجته والشغل مالته يعيقوه غلى هاي المساعدة !! والأجازة مالته اللي هيه يومين بالأسبوع اولآ ماكو دوام دوائر دولة وثانيآ عائلته يريدوه يمهم بيوم العطلة !! فميكدر يتفرغلك بالكامل !! ولهذا السبب أخواني أنصحكم بأن تبقون ويه الكيس ووركر مالتكم !! حتى لو الكفيل يحبكم ويريدكم تبقون وياه ,, كولوله الله كريم الأيام طويلة وأنشاء الله نسويلك عزيمة أنت والأهل ونلتقي قريبآ !! والسلام ,, هاي شغلة !! الشغلة الثانية لحد يفكر بالمبالغ اللي راح تجيكم !! مثل الويل كوم !! ليش !! لأن راح تاخذوهه منا ,, تنطوهه للأيجار منا !! يعني آني هسة دينطوني 600$ بالشهر وآني مأجر ب 900$ !! يعني أجمل من عندي 3 أوراق دا اسد فلوس الشقة !! بس السالفة الزينة هي الفود ستامب هو الساتر علينا ,, راح تسألوني اشو ماكو أنت ؟؟ يعني ما تصدكون اذا اكللكم ما عندي نص ساعة مجال أكعد عالنت !! أخوان الحياة بأمريكا ينرادلهه دراس !! يعني ورقة وقلم وتكعد تحفظ !! هذا المختصر المفيد ,, وأنشاء الله ابقى وياكم وبكل المستجدات ,, أنشاء الله ,, تحياتي

الف حمدلله عل سلامة اخونة جبران
واسف للرد المتأخر
الله يوفقك ويحفظك يا رب
وشوقتنة وسويلنة واهس نجي يمك:)

هاي شنو سافرتوا لامريكا وتزاعلتوا وية مرة الكفيل واني ما ادري هسة يلة شفت الموضوع
الف مبروك اخوية جبران وانشالله قدم السعد عليكم وياربي بالتوفيق والتقدم الى الامام زنكا زنكا


اختكم
الملاك الحائر

هاي شنو سافرتوا لامريكا وتزاعلتوا وية مرة الكفيل واني ما ادري هسة يلة شفت الموضوع
الف مبروك اخوية جبران وانشالله قدم السعد عليكم وياربي بالتوفيق والتقدم الى الامام زنكا زنكا


اختكم
الملاك الحائر

:D :D :D :D والله ضحكتني اخت الملاك الحائر خخخخخخخخخ

يابه الحمد لله من شفنه كتاباتك وسمعنه صوتك مشتاقين يالغالي.وسالفتك اللي تفضلت بيهه صحيحه والافضل انه انته ماتعتمد على الكفيل خلي الكفيل بس على كد انه تحديد الولاية علمود لاتنشمر بمكان انت ماتريده واما سالفة الاوراق والمبيت والسكن يم الكفيل فاعتقد تسبب هواي اشكالات واهلنه كالوا بنيادم عظمه ثكيل يعني اخوك اليوم مايكدر يتحملك اكثرمن يومين هلنوب الغريب !!
المهم في الموضوع اعتمد على الله اولاً وعلى نفسك ثانياً وتعلم كلشي عن المدينة اللي انته بيها باسرع وقت ممكن وحاول تحصل على عمل بنفس الوقت اللي انته تكمل بيه معاملاتك لان السرعة مطلوبه بانجاز هاذي الامور.
بالتوفيق الك وللعائلة الكريمة وانت لا تضغط على نفسك شوكت متشوف عندك وقت اكتبلنا عن المستحدثات عندك واسئل الله ربي ان يوفقك ويسدد خطواتك وما التوفيق الا من عند الله.
تحياتي وسلامي
اخوك الفـــــــــا

الف مبروك اخويه وحمد لله على سلامتك وياربي صفحه جديده في حياتك وحياة عائلتك الكريمه

اني اليوم قبطتت سنه انتضار والاس اي في جنهه صارت ابطء من اي او ام والله ملينه عموما احب اعرف الولكم مني على كل شخص لو توتال؟
بعدين عندي سؤال ثاني اني عندي 2 اطفال وزوجتي بتقديرك شكد المبلغ اللي اجيبه وياي بحيث يخليني مسيطر وما اكون منحرج او متضايق من اي شي؟

مع خالص تحياتي مودتي

الحمد لله عالسلامة اخوية العزيز انشاء الله التوفيق وبكل خطوة سلامة ونجاح وتحقيق الاماني .
تحياتي

السلام عليكم ورحمة الله وبركاته .. وصلنا والحمد لله الى شيكاغو ,, بحدود الساعة 11 ليلآ قبل يومين وهاي تفاصيل الرحلة كما وعدتكم ,, طبعآ قبل ما ابدي بكلامي أريد أكول آني كلشش اشتاقيتلكم  ,,  واريد تعذروني لأن سالفة السفر كلش بهذلة وخصوصأ لأصحاب العوائل !!
طبعآ أجاني أتصال من ابو المنظمات اللي بمطار بغداد وأكدللي موعد الطيران ,, وصلنا بالموعد والحمد لله ما لاحتنه أي مفخخة أو عبوة !! أحنا تقريبآ جنا 4 عوائل و3 شباب أنطانه الولد ابو المنظمات التكتات يم ساحة الأنتظار وره تمثال عباس ابن فرناس وكال أنتظروني بالمطار وهسة راح اجي وراكم ,, طبعآ أكو سيارات واكفة بهبهانات أحنا أخذنه سيارة بالكاد كفت وصلتنه لحد صالة الأنتظار ب 75 الف دينار عراقي هاي كروة السيارة والأكرامية مال الحمالين 10 آلاف من وصلنا للصالة أكو جماعة يدخلون الجنط بالعربانات جوه للصالة ,, هم أخذوا بحدود ال30 الف والله وره ساعتين ختموا جوازاتنه ( مغادرة ) ورحنه ننتظر بصالة ثانية علمود الطيارة مال عمان ,, طبعآ خط الرحلة جان بغداد/عمان/فرانكفورت/شيكاغو ,, ركبنا لعمان وصلنا ساعة 3 العصر طبعآ الأنطلاق جان ساعة بال 1 الظهر ,, ومن ساعة ب 3 لحد ساعة 3بالليل يلله صعدنا بطيارة المانيا !! طيعآ الولد ابو المنظمات اللي بعمان كلش حباب و كل شخص يستحق وجبتين مال طعام راح ينطيكم كارتات بيض وتكدرون تاخذون الأكل من المطاعم الموجودة بالمطار ,, بالمناسبة ميصير تطلعون خارج المطار ما مسموح ,, بس الصالة ماشاء الله كلش جبيرة بحيث آني جهالي كاموا يركضون بيهه رايحين جاييم ,, صعدنه طيارة المانيا ب 3 الصبح بعد 5 ساعات وصلنهه مطار فرانكفورت طبعآ وجبات اكل بالطيارة وعصير وملاعيب العيد ماشاء الله أختلفت كلش عن بغداد وعمان !! بقينه بألمانيا 4 ساعات كملوا الأجراءآت شوية جانت دقيقة بحيث كلشي لازم تنزع حتي تكرمون الحذاء ,, بالمناسبة الملابس مال الرحلة لازم تكون خفيفة ومريحة لأن الرحلة طوييييييييييلة جدآ ومن راح توصلون المانيا !! وحتى عمان راح يكون الجو باااارد !! سو يو هاف تو بي كيرفل ,, أحنا اخذنه ويانا حبوب مال براسيتول وفلوآوت ومكلودين مال لعبان نفس ,, وطرنا من المانيا لحد شيكاغو ومدة الرحلة 12 ساعة قوق المحيط الأطلسي ,, طبعآ آني جنت دا أباوع على أسماك القرش !! جانت فاتحه حلكهه ودتنتظر رحمة الله ,, طيعآ أنكسر كلبي عليهم فذبيتلهم شوية فتافيت مال صمون من الطيارة خطية !! وصلنا والحمد لله لشيكاغو بعد عناء وتعب مو طبيعي ,, طبعآ عندي بنتي الزغيرة العفو ذيت عن راسهه مرتين بالطريق ,, ما أطول عليكم نزلت بالمطار مال شيكاغو ,, ماشاء الله كلش زغير !!!!  الجهال ماشايفين الدرج الكهربائي كاموا يلعبون عليهه بعدين وصلنا لمكان أستقبلونه اهل المنظمات ,, وجان يجون اثنين الواحد بيهم ,, عريض المنكبين مشلهب الحركات شلولخ !! جان يكولون منو فلان ؟؟؟ طبعآ كلتلهم آني ,, جان يكولولي تعال ويانه بدون زحمة !! آني كلت ويه نفسي يارب سترك ,, مو شنو السالفة !! أوباما خابرني وكللي بس توصل للمطار انطيني خبر !! وآني نسيت أخابره ,, كلت باوع هاي زعل عليهه ودزلي جماعة ,, والله سالوني كم سؤآل عادي وجان يكولولي أهلا وسهلا بيك بالولايات المتحدة وكملت الأجرآءآت وبعدين خابرت على الكفيل مالتي وأجاني أخذني وجان وياه ولد اللي هو الكيس ووركر الخاص بينا ,, وراح يجي علينه باجر أنشاء الله علمود يكمل أوراقنا ويجهز السكن والأجرآءآت المتبقية وأنشاء الله أبقى وياكم واذا اكو اي تفاصيل جديدة,, تحياتي للجميع وأعذروني تره كلش تعبان من الرحلة والوقت تغير والوضع كلش تغير علينه وشيكاغو كللللش باردة ,, بالسلامة ونبقى على تواصل

الحمدلله على سلامتكم  وإن شاء الله بالموفقية والنجاح وتسهيل الأمور يا رب

الحمدلله على السلامه اخي 
الله يفرجها علجميع يارب

 THANKS GOD
 

الحمدالله على السلامة و

congratulation!!!! may god bless you and your family.good luck to you.

ألف الحمد لله على السلامة وعقبالي

الف مبروك اخويه وحمد لله على سلامتك وياربي صفحه جديده في حياتك وحياة عائلتك الكريمه

اني اليوم قبطتت سنه انتضار والاس اي في جنهه صارت ابطء من اي او ام والله ملينه عموما احب اعرف الولكم مني على كل شخص لو توتال؟
بعدين عندي سؤال ثاني اني عندي 2 اطفال وزوجتي بتقديرك شكد المبلغ اللي اجيبه وياي بحيث يخليني مسيطر وما اكون منحرج او متضايق من اي شي؟

مع خالص تحياتي مودتي

ابن عمي أي واحد عنده عائلة لازم اقل شي يفكر يجيب وياه فد 3000 $ هاي بالقليل !! لأن هاي أمور دنيا ,, صحيح همة راح يساعدوك بالبداية بس ما راح تكدر تاخذ حريتك بمسالة التصرف بالمادة !! مالم أكو جوه أيدك فد مبلغ تكدر تتحرك تشتري فد شغلات همة ما راح ينطوكياها ,, جيب وياك جدورة ثنين وخواشيك ومواعين بلاستك !! وقوري مال جاي !! راح تترحملي ,, تحياتي وبالتوفيق للجميع ,, ولكل بيت اهلنا من ابو حسين الغالي عليه الى ألفا تاج راسي ,, وهم باقي وياكم على الأبديت .