**&&.... تشــــــــــــــــــــــــــــــــــــــــــــــــــــريب....&&**

الكاتب موضوع: **&&.... تشــــــــــــــــــــــــــــــــــــــــــــــــــــريب....&&**  (زيارة 4527 مرات)

0 الأعضاء و 1 ضيف يشاهدون هذا الموضوع.

Jul 14, 2011, 03:39 صباحاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
الله ماكو اطيب من الاكل العراقي , صدك تاكل بنفس.
عيني اليوم مكانكم خالي جدا, طبخت تشريب عراقي اصيل.
طبعا الطريقة بسيطة جدا جدا والوصفة بعد ابسط لانه الي يميزها هو اللحم العراقي (هرفي) يعني غنم صغير.

1- نص كيلو لحم غنم هرفي (يفضل الرقبة والساق).
2- بصل عدد اثنين .
3- فص ثوم.
4- ورق غار عدد 2 او 3.
5- قرنفل بسمار عدد 2 او 3 .
6- عود دارسين
7-هيل حبة او اثنين.
8- بطاطا عدد 2
9-ملح وفلفل حسب الرغبة.
10- نومي بصرة عدد 2او 3.
11_ خبز عراقــــــــــــي

الطريقة:
ناخذ اللحم بعد مانغسله ونشفه نرش علي ملح وشويه فلفل اسود,نخلي بجدرية تيفال بيه شويه زيت طعام على نار هادئة, نقلب اللحم الى ان تتحمر من كل الجهات, نرفع اللحم من القدر ونخلي بصحن على صفحة , ونخلي بنفس الجدر البصل بعد ماقشرنا وقطعنا والثوم والهيل والقرنفل وورق الغار والدارسين والنومي بصرة نضل نقلبه الى ان يتحمر البصل,بعدين نرجع اللحم للجدر, قبله احنه مفورين ماي نضيف الماي على الجدر ونخلي الجدر يفور على نار هادئة لمدة نصف ساعه, بعدين نفتح الجدر ونخلي البطاطا الي قشرناها وقطعناها مربعات ونجيك الملح والفلفل اذا رادله بعد, نخلي على نار هادئة طبعا الجدر مغطي باحكام الى ان تستوي البطاطا واللحم زين انطفي الجدر.

نجيب طشت  :-\ العفو قصدي كاسة جبيرة  :-D نقطع الخبر الى قطع بكد راحة اليد او اكبر بعدين انصب التشريب على الخبز واكلو بالعافية ولاتنسون الطرشي والبصل.

وبعدين وراها اكيد جاي.

ملاحظة: الي يريد ميخلي بطاطا بكيفة, طبعا اكو يخلون حمص ايضا كلش طيب, واني للسهولة اجيب حمص معلبات يعني مطبوخ وقبل مايستوي اللحم واطفي الجدر اخلي الحمص وفورة وحده وكافي.

تحياتي

Jul 14, 2011, 05:28 صباحاً
الصديق الوفي
  • *
  • مشاركة: 3222
  • مقيم في: us
  • تقييم 35
  • الجنس: أنثى
هذا يمه احنا انسميه آب كوشت اللي انخلي بيه حمص اصحاح ، اتعيش ايدك كلش طيب .

Jul 14, 2011, 06:09 صباحاً
ســرى
  • *
  • مشاركة: 1646
  • مقيم في: 00
  • تقييم 31
  • الجنس: أنثى
هيييييييييييييييييييه هذا نفس التشريب اني اسويه واخلي الحمص واخلي البتيتة بس اقطعها شوية اصغر يطلع يم يم  ::)


عاشت الايادي

Jul 14, 2011, 02:31 مساءاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
هذا يمه احنا انسميه آب كوشت اللي انخلي بيه حمص اصحاح ، اتعيش ايدك كلش طيب .

هلو خالة ام عليوي, ايدج العايشة, الف عافية هنيئا, هذا آب كوشت بالفارسي على ماأعتقد, اني هم عندي اكلات فارسية بس اخاف اجيب اسمه وأنزل الوصفة بعدين يكولون عليه ايراني عميل :D

Jul 14, 2011, 02:32 مساءاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
هيييييييييييييييييييه هذا نفس التشريب اني اسويه واخلي الحمص واخلي البتيتة بس اقطعها شوية اصغر يطلع يم يم  ::)


عاشت الايادي

خيه سرى الكلوب سواجي, الف عافية هنيئا, ايدج العايشة.

Jul 14, 2011, 11:16 مساءاً
الصديق الوفي
  • *
  • مشاركة: 3222
  • مقيم في: us
  • تقييم 35
  • الجنس: أنثى
هي صحيح أكله أيرانيه ومعناها (مي لحم) آب بالايراني مي وكوشت لحم ، اكو هوايه اكلات ايرانيه طيبه ، وهاي ايسموها ثقافه عامه ما الها علاقه بالسياسه يمه ، يمه اذا تعرف كبه حلوه هاي اكله ايرانيه كولي عليها لأنه كلش طيبه رحمه لوالديك يمه .

Jul 15, 2011, 06:05 مساءاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
هي صحيح أكله أيرانيه ومعناها (مي لحم) آب بالايراني مي وكوشت لحم ، اكو هوايه اكلات ايرانيه طيبه ، وهاي ايسموها ثقافه عامه ما الها علاقه بالسياسه يمه ، يمه اذا تعرف كبه حلوه هاي اكله ايرانيه كولي عليها لأنه كلش طيبه رحمه لوالديك يمه .

راح احاول اللكيه واسويه .. بس عندي اكلة ايرانية مفاجئة اذا الله كتبنا حيل راح انزله .
تحياتي

Jul 15, 2011, 07:42 مساءاً
الصديق الوفي
  • *
  • مشاركة: 3222
  • مقيم في: us
  • تقييم 35
  • الجنس: أنثى
الله ينطيك الحيل والصحه يمه ، ردتك سالم .

Jul 15, 2011, 10:47 مساءاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
هممممممممممممممم
اجاااا التشريب وخروا ليغاااااد
عاشت الايادي اخ ياهوووو
ولو هذا بي فقر دم  :s
اني احبه احمر طووووخ
واذا وياه بيتنجان هم لاباس :D
عيني ياهو هاي المواهب الحلوه وظفلنياها في رمضان
بس مااوصيك مو تكتبها بالنهار
اكتبها بالليل من نكون متخومين وعينا شبعاااانه :D
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jul 16, 2011, 01:09 صباحاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
هممممممممممممممم
اجاااا التشريب وخروا ليغاااااد
عاشت الايادي اخ ياهوووو
ولو هذا بي فقر دم  :s
اني احبه احمر طووووخ
واذا وياه بيتنجان هم لاباس :D
عيني ياهو هاي المواهب الحلوه وظفلنياها في رمضان
بس مااوصيك مو تكتبها بالنهار
اكتبها بالليل من نكون متخومين وعينا شبعاااانه :D

ريومة خيتي العزيزة , والله افتقدتج , هاي انت وين واني اكو :-D
هذا التشريب الاحمر سالفته سالفة وام العيال اطيب تشريب احمر اسوي. بس شلون اسوي يابا يابا , مثل مالت السوق بشيخ عمر وبالشورجة , جانوا التجار الكبار اكلهم كله بره من السوق اكو مطاعم بسيطة بس عظيمة بطبخه, اتصوري يتريقون تشريب, وعندج الحساب. ???

Jul 16, 2011, 10:03 صباحاً
BaghdadGhost
  • *
  • مشاركة: 3501
  • مقيم في: us
  • تقييم 55
  • الجنس: ذكر
    • بيت اهلنا المغتربين
اغاتي اننبح حسي من ورة السؤال على طريقة عمل التشريب و ياهو التحجي وياها تسوي كلاص مي مو تشريب ,, ميدرون اني مبتديء بالشغلة هاي ههههههههههه  :(


عاشوا عالموضوع
Confidence comes not from always being right, but not fearing to be wrong

Jul 16, 2011, 05:59 مساءاً
الصديق الوفي
  • *
  • مشاركة: 3222
  • مقيم في: us
  • تقييم 35
  • الجنس: أنثى
يمه شبح ، موتدلل ، اشتري فد نص كيلو لحم غنم  لو كيلو بكيفك وخليه بالجدر وخلي شويه زيت واحمسه ومن اتشوفه يحمر خليله مي فد تلترباع الجدر الجدر ومن يفور نصي الحركه ورا نص ساعه شوفه اذا شويه استوى خلي راس بصل مقطع اربع اقسام وخلي الملح والكركم ونومي بصره وهم عوفه فد ربع ساعه ورا الربع ساعه جيب حمص وضيفله ( حمص مطبوخ معلب ) وعلى كيفك كلبه حتى الحمص لاينمرد واتركه دقيقتين على النار حتى الحمص ياخذ طعم التشريب ، والف عافيه يمه
بس يمه حضر الخبز كبل التشريب يعني اشتريه حتى تكمل الغدوه لو العشوه، بكيفك .

Jul 16, 2011, 09:11 مساءاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
ريومة خيتي العزيزة , والله افتقدتج , هاي انت وين واني اكو :-D
هذا التشريب الاحمر سالفته سالفة وام العيال اطيب تشريب احمر اسوي. بس شلون اسوي يابا يابا , مثل مالت السوق بشيخ عمر وبالشورجة , جانوا التجار الكبار اكلهم كله بره من السوق اكو مطاعم بسيطة بس عظيمة بطبخه, اتصوري يتريقون تشريب, وعندج الحساب. ???

اخي ياهوووووو هاي انت غير عتييييييييك

زين مدام انت اختصاص اكلات round the world

تعرف اكلة النون جربي :x :x :xهاي اكله ايرانيه
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jul 16, 2011, 10:36 مساءاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
اغاتي اننبح حسي من ورة السؤال على طريقة عمل التشريب و ياهو التحجي وياها تسوي كلاص مي مو تشريب ,, ميدرون اني مبتديء بالشغلة هاي ههههههههههه  :(


عاشوا عالموضوع

جزيل الشكر على مرورك الكريم, واني متاكد انت راح تكون شيف مضبوط بعد ماورطوك بسيت التيفال
هههههههههه
تحياتي

Jul 16, 2011, 10:41 مساءاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
اخي ياهوووووو هاي انت غير عتييييييييك

زين مدام انت اختصاص اكلات round the world

تعرف اكلة النون جربي :x :x :xهاي اكله ايرانيه

هلو خيتي ريومة شلونج ,,,ترى اخوج ياهوووووو بعده شباب هستوه دخل بالثلاثينات.
هاي شنو النون جربي :-\ رجـــــــــــــاءا بله غلط :s :-[
تحياتي :-D

Jul 17, 2011, 01:26 مساءاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
هلو خيتي ريومة شلونج ,,,ترى اخوج ياهوووووو بعده شباب هستوه دخل بالثلاثينات.
هاي شنو النون جربي :-\ رجـــــــــــــاءا بله غلط :s :-[
تحياتي :-D

اخي ياهووووو ان شاء الله العمر كله
مو دتحجي من جانوا التجار يتريكون تشريب وبالشورجه كلت هاي جايبها من الارشيف القديم
واني هم رحت جبتلك اكله قديمه من الارشيف العراقي المخلط
وهاي مو من مسلسل قالت لي ماما لالا هاي من مسلسل حكتلي جدتي :x :x

هوه من اسمه نون يعني خبز فهم نوع من انواع التشريب مالت اللحم
بس يصير لونه اصفر كلش يخلوله كركم وزعفران وحمص صحاح هوايه
ومن صفااره بحيث يصبغ الايد وقطع لحم كبار وبعد ميستوي ينثرد الخبز بالجدر وينترك شويه يتهدر وينصب بطشت جبير ويجيتووووووون بنصه خخخخخخخخخخخ
هاي الاكله مختصين بيها اهل العماره اكثر شي لقربهم من ايران
بلكت خاله ام علي سامعه بيها لان اني ماكلتها من زمان من جنت نونو  بس اتذكرها كلش طيبه
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jul 17, 2011, 10:12 مساءاً
ســرى
  • *
  • مشاركة: 1646
  • مقيم في: 00
  • تقييم 31
  • الجنس: أنثى
ريومة الخبز (نان) حبي هاي هنا تعلماناها من المحلات الايرانية Naan طبعا الافغان هم يسموه نان

Jul 17, 2011, 10:52 مساءاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
سراوي متعرفين هذا عجمي عراقي :x انتوا الي يمكم عجمي امريكي خخخخخخخخخ
لا حبي جدياتي هوه الخبز عدهم نون ونان حسب اللهجات وحتى اذا تطلعيها بالترجمه هم ينطيج نفس المعنى
والي بالعراق يسموا نون :s وهيه هاي اكلتهم نون جربي يعني خبز بالدهن او دهن الخبز
وجانوا من يذبحون ذبيحه يسلكوها على الحطب ويخلولها هاي الشغلات الي تسويها صفره والحمص
هيه اكيد احدى تحويرات التشريب لان نفس الصيغه بس طعمها يختلف لاختلاف البهارات
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jul 18, 2011, 12:23 صباحاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
عاشت ايديج ريومة , نعم هذه الاكلة اعرفه ومسويه, بس خيتي بيش مثقال الزعفران :-X :'(
طبعا ذكرتيني بسمر بالخليجي هاي اماراتية وامه ايرانية اكثر طبخه ماخذته من الايراني, واكيد الطبخ الايراني طيب لانه بي هوايه مطيبات وبمقدمتهم الزعفران , هم حتى للقيمة يخلولها زعفران, بس الي موجود بالسوق كله جذب مو زعفران , نبته او بلسم واسمه الحقيقي عصفر ويبيعوا على اساس زعفران.
مرة شفت برنامج على الزعفران, طبعا هي بلاسم مالت الورد ,وكل ورده بيه 2 او 3 بلسم  فتخيلي كم وردة حتى اسوي كم غرام زعفران.

تحياتي

Jul 20, 2011, 02:26 صباحاً
ريم عبد
  • *
  • مشاركة: 1735
  • مقيم في: iq
  • تقييم 31
  • الجنس: أنثى
اي طبعاااا اخي ياهوووو اني هم اتابعها لسمر بالخليجي
وكل اكلها ايراني وميعجبها تخلي بي زعفران :s هاي من تريد تشاقه تخليه عبالك ملح
وهوه ييبيعوا مثل الذهب بالغرامات ???وهاي من يروحون اهل العمره نوصيهم من السعوديه علمود اصلي بس يوجع القلب مو مال ينحط بالطبخ
وعدهم الزريشك يستعملوااا بالطبخ بي حموضه شويه وبالشمال يبيعون الغرام ب50 الف
[ماأنسى بغداد بيتي وصلاتي وطني
الحلوه بغداد مولدي عرسي وكفني
]
{وقد يجمع الله الشتيتين بعدما. ظنا كل الظن ان لا تلاقيا}

http://www.youtube.com/watch?v=DMW1lANAOsA

Jul 21, 2011, 03:30 صباحاً
عراقي كراديكاتب الموضوع
  • *
  • مشاركة: 297
  • مقيم في: 00
  • تقييم 9
  • الجنس: ذكر
اي طبعاااا اخي ياهوووو اني هم اتابعها لسمر بالخليجي
وكل اكلها ايراني وميعجبها تخلي بي زعفران :s هاي من تريد تشاقه تخليه عبالك ملح
وهوه ييبيعوا مثل الذهب بالغرامات ???وهاي من يروحون اهل العمره نوصيهم من السعوديه علمود اصلي بس يوجع القلب مو مال ينحط بالطبخ
وعدهم الزريشك يستعملوااا بالطبخ بي حموضه شويه وبالشمال يبيعون الغرام ب50 الف

اي عفيه ريومة هذا الزربشك ماادري شسمة جماعتنه يسمونه زرشت هذا الياقوت الاحمر ههههههه يخلو فوق التمن,ومرة استخدمته اني بطبخة فارسية انشاء الله فد يوم انزله ,  بس مرة اكلت كبة حلب ولو اني ما احبه بس خالين من هذا بس شكيد طيبه ,خيه ريم خلينه على الثريدة ماادري المثرودة رحمه لوالديج , هي نكع خبز ونفركعله شويه دهن وبصل وابوج الله يرحمه. ههههههههه

كلمات بحث :
 


free counters